رواية ناديه الفصل الرابع والستون 64 بقلم انين الليل

سراج 

من سمعت كلام رضا دست ع البانزين بكل قوتي ما انتبهت ردت اگلب السياره لو ما لطف رب العالمين 

بحيث رضا چان يسوق ورانا وگف وهو خايف علينه نزل واجه يركض // خيير عمي شصاير 

باوعتله وگتله ::ما كو شي شويه تعبان وما سيطرت ع السياره 

زين خلي عمي يسوق ابمكانك

باوعت الرضا وغمضت عيوني :: والله عمك اذا ساق ينزلنه ع الترابي رووح انت گدامنا وانا وراكم 

رضا //يعني ما كو شي 

هزيت راسي ::لا بابا ماكو شي لا يظل بالك 

رضا وهو اياشر على سيارته // ما سمعت العيطه مالتهن 

ابتسمت وگتله ::ادري روح هسه طمنهن واطلع گدامنا

راح رضا وركب سيارته وطلع گدامنا بعد ان دگلنه هورن واشوف شلون صار ايباوع النه بخوف 

بقيت واكف ورضا شعل جكاره وگلي //ما تحرك 

هزيت ايدي :: شحرك انا جمدت بمكاني رضا ما احرك اذا ما اعرف كل شي 

رضا //اهوو شلون طلابه سراج اركب خلي نمشي 

:: رضا عبالك اتشاقى اريد اعرف كل شي بعدين من يمته انت تضم عليه

رضا //سراج الي تريد تعرفه عرفته انا وسكنه متزوجين ومن زمان ومحد يدري بس ابوك الله يرحمه 

:: ااه هالنوب ابوي شلون فهمني 

: خلي نلحگهم يمعود لايرد رضا علينه 

:: لا مو هو اليرد امه تگله ارجع شوف شصار بيهم وهي گلبها عليك

رضا غمض عيونه وگال //تتذكر من گتلك انت تركض وره السراب والماي يمك واثنينهن نفس الشي تره انا 

(واشر على نفسه ) انا هذا ياصاحبي 

:: شلون ابو علي 

هو اتحسر وصار يدخن وگلي //من رديت ومشيت عليهم وفصلتهم وبوكتها رديت الجهال الامهم اشتريت 

الگاع كلها منهم لان ابنهم الرفيق ما مخلي طيب بگلب واحد فالكل يدورونهم ويردون ايكتلونهم عاد انا اشتريت 

الگاع وهمه اخذو الفلوس وراحو الغير ولايه

هزيت راسي :: ايي هاي ادري بيها لان انا بوكتها وياك :

رضا // صحيح بعدها قررت اشتري بيت الرضا ومريم وامهم وهذا البيت ليش الچذب ردته السكنه الي كل :

شي ما حصلت لا من رجلها ولا من اخوها بس القهر والهضم واللومه

:: اللومه منين 

اتحسر رضا // من انكتل اخوي امي صارت تلوم عليها لان اخوها القانل ومن انا كتلت اخوها اهلها لامو

عليها لان عم جهالها القاتل شوفها هاي اتحملت مآسي وضيم 

جاوبته بقلة صبر ::ايي وتالي اريد الزبده 

رضا //من اشتريت البيت وديت ناس على اهلها وصار الاتفاق يمته ما نريد الجهال ندز واحد من ولد عمنا 

الطرفين ايجيبهم اشوفهم وهي بالبدايه اجرت البيت وبقت گاعده ويه اهلها بالولايه الشالو الها بس نسوان

 اخوانها هواي اذوها عاد اجت وياها امها وابوها وگعدو بالبيت بس تالي راحو لان هم اتهددو

باوعتله ورفعت حواجبي :: و اتصور الي دزلهم التهديد انت 

رضا // ما علينه بيوم اجوني رضا ومريم حتى اشوفهم ومن سالتهم گالي رضا انو خاله الچبير اجه وصار 

يضرب بامه وهي بس تبچي وگاللها اموتج لازم ترضيين

—- - انا ما عرفت شني قصده بكلامه رحت على ابو حسين وخليته ايودي اخته تستفسر وعرفت 

اخوسكنه ايريد ايزوجها

 وهي ما ترضى بس هو كاتلها وماذيها بذاك اليوم ما غمضت عيني وره اسبوع طلبت من بت عمي 

تسوي زياره 

مثل الحمله وتاخذ سكنه والجهال ومناك انا رحت ويه ابو حسين وعليه اختي الي سوت روحها جايه 

للزياره وهناك 

متلاگيات عاد عليه اخذت الجهال بحجة تشتريلهم وگالت الها روحي زوري راح اخذهم نتسوك 

ونرجع لهنا

- - - سكنه راحت تريد تزور وبدون ما تحس بيه كضيتها من ايدها واخذتها وعقدت عليها ما گدرت 

تفك حلگها وگتلها لو اخذج لو اكتلج واكتل روحي واهنا وطلعت سلاحي الي بعدني ما مسلمه للامانات

- - - هي من شافت السلاح عرفت اسوي كل شي گالت ارضى تعقد عليه بس ما تجيسني ومحد يدري للموت 

ومن سالتها ليش ردت عليه

انا احبك واريدك وما اريد احد يجيسني واخوك من اخذني شبعت ضيم واتحملت كل شي على مودك 

