رواية خيط الدم الفصل الثامن بقلم زينب طالب
صبر النوارس خلص
والنهر لمن نشف ما گال أرد يمته
................
هدوء
ام هدوء:: اليووم ام جعفر چانت عندي
وطلبت ايد هدوء لأابنها الشيخ جعفر
_ذبيت اللگمة من ايدي وگمت علي حيلي
وصحتتت عليچ الله يمةةة صدگ خطبنييي
اني اني مو غيري
نسيت نفسي ونسيت اهلي لگيت ابووي
صافن علية وامي خازرتني، استوعبت
شسويت اني عززة بعيني طگيتهاا
ركضة لفوگ مرتين ردت اوگع من الدرج
دخلت للغرفة وسديت الباب بقيت اكمززز
عزززز ولكم خطبيني يمةةة گلبي ولچ يمةة
لحگيي بنتچ خطبني انييي عزززة صدك خاف
جاي احلم بقيت اگررص بروحي اخخخخ لا
صدگ صدگ مو حلممم يمةةة والله عندج
حظ ولچ هدددوء خطبچ الشيخ بشحمة ولحمة
وعمامتة.
احس نفسي بحلممم مااعرف شسووي
اريد اصررخ من الفرحة بس اخاف من اهلي
يشمرووني من فوگ شفق وينج منين اجيبج
هسةةة لو هيةة مو بحالي هسةةة خليني افاجئهاا
ماطلعت اليووم كلة من الغرفة استحي منهم
امي صعدت دگت الباب مارديت عبالها نايمة
رجعت نزلت لوجه الصبح مااگدر انام وجعت
حيل باوعت الساعة خمسة الفجر ظلمة وباردة
لبست الفروة مالت ابوية خطية بايگتهاا منةة
بس شسوي بس هية تدفيني وخليت كلاو
على راسي ونزلت على كيفي اتسحب
دخلت للمطبخ اريد اسد جوعتي
فتحت الثلاجة مخلين اليةة اكل خطية
طلعت الطاوة بيها اكل حميتة وسويت چاي
وصمونة واكلت نوب سحبت الصمونة الثانية
هم سحگتهاا شبعت گمت خفيت اثار الجريمة
ورجعت كلشي لمكانة
وصعدت فوگ چان المؤمن يمجد توضيت
صليت ودعيت ربي يتمم الية هالفرحة هاي
بعدها گمت لفراشي نمت چفي على وجهي
واني احلم بشيخ گلبي
فزيت امي تنده بيةة فتحت عيني هاييووم
عوفيني حبابة باردة ونعسانة
ام هدوء:: گومي لچ الساعة ب12راح يأذن
الضهر لاتصيرين خايسةة يلة گعدي
_هاليش هيج اكوو وحدة تگول على بتهاا
خايسة هسة ازووج وعرفي قيمتي عندج
شابعتني حچي وتگرص واكرب من الصبح لليل
لزمتني من اذني اخخخ يمةة شبيچ
ام هدء:: عبالچ ناسية مال البارحة ولچ
فشلتيني گدام ابوچ نوب يحقق وياي يگلي
شنو بنتچ تحبة شو ردة فعلهاا قويةة
واني ابرر واحلف الة ماتدري اصلاً
شنو بلة معنى تصرفج هذا
ولچ گعدي سولفي يلةة لاتضمين
علية شي احچيي
_سحبت نفسي افرك بأذني متأذية
يايمةة على بختج شحچي قابل ماتدرين بية.
مرات اتصرف تصرفات خارجة عند ارادتي يمة
مو اني اسويهاا هذا قريني يمة قريني
ام هدوء :: ربي اروحلك فدوة على عطيتك هاي
هية هالوحيد واجتني بيها خيط خبال احمدك واشكرك ربي
گومي غسلي واكلي شي
بسررعة لاتضلين مچبخنةة
_ مچبخنة كلمة فريدة من نوعهاا اول مرة
اسمع بيهاا شنو معناهاا يمةة
ام هدوء:: لاخوش صرتِ مدرسة عربي
ربحنة والله يلةة گوومي فضيني
_عافتي وطلعت كمت بكسل والله النوم حلو
ترة حرام عليكمم
عدلت فراشي وغسلت وتلفلت زين ونزلت لگيت امي
منظفة ومسوية غدة صبيت وگعدت اكل
ام هدوء:: هاشو وحدچ تاكلين ماانتضرتي ابوچ
_ماما استحي من بابا والله البارحة مدري
شجاني خفيت كلشش
ام هدوؤ:: صدگ شبيج بس لاچنتي منتضرتة.
