رواية سراج السادة الفصل السابع بقلم عسق ادريس
______________
لربما والحل آتٍ في السماء السابعة.
لعلها تشفع لي ولكم ❤️
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
-يا مقلِّبَ القلوبِ ثَبِّتْ قلبِي على دينِك .
صوتو وعلقو بين الفقرات
#غسق ادريس
#سراج الساده
كل حساباتي ب اسمي غسق ادريس
قنواتي بنهايه البارت اشتركو بيهن احبكم
خلونا ويا الساده..... ‼️🤍
"عاتكه"
_علويه رقيه:: عاتكه ماما وصي الولد يجبيون خضره وياهم
_عاتكه:: صار
طلعت من المطبخ انزل ب ردن الدشداشه صارت كدامي ام ابيها تضحك وتركض ب الصاله شافتني وضحكت تصعد عل قنفه وتشمر ب روحها حجيت وياها داخله للمصلا
_عاتكه:: فاطمه لاتأذين نفسج
فتحت باب المصلا صار كدامي السيد وفقار واكفين يم الرفوف يرتبون ب الكتب السيد ينطي الكتاب لفقار وفقار يمسح وينطي ل ايليا وايليا يحطه ويا اجزائه
_عاتكه:: ها الله يساعدكم
باوعلي السيد والولد
_عبد الرؤف:: يساعدج علويه
_عاتكه:: فقار خابر غضيمر يجيب ويا خضره ب الرجعه للغده
_فقار:: ان شاءالله
درت طالعه من المصلا استوقفني صوت السيد
_عبد الرؤف:: علويه
_عاتكه:: ها سيد
_عبد الرؤف:: شفتي البنات خاف محتاجات شي
_عاتكه:: ااي سيد شفتهن قبل شوي وهسه راح ارجع اشوفهن
_عبد الرؤف:: عاشت ايدج علويه
طلعت من المصلا صارت بوجهي قدس واكفه يم باب غرفه العلويه وصافنه عل فاطمه الي فرشت العابها ب الارض تلعب
_عاتكه:: ها قدوسه
_قدس:: هلا عاتكه
_عاتكه:: محتاجه شي حبيبتي
_قدس:: اي اريد ماي
_عاتكه::من عيوني هسه اجيبلج
هزت راسها ودخلت للغرفه تمشيت للمطبخ شفت امي والبنات ب المطبخ يجهزون الغده بس شاهيناز ماكو اخذت جكه وترستها ماي وطلعت اصب الماي ب الكلاص دكيت باب الغرفه ودخلت لكيت القافيات كاعدات بس قس ماموجوده
_عاتكه:: هاج قدوس
_قدس:: شكرا
_عاتكه:: دللي بنات محتاجات شي
_قادسيه:: لا مشكوره تعبناج
_عاتكه:: تعبجن راحه يلا اخذن راحتجن
طلعت من الغرفه راجعه للمطبخ كعدت اثرم ب الزلاطه ويا حميده دخلت شاهيناز من برا وكعدت يمنه باوعت للعلويات الكبار وباوعتلنا تهمس
_شاهيناز:: بنات قس اتصلت على اهلها
_حميده:: وين
_شاهيناز:: هاي برا توني رحت لبيتنا سبحت وبدلت ملابسي واني داخله سمعتها تحجي برا
"قس"
هذه اليوم الثاني النا ببيت الساده صح ماحسسونه بثقلنا لاكن اني الحسيت بهذه الشي طلعت ب الحديقه الخارجيه صافنه على خضار النبات انتبهت على ورده صفره لزمت اوراقها بهدوء خاف تنكطع او تتأثر بلمستي
رفعت راسي من سمعت صوت تغريد العصافير شفت عصفورين على الشجره يغردن ابتسمت منضرهن حلو
احسهن سعيدات وبينهن موده
لان متلاصقات ببعض تقدمت اكثر للشجره صرت جواهن باوعلي وطارن لغير غصن رجعت تقدمت لصفحه الطارن عليها ورجعن غيرن موقعهن ضحكت
من موقفهن كسر صفنتي رنت جهازي
رفعت التلفون فازه على الاتصال رفعت الخط وصرخت بقهر
_قس:: وينكمم وينكمممم يومين اتصل عليكم محد يرددد ماتكولون بناتنا ماتتن اتصخمنننن
_قبس:: يمعوده كولي يالله اكلتنيني اكل شسالفه
_قس:: ليششش ماتردين على اتصلاتي انت وخوانج ليش؟؟؟
_قبس:: قوسه شبيج اهدي حبيبتي
_قس:: شهدء شهدء انت تدرين شصايرر بينه
_قبس:: اسم الله شصار؟؟
جريت حسره دموعي تجري كعدت على حشيش الكاع مخنوكه اجاني صوتها خايفه
_قبس:: شبيج قس خوفتيني والله البنات شبيهن خو مابيهن شي؟
_قس:: بيهن بيهن
_قبس:: شنوو قسسس شصاير ماتحجين ترا والله كلبي طاح من الخوف
_قس:: ماكلتي هيج من يومين غايبات عنج ماكلفتي على نفسج تسألين على خواتج
_قبس:: وداعت ابوي وداعت دربجن الرحتن بي هاي البيت صارله يومين ماكاعد وهادي من العرايك
_قس:: ليش شصار؟
_قبس:: قصي ابن كريم نقلو للمسشفى
_قس:: شبي
_قبس:: متعارك ويا بيت ابو كاظم وطاكي ب السجينه على جهت قلبه وعود اليوم يلا حالته استقرت وتدرين بمرت عمج نضال مكومه البيت ومكعدته شلون الحفيد وليام الي راح يورث الديوانية بطولها وعرضها ينطك مدخلتنا انذار واني ماخايفه عليجن لان رحتن للامير المؤمنين والامام علي هوا الحاميجن
هزيت راسي ب اي حاشه الامام علي (ع) يضيع واحد جايله ومتقصده
_قبس:: قس شصاير ترا والله خوفتيني صدك
جريت حسره وسولفت الها كلشي من طيحه قدس ل هاي كعدتي
_قبس:: صدك تحجين انتِ ولجن شوداجن لبيت الساده لو عمامجن يدرون بعلي يذبحوجن
_قس:: اكلج طز بعمامج لاتخليني اغلط عليهم عود لو بيهم خير ماسيبو عرضهم ب الشوارع شنو من غيره عدهم خالين اربع بنات يرحن ويردن لنجف وحدهن ماخافن يكعدن ي....
