رواية معالج الروح الفصل السابع بقلم جمانه السعيدي
معين اليوم الي بعده مارحت المروه
هو اصلا العلاج بلاسبوع ٣ مرات بس اني مقرر كلما تصير فرصه اروح اله
لازم تتعود عليه بلاول حتى تستقبل العلاج
ولو احس كلش صعب علاجه لان متمسكه بمرضه حيل
بعد يومين من آخر مره رحت عليه
رحت يوم الجمعه
وهاي اول مره اصادف امه بلبيت
معين...صباح الخير
الهام...صباح الخير شلونك
معين ...الحمد لله
الهام...طمني شلون حالة مروه
معين...بعد ما بدينا العلاج الفعلي هسه مرحلة العلاج النفسي لان ماتقبل تستجيب للعلاج
يراد وكت يله تتعلم على وجودي
الصراحه جاي تحاول تخليني انهزم من البيت
جاي تستخدم كل الطرق بس حتى اعوفه
الهام...لا لا تعوفه اني ماعندي غيره بس هي جاي تعاقبيني
معين..ليش تعاقبج
الهام...لان انفصلنا اني وابوها هي حيل متعلقه بابوها
معين...بس ليش مايجي يشوفه ويطمن عليه
الهام..لان احنا انفصلنا بمشكله واني اخذته بقرار المحكمه
هاي قبل سبع سنوات
من يوم انفصلنا لليوم وهي تعاقبني
وتصرف تصرفات انفعالبه والنوب اجا هذا الحادث كمل عليه
معين...ابوها وين
الهام...ازوج وصار عندا اطفال ونشغل عنه يسئل
عنه بس مو دائما
معين...هسه عرفت ليش هي ماتقبل تتعالج تحس محد يحبه
ومحد يريدها جمانه السعيدي وماكو اله هدف بهاي الحياة
الهام...اعرف هي اسلوبه موزين وياك بس اتحمله انت أملي الاخير
اني مستعده اسفره للخارج حتى تتعالج
بس هي رافضه تسافر ماتقبل
معين...ممكن تنطيه وقت اكثر حاولي تفرغين نفسج كل يوم ساعتين تكعدين وياها عامليه كصديقه مو كاام
الهام...ولله لو تشوف الشغل الي عندي اكثر الوقت اجيب وياي الملفات هنا ادققهن
عندي شغل متراكم
معين...بس مروه بنتج الوحيده ليش اضيع منج
الهام...واحنا عايشين من هذا الشغل وماعدنا مصدر غيره
اذا تركته لو اهملت بي
مراح نكدر نعيش واحنا تعودنا على هيج مستوى من المعيشه
اتمنى تتحمله اعرف هي جاي تجاوز عليك ام ساره حجتلي بس ارجوك تحمل
اذا ساعدته وصار وضعها زين شتريد من مبلغ مالي اني مستعده
معين...ماكو مشكله
معين.....صحت على ام ساره كدام الهام
ام ساره..هذا مشهي أمن خلي منه بالعصير او الاكل
اريدها تاكل وتتقوى حتى اذا بدينا العلاج تتحمل
الهام...اي ولله اكله كلش قليل وعادي تبقى يومين بدون اكل
معين..ممكن اطلب طلب
الهام...اي تفضل تريد دفعه من الحساب ماعندي مانع
معين...لا مو شغلة فلوس بس لان انتي مو على طول موجوده بلبيت
ممكن اطلعه من غرفته يعني هنا بلحديقه
او اخذها مشوار خارج البيت
لا تخافين عليه
لان تغير الأجواء والمكان يساعد على تحسين حالته بسرعه
الهام...اذا هذا الشي من مصلحته ماكو مشكله واني راح انطي خبر للحراس اللك حرية التصرف
معين...من رخصتج اصعد المروه
الهام...تفضل
صعدت الغرفة مروه دكيت الباب وصحت مروه
ماردت عليه
معين...مروه مروه
فتحت الباب ودخلت مروه مروه
فتحت الشباك حتى الغرفه تتهوى
اجيت سحبت الغطى نايمه
معين...اكعدي مروه
