رواية نصف عذراء الفصل السابع بقلم جمانه السعيدي
طلعت سجى من المستشفى وصحتها احسن بس ضايجه على طول
قرب موعد زواج مهند وندى وكملو كل التحضيرات
والكل مشغول
وندى طايره من الفرح
قبل زواجهم بكم يوم
اجا مهند الضهر اني ما ارتاحيت الجيته ابد
مهند جان يعرف سجى مستحيل تدخل بيتهم
وبيومها ندى وعمتي راحن يحجزن بدلات للحنه والعرس
مهند....عمه امي تريد وحده من البنات تساعدها بلشغل
ام فهد....بس ندى موهنا وسجى تعبانه بعدها من العمليه
بس نرجس موجوده
ام فهد...خاله نرجس ترحين تساعدين ام مهند
نرجس...هاااا ما اكدر
مهند...مو هيه تريد وحده ترتب غرفة النوم
نرجس...تجي ندى وتروح ترتبها
مهند...كم شغله عدها ما كاملات بعدهن
ام.فهد...روحي خاله شوفيها شتريد وارجعي بسرعه
قبل لايجي فهد لان هسه على وصول
ترا فهد مايقبل اطلعين
نرجس...هسه خل اجيب عبايتي واجي وراك
جمانه السعيدي
كانت خطه مهند يريد يستدرج بيها نرجس
بيومها ماكان اكو احد ابيتهم ابد
ابو طالع للمحل وامه وواحد من خوانه طالعه للسوك محتاجه شغلات للعرس
واخوانه البقيه طالعين يلعبون طوبه
وهو كان يحس نفسه مسيطر
وامامن اني اخاف من عنده
يعني لو شيسوي مستحيل افضحه
ولمن شاف البيت فارغ قرر ينفذ هاي الخطه الخبيثه
ولي مطمنه اكثر اني غريبه وماليه احد يدافع عني ابد
يعني يكدر ياخذ راحته واني ما افتح حلكي ابد
دخل قبلي للبيت وبدا يصيح يمه
يمه هاي نرجس اجت اتساعدج
اني اطمنت من سمعته يصيح امه
ودخلت لان امه جوا مستحيل راح ياذيني ابد
مهند...ادخلي امي جوا
اني دخلت وهو قفل الباب
اني اصيح خاله خاله ام مهند بس محد يجاوبني
دخل وراي وكال اليوم وين ترحين مني
عبالج ما اصيدج
صار ثلاث اشهر وانتي شالعه كلبي
نرجس...لا انت اكيد تخبلت
وبديت اصيح خاله خاله ام مهند
جمانه السعيدي
مهند...لوتصيحين منا الباجر محد موجود غيري بلبيت
نرجس...انت مريض شبيك مو بعد كم يوم زواجك
ندى شنو ذنبها
يتقدم عليه واني ارجع ليوره
مهند...وندى شعليها ندى زوجتي وانتي حبيبتي
نرجس...انت شرايد مني
مهند...سلميني نفسج بهدوء وراح انطيج المبلغ الي تطلبي
بشرفي ادللج دلال
نرجس....هي هي...منيلك الشرف انت لاشرف ولاذمه ولاضمير
مهند...ميخالف اغلطي عليه براحتج اهم شي اضوك هاي الشفايف والزم هذا الجسم الحلو وتامل عيونج
حتلو تغلطين عليه موافق
نرجس...شوف مهند...اموت نفسي ولا اخليك تقربلي ابد فهمت
قرب عليه ولزم اديه واني كمت اصرخ
خله ايده على حلكي واني دفعته وشردت
بهاي الاثناء وصل فهد للبيت اهله راجع من الدوام
بيتهم وبيت ام مهند الحايط على الحايط
فهد...متعود اول ما ادخل للبيت تلاكيني نرجس وتسلم عليه وتحضرلي الاكل
اليوم دخلت وهي ماكو بس امي
استغربت كلت يجوز تعبانه
بعدين ماكدرت اصبر متعود عليها
فهد...يمه وين نرجس
ام فهد...ام مهند دزت عليها تساعدها اجا مهند واخذها
فهد...بس اني من اجيت هسه بلسياره لاكتني ام مهند قبل عشر دقايق تمشي بلشارع
ام فهد...ايجوز كالتلها على الشغل الي تريدا وطلعت
فهد خل اروح اشوفها
نرجس مهند يجر بيه واني ادفعه واصرخ حسي انطبك ومحد يسمعني شردت وسحبني من ثوبي وشكه من جتفي التفتت بس دولكه كزاز على الكاونتر سحبته وضربته براسه
بهاي الاثناءبدت الباب تندك واسمع صوت فهد برا يصيح مهند
مهند...وينك افتح الباب
جريت نفسي منه بلكوه
فتحت شباك المطبخ واني اصيح فهد الحكلي فهد
وجه اتترس دم ومايقبل يعوفني
فهد ...ادك بلباب ومحد يفتحلي كمت اصيح مهند مهند
واسمع صوت نرجس اصيح فهد الحكلي فهد
صعدت باب الشارع وطفرت اباوع مهند لازم نرجس وهي تدفع بي
