رواية خيط الدم الفصل السابع بقلم زينب طالب
ماعاد الصبر يلچم
مصب العين ولا مثل الخلـگ
بدمـوعنـه نمثل
...............
دخلت للبيت الباب مفتوح چان طلع من الصالة
تقرب عليةة وجه مخطوف طفة المسجل من
تليفونة صارت هدوء تقرب مني يسأل
صارم:: شفق هاي انتِ شبيچ حبيبتي شبيچ
منو وياچ گليلي اروح اطيح حضة يلة گليلي منوو
وياچ احجي احچي لاتسكتيين
_لزمت ايدة اهدي بيه اهدة شبيك اهدة محد وياي
بس اني ضجت و مااعرف ليش اجيت هناا بس
احس الدنيا ضاگت بيه وماشفت نفسي الا مقابيل
البيت
راح اروح اتحركت اروح لزمني
صارم:: اوگفي وينن ترحيين تعالي جوة
گليلي شبيچ ليش عيونچ زعلانة يلة
احچي
_نزلت دمعتي، ابوووية
صارم:: شبيه؟!
_نقتل وماعرفت منو قتلة، كلهاا تگول قضاء
وقدر بس اني مااصدگ ابوية مات مقتول
خوف امي بذيچ الساعة ومنضر بيبي وصدمتها
وگلبي ليگلي ضامة علية شي
وشكلة هووو كلة يددل مات
مقتوول مقتول بس ليشش الشررطة
سدو القضيةة لييش هذا لمحيرني ومطير
النوم من عيونني
صارم:: انتِ گلبچ شنوو يگلچ؟
_نقتل
صادم:: صدگي گلبچ لعد وچذبيهم كلهم
لان الگلب ميجذب
_اول شخص يصدگ كلامي انتَ تدري
جارنة وصديق والدي ابو عماد يعررف القاتل بس
ميگوول
صارم:: شمدريچ يعررف؟
_هو بيتة كامرات متوجهة على بيتنة يعني
كلشي يبين عندة اكيد شاف شي وزدت يقن
من ثاني يووم هو وزوجتة اختفوا من المنطقة
فترة طويلة يلة رجعووا يعرف متأكدة يعرف
صارم:: ابوو منو گلتي؟
_ابو عماد
صارم:: سهلة سهلة، يلة تعالي جوة
_اگلك شو چنك خذاك الواهسس وين
افوت جوة مو حجيت وياك معناها
تاخذ راحت وخرر اني رايحةة
صارم:: شبيچ هيووو مسودنة انتِ ترة
اني احبچ احبچ عادي تبقين يمي
_يااا شبيك انتَ مخبل من تگلي احب
يصير عندي جالي شكلك مو مال حب
يااخي
صارم:: شگد صلفة نچبي بلاحچي زايد
گتلچ احبچ لاتضوجيني وراح يجي
يووم وتجين تكليلي احبك وبكل ممنونية
_هههههه حلوة الثقة بالنفس العندك
صارم:: اذكرچ!
_اووو دولي خليني اروح
صارم:: تعالي البرعة خليني اشبع من عيونچ
_اگلك شوو انتَ ضارب ميانة وياي بعدين
شنوو هذا الجوو الكئيب العايش بيه مترتب
بيتك نفسك عبالك بيت اشبااح شغل اضائة نضفة
يقبض الگلب
صارم:: لاتدخليين وامششي وللي يلةة طلعي منااا
_عزززة تعصب وجهة نگلب طلعت اركض
من البيت بعدني بالشارع وسمعت القصيدة
رجعت أشتغلت اشك بيه مخبل مو صاحي
فتت للبيت چانت بيبي تصلي رحت اتوضيت
واجيت يمهاا اصلي كملت تمددت يمهاا على السجادة
وهية تقرة قران صوتهاا الحنون وهية تقرة راحة نفسية احسةة غفيت عالسجادة ورجعت الاحلام
تتكرر علية
واگفة باب البيت وابوية جوة اريد افوت
مااگدر اصيح عليه يابة يابة تعالي دخلني
داير وجهة زعلان مني، يابةة حاچيني
شبيكك يابةة چانت عينة على الحديقة
ركزت هاي جوري واگعة وحية چبيرة ملتفة حولها
تباوع عليةة وتبچي حرت اباوع الهاا تمد ايدها
تستنجد بيةة وابوية زعلان يگلي ماصنتي الامانةةة
اريدد اتحرك واروح يمهم مااگدر اصيح بكل
صوتي احس بلاعيمي تجرحني وصوتي ميطلع
فزيت مختنكة
جمارة:: يمة اسم الله الرحمان لا تخافين بيبي
يممج اني صوجي خليتج تنامين المغرب
ياا شفق بيبي تبچينن شجاج يمةة؟