مروه...اهووو هم رجعت عليه يااخي انت ماتمل
انت شلك بهلدوخه روح شوف ناس غيري طلع مهارتك عليهم
معين...صحصحي اني مجاي اعالجج اني محتاجج كصديقه
مروه...هم رجعنا الهاي السالفه اي صديقه تضحك على نفسك لو عليه
معين...صدك محتاج صديقه والدليل اريد اعرفج على عائلتي
شنو رائيج اخذج اعرفج على بيبي
على فكره سمعت بيبيتج عايش وياكم بلبيت ماصادفته
مروه...بيبي بلعمره بعدين هي مو كل الوقت بيتنا
اضوج هنا اكثر الوقت تروح بيت خالي
معين...اساعدج تغسلين
مروه...لا اريد اكمل نومتي
معين...لا صحصحي شويه وخل ننزل بلحديقه الهوى يجنن
مروه...ماانزل اريد انام
معين...مو بكيفج هاي مو تمارين حتى ترفضين
مروه...مااريد
معين...سحبت العطى وشمرته
مروه...انت شسوي
معين...اقوم بواجبي اتجاهج كصديقه
مروه...ومنو كال اني محتاجه هاي الصداقه
معين...يله لا اضيعين وقتي
دنكت سحبته من اديها وكعدته
مروه....اني اغسل جيب الكرسي المتحرك
معين...جبت الكرسي قربته عليه
استندت على اديها ونزلت على الكرسي
حاولت تمشي بلكرسي اني ساعدته
طلعنا برا الغرفه الصحيات بلباب دخلت واني بقيت منتضرها منا لمن غسلت وطلعت
رجعنا للغرفه
معين...لا ترجعين للجربايه تعاي هنا اكعدي ساعدته كعدت على الكرويته جمانه السعيدي
كانت لابسه تراك نص ردن اسود وبي اقلام ابيض
مروه...اني اليوم قررت احجي وياك بدون عياط
معين...اي تفضلي اسمعج
مروه...شتريد اريد اعرف شتريد شوف شلون هادءه
اريد اعرف شتربد بلضبط
اني مستعده انطيك فلوس شكد ماتريد بس ابتعد عني
اني مااريد اتعالج
معين...يعني شكد تنطيني رفعت ايدي عدلت شعري
مروه...اي تمام راح نتفق احبك وانت واضح
انت اطلب واني مستعده الكل طلباتك
اني عندي حساب خاص بيه بلمصرف اكدر اسحب منه اي مبلغ انت تكول علي
بس تطلع منا وتكول مروه مايصيراله اي علاج
وبعد مااشوف وجهك نهائيا
يااخي احترم خصوصيتي اني مااريد اتعالج اريد ابقى هيج عاجبني وضعي
معين....كعدت كباله تمام موافق بس ترا اني معروف عني النجاح من يوم اشتغلت لليوم
مو حلوه بحقي هيج من اسبوعين انسحب
على الاقل خل نحاول كدامهم بلجذب
يعني خل نسوي كم تمرين وتشوفني امج
وبعدين تشوفنا ام ساره
وننزل بلحديقه حتى الحرس يكولون هلمره هذا المعالج
فعلا جاي يشتغل من كل كلبه
بس مروه ماله علاج
اني اذا هسه انسحبت راح يرجعون يدورون معالج غيري
وهاي القصه ماتخلص
ويجوز يجبروج تتعالجين بلخارج
بس احنا خل نمثل كدامهم وقت اذا شافوني أشتغل
وياج بذمه وبعدين عفتج وكلت مايصير اله اي علاج
راح يبطلون يضغطون عليج
بشغلة العلاج
هاا بس نتفق شكد ادفعيلي بلاول
لان جاي تشوفين اني اجي العب واطلع
واني ماخذ كومه فلوس على الجلسه اني ابد ماتعبان بيه
ليش ابقه العب هنا اخلص وقت وانتي تنزعجين من وجودي نتفق تنطيني مبلغ محترم
واني اوعدج اجيبلج تقرير من اليونسيف منظمة الصحه العالميه
انت ابد مالج علاج
حتى تخلصين مني ومن أمثالي وديري بالج تغدرين بيه
