رواية اخذوني دفع للدار فصليه الفصل السابع بقلم زينب الموسوي
ويــ الـحضنك دفو السبعين
تعال وخـل ترد روحي
وخـل نـختمر طين بــ طين
وحـگ الـيوجعني . .
بـكل هـلا متانيـك . .
.............../////
ليث : طلعت للديوان وكعدت واجتني رساله فتحتها وجان مكتوب بيها واخيرا راح تصير الي
عرفته هاي حبيبه كلي صدف رديت عليها وكتبت
ليث 💬: هلا بيج بنت عمي نورتي
صدف 💬: وبيك شيخي وروحي ودنيتي واخيرا حتصير من نصيبي مابقى شي غير كم شهر
ليث 💬: انشالله بس ماكدر احجي وياج وانتي مو على ذمتي عيب من عمي انشالله تكونين الي استاذن منج هسه غير وقت نحجي
صدف 💬: الله وياك ابن عمي محروس
ليث : سديت التلفون واجت بالي هاي الاسمها نهر واجت صوره عيونها ونضرتها مال الصبح الي ماعرفت شسوت بيه وشلون اخترقت مشاعري مشه اليوم عادي بين الديوان وبين البيت وعدت عشر ايام بدون اي احداث كاعدين الصبح بالديوان واجه غضب يمي وحجه
غضب : شيخ صارلي شكد منتضر تحاجي جدي ع مود سمر لونسيت
ليث : لا يا خويه مانسيت والله بس ماشوف الاوضاع
غضب : انشالله يخوي صدك ماشفت هاي الاسمها نهر بعد صارلي عشر ايام تقريبا
ليث : جاب اسمها ومادري ليش ضجت من ذكر اسمها انه صدك صارلي عشر ايام ماشايفها شلون صارت شنو محتاجه مادري خلصنه من الديوان ودخلت للبيت شفت صدف جايتنه هيه واختها وامها سلمت وي طلعتي صارت بوجهي بالمطبخ باوعتلها و......
......./////
نهر : بالمطبخ دا الم وجان تدخل برجلي كزازه كلش جبيره لدرجه ماتحملت الالم وضليت ابجي رفعت راسي واجه كالي
ليث : هاي شبيج ليش هيج رجلج ماشوفين انتي ثوله
نهر : مارديت عليه
ليث : تدرين بيه اضوج من اعيد كلامي
نهر : زفرت بصوت عالي وكتله غير ماشفتها شبيدي يعني ليش تصيح عليه كعدني ع الكرسي ورفع رجلي وطلع الكزازه وكال
ليث: لاتكومين هسه اجي
نهر : حجيت بكلبي ديلا ع اساس اكدر اوكف والله يالله راح واجه جاب ويا اسعافات اوليه
ليث : نطيني رجلج
نهر : لاشيخ روح انه اسوي رجلي مايصير
ليث : كتلج نطيني رجلج
نهر : نطيته وجلي وهوه صافن بوجهي شويه وخلص وروحي راحت من الالم شكرته وراح
ورحت امشي واباوع هاي صدف بدها تموتني ضليت واكفه جان خالتي كالت
قسمه : يمه ليش واكفه تعاي كعدي
نهر : لاخاله مرتاحه هيج
وحجت هايه الاسمها صدف : خليها خاله لاتكبرين راسها هيه كلها خلك خدامه
نهر : سمعتها ودمعتي وصلت الطرف عيني وكلت صدك انه لا انسى روحي انه هنا فصليه خدامه رديت وكتلها خاله انه راح اكعد بالمطبخ
طلعت وصار بوجهي الشيخ ليث وجنه سمع حجيها دنكت وتعديت من يمه ورحت للمطبخ كعدت اغسل الماعين الي بالحوض وشويه وبديت اسوي عشا عدنه خطار والبنات ملتهيات وي خطيبه الشيخ ليث المكروه اف ياربي يمته تخلصني من هالمكان اريد ارجع الامي واخواني حيل مشتاقتلهم وابوي اخ يابويه اخير مرا شفته كبران عشر سنين وانه دا اشتغل وجان تجي صدف تجرني من شعري وهمست باذني
صدف : لاعبالج ماشفته شلون كاعد يعقم جرحج وهاي سوالف بطليها
نهر : كتلها اخ عوفيني شعري يوجعني وجان ادفعها ويطيح شالي ونفتح شعري والتفتت وشفت ..
