رواية أرض الخناجر الفصل التاسع والستون بقلم ايلول
وبالروح لگعة حزن
من ابتسم ما تروح
وبالماي ما تنغسل
══━━━━✥◈✥━━━━══
-رناتي.
رنـــه :: فتحت عيني بفزه والمحه گدامي مدنك عليَّ حاني ظهره يتلمس بوجهي ومبتسم، شهگت بصوت اريد اصرخ ما مصدگه عيوني ووي شهگتي كتم انفاسي بشفايفه
وانه من الهبطه والخوف الماكلته من البارحة مدري شصار بحالي رخت ايدي الجنت اطكه بيها ونجريت الظلام ماحاسه على شي.
مــاسه:: طلعت من الغرفة فازه على صوت الطكطكه عبالي رنه راحت الاهلها،فزيت فاتحة عيني حيل من انفتح باب غرفة بريا وطلع من الغرفة متخرذل انه اريد اصيح مصدومة بيه وهوه مد ايده على ايدي وجرني حييل
-تعااااي تعاااي رنـــه مدري شبيهاا.
دفعني لغرفته رنـــه نايمه درت وجهي منها اله احاجيه وابجي
-ليمت اجيت؟ وين جنت ليش ...ليش ماترد.
-وووولج عوفيني رنـــه اغمى عليها شوووفيها.
صيح يتراجف ودفعني من جتفي يريد التفت عليها وآنه بعدني بصدمتي وبس استوعبت ركضت طكيت رنـــه على وجها متخرذله
-ررنه رنـــه .
وو كابلني بخوف يعاينلها رشيت على وجها ماي ايدي ترجف وهوه يمسح بوجها، حركت جفن عينها تجر نفس وتتنهد عاينت لبريا خشمة ينزف دم وهوه ماحس كل باله يم رنـــه يعاينلها بخوف
-بريا خشمك!
مسحه بأيده وعاينلها بس شاف الدم كام طلع من الغرفة يغسل ورنه فتحت عينها بثگل شافتني گدامها عيونها ذبلانات رجفن شفايفها شويه شويه وعيونها انترسن دموع شهگت بخنگه تبجي وتحجي بروح متعوبه عبالها حلمانه مو صدك بريا هناه.
5
كدت على حيلها تبچي بخوف وقهر
- رنـــه اشش هذا بريا اجه هذا.
احجي واجر بوجها امسح دموعها بس هيه عبالك ماتسمعني دموعها تجري وساده حلگها بأيدها حتى لا شمس تفز طب بريا للغرفة
-تعال عبالها بعدك ماجاي.
مسح وجهه واجه كدامها من بين دموعها بس شالت راسها وشافته صيحت بصوت عالي يمرد الگلب وتبچي بحرگه شبگها يرجف
-اششش يابعد روحـــي رنـــه اشش شسالفة.
بس رادها تسكت وهي مفجوع گلبها شابگته بأثنين اديها وبچيها يمرد الروح شلت شمس من فزت وضلت تبجي، واجه مــيثم يركض هوه وماريا على صوت بچي رنـــه، وميثم من الباب بس لمح بريا كاعد على طرف الچرباية گدام رنـــه وشابگها فتح عينه حيل ودار وجهه يغلط على بريا
ورنه ميته من البجي ماحاسه على روحها وبريا بس يريدها تسكت، عفت شمس بأيد ماريا ومشيت يمهم احاجيها وامسح بعيونها وهو يبوسها براسها ويگلها
-والله مابيه شي رنـــه يا روحـــي عاينــي عليَّ.
مدنگه ترجف ودموعها تجري درت عيوني البريا شصاير بحاله ضعفان والشمس ماكله وجهه وفوك حاجبه زلغ وايده اليمنى هم مزلغة عبالك محكوكه بالگاع، سكتت رنـــه بس تناشغ صاح عليه مــيثم
-ووين جنت؟
عاينله بريا ووكف مشى يمه لان مــيثم مايگدر يطب للغرفة ورنه بلا حجاب مدله ايده سلم عليه ويحاجيه بتعب
-من اجينا انگلبت بيّنه السيارة صحيت انا بالمستشفى وتلفوني الصغير البيه رقمي طايح مالكيته وهذا مكسور ماذكرت ولا رقم من ارقامكم هل ماخابرت عليكم.
يحجي وي مــيثم وتدنى يم ماريا الشايله شمسعيونها متروسه دموع باسها براسها وكرص خدها يحاجيها باس شمس وميثم يحجي وياه محترك گلبه لان البارحة متنا من الخوف عليه.
رنـــه حطت راسها على جتفي مغمضة عينها روحها رايحه حيل تغيرت كلشي يخوفها كلشي يبچيها تخاف على كل الحواليها بالأخصّ اخوانها وشمس وبريا طاير گلبها عليهم.
مــيثم گال البريا
-طب شوف بت العالم ااح تتسودن من وراك.
اعاينلهم ابتسم بريا وطب للغرفة مسح وجهه وأشرلي براسيه وخري من يمها هزيت راسي لا وشبگت رنـــه يأثنين ايدي انه خازرته وهوه خازرني
-وخري شمالج؟ مــيثم تعال المرتك.
مــيثم:: تعاي سمسم.
هزيتله راسي خوش متحلفه وخرت من رنـــه مسحت عيونها ووگفت
-سهله انا الك.
بريا:: بررره.
امشي ودرت الرنه احاجيها وجها اصفر كاعده على الچرباية اديها بحضنها عيونها ذبلانه ظافره شعرها كصيبه راخيه وشعرها متبعثر مناه ومناه، صحت عليها
-رنـــه لا تحجين وياه الا يبطل.
رنـــه :: مسحت عيوني اعاين وراها گـــلبي يدك حييل طلعت وسدت الباب، عاينتله تمشى يم الشباج وخر البرده على صفحة ورد كعد كدامي مدنك، وجهه تعبان ومزلغ، مسحت وجهي متحسره نزلت ايديي اثنينهن الحضني مد أيده يحضنهن بين اديه
-رنـــه .
عاينت لعيونه التارسهن التعب، شال ايديي الوجهه يبوسهن ويحجي
-اعتذر والله ما قصدي تخافين هيج.
-تبطل؟
سكت وتدنى يمي اكثر مد ايده وره راسي يضمني الصدره غمضت عيوني راسي على جهة گلبه جريت تفس طويل بس اريد الرجفه والخوف البگلبي يرحن.
احس بأيده مسحت على شعري ودنك باس راسي يحجي
-بدويتي شجابج الغرفتي؟
ميلت راسي اريد اوخر ماعافني خله اديه اثنينهن على ظهريّ يحضني بقوه ويحجي بأذني
-بس شويه واعوفنج.
هدأت مغمضة عيني قشعر بدني من حسيت انفاسه الدافيه تحاوط رگبتي ملت براسي، اريد اوخر جسمي يرجف
-بريا.
جريت نفس بشهگه كاضه ايده بقوة لمن ضم وجهه برگبتي شاربه ينغز جلدي كل ما شفايفه تلامس جلد رگبتي بشفايفه الدافيه تنتنقل يتثاقل من مچان المچان عايفه وراها بوسه خفيفه كافيه ترجف جسمي وتضاعف دگات گـــلبي.
إيده تحاوطني بقوة يضمني على گلبه حييل يحاول ينسيني خوفي ويحسسني بوجوده.
من ايده ابتعد بساع وكض ايديي يمسح عليهن صوت نفسه عالي شلت راسي أعاين بوجهه ضوه الغرفة الخافت مايخفي التعب المرسوم بملامحه عيونه الاحبهن واحب بياضهن الصافي متروس شرايين حمر
ملت براسي اعاين بوجهه عيوني متروسه دنوع لحد يا وكت اعيش هالخوف.
مد ايده الخشنه يحضن بيها خدي
-شبيج رناتي؟
دنگت عيوني متحرسه شفايفي يرجفن حرك ايده على خدي ورفع وجهي من حنجي بأصابعه. هز راسه يسأل
-عليمن تبجين؟
-عاجبك بهذلتي وخوفي؟ مرتاح وانه يوميه ميته من الخوف؟
حجيتها وذنوعي جرت دفعت ايده دايره وجهي منه وامسح بعيوني، جر ايدي يعصر اصابعي بين اصابعه
بريا:: لا والله ما عاجبني وميت من القهر چيه مخوفج عليَّ بس والله مو بقصدي كل ما تصير سالفة فكري بس بيج ردت بس تلفوني يشتغل واگدر اوديلج رساله اطمنج بيها ما اشتغل، هستوني وانه راجع جبتلي جديد ماراسلت بعد مالحكت .
هزيت راسي اي وامسح وجهي يأثنين ايديي
-اي اي وانه اضل يوميه كاتلني الخوف ها استهشد ها انخطف ها صار شي موو؟
احجي بحرگه ايدي ترجف وهوه يعاينلي مبتسم لم وجهي بين أديه وطبع شفايفه على خدي يبوسني حييل
-فـــدوه اروحن للتخاف عليَّ.
-وخررر.
دفعته حييل ومسحت خدي بردني ريت شالي من الچرباية لبسته
-توني جاي لا تسويلج زعله رنـــه.
-تبطللل؟
وگفت على حيلي گدام الشباچ وهوه كاعد على طرف الچرباية دنك هز راسه لا يحرك بگلبي وكف گدامي شلت راسي أعاين بوجهه
بريا:: انا ابطل وهذاك يبطل وفلان تصوب واهله ماخلوه يرد جا ياهو يضل بعد؟
-ياهي مالتك؟
-شلون ياهي مالتي جا غير گاعنه.
درت وجهي للشباچ افور انه مو حمل هم وخوف شجابني، جرني من ايدي الصدره بچيت بصوت تعبانه
-اشش رنـــه شسالفة؟
-تعبـــت .
-لا جاسج التعب بعد روحـــي .
وخرت من حضنه امسح بعيوني من اندك الباب فتحته مــاسه تعاينلي مرتبكه گالت
-طــروادة يالباب يريدج.
هزيت راسي اي عدلت شالي على راسي وجريت عبايتي البسها وهوه وكف كدامي مد أديه على حواف العباية من يم وجهي يعدل بيها ويعاين بعيوني
-لا تضلين ضايجه
-تريك ونام.
-اي هسه ام حور تسويلي ريوگ.
حجاها ودار وجهه الماسه الواكفه بباب الغرفة مشيت من يمه اخذت شمس من ماريا وطلعت للحوش مــيثم واكف يم طــروادة سبقني بريا ومد ايده سلم عليه
بريا:: البقيه بحياتك.
يحاجيه علمود منذر وطرواده يحجي وياه ويسأل وين چان ضلوا واكفين يسولفلهم من انگلبت بيه السيارة ابو الحوادث ما ضل حادث ما جربه ماضل شي ما تصوب بيه.
شمس عبرت من ايدي الخالها شالها وانه واكفه بصفه عيوني البريا وهو يعاين بوجهه كهلان ومن مــيثم يحجي وي كهلان بريا يعاينلي، شلت راسي اعاين لشمس دام كهلان يسولف هيه تبوس خده فوگ لحيته. سلم عليهم ومشينا منطينهم ظهرنا.
دار وجهه عليَّ
طــروادة:: شني باچيه؟
شلت راسي عاينت بوجهه هزيت راسي اي
-حلمت بيه مات .
-خيولي لا تبجين ما يموت راح يعرس.
يمشي ويحجي وياي وگفت خازرته شني يعرس؟ دار علي
-امشيي
-شيعرس؟
مشيت بصفه وشمس شلعت گلبه ما تخاف تطيح وهوه شايلها صعدت على اجتافه گال
-غير حلمتي بيه ميت؟ هاي هيه يعني ما يموت يعرس.
-عليمن يعرس؟
-على حسنه ملص.
حجاها ومشه بخطوات كبار رجليَّه هالطول الرجل شبختين سوصل بيتنا طبيت وراه للبيت لگينه ريـــمه كاعده بالحوش يم الحوض ايدها على خدها لعبانه روحها، طــروادة نزل شمس من اجتافه راحت تركض الريمه مسحت وجها تحجي وياها
طــروادة:: ها ريـــمه شبيج؟
يعاينلها بخوف هزت راسها ماكو شي كعد يمها يمسح على راسها ويحاجيها بخفوت، رغم شگد تعبان ومكسور ظهره بالصار بس كل هذا وهوه يحاول يوكف على رجليَّه يضم حزنه بگلبه لان يدري كلنه مستندين عليه لو طاح كلنه ننهدم.
ريـــمه بعدها تتخربط وتلعب روحها رغم دخلت بشهرها الخامس كومها كهلان طبينه للبيت شمس تهوس على راسهم وريمه تسأل على بريا كعدوا يالهول يسولفلها طبيت للغرفة ذبيت عبايتي اعاين الزهره سوده عليَّ نايمه وحدها اليوم، اخذت تلفوني وطلعت اريد اروح للمطبخ اسوي الريوك.
طــروادة وريمه عبالهم من طبيت للغرفة ماراح اطلع بعد لكيتها حاطه راسها على صدره وهوه رافع وجها بأيده ومنصي عليها توه يريد يبوسها وشمس مدنگه تلعب بتلفونه، فاتحه عيني حسل اعاينلهم لا بيه ارجع ولا بيه اكمل مشي للمطبخ.
فزوا اثنينهم سوه روحه يتلمس بوجهه ويگلها
-لا لا زين ما مصخنه.
دنگت وطبيت للمطبخ اعض بأيدي متفشله من طــروادة عفت تلفوني يمي وغسلت القوري اريد اسوي چاي دك تلفوني صوت رسالة وبس لمحته بريا شغل تلفونه الجديد وحط رقمه الثاني ابو الوتساب عفت القوري وكعدت بالگاع احاجيه
-خوما بعدج تبچين؟
-لا.
-لو ضاله يمي شيصير بالدنيا؟
قريتها وسكتت كتب
-كاعده بالحوش منيلج نت؟
-على كهلان
قراها وودالي صوره ماريا كاعده بصفه على القنفة بالهول لامها الصدره مبتسمه وعيونها حمر.
عفت التلفون على صفحة ووگفت اسوي الريوك
متانيه الطماطة تستوي مركزه وياها حوافها مناه ومناه صارن حمر والزيت يفرگع صورتها وهيه على الطباخ وديتها اله كتبتله
-جاي اسوي ريوك، انتَ تريكت لو بعدك.
-بعدني مــاسه وميثم جاي يسوون صارلهم ساعة.
-راح اكضي انه.
-كليلي تعال تريك يمي ليش مستحيه؟
ابتسمت كتبتله
-لا والله مو هيج
-جايج
-لاا
فتحها ومارد دقيقتين واندك باب الحوش عضيت ايدي منحرجة من طــروادة هسه يگول سوت الريوك علموده مو علمودي مديت راسي اعاين من شباچ المطبخ گاله
بريا:: گلت اجي اتريك وياكم.
-ماعدنا ريوك.
-جاي اشم ريحة چاي؟
طــروادة:: مال البارحة حميناه وشربناه كضه.
