رواية خيط الدم الفصل السادس بقلم زينب طالب
كُف بأول جَرح لا تنلچم ممرتِين،
هدوء
اكو اشياء نسويهن بساعة عصبية ونتدم عليهن
واشياء نسويهن بساعة طيش هم نتدم عليهن
بعد ما نكبر ونوعى والشي لسويتة اني بذاك اليوم
اسمي فترة طيش وقلة وعي وخفة مني
من راحت ام جعفر من عدنة صعدت لغرفتي
بقيت افتر على نفسي وافكرر شلووون خاف
امة تجبرة يتزوج لو تسوي مثل مانصحتها
امي وتخطبلة بدون علمة زين هوو ليش
رافض الزواج معقولة يحب؟!
لالا هو متدين ماعندة هالسوالف، بس
الحب مو حرام مو اني احب لاوالله
اعشق اني وصلت مرحلة العشق وياه
شلون اوصل الةة لازم اگلةة بس شنوو
اگلة اني احبك لاتتزوج لا عيب هسة
شيگوول علية اخلي اهلي بموقف محرج
لعد شنو اگل لأمة اي امة حبابة وتحبني
هسة تخطبني الةةة بس لا النسوان
لكبار ميحبن هيچ حركات هسة تگول
ممترباية لعد شسووي؟!
بقيت اسأل نفسي واجاوبهاا، صارت
عيني على التلفون سحبتة بسرعة
واني اريد اطبق الأفكر بيه فتحت الفيس
طلعت صفحتة اعرفهاا من زمان لان هو
صديق ابوية بالفيس فيطلع عندي
جان مخلي صورتة لابس صاية
وعمامتة البيضة ومبتسم بهدوء
وجه مألوف يجب السكينة للينظر اله
دزيتلة طلب صداقة ودخلت للخاص
مالتة سلمت كتبت
السلام عليكم شلونك شيخ جعفر
وغلقت التليفون بلكت يشوفها
ويجاوب بس اذا رد علية شگلة
هسة خلي يرد وهسة تصفة بعدين
نزلت اسوي العشة ويه امي واني
عقلي مو وياي اگلي ومشدوه بالي
وعيت على صوت امي، هاا يووم
شگلتي مسمعت؟
ام هدوء:: ولچ صار ساعة احچي وين
صافنة طلعي الكبة احترگت شجاج
_عززة منتبهت طلعتها بسررعة وهية
ترزل بية
ام هدوء:: متگليلي وين عقلچ ولچ والله
تعبتيني هسة لوتفكرين بالدراسة اگول
حقچ بس ادري بيچ بالچ مو يمهاا
_هاي شبيچ يووم ترة داافكر بالامتحانات
مابقى شي وانت تردين شغل مني لاتلوميني
اذا رسبت
ام هدوء:: اي عفية خوش حجة ترديلچ
والله هذا اخر چنص الچ ماطلعتي وشرط
من اول دور تبطلين وازوجج واخلص من همج
_مع الاسف عليچ ام هداووي هيچ
تحچين وية بنتچ وحديتچ تردين تخلصين
مني وووسفةة
ام هدوء: لعدد شسووي ربيتي علة بگلبي
ولچ هاي ثاني سنةة الچ عيب عليچ
صديقاتج بالكلية هسةة
_وداعتج هالسنة انجح لو اني لو السادس
شتردين بعدد
ام عدوء:: نشووف بلةة يلة همي ايدج
ابوچ جاع ترةة
_ادللي يااحلى ام بالدنيا، باوعتلي صفح
وماردت لان مالة من تفاهتي كملنة العشاء
وتعشينة نضفت المطبخ وصعد باوعت على.
