رواية إبن دار الايتام الفصل السادس بقلم جمانه السعيدي
قصي من ثاني يوم بديت ادور بيت
وسئلت الدلالين
اريد بيت حلو ومرتب وجبير لان ناوي اسوي هواي جهال
اريد عائله
ولله بكلبي حسره على العائله
بهاي الفتره محمد خطب بت عمه اني ماكدرت احضر الخطوبه بس انشاء الله راح احضر العرس
لان مانكدر ثنيينه نترك المطعم
اني الصراحه ما ااامن المطعم بيد اي احد غير محمد
اخير شي لكيت بيت ٣٠٠ متر ببت مرتب وحلو
وبناء حديث
صحيح البيت غالي بس يسوه لان حيل مرتب
عجبني وعجب لمى حيل
بعدين اخذت لمى واشترت الذهب الي عجبه
وانطيته فلوس تحجز للصالون
وتشتري بدله للمهر
بلمشيه اخذت وياي محمد وأصحاب المحلات الي يمنا
ورحنا عليهم
صحيح اهل الخير كلهم كالو احنا نروح وياك
بس ولله عازت الاهل عازه
وين واحد يروح متحزم باهله واخوانه
ووين الي تروح ويا الناس الغربه
بس هم اكول الحمد لله والشكر ان رب العالمين سندي انشاء الله ومراح يخذلني ابد
دزيتلهم كل تجهيزات المهر قبل يوم من موعد المهر
الكوشه الي هي اختارته
والحلويات والكيك والزينه وحجزت كادر تصوير حتى يصور الحفله
جمانه السعيدي
كان اسعد يوم بحياتي
اتفقنا هي تلبس بدله ماروني واني البس قاط رمادي والقميص ماروني
رحبو بينا اهله واخوها كان حاضر اول مره اشوفه
مبين انسان محترم
عقدووو المى بلاول
وبعدين عقدولي دخلت عليه ولبسته الذهب
...الف الف مبروك حبيبتي
...الله يبارك بيك
كانت حفله كلش حلوه وممبزه وصورنا الحفله فديو و
والإضافة إلى الصور الي اخذناها
بعدها بدينا نمشي بعقد المحكمه وكملنا
وبدينا نجهز بيتنا على ذوقنا
مرات امه جانت تروح ويانه ومرات انروح وحدنا
قرب عرس محمد تقريبا قبل زواجي بشهر
احنا شويه اتاخر زواجنا لان لمى حجزت بدله العرس والحنه من تركيا
وكنا منتضرين يوصلن حتى يتم الزواج
قبل زواج محمد بيومين رحت للنعمانيه
مثل مايكول المثل الصديق وقت الضيق
لازم اسانده بهيج يوم طبعا اني اشتريتله غرفة النوم هديه من عندي
احس شما اقدمله قليل بحقه لو ماهو ماكدرت اوكف على رجليه
الفضل لله سبحانه وتعالى بلاول وثانيا لمحمد
وصلت واخذتله الكيك والعصاير والماي
ترست السياره ترس
جمانه السعيدي
بس وصلت رحبو بيه اهله واستقبلوني احسن استقبال
بقينا نشتغل ونفتر
بليل تعبنا حيل ونمنا متاخرين
الصبح محمد كعد كبلي وطلع يجيب شغلات من السوك
اني نايم لان اتاخرنا حيل بليل
اني نايم ومغطي راسي
ما احس اله شي وكع عليه ولزم البطانيه من راسي وثبت اديه
وصوت بنيه تكول
....باع محمد مو تزوج وتكطع المصررروف عليه
السنه اني راح اروح كليه
اذا ما زودت مصروفي بحجة ازوجت وماعندي ولله اموتك تموت
انت وزوجتك ثنيينكم اموتكم تموت
ليش ساكت احجي
قصي اني حصرتني الضحكه وهي لازمه البطانيه واديه سوووو
....اذا انت موافق على كلامي اضرب ايدك بلكاع مرتين مثل ذوله الي بحلبة المصارعه
لو كووول موافق
اني حركت ايدي وضربت الكاع بعكس ايدي مرتين
لان هي لازمه اديه
هي معتقده لازمتني قوي وما اكدر احرك اديه
اني اكدر ادفعه بس ما حبيت افشله ابد
...يعني راح ازود مصروفي اذا موافق اضرب الكاع مرتين
قصي رجعت عدت الحركه واني حاصرتني الضحكه
...لا تكول الفلوس ما يكفن
كل القصي زود راتبي
لان صارت عندي مسوليه واختي راح تدخل كلية قانون
ومحتاجه هواي مصرف
هااا موافق ليش ساكت احجي
هااا ا نسيت اني خانكتك راح اوخر البطانيه بس مو ترجع بكلامك
هي وخرت البطانيه واني ضحكت راساااا
هي شافتني فتحت عيونها حيل وكمزت
ياااا ولله عبالي محمد وطلعت تركض من الغرفه
بنيه ناعمه وحلوووه بيضه شعرها كيرلي اسود وعيونه سوود ملامحها طفوليه
عدها خدود حمر أسنانه يخبلن
اني هاله ازغر بنيه بلبيت وملامحي مثل ما وصفهن قصي الكم
السنه نجحت من السادس ونقبلت قانون بغداد
طول فترت دراستي محمد متكفل بمصرفي