يحجي وياه وميثم حط ايده على علباه يجر بيه
مــيثم:: مسويلك الريوگ بأيدي تعوفني وتجي شلووون؟
ابتسملهم طــروادة وبريا يضحك شال راسه صارت عينه بعيني واجوه سليم ووهب يكتلون بيه واخذوه البيتهم سحل، طب طــروادة للبيت بساع حطيت الريوك بصينية واخذته للهول كعدت زهره وبساع اجت ضمت روحها بحضني
طــروادة:: شبيج زهره.
وهيه ضامه روحها ما تحجي گالتله ريـــمه
-لان رنـــه البارحه ما نامت يمها.
طــروادة:: مو نامت يمج ريـــمه ؟
رنـــه :: يحاجونها وما ترد عليهم بيها طنگورتي مال الصبح من تعبر السطعش يله هاي الطنگوره تخف كامت غسلت ورجعت باست طــروادة وباست ريـــمه كعدت بصف شمس تتريگ ويانه طــروادة ياكل شريع يريد يروح للكليه ريـــمه كالتله
-اكلك البارحه وين چنت بتلاثة اجيت للغرفة عبالي تقرأ مالكيتك.
عاينلها ساكت ودار وجهه منها الي دنگ يشرب چاي وغلس ما جاوب سوه لگمه الشمس وكلها ويحجي وياها.
كام غسل واندك باب الحوش حيل نشف ايده وطلع باب الهول مفتوح نعاين منه للحوش، بس فتح الباب صــيهد دفعه من صدره حييل وخازه طب وياه للحوش ورگع الباب حيل وكفت بساع ومشيت يم باب الهول اعاينلهم مستغربه ليش هيج خاز كهلان
صــيهد:: وين چنت البارحة؟
-وين؟
-كهلان ووووين جنت البارحة؟؟
نتر بصياح وشال ايده يدك على صدر طــروادة وطرواده هادئ ويرد عليه ببرود
تستمر القصة أدناه
-بالبيت ما طالع.
صرخت فازه من صــيهد شال أيده طك كهلان راشدي حييل ركضت ارجف دفعته اصيح بوجهه
-لاااا تمد ايدك عليييه.
ارجف متخبله شلون يطگه هيج جرّني كهلان لوره ظهره وصيهد يجر بيه من ياخة القميص يعته وينتر بعصبية
-ترررريد تموووت انتَ؟؟ والله اكسر رجلك بالحسين اكسرر رجليك.
طــروادة:: صوتك، اسكت.
1
عته بقوة وبأثنين اديه چلب بياخة قميصة ينتر
صــيهد:: تدور على موتك انتَ؟ حاجيني تدور على مووووتك؟
دفع ايده صيح بوجهه
طــروادة:: شبيييك؟ اذا منذر ماعنده زلم تاخذ حگه وعايفين مازن وحده تريدني اسكت؟
صفگله صــيهد يتراجف
صــيهد:: لااا لااا شلون زحمه ابن شامل يسكت شلون؟ اذا ما يروّح بوحده يهوفج مناه ومناه وينكتل ما يرتااااح، ووولك جا فكرت باهلك ياهو الهم؟ مرتك اخوووتك؟ جاان حجيت واخذتنا وياك مو من وره ظهرنا انتَ وهالخايس ماازن.
يتصايحون ويتعاركون وانه مافاهمه شي دفعني كهلان بأيده لباب الهول رجعت ليوره وطب سلطان جر صــيهد يحاجيه يهدي بيهم وهمه واحد صوته اعلى من الثاني
النوب سكتوا اثنينهم مشيت بساع اعاينلهم من باب الحوش واكفين واحد يعاين بوجهه الثاني وسلطان بصفهن يحاجيهم وما اسمع شيحجي وياهم
ريـــمه:: ها رنـــه .
درت عليها كاعده بباب الهول ايدها على بطنها روحها رايحه رجعت يمها
-ماكو شي گومي بس هذا الارعن طك طــروادة كسر بأيده الخايس.
زهره:: لا تدعين غير اكبر منه طــروادة مو يطك عبود.
-انجبي انتِ تدافعيلهم ولد ايمان تموتين عليهمم.
گلبت وجها وطبت للهول يم شمس كومت ريـــمه طبينه للهول وهوه شويه وطب للبيت اعصاب ووجهه احمر غسل وطب الغرفته بدل اخذ ملازمه وطلع بدون مايحجي ويانه كل مره يروح وي صــيهد وجويريه هل مره راح وحده يمشي بالنص ساعة يوصل للشارع وياخذ تكسي، ضلينه ما مرتاحين ريـــمه خابرت على سلطان واجاها كعدت وياه بالحوش تحاجيه وانه اتصنت عليهم خايفه على كهلان كالها
سلطان:: بيت علوان محد لاگيلهم اثر عدهم زعاطيط شاطرين بس ينشرون على الفيسبوك احنا زلم كتلنه مرته وكتلانه لهذا السبب كهلان متسودن هوه ومازن يطلعون يدوّرون يوميه لان بيت علوان بين مده ومده جاي يجون الگيعانهم، انا ما الوم كهلان وحگه ما يسكت ولا مازن يگدر يسكت بس كهلان غلط وصيهد صاحب حگ لان يطلع بوحدهم مايگول حتى نروح وياه.
-بس صــيهد طگه.
-عادي انتن لا تحطن روحجن بيناتنا وشلون يطكك ومدري شني احنا متعلمين وندري صــيهد من خوفه علينه يطك چنه عمي شامل مانزعل منه بس لحد منجن تدخل روحها وتخلنه واحد يحقد على الثاني.
عاينتله ريـــمه مصدومه
-يااا سلطان؟
ابتسم وطكها على خدها يشاقيها
-لا والله بس لا تكبرن السالفة ولا تگليله ليش يطكك يضوج غلسي چنج ماشايفته لان كهلان هاي المسودنته شلون صــيهد طگه گدامجن.
سكتت ريـــمه مقهوره سلطان ضل شويه يمها وراح ردت اجت يمي خابرت على جــويريه بالي يمه اخافن لا يتعاركون غاد ما ردت عليَّ وره نص ساعة يله خابرتني
-وين انتِ؟
جــويريه :: درت وجهي اعاين روحـــي طالعة من الحروره گتلها
-راح اروحن للكافتريا كولي رنـــه صاير شي؟
-اكلج اخوي ورجلج متعاركين ديربالج لا يتعاركون بنص الوادم.
-هسه راح اروح اشوفنهم.
سديت التلفون منها ومشيت لكليتهم على اساس يعني اذا يتعاركون اني اگدر اسوي شي اخلصها اباوع بوجهم توني وصلت هواي طلاب بره لمحت كهلان گاعد على المصطبات بأيده ملزمه ويمه ولد يحجي وياه وبالمصطبه المقابيله گاعد صــيهد وجهه مايكصه السيف بأيده كلاص سفري مال چاي ويعاين الكهلان بخزر.
مشيت وگفت گدامه وكف بساع
-امشي.
حجاها ومشه من يم الهوسه مشيت وراه وكفنه على صفحة يحاجيني مضيك عيونه من الشمس
-كضيتي؟
-اي وانتَ؟
هز راسه اي ضايج
صــيهد:: هذا الخايس بعد خل يكضي ونطلع.
كعدنا بالكافيتريا منتظرين كهلان طول وصيهد ضاج خابر عليه يحاجيه بزعل وكهلان گاله
-رديت بتكسي.
تخبل صــيهد كمت امشي وياه مرتبكه وبس صعد للسياره غلط وسب بكهلان ويسجل بصمات ويدزله يسب بأهله واني الادري بيه يمووت على خالي شامل شلون يغلط عليه هيج شمر التلفون وشغل السيارة يسوق ويدك هورن ومن يمر بأزدحام وواحد يضوجه ينزل الجامه وينعل بالعالم ومن واحد يعانده يصيح عليه
-انزززل ادوس على راسك.
واللي بالسيارات مايتنازلون هم يعاندونه ويغلطون گـــلبي راح من الخوف
-شسالفة صــيهد .
صعد الجامه يمسح بوجهه ويسوق بحرگه مشه شويه عبالي هاي هيه خلصت عصبيته گتله
-خالي شامل متوفي ترى مايصير تسبه وتغلط عليه هيج.
ضرب الستيرن بأيده بحرگه وصيح بصوت عااالي يتراجف
-اسكتييييي.
فزيت مصدومه اباوعله وهو دار علي بعصبيه خزرني ورجع يباوع للطريق .
سكتت گـــلبي يدك بسرعة باوعت للطريق كاتمه حتى نفسي لحد ما وصلنه نزلت قبله ومشيت بسرعة للمشتمل
اعض بأيدي شكو احجي شلّي علاقة اخذت ملابسي ودخلت للحمام سبحت وطلعت صليت وهوه مدري وين اختفى ساعة طول واجه واكفه بالمطبخ ادورلي شي احميه حتى اكله من شفته اجه ما ترهم بعد لازم اطبخ وادري بروحي ما الحك.
اخذ ملابسه ودخل للحمام جريت حجابي وعبايتي لبستهن وطلعت اركض دخلت المطبخ بيت اهله لگيت الجدوره على الطباخ تمن ومرگة، واضويه الهول مطفينها نايمين نومة الظهر، جريتلي صحن وكاسه صييت التمن الضال بالجدر مدري المن ضامينه وصبيت المرگه عفتهن مفتوحات حتى يگولون شوف شنو اكلهن دجاجة چلب، اخذتهن وطلعت بساع حطيتهن بصينية وسويت زلاطه طلع من الحمام دخل للغرفة يصلي راسلت ندى اسألها
-الغده الباقي بالجدوره المن؟
-غده سعاد زعلانه گالت ضمولي ما أتغده.
-هستوني رجعت من الكليه شفت چلب احمر ياكل بالجدوره مالاتكم.
-يااا
-اي صاعد على الطباخ.
عفت التلفون اخذت الصينية ودخبت للغرفة خليتها گدامه بين ماخلص صلاة وكعد ياكل هادئ ومن راد ماي حجه بصوت ناصي
-انطيني ماي.
مديتله كلاص الماي ولا چنه هذاك القبل ساعتين گلب الدنيا بالصياح، اكل وكمل هستوه يريد يگوم باوعلي بضوجه يريد يحجي اي شي ويجامل حتى ينسيني صياحة گال
-طبخ صاير طيب، جان ماينبلع
حجاها وطلع خلاني حايره اعارك لان عيب على طبخي لو اتحمل واسكت حتى مايعرف هذا مو طبخي، بلعتها وسكتت گمت للمطبخ لگيت ندى حارگه التلفون يالرسائل كاتبه
-ولج يا چلب مايدخل لحوشنا چلب
جــويريه صدك تحجين لعبتي نفسي
كتبتلها
-جذب اني بگت
-يا چلبه
-منو طابخ اليوم؟
-عمتي، صلوات اليوم وكفت وحدّها آنصدمت بيها اشتغل ولگيتها يمي بالمطبخ بس خطيه هسه انوجعت العصب يوجعها.
-سوده علي انام شويه واجي اشوفها.
سويتله چاي ورحت يمه ساند ظهره على تاج الچرباية يدخن ويباوع بتلفونه تقربت انطيه الچاي وعيوني للتلفون شفتها محادثة كهلان بعدهن ما مفتوحات طلع من المحادثة وكعد هدل اخذ الچاي من ايدي وباوع الوجهي حسيته هادئ گلبت عيوني ومشيت من يمه.
كعدت گدام الچرباية اقرأ وهوه خلص چايه طلع شويه ورجع باوعلي دنگت مسويه نفسي اقرأ جر الملزمة من ايدي طبگها عافها على الميز وجرني يوكفني گدامه
-تعاي نامي انتِ تعبانه.
-لا ماتعبانه.
-نعسانه.
-ولا نعسانه اريد اقرأ.
دار وجهه يمسح على رگبته ورجع باوعلي ضايج يجير نفسه يحجي بهدوء
-انتِ ليش تحاجيني وانا ضايج؟ شفتيني متعارك ليش تحجين وتخليني آصيح عليج.
يحجي ويباوع لعيوني
-ما كتلك شي اني والله بس انتَ مدري شبيك گبيت بوجهي.
هز راسه اي ويمسح بلحيته
-صح، هسه ما زعلانه غير.
سكتت اباوع بوجهه خاف اگله زعلانه يگلب الدنيا خاف اگله لا ما زعلانه ويبقى على كلشي يصيح هيج بوجهي، هزيت راسي لا
-ما زعلانه بس صــيهد حباب حاول شويه تلزم اعصابك مو على كلشي صياح وغلط والله ما يصير.
هز راسه اي خوش، طفه الضوه وراح تمدد افتريت الجهتي تمددت شال ايده من عيونه يحجي
-مو تگولين ما نعسانه؟
سكتت منطته ظهري سحبني من ايدي الصدره
-تعاند بت الاوادم.
حجاها وجر نفس طويل من شعري حضنته ساكته
-جــويريه
-همم.
مسد على شعري رفعت راسي اباوع بوجهه الضوه خافت ايدي صارت على گلبه دگته مخربطه، تلمس شفايفي بطرف اصبعه وتقرب يبوسني غمضت عيني ذبلانه بأيده بس صحاني من گال
-اريد اگلج شي.
دفعته من عندي وكعدت على حيلي گـــلبي يدك حيل گلت هسه يگلي راح انجبر اتزوج لو مدري شنو ولو تنطبك السما على الگاع ما ابقى وياه لو ابقى بالشارع، كعد هوه هم على حيله ومد أيده جر باكيت الجكاير يدخن ويباوعلي
-احجي صــيهد
-احجي بس اذا رحتي بتفكيرج زايد ترى افصم ظهرج.
-اووكف اووكف
مديت ايدي گدامي بحرگه
-لو مو تفصم ظهري والله لو تذبحني وتعلگني بباب المضيف ما ابقى وياك اذا تجيب طاري الزواج.
نتر يصيح
-ياهوو جايب طاري الصخااام؟
-احجي شنو شكو؟
جر نفس طويل من الجكارة زفره وباوعلي
-البيت الچنتي كاعده بيه انتِ وابوج.
-اي؟
-تدرين بأسم منو؟
-بأسم ابوي گالي سويت وصيه البيت يبقى الج بس ما ادري وين الوصيه.
هز راسه لا
صــيهد:: راد يسجله بأسمج وخاف عليج من اخوته، اخر ايام گبل لا يتوفى حول البيت بأسمي.
فتحت عيني مصدومة وهو دنگ يمسح وجهه ضايج
صــيهد:: كل ما اريد احجيلج اگول لا لان تضل تمسلت عليَّّ بس بعد ما اگدر، البيت بيتج تردين تأجرينه تردين تعوفينه مثل ما هوه تردين اديره بأسمج بكيفج شني التردينه انتِ؟
سكتت گـــلبي انعصر شكد حاولت اتناسى وفاة ابوي واقنع عقلس عايش بعيد عني، حجيت صوتي مخنوك
-بس ليش ما حجيتلي؟
-لان تضلين حسره احاجيج بو نتعارك تگليلي اروحن البيتي واكضج واكتلج.
باوعت بوجهه غطيت وجهي بأيدي ابجي ابوي شكد شفت منه اذيه ماگدرت اكرهه لاخر لحظة من عمره وهو يفكر بيه خايف عليَّ، جرني صــيهد من زندي الصدره ضميت روحـــي ابجي
-اششش جوري يابه.