التلفون لاموافق على الطلب ولامجاوب
غلقتة وگعدت اقرة واني عقلي كلساع
يروح يمةة بس اسحلة وارجعة عيب
علية هو دكتور جامعي واني السادس
الية بيه سنتين حتى زحمة منةة
مرت الايام واني غاطة بالكتب
اقرة وافكر بيه امي صارت تروح
للحجية لان تعبانة من اسألهاا ترد
علية زينة وتسكت اتمنى اگدر اسألهاا
علية بس اخاف منهاا خاف تشك
شفق تعبانة لغياب اختهاا والمشاكل لبيتهم
خطية صارت متجيني خاف تلهيني عن الدراسة
وقضية ابوهاا ماخذة نص حيلهاا لهسة عدهاا
ايمان راح تلزم طرف الخيط ليوصلهاا للحقيقة
اليوم اول امتحان اليةة اسلامية گاعدة
اتريگ امي وابوي وياي ويشجعون بية
ابو هدوء:: كلي ثقة بيچ بابا راح تبيضين
وجهي وتطلعين بدرجات ترفع الراس
انتِ گدهاا بس شدي حيلج
ام هدوء:: صلي ركعتين الاستغاثة باالزهراء
وطلبتي من الله بجاها عندةة يسهل عليج
_اي يوم صليت ودعيت وانتو ادعولي يلة
بابا ترة ازدحامات خاف اتأخر ويروح علية
الامتحان
ابو هدوء::يلة گومي خليني اوصلج
_اخذت كتبي وبست امي وودعتها وهية
تدعي الية وصعدت وية ابوية ونطلقنة للامتحان
چانت الاسئلة زينة وگدرت اجاوب الحمد لله
لگيت ابوية منتضرني بشرتة فرح خطية
ومرت ايام الامتحانات وخلصت بألف ياعلي
واجة يووم النتائج
ونجحت وخلصت من السادس بمعدل72
چانت بيومهاا فرحة متنوصف عندي شفق
اجتني چانت حزينة حيل على الشي الصار
وياها بس ماگدرت تعوفني بهيچ يووم حلو
خصلت العطلة واني واني باب البيت مطالعة الةة
قدمت على الجامعة طلعلي تربية عربي حمدت
ربي وشكرتة بذيج الفترة كلهاا ماغاب عن بالي
لحظة وحدة چنت اتمنى اشوفة بس وين امي
من تروح لبيتهم متقبل تاخذني
تگلي عيب اخذج وياي قابل طفلة واذا طلعن
ومريت من بيتهم مااشوفة اظل الطلعة كلها
متكأبة
قرب الدوام چان الجو بارد وامي يمهم
لان الحجية مخابرتهاا لعب گلبي من رجعت
سألتها وابين اني مامهتمةة
اگلچ يمة شعدهاا الحجية شتريد منچ؟
ام هدوء: لچ اسكتي خطية خابرتني فرحانة
تگول جعفر وافق يتزوج وگلهاا خطبيلي
على معرفتچ
_رجف گليبي اختنگت خفت انفضح گدامهاا
حچيت واني ابلع غصتي وهسة راح تخطبلة
ام هدوء:: اي ورادتني اساعدهاا عاد اني
گتلهاا بنت ام خديجة خوش بنية وخريجة ومستورة
ليش متاخذيهاا وهم قربية عليكم عاد هيةة
چنها اقتنعت گالت اگل لجعفر واذا قبل تخطبها
_ الله يسهلل عفتها وصعدت فوگ عيوني تحرگني
گد ماحبست الدمعة بيهمم بلعومي يوجعني
من الغصة سديت الباب وگعت دمعتي وتبعتها
الثانية وصارت دموعي تجري بقوة
واشهگ مثل الطفل حطيت راسي على المخدة
اخاف يسمعوون صوتي واصرخ بكل قوتي
واكتم الصرخة بالمخدة گلبي يوجعني حيل
شنوو يعني خلاص رااح واني ذيج الفترة
ارتاحيت لان ام جعفر ماجابت سيرة الزواج
اثاري المي يمشي من جواي واني ماادري
يعني شنوو راح يتزوج وبعد ميحقلي افكر
بيه
بقيت متمدة على فراشس ودموعي تنزل
صار وقت العشة صاخوني وماقبلت اكل
للفجر اني على وضعي لانمت ولا گدرت
اهدة وتغمص عيني
دموعي تنزل واني احس خلاص راح
يروح مني واخسره للأبدد
بس لااا مو اني الاستسلم وأضيع
حبي لازم اسوووي شي، نهضت
بسرعة سحبت الدفتر وتشجعت
وكتبت
(عليك الله لاتتزوج اني احبك والله اقتل
نفسي وذنبي برگبتك)
طبگت الورقة وانتضرت الصبح يطلع
باوعت الساعة ب6الفجر لبست
وطلعت بهدوء قبل لايگعدوون اهلي
چانت الدنيا بارة وبعدهاا الشمس
موكلش طالعة خفت وردت ارجع
بس شجعت نفسي وركضت بقوة
واني حاضنة الورقة على گلبي
وصلت بيتهم سيارته بعدهاا
بالباب مطالعة تقربت خليت
الورقة على البنيد وخليت فوگاها
حجارة چبيرة خفت تطير سمعت
الباب ينفتح رجف گلبي ركضت
لنفس
مكاني ورة الشجرة اباوع
عليه وهو ميشوفني ركزت على
تعابير وجهة المتعجبة من شاف
الورقة فتحهاا وقراهاا حسيتة
تعصب اشوف شفافة تتحرك
بدون مااسمع طبگ الورقة خلاهاا
بجيبة
مسح وجهه يحاول يهدي
اعصابةة بقى صافن عالشارع حاير
بعدهاا كف عباتة و ركب سيارتةة وطلع......