_قبس:: غير يوثقون بيجن عمامي
_قس:: دكلي خرا انت وياهم خرا بهيج ثقه عمامج مكرنين ماعدهم غيره ديوثه اني اسولفلج على اختج انت مهتمه شلون ترحن لبيت الساده
_قبس:: كافيي قس عيب وكليلي البنات هسه وين؟
_قس:: كاعدات جوا واني ب الحديقه
_قبس:: باعي جهزي خواتج حتى ترجعن للديوانيه لاساده ولاغيرها هاي اهنا الديوانيه متروسه شيوخ وساده نجيبه لقدس ويطلع الجني منها خلصت وراحت
_قس:: ديلا يلا ياسبع الدواجل كلي لخوتج خل يجون ياخذونا مال نرجع وحدنا شيلوها من روسكم قدس تعبانه كوا تمشي منا لهنا مو مال اسحول بيها
سديت الاتصال منها محروك كلبي دخلت للبيت شفت البنات ملتمات ب المطبخ دخلت للمطبخ دارن كلهن علي
_عاتكه:: ها قس تردين شي
_قس:: لا سلامتج محتاجات مساعده
_حميده:: لا حبيبتي مشكوره ارتاحي
_قس:: لا والله صدك بنات تردن مساعده ترا اعرف اطبخ
_عاتكه:: يمعوده دباعي المطبخ متروس نسوان انت كعدي وارتاحي
كعدت على الكرسي اباوع الهن علاقتهن حلوه ومريحات تحسهن خوات ماجنهن بنات عم
_قس:: بنات ملاك ودايان ووديان ودعاء وين؟
_عاتكه:: راحن الصبح رجعن للحله
_قس:: عايشات ب الحله؟
_عاتكه:: اي ب الحله اجن زياره بس
_قس:: اها والعلويه جهاد وين
_شاهيناز:: طلعت من الصبح ويا الساده
_قس:: بنات عندي سؤال ولو احسه خصوصي وعيب اسأله
_شاهيناز:: حبيبي هذه اسمه فضول سألي عود اذا خصوصي مانجاوبج
_قس:: اي باعي
عدلت كعدتي كلهن دارن عليا
_قس:: العلويه جهاد متزوجه؟
_عاتكه:: لا مطلقه
_قس:: مطلقه؟؟؟
_حميده:: اي من سنوات مو هسه
_قس:: ااهاااا لان سمعتها تحلف ب وداعت ضناي
_عاتكه:: عمتي تطلكت من جان عمرها 22 وهسه 32
_قس:: حيلل عشر سنوات ولامبين عليها؟
_مهجان:: اي عمتي صغيره
هزيت راسي ساكته مر الوقت وخلصو تجهيز الغده اني بهاي الفقره مدري شجاني واستحيت طلعت من المطبخ اشوف البنات دخلت للغرفه لكيتهن كاعدات قدس منتجيه على الجربايه وساكته وقادسيه وقسار يسولفن
كعدت يمهن ساكته
_قدس:: ريحه البيت كلش مو حلوه
_قس:: عيب قدس شهل حجي
_قادسيه:: ب العكس ريحه البيت مثل العطر الي بمرقد الامام علي
_قسار:: اي والله عفيه اكول وين شامته
_قس:: صح اني هم البارحه اجتني الريحه واستغربت وين شامته قبل
سكتت قدس ماعاجبها بدينه نسولف رفعت قسار ايدها جان مشدود بي علك اسود ضحكت فرحانه
_قسار:: السيد انطاني هذه العلك كال من مرقد السيده زينب
_قادسيه:: كلش حلو اني نطاني كتاب بي قصص الانبياء
ابتسمت دايره ب اتجاه قدس كمزت من مكاني من شفت طفل اسود عريان نايم بحضن قدس ويباوع ب اتجاهنا
_قسار:: شبيج قس
باوعت مره ثانيه بحضن قدس جان فارغ باوعتلي قدس مستغربه
_قدس:: شبيج
_قس:: مابيه شي
ضليت ساكته وكل شوي اخطف نضره على قدس واردد ايات وسور ويا نفسي اندك باب الغرفه
_قس:: تفضل
دخلت عاتكه مبتسمه
_عاتكه:: يلا عيني شلون غده يخبل دجاج كلي ودجاج شوي هم
_شاهيناز:: حتى بيض تبيضين اليوم
حجتها شاهيناز شايله الصحونه ضحكت عاتكه تأشرلنا نكوم كمنا اني والبنات مستحيات شفتهن ينقلن ب المواعين طلعت حميده شايله صينيه متروسه صحونه اخذتها من ايديها
_حميده:: لا قس حبيبي كعدي
_قس:: شسالفه هنا صحونه ترا نادرات لاعبالج
_حميده:: طبعا نادرا وين اكو مثلج
نقلو الغده كله وبدو يتجمعون على السفره العلويات بس جان الغده دجاج شوي وكلي وسمج ومركه باميا خضره وزلاطه اخذن العلويات غده للمصلا بقيت مدنكه انتضرهن يجن يلا لان استحي تعرفون بعد حياء وكذا
دخلت شاهيناز بيدها خبز وعاتكه وراها
_عاتكه:: ادري عليمن الخبز
_شاهيناز:: خاف واحد يغص ب شوك السمج نحط الخبز بحلكه
كعدن البنات على السفره اشرلتنا العلويه ناكل
_علويه زهراء:: يلا يمه ماتاكلن عليمن صافنات جهاد وينن شلون بيه ويا جهادد
_جهاد:: اجت جهاد
دخلت العلويه تنزع بعبايتها والنقاب خلتهن على القنفه ودخلت للمطبخ رجعت العلويه باوعتلنا
_علويه زهراء:: ولجن ماتاكلننن الاكل برد جهاد من يمج مايي وسجينه
_جهاد:: صاررر
سمينه ب اسم الله وبدينه ناكل اجت العلويه جهاد مغسله وجهه خلت طاسه الماي وبدت تاكل اخذت العلويه زهراء السجينه كصت بيها اليمون وخلتها على الطاوله كعدنا ناكل والكل هادء كملت غده حمدت الله وكمت من الاكل
_العلويه زهراء:: ماكلتي يمه
_قس:: لاعلويه اكلت الله يديم هاي السفره عليكم
_العلويه زهراء:: يا بعد روحي بس والله ماكلتي صحنج بعده ماخلص
_قس:: لاعلويه مو مسويه دايت ماكدر اكل
باوعلي العلويات كلهن والعلويه جهاد تباوعلي صفح
_جهاد::هوا شضال بيج حتى تسوين دايت
ضحكت ودخلت للمطبخ اغسل طلعت انشف ايدي وكعدت يمهم باوعتلنا العلويه
_جهاد:: جهزن نفسجن نروح نزور
_شاهيناز:: ها يمتى
_جهاد:: فد شوي ب 3 هيج
_عاتكه:: ان شاءالله
_جهاد:: القافيات جهزن رواحتجن
_قدس:: مابيه اني
_جهاد:: لابيج ب السياره كاعده ماتمشين على رجليج
_حميده:: قريب الامام علينا ماتعبين
هزت راسها ساكته الكل خلص اكل وكامن عزلن السفره مايتعبن ابد ثنين يشيلن المواعين وحده تشيل السفره وحده تمسح ب الكاع صعدت العلويه فوك واني والبنات دخلنا للغرفه نامت قدس على الجربايه واحنا ضلينا مصفصفات مادري شلون اخذتني عيوني ونمت
فزيت على قادسيه تكعدني اتجهز كمت غسلت ولبست العبايه والجورايب وضليت كاعده ب الغرفه دخلت العلويه جهاد
باوعتلنا العلويه واشرت نكوم كمت اني والبنات لزمت قدس من ايديها وطلعنا خارج البيت جانت واكفه سياره سيد جادح صعدت العلويه جهاد كدام واني والبنات ورا طلعت بينه السياره لمرقد الامام علي
انتبهت قدس كل شوي تخلي ايدها على ركبتها وتنفخ
لزمتها من ايدها مستغربه
_قس:: شبيج قدوسه
_قدس:: ماعرف مختنكه
_قس:: افتحلج الجامه
_قدس:: اي قس حيل مختنكه
نزلت الجامه دخل هوا قوي لزمت شالي ودرت عن الجامه غمضت قدس تتنفس بس مامرتاحه لزمت ايديها امسح عليها ماطولنا وصفت السياره كدام السوك الي يودي للمرقد نزلنا اني والعلويات تمشينه لداخل السوك العلويه كدامنا واحنا وراها