_بيبي بابا زعلان علية يعاتبني على جوري
بيبي يگلي ماصنتي الامانةة اي صح اني
حقيرة حايرة اشتغلل واجيب الهاا فلووس
وعايفةة اختي
جمارة:: كابوس يمة ابوچ مايزعل منچ بنيتي
يعرف وضعچ مايزعل
_لالا زعلان ماشفتي عيونة شلوون حزينة
وهو يباوع لجوري اختي شصاير وياهاا
ولچ يوووم، گمت بسررعة وبيبي تصيح علية
دگيت الباب بقووتي افتحي الباب افتحيي
وينچ طلعييي يوووم فتحت الباب وصاحت
بيةة
سهام:: ومررض شبيچ فلشتي الباب
شتردين شتردين
_انطيني عنوان جوري بسررعة هسة تنطيني
لاوالله ااندمچ
سهام:: ماانطيي واريد اشووف شلوون تندميني
يلةة ولي
_ولچ يمةةة شبيچ!؟
سهام:: وغمة شبيةة شمسووية
_ليش هيچ تسووين ماچنتِ هيچ شجاچ
گليلي احنةة بناتچ مو عدواتچ ليش هيچ
تتصرفين ويانا
سهام:: اهووو شگد اكره الدراما شمسوية
متگليلي شمسوية اختچ زوجتهاا لواحد
لوتضل عمرهاا كلهاا متحصل مثلة ولچ
ينگط فلوووس وانتِ تشتغلين حتى
تشيلين روحج وبيبتچ شتردين اني اشتغل
واكد عليچنن
_الفلووس الفلووس اهم شي عندچ الفلووس
زوجتي جوري علمود لفلوس وتاخذين تقاعد ابوي
اصلا مو من حقج ومامكيفج واني اشتغل من
الصبح ليل كلة حتى اجيبلج فووس مافديوم
كلفتي نفسچ وسالتي شنو اشتغل ومنين ادبر
المهم عندچ اطيچ فلووس وبسس
سهام:: اعرف ترة تشتغلين بالمطعم والتقاعد
من حقي هو تفاليس ميسووة اصلا تحچين بيه
_عوفينةة من هذا كلة نطيني عنوان اختي
مااسوي شي اذا ماعندج ثقة بية تعالي
وياي امشي نشووفها ونرجع
سهام:: لو تموتين تعرفين شنوو لوتموتين
ماانطي هية لو تريد تجي چان اجت بس مبينة
مرتاحة راحت ونستنة
_لعد انتِ هم لو تموتين ماتشوفين مني
فلسس بعد لو تموتين مناا لحدما تنطيني العنوان
جاي تحچي صاح عليها الاغبر
لچ سهااام تعالي لاتاخذين وتنطين وياهاا
كم مرة گتلج لبسيهاا حبيبتي لبسيهاا
_رديت عليه انت انچب محد حاجي ويااك
لاتخليني اهينك واطردك مناا بالنعال
سهام:: اششش سدي حلگج لاتتجاوزين
شگد وكحة ولچ هذا بمقام ابووج
_خسةةةة اي والله هذا ميوصل لنعال ابوية
ديري بالج تقارنين هذا بأبوية ديري بالچ
سهام:: دولي ولي طالعة عينچ وماعرفت
اربيچ امشي ولي يم بيبتچ صدعتي راسي
الله لاينطيچ
_دفعتني وفاتت للغرفة، دگيت رجلي من
القهرر اجت بيبي
جمارة:: كافي شفق كافي عوفيهم ولچ
يمة لايصير بيچ شي ربحي بيمن اني؟
_انقهرت عليهاا تحچي بخوف علية
حضنتهاا لاتخافين علية بيبي حفيدتج
قوية ماتنكسرر
جمارة:: الله يقويج على كلمن يعاديچ حبيبتي
_يلة تعالي نسوي عشةة اشتهيت بيذنجان
دوائر وطماطة لاچعة وكلاص چاي وامي
اني اعرف شلون اخليهاا تنطيني العنووان
اخذتها فتت للمطبخ گعدت يمي تسولف
واني اسوي العشة كملت بسرعة وگعدنة
ناكل وراها غسلت المواعين وبقيت وياها
اباوع مسلسلاتها الهندي وحدة ورة وحدة
لحدما غفيت
مر اسبوع واني اشتغل وامي مااطيها ولافلس
چنت اضم الفلوس بمكان مايخطر على البال
لان اعرفهاا تنبش غراضي
چانت من تطلب مني وارفض مقابل
تنطيني العنوان تتهستر وتضربني بس مااستسلمت
الهاا ابدد
اليوم مثل كل يوم رجعت من الشغل الساعة12
دخلت لگيتهاا گبالي، هاشعجب گاعدة لاتگليلي
ضل بالچ عليةة .!
