رواية اصفاد الود الفصل الثامن بقلم زهرة الرمان
جواد:
ملثمين بيهم اربعه وقند وراي ترجف من الخوف ع أهلها رديت عليها
ردي ودي خليني انه اروح لا يلوحج شي
قند:
وياك جواد لاتكلي ردي
جواد: اكلج ردي خليني اهم بذوله لا تخلين عكلي وياج
دفعتها بهيده وأخذت ربد واعرف ما يردهم وطلع سعدون رمه جيله ركضوا وركضت وراهم كلت ميت عدل اسحل واحد منهم ولا يشردون مانعرف منهو السوه هيج ركضت ورا واحد طب بجاده (الجاده دربونه)
بكل حيلي وصلتله دفعته حيل ماعده تفگه لفيت اديه وطكيته لما حسيت رخت ايده بيدي سحبته لبيت سعدون فحطان وصلت لبدايه الجاده وصلني سعدون حافي
اخذه مني واجت ام غالب بيدها مشعل
بباب بيت سعدون وحلينه لثامه مانعرفه
سعدون:. احججج منهو الوياك وعليش رميتو جيلات ببابي
__انه مالي خص مالي خص
سعدون :
خلص روحك وكلي منهو وياك
__مممحد
_جواد: وطكيته حيل حت يحجي
سعدون :
روحي ام غالب اخذي البت وروحي خلينه وحادنه
احج لا بوشي للسجن وهناك هم يخلونك تزوع مصارينك
جواد: عمي خل ناخذه اخييرله
__موش انه والله جلاب وياي والله جلاب
سعدون :
لا يمنعول السلف وانت شتعودله
__رفيجه والله
سعدون: منهوو بعد وياه
__نفاع :
سعدون :
اربطه جواد اطي ميه وخلي للصبح انطره
جواد بقيت للصبح كاعد لحد ما صار الصبح اجه سعدون صبح عليه كال ضل هسه جاي
شويه واجو شيخ الولايه وابو جلاب جايبيينه بس جلاب مالاكينه يم اهله
شيخ الولايه اخذ هذا اللزمناه وراحو انه بيومها كال سعدون ارتاح لاتطلع وهو يروح ويرد ماعرفت وين
ثاني يوم اجه غالب كال ابوي يريدك
ها عمي امر
سعدون: انه صرت ما أمن عليكم هنا من هالناس
وما عدي گلب يحمل يوميه واحد مسويله دكه بيه
انه قررت نشيل لل.....
ديره بعيده ومامش لا عمام ولا ناس طماعه
جواد :
عمي وشغلك وناسك
سعدون :ننكلهن هناك موش صعبه
ام غالب :
اخذني كوم عضام ما انكل منا بيت اهلنه وكبرنه بيه وصرنه بيه شنهي جم فرخ يخوفنه
تستمر القصة أدناه
سعدون: وانه خوفتي على روحي لو ع عيالي عليكم
ام غالب:
مابينه شي جم جويهل هلعلبت جوله بعد من يجرا يعتب هنا
سعدون: ولج يمره الفكر مر والناس الفكور حسبالهم انه متورث موش لام العانه بتعب وعيونها علينه
ام غالب :
جلاب لأن ما اطيناه مره وانطرد تلكاه شرب عرك وسكران واجه يهبد هنا
سعدون: ولج جيله لو صايبه غالب شنهي البيت يفيدنه ولج خلينه نولي منا
ام غالب: هو لو رايد يصيب جا صوب هيج بالهوه تخوف طكاله جيله جا شنهي خوفك
جواد :
رفضت ام غالب تشيل
وشدد سعدون عليه ابقئ نوبات افز وهو ينام لو بالعكس ناخذ خفارات على البيت اول مره اشوف سعدون مامرتاح
اليوم أجيت من الشغل لكيت قند تحوس
هاا شنهي مالج كعده
قند: شو روحي لايبه
جواد: شبيج خافن مهوطويبه
قند: ردت تجي واريد اروح لأمي
جواد: اخذتها لبيت سعدون
ورديت للشغل بليل أجيت تلكاني غالب
غالب: شتطيني اذا بشرتك بشاره
جواد:. على كد بشارتك يطلب لسانك اطيك
غالب:. قند ببطنها جاهل
جواد :
حبله