شفت زلمه يبيع علك اخضر اشرت القسار تلزم قدس
وتمشيت للزلمه اطلع فلوس من جنطتي
_قس:: عمو انطيني علك بلا زحمه
نطاني علك خليته على كتفي ورجعت امشي ورا العلويات دخلنا للتفتيش المفتشات بس شافن العلويات اخذنهن ب السلام والترحيب ومافتشن العلويات ودخلنهن طلعنا من التفتيش صارت قبه الامام علي كدامي دمعت عيوني واني امشي صافنه على القبه
توجهنا على باب الدخول العلويات محاوطات عمتهن
وقسار وقادسيه محاوطات قدس واني وراهن
وصلنا لباب الدخول وكفت قدس مبتعده
تباوع للعلويه لزمتها العلويه تشجعها تدخل وقدس تصرخ
_قدس:: ماكدر علويه ماكدر اختنكتتتت
_جهاد:: حاولي قدس هذه الامام علي يشيل المرض من جذوره منج
_قدس:: ماكدر ليش ماتفهموني ليشش
ضلت قدس تصرخ تبعد والبنات يقدمهن وكفت تصرخ بقوه كدام الناس وكلها تباوع التمو علينه وهيه تصرخ كاعده ب الارض اشرتلنا العلويه نبعد عنها وشالتها مبعتدها
_جهاد:: روحن زورن
_قس:: شنو علويه ماندخلها
_جهاد:: روحي قس مانكدر راح تتاذى ب الزايد
صفنت على قدس عيوني مدمعات سحبتني عاتكه من ايدي تأشرلي ندخل
_عاتكه:: عمتي يمها تعاي ندخل احنا ادعيلها الامام علي مايرد احد قاصده
هزيت راسي ودخلت وياها عيوني على القدس الي شمرت روحها تعبانه بحضن العلويه دخلنا على التفتيش فتشونا ودخلنا لصحن الامام عيوني على المرقد من بعيد دخلنا هوسه والمرقد ماينلزم
لزمت العلك بيدي وباوعت للمرقد ابجي واحجي بهمس
_قس:: ياعلي بداعت زينب العقليه بنيتك وعزيزه كلبك واني جايتك احسبني مثل بنتك وحيده وماعندي احد وانت ابو اليتامه وكافلها واني يتيمه ياعلي اريد تفرجها علينا اني وخواتي
شديت العلك بقوه بسته وطفرت من مكاني شامرته على المرقد من فوك غمضت عيوني من شفته نزل من المرقد للارض حسيت ب ايد على كتفي فتحت عيوني اشوف عاتكه مبتسمه تأشرلي على المرقد باوعت للمرقد شفت نهايه العلك متعلكه على المرقد من فوك سحبته وحده من امهات ريشه وشمرته بقوه على قبه المرقد وفعلا صار العلك فوك المرقد
ابتسمت ابجي لزمتني عاتكه من ايدي تقدمني للمرقد هيه والعلويات
_شاهيناز:: يلا حتلو انكتلنا هل مره فداج
دفعني على المرقد وهنا وراي لزمت المرقد ابوسه وادعي سمعت صوت شاهيناز تداهر ويا وحده ايرانيه
_شاهيناز:: ادري خانم هوا الامام بس الكم غير امامنا
والايرانيه ترد عليها بمادري شنو وشاهيناز ساكته تزور انسحبنا من المرقد لان صارت هوسه اخذنا ترب وصلينه ركعتين قرينه زياره الامام علي كامت عاتكه ورجعت بيدها قرأنين انطتني واحد واخذت واحد
_عاتكه:: خل نقره سوره يس
هزيت راسي ب اي وفتحته على سوره يس وبديت اقره بس بصوت وعاتكه بينها وبين نفسها خلصت قرأه تصدقت وسديت القران خلصت بعدي عاتكه وخلت القرأن بيدها باوعتلي وابتسمت
_عاتكه::قس تدرين قرأتج للقران ناقصه
_قس::ناقصه لا ليش!
_عاتكه::شوفي فتحي القران على سوره يس
هزيت راسي وفتحت القران على السوره خلت ايدها على الايه الاولى يسٓ
_عاتكه:: شوفي شايفه هاي التمديد ( ~)
_قس:: اي
_عاتكه:: هاي من تشوفيها فوك الكلمه تمديها
_قس:: يعني؟
_عاتكه:: يعني يس ماتكولين يس بس؟ لاا يسسسس
تمدين الحرف الي فوكه التمديد هاي بكل كلمه تشوفيها تمدين الحرف مثلا شوفي اهنا (فيٓ) ال ي تمديها فيييييي فهمتي؟
_قس:: اهاا فهمتج
_عاتكه:: شوفي مثلا هاي ال ج الصغيره فوك الكلمه هاي وقوف من تشوفيها على الكلمه توقفين شوي وتكملين شوفي مثلا على (وءاثارهم) اكو ج صغيره فوك هاي توكفين اهنا شوي وتكملين
رجعت ادور ب السوره خلت ايدها على ايه 11 (بالغيب)
_عاتكه:: شوفي هاي صل على الكلمه معناها تكدرين توكفين وبنفس الوقت الافضل تكملين قرأه
_قس:: مافهمت
_عاتكه:: يعني من توصلين لهاي الكلمه تكدرين توكفين قرأه وتاخذين استراحه بس اقصد استراحه يعني على طول خمس ثواني بس وتكملين قراة واذا تردين تكملين افضل بدون وقوف
_قس:: هااا مثل ال ج يعني
_عاتكه:: ايي عفيه ال ج هاي واجب توقفين يعني
رجعت ادور ب السوره وقفت عند ايه 40 (ينبغى) جانت اكو م فوك ال ب
_عاتكه:: شوفي اهنا يصير اقلاب بين ال ن و م
وباعي اهنا اذا اجت ال م فوك ال ن ساكنه يعني ماعليها كسره وضمه وفتحه تجي ساكته ووراها كلمه بدايتها ب مثل (من بعثنا) فوك ال ن م تكولين مم بعثنا شرط تحافظين على وزنها عندك اذا اجت م صغيره فوك الكلمات هم اهنا يصير عدج وقوف لازم
بدت تشرحلي على احكام القران الي اني توني ادري بيها
_عاتكه:: ها هسه فهمتي
_قس:: اي والله عاشت ايدج توني ادري بهل معلومات
_عاتكه:: لا لازم تعرفيهن القران بي هواي شروط بس من نجي هسه اكو اشخاص مايعرفون يقرون مثلا الله مسامحهم بس من تعرفين هذن وماتمشين بيهن ف حرام اكو ناس حتى الالف الخنجريه مايلفضوها
_قس:: الالف الخنجريه؟
_عاتكه:: اي الالف الصغيره فوك الحروف هاي الف الخنجريه
_قس:: لا والله بعد راح ابحث على الاحكام اني دوم اقره سوره يس احبها
اخذت القران باسته وابتسمت
_عاتكه:: الامام الحسين (ع) قال لكل شيء قلبا وقلب القرأن (يس) فمن قرا سوره (يس) قبل ان يمسي كان في نهاره من المحفوظين والمرزوقين حتى يمسي زمن قرأها في ليلته قبل ان ينام وكل الله به الف ملك يحفظونه من كل شيطان رجيم وان مات في يومه ادخله الله الجنه
_قس:: صدك بعد احجيلي على سوره يس
_عاتكه:: ابي جعفر (ع) قال من قرأ سوره يس في عمره مره كتب الله له بكل خلق في الدنيا وبكل خلق في الاخرى ومحا عنه ولم يصبه فقرا ولا هدم ولانصب ولا وسواس ولاداء يضره وخفف عنه سكرات الموت واهواله. والفرح عند لقاء الله والرضا بالثواب في اخرته والله يقول للملائكه قد رضيت عن فلان ف استغفرو له
_قس:: شكد حلوو
_عاتكه:: والنبي محمد (ع) يقول من قراء هذه السوره غفر الله له واعطى من الاجر كانما قرأ القران اثنى عشر مره يعني 12 مره!!