غطيت حلكي بأيدي بچيت بعد شيسكتني واني چنت ادري بيه عايفه الي بس ما اعرف بتفكيره وخوفه عليَّ من اعمامي، صــيهد يمسح على ظهري لامني على صدره حيل يبوس براسي ويحجي وياي بس يريد اسكت
-باجر نروح احوله بأسمج وزلمه ابن زلمه اليگربلج والله اكضيهم كضيان يشهد الحسين.
-ما اريددد.
-جا عليمن تبجين خرب اهلج مردتي گـــلبي .
وخرت من صدره امسح بعيوني بس اريد اگدر احجي واگله لا تغلط ما گدرت هاي شهگة البجي تخنگني مد اديه يمسح عيوني واقرب يبوس راسي
-كافي لا الزگج بالگاع شسالفة والله لو ادري بيج تبجين فلا احجي.
وخرت ايده ونزلت من الچرباية طلعت غسلت وجهي بس اريد گـــلبي يبرد، التفتت واكفلي بالباب ضايج ما يدري شيحجي وياي ويسكتني نشفت وجهي ومشيت يمه حضني متحسر
-كافي مو على كلشي تبجين.
هزيت راسي اي اخذني من ايدي للچرباية تمدد لامني على صدره ساكتين اثنينا فترة وگتله
-صــيهد.
-همم؟
-الزوجه من تبچي زوجها يگلها اسكتي حبيبتي اسكتي عمــري مو يگلها اسكتي لا الزكج بالگاع تبجي اكثر اذا يگلها الزكج بالگاع.
-صح والله.
حجاها يمسح على زندي شلت راسي اباوع بوجهه ساند راسه على تاج الچربايه ابتسم ومد ايده يلزم بيها خدي
-شعندي غيرج انا.
اباوع بعيونه ساكته صــيهد ما يتغزل ولا يحجي شي حلو إلا بالصدفة، حرك ايده يوخر شعري الوره اذني وتقرب يبوسني بخدي غمضت عيني مقشعر بدني من شاربه همس يم اذني
تستمر القصة أدناه
-أحبنج جــويريه.
وبعده گـــلبي يدك بجنون عبالك اول مره يحجيها رجعني للفراش وجهه برگبتي، ينتبهه لنفسه يخاف اضوج منه بسبب لمسة أيده وبس نسى نفسه ولزمني قوي گتله
-ترى اني جــويريه مو كهلان.
شال وجهه من رگبتي خازرني واني اباوعله مبتسمه وخر زعلان خليت البطانيه بحلكي اكتم ضحكتي وهوه يسب بكهلان وشغل تلفونه يدزله بصمات ويغلط عليه واخر كلمة گالها اله
-خل يفيدك كهلان.
-هههههههههه
ضحكت بصوت واضرب على رجليَّ ميته من الضحك وهو وكف متخبل ويهدد
-والله ابچيچ.
-ترى العالم تكيف من تسمع ضحكة الشخص التحبه.
احجي واكتم ضحكتي وهوه شغل الضوه وأكف بعصبية توه يحجي ووصلته رساله رفع حاجبه وشال أيده بجديه يسويلي
-اششش.
سكتت اباوعله قرأ الرساله وضاج اخذ ملابسه شبح وطلع واني بس نمت شويه والعصر رحت البيت اهله لگيت بــدور تبجي يم خاله ايمان مبسطة بكتبها وتحجي بحرگه
-يمه أنسى آنسى الرياضيات ما ينفهمم.
گتلها
-تعالي الصيهد يدرسج.
بــدور:: انه احبن الدور الثاني اسكتي.
حجت ومسحت عيونها تلزم كتابها وخاله تحجي عليها، سويتلها التمارين ومرغت رجلها وايدها بعصارة الأعصاب جرتني من أيدي يمها تسألني ومستحيه ماتعرف شلون تحجيها
ايمان :: انه ما احبن ادخل روحـــي بينكم بس انتن هم اعذرني انه ام وودي وليداتي ونسوانهم يعيشون براحة هل اريدن انشدج.
-گولي خاله شسالفه اسألي انتِ مثل امي.
دار عيونها البدور تتأكد منها بالها مو يمنه وتقربت تشاورني
-رجلج يگرب صوبج لو كلمن بفراشه.
-لا خاله شنو كلمن بفراشه ما ننام اذا محد حاضن الثاني.
حجيتها مبتسمه اريدها ترتاح وماتفكر بينه ضحكت وضربتني على ايدي
ايمان:: كونج تجذبين عليَّ؟
-لا والله ما اجذب .
هزت راسها خوش وتغمزلي ردت اخجلها تالي خجلتني گمت من يمها طلعت للهول خالي وليد وجده كاعدين يتشاورون مدري شيحجون طلعت يم ندى گاعده بالحديقة ورضا يلعب گدامها كعدت يمها احاجيها
-شكو جده شعدها؟
تلفتت ندى تتأكد محد يسمعنا گالت
ندى:: سعاد غلطت عليها وجده حلفت تخلي وليد يطلگها مدري شلون راخ تقنعه يطلگها الصبح صيح عليها وغلط عليها وسعاد زعلانه بغرفتها .
-جده هم ماتدري بروحها شتريد ساعة تموت على سعاد ساعة تكرها حيرتنا.
ضحكت ندى تهز بأيدها اجه رضا يركض گالها
-ماما اروح يم عمه مــاسه؟
-لا.
-اروح.
خزرته ندى وهوه يعاندها گتله
-رضا، بريا هنا يعضك.
ووي حجايتي سمعت صوته من بره الحوش صاح
بريا:: شني خويه شگالولج علي مچلوب؟
طفرنه اثنينا شاردات للمظبخ ونباوعلهم من الشباك دخبوا هوه ووهب وسليم يضحكون مشوا للهول سلموا على جده وخالي وليد، عود اجاي من الدوام واحترمهم اجه يسلم عليهم بس همه مو مال احترام شسووا بيه حجي وغلط ويحرضون بيه على كهلان شلون باقي بس خطوبة وما يتزوج وهوه يحاجيهم ببرود
بريا:: ليمت ما كهلان يرضى عسى ما بعد خمس سنين ميخالف.
صاحت عليه جده
-اغم مابيك خير.
وليد:: عمي شني البت مرتك بعد ضلتها ببيت اهلها المن شيسمونها هاي؟
بريا:: عمي ترى ام شمس ذاك اليوم ماتت دورت سنتها بعدها ماصايره يا عرس هذا التفكرون بيه؟
حجه هيج وهمه تخبلوا عليه جده بصفحه وخالي وليد بصفحة اثنينهم يصيحون
واشيه:: حتى جدك بعدها ماصايره دورت السنه ليش مافكرت بيه؟ ووولك رباكم من اهاليتكن عافوكم ولك داراكم وماخله الغريب ينهش بلحمكم كونه ذابكم وطاردكم جا حبيتوه واحترمتوه چلاااب ما تستاهلون.
ســليم:: شو مدري شلون حچيچ انتِ؟ توچ تلحين على العرس وهسه تگليله دورت سنة جدك ماصايره ارسي على بر حيرتي الأمة وياااج
صيح بوجها ينتر جراه وهـــب يسكته وخالي وليد وكف بعصبية يطرده وجده تلطم على رجليها وتصيح
-وووين شاكر وووينه خل يجي يشوف ابنه يصيح بوجهي ييييمه.
وليد:: خياس جا حجيها چذب؟ بريا بفاتحة جده ما لفه مشت الفاتحة وكضت وهوه ولا رد، ومن بت شامل انكتلت راح عليهم للنجف، ما بيكم خير وگاله رحمه فاتحة جدك تعال جدك الداراك من اهلك عافوك امك هالساقطه اخذت ابوك وشردت.
صرخت فازه من صياح بريا وهـــب كاضه حييل ويصيح بوجهه وبريا متخبل يريد يضرب وليد طلعت خاله ايمان تستند على الحايط وتجر برجلها گوه طاير گلبها وتصيح عليه بس تريده يسكت وهو متخبل اعصاب وينتر بحرگه
-لا تجيب طاررريها.
وخالي وليد عناد يغلط ويسبها
-الروسيه الساقطه شردت ضحكت على اخوي اخذته وراحت.
دفعه وهـــب للحوش يتعارك وياه ويصيح بوجهه وسليم يتعارك وي خالي وليد يريده يسكت وجده من صفحة تتراجف، طلعوا الولد ميتين من القهر وجده تدعي عليهم وتخابر خالي شاكر تشتكي على ســليم وتوصيه ما ينطي بريا راتب من المعامل ولا من يستلمون فلوس الحصاد.
مدري وين تريد توصل بحقدها وتحريضها اذا حتى احفادج ماتردين راحتهم شنو التردينه اكثر؟
شويه وسكتوا، صــيهد ماركع بقيت يم البنات الوره العشا يله رجعت للمشتمل حتى ادرس فرشت ملازمي وكعدت اقرأ شويه ودخل صــيهد عبالي بعده زعلان من عندي بس هو دخل مبتسم وبأيده علاگة حلويات يسألني عن دراستي گال
-باجر امتحاني
-شوكت تدرس؟ مو حجي هذا صــيهد كلش كسلان انتَ.
ضحك ضحكه طويله بدلت وجاب ملازمه كعد يمي كلبهن مناه ومناه طكطك بالحاسبه يضرب ويجمع ويكتب الأرقام بالدفتر ماكو ساعة وسّد الملازم مكمل واني بعدني بصفحة باوعتله مستغربه
-كملت؟
-اي.
حكيت شعري وهو يباوعلي رافع حاجبه اريد اكله شبسرعة بس خاف يرسب ويگول حسدتني الشيطان ورني ما گدرت اسكت گتله
-انتَ شنو من عقل شايل وهيج بسرعة تحفظ ؟
صلوات على محمد محروس محروس وعيني بارده عليك بس كارثة والقران ماكو هيج صلوات بس يعني ماكو هيج كمبيوتر مو عقل تدري اني صارلي ساعة بصفحة وحده وهسه من اكمل دراسه واروح اريد انام انسى اللي درسته واكوم اراجع وارجع انام وهم انسى، اللهم بلا حسد بلا حسد بس شنو انتَ ماتنسى؟
مد اديه اثنينهن نزع تشيرته ويراويني بزنوده يضحك هاي سوالف امه حتى اني كالتلي من واحد تحسينه فطن عليج طلعي زندج وكليله هذا فالك ضربته على زنده اضــحك صاح
-اااخ.
مسح على زنده ويباوعلي عاكد حاجبه
-ايدج ثگيله
-اهم شي مو بثگل ايدك.
ضحك وخر ايده من زنده مكان اصابهي صار احمر ضحكت
-الله واخيراً ضربتك وخليت بيك اثر.
-شكد حاقده اليسمعج يگول هذا اموتها من الكتل وانا عمري كله ماطاگج.
يحجي ويجر بيه الحضه مديت ايديي احضن رگبته كاعده بحضنه رفعت حاجبي
-بعمرك ماضاربني؟
-ااي مدري شلون كاض روحـــي تدوسين ببطني تشعلين روحـــي شعل بس الحد هسه ما طاگج.
-تتذكر الراشدي؟
-يا راشدي؟
-من لگيتني ادخن وره السياج.
مد ايده يعصر شفايفي مبتسم
-والله چنت متحلف بيج بوكتها .
-والله اكرهك چنت
كرصني من خصري مرجع راسه ليوره على حافة الچرباية مبتسم
-وهسه؟
-متقبلتك.
رفع حاجبه ضايج
-متقبلتني.
ضحكت ودنگت ابوسه بطرف شفايفه
-أحبك صيهدي حبيب روحـــي .
حضني بقوة ورفعني يريد يگوم للچرباية
-لااا لااا اريد ادرس بعدني ما مكمله
ضحك ورجع كعد بنفس المكان مديت ايدي اتلمس لحيته حلو شعوري مبتسمه وعيني بعيونه
-شكد حلو انتَ من هيج شكلك حباب وهادئ
-تكرهيني من اصير اعصاب؟
سأل بدون اي ابتسامه وخرت ايدي من وجهه اريد انزل من حضنه للگاع ماقبل بقاني كاعده على رجله
-مو اكرهك بس انقهر لان عصبيتك مو شي عادي كل العالم تعصب بس مو مثلك صــيهد انتَ تصير تخوف تكسر اي احد بكلامك.
وخرني من رجله مسح وجهه وگام جاب باكيت الجكاير وكعد كدامي يدخن. يحجي بهدوء بس ضايج
-مو بأيدي حتى انا اضوجن من روحـــي واتندم.
سكتت من شفته مقهور حيل ماردت الح وياه وأقهره اكثر ردت اغير الموضوع گتله
-ما تدرسني؟
خله الجكاره بين شفايفه واخذ ملزمتي باوع بيها وشمرها عليَّ.
-كلشي ما اعرف بيها.
ضحكت وحجيت بلا ما افكر
-والله جنت اخاف من تدرسني بأعتبار رايحه للعدام، قبل شويه تذكرت روحـــي من لگيت بــدور تدرس وتبجي ما فاهمه رياضيات گتلها خلي صــيهد يدرسج كالت احب الدور الثاني، اني هم هيج جنت اكول خلي اطلع دور ثاني ولا صــيهد يدرسني.
احجي واضحك سكتت عاضه شفتي من عگدت حاجبه مد ايده حر نفاضة الجكاير طفاها ونكث ايديه
-گومي صيحي البدور.
سكتت مرتبكه اباوعله متفشله
-صــيهد!
-گووومي.
باوعلي بخزر گمت من يمه اعض بأيدي وفشلانه هسه بدور شتگول عليَّ، لكيتها بالمطبخ تاكل هيه ورضا ويتعاركون، باوعتلها اطكطك بأصابعي وهي اللگمه بحلكها وبس شافتني مرتبكه گالت
بــدور:: يمه صــيهد يريدني هااه؟
هزيت راسي اي وحجيت متفشله
-بــدور والله ما ادري شلون جبت طاريج وگتله تبجي من الرياضيات ما فاهمه والله ماجنت اقصد هيج حجيت.
كامت غسلت بسرعة مرتبكه تحجي
-يعني بس علمود الرياضيات گالج صيحيلها ماكو شي ثاني؟
هزيت راسي اي كالت خوش ومشت بسرعة جايت الرياضيات ودفترها واجت تمشي وياي مرتبكه وتدعي بصوت ناصي خايفه دخلنا للغرفة سوه لابس فالينته الداخليه وكاعد بالگاع يم ملازمي باوعلها بدون اي ابتسامة وحجه بهدوء
-ليش ما تكليلي ما فاهمه الرياضيات شني جاي اكص راسج انا؟
دنگت هزت راسها لا
-جيبي.
اخذ الكتاب منها وهيه كعدت كدامه فتح الكتاب ويسألها شنو المافاهمته تخذ الدفتر منها يشرحلها بهدوء حسيت تعامله وياها حتى اهدئ من تعامله وي مــاسه قبل، عافها تحل الكتبها الها وگام للكنتور جاب ككو واجه فتحه انطاه الها ويباوع وياها بالدفتر ومن تغلط يگلها
-ها شگلنه؟
تمسح مرتبكه وترجع تكتب خوفها منه يقهر باوعت لوجهه مركز وي ايدها التكتب بيها ترجف وگوه مسيطرة على القلم قبض أيده حاطها على حلگه مضيك عيونه يباوعلها بأستغراب وقهر وحتى من تلزم المساحة تريد تمسح متخرذله مسح عيونه وبلع ريك متردد مد أيده مسح على راسها حجه بصوت ناصي
-عفيه حبيبتي.