يخطبچ ولچ
_لايمة وين اعرفة اني بس گتلج ردة فعل
تعجبت لان گلتي راح يخطب هاي لبينة
جيرانة لعد ليش حول علية؟
ام هدوء:: هم سألت امةة گالت ماادري
بيوم ولية اجاني يگلي روحي خطبي
بنت ابو هدوء تگول اجيتكم ركض قبل
لايغير رايةة وين الگة احسن من هدوء
واسمها عليهاا ماتدري بيچ طگة ونص
_افففة عليچ اني طگة ونص اصلاً عقلي يوزن
بلد بس اني عندي وجهيين وجه يمكم وجهه
استعملة هناك يم الشيخ لايضل بالچ
ام هدوء:: والله يمة انتِ صلفة اني اعرف البنية
من يحچون بيهاا تستحي تخجل شو انتِ من
هسة شادة حزامچ هسة گليلي موافقة انتِ
ولو مبين ميحتاج اسألچ الجواب واضح
_لايووم عليچ الله سأليني اريد اجررب هذا.الشعور
منتضرتةة من زمان
ام هدوء:: بطلي تفاها وگومي طلعي الملابس
من الغسالة وشريهن وثگلي ترة الشيخ رزن
وتفكيرة يختلف ماادري شلون تتوالمون سوية
اشوفچ يردچ اليةة
_لايمة اعجبج اني اغيرة الا اطلع عينة
واخليه يصير مثلي ولبسة كلة افندي
نوب هو حتى للجامعة يروح بالعمامة
چنة ماشيف
ام هدوء :: ولچ شنو ماشايف بس هو
اكيد يروح بيها لغاية عندة وبعدين يفرض
احترامة هناك ولو هو مو باللبس بشخصيتة
ورزانتة فارض احترامة على الكل
_ هايمة شنوو خليتي عينچ عليه ترة
خطيب بنتچ
حچيت هيچ وشردت
لان شالت نعالهاا علية، طلعت الهدوم شريتهن
صعدت نضفت غرفتي وعطرتهاا واني مبتسمة
كلساع اشوف نفسي بالمراية الگة الابتسامة
شاگة حلگي وجهي احمر من الفرحة طبعا
مو من الخجل
خلصت بقيت ااگلب بالتلفون دخلت صفحتة
لگيتة موافق على الطلب ومجاوبني بلايك
عزززة شنو قصدة عرفني لو شنوو يمة يمة
لاشعرفني اكيد يضحك علية لو يجوز يحچي
وي بنات لاهو يستحرم لعد شنو معناهها
بقيت افكرر لحدما سمعت ابوية صااح علية
طفرت عززة بعيني راح يسألني والله عيب
استحي اشوفة هسة مو گلت لامي الايحرجني
يلةة صااح مرة ثانية نزلت بسرعة دخلت امشي
مدنگة ومستحية مدري شعجب
ابو هدوء:: تعالي بابا گعدي هناا
_تقربت گعدت يمةة، مسح على راسي وحچة
ابو هدوء:: بنتي كبرت وصار يجيهاا خطابة
يردون ياخذوهاا مني عزيزة ابوهاا ووحيدتة
_حصرتني البچية لكلامةة شگد حنين علية
كمل وهو يگول
ابو هدوء:: بس هاي سنة الحياة اني وأمچ
مادايمين الچ چنت ادعي من ربي يجيج الزوج
الصالح ليصونچ ويخاف عليچ والله استجاب اليةة
لأن ماتلگين نفس الشيخ جعفر ادب واخلاق ودين
وحسب ونسب كامل ولكمال لله عز وجل امچ
گالتي انچ موافقة اريد اسمعهاا منچ يابة
_نعگد لساني هيچ صعبة الكلمة والله استحي
احجي گدام ابوية حچت امي
ام هدوء :: يلة مو تردين تعيشين الشعور هاي
ابوچ سألج جاوبي وين لسانچ
_عزززة ليش هيچ يمةة مو ادري الامهات
ستر وغطة شبيهاا امي دومهاا فاضحتني
احچي بگلبي
ابو هدوء:: عوفيها يامرة لاتخجليهاا هاا
يابة شگلتي؟.