بس انا اطلبك ثار كتلة اخوي وعيب عليه اصير مرة كتال اخوي حتى لو چان هو روحي من الدنيا

- - - بذيچ اللحظه بچيت وما دريت بنفسي عقدت عليهاوانا كاظ ايدها وره كل هالوكت واخذتها للفندق لان 

حجزت بي غرفه وهناك اتزوجتها ايي سراج اتزوجتها شرعي بذيج اللحظه انا حييت بس هي ما رضت 

وگالتلي 

بعد هذا فراگنا ما تلزم شعره مني انچان سكتت خفت من الفضيحه بس بعد اذا عدتها احرك روحي

اتنفست حيل ونفخت وسالته ::ولو مو من حقي وعدتها 

رضا //ايي ليش الچذب حاولت اكثر من مره بس شوفة عيني تذب النفط على روحها والجداحه بايدها 

سالته :: اذا هي ما تريدك ليش قبلت تگدر تگول ما قابله 

رضا // ادري سراج تكدر كل شي تسوي بس هي قبلت حتى ما تاخذ واحد غيري

هزيت ايدي وضحكت باستهزاء :: وهسه انت تگعد وتسولف وتاكل وتشرب بصفتك بس عم ابنها وبتها 

هز راسه //ايي سراج 

::وراضي 

رضا //كافي عليه اشوفها واسمع صوتها 

::ولك رضا انت مخبل واكبر مخبل 

رضا // ايي ادري بس ما طول حضنتها وحبيتها وشميتها كافي عليه سراج انا احب سكنه احب نفسها وطولها 

ومشيتها احب سالفتها وضحكتها واهم شي ما اخذت احد غيري

::واهلها رضا 

وديت عليهم ناس واتصالحنا خصوصا وانا حميت بيتهم وحلالهم بس هم بقى بيناتنا برود 

::والى متى تبقى هيج 

رضا // هذا هو قانع وعلى گلبي مثل العسل بقى انت سراج 

باوعتله وانا احك بحنچي ::اي بدل مثل كل مره 

رضا // انت لا تبدل سراج انت هسه كل شي عرفت وجاي اكلك انا قانع وهي هم قانعه وراضيه 

 واول وتالي مردها الي بس انت سووي چاره النفسك

سالته :: شسوي رضا شسوي 

رضا // تحبها مو 

باوعتله وجريت نفس وهزيت راسي وگتله :: تؤ مو احبها اتنفسها بگل دگة گلب ومو هسه من اول لحظه 

صارت بيها

رضا //انا خو عليه وليش ساكت الهسه ما تتحرك 

خليت ايدي على حلكي :: عليك الله كل هذا السويته وتگلي ما تتحرك رضا انا ادمرت بحبي الناديه 

رضا // شتحچي صدك بس هي الي شافته مو قليل

هزيت راسي :: هسه عرفت ليش تدافع عن ناديه لان الاخ طلعت مو بس عاشك لا ومتزوج 

رضا // شوف سراج كل انسان عنده ذرة مروه يتعاطف ويه ناديه شنو يعني واذا امها كتلت 

ابوها هي شنو ذنبها 

هزيت راسي :: فعلا لكن خلي ابالك مجتمعنا ما يرحم 

رضا //وشناوي. تسوي سراج 

جريت نفس :: والله ما ادري رضا بعدني ما اگدر اقرر

رضا // محد ايلومك بس اتذكر انت سندها الناديه بعد رب العالمين والي سويته بس الزلمه الي من 

ظهر زلمه يسوي وانت سبع وابوك خوش رجال 

:: الله يرحمه 

رضا //اي والله الله يرحمه ابو سراج ياريته چان موجود 

::والله طلعتو مو هينيين انت وهو الله يرحمه تقررون وتنفذون وانا ما ادري 

رضا //اي ليش الچذب لو ما ابوك خلاها على ايدي اخذ سكنه

::بشرفك 

رضا هز راسه //اي بشرفي گلي لحك روح واعقد عليها وحتى من يدرون اهلها يسكتون انت 

ابن عمها وعم جهالها واولى بيها ومن گتله خاف ما ترضى 

جاوبني // انت تحبها وهي تحبك رووح واعقد عليها اجبرها انت مو تحبها هددها وهي تقبل

هزيت راسي لان اتذكر ابوي الله يرحمه من چانت امي تحچي وتگلي روح رجع سجى چان يصيحلي ويگلي 

ابد لا ترجعها لان تتعب وتعبها 

وانا ارد علي ::بابا سجى هي الي تعبتني 

ابوي يهز راسه ويگلي // تدري ليش متعبتك لان تدري بهذا( وياشر على گلبي وراسي ) وهذا ما عايش وياها

واسال ابوي ::شنو قصدك 

ابوي يجاوبني //لا تتذاكى عليه سراج بس تدخل الكليه اعقد عليها وما عليك بكل شي 

انا اسكت وهو يتقرب عليه ويگلي //ها سراج ما سالتني مني هي معناتها انا حدسي بمكانه اعرف 

بيك من اول يوم صارت بي تحبها وادري كل الي سويته على مودها

سالته :: بس ما معقوله لازم نفسك عنها 

رضا جر نفس // مرات اجي مثل الحرامي من اشوف ابنها ومريم يطلعون اجي احضنها بس 

هي صادتني 

  :: والى متى 

دمعت عيونه // هذا هو ما اخلي بخاطرها كافي الضيم الشافته 

حتى انا نزلت دمعتي واتذكرت ضيم ناديه وقهرتها صار ليل وطلعنه كبل انا ورضا حتى ما قبلنه ننزل باحد