سهام:: عليمن يضل بالي عليچ كلشي مايصير
بيچ لاتخافين على روحچ بس اريد تنطيني
المصرف لاوالله اسوي شي تندمين عليه
_اگلج يامصرف والله خبصتيني لاصارفة علية
ولاعلى بيبي بعدين يامصرف لترديه مني خلي
رجلج يصرف عليچ وعليه لو هم اني ابتليت
بيكم والله بلوووة هاي مصرف ومصرف ليسمعچ
يصددگ
سهام:: شوفي شفق هذا اخر تحذير الچ
تنطيني المصرف لو لااا حتى مااتندم اسوي
الهددتچ اسوي من قبل
_تقربت منهاا واعصابي تررجف ديري بالج
تلمسين شعرة منهاا لو تتقربين يمهاا ماتعرفين
شسوي احرگج وانتِ عايشة سامعة يمةةا احرگج
ضربتني كف وگامت
سهام:: والله ياشفق الا اندمچ ومااطلع سهام
اذا مابچيتچ دم على هاي اخلاقچ وعنادچ وياي
_حچت هيج رواحت لغرفتهاا، اجذب اذا
اگول ماخفت من تهديدهاا بس مااستسلمت
الهاا دخلت لگيت بيبي نايمة بس بدلت وتمددت
بحضنها فزت خطية
جمارة:: هابيبي اجيتِ
_شعجب نايمة ومامنتضرتني كالعادة ها حجية
مليتي مني اعترفي
جمارة:: ياعلى بختچ ولچ امل من الدنيا
كلها ومنچ ماامل بس مااعرف شلون
شكلت عينني، تعشيتي؟
_اي حبيبتي يلة نامي نوم الهناا راح ابقى
بحضنچ بس خاف تتضايقين
جمارة:: لايمة تعالي لية يريحة الغالي
_شبگتني قوي وتشم بيةة غفيت بحضنها وهي
تقرة على راسي ايات
الصبح چنت بالمطعم البي طلبات الزبائن
كالعادة اجة عزوز صاحني تقربت منة
هاا عزوز صحت علية
عزوز::اي روحي الباشا طالبچ بسرعةة
ماشي رايحة جان گاعد برة كالعادة رحت
علية سلمت
الباشا:: هلا شفق شلونج ياب صايرة متبينين
_الحمد لله اني زينة بس انتَ متجي هنا ومن
تجي اكون مشغولة مااسلم عليك اعذرني
الباشا:: معذورة شلون شفتِ الشغل هناا عجبج؟
خوما احد ضايقج من الشباب بس بلغيني املص
اذاناتهم
_لالا بالعكس والله حبابيبن ويحترموني
الباشا:: بس تدرين حليانة حيل متگليلي شتسوين
_حچيت واني طفرت روحي منةة شكرا استاذ
مااسوي شي من الله اني هيچ
الباشا:: صدقة لله على خلقتة هاي
_محتاج شي بعد اروح عندي شغل
الباشا:: لاياب اخذي راحتچ روحي
_ترخصت وفلتت بنفسي يمةة شگد
غثة يابووية
حمزة:: هاشبيج تحجين وي روحچ
_يمعود هذا الباشا هناا ومكروه صاير
حمزة:: شبيه ضايقج موو؟
_يحجي بعصبيةة ها لاالا شبيك فرت؟
حمزة:: مو اعرف سوالفة والله بس يأذيج