_قس:: شكد حلو هيج الله منطينه هواي اسباب للتوبه والفوز ب الجنه واهم هاي الاسباب القران
_عاتكه:: لو تقرين صفحتين كل يوم من القرأن انت بهذه اليوم محصله سرب من الحسنات لان كل حرف ب القران يعادل الالففف الحسنات اكو ناس من تضوج وتنقهر تسمع اغاني حتى تخفف عن ضوجتها ب الماقبل هيه الاغاني حرام وذنوب ومن تجين تسمعين حزن مثلا تزيدين فوك ضوجتج ضوجه وتختنكين ب الزايد مجربه من تضوجين تقرين قرأن؟ والله اتحده واحد قرن قران وهوا مقهوره لو مانشال القهر بساعتها منه من اضوج من فد سالفه اتوضه واقره قران اني هم كلت لربي اني ماعندي غيرك حتى من خلقت سبب حتى ابجي علي اني اجيتلك اشكيلك من ضوجتي وب نفس الوقت اجتني حسنات والحزن اختفى مني
_قس:: كلش حلو القرأن فعلا حتى كلماته مريحه
سكتنا نباوع للمرقد ابتسمت براحه واني اباوع لمرقد الامام
_قس:: شكد الله يحبنه وخلانه من شيعه علي
عاتكه:: قال رسول الله (ص) ان عن يمين العرش قوما وجوههم من نور على منابر من نور ليسو بانبياء ولا شهداء فسألو النبي يانبي الله وما زدادو هولاء من الله اذا لم يكونو انبياء ولا شهداء؟ فجاوبهم النبي محمد (اولائك شيعه علي وعلي امامهم)
قس:: ياعلي
اجت شاهيناز ب اتجاهنا تأشرلنا نكوم
_شاهيناز:: يلا يمعودات عمتي برا وحدها كومن
_عاتكه:: اي صدك نسينه
كمنا اني وعاتكه والبنات طلعنا صارت كدامي مره منتجيه على باب الامام علي تقره زياره عاشوراء
_قس:: زياره عاشوراء عبالي الناس بس ب عاشور تقراها
_عاتكه:: باب الحسين باب واسع الرحمه سريع القبول والرضا
(مثل الاحسان مثل المطر يصيب البر والفاجر)
_شاهيناز:: اكو سيد عنده صديق مرت السنوات ومات صديقه فرأه في المنام في حال جيد وعيش هنيىء فسأله عن سبب نجاته فقال له اني كنت معذباً بعد موتي بسوء عملي الى ان دفنت في هذه المقبره امرأه فلانيه زوجه فلان فزارها الامام الحسين في ليله التي دفنت فيها ثلاث مرات وفي المره الثالثه امر الملائكه ان يرفعو العذاب عن عن جيرانها فرفع عنا العذاب ف هذه السيد من كعد بحث عن زوج هذه المراة فوجوده فسأله عن زوجته واعمالها ف زوجها ماشاف عمل مربوط بيها ب الحسين غير زياره عاشوراء
_قس:: يا ابا عبدالله
انتبهت العلويات والساده لو رادو يجاوبون بسؤال يجابو بروايه يقطعون كل اتجاهات الاسئله الثانيه يعني ينطون الجواب ويبصمون ما ترجع تسال لان وصلك جواب كامل عن السؤال بروايه وحديث او ايه طلعنا من الحرم صارت العلويه كدامي بحضنها قدس تمسح على راسها
_عاتكه:: تأخرنا عليج عمه
_جهاد:: لا خلصتن
_قادسيه:: اي علويه تزورين
_جهاد:: لا الصبح زرت ويا الساده امشن نرجع قدس تعبت فد مره
انتبهت على قدس كوه تتنفس ووجهه اصفر كعدت يمها امسح على وجهه كامت العلويه وشالت قدس الي كوه تمشي مفتحه عيونها كوا تمشي لكينه سياره جادح واكفه بنفس المكان الي نزلنه منه صعدنا للسياره خايفه على قدس على فد طيحه كوه تتنفس
_قس::علويه قدس كوا تتنفس
باوعتلها العلويه وباوعت الجادح تهز راسها بخوف رجع بينه جادح للبيت نزلنا اني والبنات للبيت واني والعلويه لازمات قدس دخلنا للبيت ريحه حرمل كمزت العلويه من مكانها
_جهاد:: يمههه مو كتلج اليوم لاتشعلين حرمل
طلعت العلويه من المطبخ مستغربه تباوع للعلويه من شافت قدس شلون صارت تجر النفس نصدمت
_العلويه زهراء:: خايبات البنيه شبيها ولجن مسحونه روحها
_جهاد:: علويه واليرحم والديج تعرفين البنيه تعبانه شلون تشعلين الحرمل
_العلويه زهراء:: ولج يمه والله نسيت واني متعوده المغرب اشعله وين ادري هسه اشعل البنكات يصرفن الدخان
هزت العلويه جهاد راسها ماعاجبها فتحت باب الغرفه شافت بس دخان الحرمل يطلع شاطت شوط تكمز
_جهاد:: تحجيننن صدكككك يمههه
_العلويه زهراء:: ولج يمه نسيتتت والله
_جهاد:: تعالن تعالن صعدنها لغرفه عاتكه
لزمتها العلويه والبنات يعينها على الدرج دخلنا لغرفه عاتكه ترتاح بس حطت راسها على المخده غمضت عيونها نايمه فتحت ربطتها ونزعتها الجواريب نزلن البنات ونزلت وياهن
كعدت خاله ايدي على خدي اتحسر على السالفه الطلعتنا والي ماحسبت الها احساب ابد كعدت العلويه زهراء يمي وخلت ايدها على فخدي
_العلويه زهراء:: يمه لاتتحسرين على اختبار ربج كولي (يا قوه كل ضعيف يا مذل كل جبار قد وحقك بلغ الخوف مجهودي ففرج عني)
رددتها وراها ثلاث مرات اجت شاهيناز تكح من ريحه الحرمل
_شاهيناز:: علويه شسالفه هوا هيج
_العلويه زهراء:: النبي محمد يقول ما انبت الحرمل شجره ولا ورقه ولا زهره الا وملك موكل بها حنى تصل الى من تسل وتصير حطاما واصلها رقيه يعالج بها المجنون والمريض والحرمل يزيد الرجل شجاعه
_شاهيناز:: علويه خوش تطمطين السالفتج
مر الوقت واني كاعده بمكاني صار موعد اذان المغرب كامن العلويات واني صافنه اجت العلويه جهاد تأشرلي اكوم