دور الاستراحه على الرغم من انو رضا والويا نزلو

انا كتبت الرضا رساله احنه طالعين قبلكم البغداد وصلنه انا ورضا تقريبا الساعه قريب 12بسبب التفتيش 

والازدحام رضا باوعلي وگال 

هسه يظل بالهم ليش ما مرينه 

::لا لان كتبت الرضا گتله طالعين البغداد عدنا شغل 

رضا // ها خوش اگلك سراج يو انت تبات يمي يو انا ابات يمك

ابتسمت :: هو بدون ما تگول رايح البيتي وماخذك وياي الصبح اروح اشوف امي واروح للدائره 

رضا // ايي وانا هم من زمان عن المحل 

وصلنه وكل واحد اخذ حمام وغير ملابسه رضا نام بالصاله رغم وجود هواي غرف بس هو متعود كل ما يجي 

ينام بالصاله وانا رحت للغرفه اتمددت على فراشي وفتحت النقال شفت رساله من ناديه تسالني

... ... ليش رحت البغداد شصاير 

كتبت الها ::ما صاير شي بس من زمان عن الدائره

.... ... الحمد لله نام حتى باچر تروح الدوامك نشيط 

:: هههه يا باچر الساعه قريب الوحده يعني دنيا الصبح 

... ... اي بس بعد بيها مجال تنام 

:: اي ان شالله بس اتمنى انتي تنامين 

... ... بهالوكت صعبه اصلا نسيت النوم بهالوكت

ردت اغير الموضوع كتبت الها ::صدك اتذكرت انتي ليش دزيتي تسجيل افراح القيس كان ممكن بس اتدزينه الهادي 

... ... ها وليش 

::لان قيس سمعه بس يمكن ما انتبه العلاقة توفيق ويه هديل ولاتنسين راح هديل تنظر اكثر 

... ... ههههههه منين تنظر من هادي مثلا 

::لا من قيس

... ... حتى قيس ما اله شغل بهديل انا من دزيت اعترافات افراح حتى قيس كل ساع يسمعهن 

وما يفكر بيوم من الايام يگول اختي زينه واختي شريفه والتهمه اتلفقت الها 

::لا ناديه ما اتصور قيس هيچ يحچي 

... ... بس انا كل شي اتصور اعتقد الظروف كفيله تغير قيس وغيره 

::وعلى اي اساس بنيتي اعتقادج

بقت فتره متصله بس ما جاوبتني بعدين صارت تكتب ... ... اكو ناس تعتبرهم سند وظهر وباول غلطه تشوفهم 

يكسروك ويطلعون دفاترك القديمه ويصيرون يعيرون ويهددون ويتشفوون الانسان بطبيعته ما ينطي عذر بس 

للاشياء الي يريدها والي يحس بيها تنفعه وتخدمه 

::ولو كلامچ كله الغاز لكن احيانا الانسان يكون مغلوب على امره ومنهزم 

... ... ايي هو انا من دزيته لان قيس منهزم ومحبط ايجوز من يتوازن ايعيد حساباته

جاوبتها ::صحيح ولازم الكل ايعيد حساباته 

اتفاجات بردها ... ... وانت اولهم 

::اني 

... ايي انت 

عرفت ناديه شايله مني من تصرفي وياها من اخذتها المزرعة رضا جاوبتها 

::اكيد راح اعيد كل حساباتي مو انتي خليتيني ولي امرج

هي سكتت ما جاوبت وانا هم ما حبيت الح عليها اكثر سالتني 

... ... بالطريق شفت السياره رادت تنگلب الحمد لله على سلامتك 

::ايي تعبان وما سيطرت عليها شنو خفتي عليه 

هي ردت ... ... مادام تعبان ياالله نام وارتاح مو وراك دوام 

:: راح انام وانتي ياريت تناميين 

... ... بعد وكت هسه ما اگدرانام

::حاولي 

... ... ان شالله تصبح على خير 

::ندووش 

يمكن اتفاجات ما سامعه هاي الكلمه مني من زمان ما ردت كتبت الها 

::انتي وياي 

... ... اي عم...اي وياك 

::لو شنو يصير ما اتخلى عنج ابقى القاعده الي لازمتج

هي ما جاوبتني وانا بصراحه ما ردت اكتب الجمله الاخيره عندي كلمه ردت اكتبها الها لكن خليتها حبيسه بداخلي

حسيت بيها بچت ولان اعرفها اكثر من نفسي كتبت الها ::ندووش لاتبچيين كل شي يتصلح ومنا وهيج ولاتردين 

على اي اتصال من اي احد بس طمني زهراء حتى ما تتصل 

هي ردت عليه ... ... حتى انت 

::اي حتى انا اريدج تنتبهين الدراسة حنين وبعدين الله كريم ماشي 

... ... ان شالله

طلعت من الواتساب وبقيت اتگلب بعدها نمت وگعدت على صوت رضا وهو يكلي// اگعد بويه سويتلك الريوك 

باوعتله وكعدت غسلت وصليت ورجعت اتريگت ويا بعدها غيرت ملابسي وطلعنا انا ورضا هو راح للمحل وانا 

رحت البيت اهلي وصلت فتحتلي الباب مرت موفق ودخلت لگيت امي على چربايتها وبيدها السبحه وصلت يمها 