....../////
ليث : شفتها بالمطبخ واكفه ورجليه اخذتني شفتها تبجي وعيونها حمر من البجي باوعت للكاع متروسه دم كتلها شبيج ماشوفين ثوله تبقين ثوله ماجاوبتني ضلت ساكته رجعت كتلها تدرين بيه انه اضوج من عدم الرد وجان ترد عليه
نهر : زفرت بصوت عالي وكتله غير ماشفتها شبيدي يعني ليش تصيح عليه
ليث: رفعت رجلها خليتها ع الكرسي وكالها لحضه هسه اجي رحت جبت علبه الاسعافات وعقمت رجلها وانه لحد هسه ماعرف السبب الي يخليني اسوي هيج خلصت منها وكتلها مرا ثانيه نتبهي لروحج فهمت خليت وصعدت وانه كل تفكيري يمها تصورو صدف حبيبتي جوه ماتذكرتها صار العصر ونزلت وسمعت صدف تكول الامي
صدف :خليها خاله لاتكبرين راسها هيه كلها خلك خدامه
ليث : ماعجبني تصرف صدف ولا كلامها واللفت انتباهي انو نهر ماردت عليها وطلعت صارت بوجهي حيل جذبتني عيونها وهيه متروسه دمع راحت للمطبخ ودخلت يمهم كتلهم مامسموح الاي احد يقلل من قيمه نهر حتى وان كانت فصليه بس تبقى مرتي خليت وطلعت فاير وانه اجهل سبب دفاعي عنها رحت للمزرعه صير ورا البيت مباشره وكلت صارلي هواي مرايح من يوم مات اخوي كلشي مسلمه الغضب خطيه وهوه هم عنده شغل رحت وشفت غضب كاعد صافن
ليث : الله بالخير يخوي
غضب : الله بالخير شلونك خويه
ليث : زين الحمدالله اشوفك صافن خير بيك شي
غضب : والله ياخويه ماكو بالي غير سمر واهلها جاي ياذونها كلشي لان ترفض اي شخص يتقدملها وخايف عليها
ليث : انشالله اليوم بعد العشه افاتح جدي واخليه يقتنع
غضب : تحجي صدك يخوي كمت عليه وحضنته حضن جبير هسه كلي انته شنو الي مكدرك وماتكدر تكوله اشوفه بعيونك يخوي
ليث : مادري ياغضب بالي يم نهر وسولفتله كلشي صار وكتله مادري ليش هيج جاي اتصرف
غضب : خاف بديت تميل الها يخوي تراها خوش بنيه وشفتها شلون تتعامل وي امي وخواتي وجدي عكاب حيل يمدح بيها
ليث : ادري يخوي جدي عكاب دوم يكول خوش بنيه بس لا انه خذيت صدف حب طفولتي
غضب : براحتك يخوي لعد ابتعد عنها وخليك يم صدف وكلها البنيه بقت 11 شهر وتروح الالها وانت تتزوج وتستقر
ليث : هوه يحجي هيج وكلي ابتعد عنها وانه احس كلبي وجعني اخ ياليث شبلاك رديت عليه وكتله لا يخوي مجرد شعور هوه ويجوز عطف على حالتها لان من اجت للحين ماشفت منها اي شي سلبي
غضب : انا اشهد
ليث : هسه عوفنه من البيت شخبار الشغل
غضب :مثل ماشوف تمام وسلمت طلبيه الحليب مثل ما امرت
ليث : مشكور يخوي تعبتك وياي كلش
غضب : افا وانا اخوك لاتحجي هالحجي انت اخوي وصديقي موبس اخوي ع طاري الصداقه شخبار صاحبك عمر
ليث : زين هوه بالشغل هسه بعده مانازل من ينزل يمر النه
غضب : انشالله يلا يخوي خلنروح لجدي عگاب ينتضرنه هسه
ليث : يلا .
رحنه للديوان وكعدنه وصار وقت يصبون العشه وكتلهم استاذن اروح ابدل ملابسي واجيكم خليت وطلعت وردت اصعد وجان اسمع صوت جاي من المطبخ وادخل واشوف صدف لازمه نهر من شعرها من فوك الحجاب ونهر دفعتها وطاح شالها بس اخ شنو طلع شعرها يرد الروح ماشفته ابد ولا منتبه عليه بلون الذهب وطويل حيل طويل وماي باوعتلي رئسا وكالت
نهر :والله شيخ انه مالي ذنب هيه الي تهجمت عليه اسفه شيخ
ليث : لاتعتذرين شفت كلشي بعيني
صدف : شيخي هيه البدت والله وتشمر حجي ماعبالك فصليه
ليث : روحي يم اهلج صدف خلت وراحت ولتفتت لنهر وكتلها و انتي لمي شعرج وغطي هسه يجي ابن عمي عباس ويفوت ماريد يشوف خيالج ردت عليه
نهر : صار شيخ
ليث : خليت وصعدت ومابالي غير لون شعرها وطوله والي من نفتح زادها جمال وتذكرت من عباس شحجه هذاك اليوم وحسيت ب ......