حجاها وجر الكتاب مايباوعلها يگلب بكتاب الرياضيات وهي تباوعله وتطكطك بأصابعها الككو بقى يمها ما اكلت منه اطراف اصابعها يرجفن حيل جرّ الدفتر يكتبلها سؤال جديد خلاه گدامها
-حلي هذا علمود نعبر للفصل الثالث.
دنگت تكح وهوه كل تركيزه وي رجفتها عگدت حاجبه من يمي خوفتني وابد ما تحط عينها بعينه بعدها ما مكمله حل مد ايده شال الدفتر من گدامها طبكه هوه وكتاب الرياضيات عافهن على صفحة ومد اديه اثنينهن كضها من زنودها
-عاينــي علي بــدور.
شالت راسها تبلع ريگها بخوف تباوعله وترفع بجتفها مثل الخايفه تنضرب اباوع الاديه عصرن زنودها حيل
صــيهد:: شمسويه؟
ووي حجايته شهگت تبجي وترجف
-اششش اششش عاينــي علي اششش گتلج شمسويه. ليش خايفه هاااه ليش ترجفين؟
خازرها وينتر واني من يمي روحـــي راحت مافاهمه شي بصوتها اليرجف كالتله
-لا.. لاا تطكني.
-ما اطك يله احجي شمسويه هاه سولفي يله سولفي.
عاف اجتافها يمسح دموعها ويحجي وياها
-شمسويه يله گليلي، لا تجذبين عليَّ وانا ابد ما اطگج.
ترجف ما تخلي عينها بعينه وتهز راسها اي اي دارت عينها الي ما جنت اعرف بالموضوع فتحت عيني مصدومة وهي تحجي ودموعها يحرن تشهك بين حجايه وحجايه حجتله كلشي من ســليم لزمها ومن عافت صديقاتها وبدن يشوهن سمعتها ومن مــاسه راحت المدرستها تعاركت وياهن وهو ساكت يسمع.
مد ايده جرها من اذنها حييل جلبت بأيده ارجف
-صــيهد.
-وخرررري.
بأيده الثانية دفعني حييل وجر بــدور حييل
-غير هالحجي اكو شي؟
وهي ترجف بأيده وكاتمه حتى صوتها تهز راسها لا
-ســليم يدري وانا ينضم عليَّ مووو؟
تبجي ومچلبه بأيده تهز راسها لا
-منين صاحباتج تعرفين اهلهن.
هزت راسها اي تنطيه اسمائهن الكامله دفعها من ايده وجر كتاب الرياضيات شمره بحضنها
- اريد من الله النوب تضمين عليَّ هيج سالفة إلا اعدمج، گومي اطلعي بره.
شالت كتبها تبجي وطلعت تركض وهو متخبل جر التلفون وخابر على مــاسه يهدد ويغلط
صــيهد:: خاف عبالج تزوجتي بعد ما اگدرلج اكسرر ظهرج يشهد الحسين حيووانه.
سد التلفون بوجها ودار علي يصيح
-انتِ هم تدررررين؟
هزيت راسي لا
-على كيفك هنه ما يحجن لان هيج اعصاب وتضرب.
يفتر بعصبية خله ايده على حلگه يسويلي
-اششش سدي حلگج ماااالج غرض.
-صــيهد جاي احاجيك بتفاهم وهدوء اخواتك مو هيج تحجي وياهن طبعاً يضمن عليك اذا انتَ بكلشي عصبي، على كيفك وياهن حتى يأمنين يحجلك
احجي بصوت ناصي وهوه يفترّ بعصبية شمر تلفونه على مراية الميز كسرها وصيح بحرگه
-اسكتيييي خرب احترگت روووح اهلج اسكتييي كتلج اسكتييي.
فتحت عيني مصدومه بيه جرّ التشيرت ودنك اخذ تلفونه طلع من البيت، شگتله؟ شحجيت واهلي شعليهم شعليهم حسررره حجيت كلمه وحرك روحهمم. غلطت ميته من الحرگه دك تلفوني جاوبتها اثنينا نبجي
مــاسه:: اشبيه؟
-هو بشر وواحد يحجي وياه ولج واله ما گلت شي والله ماحجيت شي يسوه يغلط.
صاح عليها مــيثم وراحت شديت التلفون گـــلبي نار امداني المضحكه زعلت وضحك علي بكلمتين رجعني شوف يا زوج الترجعلك هالمره، خابرت رنـــه اريد اروح ومستحيه بس سمعتني ابجي صاحت
-احتركوا اهله خيولي تعاااي، راح اوديلج حسين.
مسحت وجهي وگمت لميت ملازمي وملابسي وعلاگة الحلويات انقهرت اعوفها اله، اخذتهن وطلعت لحسين مشه وياي ساكت البيتهم رنـــه منتظرتني بالحوش دخلت وياها وهي تسب وتغلط على صــيهد عگدت حاجبي
-رنـــه!
دارت عليَّ وبعدها تغلط
-تشبهينه.
عگدت حاجبها مافاهمه
-انتِ وصيهد نفس الطكه.
-شلون راح تخليني اسبه واشعل جده بهالساعة.
سكتت ودخلت يمها للغرفة شمس وزهره نايمات كعدت يمها واجت يمنه ريـــمه بطنها بعدها صغيره يحجن وياي ويضحكن واني ساعة اگول عيب يوميه زعلانه وساعة اگول لا اخذه الواهس كل ما يغلط بكلمتين اقبل وصارت عاديه عنده.
طفيت تلفوني خفت يتصل ونمت يم رنـــه للصبح كعدتني شمس تبوس بوجهي فتحت عيني تضحكلي حضنتها أبوس بيها كعدت وياها كهلان ابد ما سألني رحت وياه للكليه اخذنا مــيثم، وماطلعت من قسمي الحد ما اجه كهلان طلعت ويآه راساً بدون ما اشوف صــيهد رجعت وياه لبيتهم وانصدم بندى هم زعلانه.
عيونها مورمه من البجي ورنه مكيفه وتصيح
-يارب بعد مــاسه هم خلي تجي .
كعدنا بغرفة رنـــه درت الندى اسألها شصاير حجت بقهر مختنگه
-يزعلني بالليل والصبح تعاي اضحكي بوجهي ولا چن البارحة متعاركين واذا گلبتي وجهج الدنيا كامت وما كعدت شلون گالبه وجهج عليَّ من آلصبح هاي چم مره يسويها واعديهن ميخالف ميخالف واتحمل وماعندي مكان اروحله واسكت الحد البارحة وصلت حدّها مليت
بالعشا ابوه گاله خلص وخلي نروح البيت غانم اخطبلك منهن بقى ساكت مره وحده كالهم ما اريد مرتي وابني تارسين علي الدنيا وبعدها كل ما يحاجونه يسكت مايگلهم لا، من دخلنا الغرفتنا گتله روح وي ابوك تزوج يگلي انتِ ما تحبيني وسهله عندج اخذ غيرج ما تهتمين گتله
انتَ المامهتم وكل ما يحاجونك تسكت
يكلي لا اني اسكت حتى مايلحون يا نايلحون غير صارت مثل الحبايه بكل وكت يعيدونها يا ملحه اكثر من هيييج.
تعاركنه وزعل ما يزعل وحده ياخذ رضا وياه ومشه نام يم امه الصبح اجه صباح الخير حبيبتي وشلون ماجاوبته گلب الدنيا دوم گالبه خلقتج وشنو تزعلين
يابه غير البارحة متعاركين شنو الصباح الخير.
مديت ايدي امسح على ايدها واهز راسي اي
-هاي هوه وصيهد نفس الشي هم يگلب الدنيا ووره ساعة تعاي احجي وياي طبيعي.
ندى:: تعبـــت جــويريه فوگ حجي اهله الياكل بگلبي هوه يزيدها علي، ابوه كل ما يحجي وكال خلفت نغل وكربسته براس وهـــب، جده كل ما تحجي وگالت عاجر وسعاد تحير شتحجي تفشر عليَّ لشوكت اسكت تعبـــت بالقران .
بچت مختنگه سكتنا اثنينا من اجت رنـــه ما قابله على ندى لان تبجي گمنه وياهن للمطبخ. نصب الغده مدوا سفره بالهول، وطرواده عافنه وحدنا وراح اتغدا بالدوانيه وي سجاد وعبود.
ريـــمه صورتنا وودت الصوره الماسه تگلها
-تعاركي وي مــيثم وتعالي
وماسه تگلها
-حاولت مافاد يعوفني ويطلع من البيت.
الوره الغدا كاعدين بالغرفة وطرواده وده ريـــمه علينه مشينه وياها للدوانيه طارت سجاد وعبود كعدنا ويمنه ريـــمه ورنه وبس سأل ندى بچت تحجي ودموعها يجرن وكل كلمه والثانيه تمدح وهـــب والنوب تحجي شي سلبي
ندى:: زين وياي ووي ابني وما مقصر لا بمصرف ولا بشي بس هاي تصرفاته يحرك بيها گـــلبي، كل ما يحجون على الزواج يبقى ساكت لا هو اللي مسكتهم ولا هو الرايح خاطب مخليني بنار التفكير كل ما يطلعوا هوه وابوه ابقى اكل بروحي ها خطي ها راحوا حجوا وس بيت غانم.
طــروادة:: اي ماكو مشكلة باجر نروح نرفع دعوة طلاك خل يطلك ويروح يتخذ من بيت غانم محد كاضه.
دنگت ندى تمسح بعيونها وهوه يدخن وبس سألني ارتبكت حسيت سبب زعلتي تافهه ومن گتله يسب اهلي هز راسه خوش، طلعنه من يمه متندمه هو الولد بيا حال واني اجيت ازيد همه، بس ما ترهم ارجع بعد اكلت تبن وسكتت، اثنينا مقهورات على بــدور وخالتي ايمان، يومين مرن لا صــيهد بين ولا وهـــب، وثالث يوم وهـــب وده على رضا اخذه وطلع وندى ميته من آلقهر.
ريـــمه :: محترك گلبه منهم وكل ما يجون ما يطلعلهم لا صــيهد ولا وهـــب وكل ما يحجي يگلي
-خيولون شافوهن ما وراهن احد عبالهم تايهات اكسر ظهورهم وعلي انا اخوهن.
ابتسمت وأكفه گدامه
-ونعم الأخو.
لف الچفيه على راسه
-ريـــمه
-هاا؟
-بريا هم يجي هناه؟
-لا وين المسكين اختك مسويه عليه حصار حتى مخابره مايحجي وياها كله رسائل ومن يويد يجي ما تقبل.
هز راسه مكيف
-عفيه عليها عفيه خيولي بريا سرسري.
-غيّر خطيبته ؟
-ميخالف
-جا شو من چنه مخطوبين ما تگول ما يصير حتى بفراشك مددتني؟
ضحك ودنك يبوسني بخدي طلعنه من الغرفة شمس تصيح ترعد بحرگه ماينفهم من حجيها شي، شالها كهلان بتك ايد وهيه تخزر بسه تخاف لا يبوسها تدنك هيه تبوسه بخده المهم نو هوه اليبوس، راد ينزلها مارضت چلبت بيه تبجي
-رايح للگاع خالي
تبچي وچلبت برگبته اجت رنـــه رادت تاخذها ولا رضت گلبت الدنيا.
-والله جا اخذتج بس حاره عليج
كوه قنعها آخذتها للحوش حتى لا تبجي وراه تلعب وتركض وره دجاجات رنـــه ، اندك باب الحوش صاح ســليم
-وين شمسنا؟
فتحتله الباب مبتسمه وشمس إجت مكيفه ضحك ودنك شالها
-يله اردها الكم بالليل.
-يمه وين ماخذها.
-للمدينه كهلان يكول ضايجة.
-يا اوكف خل ابدللها.
عاين بوجها عدل شعرها
-عليمن كلشي مابيها.
ومشه للسياره وهيه تسويلي باي ضحكت وصحت وراه
-ســليم گبل لا تروح خل هاجر تجيني.
-گتلها مساع شويه وتجيج.
ضليت اعاينلهم حط شمس بالسيارة وطلع عيني صارت على باب بيت اهلي طلعت هاجر لابسه عبايه ابتسملتها اجتي تركض وتضحك شبگتها اسلم عليها
-شلونج ولج ليش ما تجيني؟
احجي وياها وهي حطّت ايدها على بطني تضحك واشرتلي تسأل
- ما ادري ما مسويه سونار بس كهلان يتمناها بنيه، وانه حلمت بعمتي رباب جابتلي مشط صغير وحذاء مال طفل شكيت ولد وبعد ما ادري.
ضحكت وجرت ايدي تبوسها طبينه للبيت سلمت على البنات وعاينتلي تأشر تسأل على شمس
-راحت وي ســليم شويه ويجيبها.
سكتت متونسين على البنات جــويريه تدرس شويه وتبجي شويه گتلهن
-كهلان يعرف ولد محامي راح يوديله ارقام الولد يوديلهم بلاغ مزور على اساس من المحكمة بطلب الطلاك يگول حتى يتأدبون.
وندى:: اوكفي خاف يتعاركون وي كهلان اني ما اريد يجيه وجع راس من وراي.
-لا معليج مايصير شي .
خافت ندى خاف لا يتعاركون وي كهلان، هاجر ضلت يمنه ساعة وراحت جلبت بيها خايفه اسألها خاف امي تحاجيها تضحك وتأشر لا مشت وسليم للغروب يله جاب شمس وجايبلها ملابس كلهن يكفلها الا وحده شكدها تكفي الزهره ردت الطم ورنه كضتني.
-مو هيه ويااك وگدر عليها ليش هيج كبار؟
ســليم:: عمي هاي ما مشتريها مدري شجابها وياهن، انا غير جايبهن فيت وعدّل شوفيهن.
گلبنه بالهدوم واكفين بباب الحوش بنطرون كابوس وقميص وردي مصلخ
-تشتري البتنا مصلخ؟
ســليم:: اي خل تلبس هسه دام صغيره. خوش انسق مو؟
-اي والله حلو النوب كله وردي
ضحك يمسح على شاربه ورنه وراي تغلط عليه بصوت ناصي حاقده عليه لان سولفلتها على عركته وي ماريا.
كال
-يله انا رايح البريا.
-وين هوه؟
-بالگاع وي مــيثم، راح اروح اخذه اشوفله مره مناااه مناااه.
رنـــه :: اخذه تتعب روحك ما يعاين لغيري.
ســليم:: على حورج مايعاين الغيرج تم الصخول.
اثنينهم حجوها شقه بس انه كضيت گـــلبي بأيدي ادري نهايتها شني بسرعه صاحت عليه
-خاب انتَ دواك بس ماريا مشرشحتك.