فرحه مالها وصف اول جاهل مستحي من أهلها اخذتها للبيت باركو بس انه اول ما دشينه لبيتنه
بقيت اركصلها واضحك يجويد رايح تصير ابو وهله وهله.. بقينه كم يوم ونوينه نروح لهلي احنه بين فتره وفتره من يجي معاشي اخذ منه جم فلس اوديهن عونه لأبوي لخواني أخذت من شنشل معاشي
أول مره كلت كلت السعدون اودي فليساتي بيد السايق مارضه كال ماعدي شي انه انطر واخلي واحد من العمال يراوح بحراسه الدار
ورحت انه وقند كالت خلني يم امي
رحت وحدي هم اشوف اهلي وصويحبي گاطع
لكيت اختي يردون يمشون عليها ابن خالي جان السايق جايب مكتوب ان اختي رايدين يمشون عليها
ضليت لحد ما صارت خطبه اختي صارلي ثلث ليال رحت لكاطع لان الفجر اروح لبيتي بقيت وياه شواي وانوب رحنه لابوه يم الشط واشوف ولد يشتغل بالمغازه ويانه اسمه موزان هذا شجابه كريت اله ردت اسلم عليه بجه
. موزان: جواد الحك سعدون وعياله بالمستشفى
جواد اريد اشوف دربي ماحسيت الا گاطع يمي
گاطع: بويه رد لبيت ابو جواد كللهم محترك بيت سعدون وعياله كله بالمستشفى خلهم يجون ورانه انه رايح وي جويد تسودن ايوي رد لهل جواد وانه لازم جواد وهو ود وده يمشي كبل الربل وينشد بموزان
موزان َالبارحه بليل احترك بيت عمي سعدون رحنه للبيت كل العمال لكينه شنشل ناخذهم للمستشفى
جواد: موزززان ميتين احج..
موزان والله شنشل كال عدلين
جواد وصلت بس اهيس نار مشتعله بيه وگاطع لازمني
على المستشفى شفت شنشل جاعد
هااا
احجججج
شنشل البگه براسك ام غالب ماتت
سعدون عدل ومرتك وغالب عدلين والله لزمني ويهز بيه احج الصدك شنشل
جواد: فقدت سيطره روحي ماشوف بعد شنشل يبجي ركضت دشيت
يدليني بيهم شنشل دشيت اول مره على قند محروكه رجلها وشواي من ايدها عدله
قند هااا قند شصار قند
قند
جواد امي وابوي جواد شوفهم مالي احد يشوفهم ويكلي عدلين لولا روح انه ما متت اخ بويه سعدون بويه
جواد طلعت لكيت غالب مابيه شي
اخذني شنشل السعدون لطمت اديه ثنينهن ع وشي كعدت بالكاع صرخت عمي ابو غالب عمي
شنشل كوم ولك كم امشي يمه يريدك
سعدون
جويد غالب بامانتك وقند بامانتك وكل الفوكي الحدري تلكاه يم سيد غريب نسيبي صار جم يوم اطيته كلشي يخصني
جواد عمي انت هسه أطيب كلي عمي منهو حرك دارك
سعدون ماشفتهم ماشفتهم البيت ورث بدقايق ما لكيت مجان ينطلع منه حاركين داير ميدور البيت. وج كله بفرد مره
جواد
عرفت ام غالب ميته خنك من الدخان بس بعدها قند ماتدري خفت عليها
خليت موزان يروح لبنات عمي سعدون يحضرن اهلهن
شنشل حضر لجنازه ام غالب لما يجن بناتها
وبالي يم غالب من ينشد ع امه شنهي العذر الاكله عليه بعده يم سعدون سعدون صارت روحه بغالب وعرف قند محروكه ايدها ورجلها بس حلفني عايشه كتله اي
سعدون :
شنشل وعمتك ام غالب شحترك منها
شنشل: عمي بس رجليها ماتكدر تجيك
سعدون :
قند: جواد قند حبله روحلها
جواد :انه ردت اهد المجان اختنكت من نشد ع ام غالب طلعت شفت بنات سعدون ونسابتهم
اجه رماح رجل بت سعدون خير
رماح: دير بالك ع البنات امهن راحت ارحمه الله ولا تخليهن يكولن لقند محتركه