_بكفيلك بابا شتگول اني موافقة علية
حچيت هيچ وشردت اخلص نفسي وگلبي
يدگ سريع صعدت لغرفتي گعدت ايدي
على گلبي يمةة شلون شعور حلوو
يومين واهلي ردو الخبر الهم اتفقو الخميس
الجاي الخطبة والنيشان بيووم واحد بعد
ثلاث ايام ليش مستعجلين ماادري بقينة
نطلع اني وامي يومية نجهزز ام جعفر
جابت الفلوس تگول مااگدر اطلع وياكم
رجلية ماتعيني اشتريت ذهب وحجزت
الصالون واخذت الة حلقة بدون مااعرف
مقاسةة كملت كل غراضي
اجة يووم الخميس واني گعدت من الصبح
مثل الفراشة فرحانة حيل اليوم انعقد الحبيي
السري للأبد يمةة يصير الشيخ مالتي عزززة شگد
حلووو
رحت للصالون من الصبح راحت خالتي وياي
شفق تعبانة احسها فاصلة عن العالم حتى مارادت
تجي للخطبة بالگوة يلة الا گتلها تنتهي وياچ يلة
قبلت تحضرر
من خلصنة لبست فستاني لون ابيض يصير
ربع ردن وبيه نفشة خفيفة وسادة كلة
تسريحة نازكة شعري نازل ومكياج بسيط
طلعت غير شكل خالتي ضلت تصلي على النبي
بعدها اتصلت بابوية اجة اخذنة
گاعدة على الكوشة وسمعت صارت هوسة
يعني اجوي ارتبكت حيل
دخلن النسوان يمنة بالصالة واصوات الزلم
بالاستقبال كلهن دخلن جانوا ناس راقين حيل
ولبسهم كلة محتشم گعدوا بهدوء تقدمت امة باستني
وحچت بوجه بشوش
ام جعفر:: يمة فدوة لعروسة ابني تخبل عين
الله تحرسچ يووم
_ابتسمت بوجهه بخجل علت اصواتهم صاح
ابوية حتى اتقدم يم الباب گومتني امي
گعدت واني عيني على الباب منتضرتهاا تجي
مااريد اعقد الا هيةة يمي وينچ وين صرتِ
دخلت علية چانت عصبيةة وتعدل شعرهاا بقوة.ابتسمت شافتني اجتي تركض حضنتني
حيل
اسفة تاخرت بعدين اسولفلچ خوما عقدتي ولچ
_لالا همزين لحگتي، حچة السيد وبدء بمراسيم
الخطبة سألني
بنتي هدوء هل تقبلين بجعفر كاظم زوجاً لك
على سنة الله وروسله وعلى المهر المتفق بينكم
اذا قبلتِ قولي نعم وانت وكيلي
ثالث مرة يلة رديت
نعم وانتَ وكيلي
وراها صار يسأل بيه وهو يجاوب لحدما سألة
ورد علية قبلت الزواج
صارت صلوات من الزلم وهلال من النسوان
نزلت دمعتي حضنتي شفق وهيةة تبچي
ولچ مبرروك مبروووك يروحي الله ماراد
يلوعچ قرب حبيبچ منچ بالحلال
واني مااگدر احجي مخنوگة صارن النسوان
يباركن اليةة صاحت وحدة الشيخ يريد
يفووت سون طريق ارتبكت كومتني
شفق
رجعتني للكوشة رتبت شعري رجعت رشت.