طلعت من ورة الشجرة اباوع لسيارتة وهية
تبعد عني وعيني وراه لحدما اختفت من گدامي
رجعت للبيت ركض قبل لحد يحس علية
يومين واني روحي تلووب معقولة ماراح
يسووي شي بس هو وين يعرفني عادي
لايعرفني بس كون يأجل فكرة الزواج هسةة
اليوم العصر ندگت الباب اجتنة ام جعفر
سمعت صوتهاا ماطلعت استحيت منهاا
احس نفسي مسوية مكسورة شردت
فوگ قبل لاتصيحني امي بقت بحدود الساعة
وراحت
نزلت وامي چانت حايرة وتتصفن تباوعلي
وتبتسم واني حايرة بأمرها گاعدين ناكل
اني وياهاا وابووية باوعتلي وحچت
بدون مقدمات
ام هدوء:: اليووم ام جعفر چانت عندي
وطلبت ايد هدوء لأابنها الشيخ جعفر.....
......
جوري
يااااعلي ياابااا الحسسسن دخيلك ساعدددننني
بس استنجددت بيه نفتحت الباب غصوون تصيح
خايفة
غصون:: غالب ولككك غالب اطلع بسيرعة اجةة
رافد لايشووفك ولك
غالب:: وينةة شفتي شعندي اجةةة
غصون:: اي برة بالحديقة رووح يمةة عدل
روحك ولككك خزيتنةة شمدريني ليش اجةة من وقتتت
_طلع بسرعة واني لميت نفسي ابچي خايفة
تقربت علية وتحچي بتحذير
غثون:: سمعي لچ حلگچ ماتفحتي وتحچين
شي ترة اگلة لگيتهاا وية واحد واخلي يقتلج
بحجة غسل العار ديري بالچ تفتحين حلگج
_هزيت راسي خايفة، لالا مااحجي بس طلعي
والله مااحجي
غصون:: عفية بالحبابة يلة گومي بدلي وتعالي
حطي الغدة بسرررعة لاتتأخرين
_دخلت بسرعة للحمام سبحت وطلعت
لفيت شعري وطلعت اركض اصب الغدة
رافد لحگني للمطبخ غصون يمكن بغرفتهاا
رافد:: شبيچ جوري شو وجهج تعبان حيل
ولچ اخذتچ ورة مفتحةة شبيچ؟؟
_ابتسمت بقهر متعرف شبيه بكل وقاحة
تسأل شبية بية مرض وضيم وتعب وقهر
رافدد بمنو احلفك اعتقني خليني اروح
اريد اهلي حرام عليك لتسويه وياي مو
حملك اني زلك اني بگد بنتك ليش هيج
تعاملني
رافد:: هسةة شمسووي على ذاك اليووم
صحيح غلطت بس انتِ عانديتهاا واني
مااگدر ارفض طلب الهاا اذا امتنعت عن
أذيتج تأذيچ هيةة
_هسة هية مامأذيتني شتعرف انتَ
تعرف اليوم شلون يخلص وياها لك محاربتني
حرب نفسية وجسدية ولك موتتني نوم مثل
الاوادم مناية احلفك بالله خليني اروح
رافد:: جوري اني احبچ ولچ مااگدر استغني
عنچ واوعدچ راح احاچيهاا تعوفچ بحالچ
ومتأذيچ بس صيري زينة والله مشتاقلج
_انتَ متحبني انتَ تحب غريزتك وياي
وحيونتك ترة ليحب ميأذي محبوبة روح
اطلع قبل لاتشوفك خليني اكمل، الكلام وياك
ضايع
طلع وعافني من سمع صوتها تصيحة شكد
جبان يربي ماشفت هيج رجال يخاف من مرة
مثلة صبيت الاكل ورحت للمطبخ بس خليت
اللگمة بحلگي لعبت نفسي ركضت للحمام
اتقيء طلعت روحي من طلعت لكيتهاا بوجهي
فزيت حچت وعلامات الغضب على وجهاا
غصون:: شبيچ سمعتج تتقيئين بس لاحامل
ولچ؟!