گليلي ادگة دگ وانعل ابوو الشغل
_عزززة حمزة شبيك ماسوة شي الرجال
سالني مرتاحة بالشغل ورديت عليه لاتكبر
السالفة شنوو متحمل عليه انتَ
حمزة:: شفق هذا واحد ناقص ترة لايغرچ
شكلة ولسانة ساليني عليه ديري بالج منة
_الله يكفيناا شرة شعلية بيه اني
حمزة:: الله يستر عليچ خوية
_ابتسمت الةة وكملت شغلي واني افكر بموقفة
اول شخص
اشوفة حريص علية بعد عين بابا مو مثل امي
لو ابقة اسبوع برة البيت متسأل عني
چنت گاعدة بالغرفة العصر استراح
ماكو شغل جاي يجهزون للعشة احس گلبي
وجعني وتكأبت مااعرف شبيه بدون سبب
استغفر الله هاي شبيه اليووم گمت
الهي نفسي بأي شي
لزمت المواعين وگعت من ايدي اجة عزوز
يركض ضل صافن علية وگعت دمعتي
حجيت بخووف اسفةة مااعرف شلوون وگعن
هسة انضف المكان
عزوز:: شبيچ ام دميعة هسة اني حجيت فدوة
الچ يمعودة شبيج وجهج اصفرر جيبب مي
ياوولد
_ركض حمزة جاب مي اطاني غسلت وجهي
التمو علية واني جسمي يرجف اريد اعرف
شبيه مااگدر احس شي گاعد على صدري
عزوز: شفق شبيچ تطلعين للبيت ترتاحين
_هزيت راسي اي اروح مااگدر اسوي شي
بعدد مااعرف شنو صارلي
حمزة:: امشي اوصلج
عزوز:: هاچ هاي 15 يوميتج
_اخذتها منة وتشكرتة وطلعت حمزة وياي
درت عليه روح حمزة اني ارجع ترة قريب
بيتنةة
حمزة:: لا اوصلج لاتضربچ سيارة يمعودة
شوفي وجهج صار ليموونة
_سكتت مااگدر اناقشة عنودي عبرنة الشارع
وصلت قريب البيت درت عليه ترة وصلت يلة
روح لايحاسبوك
حمزة:: رايح رايح ديري بالج على نفسج
_ان شاء الله، مشيت بروح خاوية اريد
اتمدد على رجلها بس هيةة لتطلعني من هاي
الحالة فتحت الباب ودخلت اسمع صوت الاغاني
من غرفة امي تعوذت من الشيطان وعبرتها فتحت
غرفتنة مالگيتها رحت للمطبخ ماكو للحمام هم
ماكو لعب كلبي وين راحت معقولة تطلع بس
هية متطلع وحدهاا الا اني وياهاا
دگيت باب غرفة امي وووين يلة سمعت
وطلعت بعد ما طفت التلوث السمعي لمشغلتة
ساجدة عبيدد
باوعتلها لابسةة بدلة رگص تخزي استحيت
اباوع عليهاا ومكياج صارخ استغفر الله
شمسوية بروحچ يووم
سهام:: شمسوية؟
_هاي شلابسةةة ترة عيب هالتصرفات مو صغيرة
انتِ
سهام:: معليج بيةة كم مرة گتلج لاتتدخلين
شتردين دگيتي الباب وشعندج جاية من وقت
_تعبت وطلعت ردت اسالچ وين بيبي شو دورتهاا
ماكوو شنو طالعةة.