الية عطر وباستني ووگفت قريب مني
دخل هو رفعت راسي شفتة چان لابس
صاية وعباية ابيض وعمامتة البيضة
زايدة جمالة وساعتة الفضي مع السحبة
والعطر يهف منةة
تقرب مني واني صافنة علية
حسيت گرصة بزندي
شفق:: نزلي عينج وثگلي فضحتيني
_دنگت بسرعةة هو گعد يمي حسيت جسمي
احتر بعز الشتاء مااگدر ادير راسي بعدد
شفق منا وهو مناا استحي اجت امة شايلة
الذهب
ام جعفر:: تفضل يووم لبسها حبيبي دناخذلك
صور بس گومو اوگفوا وگف عروستك ابني
_مد ايدة اليةة يگومني استحيت الزمهاا تقرب سحب
ايدي بهدوء گومني وياه خليت عيني بعينة
نضرتة چانت جامدة ماعرفتهاا شنو حسيتة
ضايج او مغصوب علية ابتسمت بوجهة
بادلني بأببتسامة خفيفة
لبسني الذهب يتصرف بهدوء بدون صوت
ارفع راسي الگاه يباوع علية احس گاعد
يدرسني بس شگد حلو ابن الحبابة كون اروح وياه من هسةة
امة صارت تهووس حبها ولك حبهاا ولتخاف من امهاا
حچة هو بضحكة خفيفة صوتة الهاديء
يجامل والدتة
جعفر:: ها حجية صايرة تعرفين تهوسين
ام جعفر:: شعبالك لعدد اذا بعرسك مااهوس
شوكت تريدني اهووس ديلة بوسهاا دناخذلك
صورة
باوع بعيني شافتي ابتسم رد على امة
جعفر:: لاحجية خطية مأاريد احرجهاا
ام جعفر:: لالا متنحرج يلة تعالي زهور
صوريهممم
_اجتي بنية لازمة الكامرة وتصور بينة،
تقرب لزم اديه اثنينهم قربني عليه رفعت راسي
اباوع بعيونة چانت بيهم اسألة وحيرة ونضرة باردة
لزم راسي وباسني من گصتي وابتعد بسرعة
غمضت عيني استنشق عطرة مالحگت بسرعة
ابتعد
صاحن عليه النسوان
هاشيخ هااا حلالك الجووو يلة اطلعع يصحون
عليك اطلعع
نهض بسرعة مستحي يمسح بگصتة
جعفر:: طالع يابة طالع سون طريق
_طلع بسرعة وعيني وراه سحبتني شفق گعدتني وتحچي بأذني
شفق:: شبيچ ولچ سنحتي ولچ هدوء دومچ
مفشلتني ثگلي حبيبتي ثگلي
_هاي شبيچ شسويت قابل غير علمود الصورة
شفق:: اي خطية علمود الصورة اگص ايدي
اذا متردين ترحين وياه هسةة
_عززة شلوون عرفتي
شسفق:: تربيتي غيرر
_لعد اذا تربيتچ لاتحچين عليةة
شفق:: منو گلچ اعرف اربي تربيتني سگط نفسچ
_درت وجهي منها اضحك بقن النسوان يمنة
شووية وصاحوا عليهن تقربت امة مني باستني
ولزمت وجهي وتحچي بحنان
ام جعفر:: الف الف مبروك امي يجعل
ايامچ كلها فرح وسعادة انت والشيخ
فدوة لوجهج الحلو
_ابتسمت بخجل وحچيت شكراً خالة
ام جعفر:: حبيبتي فددة شگد خجولة ابني
محضوظ بيچ والله
شفق:: هية هم محظوظة حجية وين تلگة احسن
من شيخ جعفر المنطقة كلهاا تحمد بيه
ام جعفر:: اي والله ابني درة الله يرضة عليه
يلة اروح اني واجيكم بس افرغ من الخطار
_الله وياچ خالةة، راحوا الخطار فرغ البيت
اخذنة صور اني وشفق بتليفوني اجة ابوي