مروه...يعني شكد انطيك بس اريد تقرير تحير بي الدكاتره
معين...٢٥ مليون
مروه...هواي شدعوه
معين...هذا الي عندي استلم المبلغ بعد مااسلمج تقرير
لو ياخذوج الامريكا يكولون هاي مستحيل تكدر تتحرك
مره ثانيه هاا شنو رائيج
مروه...موافقه
معين...نبدي الخطه من هاي اللحظه هسه نطلع من الغرفه
ننزل جوا تتريكين بلحديقه لان امج موجوده اليوم
حتى تشوف كلشي بعيونه
وباجر اذا اني كلت مروه ماكو فايده من علاجه
راح اصدك
مروه...موافقه
معين....كلت بكلبي اي وكعتي بلفخ وصدكتي كلامي
هاي اول خطوه بلعلاج
دفعته وصلنا للدرج
معين..مراح نكدر ننزل بلكرسي اشيلج وانزلج
مروه...لا ام ساره تشيلني
معين.. وين تكدر ام ساره ترا اني جاي اعالجج مو حبيبج
راسا نزلت حواجبه ومدت بوزه عود ماعاجبه الوضع
دنكت شلته شكد خفيف عبالك ريشه يمكن وزنه اقل الخمسين كيلو
طلعنا من باب المطبخ وام ساره بقت فاتحه حلكه علينا
وامه جان عدها مكالمه هاتفيه
من شافتني شايلها فهت ونزلت التليفون
طلعته بلحديقه
مروه...حيل صار شكد مانازله للحديقة صايره حلوه الحديقه
رجعت على ام ساره وكتله ريوك بسرعه وخلي من المشهي بلعصير
ام ساره...شلون قنعته
معين...بسرعه ريوك
رجعت على مروه
معين....بين امج وام ساره مشت عليهن الخطه
هسه كم تمرين كدامهن حتى يصدكن
مروه...مااريد تماربن
معين...هاا من البدايه هيج مو كلنا نمشي على الخطه
لا تخافين شي بسيط
كمبزت بلكاع وأخذت رجله وكمت اصعدها وانزله
مروه...اي توجع
معين....ممكن تكولين اي توجع بصوت عالي اريد امج تسمع
مروه...بس هي صدك توجع
معين... طبعا توجع متخشبه من قلة الحركه
معين صعدت رجليه ثنيبنهن راسا كمشتني من جتفي
توجع معين
معين...عللي صوتج انت موخوش ممثله
رفعت رجله بحركه دائريه
راسا صاحت اي توجع اي توجع ولله مو تمثيل اي توجع
معين...غبيه راح تكشفين الخطه
واني اخذ الفلوس اذا الخطه انكشفت لان انتي الي مامشيتي على التعليمات جمانه السعيدي
ومن باجر تحضرين دفعه أولى تحت الحساب
رجعت رفعت رجليه
مروه...على كيف يرحم والديك
راسا ام ساره جابت الريوك واشرتلي على العصير يعني بي مشهي
معين...يله نتريك وبعدين نكمل تمثيل اول ابدي بلعصير
مروه...مااشتهي الاكل
معين...زين بس العصير وعوفي الريوك
مروه...ميخالف
معين كلما تشرب شويه اكله بعد منا لمن كملت الكلاص كله
مروه...طعمه مو طيب هذا العصير
معين...لان عصير طبيعي تحسين طعمه مو طيب
يله نرجع وين وصلنا
مروه...اني كل يوم اسوي هاي الحركات
معين...اتحملي مو انتي تردين تخلصين
مروه...يله كمل ترا تعبت
رجعت ارفع رجله وهي كاعده وانزله وارجع ارفع الثانيه
مروه...اي
معين...بصوت عالي غبيه ليش تخليني اعيد الحجي
راسا اجت ام مروه
الهام...عفيه عفيه بنيتي فدوه الله يشافيج ويعافيج
معين...غمزتله ووين الضاهر ماله علاج رجليه واصالات مرحله تخشب
اعصابه ميته اني احاول كم محاوله والباقي على رب العالمين
هي صح ماافتهمت ليش اني غمزتله بس كالت الله كريم
رجعت اكرر بلتمرين