هسه اني فكرت يجوز يتزوج ويبطل ينطيني مصرف مثل قبل قررت اهاجمه واخلي يستسلم
وياكدلي ان مراح يبطل ينطيني مصرف حتلو ازوج
بس اني اجيت اكحلها عميته
كاعده على كلب قصي واملي على شروطي واني عبالي محمد
شكد عيب منه هسه شيكول عليه
بس لا مراح يكول شي محمد دائما يذكره ويكول قصي خوش ولد وحباب
ياربي اني شسوبت بنفسي بسلا يحجي المحمد عني
اني صوجي غير اتاكد يله اهجم عليه
بقيت طول النهار خاتله ومستحيه من الموقف الي سويته
رحنه الحنه العروس العصر اني وامي واختي وزوجت اخوي الجبير
وبنات عمتي وخالاتي ثنيينهن
من خلصت الحنه السيارات ماكافن نرجع بيهن
محمد كال راح ادزلكم سياره اجيبكم
محمد قصي تعال نجيب امي والبنات من ااحنه
السياره الي دزتهم اخذوها الولد يجيبون بيه غراض من
السوك
قصي اي يله امشينا
جمانه السعيدي
وصلنا وطلعت من البيت هاي البنيه نفسه الصبح الي كعدتني من النوم وامها واخته
هاله خابرني على سياره جان اجا قصي هو ومحمد ياخذونه
يافشلة الفشله بس شفته يباوع عليه
راسا دنكت وكمت امشي ورا ماما
صعدنا بلسياره واني اتمنى الكاع تنشك وتبلعني على المصيبه الي سويته الصبح
شويه ورن تليفون قصي
قصي اي حبيببتي يومين وراجع انشاء الله
هسه اني طالع بس ارجع اخابرج
لمى شكد اكره محمد دائما ماخذ قصي مني شكد متعلق بي وبس يسولف عنه
هسه وكته يزوج أخرنا يومبن
جان هسه احنا مكملين شغلنا
بس هين اله اخليك تكره محمد اني محد يشاركني ببك ابد
ثاني بوم بلزفه قصي قرر محد يزف محمد غيره بسيارته
هاله بلزفه لبست فستان موف طويل وحجاب
ومكيب خفيف
وطلعت بلزفه جان عيني صارت بعين قصي
هو شافني ودار وجه
ياربي كلما اريد انسا هذا الموقف يصير كدامي قصي واذكره
من طلعت العروسه من ببت اهله اني امشي وراها
واصفك واهلهل
راسا رجلي التوت بسبب الكعب وكامت توجعني ما اكدر امشي عليه
قصي وكفت اريدهم يصعدون العروسه جان اشوف
هاله واكفه وماتكدر تمشي تقدم رجل وتسحب الثانيه على كيف
هم ملتهين يصعدون بلعروسه
اني تقدمت عليه وكتله سلامنج بيج سي
هاله اني رجلي توجعني واسحب بيه سحب بس شفت قصي اجاني وكال سلامتج بيج شي واني كمت ابجي
ابجي من الاحراج مو من الوجع
قصي ليش تبجين خل اساعدج توصلين للسياره
هاله ما اكدر امشي ابد اريد امي
قصي ومنيين اجيب امج اوكفي خل اصيح محمد
قصي رحت لكيت محمد كاعد يم العروس
قصي محمد هاله رجله انلوت وتبجي ممكن تروح اجيبه
محمد وينه
قصي هناك واكفه اني ماكدرت اساعده ماتقبل
محمد نزلت ورحت جبته وصعدته بلصدر بسيارتنا مال الزفه
لان باقي السيارات انترست بلمعازيم
هاله ياربي ليش هيج يصير وياي اني شسويت شنو هذا الاحراج
وصلنا واني مدنكه وحتى نفس بلكوه اتنفس
ردت افتح الباب وانزل وقصي كال لاتنزلين ابقي بلسياره
خل انزل العرسان وناخذج للمستشفى اني وامجد
امجد اخو محمد الازغر منه
جمانه السعيدي
هاله بقيت كاعده لان اني فعلا ما اكدر امشي ابد
شويه واجا امجد وقصي واخذوني للمستشفى
وابدال ما اكون احلى وحده بحفلة زواج اخوي
كنت بلمستسفى سروولي اشعه وجبسو رجلي
رجعت للبيت لكيت الحفله خلصانه
شنو من حظ ياربي
العرس الي احضره صار شهر انتهى بلمستشفى
قصي ثاني بوم رجعت البغداد لان لمى كل عشر دقايق تتصل
انخبلت عليه اتكول شلون تبقى بومين
اتروح تباركلهم بيوم العرس وترجع بنفس اليوم
بعد عشرين يوم من زواج محمد اني اتصلت بي وكتله
قصي هلو ضلع هااا اخذتك العروسه من عدنا
محمد كلما اكله اريد اروح للشغل بغداد تكوم تبجي لاتعوفني لو ادري هيج فلا ازوجت
قصي اني عندي حل تعال انت وياها واسكنو بلشقه
صدك بعدكم عرسان جدد شلون كل واحد بمكان
محمد وانت
قصي هو بعد اسبوع على زواجي اكعد ببتي
وانت وعروستك تعالو بلشقه
محمد هسه بس تسمع تكيف
قصي يله بسرعه يابطل محتاجك المطعم بدونك اضلم
محمد انشاء الله بعد باجر ارجع للشغل
