رواية عوده مستحيله الفصل السابع بقلم جمانه السعيدي
نسرين ...رحت بيت شاهين اتاكدت ماكو اي احد دخلت غرفة ام شاهين فتحت الشباك
لكيت اكو مخده وجرجف يمكن شاهين نايم بمكان امه
كنست الغرفه
وجبت الجرجف الي غسلته البارحه هو وجه المخده خليتهن لمعت الغرفه وطلعت
دخلت الغرفة شاهين حلوه بيه غرفه نجاره ام النفر
بس كلش مرتبه
غيرت الجرجف والمخده لمعته طلعت الزباله
رجعت كنست باقي البيت وغسلته كله
زين نضيف احسن من امس جان وصخ كلش
طلعت ملابس شاهين شريتهن
همه خالين الغساله بمكان مثل المنور قبل الحمام
جمانه السعيدي
سمعت طكطكه بلغساله
باوعت ماشفت شي
طلعت رتبت المطبخ ولكيت الفراش ناشف
رجعت فرشته بلبيت لكيت بخور بعطر الورد شعلته
رجعت اخذت الجرجف الي طلعته من غرفة شاهين هو المخده خليتهن بلغساله
هم سمعت نفس الطكطكه داخل الغساله مره ثانيه
ياربي شنو هذا الصوت
صوت قوي وحركه غريبه
دنكت اباوع واني يبست بمكاني حيه سوده
اي ولله حيه سوده
رفعت راسه تباوع عليه واني كمت اعيط بكل صوتي
من الخوف مااعرف وين اروح
بعمري ماشايفه حيه هاي اول مره
متصوره بس اشوفه تهجم عليه
طلعت اركض واعيط
ثاري شاهين توه رجع ومن سمع صوت العياط دخل يركض
اني طلعت اركض وهو اجه يركض اتصادمنا بلباب
واحد ضرب الثاني
اني لزمته من ادي من الزند واصيح حيه ولله حيه داخل الغساله
هو يباوعلي بستغراب لان كامشته من ايده
عفته وركضت من كل عقلي اريد انهزم من المكان كله
نعالي مبلل ازحلكت ووكعت
هو ماشافني وكعت دخل يشوف الحيه
اني رجلي التوت جواي ومااكدر اكوم ابد
اسمعه يدكدك ويضرب بلمساحه وحرك الغساله
جمانه السعيدي
واني اريد اكوم مااكدر اريد انهزم قبل لا يطلع
شويه وطلع شايله بس ساحك راسه والدم ينكط
الضاهر ثبته بلمساحه وسحك راسه برجله
بس شفته طلع لميت ثوبي وعدلت الفوطه
شمرها برا ورجع عليه
شاهين...سسسسلامتتتج اااتئذذذيتي
نسرين ...خفت اول مره اشوف حيه بحياتي
شاهين...خااال اسسسساعععدج
نسرين...باوعت علي يمه شكله هيبه عيونه كبار وصفر وعبالك مكحلات هو هم صفن بوجهي
...لا شكرا اني اكوم وحدي
شاهين...ههههسسسه اااجييب ااام اممممل تسسساااعدج
عافني وطلع
نسرين ...يااا خطيه ليش هيج يحجي يتئتئ
شويه واجتني ام امل
ام امل...هااا شاهين يكول وكعتي شبيج
مدت ايدها وكومتني
نسرين...خاله الحكيلي حيه شفت حيه اجا كلبي يوكف
بعمري ماشايفه حيه
ام امل...هههه حيه ولله ضحكتيني يوميه نكتل ثنيبن اتلاثه يجن من البستان
اني هسه شفته برا شامرها شاهين
اصلا هاي مانكتله نلعب عليه طوله نص متر ومثل اصبع الايد حقج ماشايفه العربيد الاسود
طوله اثلاثه مثر وراسه بكد الجدر
هاي مو حيه هاي لعبه
نسرين..من الخوف جان انكسرت
ام امل...تعاي اخذج البيتنا ترتاحين
جمانه السعيدي
اخذتني البيته ودهنت رجلي ولفته وجابتلي حبايه مسكن
شويه ورجعت جايبه الغدا تغدينا اني وامل
وصليت ونمت
ماكعدت اله المغرب الاذان ياذن امل كعدتني
امل ...هااا صرتي احسن
نسرين...الحمد لله
امل...الاذان اذن
نسرين...اي هسه اكوم اريد اصلي حيل ولله نمت هواي
كمت زينه رجلي بس مااكدر ادوس عليه حيل
شويه وجابتلنا عشى ام امل