_جهاد:: يلا قس صلاه
_قس:: هسه علويه شوي واكوم
_جهاد:: النبي محمد يقول مامن صلاه يحضر وقتها الا ونادى ملك من بين يدي الناس (ايها الناس قومو الى نيارنكم التي اوقدتموها على ظهوركم فأطفووها بصلاتكم)
_قس:: ليش فضل الصلاه بوقتها
_جهاد:: الامام الحسين يقول اذا صليت صلاه فصليهت لوقتها صلاه مودع يخاف ان لايعود اليها ابدا والامام الصادق يقول فضل الوقت الاول على الاخير كفضل الاخرة على الدنيا
هزيت راسي ب اي وكمت اتوضه ويا العلويات دخلنا للمغسل الي جان خاص للوضوء فقط باوعت للزرع مستغربه
_قس:: ماتخافون الزرع يذبل
_عاتكه:: ليش يذبل
_قس:: خاف ينكطع عنه الماي
_عاتكه:: شوفي هذه الزرع مايخاف على روحه تدرين ليش؟
_قس:: ليش؟
_عاتكه:: لان يعرف مايمر يوم بهذه البيت بدون مايلوحه ماي الوضوء السيد عبد الرؤف حتى من ينام يتوضى ف مرتاح من هاي الجهه
توضيت وطلعت من المغسل دخلت للمصلا التمن العلويات ب المصلا يصلن خلصت من الصلاه وقرينه قرأن انتجيت على الحايط صافنه كعدت كدامي شاهيناز
_شاهيناز:: لاتصفنين قس خليها على الله
_قس:: ماعندي غير الله واهل البيت خالتها يمهم
سكتت الكل هادء كمت اصعد للقدس
_جهاد:: ها قس
_قس:: ها علويه صاعده اشوف قدس خاف كعدت
_جهاد:: يلا صعدي هسه اجي وراج اجيب علاجها
هزيت راسي ب اي وصعدت لغرفه عاتكه فتحت باب الغرفه لكيتها متمدده بمكانها وفاتحه عيونها
_قس::ها قدوسه
_قدس::قس اريد ارجع لبيتنا
_قس::ليش شبيج؟
_قدس::قدس هذه البيت يخنكني والله احس واحد خاله ايده على ركبتي يخنكني
ضليت ساكته صافنه عليها ندك الباب ونفتح دخلت العلويه جهاد بيدها العلاج وكلاص ماي
_جهاد:: صح النوم جبتلج علاجج
_قس:: تعبانج علويه
_جهاد:: بناتي انتن ماتعب منجن
كعدت يم راس قدس تكومها طلعت حبوب العلاج ونطيتها لقدس تشربهن ضلت العلويه ساكته نفتح باب الغرفه ابتسمت من طلت فاطمه راسها تضحك غمزاتها بخد واحد ضحك تباوع لعمتها
_جهاد:: تعاي فطومه
راحت تركض لعمتها حضنتها العلويه تبوس بيها توقعت قدس راح يتغير جوها وتبتسم لان هيه تحب الاطفال بس نصدمت من شفتها خازره الطفله تباوعلها بحقد
باوعت العلويه لقدس مستغربه
_جهاد:: فطومه هاي منو
ضحكت خجلانه ضامه راسها بحضن عمتها
_جهاد:: اسمها قدس انت شسمج
_فاطمه:: اتومه
_جهاد:: اتومه يمه فدوه لاتومه
باست العلويه فاطمه من خدها واشرت الها على قدس
_جهاد:: روحي بوسي خاله
ضلت فاطمه خجلانه تتقدم والعلويه تشجعها كامت فاطمه خجلانه لقدس فتحت ايديها تحضنها وتضحك
واني مبتسمه توقعت قدس راح تاخذها بحضنها بس نصدمت من قدس دفعت فاطمه بقوه على الجربايه صرخت فاطمه تبجي متوجعه كمزت اني والعلويه ركضنا لفاطمه الي ضلت تشهك
_قدس:: طلعيهااااااااا هاي طليعهااا
_قس: قدس شبيججج ليش هيج
_قدس:: خليها تطلعععع ولجج تريد تكتلني
_قس:: غبيهههه هاي طفلهههه اصحي
كامت قدس تتقدم على فاطمه تريد تضربها وكفنا اني والعلويه بوجها وهيه تهامش على الطفله دفعتها بقوه اصرخ بوجهه
_قس:: قدسسس استوعبيي شبيج ولج طفله طفله
_قدس:: وخروووو عنيييييي
صرخت خاله ايديها على اذنها وطلعت تركض من الغرفه
"شاهيناز"
كمزنا اني والبنات على نزله قدس من الدرج ووراها عمتي وقس باوعتلنا بهدوء وكملت نزله الدرج وكفت بنص الصاله تباوعلنا ببتسامه دارت توزع انضارها على الصاله صارت عينها على السجينه الي على الطاوله طفرت من مكانها على السجينه قبل لاتوصل للسجينه كمزنا اني والبنات مطشرات الي دخلت للمصلا والي ركضت خارج الصاله لزمت السجينه تباوعلنا فاتحه عيونها ضاهرها اسنانها وتصرخ
نزلت عمتي وقس من الدرج بسرعه خلت عمتي ايدها كدام وجهه تهديها
_جهاد:: قدس بنيتي نزلي السجينه ماما
_قدس:: معليجججج انت معليجججج يللاا قسس امشنن نطلع يلااا
_قس:: اي والله نطلع هسه نلم غراضنا ونطلع بس السجينه عوفيها قدس عيب
_قدس:: سكتيييي سكتييي يلااا امشننن
جانت تصرخ شايله السجينه بوجه عمتي وقس تبجي وتحاول تهديها وهيه على صرخه وحده العلويه زهراء واكفه يم باب المطبخ
_العلويه زهراء:: قدوسه بنيتي اني اوديج يمه بس نزلي السجينه يرويحتي لاتأذين نفسج
_قدس:: معليكم بروحي عليكم بروحكم خوشش
سكتت العلويه محتاره كلها جانت منسحبه بس عمتي وقس واكفات بنص الصاله كدام قدس انتبهت ام ابيها فاطمه واكفه ب الصاله صافنه على قدس مافاهمه شي باوعتلها قدس ورجعت باوعت العمتي انغمش كلبي من ركضت رافعه السجينه على فاطمه تريد تضربها صارت عمتي بوجهه لازمتها من ايديها وقدس تدفع بعمتي ركضت عاتكه على فاطمه شالتها وركضت بيها على الدرج صاعده فوك قدس من شافتها انهارت تصرخ تبعد عمتي منها حاوطنها العلويات وقس يلزمنها
بس جانت قويه بطريقه مرعبه!!