ولزمت ايدها وبستها وهي حضنتني وگالت

وين چنت اشو لا تخابر ولا تسأل 

::يووم شغل عندي قضيه كلش صعبه 

الله يقويك وان شاء الله انحلت 

هزيت راسي واتقربت يمها وفتحت التسجيل بعد ان خليت السماعه باذنها هي اتفاجأت صارت تسمع اعترافات 

افراح وهي مستغربه وجهه ينطي تعابير بين المفاجئه بين التساؤل اسمعها تگول 

- - - استغفر الله الله يبلاج مثل ما ظلمتي البنيه 

- - الله لا يوفقج يا افراح 

وهواي كلام من انتهى التسجيل هي باوعتلي وگالت //هي هاي القضيه الي ماذيتك والي مخليتك ما منتبه النفسك 

وعبالك عمرك سبعين سنه

جريت نفس ودنگت گلتلي 

- - سراج ماما لا تصدك ام ما تريد الابنها الراحه والسعاده اني ما اعلمك بالعكس انت هذا (وتاشر على راسي )

هذا يوزن بلد وهو الي يعلمنا رووح ياماما الله يوفقك الحمد لله ما ضاعت تربيتنا بيك اقلها ما ترضى بالظلم 

ومثل ما سويت وساعدت هاليتيمه الله ما راح ايتركك 

حضنتها وبچيت هي خلت ايدها على ظهري وگلتلي //منو هذا اليبچي سراج حبيبي ياالله ابچي بحضن امك 

وارتاح اهمومك كلهن خليهن بدموعك ينزلن وبعذين امسحهن

گتلها :: يووم ادعيلي 

امي //كل ساع ادعي واگول الله ينور طريقك وانا راضيه عليك بس هاي افراح الكلبه لازم تاخذ جزائها 

- - - رووح ماما رووح الناديه هي محتاجتك اكثر مني 

باوعتلها مستغرب هي هزت راسها ومسحت باديها على خدي وابتسمت وبعدين لووت اذني وهي تكول 

- - - شنو عبالك ما اعرف ليش طلگت سجى مو لان غلطت بحقك لك لا انت طلگتها لان هذا( واشرت على گلبي )

هذا ما يدك اله من يسمع او يشوف ناديه

انا باوعت الها هي هزت راسها //ليش عبالك من تتفق انت وابوك ابوك يضم عليه ابوك كل شي گايلي 

وانا ليش اچذب عليك بالبدايه ما چنت موافقه لكن بعدين عرفت انت مستحييل تتركها رووح ماما الله يهنيك

بستها براسها وايدها وحضنتها وطلعت وانا اسمع دعائها الي بالتوفيق وعرفت ابوي الله يرحمه گايللها انو انا 

احب ناديه وما اتخلى عنها لان هو الوحيد الي يعرف بيه انا احبها والي گلي لازم تتزوجها حتى تحميها 

لكن انا ما گدرت احميها وهاي الغصه الي راح تبقى بصدري العمر كله انا ما گدرت احمي ناديه

طلعت ركبت بالسياره ورحت للدائره وباشرت شغلي طبعا للمعلوميه انا حتى بقضية

 ناديه وسفري المتواصل اباشر شغلي بقيت اسبوعين وانااتصالي برضا وامه سكنه اسال عن ناديه ودراسة 

حنين بهاي الاسبوعين ما اتصلت باي احد كرم اتصل عليه اكثر من مره وانا كتبت الزهراء مشغول لا تتصلين

 ردت اخذ فترة هدوء وتفكير بعدها عرفت بان رضا ومريم كملو امتحانات وصار لازم يجون ويه ناديه وحنين 

للبيت الي اجره علي والي خليته يفرشه ويشتريله كهربائيات واثاث

قررت اروح قبلهم اشوف البيت وبعدها اتصل يجون واكيد من اروح يجي وياي رضا 

وسافرنا وصلنه بيومها بعد الظهر اتغدينا ورحنا ويه علي حتى نشوف البيت واذا كان بي نقص حتى انكمله بعدها 

خابرت رضا گتله يجيبهم ويجوون 

وفعلا ثاني يووم وصلو بعد الظهر چنا انا ورضا گاعدين ننتظرهم لمن ما خابروني حتى ادليهم واجو وصلو سلمو

 وگعدنا شويه بعدها اشرت الحنين وگتلها

:: ذيج غرفتج ابحدج تقرين بيها وناديه ومريم وام رضا بغرفه ورضا هناك غرفته 

حنين // وانت عمو انت وعمو رضا وين غرفتكم 

باوعت الناديه:: عمو انا وعمج رضا يومين ونرجع لا تشغلين بالج نگعد بالديوان او يم رضا بغرفته 

المهم انتي تشدين حيلج 

رضا //ايي عمي حنونه شدي حيلج نريد نفرح بيج

هي لمعت عيونها وباوعت الرضا الي كان يباوع الها بشغف باوعتله وگلت 

::ما اوصيك عمي انت راعي الحرم اذا انا وعمك ما موجدين 

رضا //گدام وجهك انت بس آشر 

::الله يحفظك الشبابك 

اتصلت بكرم :: الو اشلونك ابو مرتضى

  كرم // هلا بيك سراج ما تگلي انت وين 

:: ليش شصاير 

- - - عمتك ياخي خبصتني اريد سراج دورو اليه عبالك جاهل طالع ابايسكل وخاطفينك 

:: ههههه ومنو الخاطفني لا تگلي بت عمتك 

ما خليته يحچي گتله :: شويه وجايكم 

اتقربت ناديه وگالت ... ... اروح وياك اشوف بيبي جميله

باوعت وهزيت راسي ::لا هسه لاترحين

باوعتلي ... وليش 

خزرتها هي دنكت جاوبتها ::لان صار اكثر من اسبوعين انا ما فاتح خط وياهم ولا اعرف باخبارهم لان ما 