سهام:: لااا اني وديتهاا
_حچيت بخوف، وين وديتهاا شسويتي بيهاا!؟
سهام:: سويت اللازم يصير من زمان راحت
بلااا رجعة ماكو بيبي بعددد بحححح
_تحچي وتصفگ ايدهاا ، تقدمت يمها وجسمي
يرجف يووم احچي لاتحرگين گلبي وين بيبي
لاتتشاقين وياي هيج شقة ترة تعبانةةة
سهام:: من شوكت اشاقة وياچ اني شنوو عبالچ
بس اهدد ماانفذذ لاا ولچ اني سهامم مو وحدة
زعطوطة مثلچ تلزمني من ايدي التوجعني
تنطي فلوس مقابل العنوان مووو اكليهاا لعددد
_لچ يمةةةة بيبي وين لاتخبليني بيبي
وووين مريضة مو حمل سوالفچ وين وديتهااا
احچيي
سهام:: وسمم ومررض صووتچ عايقة
ماكووو طلعتهاا من بيتي سويت اللاززم
يصير من راح ابوچ شنوو مخليتهاا عالة
علية ابنهاا ومات واني تزوجت وجوري
راحت وانتِ يجي گوواد من الشارع
اطيچ الةةةة واخلللص منچن اريد اعيش
حياتي دمرتوووني
_شووو انتِ عاايششة الدور زاايد شنو
المسويتةة انتِ بس اكل ونوووم التقاعد
الچ اشتغلل واخلي بيدچ ارجع من الشغل الگة
بيبي جوعانةةة تقفلين الثلاجة واتكفة الشر
واسكتت بس من توصلل لمواصيل تأذيهاا
وتطلعيهاا من بيتهااا انسى انتِ امممي واغضب
الله بيچ اااحچي وووين وديتهاا احچييي
سهام:: صمي حلگچ تحسسيني ذبيتهاا
بالشارع وديتهاا مكان يداروهاا احسن مناا
ترتاح وتريح
_هسةة بشنو ماذيتج ارريد اعرفف شمسويةة الچ
شايلتهاا على راسچ شنووو يامكان وديتهاا
گليلي والله گلبي وجعني يمةة احچييي
سهام:: لدار العجزة بمنطقةة ال×××
_مصيبة ووگعت على راسي صدگ تحچين
تودين بيبي بهيچ مكان تطليعيهاا من بيت
ابنهاا لدار العجزة شنووو من بشرر انتِ فهميني
سهام:: ولي لچ ولي حذرتچ وماسمعتي مني
تستاهلين انتِ عنودية گتلچ انطيني انطيني
مااكو قفلتي لو العنوان لو ماكوز طبچ مررض
لعدد
_ولچ غيررر اريد اطمان على اختتي شنو
كفرت قابل بنتچ هاي بنتچ طفلةةة
ماتسالين ولاتفكررين بيهااا شبيچ
بس گليلي ذبيچ
سهام:: بنتي اني اعرف مصلحتهاا بس
انتِ تخلين روحچ بكلشي تحملي
هسة لااختج ولابيبيتچ فلستي منهن
اثنينهن ضلي نوحي مثل البومة امداچ
اي والله
_غمتني ودخلت لغرفتهاا وشغلت المسجل
معقولة هااي اميي زين ليش هيچ تتصرف
يومية تصدمني بشغلةة شسووي يربي
شسوووي
طلعت من البيت ضايعة دموعي تنزل تحرگ
خدي ماعندي غيرهااا هدوء رحت عليهاا دگيت
الباب طلع ابوهاا شافني ابچي صااح
ابو هدوء:: اسم الله بابا شفق شبيچ
ليش تبچين تعالي تعالي فوتي هدوء
بابا هددوء وينچ تعالي هاي صديقتج
_دخلت للبيت واني امسح دموعي
نزلت هدوء على صوت ابوهاا شعرهاا
كفشة والقلم على اذنهاا بجامتها وحدة مرفوعة
وحدة نازلة بعز قهري ابتسمت لمنظرهاا
شافت حالتي وشهكتت
هدوء:: يااا شفق تبچينن شبيچ شصايرر
وياااج بس لاطردووچ من الشغل ولچ احجي
ابو هدوء:: على كيفچ بابا دخليها للصالة انطيهاا
مي فتحتي تحقيق وياهاا شجاج
_سحبتني من ايدي وگعدتني صاحت لامهاا
هدوء :: مامااا مي لشفق ، يلة احچي مو وگعتي
گلبي شبيج شو صايرة حساسة ولچ مايلوكلچ
_وگعت دمعتي وحچيت بيبي هدوء، امي اخذتها
لدار العجزةة
ام هدوء:: هاي امچ تخبلت رسمييي شجاها
متكليلي شجاهاا
ابو هدوء:: لاحول ولاقوة الا بااللله، ام علي
