رواية نهوة صقر الفصل السابع بقلم جمانه السعيدي
صكر...اخذت ابطالة ماي كبار وجبت بيهن مي دافي
رجعت للغرفه سحبت سطلة الزباله خليته قريبه
راسا زينه قربت شعرها خليت مي وغسلته بلصابونه
وشطفته بلمي من خلصت لفيته بلخاولي
ورجعت زينه ليوره على الجربايه
وأخذت المي الوصخ شمرته
رجعت لكيته تمشط بشعرها
زينه...يمه ارتاحيت حمل ونزاح
ربطت شعرها وغسلت وجه بلسطل الزباله
زينه...يوجعني هذا الجرح
صكر...اليوم زين خاف الورم هسه تصيرين احسن
انطيته الدشداشه والملابس الداخليه ورجعت البرده
زينه من شفت الدشاشه فرحت فتحته وطلعن الملابس الداخليه
يااا شكد عيب
نزعت القميص ولبست الدشداشه نزعت البنطرون من جوه وعدلت نفسي وخليت شويه معطر خاف عيوني موزين عليهن
صكر...خلصتي
زينه...اي خلصت
صكر....هاا هسه شلونج
زينه...رحمه الاهلك ارتاحيت
صكر...هسه وكت الكمادات الدافيه لعيونج
زينه...مااعرف شلون اجازيك تعبتك وياي
صكر...بعد لا تعيدين هذا الكلام مره ثانيه احنا اهل ولازم نساعد واحد الثاني
جبت مي دافي وكمت اسوي لعيونه
زينه..اني اسوي كمدات وانت اسئل الدكتور شكد ويخف الورم وارجع اشوف اريد اشوف اهلي
جمانه السعيدي
صكر...صار
نزلت جوا لكيت دكتور
صكر...السلام عليكم
الدكتور عليكم السلام
صكر...ممكن تجي تشوف المريضه بغرفه ٢٧ اكو ورم بعينه
وجرح بخده ورجله صابينه
الدكتور تمام هسه اجي وراك
صكر...صعدت دخلت للغرفه زينه خلي الخاولي على شعرج لا تتمرضين
زينه...وين الخاولي
صكر...سحبته وغطيت شعرها
اجا الدكتور اول شي فحص عيونه
الدكتور ...اكو عصاره لازم تخلي منه ليليه وقطره
زينه...اي اخلي بس الماده ماتدخل عيني من الورم
الدكتور ...حاولي لان مهم المرهم يدخل عينج هو والقطره
بله الجرح على خدج زين زين ملتئم
زينه...دكتور يبقى اثر
الدكتور ...اكيد يبقى اثر لازم عملية تجميل من تصيرين زينه
اكو عصاره راح اكتبه الك جيبه من الصيدليه جوا وخلي على الجرح حتى يطيب بسرعه
صكر...صار...