يهموني بس لازم اروح اسال على عمتي 

هي سكتت وصارت تعض بشفتها الجوه عضات خفيفه عرفت تريد تشوف ردة فعل كرم وابنه اتقربت منها وگتلها 

:: حتى لو قبلو بلي شافو فاعتبريهم قطرات من مطر ماتسقي الزرع لا تروح للمجاري وتصير جراثيم

باوعتلي بابتسامه بيها حزن وهزت راسها بالموافقه 

ردت اطلع گتله :: رضا عود جيب للبنات عشا من المطعم لا اتعب امك 

اجه يمي وكال // عمي من رخصتك يردن يرحن للحديقه هناك يتعشن 

ام رضا باستغراب // عود صدك ما تعبانات 

مريم /بابتسامه //شلقصه حجيه هسه ناخذ قيلوله وبعدها نكعد تكولين حصن ريسزز

الكل ضحك ورضا خزرها وامها اتقربت منها وگلتلها // هم زين مو انا الحاچيه هذا الكلام چان گلتي 

ماما شنو ليش ما تثقفين(هزت ايدها ) ال الله والثقافتج 

مريم اتفشلت خطيه ظل وجهه فالت انا گلت الرضا ::ياالله على گولة مريم اخذو قيلوله واطلعو 

بس ها (باوعت الحنين )اخر طلعه قبل الامتحانات بعد تنسين الى ان تكملين امتحاناتج

اجت يمي وردت //والله عمو اسال خاله كله ادرس فني اذا رفعت راسي من الكتاب كلها تگب عليه 

ابتسمت ::عفيه ياالله انا اروح وانت ابو علي وين تخلصها 

رضا // اي اطلع وياك عدي شغله يم جماعه 

ناديه ... ... وخاله سكنه تبقى تروح ويانه 

   لا تعبانه من الدرب ما بيه حييل 

      ... ... شنو تبقيين ابحدج 

    روحو ما عليه شي 

ناديه ... ... لا خاله انا ابقى يمج

حنين // لا ناديه ما اروح اذا ما تجين ويانه تتونسين 

رضا //كلنه نروح واذا على امي ما عليها شي 

سكنه // ما عليكم بيه روحو ارتاحو وبعدها اطلعو ياالله 

هزيت راسي :: زين يابه وانا احاول ما اتاخر وانتم هم لا تتاخرون

طلعت رحت البيت كرم حسيت بفرحت رضا لان راح يبقى ويه سكنه وهم بفرحة حنين لان راح تروح للحديقه 

وتلعب بالالعاب خصوصا وياها مريم ورضا وصلت رضا سالته ::وين تنزل 

بالسوك 

شكو 

ما عندي شي بس اريدهم يطلعون 

 ابتسمت بخبث :: ها افتهمت

نزل رضا وقبل ما اوصل البيت كرم خابرته ولكيته منتظرني تسالمنا ودخلت للصاله 

واجت ام مرتضى سلمت عليه واجو اولاده سلمو بعدها اجت جميله وهي تمشي بعكازتها وانا اتلكيتها بستها 

بخدها وهي تگلي // شبيك عمه هم انغسل حظك مثل الجماعه 

بست راسها وگتلها ::لا عمه انتي لازم تعذريني تدرين بيه عندي شغل وما كاعد

جميله // ايي صدك عاذرتك يابعد عمتك تره مو كل زلمه زلمه يصح واحد بس انا وانا ويصيح وشوفوني وتالي 

يطلع زليمه 

كرم // ها يمه قصدج منو 

جميله بنتر //اكلك كرم انت ياهو يمك لو البعبه صخل يمعمع جاي احچي ويه ابن اخوي الك غرض انت 

كرم // ها يمه وابن اخوج شنو بنظرج زلمه لو ازليمه

جميله باستهزاء // ههههه بالله انت شتگول خلي نسمعك گول گول لا تستحي 

كرم باوعلي // والله سراج والنعم منه زلمه من ظهر زلمه 

جميله //لا مو بس هيج سبع ونچر وما ينام ع العيله وشفتو شسوي مو اليوم من هو بعده توه خاطات شواربه

 شسوى بمياده وصلها للاعدام والدوله بذاك الوكت تمصلح الهذا وذاك ها وياهو الحفظ املاك المسكينات الي 

الزلم اتگاسمتهن وهنه عدلات وياهو الي لگى العصابه الي باگت ناديه وفضح افراح

انا رديت :: لا عمه شنو انا ما عليه بالعصابه ولا بافراح انا دورت عليها ايي بس مو انا لزمت العصابه 

جميله // هههههي چا گول انا ما اعرفك والله لو تحلفلي بالف نبي او وصي ما اصدك انت گاعد وساكت وناديه 