المرة الطيبة الخيرة هيج يصير بحالهاا
لاوالله ماتستاهل عمي جيبووهاا هناا يمي
اشيلهاا على راسي والله
ام هدوء:: اكيف والله
هدوء:: من اگلچ امچ بربوگ تلوميني دشوفي
سوالفهاا
ابو هدوء:: لچ هدددوء شنو هاي الالفاظ
ام هدوء:: بالغلط حجي اعذرهاا نفعلت زايد
هدوء:: ايي يمةة شبيچ تگرصين وهسةة شسووين
احجي بس لاتعوفيها هنااك
_لا وين اعوفهااا اجيتكم اريدك عمو تاخذني
لهاي المنطقة مااندلهاا اني
ابو هدوء:: اي عمي ادللي هسة اللبس واجي
ويااج
_راح الزلمة يبدل وزوجتة وراه وهدوء
ضلت تهدي بية وتدعي على امي رادت تجي
وياي ماقبلت عدها امتحانات رحنة اني وابوهاا
الطريق كلةة واني روحي تلوب عليهاا اريد
بس اوصل احس شهرر ماا شايفتهااا
وگفت السيارة باوعت لباب الدار نقبض
گلبي نزلت من السيارة ابو هدوء وياي
الامن بالباب حجة وياهم ودخلونة للمديرة
مالت الدار حجينالهاا الصار وگالت صحيح اليوم
الصبح وصلت النةة حجية جمارة موجودة جوة
دلوني للغرفة ابو هدوء بقى يم المديرة واني
رحت دگيت الباب وفتت وعيوني ادور عليهاا
چانت گاعدة على الچرباية صافنة بالفراغ وتسبح
تقربت منهاا ودموعي تنزل بقهر على شوفتها
بهالمكان حست شخص يمهاا شالت راسهاا ابتسمت
بحنان وگالت
جمارة:: اني گلت شفيقةة متغمض عينهاا اذا
متشوفني هسة تجي وصدگ اجيتي هلا بيچ
يمةة
_فتحت اديهاا اليةة واني ماصدگت شمرت نفسي
عليهاا واشهگ وابچي وهية تبچي وياي مهضومة
ولچ بيبي شلوون قبلتي تجين هناا شلووون
تعوفيني ينطيج گلبچ هيچ تسووين بيةة
جمارة:: غصب عني يمة والله غصب عني
كافي سكتي كاافي
_مااگدر والله مااگدر گلبي وجعني عليج
اليووم حسيت بيچ والله متكآبة وماگدرت
اشتغل طلعت للبيت وانصدم بهاي الكارثة
گومي امشي گوومي وياي
جمارة:: لااا
_شلت راسي منهاا شنو لاا؟
جمارة:: ماارجع لذاك البيت
_شنوو بيبي قابل بيتهاا غيرر بيت ابنچ
جمارة:: اي بيتهاا اخذتة مني
_شنوو شوكت اخذتة شتحچين بيبي
جمارة:: اي يمة تنازلت الهاا من زمان ولچ
شفق راح بيت ابني وتعبةةة
_اي ليششش هيچ سووويتِ ليششش بيبي
شلون تننازلين شلووون واني اگووول من اگلها
بيت ابوووية تضحك عليةة طلعتِ اني مطيتها
كلشي واني ياغافلين الكمم اللله
جمارة:: من خوفي عليچ هيچ سويت والله
هددتني بيچ تزوجج لواحد سگط وتحرمني
منچ
_طبني مرررض واني شنوو بكيفهاا امشي
شلووون تصدگينن بيهاا شلووون شجاج بيبي شجاج
وبعدد شنوو ضامةة عليةة احجي احجي
جنارة:: هاا شضامةة يعني ماكو شي
بس هاي
_اشتغفر الله هسةةة لو ادري وين تريد
توصل من هاي سوالفهاا وووين يلة گوومي
وياي لاتعبنيي واذا حچت وياج امي اسكتهاا
معليچ بيهاا
جمارة:: لاتلحين عليةة گتلج مااروح مرتاحة هناا
_شبيج بيبي تردين تخبلني شنوو مرتاحة گومي
مناا مااروح الا رجلي على رجلج يلةة
جمارة:: وروح ذاك الغالي الراح وعينة مفتوحة
علية مااطلع منااا يلة روحي
_اسودت الدينا بعيني بيبي من تعاند بعد تقفل
ابد متتنازل شبيج بيبي شلوون يطيچ گلبج
تعوفيني وحدي يعني لاانتِ ولاجوري شنوو
ابقة يم امي لو يم وليدد مو تگولين عينچ متغمض
الا اني يمچ شلووون تردين تعوفيني وحددي
شلووون
جمارة:: روحي شفق لاتعلين گلبي من تشتاقيلي