تسودن يغلط عليها وعلى ماريا دفعته سديت الباب ودرت عليها اسد بحلگها
-شبييج؟
دفعت ايدي تحجي بحرگه
-شوفي اسلوووبه شلون جايف.
درت وجهي منها زعلانه اخذت غراض شمس وطبيت جوه
وي العشه أجه كهلان وبس تعشينه خله المحامي صاحبه يراسل الولد ربع ساعة وباب حوشنه تفلس رنـــه راحت روحها وجويريه بهتت خايفه طلع فتلحهم الباي وكلنه نعاين عليهم.
طبوا اثنينهم صــيهد ووهب وكهلان صاح على البنات طلعن للحوش وهـــب يصيح
وهـــب:: بالحسين ما اطلك لج ندددى.
ويخزر بسها متسودن گاله
-تريد تاخذ عليها؟ مو ابوك يريدلك من بيت غانم؟
-خررب روح غانم يا صخااام انا اخذ عليهااا اناا؟ انتَ تعلقها.
يتراجف ويحجي بحرگه بس صــيهد ساكت ويعاين لجويريه وهي مدنگه ماتشيل راسها مرتبكه
طــروادة:: وهـــب من الاخير اذا الك نيه تاخذ مره ثانية خلنه باجر نروح للمحكمة طلك اختي وروح اخذ اربعه غيرها مالنه غرض بيك.
وهـــب:: يابه بالعباس ما رايد غيررها لا تسودني.
-مو ابوك يگلك اريذ ادزوجك وتضل ساااكت؟
-اسكت لان ما اريدن اتعارك وياااه واعلي صوووتي عليه اسكت واطلع من البيت بس وروح عمي شامل ما آخذ عليها ولا اريدن غيرها لوّ يذبحوني.
رضا راح الوهب يبجي وهوه مست من القهر هوه مصدك البلاغ بس صــيهد حسيتها ماعبرت عليه لان نظرته لجويريه عبالك واحد يگلها سهله انا اعلمج.
كهلان يحجي وي وهـــب ووهب يبرر وانه تركيزي كله وي صــيهد وجويريه خفت عليها، دار كهلان الندى يسأل رضت بالحجي لو لا تدنى يمها وهـــب باس راسها يعتذر وهيه تمسح بعيونها ورضا يصلد حركات ابوه هم باس رأسها ويعتذر
وهـــب:: اخذهم واروحن هاي هيه؟
طــروادة:: لا انا عود اجيبنهم بعد شويه، روح هسه.
وهـــب:: انا بشاربك مو تحرضهم عليَّ.
باس رضا عافه بالگاع ومشه يريد يطلع گال الصيهد
وهـــب:: لا تصير نچر اعتذر وابلعها مثلي.
طلع من الحوش وصيهد دار عيونه من جويريه الكهلان فتحت عيني مصدومة من گاله
صــيهد:: موعد المحكمه ليمت بس كون ما يصادف وي يوم امتحان؟
جــويريه فتحت عينها مصدومة وكهلان سكت فترة وگاله
-لا لا تخاف ما يصادف يوم امتحان .
-خوش عود بلغني بالموعد وان شاءالله احضر تأمرون انتَ واختك.
-ما يأمر عليك ظالم، الله وياك.
ذب جكارته بالگاع داس عليها وطلع وجويريه طبت للبيت متسودنه ركضت الغرفة رنـــه مغطيه وجها وتبجي كعدنا يمها كلنه نحاجيها وهي تشهك وكهلان من الهول يصيح
-خيووولي عليمن تبجين.
مسحت وجها ترجف صاحت
-والله باجر ترفع دعوة طلاك حقيقيه والله بعد ما ابقى وياه.
-هااي هيه كاافي يله.
بچت هوواي مردت گـــلبي، وندى ماخلاها تروح الثاني يوم وهـــب كض الباب يله كهلان رضى تروح وياه، يمتحنون ويجون جــويريه ابد مالها خلك حيل تأثرت وقفلت الا ترفع دعوة طلاك كالها كهلان خوش هاي هيه وره الامتحانات اخذج، سكتت وصيهد ابد ما يجي يم كهلان.
وهوه هم التهى بالگاع ما زرع هواي هالمره بس بستان ورد آلشغل الحراسة من ١٢ بالليل للستة الصبح.
مــاسه:: ميته من القهر وگوه اركز بدروسي صــيهد لا يحجي وياي ولا وي بــدور وجويريه زعلانه وباقيه يم بيت عمي شامل، گـــلبي . ينطحن من القهر بــدور بدت تمتحن ياخذها هوه ويخلي وهـــب يجيبها .
بريا اجازته طويله لان سوه حادث هوه والوياه كلهم اجازتهم شهر وهو كرها يريد بس يلتحق لان مايشوف رنـــه بيها مدري شبيها وياه ما ترضى يجيها، ملتهي وي مــيثم بالگيعان والعصريات يطلع وي الولد لو يخلصها يتشاقه وي ماريا وحور.
ماريا من بريا هناه الضحكه ما تفارگ وجها وبالاخص اذا يتشاقه وياها تكيف وتفرح من كل گلبها.
اخذتلي مده ورحت البيت اهلي لكيت صــيهد يم امي بالغرفة وهيه تحجي وياه علمود يرجع جــويريه وبس شافني طبيت للغرفة خزرني وكام طلع من البيت وامي متخبله شبيه اخوجن واني اسكت كوه على روحـــي صعدت احاجي بــدور غارگه بالكتب وبس تبجي كعدت يمها احاجيها
بــدور:: يگلي ارسبي وشوفيني شسوي بيج.
-ادرسي زين ليش ترسبين؟
مسحت عيونها مختنگه كوه تحجي
-تعبـــت مــاسه احفظ وانسى.
-اكتبي وماتنسين.
احجي وانه بنفسي هم احفظ منآه وانسى مناه وراه ما تكضي هيه امتحانات تبدي امتحاناتي.
ضليت يمهم شويه ورديت البيتي مــيثم يحجي على صــيهد
-ليش شبيه؟
مــيثم:: ولج ما يحجي ويانه ولا يكعد ويانه جا اطا مرتك زعلانه يم كهلام احنا ياهي مالتنه؟
-غير ضايج لا تحجي عليه مــيثم .
-الله اكبر شگلت هسه انا ام حور هم على كيفج انتِ.
ابتسمت وبريا يصيح عليه
-اهم شي تدافع الصيهد ام حور.
يحجي متمدد على القنفه وحاط حور على صدره، وماريا گدامهم تسوي كبب ومعجنات وكلساع طالعتلنا باكله كلهن حلوات الا البيها زعتر اخر شي بريا ذب الزعتر برره وجرها من راسها يبوسها ويتوسل
-بس لا تحطين زعتر.
ماريا::ههههههه لك وحياة الله طيب انتَ بس جرب كلو
-حشه نعمة الله يلعب الروح.
رفعتله حاجبها مبتسمه
-اي لو رنـــه يلي عامله هالاكله كنت قلت ياا سلام شو هالطيابه.
ضحك كعد يمها
-والله الزعتر حتى من ايد بدويتي ما اكله ما ينجرع.
وهي ميته من الضحك عليهم، شويه والولد طلعوا وحور نامت طبيت للغرفة ادرس وماريا بغرفة اهلها مــيثم جايلها جرباية وكنتور خانتين وحطلها تلفزون، ضليت اقرأ الحد ما مليت طلعت اريدن اشوفنها نايمه لو بعدها كاعده مالكيتها بالغرفة سمعت ماي الحمام مفتوح عرفتها جاي تسبح تمددت على جربايتها متانيه تطلع حتى اسولف وياها شويه .
جريت المخده مالتها اريد اطبگها وفتحت عيني مصدومة كعدت على حيلي شلتها كلها وخرتها على صفحة اعاين للسجينه الجانت جواها، وبس سمعت باب الحمام انفتح بساع رديت المخده المچانها وضليت كاعده على الچرباية لمن اجت هيه عاينتلي مبتسمه
-فكرتك نايمه.
-لا والله چنت اقرأ ومليت كلت خل اشوفن ماريا نامت بعدها.
ركضت للكنتور طلعت حلويات مدتهن الي اخذتهن منها وفجري مشغول بالسجينه ليش مخليتها جوه راسها شبيها البنيه؟ نشفت شعرها جابت مشط واجت كعدت كدامي امشط شعرها
-ماريا؟
-همم؟
امشط شعرها واحجي بتردد
-من كلنه نطلع من البيت هم احد يجي؟
-لا.
-تخافين تضلين وحدج؟
-لا ما بخاف، معوده ضل لحالي.
سكتت ظفرت شعرها كامت كعدت بصفي على الچرباية تسولف وياي مبتسمه عاينت لعيونها متردده
-هم تشتاقين الامج؟
راحت ابتسامتها تعاين بعيوني حركت راسها لا وتمددت نزلت من الچربايه طفيت التلفزون وطلعت غير لو اشيل السالفة من راسي اريد اركز بشي غيرها ماكو انشغل كل بالي بيها.
رنـــه :: اهدد بس چذابه ادري بروحي ازعل وبالليل من الكه منه رساله احن ، طبيت للغرفة شمس تلعب وي جــويريه وهي بس وي شمس تضحك مدري شمالها من يوم سالفتها وي صــيهد انگلبت گلاب ومالها خلك شي كارهه روحها.
لمن نامت شمس گلت لجويريه
-هسه بس ترفعون دعوة طلاك حقيقية يتراجع.
وهي صافنه تعاين بالسگف
-ما تفيد بعد يتراجع ما يتراجع ما ترهم صــيهد لو اشعل روحـــي گدامه ما يتغير مو بأيده ما يگدر.
زفرت نفس متحسره تغطت تريد تنام تمددت اني هم بفراشي وزهره تضم روحها بحضني جريت تلفوني اباوع بيه كاتبتله
-لو تعوفني لو تعوف دوامك.
شغلت البيانات اريد اشوفنه راد عليه لو لا شويه ووصلني رسائل هواي منه
-انتِ صدك تحجين رنـــه هوه هذا حجي.
ادري شبيج اجيج روحـــي طاكه اكضي الاجازه عرك وياج .
قريت رسائله محتاره ادري بيه لو مدري شيصير مايبطل كتبتله
-مو ذنبي ينشلع گـــلبي واخلصها خوف.
شافها ومارد شويه وودالي ايه قرأنيه
-﴿أَيْنَمَا تَكُونُوا يُدْرِكْكُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ﴾
يعني حتى لو بطلت وكابلتج وكعدت هم اذا مكتوبلي اموتن اموت ليش تشلعين گـــلبي .
سكتت محتاره
-طلكني.
كتبتها وگلبي يدك حييل مارد عليها عشر دقايق عدن كتب
-ساعة السوده يوم النزلت بالحسين من عين باجر التحق وخرب بأهله الينزل بعد ماصارت هاي صارلج چم يوم نار واجه بگلبي حجيج وياي كله سم ويقهر موتيني.
قريت الرسالة مقهوره كتبتله
-بريا والله علمودك لان ما اريدن تلتحق.
ما وصلته طفه النت ضليت الوب، ساعة عدت اريده بس يفتح النت ماكو صارت بالوحده ونص كلهم ناموا بس كهلان مشهّ للشغل، انطحنت طحن خفت يسويها صدك ويلتحق الفجر.
مدري شني البعقلي من گمت لبست حجابي وعبايتي وطلعت ادربن بهالليل، گـــلبي يددك حيل وما افكر ليش رايحه كل تفكيري شنو احجي شلون اصالحة
وصلت البيتهم فتحت باب الحوش وطبيت متوتره واطكطك بأصابعي اريد افتح باب الهول لكيته مقفول. عضيت اصبعي ندم لو جايبه تلفوني ومراسله البنات شخسرانه،
وبدل ما ارجع البيتنا افتريت بالحوش ليوره يم شباج غرفته، شبابيچ بيوتنا ناصيه، گـــلبي يدك بقوة تدنيت يم الشباك دكيته حييل ومغمضه عيني توخرت البرده وانفتح الشباج
-ررررنه؟؟
-ياهو كالك تطفي النت؟
دار وجهه شغل الضوه عاين للساعة ورد عاينلي مد أيده الي
-تعاي طبي.
-اريدن اروح بس شغل النت خل احاجيك.
-تعاي طبيّ وحاجيني.
عاينت للشباچ بحيره ابتسم
-تكفي لا تطلعين عذر.
خليت رجلي ودخلت من الشباك وكف كدامي مبتسم وانه الجاي اصالحه خازرته
-ليش من احجي وياك تطفي النت؟
-قهرتيني
-غير خايفه عليك
-ميخالف حتى لو خايفه عليَّ ما تكليلي طلگني، تقهريني من تحجينها انا اكلني التعب يله حصليتج شلون اطلگج؟
دنگت ساكته وصفنت استوعب بيش الساعة وانه وين شلت راسي أعاين بوجهه
-شجااابني؟
ضحك يكض بأيدي
-غير ما مصدك روحـــي وخايف لا يطلع حلم.
شلت ايدي طكيته راشدي فر
-حتى تصدك مو حلم
-لا تطكين بعد زحمه.
-والله؟
-اي حبيبتي مو زحمه بس ايدج توجع.
ابتسمت وهو يعاين بوجهي ويضحك گتله
-يله راح اروحن ومتسويها صدك وباجر تروح اكضي رمضان والتحق.
درت اريد اطلع منين ما اجيت جرني من ايدي حييل
-ووين ووين؟ ضلي يمي شويه وروحي
-لاا طــروادة لو يدري يموتني اصلاً انه مدري شلون اجيت.
-شويه رنـــه بس اكعدي نسولف نص ساعة وروحي .
عضيت شفتي محتاره وهوه يعصر ايدي بين أديه هزيت راسي خوش جر ايدي وياه كعدت على طرف الچرباية وهو كعد كدامي يعاين بوجهي ويضحك
بريا:: والله الحد هسه احس روحـــي بحلم رنـــه ازعل منها وتجيني الغرفتي.
شلت ايدي اريد اطگه كضها يضحك
-لا لا يله صدكت حقيقه مو حلم.
ابتسمت اباوع بوجهه عصر ايدي بين أديه متحسر شالهن الوجهه قشعر بدني يبوسهن ويجر مفس بقوة ردّ نزلهن
بريا:: شلون انطاج گلبج كضيتي الاجازه معذبتني لا حاجيتيني لا خليتيني اشوفنج ليش؟
-حاولت اخليك تبطل .
-عذبتيني بالقران انا طول ايام الدوام افكر ليمت انزل واشوفنها وهل مره ما ارضى بس بحچاية ولا بس بكضة أيدها هالمره اخذ شي يصبرني على فراگها شهرين تالي خوش حرمتيني.
بلعت ريك اباوع لوجهه وعاگده حاجبي
-شتقصد؟
زفر نفس طويل يباوع لشفايفي شال أيده يحضن خدي ويتلمسهن بأبهامه
-بستهن بس متندم لان خفتي واغمى عليج وگد ما خوفتيني خشمي طك دم.
نزلت ايده مرتبكه ومدنكه
-ارضي رنـــه شلعتي گـــلبي .