تقرب مني باسني وحضني
ابو هدوء:: عزيزة ابوهاا طالعة تخبلين الف مبروك
يابة
_ الله يبارك بيك حبيبي باوعت لشفق عينها
مدمعة غيرت الموضوع
اكلچ شفق مو ترحين وتعوفين الهوسة
عليةة انضف يلةة خووش
شفق:: اي عيني ادللي عروس مااگدر ارفضلچ
طلب
_عفية يلة خليني ابدل واجيج، صعدت بدلت
بسرعة ونزلت بالمكياج وتسريحتي نضفنة البيت
وامي ويانة للساعة 11يلة خلصنة بقت بس الكوشة
باچر يجون ياخذوهاا اهلي دخلوا لغرفتهم
واني صعدت راسي احسة شكبرة من التسريحة
فتحتها بصعوبة ومسحت المكياج ودخلت اسبح
سبحت بسرعة وطلعت مشطت شعري ورطبتت
وجهي وتلفلت بالبطانية ورحت بالنووم
فزيت الفجر التليفون يدگ فتحت تك عين
باوعت رقم غريب منوو هذا يدگ وجه الفجر
غلقتة ورجعت نمت
الصبح كالعادة شغل وتنضيف وسوالف اني
وامي اجة ابوي تغدينة بعدها نضفقت المطبخ وصعدت لگيت نفس الرقم يدك علية فتحت
خط بدون مااحچي اجاني صوتة
شيخ جعفر :: السلام عليكم اني جعفر
يابة
_ تلعثمت، رديت عليه ها اهلا بيك شيخ
اعذرني مااعرف رقمك
شيخ جعفر :: عادي يابة شلونج ان
شاء الله زينة
_الحمد لله بخير
شيخ جعفر :: دگيت الفجر ماشلتي گلت
نايمة حبيت اگعدچ على الصلاة
_هاا اي نايمة اني اوقت التليفون بس
اذا تعبانة مااگعد تفوتني الصلاة
شيخ جعفر :: بس ماكو احلى من الصلاة
والناس نيام وتناجين ربچ بهذا الوقت المبارك
_اي والله صحيح كلامك بس اوعدك راح
انام من وقت حتى متفوتني
جعفر :: خير ان شاء الله
_سكت شوية وراهاا گال
جعفر :: هدوء انتِ السنة دوام جامعة
صحيح؟
_اي شيخ
جعفر :: عوفي كلمة الشيخ ناديني بجعفر
_ان شاء الله بس اتعود
جعفر :: يعني مابقى شي لدوامچ
_اي مابقى شي اقل الشهر
جعفر:: عندج اشكال اذا حددنة موعد الزواج
قبل الدوام حتى لاتضطرين تاخذين اجازة
بعدين؟
_اجيت اگلة تعال گبع واخذ صدگ جذب بس
تخيلت گرصة شفق ونعال امي لزمت نفسي حچية
بانوثة بكيفك
جعفر:: على بركة الله ان شاء الله قبل الدوام
نتزوج وشنو تردين گولي واذا تخجلين مني
بلغي الوالدة واني مااقصر وياچ
_لاممحتاحة شي شكرا شيخ
جعفر:: هههه هم رجعنة على الشيخ يلة
تتعودين تتعودين هسة اني اروح بس
قبلهاا راح ادزلج فيديو شوفيه وتمعني
بيه زين وگليلي صحيح هذا التصرف
لو غلط؟!
_تمام دزة مع السلامةة، سديتة منةة واني
ابتسم انتضرتة يدز الفيديو
حفضت رقمة عالواتساب
مخلي صورتة تخبل بقيت اباوع بيهاا شو تأخر
مادز فتحت الماسنجر والگاه داز هناا
عزززة يعني يعرف هذا حسابي يمة يمة
امداني امداني هسة شيگوول هاي تراسل
ولددد خرررب مديت ايدي ضغطت على
الفيديو ويارت مافتحتة عزة بعينچ هدوء...
...........