........../////
نهر : التفتت وشفت الشيخ الوحش واكف وكتله اسفه شيخ والله موقصدي هيه بدت جان يرد عليه ادري شفت كلشي وحجت هايه الماتخاف من الله شيخ هيه البدت وتشمر حجي ماعبالك فصليه وخدامه حيل نهضمت من كلامها ردت عليها وكلها روحي يم اهلج صدف والتفت عليه وكال
ليث : لفي شعرج وتغطي وراح يجي ابن عمي عباس ماريد يشوف خيالج فاهمه لولا
نهر : رديت عليه صار شيخ وانه بكلبي اغلط واسبه عابتلك اي والله لميت شعري ورجعت شتغلت وخلصت العشه وصبينه عشه ودينه لجدي عكاب عمي فهد عشاهم وياهم الولد وشويه ونسمع صوت بالهول مال ضحك وسوالف وعمتي صاحتني
قسمه : نهر يمه وينج تعاي
نهر : رحت يم الباب وانه مدنكه ودخلت جوه نعم عمه صحتيني
قسمه : اي عمه صحتج تعاي كعدي يمنه يمه
نهر : لا عمه اريد اغسل الماعين
قسمه : عوفيهم انتي تعبتي نور ولجين يغسل وياهن غزل
نهر : صار عمه واني بداخلي اركص ههههه كلت خلصت من الماعين تعبانه كلش
كاعدين نسولف ودخلت علينه شاب كلش حلو يشبه الشيخ كعد كبالي وكلساع صافن عليه كلت بداخلي كبر اي والله شبيه هذا
عباس : اي عمه قسمه كليلي منو هذا الكمر الكاعد ع الكرسي
قسمه: ولاتببطل شقاك يمه لا يسمعك ليث هاي نهر مرته
عباس : اف عمه عنده هاي الكمره وعايفه لودري انه ماخذها الي فصليه
نهر : سمعته ومن وصل لكلمه فصليه حيل نقهرت اجنت نور وغزل وصدف ولجين
نور : ولك عباس عوف مرت اخوي
صدف : لاعيني انه مرته هاي خدامه هنا وبس
لجين : احترمي صدف البنيه لايمج ولاكرباج وصارلج ساعه تحجين عليها بالمطبخ وسكتت
صدف : اوي هسه انه شحجيت متكليلي
لجين : كافي صدف
نهر : شفت شلون نور ولجين دافعن عني كلت اي واخيرا عندي سند وعمتي هم حجت عليها بس هيه وامها كلش كارهاتني شويه وكال عباس
عباس : اي نهر سولفي شكد عمرج شدرسين
نهر : دا احجي ودخل الشيخ عكاب وليث وعمي فهد وغضب وكعدو اشوف ليث خزرني كلت بداخلي شبيه هذا ورجع حجه
عباس : اي نهوره ليش ماجاوبتي وشنو سبب تسميتج بهذا الاسم
نهر: ردت ارد وليث كله
ليث : وانت شكو تريد طلعها بطاقه
عباس : شبيك ليوثي يجوز يصير نصيب
نهر : اشوف ليث صار احمر وسكت كتلهم اترخص انه طلعت وتذكرت جنطي وملابسي الي مادري بيهن وين ودخلت بالغرفه الي جوه الدرج الي انام بيها بعد صرت زينه وفتحت حنطي ورتبت. ملابسي بمثل اللوكر صغير وعدلت المكان الي انام بيه ولكيت مثل الهيتر الصغير كلت ايه وجوجان بارد بال 12
عزلت جنطي وصلت لاكل شي احبه وهوه جنطتي مال الرسم ماكتلكم انه كلش احب الرسم وكلش مبدعه بيه كلت خلي اخلص واطلع برا هم اطقس المكان وهم ارسم شويه من اجيت لحد هسه ماعبرت حدود الباب خلصت طبعا تلفون ماعندي اهلي مجانو يقبلون خلصت وطلعت لكيتهم كلهم رايحين وشكلهم نايمين لان طولت بالتعزيل جوه لبست عبايه وطلعت للحوش ( الطارمه )
فتريت ولكيت باب الصغير ورا البيت فتحته وجان اشوف كلشي بيه حلو يخبل ويجنن وبيه طاًوله طلعت اقلامي واوراقي وكعدت ارسم الي كبالي وجان اسمع صوت وراي يكلي ......
........../////
شكرا لزيارتكم عالم روايات سكيرهوم