هزيت راسي لا اريد بس اشرد هاي انه الچنت اضــحك عليهن من يكللي نرجف ونتوتر اهز ايدي واكلهن هيه بوسه نمونه، تالي من صرت بهيج موقف حرت وين أضم وجهي حسيت انفاسه قريبه علي شلت راسي اعايلنه تلمس خدي
-حتى خدج؟
بلعت ريگ ساكته وهو شوي شوي يتقرب الحد ما طخ خده بخدي عبالي صدك راح يبوسني بخدي ويوخر مال براسه وباسني بطرف شفتي شفايفه صارن نص على شفتي ونص خدي ، گمت بسرعة ايدي ترجف
-اريد ارووح.
مسح وجهه ووگف يهز راسه اي لبس قميصه وجرني من إيدي للباب طلعنه ساكتين اثنينا نمشي ظلمة بس صوت الشصر وصوت السعف من يتحرك بهدوء، شلت راسي للسما متروسه نجوم وواضحات تدنيت اكثر البريا حضنت ايده ومشيت وياه دارلي مبتسم
-فـــدوه اروحنلج.
وصلني يم باب حوشنه ووكفنا
-مو تروح باجر؟
سكت يعاينلي مبتسم
-مالي حضن رناتي؟
تلفتت اتأكد محد گاعد وفتحتله ايدي ضحك ودنگ شبگني بتك ايد رفعني من الگاع
-كااافي كافي بريا ضلوعي اوجعني.
نزلني يضحك
-اشوفهن؟
-شنهنه؟
-ضلوعج!
طكيته على ايده
-والله هسه عرفت ليش طــروادة ما يرضى تجينا واشوفنك صدك سرسري.
-هههههه محد مطيح حظي غير اخوج.
-يله خل اروحن انام
-اوكفي كليلي شي حلو.
-شي حلوه؟؟ امم كاهي.
-رررنه!
ضحكت جريت ايدي من ايده
-احبنك.
غمض عيونه ورجع راسه ليوره مبتسم ويردد
-اووووف اوووف امووتن عليج تشهد عليَّ كل نجمة بهالليل.
-ههههه يله بريا.
باس ايدي لأخر مره وراح، ركضت لفراشي ضميت روحـــي بين شمس وزهره ونمت وحتى ومن جوري رايحه للامتحان ما ادري بيها وين يله كعدت جريت تلفوني لگيت رساله منه كاتبلي
-حبيبتي انا التحقت اليوم يا روحـــي لا تخافين عليَّ والله ماكو شي خطر ما گدرت اكلج البارحة حتى ما تزعلين وتقهريني احبنج رناتي.
شمرت التلفون ميته من القهر وطول اليوم مالي خلك من يتصل ما ارد عليه ومن سودي رسالة ما آرد
رحت استلمت النتيجة ومثل ما توقعت ستينات وخمسينات، صرت خامس، حسين رابع وزهره ثالث
جــويريه بس كضت امتحانات رحت وياهم علمود يرفعون دعوة طلاك لان هيه قفلت بعد وهوه ابد مر اجه ولا حاول يصالحها.
من رجعنه تخربطت وبس لعبانه روحها كهلان خاف عليها وبساع اخذها للطوارئ واول تحليل سووه الها تحليل حمل وهيه تاكل بأظافرها مرتبكه .
ومن گالولها حامل عيونها انترسن دموع وبس طلعنه بچت طــروادة يحاجيها ضايج عليمن تبجين
-ما اريد طفل ما اريد يعيش الضياع الاني عشته
سكت يستغفر رجعنا للبيت بالليل اجت عمه ايمان وندئ ودرن بيها حامل حاجته رادت كالتلها تعاي يمي مارضت جــويريه كاضيتها بچي، شويه وراحت وراهن بساعة اجه صــيهد كعد وي كهلان بالحوش واحد يشمر على الثاني بالحجي هاي اول مره يتزاعلون ويطول زعلهم هلكد
-ما اطلك خل تخلف وراها عود نشوف.
طــروادة:: اي وخلفت شني تاخذه مثلاً؟
-كهلان الحد هسه ساكت انا ساااكت انتَ واختككك دستوا عليَّ وانا ساكت.
-واضح وين عشگك الها؟ كلبت الدنيا عليها ويوميه سالفة وين اريدن اشوف عشكك وينه شو بس كنالك طلك كيفت.
صــيهد:: انتَ تعرف شي وانا اعرف شي اسكت.
سكت كهلان محتار وصيهد شويه وراح طول هالفترة اعصاب ومايتحاجه وجويريه ما گدرت تصوم رمضان ويانه روحها تطلع وريمه هم كضتها يوم تصوم ويوم تفطر.
بريا رديت احجي وياه يوميه ما گدرت اضل زعلانه ومانحجي هواي بس اطمن ويروح، شمس مرتين مازن اخذها الاهله يشوفونها، من الصبح لليل ويرجعها روحـــي تروح من ياخذوها اخاف وابد ما ارتاح من جان منذر عايش عادي بس هسه ما ارتاح.
وعمام منذر يوميه مودين وادم يردون يسوون كعده علمودها وكهلان يردهم ومغلس عنهم،چم مره صارت عدهم كعدات علمود فصل منذر مره منهن شاكر جان موجود وواحد من الشيوخ مرزله وطالع زعلان.
وانه وريمه اثنينا مستغربين سكوت ميلاد مختفيه وحتى ماتطلع من بيتها بس خفتاً وراحه بعد احسن.
گبل العيد بيومين صار الصريخ ببيت وليد وطلعت سعاد گالبه الدنيا وتصرخ وتدعي على جده واحنا مادين روسنا نريد نفهم شصاير اجت البيت شاكر تصيح وتدك بالباب طلعتلها ميلاد وهيه متسودنه
سعاد:: طلكني الچليب بني الچليببب طلكني.
وهدن هيه وميلاد على جده يردن يكتلها وعمي وليد وعمي شاكر طردوهن اثنينهن يابه قالب ثلج وطاح على گـــلبي اخذهن سجاد وداهن الاهلهن ورد يضحك مكيف وريمه بساع مشت الاهلها يم هاجر.
واخذناهن ضحك طول اليوم حتى جــويريه تضحك ويانه شمتانه بيهن. طكيتها على ايدها
-لا تضوجين.
جــويريه:: هزيت راسي لا مبتسمه گوه على اعصابي الحد يوم العيد وره الغده راسلت مــاسه اسألها كالت
-انه يم اهلي ومحد هناه تعاي.
بدلت ورحت اسلم على خالتي ايمان، سلمت على مــاسه صار مده ماشايفتها ضعفانه من الامتحانات صــيهد راجع يحجي وياها ووي بــدور كعدت يمهن وهنه يحجن ويركعن ليوره ارجعي
-هوه عايفني شلون ارجع؟
مــاسه:: والله يريد يموت عليج يوميه يراسلني ويگلي راسليها شوفيها شلون صارت؟
ندى:: حتى وهـــب ويگول صــيهد صاير شخاطه من وره زعل مرته ما يتحاجه.
بــدور:: امس رحت للمشتمل لگيته يسمع اغاااني تبجي الحجر كله مواويل ويدخن اخوي المتدين سگط من وره فراگج، جوري حبابه ارجعي غير اموتن تطلكون من وراي وعلي ميته من القهر
دنگت ساكته رقمي عنده ابد ما حاول يصلح الامور راساً رضى بالطلاك، بعدني كاعده وياهن وطبوا وهـــب وصيهد وباديهم علاليك متسوكين وكفت مرتبكه اريد اضم روحـــي ماردت يشوفني مالحكت شافني فتح عينه متفاجئ دنگت منحرجه هسه عباله رجعت من وحدي كالتله خاله
فتحت عيني مصدومه بيه جرّ التشيرت ودنك اخذ تلفونه طلع من البيت، شگتله؟ شحجيت واهلي شعليهم شعليهم حسررره حجيت كلمه وحرك روحهمم. غلطت ميته من الحرگه دك تلفوني جاوبتها اثنينا نبجي
مــاسه:: اشبيه؟
-هو بشر وواحد يحجي وياه ولج واله ما گلت شي والله ماحجيت شي يسوه يغلط.
صاح عليها مــيثم وراحت شديت التلفون گـــلبي نار امداني المضحكه زعلت وضحك علي بكلمتين رجعني شوف يا زوج الترجعلك هالمره، خابرت رنـــه اريد اروح ومستحيه بس سمعتني ابجي صاحت
-احتركوا اهله خيولي تعاااي، راح اوديلج حسين.
مسحت وجهي وگمت لميت ملازمي وملابسي وعلاگة الحلويات انقهرت اعوفها اله، اخذتهن وطلعت لحسين مشه وياي ساكت البيتهم رنـــه منتظرتني بالحوش دخلت وياها وهي تسب وتغلط على صــيهد عگدت حاجبي
-رنـــه!
دارت عليَّ وبعدها تغلط
-تشبهينه.
عگدت حاجبها مافاهمه
-انتِ وصيهد نفس الطكه.
-شلون راح تخليني اسبه واشعل جده بهالساعة.
سكتت ودخلت يمها للغرفة شمس وزهره نايمات كعدت يمها واجت يمنه ريـــمه بطنها بعدها صغيره يحجن وياي ويضحكن واني ساعة اگول عيب يوميه زعلانه وساعة اگول لا اخذه الواهس كل ما يغلط بكلمتين اقبل وصارت عاديه عنده.
طفيت تلفوني خفت يتصل ونمت يم رنـــه للصبح كعدتني شمس تبوس بوجهي فتحت عيني تضحكلي حضنتها أبوس بيها كعدت وياها كهلان ابد ما سألني رحت وياه للكليه اخذنا مــيثم، وماطلعت من قسمي الحد ما اجه كهلان طلعت ويآه راساً بدون ما اشوف صــيهد رجعت وياه لبيتهم وانصدم بندى هم زعلانه.
عيونها مورمه من البجي ورنه مكيفه وتصيح
-يارب بعد مــاسه هم خلي تجي .
كعدنا بغرفة رنـــه درت الندى اسألها شصاير حجت بقهر مختنگه
-يزعلني بالليل والصبح تعاي اضحكي بوجهي ولا چن البارحة متعاركين واذا گلبتي وجهج الدنيا كامت وما كعدت شلون گالبه وجهج عليَّ من آلصبح هاي چم مره يسويها واعديهن ميخالف ميخالف واتحمل وماعندي مكان اروحله واسكت الحد البارحة وصلت حدّها مليت
بالعشا ابوه گاله خلص وخلي نروح البيت غانم اخطبلك منهن بقى ساكت مره وحده كالهم ما اريد مرتي وابني تارسين علي الدنيا وبعدها كل ما يحاجونه يسكت مايگلهم لا، من دخلنا الغرفتنا گتله روح وي ابوك تزوج يگلي انتِ ما تحبيني وسهله عندج اخذ غيرج ما تهتمين گتله
انتَ المامهتم وكل ما يحاجونك تسكت
يكلي لا اني اسكت حتى مايلحون يا نايلحون غير صارت مثل الحبايه بكل وكت يعيدونها يا ملحه اكثر من هيييج.
تعاركنه وزعل ما يزعل وحده ياخذ رضا وياه ومشه نام يم امه الصبح اجه صباح الخير حبيبتي وشلون ماجاوبته گلب الدنيا دوم گالبه خلقتج وشنو تزعلين
يابه غير البارحة متعاركين شنو الصباح الخير.
مديت ايدي امسح على ايدها واهز راسي اي
-هاي هوه وصيهد نفس الشي هم يگلب الدنيا ووره ساعة تعاي احجي وياي طبيعي.
ندى:: تعبـــت جــويريه فوگ حجي اهله الياكل بگلبي هوه يزيدها علي، ابوه كل ما يحجي وكال خلفت نغل وكربسته براس وهـــب، جده كل ما تحجي وگالت عاجر وسعاد تحير شتحجي تفشر عليَّ لشوكت اسكت تعبـــت بالقران .
بچت مختنگه سكتنا اثنينا من اجت رنـــه ما قابله على ندى لان تبجي گمنه وياهن للمطبخ. نصب الغده مدوا سفره بالهول، وطرواده عافنه وحدنا وراح اتغدا بالدوانيه وي سجاد وعبود.
ريـــمه صورتنا وودت الصوره الماسه تگلها
-تعاركي وي مــيثم وتعالي
وماسه تگلها
-حاولت مافاد يعوفني ويطلع من البيت.
الوره الغدا كاعدين بالغرفة وطرواده وده ريـــمه علينه مشينه وياها للدوانيه طارت سجاد وعبود كعدنا ويمنه ريـــمه ورنه وبس سأل ندى بچت تحجي ودموعها يجرن وكل كلمه والثانيه تمدح وهـــب والنوب تحجي شي سلبي
ندى:: زين وياي ووي ابني وما مقصر لا بمصرف ولا بشي بس هاي تصرفاته يحرك بيها گـــلبي، كل ما يحجون على الزواج يبقى ساكت لا هو اللي مسكتهم ولا هو الرايح خاطب مخليني بنار التفكير كل ما يطلعوا هوه وابوه ابقى اكل بروحي ها خطي ها راحوا حجوا وس بيت غانم.
طــروادة:: اي ماكو مشكلة باجر نروح نرفع دعوة طلاك خل يطلك ويروح يتخذ من بيت غانم محد كاضه.
دنگت ندى تمسح بعيونها وهوه يدخن وبس سألني ارتبكت حسيت سبب زعلتي تافهه ومن گتله يسب اهلي هز راسه خوش، طلعنه من يمه متندمه هو الولد بيا حال واني اجيت ازيد همه، بس ما ترهم ارجع بعد اكلت تبن وسكتت، اثنينا مقهورات على بــدور وخالتي ايمان، يومين مرن لا صــيهد بين ولا وهـــب، وثالث يوم وهـــب وده على رضا اخذه وطلع وندى ميته من آلقهر.
ريـــمه :: محترك گلبه منهم وكل ما يجون ما يطلعلهم لا صــيهد ولا وهـــب وكل ما يحجي يگلي
-خيولون شافوهن ما وراهن احد عبالهم تايهات اكسر ظهورهم وعلي انا اخوهن.
ابتسمت وأكفه گدامه
-ونعم الأخو.
لف الچفيه على راسه
-ريـــمه
-هاا؟
-بريا هم يجي هناه؟
-لا وين المسكين اختك مسويه عليه حصار حتى مخابره مايحجي وياها كله رسائل ومن يويد يجي ما تقبل.
هز راسه مكيف
-عفيه عليها عفيه خيولي بريا سرسري.
-غيّر خطيبته ؟
-ميخالف
-جا شو من چنه مخطوبين ما تگول ما يصير حتى بفراشك مددتني؟
ضحك ودنك يبوسني بخدي طلعنه من الغرفة شمس تصيح ترعد بحرگه ماينفهم من حجيها شي، شالها كهلان بتك ايد وهيه تخزر بسه تخاف لا يبوسها تدنك هيه تبوسه بخده المهم نو هوه اليبوس، راد ينزلها مارضت چلبت بيه تبجي
-رايح للگاع خالي
تبچي وچلبت برگبته اجت رنـــه رادت تاخذها ولا رضت گلبت الدنيا.
