رواية خطيئة الماضي الفصل السابع بقلم جمانه السعيدي
بدت الايام تمشي متشابه يوم يشبه يوم
كل اتلث ايام او اربعه
يجي ابو سامر يبات يمي ليله وحده
يجي المغرب ويطلع من الصبح
وماكو اي لغة حوار بينا ابد ابد مايحاول يقرب مني
لو يحجي وياي
من يدخل لمن يطلع يخابر يتصلون بي علمود الشغل
مرات اكعد الصبح احضرله ريوك ومرات اكعد الكا طالع من البيت
جمانه السعيدي
ما مونسني بس ام سرى
يوميه تجيني خطيه وتجيب وياها اكل
لو ماعون حلاوه لو كيك تكعد شويه وتروح
شكد روحه حلوه
وشايله انسانيه مو طبيعيه
كلما اشوفه شلون تعامل بناته اموت قهر
لعد امي شبيه كلبه حجر عليه
مو هاي الأمهات تتفدا بناته تفدي
ام سرى اني اريد اسئلج ولو فضول من عندي
رونق لا كولي
ام سرى انتي زغيره ليش مزوجه هذا الرجال الجبير
انتي بكد بناته
شو انتي حلوه ومثقفه ونازكه واهلج وين اهلج
ماجاي اشوفهم يجونج ابد
رونق اني ماعندي اهل كلهم ماتو بحادث ثقه
ام سرى مافهمت
رونق قصه طويله ادوخج بيه
ام سرى الله عليج كولي ترا انتي كاسره خاطري
وافكر بيج ليل نهار
رونق راح اسولفلج كلشي صار وياي وكل معاناتي
وبديت احجي كلشي مر عليه
الحد ماازوجت ابو سامر الي اخذني واني بنيه
مع اني عشت كل عمري واني متهمه بشرفي
ام سرى الله واكبر هذوله اهلج شنو من اهل حتى الحيوانات ادافع عن اطفاله
امج شني من كلب عدها شلون تشمرج هاي الشمره
هاي مو ام عدو
لا تضوجين اعتبريني اني امج واختج واهلج واي شي تحتاجي اني اخدمج بعيوني
رونق ياحبيبتي ولله اني كلبي ارتاحلج من اول مره شفتج بيه
ام سرى ولله اخدمج بعيوني
رونق سالمات عيونج
فات على زواجي اربع اشهر واهلي ابد مافكرو يوم يسئلون عني ولا يعرفون اخباري ابد
بس بهاي الفتره صار حدث كلش مهم بحياتي
يمكن احلى حدث صار وياي من يوم انولدت لليوم
جمانه السعيدي
اتاخرت الشهريه عليه وطلعت جبت تحليل منزلي
وطلعت حامل
شكد مااني فرحانه بس خفت اي خفت ام ابو سامر
هو مايريد اطفال
خاف يعرف ويجبرني انزله
راح اسكت وابد مااكول منا لمن تكبر بطني حتى بعد مااكدر انزله
مااعرف ليش فرحانه بهذا الحمل
رغم اني ابد ماأحب ابو سامر ولا اطيقه
واتخبل من يقرب عليه
بس فرحانه راح يكون اكو اليه ونس بهاي الدنيا الغبره
رحت الام سرى
ام سرى هلوو اليوم شعجب بينتي عليه عود اريد اجيج
طبخت باميه وذكرتج
رونق الله الريحه تارسه الشارع
ام سرى خل اخليج منه
رونق اي خاف يطلع بابني
ام سرى يالله انتي حامل مبروك والف مبروك
رونق الله يبارك بيج
ام سرى اي هسه ابو سامر يفرح
رونق قصدج هسه احصل رزاله واحتمال يكول نزلي
ام سرى استغفر الله شنو نزلي هذا رزق رب العالمين
بعدين انتي وحيده
ورب العالمين حب يجبر خاطرج
رونق هو شرط عليه مايرد اطفال يكول اني عندي خير من الله عندي الولد وعندي البنات
ام سرى اي وانتي شنو ذنبج تعيشين وحيده ماعندج اهل عاد عندج طفل تونسين وياااا
رونق افكر مااكول ابد منا لمن رب العالمين يفرجه عليه
ام سرى زين تسوين
جمانه السعيدي
رونق افكر افتح وياا مو ضوع المدرسه اريد ارجع ادرس
ام سرى انتي وين واصله
رونق اني من المتفوقات وصلت للسادس
ام سرى اي ارجعي واذا ماقبل اداومين قدمي خارجي
وادرسي بدون مايعرف
الشهاده كلش مهمه تضمن مستقبلج
رونق خل اكله بلكت يوافق
ثاني يوم اجا اني بدلت وحضرت وصرت ناعمه ويااا
بلكت يقتنع
بس شافني استغرب لان الصراحه اني اتعامل ويااا بجفاف