صرخت عمتي متوجعه درت عليهم اشوف عمتي خاله ايدها على خدها متوجعه
ركضت قدس ب اتجاه عاتكه عيونها على فاطمه الي بدت تبجي مروعبه
ركضت على قدس اجرها من شعرها صرخت قدس متوجعه بس ماهتمت جرت عاتكه من دشداشتها بقوه
لزمت قس ايديها الي شايله بيها السجينه وعمتي يحاولن يبعدنها لزمت فاطمه من كصيبتها موجهه السجينه على راسها
من حلاه روحها وخوفها على اختها دفعت عاتكه قدس من كتفها بقوه رجعت ورا عايفه فاطمه طايحه بحضن عمتي وقس ركضت عاتكه ب اتجاه غرفتها وركضت وراها قدس كلنا صعدنا نركض وراهن
فتحت عاتكه باب غرفتها ودخلت هيه وفاطمه
سدت الباب بوجه قدس وقدس تدفع بي وتصرخ بحركه
_قدس:: خلللل اكتلهااا هاي تريد تكتلنيييي تريد تموتنييي
عاتكه ضلت تصرخ مرعوبه تحاول تدافع على نفسها واختها واحنا نحاول نبعد قدس عن الباب وبنفس الوقت خايفات تلوحنا السجينه سمعت العلويه زهراء تصرخ من جوا
_العلويه زهراء:: ولكمم يمههه الحكهنن فوك راح يموتن
اتونست توقعته واحد من سادتنا اجه باوعت ب اتجاه الدرج منتضره يصعد واحد من ولد عمي بس لا خابت توقعاتي من صعد شخص لابس دشداشه سوده وشاده غتره سوده وبيها تكع احمر على راسه اول ماشفته تذكرت جادح كلش يشبهه بس اضخم وملامحه مغيمه اكثر باوعتله عمتي وصرخت تنبهه على السجينه
_جهاد:: غضنفر السجينهه
دارت قدس على غضمبر تتنفس بسرعه تقدم ب اتجاه قدس مركز ويا السجينه شفت السيد صعد مصدوم يباوع لقدس
رفعت قدس السجينه بوجهه تبعده صرخت العلويه والسيد يحذرو يتقدم تقدم ب اتجاه قدس يمشي ويسرفن بردنه
_غضنفر:: خاف انتِ مسودنه انا مسودن اكثر منج
ركضت ب اتجاهه رافعه السجينه تضربه بحركه سريعه لوه ايدها وخلاها وره ضهره اخذ السجينه من ايدها وشمرها ب اتجاهنا دنك عليها وشالها وهيه ترفس بي بقوه نزل بيها على الدرج نزلت عمتي تركض قبله نزلنا اني والبنات نمشي وراهم صرخت قدس بقوه وهيه يهز راسه
_غضنفر:: ادري سماعه الله اكبر
طلعت عمتي من المصلا وشمرت علي رايه حمره جبيره مكتوب بيها ياحسين خلاها على القنفه لازم ايدها دفرته برجلها بفكه باوعلها يهز براسه لفها ب الرايه وهيه تصرخ بقوه اجه السيد يمها خله ايده على راسها يردد ويا نفسه وهيه على صرخه وحده وكفت العلويه زهراء يم رجليها وعمتي لازمتها من ايديها التمو عليها كلهم يقرون هدءت تغمض وتفتح بعيونها غايبه عن الوعي عافها غضمبر يستغفر خلت عمتي ايدها على كتف قس الي انهارت ب البجي
_جهاد:: قوي نفسج علمود اختج صيري سبعه
_غضنفر:: سبعه لو ثمانيه
حاجها يباوع للسيد الي خزره دارت علي عمتي تباوعله صفح نزلت عاتكه من الدرج تبجي هيه وفاطمه باوعلهن السيد وفتح ايديه صاعد الهن صعد السيد الدرج واخذ فاطمه من عاتكه وحضنها يبوس براسها وهيه تبجي
_عاتكه:: سيد خفت رادت تكتل فاطمه
_عبد الرؤف:: بطله حميتي اختج
باوعت عمتي الغضنفر
_جهاد:: غضنفر شيلها لغرفه امي
_عبد الرؤف:: علويه شاهيناز جيبي بطانيه
دخلت لغرفه السيد والعلويه اخذت البطانيه وطلعت اخذتها عمتي ولفتها على قدس عوج حلكه غضنفر ماعاجبه وشال قدس مدخلها لغرفه وعمتي والقافيات وراها خلاها على الجربايه وطلع التمينه اني والبنات على قدس دخلت عاتكه مدمعه عيونها
_عاتكه:: عمه خطيه شنو الحل
_جهاد:: بعد ضلت يم الله
_حميده:: عمه خدج يصب دم
لزمت عمتي خدها تباوع للمرايه
_جهاد:: طلعن بنات خلنها وحدها ترتاح
_قسار:: علويه اريد اضل يمها خاف تكعد
_قادسيه:: اني هم
_ قس:: اني هم علويه اريد اضل يمها
هزت عمتي راسها واشرت النا نطلع ونخليهن وحدهن
طلعنا من الغرفه غضنفر كاعد على القنفه والسيد كاعد يمه كعدت اني والبنات على بايات الدرج وعمتي صعدت فوك مامر اكثر من ربع ساعه ودخلو الساده كلهم ووياهم ابو ميرزا صايره هواي اشوفه يفتر ويا الساده سلمو وكعدو
_جادح:: ها يمتى جيت
_غضنفر:: ماصالي اكثر من ساعه
_ايليا:: شعجب ماكتلنا
_غضنفر:: عود اجيت اسويلكم مفاجئه بس تالي انا تفاجعت
_فقار:: خير ليش
_غضنفر:: خليها سكته
بدو يسولفون بمواضيع عشوائيه ماجاب طاري قدس ابد بس السيد ضال صافن نزلت عمتي مغطيه الجرح بلاصق جروح نزلت وكعدت بين ايليا وفقار فتح غضنفر جهازه ورفع راسه يباوع للكاعدين
_غضنفر:: اكلكم من البارحه خال حاله على الوتساب محد شايفها
_فقار:: شعجب ماطلعت يمي
_فرقد:: توني فتحت الوتساب ماطالع يمي
_غضنفر:: اي مو حاضركم انتم
حاجها يباوع لجهازه فتح جادح تلفونه وباوع لغضنفر
_جادح:: حتى انا مايمي حالتك
_غضنفر:: اي مو انت هم حاضرك
_ايليا:؛ امكن انا هم حاضرني لان ماكو يمي
_غضنفر:: لا مو امكن هوا حاضرك
_غضيمر:: تلكه حاضرنا كلنا بس السيد وعمتي لان يستحي منهم