-والله جا اخذتج بس حاره عليج
كوه قنعها آخذتها للحوش حتى لا تبجي وراه تلعب وتركض وره دجاجات رنـــه ، اندك باب الحوش صاح ســليم
-وين شمسنا؟
فتحتله الباب مبتسمه وشمس إجت مكيفه ضحك ودنك شالها
-يله اردها الكم بالليل.
-يمه وين ماخذها.
-للمدينه كهلان يكول ضايجة.
-يا اوكف خل ابدللها.
عاين بوجها عدل شعرها
-عليمن كلشي مابيها.
ومشه للسياره وهيه تسويلي باي ضحكت وصحت وراه
-ســليم گبل لا تروح خل هاجر تجيني.
-گتلها مساع شويه وتجيج.
ضليت اعاينلهم حط شمس بالسيارة وطلع عيني صارت على باب بيت اهلي طلعت هاجر لابسه عبايه ابتسملتها اجتي تركض وتضحك شبگتها اسلم عليها
-شلونج ولج ليش ما تجيني؟
احجي وياها وهي حطّت ايدها على بطني تضحك واشرتلي تسأل
- ما ادري ما مسويه سونار بس كهلان يتمناها بنيه، وانه حلمت بعمتي رباب جابتلي مشط صغير وحذاء مال طفل شكيت ولد وبعد ما ادري.
ضحكت وجرت ايدي تبوسها طبينه للبيت سلمت على البنات وعاينتلي تأشر تسأل على شمس
-راحت وي ســليم شويه ويجيبها.
سكتت متونسين على البنات جــويريه تدرس شويه وتبجي شويه گتلهن
-كهلان يعرف ولد محامي راح يوديله ارقام الولد يوديلهم بلاغ مزور على اساس من المحكمة بطلب الطلاك يگول حتى يتأدبون.
وندى:: اوكفي خاف يتعاركون وي كهلان اني ما اريد يجيه وجع راس من وراي.
-لا معليج مايصير شي .
خافت ندى خاف لا يتعاركون وي كهلان، هاجر ضلت يمنه ساعة وراحت جلبت بيها خايفه اسألها خاف امي تحاجيها تضحك وتأشر لا مشت وسليم للغروب يله جاب شمس وجايبلها ملابس كلهن يكفلها الا وحده شكدها تكفي الزهره ردت الطم ورنه كضتني.
-مو هيه ويااك وگدر عليها ليش هيج كبار؟
ســليم:: عمي هاي ما مشتريها مدري شجابها وياهن، انا غير جايبهن فيت وعدّل شوفيهن.
گلبنه بالهدوم واكفين بباب الحوش بنطرون كابوس وقميص وردي مصلخ
-تشتري البتنا مصلخ؟
ســليم:: اي خل تلبس هسه دام صغيره. خوش انسق مو؟
-اي والله حلو النوب كله وردي
ضحك يمسح على شاربه ورنه وراي تغلط عليه بصوت ناصي حاقده عليه لان سولفلتها على عركته وي ماريا.
كال
-يله انا رايح البريا.
-وين هوه؟
-بالگاع وي مــيثم، راح اروح اخذه اشوفله مره مناااه مناااه.
رنـــه :: اخذه تتعب روحك ما يعاين لغيري.
ســليم:: على حورج مايعاين الغيرج تم الصخول.
اثنينهم حجوها شقه بس انه كضيت گـــلبي بأيدي ادري نهايتها شني بسرعه صاحت عليه
-خاب انتَ دواك بس ماريا مشرشحتك.
تسودن يغلط عليها وعلى ماريا دفعته سديت الباب ودرت عليها اسد بحلگها
-شبييج؟
دفعت ايدي تحجي بحرگه
-شوفي اسلوووبه شلون جايف.
درت وجهي منها زعلانه اخذت غراض شمس وطبيت جوه
وي العشه أجه كهلان وبس تعشينه خله المحامي صاحبه يراسل الولد ربع ساعة وباب حوشنه تفلس رنـــه راحت روحها وجويريه بهتت خايفه طلع فتلحهم الباي وكلنه نعاين عليهم.
طبوا اثنينهم صــيهد ووهب وكهلان صاح على البنات طلعن للحوش وهـــب يصيح
وهـــب:: بالحسين ما اطلك لج ندددى.
ويخزر بسها متسودن گاله
-تريد تاخذ عليها؟ مو ابوك يريدلك من بيت غانم؟
-خررب روح غانم يا صخااام انا اخذ عليهااا اناا؟ انتَ تعلقها.
يتراجف ويحجي بحرگه بس صــيهد ساكت ويعاين لجويريه وهي مدنگه ماتشيل راسها مرتبكه
طــروادة:: وهـــب من الاخير اذا الك نيه تاخذ مره ثانية خلنه باجر نروح للمحكمة طلك اختي وروح اخذ اربعه غيرها مالنه غرض بيك.
وهـــب:: يابه بالعباس ما رايد غيررها لا تسودني.
-مو ابوك يگلك اريذ ادزوجك وتضل ساااكت؟
-اسكت لان ما اريدن اتعارك وياااه واعلي صوووتي عليه اسكت واطلع من البيت بس وروح عمي شامل ما آخذ عليها ولا اريدن غيرها لوّ يذبحوني.
رضا راح الوهب يبجي وهوه مست من القهر هوه مصدك البلاغ بس صــيهد حسيتها ماعبرت عليه لان نظرته لجويريه عبالك واحد يگلها سهله انا اعلمج.
كهلان يحجي وي وهـــب ووهب يبرر وانه تركيزي كله وي صــيهد وجويريه خفت عليها، دار كهلان الندى يسأل رضت بالحجي لو لا تدنى يمها وهـــب باس راسها يعتذر وهيه تمسح بعيونها ورضا يصلد حركات ابوه هم باس رأسها ويعتذر
وهـــب:: اخذهم واروحن هاي هيه؟
طــروادة:: لا انا عود اجيبنهم بعد شويه، روح هسه.
وهـــب:: انا بشاربك مو تحرضهم عليَّ.
باس رضا عافه بالگاع ومشه يريد يطلع گال الصيهد
وهـــب:: لا تصير نچر اعتذر وابلعها مثلي.
طلع من الحوش وصيهد دار عيونه من جويريه الكهلان فتحت عيني مصدومة من گاله
صــيهد:: موعد المحكمه ليمت بس كون ما يصادف وي يوم امتحان؟
جــويريه فتحت عينها مصدومة وكهلان سكت فترة وگاله
-لا لا تخاف ما يصادف يوم امتحان .
-خوش عود بلغني بالموعد وان شاءالله احضر تأمرون انتَ واختك.
-ما يأمر عليك ظالم، الله وياك.
ذب جكارته بالگاع داس عليها وطلع وجويريه طبت للبيت متسودنه ركضت الغرفة رنـــه مغطيه وجها وتبجي كعدنا يمها كلنه نحاجيها وهي تشهك وكهلان من الهول يصيح
-خيووولي عليمن تبجين.
مسحت وجها ترجف صاحت
-والله باجر ترفع دعوة طلاك حقيقيه والله بعد ما ابقى وياه.
-هااي هيه كاافي يله.
بچت هوواي مردت گـــلبي، وندى ماخلاها تروح الثاني يوم وهـــب كض الباب يله كهلان رضى تروح وياه، يمتحنون ويجون جــويريه ابد مالها خلك حيل تأثرت وقفلت الا ترفع دعوة طلاك كالها كهلان خوش هاي هيه وره الامتحانات اخذج، سكتت وصيهد ابد ما يجي يم كهلان.
وهوه هم التهى بالگاع ما زرع هواي هالمره بس بستان ورد آلشغل الحراسة من ١٢ بالليل للستة الصبح.
مــاسه:: ميته من القهر وگوه اركز بدروسي صــيهد لا يحجي وياي ولا وي بــدور وجويريه زعلانه وباقيه يم بيت عمي شامل، گـــلبي . ينطحن من القهر بــدور بدت تمتحن ياخذها هوه ويخلي وهـــب يجيبها .
بريا اجازته طويله لان سوه حادث هوه والوياه كلهم اجازتهم شهر وهو كرها يريد بس يلتحق لان مايشوف رنـــه بيها مدري شبيها وياه ما ترضى يجيها، ملتهي وي مــيثم بالگيعان والعصريات يطلع وي الولد لو يخلصها يتشاقه وي ماريا وحور.
ماريا من بريا هناه الضحكه ما تفارگ وجها وبالاخص اذا يتشاقه وياها تكيف وتفرح من كل گلبها.
اخذتلي مده ورحت البيت اهلي لكيت صــيهد يم امي بالغرفة وهيه تحجي وياه علمود يرجع جــويريه وبس شافني طبيت للغرفة خزرني وكام طلع من البيت وامي متخبله شبيه اخوجن واني اسكت كوه على روحـــي صعدت احاجي بــدور غارگه بالكتب وبس تبجي كعدت يمها احاجيها
بــدور:: يگلي ارسبي وشوفيني شسوي بيج.
-ادرسي زين ليش ترسبين؟
مسحت عيونها مختنگه كوه تحجي
-تعبـــت مــاسه احفظ وانسى.
-اكتبي وماتنسين.
احجي وانه بنفسي هم احفظ منآه وانسى مناه وراه ما تكضي هيه امتحانات تبدي امتحاناتي.
ضليت يمهم شويه ورديت البيتي مــيثم يحجي على صــيهد
-ليش شبيه؟
مــيثم:: ولج ما يحجي ويانه ولا يكعد ويانه جا اطا مرتك زعلانه يم كهلام احنا ياهي مالتنه؟
-غير ضايج لا تحجي عليه مــيثم .
-الله اكبر شگلت هسه انا ام حور هم على كيفج انتِ.
ابتسمت وبريا يصيح عليه
-اهم شي تدافع الصيهد ام حور.
يحجي متمدد على القنفه وحاط حور على صدره، وماريا گدامهم تسوي كبب ومعجنات وكلساع طالعتلنا باكله كلهن حلوات الا البيها زعتر اخر شي بريا ذب الزعتر برره وجرها من راسها يبوسها ويتوسل
-بس لا تحطين زعتر.
ماريا::ههههههه لك وحياة الله طيب انتَ بس جرب كلو
-حشه نعمة الله يلعب الروح.
رفعتله حاجبها مبتسمه
-اي لو رنـــه يلي عامله هالاكله كنت قلت ياا سلام شو هالطيابه.
ضحك كعد يمها
-والله الزعتر حتى من ايد بدويتي ما اكله ما ينجرع.
وهي ميته من الضحك عليهم، شويه والولد طلعوا وحور نامت طبيت للغرفة ادرس وماريا بغرفة اهلها مــيثم جايلها جرباية وكنتور خانتين وحطلها تلفزون، ضليت اقرأ الحد ما مليت طلعت اريدن اشوفنها نايمه لو بعدها كاعده مالكيتها بالغرفة سمعت ماي الحمام مفتوح عرفتها جاي تسبح تمددت على جربايتها متانيه تطلع حتى اسولف وياها شويه .
جريت المخده مالتها اريد اطبگها وفتحت عيني مصدومة كعدت على حيلي شلتها كلها وخرتها على صفحة اعاين للسجينه الجانت جواها، وبس سمعت باب الحمام انفتح بساع رديت المخده المچانها وضليت كاعده على الچرباية لمن اجت هيه عاينتلي مبتسمه
-فكرتك نايمه.
-لا والله چنت اقرأ ومليت كلت خل اشوفن ماريا نامت بعدها.
ركضت للكنتور طلعت حلويات مدتهن الي اخذتهن منها وفجري مشغول بالسجينه ليش مخليتها جوه راسها شبيها البنيه؟ نشفت شعرها جابت مشط واجت كعدت كدامي امشط شعرها
-ماريا؟
-همم؟
امشط شعرها واحجي بتردد
-من كلنه نطلع من البيت هم احد يجي؟
-لا.
-تخافين تضلين وحدج؟
-لا ما بخاف، معوده ضل لحالي.
سكتت ظفرت شعرها كامت كعدت بصفي على الچرباية تسولف وياي مبتسمه عاينت لعيونها متردده
-هم تشتاقين الامج؟
راحت ابتسامتها تعاين بعيوني حركت راسها لا وتمددت نزلت من الچربايه طفيت التلفزون وطلعت غير لو اشيل السالفة من راسي اريد اركز بشي غيرها ماكو انشغل كل بالي بيها.
رنـــه :: اهدد بس چذابه ادري بروحي ازعل وبالليل من الكه منه رساله احن ، طبيت للغرفة شمس تلعب وي جــويريه وهي بس وي شمس تضحك مدري شمالها من يوم سالفتها وي صــيهد انگلبت گلاب ومالها خلك شي كارهه روحها.
لمن نامت شمس گلت لجويريه
-هسه بس ترفعون دعوة طلاك حقيقية يتراجع.
وهي صافنه تعاين بالسگف
-ما تفيد بعد يتراجع ما يتراجع ما ترهم صــيهد لو اشعل روحـــي گدامه ما يتغير مو بأيده ما يگدر.
زفرت نفس متحسره تغطت تريد تنام تمددت اني هم بفراشي وزهره تضم روحها بحضني جريت تلفوني اباوع بيه كاتبتله
-لو تعوفني لو تعوف دوامك.
شغلت البيانات اريد اشوفنه راد عليه لو لا شويه ووصلني رسائل هواي منه
-انتِ صدك تحجين رنـــه هوه هذا حجي.
ادري شبيج اجيج روحـــي طاكه اكضي الاجازه عرك وياج .
قريت رسائله محتاره ادري بيه لو مدري شيصير مايبطل كتبتله
-مو ذنبي ينشلع گـــلبي واخلصها خوف.
شافها ومارد شويه وودالي ايه قرأنيه
-﴿أَيْنَمَا تَكُونُوا يُدْرِكْكُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ﴾
يعني حتى لو بطلت وكابلتج وكعدت هم اذا مكتوبلي اموتن اموت ليش تشلعين گـــلبي .
سكتت محتاره
-طلكني.
كتبتها وگلبي يدك حييل مارد عليها عشر دقايق عدن كتب
-ساعة السوده يوم النزلت بالحسين من عين باجر التحق وخرب بأهله الينزل بعد ماصارت هاي صارلج چم يوم نار واجه بگلبي حجيج وياي كله سم ويقهر موتيني.
قريت الرسالة مقهوره كتبتله
-بريا والله علمودك لان ما اريدن تلتحق.
ما وصلته طفه النت ضليت الوب، ساعة عدت اريده بس يفتح النت ماكو صارت بالوحده ونص كلهم ناموا بس كهلان مشهّ للشغل، انطحنت طحن خفت يسويها صدك ويلتحق الفجر.
مدري شني البعقلي من گمت لبست حجابي وعبايتي وطلعت ادربن بهالليل، گـــلبي يددك حيل وما افكر ليش رايحه كل تفكيري شنو احجي شلون اصالحة
وصلت البيتهم فتحت باب الحوش وطبيت متوتره واطكطك بأصابعي اريد افتح باب الهول لكيته مقفول. عضيت اصبعي ندم لو جايبه تلفوني ومراسله البنات شخسرانه،
وبدل ما ارجع البيتنا افتريت بالحوش ليوره يم شباج غرفته، شبابيچ بيوتنا ناصيه، گـــلبي يدك بقوة تدنيت يم الشباك دكيته حييل ومغمضه عيني توخرت البرده وانفتح الشباج
-ررررنه؟؟
-ياهو كالك تطفي النت؟
دار وجهه شغل الضوه عاين للساعة ورد عاينلي مد أيده الي
-تعاي طبي.