 ضايعه وداعتك كلنه ندري انت كضيت العصابه بس انغشم ارواحتنا 

تالي باوعت الام مرتضى // شني فيحاء الولد صارله ساعه من اجه لا گلاص ماي لا استكان چاي شنو 

متانيه چنتچ عشتو اتقدمه 

فيحاء // اي عمه هسه تدللين انتي وسراج

جميله. // ادلل عليمن خاف كرم راح يسحك على گرنه ويذبحله طلي الجية سراج 

جاوبتها :: جميله شبيج ويه كرم ترى ما اقبل 

جميله هزت ايدها وباوعتلي // والقبلت والما قبلت طگ راسك بالحايط 

كرم وهو عاوج حلگه // شوف بدلت عليك توچ تحمدين بي 

جميله // اي وكل عمري احمد بي 

كرم // مو توج تگليله يطك راسه بالحايط 

جميله // عدي حسبه ويا 

اجت فيحاء وجابت ماي وچاي وسالتني // سراج اشلونها ناديه وحنين شخبارهن

قبل ما اجاوب اجه مرتضى وسلم عليه ورديت علي السلام چان مبين علي الزعل وحتى التعب گعد انا باوعت 

العمتي جميله وگلت :: والله ام مرتضى البنات ابيت ام رضا بس الي اعرفه انو حنين جاي تحضر للامتحانات 

واول وتالي تجي اهنا وتمتحن 

كرم // سراج وشكم دووب يبقن عد الناس الغربه 

باوعتله وابتسمت باستهزاء :: لعد وين تريدهن يگعدن كرم

كرم // انت مو گلت ناديه طلبت من المحامي يشوفلها بيت للايجار على ما يطلع المؤجر وتريد امي تگعد وياهن 

::ايي صحيح لكن هي گالته كلام عابر يعني ما عادته عليه ولا اتصلت بيه 

مرتضى گال //. بس بقاءهن عد الناس واحنه موجودين واگفه مو صحيح عمي 

:: اكيد صحيح

مرتضى // اي خليهن يجن اهنا 

انا باوعت باستغراب :: وين اهنا 

كرم // يجن اهنا سراج ابيتنا 

:: لا شنو شيريد ايشيل البيت ما شاء الله كرم انت او ولدك ونبأ ومرتضى وزوجته بعدين لا تنسى الي 

بين هديل مرت مرتضى وبين البنات 

جميله هزت ايدها وگالت // انت صدك مسيس وما تدري بالدنيا شني مرتضى ومرته ما تدري طلگها

انا خليت رجل على رجل وبكل برود :: هاا طلگت هديل ياستار ليش 

سكت مرتضى وباوعت الكرم الي اشوفه يهز برجله سالته :: كرم عمتي تتشاقه لو صدك 

جميله // خاب شني اتشاقى شني بگدك انا واتشاقى جاي اگلك طلگها ومحد يدري ليش 

باوعت الكرم وگتله بنفس برودي :: لا كرم خطيه شنو ذنبها اذا امها طلعت رئيسة عصابه حرام تاخذوها بغلط 

امها ولو هو مرتضى يدور على الشريفه بت الحسب والنسب

كرم // سراج مو چنك تستهزأ 

شعلت جگاره واخذت منها نفس :: والله بهاي صحيح استهزأ اي والله استهزأ واستهزأ ليش نسيتو شنو حچيتو 

شنو سويتو لو هذا ابنك شگد غلط على حنين وناديه شگد عايرتو بمياده 

جميله // ايي والله بس ربك ما يقصر بسرعه طلع حوبة البنات 

كرم // هاا يمه متشمته بيه وبابني 

جميله // ليش الچذب متشمته وهوااي

كرم. // هسه انا طلعت مو خوش ادمي تره حجيه كلنه نفس الشي نسيتي شسويتي باختج مو انتي الي ما قبلتي 

بزهراء تاخذ عباس

جميله مدنگه وكانما تسترجع الذكريات //ايي صدك انا بالبدايه چنت اغار ما ادري شبيه ويه اختي بس تالي من 

شفت ابن اختي لا حقد ولا كرهني وشفته شلون اشترالك السياره من چان راتبك ما يكفيك خمس تيام بس طحين

 اشتراها الك وگلك اشتغل بيها وره الدوام ومن ردت تاخذ محل الغذائيه تاجره 

اشترا الك وگلك سدني على كيفك وبدل المحل هسه صارن اسواق وخليل الله يرحمه من اشترا البيت الابوك وبس

 اخذله عليه مره راح وگله تداور البيت باسم مرتك وابراهيم داورا حتى محد يورث بي 

انا صدك ما قبلت اطي بتي ومتندمه على السويته بس الله اله بيها اراده حتى يفضحك انت وهادي

كرم // يمه انا ما سويت شي انا بنات عباس احبهن وتدرين بهذا الشي كلش زين وابني چان يريد حنين يمكن ما 

يحبها بس ايريدها 

:: هاا وشنو الي بدل رايه 

كرم // سراج من الشفنا 

:: شنو شنو شفت 

طلع موبايله كرم وگلي // ناديه قبل يووم من اختطافها چانت اهنا بهذا المكان هاك اتفضل

شفت نفس المقطع الي مصورته افراح ودزته الامي باوعت الكرم هو استردف 

شلون تقبل اخذ الابني وحده هيج اختها 

سالته :: عاد انت گعدت ويه هادي لو ويه افراح 

جميله // خايب شني هادي هذا المربوط من اذانه لازم گعد ويه افراح وهي قررت وحچت 

جاوبتهم :: اي عمه صحيح هادي مربوط من اذانه(باوعت الكرم ) بس انت گلت ياكرم على اساس 

