رواية زواج حياة الفصل السابع بقلم جمانه السعيدي
حياة... رجعت امي شايله الهم كله الرجال الي كانت مأمنه بي وخلتني امانه عنده خان العهد
وتخلى عني باول فرصه
طلعت خسرانه كلشي من هذا الزواج
لا ابني ولا زوجي ولا حتى نفسي
جمعت ملابسي وغراضي وذهبي وكلشي يخصني
وطلعت من هذا البيت
اذكرت شكد جنت فرحانه اول مادخلتله
ماا ادري هيج راح يصير بيه
رجعت البيت ابوي الدنيا سوده بعيني ومااعرف شسوي لو شلون راح اعيش
واكثر شي مخبلني ليش الحجي مصمم على الطلاك
مع اني ماسويت شي ابد
احس كلبي مقبوض من الحزن تمددت وتغطيت وكمت ابجي وامي كاعده يمي وتبجي وياي
ماعدنا رجال يدافع عنه
لو يوكف بوجه الحجي ويسئله ليش هيج سويت بيهن
جمانه السعيدي
لا اكلنا ولا شربنا كل وحده بفراشه وساكته
حتى ماحجينا سوا
الصبح كعدت واحس نفسي حيل تعبانه
اريد اروح أزور كبر ابني على الاقل اعرف مكانه وازوره
حياة... يمه يمه شو اكعدي
امي ...وهي مدده شكو مابيه حيل اكوم تعبانه
حياة...اريد اروح اسئل الحجي وين دفن ابني اريد ازوره
ماشفته عدل على الاقل اوكف على كبره
امي.. اني مااكدر اطلع وياج تعبانه حيل اليوم
حياة...اني راح البس بوشيتي عباتي واروح قابل شكو عليه
وهم ا ربد اعاتب الحجي عتاب اخير
امي.. يايمه شيفيد العتب الراح راح بعد
حياة ...تبقى حسره بكلبي خل اروح حتى ارتاح
كمت بدلت لبست ملابس اسود وجوراب وعبايه وشال وبوشيه وطلعت بقيت واكفه شويه على الشارع
بعدين وكفت سياره بيه عائله وشألوني وياهم
رحت للمكتب الباب الخارجي جام
شفت الحجي واكف وويااا عمال ثنيبن وبيده سجل
دخلت بس شافني عرفني
اشرلهم اطلعو وسدو الباب
طلعو وهو التفت عليه
جمانه السعيدي
.. ليش اجيتي اني طلكتج وورتقتج راح توصلج وكل حقوقج مانقصهن شي
..رفعت البوشيه وكتله .ليش اريد اعرف ليش
.الحجي.....ماكو قسمه بينا
...وهسه عرفت ماكو قسمه بينا من قبلت بيك وانت أكبر مني بكد ابوي الله يرحمه وكلت ميخالف جبير وعاقل
وامنت بيك ولا شرطت ولا طلبت
والحمد لله بس وصلتك حملت وكنت مطيعه الك
رغم انت ماكنت تعاملني معامله زوجه
ولا اكو اي مشاعر بينا كلت ميخالف هسه يتعود على طبعي واتعود علي
واذا الطفل الاول مات مامقسوم
...لا تكثرين كلام هذا مكان عمل كتلج ماكو قسمه وأعتقد
انتي عشتي وياي عيشه ماتحلمين بيه طول عمرج
ذهب وملابس وتليفون وخدامه
واني من عاشرتج شفتج ماتصلحين اليه زوجه
عادي تصير عد احسن الناس
بعد الزواج يعرفون همه مايرهمون سوا
راح تاخذين كل حقوقج وعيشي حياتج بعيد عني
مثل ماانتي تشوفيني بكد ابوج وانتي متحملتني كوه
اني اشوفج بكد بنتي وهاي العلاقه بينا فاشله
حياة.. انت تعرف اني بكد بنتك قبل لا تخطبني لو بعدين
اكتشفت جنت ماتدري عمري عشرين
وانت عمرك اكثر من ٥٥ سنه
. ...انت هسه شتريدين انعيش سوا بلكوه اني مااريدج
اني اكتشفت هذا القرار خطئ من البدايه
واريد أصلح هذا الغلط واطلكج
حياة.. اريد اعرف وين دفنت ابني
الحجي...شنووو
حياة. مثل ماسمعت اريد اعرف وين دفنت ابني ماشفته وهو عدل اريد اشوف كبره وازوره وأشكيله من ضلم ابوو
جمانه السعيدي
الحجي.. مااعرف
حياة...نسيت نفسي وصحت بصوت عالي شنو ماتعرف
انت من كل عقلك
الحجي...لا تعلين صوتج عليه اني مااشتغل عندج فهمتي لو لا
حياة. اعلي صوتي واكلب المكتب إذا مااعرف وين دفنت ابني
.... انتي تخبلتي دفنته واني مستعجل ومااذكر وين باجر
ادزلج المكان بلضبط ووين وروحي زوري
ويله منا خليني محترمج
حياة...باجر اذا مادزيتلي وين المكان الي دفنت بي ابني ارجع هنا واكلب المكتب على راسك انت وعمالك
بعد ماعندي شي اخاف علي
بس طلعت من المكتب نزلت البوشيه ودموعي كامت تنزل مثل المطر
واعاتب رب العالمين ليش هيج يصير بيه