_ماادري
غصون:: شنو متدرين لعد منو يدري تاخذين
الحبوب المانع لو لاااا
_لااا بس مرة اخذت نسيتهن مايجن على بالي
هو انتو خليتوا بيةة عقل خبلتووني
غصون:: سهلة سهلة اني اعرف شتصرف
تلعبين من وراي موو بعيني جوري بعيني
_عافتني وراحت عصبيةة، شنوو معقولة
اطلع حامل ؟ لاياربي لاا يعني ارتبط بيه
للأبد نوب اجيب منة طفل يمةة غير امووت
لاموحامل بس ماخذة برد اكيدد
من بعد هاليووم انتقمت علية كلساع تطلع
شغلة اغسلهاا تكعدي من الصبح شكو شي
مضموم تطلعة اغسلةة النهار يخلص بالشغل
انسى نفسي بدون اكل اتخربط واوگع
تجي تذب علية مي وتصحيني وتگومني
غصب اشتغل، چنت اغسل الحمام صاحت علية
من فوگ
غصون:: تعالي وينج خلينة نزل الزوالي ذني
نفرشهن ونغسل الجوة
_بس مصار هواي من فرشناهن والله هلكت
خليهن غيرر يووم حبابة
غصون:: تصعدين لو شلون ترة اخابر
غالب يجي وتعرفين شيسوي ذيچ المرة
نفذتي هالمرة ماكوو
_كل مااعاند تهددني بيه واعرفهاا حقيرة تسويهاا
صعدت وياهه انطتني فرشة شلتها چانت ثگيلة
بس جبرتني انزلهاا
بس مديت رجي على اول باية حسيت ندفعت
من ورة بقوة وگعت اني والفراش من اول باية
للگاع نضرب راسي بالگاع الدم يجي على وجهي
ضهري احس نقسم نصين منضر الدم يرعب
الوجع مينحمل غمضت عيوني وفقدت..
فتحت عيوني واحس الوجع يدگ براسي
اخخ يمةةة راسي ولكم راسي راح
ينفجررر ضهريي يمةةة مااحس بيةةة
ولكك الللم دمرني فدووة ساعدوني
رافد:: جوري ولچ جوري انتِ حامل حبيبتي
ولچ حامل حققتي حلمي شلوون تشتغلينن
وانتِ حامل بأبني تردين توگعينة مووو
_لللك بسسس بسس اطلع مني اطلع انتَ
مخبلل والله مررريض نفسيي الله ياخذني
ويخلصني منكك ومن الساعة لعرفتك بيهاا
الله ياخذ عمرري وارتاح تعبتتت ولكممم اخخخ
رااسييي
اجت الدكتورة طلعتة من الغرفة وضربتني ابرة مسكن
شوية والألم هدء ونمت لليل يلة طلعوني راسي
مضمد والطفل مهدد بالأسقاط لازم اتمدد والتزم
بالعلاج
دخلني للغرفة وغصون لهساعة ماشفتهاا
متمددة بفراشي جسمي يصل علية من الوجع
مديت ايدي لبطني اتلمس ماعندي احساس
اتجاهاا روحي خاوية حيل
ليش نزرعت برحمي شنو راح تسوي بيةة
اكيد حيااتي راح تتغير من نزرعت مااعرف
للأحسن لو للأسوء بس انتَ وجودك غلط غلط
يارب ادري حرام هذا الكلام بس انتَ العالم
بحالي، بعدة العلاج بجسمي شوية وبديت
اغفة حسيت شخص يگعد يمي فزيت من شفتها
بس چانت عيونهاا حمر وتبچي اول مرة اشوفها
بلامكياج دموعها تنزل وتمسحهن بسرعة
بس شافتني گعدت حچت
غصون:: ليش ولچ ليش اخذتي مني ولچ
يمي ويفكر بيچ نوب حبلتي راح يركني
على صفحة ادري بيه مبقيني مو حباً بية
لاا لاا بس يخاف مني تدرين ليش
لان قبل حب وحدة وراد يتزوجهاا خطفتهها
اني وغالب وخليتة يعتدي عليها ويقتلهاا گدام
عينة خليتة من ينذكر اسمي واسم اخووي
جسمة يرجف يخاف على روحة وهسة
يخاف عليچ ميگدر يسووي شي وياي رگبتة