_غضنفر:: لا يا استحي حتى عمتك حاضرها
باوعتله عمتي صفح طلع السيد جهازه من جيبه
_السيد عبد الرؤف:: انا هم حاضرني مو
_غضنفر:: لا سيد حشاك شلون احضرك هذه رقمك حتى حافظه بلا جيب جهازك اشوف
اخذ جهاز السيد يدور رفع راسه يباوع للسيد ويهز براسه
_غضنفر:: سيد هذه انت حاضرني
_عبد الرؤف:: هاا اي تذكرت البارحه امكن حضرتك
صفن غنضفر على السيد
_ايليا:: لا بس صدك ليش هاي كلنا حاضرنا
_غنضفر:: حبيبي انا اختنك من اشوف رقم كدامي هاي حتى امي حاضرها كد مادزلي صباحيات ومسأئيات قابل انا مادري الدنيا صبح لو مادري اليوم جمعه؟ بس سيد هم كلي انت ليش حاضرني
باوعله السيد صفح ماعاجبه ضحك مفرقد
_مفرقد:: لمصلحتك حبيبي
_غنضفر:: يا مصلحتي؟ مصلحتي لو تزوج لو نطنكر عليك
_جادح:: غير يردون يشوفون خلفتك النسكه ويردونك تجيب فرخ يشيل اسمك
عدل غضنفر كعدته عاكد حواجبه
_غضنفر:: وانا اتزوج حتى اجيب ابن يشيل اسمي ليش شبيه انا ماشيل اسمي حبيبي انا لو اخلي ابني يشيل اسمه مو اسمي
_جادح:: ديلا شلون اسم هوا كوا ينلفظ
مرت نص ساعه وهما على كعده وحده نفتح باب الغرفه وطلعت قس بيدها تلفون ركضت للسيد
_قس:: سيد هذه اخوي
اخذ السيد التلفون من ايدها وخله على اذنه
تسالمو السيد والطرف الثاني دخل السيد للمصلا والساده دخلو ورا وقس دخلت وراهم اجينه ندخل وعمتي صاحت بينه
_جهاد:: وينن كعدن السيد لو يريد سولف كدامجن
_عاتكه:: عود شنو جاي يحجون
_جهاد:: ماكاعده وياهم
_شاهيناز:: عمه شعجب مادخلتي
_جهاد:: مو اني شاهيناز الفضول يمشي بدمي
_شاهيناز:: اي والله عمه شدراج
سمعنه صوت السيد يعلى ب المصلا كمزت عمتي خاله اذنها على الباب تسمع ركضت شاهيناز يمها تسمع باوعتلهن العلويه صفح وتمشت يمهن تسمع عاد انا ماخليتها بكلبي وكفت هم اتسمع
سمعنا صوت السيد ينطيهم عنوان بيتنا
هدء الصوت ماحسينه غير العلويه زهراء فاتحه الباب واحنا معلكات روسنا ب الباب بحيث من نفتح كلنا تمرطحنا بنص المصلا وعمتي اولنا
باوعولنا الساده مستغربين
دارت عمتي على العلويه تدردم
وكف السيد كدام قدس
_عبد الرؤف:: عمامج متعصبين ومصرين على رجعتجن
_قس:: اي سيد نرجع هما اهلنا يحيرون بينه بعد
_عبد الرؤف:: بنتي اختج مريضه مرض روحي علاجها صعب
_قس:: ماعرف سيد انت سمعت شكالو اكو ساده ب الديوانيه هما يحيرون بيها
هز السيد راسه ونطه التلفون لقس
_عبد الرؤف:: باجر يجون
هزت راسها ب اي وطلعت من المصلا لحكتها عمتي وشاهيناز طلعت وراهن اركض شفت عمتي تحجي ويا قس
_جهاد:: قس وين ماما اختج تعبانه؟
_قس:: علويه والله افضل النا اني اعرف اهلي واعرف تفكيرهم زين غيرها اني وخواتي هواي تعبناكم وماحصلتو من عدنا بس التعب والمشاكل
_جهاد:: شاكيلج احنا كنالج تعبتينه؟
_قس:: لا علويه ماسمعت منكم بس الخير بس تضل رجعتنا لبيتنا احسن
_جهاد:: قس ترا قدس مو مثل ماتشوفين الي جاي تظهره هسه على كد الي يطلع بس
_قس:: شلون؟
_جهاد:: شوفي هذه البيت متوارث من اجداد اجدادنا وكل الي عاش احنا ساده وعلويات وبهذه البيت مامر يوم او ساعه مانذكر بي اسم الله يعني هذه البيت محصن يعني الي بداخل اختج قوته قليله بهذه البيت لان محصن مايكدر يظهر اقوه من الي ضهره اذا طلعتي لبيتكم ممكن ياذوكم انت واهلج وب الاخص اختج قدس
_قس:: علويه شسوي والله محتاره
_جهاد:: ضلن يمنه احنا نعالجها
_قس:: الشور يضل بيد اهلنا عمامي وخواني
سكت الكل منتظر جيه اهل القافيات وفعلا اليوم الثاني الصبح انصدمنا ب اهل القافيات جنت كاعده ب المصلا يم السيد من دخل ايليا
_ايليا:: سيد الزلم اجو
_عبد الرؤف:: دخلوهم
طلعت من المصلا اباوع من الباب دخلو زلم وولد شباب ووخلفهم ابنيه شابه اشر الها ايليا على باب المطبخ وكفت ورا باب المطبخ وفتحته شافتني واجت ب اتجاهي شفتها وعرفت هاي اخت القافيات الخامسه لان بيها شبه من قس
_قبس:: السلام عليكم
_عاتكه:: عليكم السلام تفضلي حبيبتي
دخلت وراي لصاله شافتها قادسيه وقسار ركضن عليها يبجن وهيه تحضنهن وتبجي وياهن طلعت قس من الغرفه قوست قبس حلكها وراحت تحضن قس الي ضلت واكفه ب الباب تبجي
_قبس:: شتاقيت الجن والله وين قدسس؟
اشرت قس للداخل الغرفه دخلت قبس وانصدمت بمنضر اختها ركضت عليها تحضنها وتبجي وهيه نايمه انسحبنا اني والبنات نخليهن ياخذن راحتهن
_شاهيناز:: خاف اروح اتسمع على باب المصلا ويفتحون الباب واتكربح بنص الزلم
_عاتكه:: دكعدي وستري علينا
طلعن البنات وكعدنا ننتضر ب الصاله نسمع الهم من اصواتهم العاليه بس مافهمين شي
_قبس:: عمي محمد جاي محبل عليجن
_قس:: سوده عليه اشتغل عنده عرق الغيره يحسسنه جنه نشتغل تكيتات ببيت الساده
