رواية معالج الروح الفصل الثامن بقلم جمانه السعيدي
مروه...كافي معين جاي توجعني
معين...احجي بتاثر اكثر لان امج وام ساره جاي يراقبن
مروه...دفعت ايده عوفني ولله اذيتني
معين...ارتاحي شويه
مروه...مااعرف ليش حسيت نفسي جوعانه
معين...اي اكلي ووجهج اصفر من قلة الاكل
مروه...تعال تريك وياي
معين...اني تريكت قبل لا اجي
كامت تاكل بشراهه بدا مفعول المشهي يشتغل
مروه...ياا هاي شبيه ليش هيج جوعانه خاف من التمارين
معين...بسم الله ربع ساع صار نتمرن شنو القصه
لا هاي جوعه قديمه وهسه طلعت
اروح اجيب جاي واجي
دخلت للمطبخ
الهام...انت صدك معالج الروح مثل ماكال دكتور مقداد
شنو هذا التطور
ام ساره...ولله مجاي اصدك عيوني هي هاي مروه لو غيره
معين..لا صدكي اريد جاي ثنيين
يمكن مروه راح تاكل حتى الطبله والكراسي من الجوع
الهام...هي بلفتره الاخيره شبه كارهه للاكل
معين...هسه تتحسن انشاء الله
اخذت الجاي ورجعت لكيت مروه ماسحه المواعين مسح
مروه...اي بطني كامت توجعني من الاكل
معين...هاج اشربي جاي حتى تهضمين الاكل
شربنا جاي وكملنا
مروه...اي بطني اني ليش هيج اكلت
معين...معدتج من زمان ماداخله هيج كميه اكل هسه
مستغربه تكول مروه اليو م شجاها
مروه...اي ولله صدك
معين..يله هاج الزمي اديه وحاولي توكفين
مروه...اوكف لا مااكدر
معين...اني يمج حاولي اريدج تشيلين كلمة مااكدر من قاموس حياتج
جربي مره وثنيبن وتلاثه لازم تنجحين
كل عمل تقومين بي رددي اكدر اكدر اكدررر
تعرفين اكو أصعب بهواي من حالتج يسمونه شلل رباعي
يعني كل الأعصاب بجسمه مشلوله
مع ذالك يبقى يحاول ويحاول
واكو شلل الحبل الشوكي هذا اصلا حتى ماينفع راسه بس
هم يحاول
جاي احجي وياها وكامش اديها باديه وسحبته عليه
راسا وكفت بس مرتكزه عليه
معين...عفيه عفيه الله الله امج عينه علينا
هي وام ساره
مروه..مااكدر راح اوكع راح اوكع
معين...لزمت اديه حيل ماتوكعين عفيه عفيه
رجعت اديه حتى تكعد على الكرسي
مروه...تعبت تعبت معين هذا المجهود هواي عليه
معين...لا مو هواي هسه تتعودين
مروه.. كافي تماربن اليوم
معين...تمام كافي
هسه اني اسوي تمارين وانتي تسوين مثلي
وكفت كباله ارفعي اديج فوك يله يمين شمال
ارجعي كرري الحركه
يمين شمال تحت تحت فوك فوك كل وحده
عشر مرات
مروه ...تعبت كافي اريد ارجع الغرفتي
معين...قابل شبيه غرفتج
شوفي الهوى الحلو وهاي الشمس تقوي العضام
مروه...كافي اليوم تعبت جمانه السعيدي ارؤد ارجع الغرفتي خل تجي ام ساره تصعدني الغرفتي
معين...اني نزلتج واني اصعدج
دنكت شلته وصعدته الغرفته
معين...يله تمددي
ارفعي رجلج
مروه ..مااكدر
معين ...قربت ولزمته ايد من كف رجله وايد من الركبه
يله اني اساعدج ارفعي رجلج
مروه ....مااكدر عفيه كافي اليوم بعد مااكدر
بعدين انت سويته صدك احنا مو كلنا تمثيل