انتو متفقين ياسر ياخذ ناديه ومرتضى ياخذ حنين

كرم هز راسه // اي افراح دزت عليه وگالت ليش حلال عباس يروح للغربه انا راح اخذ ناديه الياسر 

وانت اخذ حنين المرتضى 

سالته ::هاي يمته كرم 

حك ذقنه وگال // قبل لا تنخطف ناديه بعشرين يوم تقريبا 

:: وانت شعجب وثقت بافراح وكلامها 

كرم // انا جاريتها سراج گلت همزين طلعت منها حتى ما توگف بقسمة البنيه

:: وتالي وره ما خطفت ناديه طلعت المقطع 

كرم // اي كالت جابته ابنيه الهديل بالكليه وهديل بايسه ايدها ورجلها بس حتى ما تحجي 

سالته وانا ابتسم باستهزاء ::وهسه كرم 

شنو سراج ؟

:: لا ولا شي حقك تسوي هيج واكثر

مرتضى اتقرب مني وگال //عمي سراج ياريت تخلي ناديه وحنين يجن اهنا وانا عد كلمتي اخطب حنين واتزوجها 

هزيت راسي وانا بگلبي شابع ضحك ::اي ليش لا ان شاء الله اخابرهن واگللهن تعالن اگعدن ابيت عمچن كرم 

كرم// ياريت سراج 

::اكيد اعتمد ابو مرتضى بس ما طول تلفون ناديه عندك ليش ما انت تخابرها 

كرم // والله ياسراج خجلان منها

:: يصير خير انا اترخص عندي شغل فيمان الله 

ابقى نتعشى 

:: لا مشكورين غير مره 

اتقربت من عمتي وبست راسها هي شاورتني// دير بالك ع البنات 

::ان شالله

طلعت من بيت كرم وانا متعجب من حقد افراح وكرهها وطمعها بقيت افتر بالسياره ورحت يم الشط وصرت 

ارجع شريط حياتي معقوله اكو ناس بهاي الحقاره خابرت ناديه وگتلها:: انا جاي 

هي انطتني اسم المتنزه طلعت رحت يمهم ولگيت ناديه والبنات ورضا وياهن منتظراتني اخذت ناديه على 

صفحه وحاچيتها على كلام كرم ومرتضى ناديه سمعت گالت 

... عم ... سراج انت بكيفك شنو تتصرف بس شغله وحده حنين هي الي تختار اذا تريد تسامح مرتضى انا ما اجبرها 

ولا ازعل عليها

::اليوم ما راح اگللها شي باچر لو وره الامتحان 

... باچر احسن 

::خاف اياثر على دراستها 

... ... لا الحلو بحنين مثل الاطفال تبچي وتنقهر لكن تنسى بسرعه 

::يعني تعتقدين ممكن تقبل اب مرتضى ؟

... ... مو گتلك يجوز تقبل هي تنسى بسرعه 

سالتها وانا اباوعلها :: وانتي ناديه ؟

هي بارتباك ... ... انا انا شنو 

:: تنسيين بسرعه 

هي باوعتلي. ... ... لو انسى ما صار هذا حالي صار اكثر من ثمنطعش سنه ما نايمه بالليل 

      جريت نفس :: منا وهيچ لازم تتعودين تنامين الليل 

    ... .... تتصور اگدر 

    ماجاوبتها على سؤالها ابتسمت :: يابه انا اروح 

... ... انتظرني سراج اروح وياك

:: وين ناديه 

... ... البيت قيس اريد اروح اشوف افراح 

::ليش مو گلنه ما نريد شماته او تشفي 

هزت راسا ... ... لا ما گلنه اسمعني سراج بكل الناس ما اتشمت ولا اتشفى لكن بافراح لو بيدي اجيب 

بوقي واجر فرقه واروح يم بيت قيس 

:: الهلدرجه 

هزت راسها ... ... واكثر 

::زين يابه ياالله امشي

اشرت الرضا وهو اجه گتله :: انت رجع البنات لاتتاخرون وانا وناديه رايحين بشغل  

اتقربت حنين //وين ناديه 

... ... حبيبتي لا تشغلين بالح بس بالمركز اكو اوراق لازم اوقع عليهن وكافي هم ياالله ترجعون للبيت تنامين 

وترتاحين وتراجعين 

حنين // اي ان شالله

:: حنونه ادري لو بيدچ تنامين اهنا بس لاتنسين بابا وراج امتحان

      حنين هزت راسها ورضا گال // نص ساعه بس نتعشى ونروح 

مريم تباوع الحنين //. لا رضاوي ساعه عفيه 

ابتسمت وگتله :: ساعه ساعه بس خلي اخابر عمك اشوفه جاب عشا لو تاخذلهم وياك 

اتصلت جاوبني رضا // ها سراج 

:: انا ويه الجماعه بالحديقه اگلك راح يجون يجيبولكم عشا 

لا سراج اتعشينا

:: زين لعد فد ساعه ويجون ادري انت ليش طالع مو خلوك بالبيت 

رضا // ها ايي طلعت اشوف المنطقه ياالله راجع 

:: تمام فيمان الله 

باوعت الرضا وگتله :: عمك جايب عشا وطالع يگول اريد اشوف المنطقه 

مريم // ههههه والله علي سوالف هالعمي كلها شهر وراجعين 

:: ياالله انتو اتعشو ورجعو لا تتاخرون 

ان شالله 

باوعت الناديه :: ياالله امشي

ركبت بالسياره وهي ركبت بصفي مشينه شويه ونزلنه بمطعم هي باوعتلي وگالت 

... ... مو على اساس نروح البيت قيس 

:: ايي راح نروح بس انا جوعان وانتي هم اكيد جوعانه 

... ما اشتهي 

ما جاوبتها دخلت وهي دخلت نمشي سووا واخذنا طاوله وطلبنا عشا خفيف وبعدين انا اخذت جكاره ورثتها وسالتها 