حجتها ودارت علينه
_قس:: اسفه بنات
_شاهيناز:: اخذي راحتج
مر الوقت والكل هادء رن جهاز قبس رفعت الخط
_قبس:: ها احمد... تمام.. لا هاي هيه مكملات... اي.. يلا خوش
كامت تباوع للبنات
_قبس:: يلا راح شوي ويصيحونا
بقن البنات ساكتات مرت ربع ساعه وندك باب الصاله دخل السيد منزل راسه كامت قس من مكانها للسيد باوعلها وابتسم
_عبد الرؤف:: حاولت هواي وياهم
_قس:: هاي هيه سيد مشكور ماقصرت وسويت العليك وزايد ماننسى تعبك انت والساده والعلويات يكفي كعدوتنا ببيتكم ووكلتونا من حلالكم وانتم ماتعرفون عنه شي
_عبد الرؤف:: وهذه واجبنا كله وانت وخواتج بمعزه علوياتي وحفيداتي
دارت قس على عمتي جهاد وابتسمت
_قس:: علويه ومانسى تعبج وياي ووكفتج من ساعدتيني اني وخواتي
_جهاد:: انتن بناتي وتمنيت لو اهلجن مقتنعين
باوعتلنا اني والبنات وابتسمت
_قس:: بنات
ماخليناها تكمل وركضنا عليها اني والبنات نحضن بيها سحبنه قسار وقادسيه بحضن واحد باوعتلهن عمتي وابتسمت بحزن حضنتهن وباستهن
_جهاد:: رقمي يمج بس تحتاجيني اتصلي
_قس:: ان شاءالله
ودعنا القافيات بحزن صح بقن ثلاث ايام بس وجودهن جبير بداخلنا طلعن للشارع يصعدن للسياره وكف السيد ويا قس يحجي وياها بهدوء ويا هيه مبتسمه وتهز براسها انتبهت السيد غضمبر واكف ورا السيد مدنك مشت السيارت وراحت القافيات ورجع بيت الساده مثل قبل ماتغير شي غير خروج القافيات
وهكذا.. مرت الايام والبنات اخبارهن اختفت
_شاهيناز:: عمه ليش ماتتصلين عليهن
_جهاد:: جاي اتصل مغلق
_شاهيناز:: على الوتساب
_جهاد:: ماعدهن نت
وهكذا مر اسبوعين عمتي والسيد يحاولون يتواصلون وياهن بس دوم جهاز قس مغلق الى ان يوم من الايام جنا متجمعين ب المصلا نصلي صلاه الضهر والسيد غضمبر وجادح موجودين
_عبد الرؤف:: الكلمه الطيبه صدقه وحسنه للانسان
قال الامام الصادق (ع) من ادخل على مؤمن سرورا خلق الله من ذالك السرور خلقا فيلقاه عند موته فيقول له ابشر يا ولي الله بكرامه من الله ورضوان
ف الميت يسأل من انت؟ فيقول له انا السرور الذي ادخلته على فلان
يعني بيوم تشوف انسان وتمدحه وتمدح اسلوبه وتتغزل بجماله الي العمل هذه نعتبره احنا فراغ؟ بس بالواقع هذه مايضيع عند الله وحتى على هذه العمل الله يجازي الانسان
احد المواضيع الي تكلم عنها السيد وشد انتباهي
_عبد الرؤف:: الرسول (ص) قال لاصحابه اني رأيت البارحه عجائب فسألو اصحابه ماذا رئيت يارسول الله
قال رأيت رجلا من امتي قد اتاه الموت ليقبض روحه فجاءه بره بوالديه فمنعه منه ورأيت رجلا من امتي قد بسط عليه عذاب القبر فجاءه وضوؤه فمنعه منه ورأيت رجلا من امتي قد احتوشته الشياطين فجاءه ذكر الله عز وجل فمنعه منه ورأيت رجلا من امتي قد احتوشته ملائكه العذاب فجاءته صلاته فمنعته منه ورأيت رجلا من امتي يلهث عطشا فجاءه صيام شهر رمضان فسقاه.......
باوعلنا السيد
_عبد الرؤف:: الله لاتعوفنا يمتى ماتضيعون روحو لله يدليكم الطريق دوم دورو رضاء الله الانسان ب الحرام ينسى الله ينسى هذه عيب ينسى هذه حرام ينسى الله بس دوم حتى وانتم تسوون الحرام تذكرو الله
عدل كعدته واشرلنا ب ايده يثنى على كلامه
_عبد الرؤف:: دوم تذكرو اذا تاب العبد ولم يرض الخصماء فليس بتائب ومن تاب ولم يزد في العباده فليس بتائب ومن تاب ولم يغير لباسه فليس بتائب ومن تاب ولم يغير رفقاءه فليس بتائب ومن تاب ولم يغير خلقه ونيته فليس بتائب ومن تاب ولم يفتح قلبه ولم يوسع كفه فليس بتائب ومن تاب ولم يقصر امله ولم يحفظ لسانه فليس بتائب ومن تاب ولم يقدم فضل قوته بدنه فليس بتائب واذا استقام على هذه الخصال فذاك التائب
كطع السيد كلامه من دخلت عمتي تركض بيدها التلفون
_جهاد:: سيد هاي قسس مادري شبيها تصرخ وتبجي
استغرب السيد واخذ التلفون من عمتي يسمع للقس كلنه ركزنا ويا معاني وجه السيد الي اتغيرت للصدمه من الي سمعه من قس هز راسه السيد
_عبد الرؤف:: لاتخافين بنيتي انا نطيتج وعد وراح ارجع اوعدج مره ثانيه اختج ماتطلع من بيت الساده اذا ما تمشي على حيلها
رجع السيد يسمع لقس
_عبد الرؤف:: هاي هيه بابا قس هل كم يوم واحنا يمكم... ان شاءالله انتبهي لنفسج ولخواتج وخلي ايمانج قوي ب الله
ودعها السيد ووكف صافن يفكر دار على الساده وشمر كلماته الي جانت صدمه علينا وعلى الساده حتى عمتي انصدمت من كلام السيد الي محد جان متوقع ممكن يجي يوم ونسمع هذه الكلمات!!!!
_عبد الرؤف:: جهزو نفسكم
_ايليا:: ليش سيد؟
صارت انضار السيد متركزه على الساده فقط..!!
_عبد الرؤف:: باجر الجمعه رايحين للديوانيه نعقد لقدس على واحد من الساده .......
شكرا لزيارتكم عالم روايات سكيرهوم
