رواية نهوة صقر الفصل الثامن بقلم جمانه السعيدي
زينه....مااعرف ليش اني مشاعري تغيرت من جهة صقر
قبل جنت مااطيقه ولا اتحمله
خوب من نها عليه ودي اكطعه تكطيع
بس بعد هاي الازمه وشفته شلون قريب مني
وشلون مهتم بوضعي
رغم اني متاكده اني هسه شكلي مو حلو خصوصا عيوني مورمه وعلى طول يهملن وصاخه
وخدي مجروح جرح جبير وراح يبقى اثر على وجهي
اكيد واحد مثله مراح يقبل بيه
من جنت حلوه شايله خشمي علي ومتكبره وبس اقلد علي
وهسه من تغير حالي يله كمت احبه
المفروض اني احبه من زمان
لان هو إنسان يستحق الحب ماشفت واحد عندا روح مثل روحه
بس الضاهر اني مالي بالطيب نصيب
زينه..من كد التفكير طار النوم من عيني
باوعت صكر كاعد على الكرسي وغافي خطيه شكد تعب وياي لو واحد غيره جان كال اني شعليه
عايف امه وبيته وشغله وكاعد يمي
مديت ايدي اريد اشرب مي وكعت القطره مال عيني بلكاع
راسا فتح عينه صكر
صكر...ها محتاجه شي
زينه...اسفه كعدتك اريد اشرب مي
صكر...اي هسه خليت مي بلكلاص هاج
زينه....شكرا
صكر...يمكن موعد الكمادات مال عيونج
زينه...اي
صكر...دقيقه رحت جبت مي دافي وخليت الخاولي بلمي وخليته على عيونه هاا حار
زينه...لا مو حار اريد تخليلي قطره بلكت تصير عيني زينه اريد اشوف اهلي
صكر...صار وخرت الخاولي وجبت القطره فتحت عينه شويه وخليت اله بعدين ربع ساعه وخليت العصاره
هسه تمام
زينه...تمام الله يجازيك خير انشاء الله
صكر...تصبحين على خير
جمانه السعيدي
زينه...غمضت عيوني صكر
صكر..نعم
زينه...منو يعتني بااهلي
صكر...تفاجئت من سواله يمكن لازم احجي الحقيقه
زينه...صكر تسمعني سئلتك منو يعتني بااهلي
صكر...سكتت
زينه...صكر انت نمت شبسرعه نمت
صكر...مااريده تعرف اهله ماتو إلى ان تصير زينه خاف تعرف هسه وحالته تنتكس بلزايد
زينه...حقك تنام شكد تعبان وياي
صكر..ماكدرت انام من سمعت سواله سويت نفسي نايم باجر شلون هم اسوي نفسي نايم
خطيه.كل الوقت اهله على السانه
شلون راح تتحمل اذا سمعت فقدتهم كلهم
بقيت كاعد وافكر شلون افاتحه بلموضوع
للساعه ثنتين يله نمت لان كلش تعبان صار اربع ايام انام على الكرسي مانايم على ضهري وماخذ راحتي
الصبح كعدت على صوت الممرضه جاي تنطيه علاج
كوه فتحت عيوني
زينه...ابقه نايم مبين نعسان
صكر...لا كعدت
زينه...شوف عيوني اليوم شلون مفتوحات
صكر...اي ولله احسن هواي
زينه..بس احس يبزني
صكر...هسه انضفهن واخلي كمادات ويصيرن احسن
اكيد بعدهم ماطايبات
بس هواي اكو فرق حتى الجرح بوجهج صاير زين
زينه...زين اخذني الاهلي اشوفهم
البارحه سئلتك منو يعتني بيهم وما رديت عليه
صكر....ماسمعتج
زينه...خل اروح اشوفهم فدوه
صكر...سكتت ودنكت
جمانه السعيدي
زينه...ليش هيج صار وجهك تعبتك اعرف اني تعبتك
بس اتحملني بس هلمره
فدوه صكر ماعندي غيرك
صكر...اني اريد احجيلج شي بس مااريدج تنفعلين
زينه...اهلي حالتهم موزينه احجي صكر
حالتهم الصحيه موزينه شبيهم
ابوي شبي وامي امي صكر فدوه ريح كلبي
ليش ساكت احجي
عادي كول اي شي اتقبل منك بس لا تسكت
احجي اني اصدكك
اعرف انت ماجذب كلامك كله صحيح هاي شبيك
صكر احجي لا تسكت
صكر...اسف اريد اكلج سكتت
زينه....احجي ليش سكتت
صكر...البقيه بحياتج