تعالي هناا اشوفج ولچ يمة احسن اليةة والله
شبعت ذلة ومغمة هنااك غير انتِ ماتدرين ولج
حتى ضرب انضربت خليني ساكتةة اذا تحبيني
روحي ولاتشلعين گلبي روحي
_والله بعد مااخليها تاذيچ واني مااعاندها واطيهة
مصرف بس امشي وياي
جمارو:: ابدد والله
_زين عندي حل اني جاي اشتغل خلينة ناجر
بيت صغير ونطلع نخلص منهم شگلتي ماعندچ
عذر بعدد
جمارة:: واحملچ فوگ طاقتگ لا يمة لاا روحي
والله هنا مرتاحة ماعلية شي تدرين شوكت
اجي وياچ
_كيفت اي شووكت ؟
جمارة:: من تتزوجين اخذني عندچ بعد انتٓ
بنيتي بس كوون تزوجين واحدد زلمة سند واخو
خيتةة
_يعني جاي تحطين شروط تعجيزية اليةة
منين يجي السند بيبي شو اني المجتمع العايشة
بيه كلة امثال وليد وربعةةة وتدرين بية اكره
الزواج گوومي لاتشلعيين گلبي
جمارة:: يبووو على يوومي والله مااجي بعددد
_ردت توسلت ساعة كاملة بست ايدها رجلها
ماكو قافلة حسستني هية ثگل علية وتريد تخلصني
منةة بچيت ملخت نفسي ولاتنازلت ابدد
دخل ابو هدوء والمديرة على الصوت
الزلمة توسل بيهاا تروح لبيتة ماكو معاندة
المديرة تطمن بيةة تدير بالهاا عليهاا بس
اني وين گلبي يريد ينفجر من القهر والبچي
اخر شي دارت وجهها وعافتني احجي وحدي
حلگي يبس وعيوني عمت وهية ماكوو سحبتني
المديرة وطلتني برة لان صارت هووسة
وابو هدوء وراي طلعت من الدار واني
احس عفت گلبي هناا عفت روحي وحياتي
عفت امي اي هااي امي هااي مو ذيچ
الطريق كلة دمعتي ما نشفت وابو هدوء
يصبر بيةة ويگلي كم يوم ونرجع لحدما نمللها
ترجع ويانة بس ووين اگدر اقتنع وين شلون
افووت للبيت وهية ماكوو شلوون ماتتلگاني
بضحكتهاا الحلوة ومن اطلع دعاويهاا الية
لحدما اوصل لباب الشارع لو من انقهر واروح
بحضنهاا يزيل كل حزني وقهري هية لصبرتني
فراگ ابوية وهونت علية غياب جوري هية
لمخليتني اتقبل اعيش بهاي الحياة شلون
تعوفني شلوون
راد ابو هدوء ابات يمهم ماقبلت تشكرت
منة ونزلت للبيت واني احس الشيطان
گاعد براسي دفرت الباب وطبيت ولچ
سهاااام شسووويتٓ بيةةة سهااام
كسرتيني دمرتنديني ولچ اخذتي مني
اعزاز گلبي جوري وبيبي شلووون اعيش
من دونهم شلووون ابقى مگابلةةة
وجهج انتِ وهذا الكلب رجلج وينچ تعالي واجهينيي
تعااليي، طلعت من الغرفة ورجلهاا وراهاا صاحت
سهام:: شبيج لججج شنوو ماتتت بيبتچ وتنوحين
_يومچ گبل يوومها كووون ولچ متقبل تجي وياي
متقبببل
سهام:: طبهاا مرررض شسويلهاا عساها لااجت
_ولچ يمةةةة دمرتيني والله دمرتيني بيبي
عافتني من وراچ شلووون تطلعيهاا مناا وتاخذين
بيت ابنهااا بشنووو مقشمرتهااا گليلي شلون تاخذين
البييت شنوو غايتچ من هذاااا كلةة
سهام:: هية برضاتها تنازلت اليةة لاتبقين تنعثلين
بالحچي خووش ترة اني امچ موو هيةة شبيچ
انتِ
_ساعةةة السودة لصرتي بيهاا امي ريتج ميتة
انتِ بذااك اليوووم ولاابووية ، هامت علية
تضربني لزمهاا الخيخةة مالتهاا
سهام:: عووفني اطيح حضهاا هالعايقة هااي
استهترت ام المطاعم
_من وراچ اشتغلت بالمطاعم والمدارس تحملت
الذلةةة كلة من وراچ تردين بس فلوووس
صديقاتي كلهن بالجامعة ومحتارت شنوو يليسن
باچر اني افكررر شوكت اگعدد حتى اولي وشوكت
ارجع اريد انااام افكر بجووري مدرري وين