-اريدن اروح بس شغل النت خل احاجيك.
-تعاي طبيّ وحاجيني.
عاينت للشباچ بحيره ابتسم
-تكفي لا تطلعين عذر.
خليت رجلي ودخلت من الشباك وكف كدامي مبتسم وانه الجاي اصالحه خازرته
-ليش من احجي وياك تطفي النت؟
-قهرتيني
-غير خايفه عليك
-ميخالف حتى لو خايفه عليَّ ما تكليلي طلگني، تقهريني من تحجينها انا اكلني التعب يله حصليتج شلون اطلگج؟
دنگت ساكته وصفنت استوعب بيش الساعة وانه وين شلت راسي أعاين بوجهه
-شجااابني؟
ضحك يكض بأيدي
-غير ما مصدك روحـــي وخايف لا يطلع حلم.
شلت ايدي طكيته راشدي فر
-حتى تصدك مو حلم
-لا تطكين بعد زحمه.
-والله؟
-اي حبيبتي مو زحمه بس ايدج توجع.
ابتسمت وهو يعاين بوجهي ويضحك گتله
-يله راح اروحن ومتسويها صدك وباجر تروح اكضي رمضان والتحق.
درت اريد اطلع منين ما اجيت جرني من ايدي حييل
-ووين ووين؟ ضلي يمي شويه وروحي
-لاا طــروادة لو يدري يموتني اصلاً انه مدري شلون اجيت.
-شويه رنـــه بس اكعدي نسولف نص ساعة وروحي .
عضيت شفتي محتاره وهوه يعصر ايدي بين أديه هزيت راسي خوش جر ايدي وياه كعدت على طرف الچرباية وهو كعد كدامي يعاين بوجهي ويضحك
بريا:: والله الحد هسه احس روحـــي بحلم رنـــه ازعل منها وتجيني الغرفتي.
شلت ايدي اريد اطگه كضها يضحك
-لا لا يله صدكت حقيقه مو حلم.
ابتسمت اباوع بوجهه عصر ايدي بين أديه متحسر شالهن الوجهه قشعر بدني يبوسهن ويجر مفس بقوة ردّ نزلهن
بريا:: شلون انطاج گلبج كضيتي الاجازه معذبتني لا حاجيتيني لا خليتيني اشوفنج ليش؟
-حاولت اخليك تبطل .
-عذبتيني بالقران انا طول ايام الدوام افكر ليمت انزل واشوفنها وهل مره ما ارضى بس بحچاية ولا بس بكضة أيدها هالمره اخذ شي يصبرني على فراگها شهرين تالي خوش حرمتيني.
بلعت ريك اباوع لوجهه وعاگده حاجبي
-شتقصد؟
زفر نفس طويل يباوع لشفايفي شال أيده يحضن خدي ويتلمسهن بأبهامه
-بستهن بس متندم لان خفتي واغمى عليج وگد ما خوفتيني خشمي طك دم.
نزلت ايده مرتبكه ومدنكه
-ارضي رنـــه شلعتي گـــلبي .
هزيت راسي لا اريد بس اشرد هاي انه الچنت اضــحك عليهن من يكللي نرجف ونتوتر اهز ايدي واكلهن هيه بوسه نمونه، تالي من صرت بهيج موقف حرت وين أضم وجهي حسيت انفاسه قريبه علي شلت راسي اعايلنه تلمس خدي
-حتى خدج؟
بلعت ريگ ساكته وهو شوي شوي يتقرب الحد ما طخ خده بخدي عبالي صدك راح يبوسني بخدي ويوخر مال براسه وباسني بطرف شفتي شفايفه صارن نص على شفتي ونص خدي ، گمت بسرعة ايدي ترجف
-اريد ارووح.
مسح وجهه ووگف يهز راسه اي لبس قميصه وجرني من إيدي للباب طلعنه ساكتين اثنينا نمشي ظلمة بس صوت الشصر وصوت السعف من يتحرك بهدوء، شلت راسي للسما متروسه نجوم وواضحات تدنيت اكثر البريا حضنت ايده ومشيت وياه دارلي مبتسم
-فـــدوه اروحنلج.
وصلني يم باب حوشنه ووكفنا
-مو تروح باجر؟
سكت يعاينلي مبتسم
-مالي حضن رناتي؟
تلفتت اتأكد محد گاعد وفتحتله ايدي ضحك ودنگ شبگني بتك ايد رفعني من الگاع
-كااافي كافي بريا ضلوعي اوجعني.
نزلني يضحك
-اشوفهن؟
-شنهنه؟
-ضلوعج!
طكيته على ايده
-والله هسه عرفت ليش طــروادة ما يرضى تجينا واشوفنك صدك سرسري.
-هههههه محد مطيح حظي غير اخوج.
-يله خل اروحن انام
-اوكفي كليلي شي حلو.
-شي حلوه؟؟ امم كاهي.
-رررنه!
ضحكت جريت ايدي من ايده
-احبنك.
غمض عيونه ورجع راسه ليوره مبتسم ويردد
-اووووف اوووف امووتن عليج تشهد عليَّ كل نجمة بهالليل.
-ههههه يله بريا.
باس ايدي لأخر مره وراح، ركضت لفراشي ضميت روحـــي بين شمس وزهره ونمت وحتى ومن جوري رايحه للامتحان ما ادري بيها وين يله كعدت جريت تلفوني لگيت رساله منه كاتبلي
-حبيبتي انا التحقت اليوم يا روحـــي لا تخافين عليَّ والله ماكو شي خطر ما گدرت اكلج البارحة حتى ما تزعلين وتقهريني احبنج رناتي.
شمرت التلفون ميته من القهر وطول اليوم مالي خلك من يتصل ما ارد عليه ومن سودي رسالة ما آرد
رحت استلمت النتيجة ومثل ما توقعت ستينات وخمسينات، صرت خامس، حسين رابع وزهره ثالث
جــويريه بس كضت امتحانات رحت وياهم علمود يرفعون دعوة طلاك لان هيه قفلت بعد وهوه ابد مر اجه ولا حاول يصالحها.
من رجعنه تخربطت وبس لعبانه روحها كهلان خاف عليها وبساع اخذها للطوارئ واول تحليل سووه الها تحليل حمل وهيه تاكل بأظافرها مرتبكه .
ومن گالولها حامل عيونها انترسن دموع وبس طلعنه بچت طــروادة يحاجيها ضايج عليمن تبجين
-ما اريد طفل ما اريد يعيش الضياع الاني عشته
سكت يستغفر رجعنا للبيت بالليل اجت عمه ايمان وندئ ودرن بيها حامل حاجته رادت كالتلها تعاي يمي مارضت جــويريه كاضيتها بچي، شويه وراحت وراهن بساعة اجه صــيهد كعد وي كهلان بالحوش واحد يشمر على الثاني بالحجي هاي اول مره يتزاعلون ويطول زعلهم هلكد
-ما اطلك خل تخلف وراها عود نشوف.
طــروادة:: اي وخلفت شني تاخذه مثلاً؟
-كهلان الحد هسه ساكت انا ساااكت انتَ واختككك دستوا عليَّ وانا ساكت.
-واضح وين عشگك الها؟ كلبت الدنيا عليها ويوميه سالفة وين اريدن اشوف عشكك وينه شو بس كنالك طلك كيفت.
صــيهد:: انتَ تعرف شي وانا اعرف شي اسكت.
سكت كهلان محتار وصيهد شويه وراح طول هالفترة اعصاب ومايتحاجه وجويريه ما گدرت تصوم رمضان ويانه روحها تطلع وريمه هم كضتها يوم تصوم ويوم تفطر.
بريا رديت احجي وياه يوميه ما گدرت اضل زعلانه ومانحجي هواي بس اطمن ويروح، شمس مرتين مازن اخذها الاهله يشوفونها، من الصبح لليل ويرجعها روحـــي تروح من ياخذوها اخاف وابد ما ارتاح من جان منذر عايش عادي بس هسه ما ارتاح.
وعمام منذر يوميه مودين وادم يردون يسوون كعده علمودها وكهلان يردهم ومغلس عنهم،چم مره صارت عدهم كعدات علمود فصل منذر مره منهن شاكر جان موجود وواحد من الشيوخ مرزله وطالع زعلان.
وانه وريمه اثنينا مستغربين سكوت ميلاد مختفيه وحتى ماتطلع من بيتها بس خفتاً وراحه بعد احسن.
گبل العيد بيومين صار الصريخ ببيت وليد وطلعت سعاد گالبه الدنيا وتصرخ وتدعي على جده واحنا مادين روسنا نريد نفهم شصاير اجت البيت شاكر تصيح وتدك بالباب طلعتلها ميلاد وهيه متسودنه
سعاد:: طلكني الچليب بني الچليببب طلكني.
وهدن هيه وميلاد على جده يردن يكتلها وعمي وليد وعمي شاكر طردوهن اثنينهن يابه قالب ثلج وطاح على گـــلبي اخذهن سجاد وداهن الاهلهن ورد يضحك مكيف وريمه بساع مشت الاهلها يم هاجر.
واخذناهن ضحك طول اليوم حتى جــويريه تضحك ويانه شمتانه بيهن. طكيتها على ايدها
-لا تضوجين.
جــويريه:: هزيت راسي لا مبتسمه گوه على اعصابي الحد يوم العيد وره الغده راسلت مــاسه اسألها كالت
-انه يم اهلي ومحد هناه تعاي.
بدلت ورحت اسلم على خالتي ايمان، سلمت على مــاسه صار مده ماشايفتها ضعفانه من الامتحانات صــيهد راجع يحجي وياها ووي بــدور كعدت يمهن وهنه يحجن ويركعن ليوره ارجعي
-هوه عايفني شلون ارجع؟
مــاسه:: والله يريد يموت عليج يوميه يراسلني ويگلي راسليها شوفيها شلون صارت؟
ندى:: حتى وهـــب ويگول صــيهد صاير شخاطه من وره زعل مرته ما يتحاجه.
بــدور:: امس رحت للمشتمل لگيته يسمع اغاااني تبجي الحجر كله مواويل ويدخن اخوي المتدين سگط من وره فراگج، جوري حبابه ارجعي غير اموتن تطلكون من وراي وعلي ميته من القهر
دنگت ساكته رقمي عنده ابد ما حاول يصلح الامور راساً رضى بالطلاك، بعدني كاعده وياهن وطبوا وهـــب وصيهد وباديهم علاليك متسوكين وكفت مرتبكه اريد اضم روحـــي ماردت يشوفني مالحكت شافني فتح عينه متفاجئ دنگت منحرجه هسه عباله رجعت من وحدي كالتله خاله
-ها يمه؟
صــيهد:: سيد عباس هناه وعزمته على العشه يمه عشه زين يرحم اهلج.
يحجي ويعاينلها لابس دشداشة نيليه واكف بباب المطبخ ويفر بسبحته وهـــب گال
وهـــب:: هاي ياهي هناه اليوم هلااا بنجمة السلف شلونج خويه عيدج مبارك.
-عيد المبارك عليك.
ودي اطم روحـــي مدري شبيه احس ميته بدمي، شلت راسي يباوعلي بطرف عينه شويه وطلع والبنات انخبصن بالمطبخ سلمت على خاله اريد اروح ماقبلت
-ساعدينه يمه مانلحك، صــيهد راح
ضليت وياهن كاعده بالمطبخ لو انظف الخضره لو اثرملهن، وصدك انخبصن كلهن يشتغلن ومن اجوا بيت سيد عباس سدوا علينه باب المطبخ الخارجي واشش ما اشش والله اليطلع صوتها عبالك مدري شجايبين.
سكتنا، كضينه كلشي وضلن بس الجدوره على الطباخ
-خاله اني راح اروح.
-ضلي هناه للعشه.
-لا خاله فـــدوه هسه جده تطلع تسممني بحجيها خلي اروح احسن.
سكتت ضايجة كاعده بصفي بستها وگمت لبست عبايتي وخابرت رنـــه ودتلي حسين طلعت وياه وهوه خلصها علي
-دنگي لا تشيلين راسج
-شسالفه شكو؟
شلت راسي امشي واباوع شفت ولدنه واكفين ســليم ووهب وسجاد وعبود ووياهم ولد اثنين عرفتهم ولد شيخ عباس باقر وسجاد ولدنا يضحكون على حجيهم ويتبادلون محابس وسبح دخلني حسين للبست وراح يمهم.
جم يوم عدن ابد مارحت بعد ولا شفته رغم كام يجي يم كهلان ورجعت علاقتهم مثل ماهيه بس لا مره خابرني ولا اني الحاولت اتواصل وياه.
بس بالايام الاتخربط بيها وياخذوني للمستشفى يجي عبالك يريد يعارك كأنما اني اللي ممرضه روحـــي .
واسكت منه.
ريـــمه صارت حركتها صعبه وكهلان حاير بيها كلش خايف عليها، بالاخص من ميلاد رجعت وبقت تجينا للبيت وتجيب ملابس اطفال الريمه وريمه تسكت وبس ميلاد تطلع كهلان يشيلهن يشمرهن بتنور الطين.
اخذنا كم يوم كلنا خايفين وي النتائج طلعت متيجة بــدور ناجحة وبقت مــاسه اكلها الخوف البين ماطلعت نتيجتها ناجحة ومعدلها سبعين نذرت من تكمل تسجيل جامعة تسوي عشا وتعزمنا كلنه.
مــاسه:: اكثر انسان فرحان الس مــيثم من اعاين لفرحته احس تسوه مل تعبي بالامتحانات، بريا خابرني يتباركلي گتله
-تعال وتباركلي طولتها ترى.
-ما انزل بعد
-لا بريا بداعت حور.
-والله على شهر التاسع يله انزل.
-يبووي.
حجه وي ماريا شويه وسد التلفون وهيه ضايجة صارلها هواي ماطالعه اخذتها واخذت حور مشينا الاهلي اعاينلها بله هاي مال ريف مال عبايه؟ تسحولت تسحول من تلبس عبايه مدري شيصير بسها تسحبها بالتراب والنوب تريد تشيل حور
-انتِ شيلي عبايتج بالاول.
ضحكت تريد تركض وكوه كاضتها وحقها مختنكه طبت يم امي ودها دوم تجي بس تضوج من جده تلح وياها وتضوجها.
دخلت مستغربه بس سلمنه عليهم جده وابوي گاموا طبوا الغرفة جده مدري شعدهم كعدنه بالهول يم امي نسولف ونضحك وفزينا على ركضة الولد
-يمممه يمممه ها ولك صــيهد يييمه وهـــب شصاااير.
وصيهد مايدري بروحه طلع من بيتنا للمشتمل يركض واحنا نتصايح نريد نفهم شصاير وامي ترجف ما تگدر توكف على حيلها وتسودنت لمن وهـــب طلع من الغرفة وسلاحة بأيده وحزام الفشگ ملفوف على خصره
شكرا لزيارتكم عالم روايات سكيرهوم