جوري
بس عبرت الباب بعدني مواگفة صار صووت قووي
باوعت هاي مخلي مثل الجرس بالباب بس ينطخ
يصدر صوت قوي نفس سيارة الشرطة من خوفي
طگيتهاا ركضةة
اركض والمطر ينزل علية سمعت الباب نفتح
سرعت ركضتي بطني صارت توجعني قووي
رجلية ماتن قويت ركضتي وگعت على وجهي
اخخخ ياابةة رجلية تزلغت نهضت بسرعة
وكملت ركض باوعت منا ومناا چان الشارع
فارغ يخوووف سيارات قليلة تمرر
وگفت على الشارع أششرر للسيارات محد
توگف اخرر شي مليتت صرت بنص الشارع
اجت سيارة سريعةة دگ هوورن قوي ماخفت
يمكن بذيچ الساعة فكرت بموتي غمضت عيني
وتشاهدت حسيت روحي نسحبت من.ايدي حيل
باوعت ولد لابس عسكري سحبني للسيارة
شمرني بيهاا صااح بالشرطي لگاعد ورةة
اصعدد گداام خليني اشووف هاي البلووة
نزل هذا العسكري صعد گدام واجةة هو دفعني
وصعد يمي لزگت نفسي بالباب حيل نزلت دمعتي
خايفةة عفية سيدي والله كلشي مامسووية
ليش صعدتني هناا
::بلا بچي احچي بسررعة وين طالعة بهذا
اليل وين اهلچ عنچ ليش تردين تنتحرين اححججچي
_عااط بية خفتتت والله ابوي ميت واختي
مخطووفة وامي زوجتني لرافد لان يريد
جهالل بس مرتة حقيرة يومية تضربني
واني شردت منهم والله سيدي وهو ميدافع
علية طلي بيد مرتةة ويخااف منهاا بس هية
صدگ تخووف بس ابوية يگول الزلمة ميخاف
موو صح؟
چنت احچي بسرعة وهو صافن علية من
خلصت حچة وهو يحاول يخفي ابتسامتة
:: لاانتِ متعبين بعدني ماحچيت قصيتي
سيرة حياتچ اذا اضربچ راجدي شتحچين
، بس شلون تطلعين بهالوقت
متخافين ولد الحرام هواي
_سيدي همة حابسيني حتى چلب مخلين
بالباب خاف اشرد وهاي غصون حتى الاكل
حرمتني منةةة هذا الطفل راح يطلع بيه توحد
وضعيف ويمكن ومخبل لان عايشة وياهم
:: والله يابة انتِ سينماا وين بيت رافد خليني
ارجعج الةة لايبلغ الشرطة عليچ ويحبسووج
_صدگ لاسيدي عليك الله غير انتو شرطة
لاتحبسوني رجعني يم غصون بس لاادخلوني
سجن اخااف حچيت ونزلت دمعتي واني
اتخيل افوت سجن ويلبسوين هاي البدلة
الحمرة نوب يعدموني
__لالاتبچين ماادخلين سجن راح ارجعج لزوجج
بس بعد لاتعيدهاا وهاي امچ ماعدهاا خبز
مزوجتج بهذا العمررر
_لا والله عدنة خبز بس اتگلي احسلج
ماتدري بيةة ماكلة نعل هناا، فتح عيونة خزرني
خفت منة صاح بصديقةة
::حمودي سووق وانتِ گليلي العنوان بيسرعة
اهرتيناا ن
_أشرتلة لان مابعدت من البيت حيل
مد ايدة لزم شعر وسألني
هذا شعرچ لو باروكة؟
_لاسيدي شعري
هز راسة وسكت ووصلني للبيت لگيت الباب مفتوح ورافد واگف ويمة.
الحرس يمكن مخابرهمم من شافني نزلت هجم
علية ختلت ورة الضابط رفع ايدة گدامة يمنعة
صاااح بيةة
رافد:: لچ كلبةةة وين طلعتٓ اليوم موتچ على
ايدي
::صوتك اخي لاترفع صوتك بحضورنة شنو
تقتلهاا البلد سايب هذا اعتبرة نوع من التهديد
اذا صار عليهاا شي يعني انت الفاعل
رافد:: لاسيدي بس حچيت من حرگت گلبي
بعدين هية زوجتي شلون أذيهاا بس
طلعت من البيت بهذا الليل وحامل بأبني
خلتني حاير بزماني وين اروح ترضاهاا انتَ
::لا تصرفها غلط لكن بعدها صغيرة ماتحكم
تصرفاتهاا سامحها هالمرة ودير بالك عليها
حتى ماتكررها بعد بعدها ندار عليه وگال
يلة يابة روحي يم زوجج
_خفت اتقدم بس استحيت لازمة بملابسة
من ورة تركتهن وتقدمت ركضت للبيت
وهمة بقوو يحچوون صارت غصون بوجهي
صااحت
غصون:: هاا ولچ مواعدة منوو بهالليل والمطرر
_مواعدة اخوچ الاغممم خليتها تشيط
دخلت وقفلت الباب علية وهية بقن تصيح
دخل رافدد فلش الباب راد افتحةة واني