ذبيتهاا بيا مصيبةةة لو بيبي ذبيتهاا بداار
العجزة چنةة مقبرررة متتحمل بيبي نفسهاا
عزيزة تموووت ولچ يمةةة تموووت امشي
وياي نطلعهاا
سهام:: اني اروح امداني اي والله ماعولت خلصت
منهاا نوب اروح ارجهاا بيدي
_تقربت منها اتوسل بلكت گلبهاا يحن، يمةة حبابة
حسبيهاا امچ والله بعد ماتسمعين صوتي ولااحچي
بموضوع جورر وارجع انطيچ مصرف بس امشي
وياي
سهام:: ابد لاتحاوليين حتى تعرفين ويامن تلعبين
مرة ثانية
وليد:: سهام خطية كسرت خاطري شوفي
هاي لعيوون الحلوة راحت مو حرام عليچ
سهام:: لاتددخل وليد هاي حية لايغرنك دموعهاا
تسوي لتريدة وينگلب هذا الوجه
_بعني هسةة شنوو مترحين
سهام:: لا وسدي هالموضوع اذا فتحتي اروح
للدار واخليهم يطردوهاا واوديها بمكان ماتندلية
وحق الحق اسووويها تكفي شرري شفققق
_باوعتلهاا بحقد وعفتهمم وفتت جوة وهية
تغلط علية وتتحسب على بيبي شمرت روحي
بفراشهاا ابچي
اخخخخخ شلووون انطاچ گلبچ گليلي شلووون
راح انام بدون مااشمج ولو ابوسچ شلون اطلع
الصبح ومااسمع دعاويچ الحلوة اليةة منو يگعدني
ويگلي تعالي تريگي وياي والله البيت اظلم من دونچ
والله
الليل كلة اني عيوني مانشفت ابجي واشم بهدومها
وغراضهاا وروحي ترووح لوجه الصبح يلة نمت
فزيت باوعت الساعةة ب7 گمت ركض غسلت
وبدلت وصليبت وطلعت بدون ريوگ رحت
اركض شافوني الولد انصدموو
حمزة شنو هاي وجهج شبيچ شفق
_شبيةةة
حمزة:: شايفة وجهج بالمراية لو لااا
_لاومااريد اشوف، عفتة ورحت مالي خلك
اخذ وانطي بالكلام اشتغل بسكتة يحچون
وياي ماارد عليهم كرهت كل البشررر
من بعدها
وقت الضهر دخلت اغسل حتى اكل شي من
البارحة مماكلة احس راح اوگع من طولي
غسلت وجهي رفعت عيوني على المراية
اخترعت من شكلي وجهي مصلوخ عبالك
لان البارحة ضربت على وجهي عيوني
البياض صاير احمرر وذبلانات نقهرت على
نفسي
طلعت اكلت شوية وكملت شغلي
مرت الايام واني كل يوم اروح للدار ومتقبل
ترجع وياي المديرة صارت تضوج مني واني
مااهتم بيبي صارت متطلع اليةة لان اتعبها
بالحجي شغلي بالمطعم مستمر
هدوء نجحت فرحت الهاا ورحت اخذت هدية
الهاا بس روحي خاوية تجي ايام اني مااحجي
ابدد نسيت الحچي حتى بالشغل بس بالاشارة
الناس ملتني وضاجت مني
بيووم شتاء والجو بارد رجعت بالليل احس
سيارة تمشي وراي خفت منهاا بس سويت
روحي مااهتم شووية وشخطت مني بسرعهتا
رعبتني حيل الله لاينطك ساااقط كلللب
بقيت اغلط واصيح عليه من حرگت گلبي
ركضت للبيت خايفة ودخلت بسرعة نمتت
هدوء احسهاا ابتعدت عني من اروح احسها
بغير عالم چانت طول الفترة ذيچ احسهاا
ضامة علية شي وخايفة من شي بس مااعرف
شنوو هو من احجي وياهاا تتهرب تگلي
انتِ بيا حال واشغلچ بمشاكلي..
بيووم تفاچت بيهاا تعزمني على خطوبتهاا
ومنين من الشيخ جعفرر عزة بعينچ هدوء
شلون صادت الزلمةة
بدلت لبست فستان احمر اشتريتة الصبح
ونزلت شعري ومكياج خفيف وطلعت
چانت دنيا المغرب رادتنتي من وقت واني
تأخرت عليهاا لان عزوز خبث وياي بالگوة
قبل اطلع قبل وقتي وهم خصم من اليومية
باوعت لبيت ابو عماد وشفتة طلع من البيت
عزززة هذا شجابةة هنااا..؟
شكرا لزيارتكم عالم روايات سكيرهوم