اني شسويت بعمري ماغلطت بحق اي احد
ولا اجاوزت ولا كذبت عايشه بحالي ومالي شغل باي احد
رجعت للبيت وعيوني مورمه ومااشوف دربي
لكيت امي متخربطه وشحاله
كعدته وانطيته العلاج بس وضعها ابد ماعاجبني
طلعت ودزيت ويا الجواربن يجيبولها علاج ومسواك
بقيت كاعده يمه ساعه افرجله ساعه اسولف عليه
ياربي اريد امي منك
لا تخليني وحيده بهاي الدنيا
تقريبا ساعتين ورجع الولد جايب مسواك وعلاج انطيته اجرته ورحت حضرتله اكل
ونطيته العلاج
ماجاي اكدر اتحمل جاي امر باسوء ايام حياتي
من بعد الدلال هذا حالي
جمانه السعيدي
ثاني بوم وصلتني ورقة طلاكي والغايب والحاضر
شكد غبيه عساس اشتريت رجال وماسجلت علي فلوس هواي
خمس ملايين اثنيينهن الغايب والحاضر
ورقه بيه عنوان كبر ابني
مااكدر اوصف احساسي بهاي اللحظه ابد
شلون كاعده ووكع حايط على راسي و تفلش
كعدت وكمت ابجي بعدين مسحت دموعي اخاف على امي حتى مشاعري ماتكدر اعبر عنه
وودي اصرخ بصوت عالي
بس مااكدر مااكدر اخاف على امي
ثاني يوم كعدت امي وريكته ونطيته العلاج وااجرت ابن جوارينا اخذني الكبر ابني
رحت مقبره مال اطفال ومسجل اسم الطفل علي رحيم عليه كابلته وطلعت حركت كلبي كله
صرخت من كل كلبي بقيت اصرخ واصرخ اريد الحركه تطلع من كلبي ماكوووو
ملخت نفسي تملخ
كعدت اعاتبه ليش عفتني تعرف اني تبهدلت من بعدك
لو باقي يمي جان تغير حالي
ايجوز ابوك ماعافني وحتلو يعوفني انت باقي وياي كلش كافي
انت أملي بهاي الدنيا
ليش يمه عفتني حتى ماشفت شكلك شلونه
تشبهني لو تشبه ابوك
لو تشبه جدك احساسي يكول تشبهني
الهسه صدري يوجعني بي حليب مالحكت ترضعني واتشمني واشمك
مالحكت اخليك بحضني
ليش مستعجل شكد عندي حجي احجي وياك
ردتك وليدي وصديقي واخوي واهلي
اذا ناوي تعوفني من البدايه ليش بقيت بطني تسع اشهر
لا تسع اشهر وعشر ايام وثمن ساعات
شوف شلون اني جنت منتضرتك
جمانه السعيدي
لو تعرف شكد اني محتاجتك جنت منتضرتك بفارغ الصبر
بس مااعرف ليش حتى انت عفتني
اريد اشكيلك من ابوك خاف يجي يزورك
كله ليش هيج سويت بامي
امي يتيمه وماله اي احد ليش عفته
كله امي تكول حسبي الله ونعم الوكيل عليك لان انت ضالم
ضلمته وهي ماماذيتك ابد
بعد اريد أوصيك وصيه ادعي الامي انت طفل ودعائك
مستجاب
اذا ماتت امي اضيع ووين اروح ماليه احد بهاي الدنيا بعد عينه
اني راح اجيك كل فتره حتى اسولف عليك
واحجيلك مصايب الدنيا وشسوت بيه
انت تكدر تفهمني غير ابني انت روحي
تعرف اسمك حلوووو علي
بس اني اريد اغير هاي الكتابه
اكتب علي ابن حياة لان انت ابني وحدي مو ابن رحيم الضالم
ولك يمه شمرني بلشارع واني نفسه وماعدي احد
ولا فكر بيه ابد
ولا كال خطيه ابنه مات خل اواسيه
ضوتجتك بسوالفي ميخالف تحملني مااكدر احجي ويااا امي لان مريضه وتنقهر عليه
وماعندي لا اخت ولا اخوووو اسولف علي
بس انت وليدي وتتحملني
شكد اتمنى اشوف شكلك عيونك حلكك خشمك
اني متأكده تشبهني
حبيبي وليدي
هسه اروح لان امي بقت وحدها واخاف عليه
وراح ارجع مره ثانيه وثالثه وعاشره
كمت نكتت ملابسي من التراب بس مااكدر انكت كلبي من الهم صعدت بلسياره ورجعت للبيت
بس شنو عيوني ورامه من البجي
بعد هذا اليوم امي حالته كل يوم بلنازل
اخذته اكثر من دكتور بس بدون فايده
اكعد بليل والكاها تبجي
مقهوره عليه وخايفه عليه من هذا الوكت الاغبر
ووين راح ابقى وشلون اعيش
احاول اواسيه كد مااكدر ولو اني محتاجه واحد يواسيني
من الضيم الي شفته
صرفت نص فلوس مهري على العلاج والدكاترة بس بدون فايده امي مجاي تتحسن حالته ابد
سكرها دوم صاعد بسبب القهر والحاله النفسيه
اربع أشهر بعد طلاكي كعدت الصبح لكيت امي ميته
شكرا لزيارتكم عالم روايات سكيرهوم