غلست غير يموتني هسةة
شوية مل وراح گمت غيرت هدومي وتلفلت
رجلية يصلن علية وبطني توجعني هسة
بلة شنو استفاديت من طلعتي بس الأذية
والتعب واكيد راح احصل كتل ورزالة
بين تفكيري عيني راحت بالنووم
الصبح گعدت على دگة الباب اسمع
صوت رافد يحچي
رافد:: جوري وينچ فتحي الباب خليني
اطمأن عليچ قبل لااطلع
_يحچي بهدوء خايف تسمعة السعلوة
گبرر شكد خيخة لو تموت ماافتح عفتة
يلغي وحدة ورجعت نمت، گعدت على صوتهاا
غصوت:: گعددي لچ گعددي فتحي الباب كافي
نووم
_يمةة بس هية لتخوفني فزيت فتحت الباب
سحبتني من شعري تعت بيههه
غصون:: شايفة بيش الساعةة شنوو ولچ
تردين اني اخدمچ گومي گومي كافي خيسة
نظفي البيت وسوي غدةة بسرعة اخوية راح يجي
_اااييي هدي شعري شبيچ احچي بدون ضرب
والله شعرب تگطع الااگصة يلة ترتاحين
غصون:: تعالي اني اگصة الچ
_سحبتني منة تمشي بية تريد تجيب المقص
واني تسودنت ضليت اگمززز، عوفيني يمة شعري
وخرري عنييي سحبته من ايدهاا حيل طارت منة
خصلة وركضت منهاا خايفةة
غصون:: هاا مو تردين تگصية ليش شردتي
جيبي خليني ابترة هذا لتشيمين بيه
_والله الا اندمچ اني الچ واذا تمدين ايدج
علية بعدد اردهاا الچ ومااخاف العجوزز
العاجررر، تسودنت اجت تركض علية واني
ركضت دخلت للغرفة وسديت الباب بقت ادگ
غصون:: طلعي ولچ طلعي الفاهيةة ولچ انت
تعيريني وتتجاوزين اليووم انهيج ولچ
اليووم موتچ على ايدي ولچ جووري
تغلطين عليةةة يمةةة سودة بوجهي
انتِ الفرخةة تغلطيني علية امداني كووون
طلعيي
_مااطلع وليي منا ولي موتيني الله
لو ياخذني لو ياخذچ واخلص منچ الااخذ
رجلج وبيتج منچ اني الچ بسيطة عبالچ فقيرة
مووو الا اتوبچ مني العجيزززز
غصون:: يبوووو على يومي يمةة بگد زري.تهددني
يمةة تاخذ تعب عمرري تريدد امداني كوون
_ضلت ادگ وتلطم واني ماي بارد نزل على گلبي
سمعت صوت اخووها اجاهاا
غالب:: شبيچ يمعودة شيبچ صوووتچ واصل
للشارع شكوو تنوحين
غصون:: خووية الحك عليةة عالو بيةة ولك
هاي الجاهل تهددني ولك تعيرني تگلي العاجر
ترضاهاا علية ترضاهاا
غالب:: صدگ تحچين من وراهاا هيچ صاير
بحالچ هسةةة اشگهاا الچ وصلتين لاتبجين گومي
مااعرفچ هيچ لاتخليني افووت الهاا هسةة
اخرطهاا گداممچ
غصون:: ولك تعال ليةة گومني رجلية ماتن
الله لايطيهاا تعال عيني ولك
_اسمع بية يگومهاا اخذهاا للغرفة لان الباب
نطبگ بقيت الووب هذا واحد ساقط عندة استعداد
كلشي يسوي حتى يأذيني بس شحدةة غير اگل
لرافد علية ولو هو رافد هم محسوب علية
زلمة
بقو هواي بالغرفة واني روحي تلوب شيسون
ذولي فتحت الباب على كيفي
وطلعت من الغرفة اتسحب
حتى اسمع شنوو يحچون گلبي
مامرتاح الهم، تقربت خليت
اذني على الباب چانت هي تشجع بيه
_ گتلك هاليومين تخلصني منهاا بعد
مااتحمل بده يميل الهاا اخاف تاخذه
مني
_ تدرين اذا نكشفنه نضيع شوفيلج
طريقة غير القتل
_ اسمعني زين ماعندي غير حل
لو اقتلها لو اضيع اني وانتَ تضيع وياي
_ شلون فهميني احسج راح تجيبين نهايتي
_ قبل لاهي تجيب نهايتنه طاوعني متخسر
وخلي التخطيط عليَّ انت بس تنفذ
_رجف گلبي لكلامهم چان كله الغاز تريد
تقتل منووو معقولة يقصدوني اني ؟
رجعت بسرعة خايفة من سمعت صوتة
يريد يطلع دخلت وقفلت الباب گعدت على
الچرباية روحي رايحة وجسمي يرجف من الخوف الكلام.السمعتةة وحدة كفيل يخليني ارجف
معقولة توصل بيهاا تقتلني مثل ذيچ لبنية
لا يابة متسويهاا وليش متسويهاا شنو تخاف
لو تستحي والله تسويهاا وتسوي الاكبر.