رجع الدكتور شاف رجله
الدكتور... اسبوعين ونفتح الجبس خل اشوف الاشعه قبل العمليه
صكر...طلعته من الاوراق الموجوده بلمجر
الدكتور....زين عضم واحد مكسور من رجله الي جوا الركبه
انشاء الله تتحسن بااسرع وقت
صكر...دكتور البارحه مانامت من الوجع
الدكتور...بسيطه اني راح اكتبله مهدء بس تاخذه عند الحاجه
صكر...تمام
طلع الدكتور واني نزلت للصيدليه جبت المرهم ولعصاره
الخده
جمانه السعيدي
صكر....هاي جبت العلاج خل اخليلج مرهم الوجهج
قربت فتحت العصاره وخليت على الجرح
زينه...سمعت الدكتور يكول راح يبقى اثر على وجهي
صكر...وشنو يعني الاثر اني اخذج الاحسن دكتور تجميل
واخلي يرجعج احلى من قبل
زينه...وانت شنو ذنبك تتحمل مسوليتي اهلي يسولي ا
تجميل
صكر....لا اني اخذج على حسابي اسويلج
زينه...انت شنو من قابيله ليش متحملني ماضجت مني ومن كلامي عليك
صكر...ترا كل كلامج عليه وصلني حتى من صنفتي عليه كدام زينب بلعرس وصلني الكلام
زينه...اني كلبه حشاك وماافتهم
صكر....لا جنتي مغروره وشايفه نفسج عليه
زينه...تعرف اني هسه اشوفك احسن واحد بهاي الدنيا
لان شفت روحك مو وجهك
صكر....لازم مانحكم على الناس من المضهر الخارجي
اكو ناس اخلاقه ماتتعوض
زينه...فعلا كلامك صحيح واني اشهد انت انسان اخلاقك
وحنيتك ماكو منه
اني لو سامعه واحد يحجي عليه لو يموت كدامي مااساعده
وانت سمعت مني كلام اشكال واللوان وصابر عليه
وجاي تساعدني
اني اعتذر منك لو ابقه اعتذر منا للصبح ماا اوفيك حقك
صكر....هسه ماطول اعترفتي بغلطج ساعديني حتى تصيرين زينه لان امي ماتتحمل فراكي
زينه...روح الاهلك انت قدمتلي كلشي تكدر علي وزياده
واني اهلي يمي لا زم يتحسنون ونرجع ننجمع
صكر...ما اعوفج مااكدر نطلع منا سوا ثنيينه
زينه...انشاء الله
بليل سويت كمادات لعيونه فتحتهن بلكوه وخليت قطره وعصاره وعشيته وأخذت علاجه وفرغت جيس الادار
ونامت
كعدت الساعه بثنين تتوجع
انطيته حبايه من العلاج الي سجله الطبيب بقيت نص ساعه تتالم يله نامت
الصبح كعدت نضفت عيونه شويه مفتوحات بس قليل كلش
صكر...يالله اليوم عيونج مفتوحات
زينه...اي بس يوجعني
صكر....ميخالف اتحملي مابقه شي وتصيربن زينه
خلص هذا النهار على خير
اليوم الي بعدا على العلاج مال عيونه والكمادات الدافيه
عيونه انفتحن اكثر
وجرح وجها جف الضاهر هاي العصاره اصليه
جمانه السعيدي
زينه...اكدر اشوف بعيوني ممكن تاخذني اشوف اهلي
ولله كلبي طك عليهم
صكر...خل عيونج يصيرن احسن
امج اذا تشوفج بهذا شكلج راح تخاف عليج ويجوز تنتكس حالته اكثر
زينه..تمام بس ضجت من النوم
صكر...تعاي ننزل جوا بلحديقه
زينه...شلون
صكر...اني اكلج شلون
رحت جبت كرسي متحرك
قربته على الجربايه وشلته بلبدايه ماكدرت رجعت شلته وخليته على الكرسي ونزعت فمصلتي لبسته ودفعته نزلنا بلمصعد
زينه...ثكيله مو بله
صكر...لا موثكيله خفيفه
طلعنا بلحديقه
زينه...الله الجو يخبل
صكر...تعاي اكعدج بلشمس لو بيتنا جان جبتلج حليب جاموس راسا أطيب رجلج
نزعت حذائي خليته وكعدت عليه كباله
زينه...حليب الجاموس زين مو زفر
صكر...اتحملي حتلو زفر اني من جنت زغير العب طوبه ونكسرت رجلي وكنت كل يوم اشرب حليب جاموس