زينه... نشغت وضربت صدري منو مات بابا
احجي.لو ماما يوسف حبيبي يوسف مات
صكر...دنكت لان ولله ماليه قابليه احجي بهيج موضوع
زينه...شو سكتت كلهم كلهم ماتو
انت مو كلت مصابين اتلاثتهم
انت ماجذب صكر احجي كلهم ماتووو
صكر....هزيت راسي وكلت البقيه بحياتج
هي سمعت كلمة البقيه بحياتج وهي راسا عاطت بصوت عالي وتريد تشمر نفسه من الجربايه
واني طفرت حضنته تدفعني وتعيط تريد تملخ شعرها
حضنته حيل حتى ماتكدر تاذي نفسه
زينه..صكر اهلي ماتو كلهم ماتوو اني ليش بقيت
كمت اصيح بصوت عالي اني ليش بقيت
ايجي بصوت عالي من الصدمه
صكر....مايصير هيج اسوين هذا قدرهم ويومهم
زينه...اريد اهلي اهيي اهيي اريد اهلي
صكر...بعد مايفيد الحجي استغفري ربج وادعيلهم
زينه...اهلي ماتووو اهلي كلهم ماتووو اني ليش بقيت
اريد اموت وياهم
جمانه السعيدي
صكر...بقيت حاضنه وهي تعيط اخاف اعوفه لا تاذي نفسه
لمن تعبت من البجي كلش
خلت راسه على صدري وكامت تبجي
زينه....اهييي اهييي بقيت وحيده بهاي الدنيا
صكر...ليش تكولين هيج احنا وين رحنا
زينه...اني هسه لا عندي ام ولا اب ولا اخ شلون راح اعيش
صكر....استغفر الله استغفري ربج
زينه...اريد اموت اريد اموت
صكر...مسحت دموعها لا حبيبتي لا تكولين هيج
زينه....حياتي بعد ماله معني هسه عرفت انت ليش وياي
لان اني يتيمه ومالي احد
بعدت راسي عن صدره وباوعت علي انت جاي تعطف عليه اني كسرت خاطرك لان بقيت وحدي
صكر...رجعت راسه على صدري اش لا تحجين هذا الحجي بعد
انتي بت عمي وواجب عليه أدير بالي عليج
ومن تصيرين زينه ترحين وياي للبيت وراح تشوفين
الكل يفرح بيج
انت بتنا ولازم نوكف وياج ونخدمج بعيونه
صكر.. بقت تبجي تناشغ ودموعها تنزل
ممكن تسكتين هذا البجي موزين على عيونج
زينه....مااكدر اتخيل حياتي بدون اهلي
صكر...قدر وصار اسكتي
سحبت المي يله اشربي كوه شربت شويه خليت مي بايدي وغسلت وجها
كمت وهي تمددت على الجربايه وغطيته
بقت تبجي ماتقبل تسكت
صكر...كافي بجي هسه عيونج يرجعن يورمن من جديد
زينه...جنت اريد عيوني يصيرن زينات حتى اشوف اهلي
بعد شسوي بعيوني خليهن يعمن
صكر...لا تكولين هيج الحياة كدامج ادرسين وتتخرجين
وتتعينبن وتزوجي وتصير عندج اسره
كلنا بلاخير انموت الأنبياء ماتو الاوصياء ماتو الائئمه
ماتو كلنا نموت ماكو واحد يبقى خالد بهاي الدنيا
زينه...بعدني ماشبعت منهم بعدني زغيره محتاجتهم
صكر...لا انتي جبيره ورب العالمين موجود مراح ينساج ابد
زينه...انت جاي تواسيني لان مريضه اكيد راح تعوفني بعدين وتشوف حياتك اهيي اهيي
صكر...لا مااعوفج لمن تتخرجين واشوفلج ابن الحلال وازوجج
زينه...من سمعته كال هذا الكلام انقهرت بلزايد ورجعت ابجي
صكر...كعدت على الجربايه بصفه ومسحت دموعها
لا تبجين عيوني انتي لا تبجبن
اكول بكلبي لو تدرين شكد احبج ومايهون عليه زعلج
زينه....مقهوره ومجاي اكدر اسكت
صكر...شو خل اشوف رفعت راسه عيونج رجعن ورمن
زينه...يحركني من البجي
صكر...البجي لا راح يقدم ولا ولا يااخر
لا تبجين ادعيلهم الله يغفر الهم ويتولاهم برحمته
زينه...انشاء الله من اصير زينه تاخذني ازورهم
صكر...اي
زينه...وين دفنتوهم
صكر....جدي وعمامي اخذوهم للنجف
زينه....الله يرحمهم