منهاا
يومين ضليت خايفة منهاا باب الغرفة
مااطلع منة بس من اجوع اطلع اكل بسكوت
وارجع هية تشوفني وتغلس مني مدري شعجب
بعدهاا صارت تتجنبني متحچي وياي تصيحني
على الاكل گدام رافد تسوي نفسهاا تخاف على
الطفل تصرفتهاا عجبتني
رافد مكيف بيهاا يگلها واخيرا عفتي الغيرة
وباوعتي من زواية ثانية هذا الولد راح يجي
ينور حياتنة وهية ترد عليه كلامك صح بس
الغيرة عمتني منا وجاي تشوف غير غصون
خلتني امن وانام واني مرتاحة بلكت حن
گلبهاا وماچانت تقصدني حاولت اكذب
اذني واصرف الاوهام عني صرت اسايرهاا
اريد حياتي تمشي تعبت من الضرب والأذية
بس ماعرفت المظموم الية شنوو بوحدة من
ليالي الشتاء الباردة نايمة بغرفتي بعمق
حسيت الباب نفتح ونسدت بسرعة الغرفة
ظلمة مااشوف غير شي بسيط باوعت
غصون وغالب شغلت الضوة چان شكلها
شيطان متجرد من الرحمة باوعتلي بحقد
حچت
غصون:: هسة اجة وقت الحساب وكلمن
راح ياخذ حقةة
_مافهمت قصدهاا ردت اكووم اطلع لزمني قوي
حاولتي اصرخ سد حلگي تقربت مني طلعت
كيبل كهرباء من شفتة ارتعبت صارت تضربني
بكل قوتهااا ويا كل ضربة روحي تصعد للسماء
وهذا مقيدني لااگدر اصرخ ولا اتحرك احس
الجلد گام يوگع وين ماتجي ايدهاا تضربي
مارحمت لاصغر سني ولا ضعفي ولاابني
جسمي خدر من الضرب دم صار ينزل من كل
صوب بجسمي لسق حلگ وعافني اصارع
نوب سحب ادية وشدها ليورة احسهن نسكرن
ضليت مثل السمچةة اتلوة بمكاني سحبتني
من شعري وصارت تضرب بوجي بكل قوة.
خشمي صار ينززف دم عيوني صرت مااشوف
بيهاا تقربت مني وحچت بخبث وهيو تمسح
على بطني
غصون:: وهسة صار لازم نخلص من هذا النونو
ونصير اثنينة عواجرر
_باوعت الهاا ودمووعي تنزل اهزز براسي لالا
باوعت لغالب چان واگف متفرج مخليهاا
براحتهاا ردت منة ينقذني بس چان گلبة حجر
اكثرر منهاا
صارت تضربي على بطني بكل قوتهاا احس
روحي طلعت اخرر شي گامت وداست بكل
ثگلهاا على بطني حسيت بوري دم صار
جواي بعدها شالت العودة وضربتني
بقوة على راسي عيوني غوشت الدنيا سودة
صارت فقدت الوعي وماحسيت على اي
شي بعددد....
شكرا لزيارتكم عالم روايات سكيرهوم