نسرين...خاله اني اجيت عون لو فرعون تعبتج وياي
ام امل...اصلا انتي خطاره مايصير تشتغلين ابد
نسرين...شلون اكل واشرب وأسكن بهذا البيت بلاش
مايصير مثل ماهم اكرموني وقدروني
اني هم لازم اكون زينه وياهم
بعدين الشغل مايموت احد
تعشينا واني طلعت برا كعدت على الخضار والهوى يخبل
جمانه السعيدي
كعدت افكر
اي نسرين باجر اذا الشيخ دز عليج وكال شنو مشكلتج شراح تكولين
اكول انهزمت لان يردون يزوجوني ابن عمي
ومااجيب طاري وليد ابد
اذا الشيخ
ايكول بسيطه اني اخذج واكول ماتريد ابن عمها
هسه اهلي يسئلون شلون شردتي
ومنو وصلج الهاي المحافظه
وهذا الشيخ شلون عرفتي
ووين جنتي كل هذا الوقت
ايجوز يجاملون الشيخ ويكولون اي
وبس يطلع يذبحوني اي اكيد يذبحوني حتى يكدرون يرفعون رأسهم بين الناس
هذا عرضهم مو لعبه
زين اكل للشيخ مااريد ارجع الاهلي رجعتي صعبه
اذا كلت هيج
وين اعيش ابقه خدامه بهذا البيت
شنو مصيري
لازم الكه عذر لو أدبر سالفه ثانيه حتى لا يرجعوني الاهلي
شكد ندمانه وشكد مشتاقتلهم واكثر من ذني ثنيينه
خايفه خايفه منهم
اهلي واعرفهم
مستعدين يذبحوني ويدفنوني ومحد يعرف
ياربي هذا اصعب امتحان واجهته بحياتي
يارب انت تعرف اني مو قصدي ااذيهم بس تفكير جاهله
يارب ساعدني وصبرهم على هاي المصيبه
جمانه السعيدي
شويه واجت ام امل كعدت يمي
ام امل... الجو حلو والهوا يخبل شلون صارت رجلج
نسرين ... الحمد لله خف الوجع شويه
ام امل... شاهين سئلني عليج يكول شلو صارت
اذا تحتاج تروح للطبيب اخذها
كتله خل اشوفه وارجعلك خبر
نسرين...لا مايحتاج صرت احسن خاله ليش شاهين هيج
يحجي يتئتى
ام امل...شاهين بكلشي يشبه امه
بشكله وجماله وعيونه الي تشبه الشاهين
وحتى بكلامه هي الله يرحمه جانت اتئتى بلحجي
بس جانت انسانه بمعنى الكلمه
طيبه وصبوره وحلوه وحنيينه
تنحط على الجرح يطيب
غير بس شافه الشيخ تخبل عليه
ام شاهين اجت للشيخ هديه
نسرين... هديه شلون يعني
ام امل...صار نزاع بين عشيرتي جبير وماتت بي هواي ناس
ومحد كدر يفضه غير شيخ سعدون
ولان فض النزاع اجته ام شاهين هديه
تعاي ندخل جوه واني اسولفلج كلشي اليله فتحتي كل الجروح القديمه
دخلنا وكعدنا جوا
الشيخ من اجته ام شاهين هديه ماكدر يرفضه ابد
عيب الهديه ترجع
ام عامر تخبلت كالتله اهديه الواحد من اخوانك
الكرايبك
جمانه السعيدي
بس هو مايكدر يهديه الغيره راح يشكون برجولته
ويكولون شيخ سعدون ماقدر الهديه
زعلت ام عامر
الشيخ عافه عد اهله وكمل اجرائات العرس
طبعا هو اليوم العرس ماشايفه
دخل عليه وشافه وهو تخبل مو مره عبالك نازله من الجنه
شوفي شاهين شكد حلو هي احلى منه
بيضه وعيونه كبار وصفر وعبالك مكحلات
الكصيبه واصله الافخاذه وشكره
من شافه الشيخ نسا كلشي حتى ام عامر نساها
بوقته ام عامر عدها عامر وحامل بااحمد
الشيخ كابله وكعد كلشي بيه حلو بس خطيه من تحجي
تئتى جان يكله حتى كلامج الله ميزه وخلا حلو
عشقه بجنون
ام عامر بس رجعت للبيت شنت حرب عليه
مشاكل وطلايب طول الوقت
بس الشيخ جان واكفله وكفه ومايقبل تقرب عليه
راسا حبلت بشاهين
الشيخ بس شافه كال عيونه جنهن عيون شاهين
راح اسمي شاهين
شكرا لزيارتكم عالم روايات سكيرهوم