:: ما تردين تحچيلي على نسرين 

هي باوعتلي باستغراب 

:: ليش تستغربين ليش نسرين ما مشاركه بالجريمه 

هي جاوبتني وهي مدنگه ... ... هي نفسها الي صورتلي مقطع هديل

:: شنو المقابل 

هي كانما انلدغت ... ... والله سراج انطيتها فلوس والله 

:: اكيد مصدكج 

باوعتلي ... ليش صدگتني بسرعه 

 وگفت :: تدرين ست ناديه هديل ما اعرف افراح مراويه المرتضى مقطع خلته ايغير نظرته الحنين والي 

مفبركته نسرين 

هي باوعتلي باستغراب هزيت راسي :: ياالله خلي نروح وبعدين هاي اتصرف وياها

ما جاوبتني طلعنه ركبنه بالسياره وتمينا ساكتين وقبل ما نوصل البيت قيس سالتني 

... ... يعني نسرين مسويه مقطع مقطع شنو 

نفخت نفخات متواصله وجاوبتها :: هسه مو وكتها بعدين النه گعده وحساب

وصلنه البيت قيس وفتح النه الباب ابنه احمد بصراحه ما چنت احب اشوفهم بهذا الوضع سلمنا ودخلنه 

واجت شمس وهي مبين عليها الحزن والارتباك بعدها اجه قيس 

سلم علينه وباوع الناديه وگال // هلا بيكم ولو انا زعلان على ناديه 

هي سالته باستغراب ... ... ليش عمو زعلان عليه 

هز راسه // اي زعلان لان دزيتيلي التسجيل باعتراف ذيچ الچلبه شنو عبالج ابدل عليج وما التزم بكلامي 

لو انطيها عذر تره الگدامج ابو احمد مو هادي اليبيع امه بفلس لو كرم الي كل شويه حچايه تاخذه وحچايه 

تجيبه لا عمو غلطانه

هي دنگت بعدين رفعت راسها وگلتله ... ... صدگني عمو من الصار بيه ما صرت اثق باي احد 

عدل شماغه وگال //والله ياناديه اذا ما تثقين بيه لو بسراج صدك تطلعين بت حرام 

هي باوعت وفتحت عيونها ع الاخر هز قيس راسه وگلها 

:هسه نگول انا حقج ما تثقين بيه خلي نكول لان ذيچ الچلبه تصير اختي بس سراج واحد ما يثق بي 

سراج الي عرض نفسه او وظيفته للخطر الي شالج وانتي مكسوره وسافر بيچ بالوكت الي عمج 

اخو ابوج ما يقبل ياخذج للطبيب

شمس //ومو بس هيج ومنو حافظ على املاكهن كل هاي الفتره بس حتى ما ينطي مجال الهادي يخليهن يتنازلن 

ناديه بقت ساكته بعدين گالت ... ... عمو اريد اشوف افراح 

انا رديت :: ابو احمد وروح ابوي هي طلبت مني گالت اريد اشوف عمي قيس عندي شغله وياا 

قيس هز راسه وگف وگال // لا حقها ناديه الي سوته افراح الچلبه مو شويه ياالله

طلع گدامنا وانا وناديه طلعنه شمس كالت الناديه// شتسوين رايحه 

ناديه كالت ... ... ليش هي وين 

شمس // محد يدري وما قبل احد يشوفها

قيس دگ هورن وانا وناديه طلعنه ركبت بالسياره وقيس حرك سيارته قبلنه هو يمشي واحنا ورا لمن ما طلعنه اطراف

 البصره ورحنا الاحد البساتين الي چان بي نخل وعجول مربوطه ترجل قيس واحنه نزلنه ورا وصار يمشي 

بالبستان لمن ما وصلنه الغرفه طين بابها مربوط بسلسله وقفل انا حسيت انو افراح اهنا موجوده بصراحه ابتعدت لان 

خجلت من قيس

هو فتح القفل وگال الناديه //عمي اتذكرين لمن گتلج راح اخليها تدفع الثمن غالي ادخلي شوفيها 

دخلت ناديه وانا وقيس بقينا بره ما گدرت احچي ويا لان الموقف مو مال احد يحچي انا ابتعدت مسافه وقيس بقى 

واگف بعدها طلعت ناديه وهي تگلي بصوت مبحوح وهي. ترجف //سرا ...ج ... اخذ ... ن ...ي /من ...ا 

بعدها انغمى عليها انا شلتها اخذتها للسياره عرفت ارتفعت حرارتها 

الفصل الخامس والستون من هنا 

شكرا لزيارتكم عالم روايات سكيرهوم