ظلو هنا انه رايح
رماح وين تريد يخوي
جواد عدي سالفه اكضيها واجي الوادم هنا بامانتك
تعال گاطع
گاطع: هاا وين هسه
جواد لبيت جلاب اله احركه ومحد يطفي الليله اخذ حك سعدون كبل لا تندفن ام غالب
طلعت لكيت بيت جلاب بس ابوه
تعااال تعال هنا
ابو جلاب :
شمالك
جواد ماتدري لابنك وين موش شوف بيتك احركه اليوم اذا ماتطيني جلاب
مشهد عليه الديره كلها من رمه جيلات على بيت سعدون وهسه صارت بيها مرت الا جنازته اخليها محد يلمها شوف دم ابنك مهدور وين ينلكا احركه
انه وگاطع طلعت صارت ليل رديت ادور بيا خماره الكاه هو لو شلته حتى اخذه مالهم إثر ضليت افتر وحالف ما تندفن مرت سعدون الا حارك جلاب
گاطع امشنه جويد نرد هذا اضن دره وضم روحه امش خوي ولك يبس ريگگ من الفجر لهسه حتى ميه ماحطيت بحلكك
جواد: گاطع سحلني واخذني للمستشفى لكيت ابوي جاي
والناس ملمومه شنهي رماح طلعت جنازه ام غالب
شو دنك شنهي السالفه المن واجفين (واكفين)
ابو جواد :
البگه براسك بويه
جواد :
بويه متنام عيني الا اخذ حك ام غالب من عيونهم
شنشل ولك جويد راح عمنه الجان لامنه
جواد: ولك شنهو شنشل سعدون عدل خليته الصبح عدل وركضت مامش
رماح تعال تعال جواد عمي سعدون انطاك عمره وغالب اخذوه حتى يلهونه ومرتك ماخليناها تعرف لهسه
جواد :
سعدددون شلون عمي تروح عمي لاتلزمني ولك گاطع ولك عمامي ماوكفو وكفته اليه شلون عمي تهد غالب عمي
گاطع: كوم ولك كوم بسك كافي موتيت روحك تلطم ع وشك
جواد رحت اشوفه الحرك كلف ومات اضنك عمي ماردت تفارك ام غالب
حمل خليت ع فادي ثجيل عليش عمي سعدون
ضل بالي يم قند يمها أخواتها حركها موش كلف بس من تسمع أهلها ماتو شلون التمت الدنيا بساع عمام سعدون وانه احاذر ع قند خافن تعرف بس هالعلم ماينضم طلعناهم بداري ودار سعدون مورث التمو كلهم ببيتي وناس بره سمعت صريخها عرفت عرفت اسمعها تصرخ جيبو جواد احلفنه كعدت ليغاد ادك على راسي يامصيبتج يا قند
اخذو الجنايز ومامور الشرطه هو وياه شيخ الولايه كلهن عاينوا دار سعدون انعرفت محترك البيت ببطاله مالت نفط وحرايج الكطن ما تهفت احترك بيها سعدون عداله يكدر يطفيها بس النار غداره وأم غالب مختنكه جسمها بيه شواي تجوي بس عرفنه مطلعه غالب من الرازونه وهي ماكادره
سعدون محترك بباب المكعاد طايح يمه بطاله النار لاهبته لهب وواج
بقيت ادك على راسي واصيح
ثار اهللج ياقند انه طلابه
رادو ياخذون الجنايز ردت قند ماتروح لان حبله ومحتركه ايدها
قند: على ركبي وازحف واروح ازت امي وابوي كالت هيج وملخت روحها
راحو الدفن وانه ضليت راحن بنات سعدون وياهن قند وماكدرت امنعها أهلها وواج گلبها عليهم بس غالب ضميناه اخذه موزان
شنشل راح بعد ما شكك دشداشته ع سعدون يلطم لطم نسوان على سعدون
شنشل
انهدمت دنياي علي يا رفيج دنيتي شلون اخذك النجف موش جنت تكول نمشي للحج سوه
نصبت فاتحه سعدون وأم غالب
وواكف انه ونسيب سعدون هم ضل أبوي راح وياهم
عمام وولد عم سعدون واكفين واجو الدفانين
دشت امي تعاين بعيوني بس ماعرفت شبيها راحت وي قند وصيتها عليها