معين...اني متأكد امج هسه جاي تراقبنا بلكامرا غير نكمل
المسرحيه
مروه...اي امي عدها هيج سوالف
معين...يله ارفعي رجلج واني اساعدج
رفعت رجله ونزلته ورجعت رفعت الثانيه ونزلته
بعدين حسيت اكو تجاوب منه
زينه ترفع رجله للنص
معين ... اني ماسئلتج انتي اي صف واصله
هنا اريد ابعد تركيز عقله عن اللم رجله اذا اخذت عقله الغير مكان راح تجاوب للعلاج اكثر وتنسى الالم
مروه...سادس اعدادي
معين مستمر بلتمربن وياها يعني خلصتي سادس
مروه...لا صار الحادث قبل الامتحانات بااسبوع
معين...أدبي لو علمي
مروه...ادبي
معين...ممتاز وشنو طموج تصيرين
مروه...اي شي
معين...ماكو شي اسمه اي شي لازم يكون عندج هدف
حتلو بسيط
مروه....يعني ماكو ابالي شي معين
معين...شنو رايج تكونين محاميه
مروه...اوي ماأحب شغلة المحامي لا تعيين يركض بين المحكمه والشرطه ضال مثل المجدي يركض ورا هذا وذاك
معين...حرت وياج انت عايشه بدون هدف
طبعا عبرنا الخمسين مره واحنا نكرر هاي الحركه والاتفاق جان عشره
بس هي نست تسولف وماحست بلعدد
هنا اني بعدت عقله عن التركيز بلالم
مروه...مدرسه ماكو مشكله
معين...وليش ماتمتحنيبن شو كاعده وساكته ابدال النوم طول النهار اقري وامتحني حتى تكون عندج شهاده
مروه...قابل شسوي بشهاده وحده مثلي حاله حال الكرسي
لا تتحرك ولا تطلع ولا تدخل اله بمساعدتك الناس شسوي بلشهاده
معين...اذا كل واحد يفكر مثلج الدنيا تخرب
شوفي شكد اكو علماء ومفكرين واساتذه الي اعمى والي مشلول والي عندا أطراف اصطناعية
بس همه ناجحين حددو اهدافهم ووصل اله
مروه....اني وين وهاي الناس وين يمعود
معين....لا انتي انسانه سلبيه والحياة عندج توقفت وياا رجليج بس الانسان يطور بعقله
اذا عقله يفكر خلاص باقي الجسم ممكن يستجيب الرغبات العقل
مروه....لا انت جاي من غير عالم جمانه السعيدي اوكف انت جاي تحسب صار هواي نسوي هذا التمرين
معين...خلصنا تمام اليوم الحيله مشت عليهم كلهم
وامج اول وحده صدكت
باجر اجي الصبح لان ماعندي دووام
اما باقي الأسبوع احاول افرغ نفسي العصر
مروه...تمام اي رجليه يوجعني
معين...اعتيادي يوجعنج لان هاي الحركات جديده عليهن
مروه...اذا ماكدرت انام من الوجع شلون
معين...اخذي اي مسكن ونامي
مروه...هاي هي
نزلت جوه والهام ودها تحضني وتبوسني
الهام...ولله مااكدر اجازيك انت معجزه
معين...بس حاولي ترحين تكعدين يمه وتسولفين عليه
الهام. .صار
طلعت رجعت للبيت
معين...هلو بيبي حبيبتي شلونج
بيبي...الحمد لله
معين...شكووو احس اكو شي
بيبي...اليوم خفت
معين...ليش
بيبي...اجا أمير وكال اريد فلوس اكو جماعه يطلبوني ومضايقيني
معين..بس لا انطيتي
بيبي...عود طلعت الجزان اريد انطي راسا سحبه مني
واخذ كل الفلوس الي بي
وشمر الجزان وطلع
معين...ليش تنطي اكيد يتعاطى ممنوع تنطي فلوس