بيدي املاكة بيدي حياتة بيدي
بس اني احبةة ليش محباني مثلچ اي اي
لاتستغربين هو يحبج وادري بيه لان مفضوح
بس ميعرف يعبرر عن حبةة غير بنومتةة وياج
بهالوحشة هو كلما يأذيچ يعني يحبچ
بس اني مااقبل هيچ مااستسلم مااتنازل عنة
ادري انتِ متحبيه بس حبلتي حتى تقهريني
وتاخذين ثارچ مني بس اني راح ادفعچ
الثمن غالي حيل غالي
_مديت ايدهاا على بطني ابتعدت خايفة
ابتسمت بخبث وطلعت من الغرفة خاف قبل
چنت اخاف منهاا هسة نرعبت بالزايد چانت
تحچي وتبچي معقولة تحبة هيچ شنوو شافت
منة شو لاخلقة ولااخلاق
حبة يدفهاا تقتل بنت بلا حولة ولاقووة
كل ذنبها حبت زوجهاا ماتوقعتها بهالاجرام هذا
يومين واني متمدة على ضهري اگووم بس
للحمام وارجع هو يجيبلي الاكل بنفسة ويبقى
يمي شگد يحچي وياي ماارد عليه
رافد:: ترةة بديت ازهك ليش متحچين وياي
مخليتني احچي وحدي شبيچ شسويتلچ
_ميعجبني احچي وياك بيك خيرر اخذ حقي
من مرتك رادت تموتني بس ربك سترني
رافد:: والله زعلان عليهاا تگول جنت اشاقة وياها
ماعبالي توگع واصلا ماادري بيهاا حامل، اني
صدگت لان هيةة زوجتني حتي يصير عندي طفل
نوب تقتلةة لالا مااصدك
_لتصدگ براحتك هية وينهاا شو مااشوفها
رافد:: راحت لهلهاا ترتاح واني قسيت عليهاا
بالكلام، شنو رأيج نطلع مادام مو هناا بلكت
تتحسن نفسيتج شوية من تزوجتي لليوم
ماطالعةة
_بقيت صافنة بوجهه متعجبة تغير اسلوبة
وبنفس الوقت كرامي متسمحلي اقبل العرض
حچيت بلا اهتمام واني مقهورة لااا مااطلع وياك
رافد:: ولچ والله انتِ متعرفيني بالطلعات
شلون اونسس جربي متخسررين شي ترة
هذا العرض اول واخر مرة مو تلوميني بعدين
وتگولين مامطلعني اني اتوسل بيچ متقبللن
_الضوجة والخنگة الأحس بيهاا خلتني انسى
الكرامة علة صفحة وافق، ماشي موافقةة
رافد:: يلةة اساعدچ تبدلين
_لاااا اطلع اني اغيرر معليك بيةة
رافد:: براحتج رايح ابدل استعجلي
_طلع واني گمت فتحت الكنتور اخذت
فستان كامل على الجسم شتوي ويلگ فرو
فتحت شعري بهدوء مكيجت خفيف واني طايرة
حتى الالم نسيتة باوعت لروحي اخبل
صحيح الضماد لبراسي مخرب شكلي
بس لمهم اطلع اختنگتتت
طلعت من الغرفة بعد ماسمعت صوتة چان
مبدل لابس قاط عبالك مدري وين مولين
رحت وياه قفل البيت وطلعت حچة هو
رافد:: وين ترحين
_مااريد مكان مقبط اريد اشم هو اشووف نااس
رافد:: بس الجو بارد تتمرضين
_لعدد رجعني
رافد:: لالا بكفيج هسة اوديچ لهذا الكوفي
اروح الةة دائماً
_درت وجهي للجامة مجاوبتة وصلنة للكوفي
نزلت راد يلزم ايدي رفضت چان المكان يجنن
ومفتوح وهادئ گعدنة بطاولة طلب كوفي
وقطع كيك خفت اكل خاف تلعب نفسي
واتبهذل اكتفيت بالقهوة شربتهاا واني اسمع
الموسيقى الهادئة وهو يباوع عليةة يريد يحچي
بس يخاف اضووج
وزوت لخلاه يفكرر بضوجتي جان يعاملني
مثل الحيوانة، فوگ الساعة احنة گاعدين
بعدهاا اخذني للمول اشترالي ملابس
كلة على ذوقة لان اني ماقبلت اروح بس