فاتحه جبير السلف موش ياهو الجان سبع ايام ننحر عجول ويطبخون وشنشل ع صرف الفاتحه
كلما انشد ع قند امي تطلع تكلي يمي مالك لازم
اعرف شكد متعلقه بامها وأبوها
وضليت انه وگاطع نعاين ع الرايح والراد منهو سوه هاي الدكه والا اطلع دم سعدون وام غالب
ورا ايام وشوي خفت الرجل عمام سعدون وولد عمه كعدو ويانه انه ورجوله بنات سعدون
واول شي سالو عنه الفاتحه خسرانه لو لا
وانه ساكت لان نسيب سعدون لبنته الجبيره كل الأمور يمه
وهو يرد
الزلمه يحجي عن لسان سعدون شنو موصي بس ولد عمه بدت نبره صوتهم تعله ويكلوله مالك لازم احنه نلرم حلال ابن عمنه وهي ام غالب بتنه
كله هذا الحجي وأنه متاني واحد منهم يحجي على الكاتلين سعدون ومرته وحاركين بيته مامش ملتهين بالفلوس
وخانس وصابر لان اعرف سعدون ماجان يواطنهم ولا يربدهم لحد ما رماح كال
رماح :كل حكوك اخوكم مكتوب بورق بالدوله مامش خيط ما مسجل حتى هاي الصرف مال الفاتحه مكتوبات وشهود عدي بدال الثنين سته مخلي سعدون من. ظربو جيلات على بيته ذيج النوبه وده عليه وكتب كلشي بخط ايده وختمه وكعدتكم هاي مالها لازم كفت الفاتحه البي زود خل يطلع دم ابن عمه ومرته
ولد عم سعدون :بله والأوراق عدمنهو
رماح :هسه اخليهم يجون الشهود وعدهم الأوراق وأولهم شنشل
سحب شنشل الأوراق وخلاهن جدامهم
واحد منهم يقرا وبكتب فز وصاح كل الأوراق مزوره شنهي سعدون يفرك حلاله للنسابه وابنه مخلي حلاله بيد جويد شنهي تخبل سعدون اليخاف ع العانه لا تلوحها تراب يطشر هيج حلاله هاي الأوراق كلهن جذب
جواد كل الكلام وانه ساكت نط واحد من ولد عمه
شوفو لاعبالكم انتم ماخذين بناته معناته تاخذون حلاله مامش هالحجي احنه النه نصاف بكل حلاله
رماح وانه مالي سلطه حتى على فلوس مرتي اخاف باجر يجووني بيهن بيوم القيامه ما الزم فلس بس هم ما اخنس بالباطل
جواد وكفوا يردون يضربون رماح وهنا فاض صبري لكفتهم ووياي ايد كاطع
ولكم دم اخوكم ما طلع وانه خانس اشوف هم بيكم عده عرك شرف لو ناموس تحفظون بناته وتكولون احنه اهلهن لو هذاك غالب الجاهل التيتم
لو كتال اخوكم الما نعرفه ولحمتكم بارده جن الميت موش منكم ولا الزلمه احوك السدن العشاير بفاتحته الصوبين شوفو لاتخلوني اصير انه صديمكم اليكرب لحلال سعدون احطه حدر جدمي أكلتوا رماح بكشوره لان دين ويخاف الله بس انه لا ابن سوك واشكك الموصول واحلل المرصوص
ولد عم سعدون
حكك انت تاكل الباديه والثريده مانخليك تتهنه يفلس
جواد :حلو رگابهم مني كوه واحنه بمضيف شيخ الولايه كاعدين وهو مشهده سعدون وي شنشل ورماح واكللهم بس مارضو يصدكون راحو وهمه يتوعدون
ردينه لبيتي لكيت امي
شبيه وشج ما يتفسر يمه
ام جواد :تعال يمه مرتك تعبانه كلش ومن ادش يمها هديها
جواد:مصيبتها ثجيله يمه
ام جواد :وتچملت يمه مرتك طرحت
جواد :حطيت أيدي ع راسي لاحول ولا قوة الا بالله راح الجاهل البطنها ودنكت فرت الدمعه في عيني شكلها ع ياهي اواسيج يقند
شكرا لزيارتكم عالم روايات سكيرهوم