بسرعه صرت زين
زينه...هااا ولا عب كرة قدم
صكر...طبعا اعجبج كلشي اعرف بلاضافه إلى خوش مهندس
منتضر التعيين
زينه...التعين بعد الدوله سقطت ايجوز ماكو تعيين
صكر...الله كريم
اني على اساس ادزلكم خبر على النهوه لان فكيته
زينه....وين اكو بعد نهوه
صكر...اكووو نهوه ليش ماكووو بس اني كلت هاي الكلمه بلحظه عصبيه
لو اصمم عليه ماتكدرين تزوجين طول عمرج
زينه....صدك تحجي
صكر...اكيد بس اني لمن هدئت عرفت اني وياج مانصير البعض ابد
زينه...عود ليش مانصير البعض
جمانه السعيدي
صكر...اني رجال شرقي اريد زوجتي محافظه ومحتشمه
تليق بيه وبعائلتي
وانتي متربايه على الحريه والطلعه واللبس بكيفج
اني اكلج اذا صرتي زينه وطلعتي منا اني مااريد منج شي
عادي ازوجي براحتج الي يعجبج
زينه.... شكد ضجت من كال ازوجي بكيفج ليش مايريدني
صكر....صحيح..هذا الولد الي انهزم شنو علاقتج بي
زينه...مجرد صديق
صكر...شكد جبان الخاطر الله
زينه...ليش تكول هيج
صكر...من بوكس واحد انهزم الي يحب يدافع عن حبيبته
يوكف ويكول هاي البنيه حبيبتي
زينه...هو انت انطيته مجال شو دمرت ملامحه
صكر...يستاهل الي يحب يدك الباب مو يفتر بلشوارع
وخال ايدا على كتفج
هو وين راح
زينه...حرم يقرب عليه بعد الكتله الي اكله منك
صكر...حيل يستاهل
زينه....اني اذا ماعاجبتك ليش نهيت عليه
صكر...لان انتي جاي تغلطين مو اي واحد انئمن بي وننطي ثقتنا الحب ماله غير باب واحد
اسمه الزواج بس مال طلعه وونسه وعزيمه هذا اسمه
تسليه
وهذا الولد كان يتسلى بيج
زينه...وانت شنو دخلك
صكر...لان انتي بت عمي وسمعتج من سمعتي
زينه...ضجت اكثر من كلام صكر عبالي يكول احبج ونهيت عليج
زينه...تمام بعد مااعيدها عرفت غلطتي
رجعني للغرفه ضجت
صكر...ليش مو كاعدين الشمس حلوه
زينه...ضجت
صكر...كمت لبست حذائي ودفعته صعدنا بلمصعد
ورجعنا للغرفه .....اوكفي ارتب الفراش
رتبت الفراش قربته اخذت القمصله منه ودنكت اشيله خلت اديه على ركبتي
ومن صارت قريبه حسيته تشم بيه
خليته على الفراش وعدلت رجليه وغطيته
زينه...اريد مي
صكر...جبت المي بس شربت شويه شركت قربت عليه
رفعت راسه ونفخت بوجهه
ضربت خفيف على ضهرها
كامت اتكح
صكر...يمعوده شبيج
زينه...شركت
صكر... رجعت شعرها واكع على وجه ورجعت نفخت على وجه هااا شلون صرتي
زينه.... صرت احسن
صكر...الحمد لله
زينه....هاي النفخه على وجهي شنو معناها
صكر...مااعرف امي جانت تنفخ على وجهي من اشرك الله يذكرج بلخير يااامي حبيبتي امي
زينه....امك محبوبه وحنينه
صكر...هليام ماكو على السانه غير ازوجك
زينه...كلت بكلبي اليوم الاخبار كله موحلوه
زينه...انت تحب
صكر...لا
زينه ...شعجب تدرس كليه ومتخرج مهندس ماكو وحده عجبتك
صكر....ماكووو بس راح الكه وحدا تعجبني وازوج
زينه...بدون حب تزوج
صكر...ليش بدون حب اكيد احبه واخليه بعيوني
زينه...هااا تحبه
صكر...عيونج كامن يدمعن شلت شاش وقربت امسحهن
اجيب كمادات دافيه
زينه....بعد وكت الكمادات اخ عيوني
صكر... وجعتج هاج انتي امسحيهن
زينه...لا انت امسحهن يمته تعوفني وترجع الاهلك
صكر...ليش ضجتي مني
زينه....لا ماضجت بس اكيد راح تعوفني وترجع الاهلك
صكر...لمن تصيرين زينه يا زينه