جبرني چان ياخذ كلة مال حوامل
كل لبسةة شكبرهاا والله بطران اشتهيت
شعر بنات جابلي اكلتة صارت الساعة 10
باليل
رافد:: ها شتگولين نرجع لو بعد
_اطلب منك طلب
رافد:: واخيرا طلبتي شنو عيوني الچ
_اريد اشوف اهلي الله عليك من الباب
مااطوول
رافد:: لااا ابد
_حباب حباب بداعة ابنك لبطني
رافد:: گتلچ لااا لتلحين
_نزلت دموعي بقهرر وصرت ابچي
بصووت عالي بقى يستغقر ندار عليةة
رافد:: كافي سكتي لاتبچسن مو زين عليچ
استغفر الله شحچيتت
_معليك مني اني اريد ابچيي عوفني
رافد:: شلوون سالفة عبالك طفلة زين عندي
حل وماكو غيرةة
_شنوو
رافد:: تشووفين اختچ بس من بعيدد
بمكان شغلهاا
_فز گلبي ليش وين تشغل غير بالمدرسةة
رافد:: لايامدرسة نطردت من زمان واشتغلت
بمطعم قريب عليكم عالشارع
انتَ شمدرريك؟
رافد:: مينظم علية شي، هسةة شنو ترحين
لو ارجع للبيت
_لالا اروح، غير طريقة باتجاه بيتنى
دخلت لمنطقتنة شگد چنت اكرهاا لان هوسة
وعبالك همج بس هسة حنيت الها تمنت ماطلعت
منهاا وصل للمطعم باوعت نفسة مطعم ال×××
طبگ بعيد عنةة چانت الدنيا باردة وگاعدين
يلموون بالغراض الشارع مابيه هواي ناس
درت عليه وينهاا
رافد:: هسة تطلع مرات يطلعوهاا من وقت
_سودة علية بهالبرد باقية بالشارع امي
وين شلون تقبل بنتهاا هنا بنص الولد
تشتغل ماكوو بنات موو
رافد:: لاماكو هاي مطاعم شعبية اصلا
استغربت شلون شغلوهااا شوفيها ذيچ
طلعت بس ديري بالچ تسووين اي حركة
اندمج تروة
_درت وجهي بسرعة چانت واگفة گبال
الولد اطاها فلوس وراحت تمشي
بقينة نمشي وراهةة عبرت الشارع ركض
من وصلت لشارعنة صارت تمشي بهدوء
تفرك ايدهاا من البرد ضعفانة حيل والتعب
واضح عليهاا ملابسهاا خفيفة ميدفن
مااعرف شلوون متحملة گلبي يدگ بسرعة.
اريد اروح احضنهاا واذب همومي عدهاا
باوعتلة بتوسل خليني اروح بس اشوفهاا
بلا ميجاوبني لاف السيارة وطلع من الشارع
خطفف منهاا اباوع غليهاا تحجي بعصبسةة
هاااي لييش هيج فززتهاا حراام عليك
ليش تحرگ گلبي رجعني يلة رجعنييي
رافد:: بسسس اختچ اذا تشوفچ متسكت هاي عرمةة
واني مامستعدد اخسرررج سكتي ولاتخليني
اندم سويت وياج زين ثبتيي ولتتگمزززين
_احس احترگت بالزايد من شفتهاا وگلبي
يأذيني دموعي تنزل مااگدر اسيطر عليها
الشهگة شگت صدري
رافد:: بسس عااد شبيچ مثل الطفل تشهگين
ترة كبرتي راح تصيرين ام بطلس زعططة
_عووفني لاتحچي وياي معليك بيةة
هاي اختي تعرف شنو اختي وصار اشهرر
ماشايفتهاا ترة خرامم عليك ليش تمنعني
منهم كل وحدة تزوج تنحرم من اهلها بياقانون
هااا
رافد:: موصوجج صوچي اني كلب ابن كلب
طلعتچ ووديتج الهاا لوعايفج بالبيت مثل
الچلب چان جريتي عددل بس بسيططة
مناا وهيج الاراجع مثل قبل بعيني جوري
بعيني
_اسمريت ابجي مارديت عليه اي هو
هذا السلوبة التمثيل مالايگه الة ابد
وصلنة للبيت نزلت بسرعة وطبگت
الباب
رافد:: هيووو لاتركضين الطفل الطفلل