بيبي...خفت منه حيل
هو أبو ضربه اني شيسوي بيه
معين...بعد ممنوع تفتحين الباب اذا سمعتي صوته
هذا تخبل رسمي خاف يااذيج
بيبي...اسكت لا تحجي
معين...لازم نحجي ترحين تحجين الامه وابو حتى خاف يصير شي يكون عدهم علم بلموضوع
لازم يعرفون ابنهم يتعاطى بلكت يتلاحكون علي
وهسه ترحين يله لازم يكون عدهم علم بلكت يحسون ويتلاحكونه جمانه السعيدي
راحت بيبي عليهم
بيبي...يمه اريدك أدير بالك على أمير احسه مو طبيعي
اليوم اجاني على فلوس بس طلعت الجزان
اخذه فرغ الفلوس وشمره عليه
ام أمير....وشصار بيبيته وياخذ منح مصرف ليش مكبره الموضوع راتبج كله المعين
وهسه أمير من اجا اخذ منج كم فلس جاي تشكين
بيبي...شو انتي ماتعرفين تحجين معين من صف سادس
ابتدائي وهو يشتغل بلعطله وشايل مصرفه
وناحج بمدرسته ابنج لا مدرسه ولا اخلاق ولا شغل
ابنج يتعاطى ولا تسوين نفسج ماتعرفين
ابو امير...شكد اخذ منج
بيبي...اني مو على الفلوس الولد اسلوبه متغير وصار عدواني لازم تاخذه للمصحه حتى يتعالج
ام أمير...انتي كوه تردين تلبسينه مصيبه ابني كلشي مابي
واني من يستلم ابو ارجعلج الفلوس
خليهن على كلبج اني ماشايفه هيج تفرق بين احفاده
بيبي...اسكتي احسن محد خبله غيرج كلما يسوي مصيبه
ادافعين عنه
معين. اجت بيبي ضايجه حيل من كلام ام أمير
معين...لا اضوجين اهم شي عرفو هو جاي ياخذ فلوس منا ومناك بلكت يسيطرون علي
بليل اجت امي صار ٣ اسابيع ماشايفه
دخلت وسلمت عادي اني شكد مشتاقله بس هي ولاوعبالك
ابنه كعدت شويه طبعا اختي ماتجي وياها
لان احنا مو من مستواهم
وابوها يمنعه تجي علينا
امي...اني جامعه كم فلس واريد اشتري قطعه ارض الروان
(روان اختي )
ضمان اله كلشي يصير جمانه السعيدي ذوله خو انه مايتامنون
اريد اضمن مستقبله اليل كله افكر بيه مرات ماانام
ولله اخاف عليه
معين.....ماكدرت اتحمل كبل انفجرت عليه
كل عمرج روان روان بس ابد مافكرت بيه لو بوضعي
لو شنو محتاج اهم شي ترضين السلطان سليمان
وروان محد يقرب عليه
امي...هاي شبيك انت زغير
معين...اكيد جنت زغير مانولدت هلكبرني شمرتيني ورحتي
وكلتي يله نفسي لو ما بيبي يمكن شامريني بلشارع
امي...اليوم شنو مذكر
معين...اني مانسيت حتى اذكر انتي حرام اسميج امي
وحده انانيه ماتفكر بس بنفسه وبس
عشت كل عمري محروم من كلمة امي وانتي عايشه
من اسمع واحد يصيح يمه كلبي ينمرد
عفتيني زغير أواجه مصيري وحدي
اشتغلت كلشي وتحملت كل أنواع الضيم والقهر
وانت عايشه حياتج ومطلعتني من حساباتج
امي...وانت شنو ناقصك مدللتك امي دلال
معين...انتي كلتي امي يعني مو انتي بيبي الي طول هاي السنيبن شايله مسؤليتي
وانت ملتهيه بزوجج العزيز وست روان
مااكول بس حسبي الله ونعم الوكيل عليج انتي وابوي
اذا ماتكدرون تتحملون المسوليه ليش تخلفون
شكرا لزيارتكم عالم روايات سكيرهوم