وهو يعرف اني مااحبه
وما يحاول وياي حتى يقرب مشاعره مني
ابو سامر هااا خير شكوووو
رونق سلامتك بس عندي طلب
ابو سامر اي
رونق اريد ارجع للمدرسه اني وصلت للسادس وتركت
ابو سامر هاي الشغله كطنه واطلعيه من اذانج
مال مدرسه وطالعه وداخله
هاي الشغله ماتمشي عندي ابد
انتي شنو ناقصج علمود ترحين المدرسه اني مقصر وياج بشي
رونق لا ابد مامقصر وحشاك من التقصير بس اني اريد اكمل
متت من كعدت البيت النهار كله مكاباه الحياطين
التهي شويه ابدال الكعده
ابو سامر هذا الموضوع سدي وممنوع تحجين بي نهائيا
فهمتي لو لا اني مزوج حتى اتونس لو اودي مدارس
رونق فدوه حتلو خارجي
ابو سامر كلت سدي الموضوع يعني سدي فهمتي لو لا
واحذرج اي شي تسوينه من وراي راح يكون عقابي شديد
فهمتي لو لا
الله يالله النوب تروح للمدرسه شسوين بلمدرسه
اهلج بطلوج وترديني اني ارجعج
رونق فهمت ان النقاش ويااا عقيم ومامنه فايده ابد
ثاني يوم كعدت مالكيته طالع
للعصر اجتني ام سرى مسويه بسبوسه بلقشطه وجايبتلي
ام سرى هلو حبي بسبوسه تستاهل هلحلك
رونق شكرا
ام سرى شبيج ضايجه
رونق ماقبل ارجع للمدرسه ولا حتى اقدم خارجي
ام سرى قدمي بدون مايعرف
رونق شلون
ام سرى اني اروح وياج وتقدمبن ونشتري الكتب وكلشي تحتاجين
هو كل اتلث ايام لو اربعه يجي ليله
ضمي الكتب بليله الي يجي بيه وبلنهار اقري
ولا تحجين ويااا ابد بعد بهذا الموضوع
رونق خايفه
ام سرى لا تخافين انتي بهاي الحياة ماعندج سند بس رب العالمين حاولي اطورين نفسج وتامنيبن مستقبلج
ابو سامر مادايم الج ابد
باجر اذا زوجته عرفت راح يشمرج بلشارع
ولا يسئل عليج انتي هسه استغلي الفرصه وكل فلس تاخذي حافظي علي
وادرسي وانجحي اضمني مستقبلج
رونق ولله كلامج معقول
ام سرى باجر انروح انقدم اني وياج ونشتري كتب وابدي اقري شدي حيلج
جمانه السعيدي
فعلا ثاني يوم رحنا اني وام سرى قدمت واشتريت كتب وملازم واقلام
وكلشي احتاجه
ورجعت كلي حماس وطلعت الدروس على اليوتيوب
وبديت اقرا
كل يوم اتصل بابو سامر بحجة اطمن علي واني اريد اشوفه يجي لو لا
اليوم الي يجي بي اضم الكتب والدفاتر
حتى لا يحس بيه ابد
شديت حيلي على القرايه بقت شغله وحده بطني بدت تكبر
وخايفه حيل
الكتب والدفاتر تنضم بس بطني شلون اضمه
من يجي احاول البس ملابس عريضه
وبليل من انام اطفي الضوه
مرتين سئلني شو سمنانه
رديت علي من كعدت البيت والاكل طول النهار
جمانه السعيدي
بهاي الفتره ام سرى طلعت حامل
تحجي عليه تكول كله من وراج عديتيني اني مااريد اطفال
رونق الله يتمم على خيررر
من وصلت الشهر السادس بطني حيل برزت رحت اني
وام سرى سويت سونار طلعت بيه بنيه
شكد فرحت ياربي انت شكد كريم
هاي البنيه راح تكون اختي وبنتي وصديقتي
بطني كبرت وبدا ابو سأمر يشك بيه
ابو سامر انتي حامل
رونق بعد مااكدر اضم عليك أكثر اي حامل بس ولله مامتعمده اتفاجئت مثلك
ابو سامر شنو تفاجئتي اني مو كلت مااريد اطفال
لو تعاندين
رونق احلفك برب العالمين تخليني احتفظ بهذا الطفل
اني وحيده واريد شي بونسني بهاي الدنيا
انت عندك اطفال بس اني محرومه
ابو سأمر احنا مو اتفقنا والاولى شرط آخره نور
اني كتلج مااريد اطفال ابد
رونق دنكت على رجله وبسته فدوه الله يخليك
بس هلمره وبعد ماتنعاد ابد
انتي ماتعرف حالتي اني طول النهار وحدي بلببت راح اطك
على الاقل اكو طفل يرد عليه الوحشه
عافني وطلع زعلان ومااعرف شنو مصيري
