رواية متلازمة الحب الفصل السادس بقلم جمانه السعيدي
ياسمين...ماما يعني انتي بكل عمرج ما متقدملج احد
ولا واحد تقدملج
امي...ابد ولا واحد دك بابنا اني شكلي موحلو
والنوب اشتغل ممرضه
منو يقبل يزوج وحده موحلوه وتأخذ خفاره بلمستشفى
يعني برائيهم تبات ويا الزلم
بعمري مادك بابي احد
ياسمين... ولا ولد عمج ولا واحد من اقاربكم
امي...بيت عمي وضعهم اخس من وضعنا واني لمن دخلت دورة تمريض عمي ماكان موافق
واجا هنا وهدد ابوي
بس اني صممت على شنو حاشر نفسه وضعنا تعبان
وحسره علينا الفلس
صدك لو كالو لا اغنيك ولا اخلي رحمة الله تنزل عليك
من وقتها لا عمي ولا واحد من طرفه اجانا ولا سئل عنا
حتى من اجو بفاتحة ابوي كانت مجرد واجب كدام الناس
بعدها بسنتين عمي مات
وولده طشرو كلمن بمكان البيت انباع
وكل واحد يله عايش النفسه
محد قرب علينا ولا سئل
برائيهم اني طالعه عن الطريق واختي مخبله
ليش يتعبون نفسهم علينا
اما خالاتي وحده ماعدها ابد اطفال والثانيه خلفتها بس بنات ازوجن وكلمن مشغوله بحياته
حتى التواصل والسؤال بينا انكطع
جمانه السعيدي
المهم اني اعتبر نفسي مقطوعه من شجره
ماعندي احد بس رب العالمين
بقت صورة خالد ابالي وكمت احلم احلام يقضه
واتمنى نرجع نلتقي مره ثانيه
ثاني يوم رحت النفس المكان بلكت التقي بي
شكد بقيت واكفه بس كلشي ماكوو
اسبوع كامل واني اروح اوكف بنفس المكان وما اشوفه
ياست يمكن ما مقسوملي اشوفه واتعرف علي
بعدها بشهر واحد جابو ولد متعرض الحادث
الممرضين كانو مشغولين
طلب مني الدكتور اروح أشد كانونه
يمكن لو بلحلم محد يصدك هاي الصدفه
الولد جان خالد تفاجئت من شفته
شوفي اني يوميه اشوف أشكال الوجوه ولو خالد ما مساعدني بذاك اليوم
جان وجوده بلمستشفى يمر عليه عادي حاله حال باقي المراجعين
بس شفته فرحت بشكل مو معقول
رغم الولد جان رجله مكسوره وحالته حاله
هناء...سلامات سلامات
خالد...الله يسلمج اي اي رجلي
هناء...شنو هذا حادث سياره
خالد...اي اي حادث سياره
هناء. شديتله كانونه ورحت للدكتور
هناء...دكتور هذا المريض محتاج اشعه جاي يتالم
راساةالدكتور كتب ورقه وكال اخذي قسم الاشعه
صحت على ولد ممرض ويانا واخذنا للاشعه
بعدين رجعت للدكتور المختص حتى يشرف على التجبير
طبعا عدنا ممرض بلمستشفى شاطر بلتجبير
الدكتور كال اخذي الابو احمد يجبر رجله
دفعته وصلته الغرفة التجبير
ووصيته ابو احمد علي وبقيت واكفه على راسه لمن جبر
رجله
بعدين اخذته الردهة الرجال
جان تعبان حيل جبتله مسكن حتى يرتاح
جمانه السعيدي
خالد.. الف شكر تعبتج وياي
هناء...يمكن مااذكرتني
خالد...لا ولله اعذريني الوجع طير عقلي
هناء...قبل شهر تقريبا وكعت بلشارع رجلي التوت وانت
ساعدتني
خالد...هااا اي اذكرت شلون صارت رجلج
هناء...بس وصلت للبيت عالجتها اني عندي خبره بهذا العمل
خالد...الحمد لله
هناء...يستاهل الحمد
خالد....توجعني حيل
هناء...شويه ويشتغل المسكن وتصير احسن تحب اتصل على اهلك او احد يجي وراك اذا عدكم تليفون ارضي
خالد...لا ماكو داعي شكرا
هناء... بقيت اروح وارجع علي منا لمن نام
بدينا نوزع اكل بلمستشفى وجبتله حصه جبيره
كعدته حتى ياكل وياخذ علاج
هناء.. اني مناوبتي خلصت راح ارجع للبيت اذا تحتاج شي اني وصيت البنات عليك
خالد...شكرا الف شكر ممنون منج
هناء...رجعت للبيت بيومها كنت فرحانه رغم الولد مكسور
وحالته حاله بس فرحانه لان شفته
ثاني يوم اول مادخلت للمستشفى كبل صعدت الغرفته
لكيته كاعد
هناء...صباح الخير
خالد...صبآح الخير
هناء. جبتلك ريوك عالمي كباب لا زم تاكل حتى تتقوى
خالد...شكرا ليش تعبتي نفسج وياي
هناء...انت الي بديت ساعدتني وانت ما تعرفني
شلون اعوفك لازم اساعدك
اخذت العلاج
خالد.... لا بعدني
هناء...اتريك وبعدين العلاج لان مايصير على معده خاليه
تقريبا هذا اليوم اني بقيت كل وقتي ويااا
اذا يردوني بشغله اروح اخلصها وارجع بسرعه علي
هناء...ليش محد سئل عنك ولا اجا وراك احد
خالد...لان ماعندي احد
هناء...شلون يعني وين اهلك
خالد...ابوي متوفي وامي خوالي زوجوها بحجة بعدها زغيره واني بقيت بكل مكان شويه
