رواية إبن دار الايتام الفصل السابع بقلم جمانه السعيدي
قصي بس حبيت اكللكم ترا شغل المطعم موبس على الزباين الي يجون ياكلون بي
لا احنا نجهز مناسبات وكميات جبيره
مثل الاعراس والحفلات كوادر المدارس يطلبون من عدنا
وموظفين المستشفى
وحتى باقي دوائر الدوله
احنااكثر شغلنا عليهم
واحنا عدنا توصيل مجاني للي يطلب كميات جبيره
وهدايه للي يجيب النا زباين ثكال
واحنا اكلنا كلش طيب
الحمد لله الكل يمدح بي
بس رجع محمد للشغل سلمته راتبه وراتب الهاله
محمد ليش تنطيني راتب الهاله
قصي لان هي السنه تدرس كليه محتاجه هواي مصاريف
وانت صار عندك حمل جديد
وهاله اختي مثل ماهي اختك
مصاريفها الدراسيه الفاتت عليك
ومصاريف الكليه عليه احنا اخوان ولازم نساعد واحد الثاني
محمد بس اني اكدر اصرف عليه
قصي اعرف انت نكدر تصرف عليه بس اني اريد افرحه
اذا ترجعهن ازعل عليك
وكل شهر تستلم راتبه وحده
محمد ولله فضلك غطاني وما اعرف شلون اجازيك
قصي ولله ازعل عليك احنا مابينا فضل ابد احنا اخوان
محمد هاله راح تجي تكعد على كلبنا هنا بغداد لان نقبلت حقوق
قصي اهلا وسهلا بيه
حددنا موعد الزواج بعد ما وصلن بدلات لمى
الصراحه كلش حلوووات ويستاهلن الانتضار
حددنا موعد الزواج وحجزنا القاعه
كلشي كان تمام
الولد الي بلمطعم وكفولي وكفه وما قصرو ابد وياي
يوم زواجي كان يوم حلووو
بداية شهر العاشر
وبزفتنا فرينا بغداد كله
كنت حاس بحب كل الناس الي حواليه كل الناس الي تعرفت عليهم بمسيرة عملي
كلهم كانو حاضرين وياي
زفونا البيتنا واخيرا اني ولمى انسد علينا باب واحد
اخير اني عندي زوجه
وبيت
بس دخلت سجدت الرب العالمين الي كان موفقني
بكل حياتي
ليلة عرسنا تخبل وثاني يوم طلعنا الاربيل
بقينا اسبوعين ورجعنا
اني ولمى اخر انسجام حب وتفاهم الاخر حد
وهنا لازم ارجع الشغلي
رحت للمطعم والكادر كله احتفل بيه وأولهم محمد
مرت الايام وحياتنا حلوووه
ابد ما ارفض اي طلب المى كل الي تطلبه تلكا كدامه
مرن على زواجنا اتلث اشهر
وبيوم فاجئتني لمى
لمى حبيبي ممكن اطلب طلب
قصي عيوني اللج انتي تامرين
...تسلم ياروح لمى اريد اشتغل
قصي قصدج تتوضفين
...اي اتوضف يمك بلمطعم
...شنو يمي بلمطعم
...اي
...وشنو تشتغلين بله
...اي شي ولله ضايجه من كعدت البيت
جمانه السعيدي
...اطلعي روحي الصديقاتج روحي الاهلج روحي للمول
...اوي ذني كلهن اني ماله منهن وانت تعوفني النهار كوله وحدي بلبيت
...اي حبيبتي غير اشتغل قابل اللعب لو رايح اتونس
وما ماخذج وياي
....فدوووه حبيبي الله يخليك
....زين شوفي مكان ثاني تشتغلين بي بس مو المطعم
...مااا اني اريد يمك أريد اكابلك النهار كله
...لا ممنوع شيكولون عليه عايف زوجته وسط العمال
...اني شعليه بلي يكولون اني ما اشوفك بس بليل تجي تعبان وتنام
والصبح اكعد الكاك طالع
....اختاري اي مكان يعني مكان تشتغلين بي حسب اختصاصج واني ماعندي اي مانع
...اي انت تشوف الشغل ضال وينه هو الشغل
وينه الوضايف
....لا يعني لا سدي الموضوع
عفته ورحت نمت ثاني يوم زعلانه وما تقبل تحجي وياي
لمى كلت بكلبي ولله اله ابقه وراك اشتغل بلمطعم يعني اشتغل بلمطعم
لمى بقيت زعلانه علي وما احجي ويااا
اعرف هو ما يتحمل زعلي اتعمد قبل لا يجي ابدل واتمكيج والبس شغلات مغريه
والعطر كون يوصل السابع جاررر