فهد...كمت اصيح بعصبيه عوفها عوفها نذل
افتحيلي باب المطبخ نرجس
نرجس...مهند من سمع صوت فهد عافني مديت ايدي بسرعه وفتحت باب المطبخ
دخل فهد واني بلا وعي حضنته واصيح
نرجس...دخيلك فهد خلصني هذا النذل يريد يضيعني
فهد...يريد يعوفني ويكتله واني اكله عوفه نذل مايستاهل
ادمر نفسك على موده
مهند....يمسح بلدم من كصته ويصيح..انجبي حقيره لزمته تريد تبوكنا ومن كشفتها رادت تنهزم جلبت بيها ضربتني بلدولكه على راسي
فوك شينها كوات عينها
فهد...ماكو غيرك حقير ونذل صارلها عدنا ثلاث اشهر وحلالنه مطشر كدامها مامدت ايدها ابد
انتي موكلت امي تريدها امك مو بلبيت اني شفتها طالعه
ولك على الاقل احترم الزاد والملح
ولك عرسك بعد يومين يا ماتخاف من الله
مهند...مع الاسف تكذبني وتصدكها هاي الساقطه الي جايه مدري من يا ملهى وانتم من طيبتكم لفيتوها
كدرت تضحك عليكم وتسوي نفسها ما تذكر
جمانه السعيدي
فهد..انت الكلام وياك بدون فايده
نرجس..اني واكفه وارجف من فوك ليجوه ومامصدكه
فهد خلصني
دنك فهد جاب عباتي ولفني بيها وطلعنا
قبل لاندخل للبيت كال لاتحجين اي شي
اذا حجينا يخرب العرس كله خطيه ندى مالها ذنب
ولكل راح يوكف ويه مهند ويصدكه ومحد راح يصدكنا
نرجس...اهم شي انت مصدكني وحميتني ما اعرف شلون اجازيك
هاي مو اول مره يتحرش بيه واني ساكته
بس هلمره تحول شيطان ويريد يدمرني
دخلنا للبيت واني كبل للغرفه ابدل ثوبي لان انشك
ام فهد...من ورا الباب هااا خاله اجيتي
نرجس...اي خاله بس ابدل ثوبي لان تبلل من الشغل واطلع
طلعت لكيت فهد يشعل جكاره ورا جكاره وخالتي خاله الاكل كدامه وهو صافن ومايقبل ياكل ابد
اجيت كعدت قريب علي التفت عليه بعصبيه وكال
فهد...انتي ليش رحتي ويا
نرجس...خالتي كالت روحي ساعدي ام مهند
ولله اسئلها هو اجا وكال امي تريد وحدا من البنات تساعدها
وخالتي كالت روحي وياااا
اصلا اني ماقبلت ابد
جمانه السعيدي
فهد...بعد ممنوع اطلعين من البيت اله اني او امي وياج فهمتي
نرجس...صار فدوه بسلا تصير عصبي وكمل اكلك
فهد...ما اشتهي شيلي من كدامي وجيبلي جاي
نرجس...هسه صار تدلل
طبعا مهند ضمد كصته وكال انجرحت بشباك المطبخ جان مفتوح واني ماشفته وضربني ونجرحت
الي مثل مهند لازم يتعاقب لان يتمادا بلزايد اذا واحد سكت عنه
بس اذا حجينا بيومها العرس يخرب
صار يوم العرس لوما استحي من خالتي ام فهد فلا اطلع بيومها
وفهد...بيوم العرس ما رجع ابد ومن يومها مايحجي ويه مهند
عدا هذا اليوم على خير والحمد لله
خالتي ثاني يوم العرس راحت وكالت تعالي وياي
استحيت منه
رحنا اني وياها نبارك الندى
هو كعد بصفي ندى حاضنها ويبوس بيها ويكول حبيبتي وعمري وروحي
وهي طايره من الفرح
هو على اساس يحرك كلبي
واني اكول ولله مسكينه ماتدري بي شكد حقير
على هاي سوالفه عندا بدال الوحده الف
رجعنا للبيت ولكيت فهد واكف بلباب بس دخلت خزرني وكال تعاي وراي
دخل للصاله ودخلت ورا
راسا زمخ بيه بصوت عالي
فهد اني مو كتلج لا اطلعين والنوب رايحه المهند
نرجس اني طلعت ويه خالتي وبعدين اني رحت الندى مو المهند
فهد انتي شنو تعاندين اكسر راسج ترا
نرجس انت كلت لا اطلعين اله امي او اني وياج
واني طلعت ويه خالتي اعتقد ما غلطت بشي ابد
فهد اي ما غلطتي لازم اعلكلج وسام
نرجس ولله حرت وياك
فهد لزمتها من ايدها قوي هاي اخر مره تعاندين
واذا ما تسمعين كلامي وتنفذينه
بيتنا يتعذرج
شوفي مكان ثاني وروحي اسكني بي فهمتي
نرجس راسا وكعن دموعي وما سيطرت عليهن
عفته ورحت دخلت الغرفه تغطيت وطكيت بجي