تركت المدرسه حتى اشتغل واعيش
اكثر الوقت انام بلشارع خالي بناته كبرن ويخاف عليهن
وزوجته ما تحبني
كمت اشتغل حتى اعيش
واحد مثلي بدون اهل بدون شهاده يشتغل عامل
يوم اكو شغل يوم لا
ماجرين غرفه اني وياي اربعه انام بيها بليل
جمانه السعيدي
هناء...وامك شنو عافتك ماتريدك ولا تسأل عنك
خالد...امي عدها كومه اطفال مو بحالي تخاف تسأل
عني لا اتردد عليها وزوجها مايقبل
ساكته ومبتعده خاف أقرب عليها وتخرب حياتها بسبي
هناء...الله يساعدك عبالي بس اني عندي مشكله
وحياتي متعبه طلعت انت حياتك تقهر اكثر من حياتي
اني امي وابوي ميتين وعندي اخت متلازمة داون
اني مسؤله عنها
بس عدنا بيت وعدنا رواتب ثنيين ناكل وتشرب وساكنيين
ولله الحمد
خالد..مبينه انتي سباعيه ومبينه كد المسؤليه
هناء...بس الي متى المسؤليه هواي عليه إلى متى راح ابقى هيج لازواج ولا اطفال
خالد...اصلا سعيد الي تكونين زوجته وحده مثلج
ياامنها على حاله وماله وجهاله وما يفكر ابد
هناء...الله كريم
ثاني يوم جبتله اكل وجبتله تراك حتى يغير ملابسه
لان ملابسه كلهن دم من الحادث
واجو الشرطه حتى يستجوبونه لان السايق بلسجن
كنت مهتمه بي اخر اهتمام
اريده يحس اني محتاجته بحياتي
اني كنت متعمده احجيله وضعي بعد ماعرفت هو حتى سكن ماعنده بلكت الله يهدي ويتقدملي
ونلتم اني ويا بيت واحد
ونعيش على حب للله
اسمه رجال فوك راسنا ومادام ماعندا اهل ولا احد يسئل
عنه يعني راح يقبل بوضعي
ويسكن وياي ونتحمل العيشه سوه
بقيت اتردد علي واهتم بي
هذا مثل حالي مايصدك احد يهتم بي لان حياته كلها مخلصها محد بحاله
طبعا هو ازغر مني باربع سنوات
المهم ثالث يوم اجو علي جماعته يسئلون عنه
بقه بس يحجي بيه ويحمد بااخلاقي وشلون ساعدته
وشلون جبتله اكل وملابس
خالد...اني راح ابقى هنا بلمستشفى لان بعمري محد مدللني هذا الدلال
اصدقائه....زين احجزلنا وياك هنا
خالد... خاف ماترضون محد يقرب عليه فهمتو لو لا
مو حتى على كعدت المستشفى حاسديني
بعد ماطلعو اصدقائه اجو اهل السايق يتفاوضون وياا يدفعوله مبلغ ويتنازل عن السايق
لان هو اصلا مجان متقصد
وافق اخذ منهم مبلغ وتنازل عن السايق
طلع من المستشفى وروحي راحت وياااا
بعد كلةهذا الاهتمام كلشي ما حصلت
معقوله اني غبيه الهلدرجه وماكدرت اوصل احساسي
ليش بعد كل هذا الاهتمام
كلشي ماحصلت
يعني بعد بس اشيله على ضهري وافتر بي
شلون اخطبه اني
طبعا هو بلا احساس اي مو جاي اكول عندي بيت
عندي رواتب ثنيين وانت واحد لا اهل ولا سكن
بعد اكو توضيح أكثر من هيج
جمانه السعيدي
هي كوه اني ما مقسوملي ازوج
شكد ضجت وبقيت احجي على نفسي طول اليوم
يومين واني مالي خلك الاي شي
حتى بيداء حست عليه اني ضايجه خطيه كل شويه تسئلني شبيج
جابتلي حلويات انطتني
حتى مااكدر ارد عليها
ياربي انت ما قاسمي ازوج بلدنيا اريد واحد صاك بلاخره
لاتكول ماكو زواج بلاخره
اني اريد ازوج ضل بنفسي الزواج
اليوم الي بعده وصلت للمستشفى شويه متاخره
لكيته ينتضرني واكف على عكازه باب المستشفى
مو وجهي ضحك لا كلبي ضحك
كمت مااحس برجليه اريد اطير من الفرح
وصلت قريب علي والضحكه شاكه وجهي
هناء....صباح الخير
خالد...صباح الخيرات شلونج
هناء...الحمد لله انت شلونك شلون صرت
خالد...بليل حيل توجعني تقريبا ماانام اله ساعه وحده
رغم اخذ مهدء بس مااكدر انام
هناء...اكيد الكسر يااذي حيل تامرني محتاج شي
خالد...سلامتج ماقصرتي لو عندي اهل مايهتمون بيه مثلج الف الف شكر
هناء...ماسويت شي هذا واجبي
بقه واكف واساكت يرفع عينه عليه وينزلها
كلت بكلبي اي احجي طلع الدره يمعود شمنتضر
خالد...يمكن اني عطلتج على الدوام
هناء....تقريبا اذا محتاج شي كول لا تستحي
خالد...اريد احجي وياج بموضوع بس مو هنا
ممكن اذا ما تفهميني غلط اشوفج باي مكان ونحجي سوه
هناء...راسا كلت اي ( اريد اصيح اي اي يمعود طلع الحجي ليش ساكت )
خالد...يعني موافقه
هناء...انتضرني اطلب اجازه وارجع عليك خمس دقايق مو اكثر
كمت امشي بسرعه اخاف ارجع ومالكا واكف منتضرني
شكرا لزيارتكم عالم روايات سكيرهوم