ومن يجي يقربلي ابتعد عنه
اسبوع كامل لمن طك صبره اني اعرف يحبني وما يتحمل زعلي ابد
قصي شلون تاليته مو خلص صبري
...واني شعليه
...حبيبتي موكلت مايصير المكان الي اشتغل بي ما يتوالم وياج انت حلوه وراقيه ومثقفه
والمكان مزدحم بلعمال والزبائن
....ولووو اذا ماتشغلني وياك راح ابقه مزاعلتك
جمانه السعيدي
قصي زين اني اعرف انتي مراح تتحملين المكان ابد
بلكت يوم يومين وتملين وتشردين من الهوسه
...لاتخاف اني ما اريد منك راتب اريد بس اكابلك واكعد
اني جاي اشتاقلك
...جذابه لو تشتاقين ماتصبرين بعيده عني اسبوع
...ولله احبك وشتاقلك قابل اني شعندي غيرك
...يله وافقت تعاي للشغل بس بشرط
لمى طفرت من مكاني وكعدت بحضنه شنو الشرط كووول
اسمعك
...تكعدين يمي بلمكتب فوك وماتنزلين يم العمال ابد
.. موافقه
.. بعدين تعاي انتي ليش الهسه ما حبلتي اني اريد درزن اطفال
...شمعرفني كلشي رزق رب العالمين
...زين تعاي نحاول بلكت الله ويصير حمل
...ليش مستعجل بعدنا عرسان
...تدرين بليلة عرسنا تمنيت تطلعين ثاني يوم حامل
اريد عائله اريد اطفال
...انشاء الله يصيرون وبدوخونك بطلباتهم
ثاني يوم طلعنا للشغل سويه وكل الي بلمطعم بس شافوها
استغربو
صعدنا للمكتب هي تلعب بتليفونها واني امشي الشغل
كلت بكلبي هسه تمل وترجع للبيت
بس ابد بقت لليل بلمطعم
جمانه السعيدي
ثاني يوم نفس الشي ثالث يوم والرابع والخامس والسادس
كنت متعجب منه
ورا اسبوع طلعت عندي شغل ورجعت لكيته نازله
جوووا وتنطي أوامر للعمال
كلت عادي يجوز شافت اي تقصير منهم
ورا يومين لكيته امشيه الطلبات وموقعه بمكاني
كلت عادي خليه تشتغل وضيع وقت
بس موضوع الحمل كان حيل قالقني صار خمس اشهر وماكو حمل
صممت نروح نفحص يم الدكتوره
كل التحاليل تمام وماكو اي مانع لامني ولامنه
كل شهر من تكول اجتني ال..د..و..ره شكد اضوج
اذا ماكو اي اسباب ليش ماكو حمل
لمى صارت متمرسه بشغل المطعم وتعلمت على الشغل بسرعه
بس هي تنطي هواي اومر
والعمال يتحسسون منه
كملنا سنه على زواجنا وكلشي ماكووو
ومحمد صار عندا ولد وزوجته حامل ماشاء الله
صممت اني وياها نروح ونعيد التحاليل باكبر مركز بغداد
هم طلع ماعدنا اي سبب يمنع الحمل
هاي الفكره مخبلتني والمشكله اشوف ردت فعله طبيعيه ابد ما مهتمه للموضوع
شكيت ممكن تأخذ موانع حمل من وراي
بعدين استغفرت ربي
ما اربد الشيطان يدخل بيني وبينه
اني احبه وهي تحبني واني ما مقصر وياها باي شي
ليش تمنع الحمل
كلما اسئلها على الحمل تكول عادي هواي ناس يتاخر الحمل عدهم
جمانه السعيدي
قصي بس انتي ما مهتمه
...شلون يعني
...يعني ما تطلبين ترحين مراكز طبيه ولا تحاولين تعرفين اسباب تأخر الحمل
...ترا انت مكبر الموضوع
..شلون مكبر الموضوع الزواج شنو معنى اذا ماكو اطفال
...اكيد راح يجون الاطفال بلوكت الي قاسمه رب العالمين
...اي بس رب العالمين يكول أسعى ياعبدي واعينك
ولكل مجتهد نصيب
انتي حركي نفسج شويه سوي اي شي
...يعني شلون اكتل نفسي
...لا موتكتلين نفسج اشوف النسوان ذابحه نفسه على الحمل وانتي الموضوع ماهامج ابد
...اوووي عليمن مستعجله اول وتالي راح يصيرون ويصدعون راسنه
قصي اريد اسئلج سوووال بس جاوبيني بصراحه
...اي
...انتي جاي تاخذين موانع حمل
...طبعا لا انت تشك بيه
شكرا لزيارتكم عالم روايات سكيرهوم