_مااهميت ودخلت للغرفة ركض
وقفلت الباب حتى لايجي ولايزعجني
اجة دگ الباب راد افتح الةة ولاعبرتة
خليتة يمل ويروح
بدلت بسرعة وتمددت بالفراش ومنظرهاا
ميروح من بالي الوجه تعبان والعيون ذبلانة
مو شفق القووية لااا مو هيةة شصاير
وياهاا وخلاها تصير هيچ
ثاني يووم فززيت على العركة من
الصبح هذا صوت غصوون عزززة رجعت
وگفت اتسنط ورة الباب اسمعها تگلة بصياح
غصون:: وووين االليل كلةة تفرفرر بيهاا
شنووو رافدد شفتنيي مو هناا وحلالك الجوو
والله احررگ گلبك بيهااا وتدري بيةةة اسويهاا
رافد:: اقتلچ تعررفين شنوو اقتلچ اذا
عديتهاا الچ مرة هاي لاا مااعديهاا ولچ ابني
الاحلم بيه بطنهاا اذا اذيتهاا حسبي اخرر
يوووم بعمرچ ساامعةةة
غصون: والله خووش وصاير اللك صوت
ولك راافد نسيت نفسسك ونسيت اني منو
ولك اني غصووون تعرررف منوو غصوون
لولااا
رافد:: لأن اعررفچ جاي احذرچ غصوون ابتعدي
عنها بس هاي الاااشهر ومن توولد شتسووين سوي
ميهمني حتى لو تقتليهاا ميهمني بس ابني لااا
فاهمة ابني لااا
غصون:: بشررط متتقرب يمهاا متووصل
للغرفة لردتةة صار شعندك تدخل يمهاا واني
بعد حتى من البيت مااطلع اريد اشوف شلون
تاخذ راحتك بعدد
رافد:: بعدين انتٓ شمدريچ طلعت البارحة شنو
تراقبيني غصوون؟!
غصون:: اي اي اراقبك لان گلبي لعب منك من
حقي اراقبك اسممع هالمرة سكتت مرو ثانية
مااسكت وداعة اخوية مااسكتت
_شوية وصار هدوء يمكن دخلوا غرفتهم
باوعت الساعة السبعة الصبح شعدها هاي
شايشة من الصبح علينة يربي كاتلة روحها
على رافد ابو كرش لو حلو شنو سووت
نوب يگلهاا شسوين سوي لمهم ابني امداك
وامدة ابنك وياك
رجعت كملت نومتي، من بعد هاليوم غصون
حاربتني نفسيا شنو شي يأذيني صارت تسوي
من يروح للشغل شغل وتعب وضرب وابتزاز
وصلت بيهاا تهددني بأخوها تجيبة مرة ثانية
بعز نومتي تكعدني تتفل علية وتطلع ادخل
للحمام تطفي الضوة وتسوي اصوات بالغرفة
تريد تخبلني صرت اقفل الباب علية من اانام
لو اسبح الاكل صارت تقفل الثلاجة وهو متخلي
يوصل يمي ولايشوفني بس تگلة ماشية عالوعد
لاتخاف وهو يصدگ
روحي احسهاا طلعت من هاي العيشة ومن اشتياقي
لأهلي شنو جابرني ابقى هناا يعني اخلص عمري
يمهم ويجووز انقتل ويضيع دمي لو اولد وياخذ
ابني ينطي الهاا
بذيچ اليلة الباردة والمطرر ينزل قوي والاصوات
الرعيد تخووف گمت لحيلي لبست ملابس
ثخان الان البرد يدگ بالعظم باوعت للغرفة
ماشفت بيچ يووم حلو عكس شكلج الخارجي
چانت الساعة ثنتين بالليل تسحبت بهدوء
وطلعت البيت چان هدووء بس صوت
المطر والهواء برة عالي تجرءت وطلعت
للطرمة الباب چان مقفول والحارس ماكو
تشلبهت وعبرت الباب احس بطني ملختني
بس تحملت طفرت والمكان عالي تأذيت حيل
بقيت ثواني اجذب نفسي باوعت الشارع
ظلمة ويخوف تنگعت من المطر گمت اريد
ابتعدد وسمعت الصووت وگف گلبي....
شكرا لزيارتكم عالم روايات سكيرهوم
