رواية سراج السادة الفصل الثامن بقلم عسق ادريس
_عبد الرؤف:: باجر الجمعه رايحين للديوانيه نعقد لقدس على واحد من الساده
كلها سكتت مصدومه عقد؟ قدس؟ واحد من السادة؟ وكفت العلويه معارضه كلام السيد
_العلويه زهراء:: عبد الرؤف شنو قصدك !!
_عبد الرؤف:: مثل ماسمعتو
_العلويه زهراء:: شنو يعني اجباري وليش يعقدون عليها؟ ابنيه بيها جني تريد تدخلها البيتنه وتخليها بينا وهيه قبل فتره رادت تكتل فاطمه!!!؟
_جهاد:: سيد شنو الموضوع ليش العقد تكدر تعالجها بدون محد يعقد عليها
ماهتم السيد لكلام عمتي والعلويه التفت على الساده الي ضلو يضربون اخماس ب اسداس انتبهت بس غضنفر مامهتم وضال يكلب بتلفونه صاح بيهم السيد
_عبد الرؤف:: فقار وجادح لحكوني
حجاها وطلع السيد من المصلا دار غضنفر على جادح مبتسم يرفع بحواجبه
_غضنفر:: اختر من بين الاقواس
خزره جادح وطلع من المصلا هوا وفقار لاحكين السيد
دارت امي على ابوي عاكده حواجبها ماعاجبها
طلعت من المصلا لحكها ابوي طلعت العلويه وعمتي ضلينه اني والبنات والساده ضحك غضنفر يباوع للساده
_غضنفر:: ادري شبيكم صرتو صفر جيره بهيج زلم
_فرقد:: شوف منو يحجي شارد من كربلاء لنجف بس حتى لايفتحون ويا موضوع الزواج
_غضنفر:: حبيبي انا اختلف
_ايليا:: راسك ب طول وتختلف؟
_غضيمر:: السيد صاير يصدم اكثر من برنامج الصدمه
استغربت فعلا من كلام السيد وخاصتن السيد اكثر واحد يعرف الساده شكد رافضين هاي الفكره حاليا وملتهين بشغلهم ودراسه الحوزه ومأنسى الحوزه ماخذه منهم وقت كبير كونهم بدو يدرسون شيوخ ومعممين ب الجديد ووقتهم كله صار خارج البيت
سمعت صوت امي وعمتي طلعنا كلنا من المصلا اشوف امي واكفه بنص الصاله كدام عمتي تصيح
_العلويه رقية:: وشبيهم ولدي ياخذون وحده مسودنه وبيها جني؟؟؟
_جهاد:: رقيهههه!!!!!
_رقية:: علويه الله يخليج ولدي شناقصهم يبتلون بهيج قسمه شنو ابتلينا صرنا زينين تالي تجيني مسودنه مادري منين جايه يومين اهلها ماسألين عليهن تصير مرت ابني!؟؟
كمزت عمتي من مكانها على امي صار غضنفر وايليا كدامها يمنعوها رفعت عمتي صبعها بوجه امي ترجف من العصبيه
_جهاد:: باعي لج محد ميت على فروخج ولا البنيه كالت اريد واحد من بزرج يعقد عليا السيد هوا الحجه تردين تحاسبيننن تحاسبين ابويييي فهمتي اذا تجيبين سيره وحده من البنات حكلج اشكهه تفهمينننن!!!!!
سكتت امي من شافت عمتي معصبه تريد تلكفها دفعتها العلويه من كتفها خازرتها
_العلويه زهراء:: ولج رقية شهل حجي شنو تمسين ب البنات مو عيب عليج
_رقية:: عمه ولدي ماياخذونها
_العلويه زهراء:: تف عليج وعلى ولدج وياج نكلعي من وجهي
جر غضيمر امي من ايدها مسكتها كعدت عمتي على القنفه خاله وجهه بين ايديها كعدت العلويه بصف عمتي مخنزره صعدت امي للغرفه ضايجه
بقيت واكفه ب الصاله صافنه على الكل اشوف وجهتم كلهه مكلوبه كعدت يم عمتي الي بدت تهز رجليهه من العصبيه سمعتها تهمس بينها وبين نفسهه
_جهاد:: اللهم اغفر ذنبي واذهب غيظ قلبي واجرني من الشيطان الرجيم ولا حول ولا قوة الا بالله العلي العظيم اللهم صل على محمد وال محمد ياالله يا رحمن يارحيم
بقت عمتي تردد ب الصلوات على محمد وتذكر الله اتذكر مره السيد عصب على واحد من الشيوخ الي يدرس عنده ورجع مقهور وضايج منه بسبب فعل بدر من الشيخ
_عبد الرؤف:: اللهم صلِّ على محمد وآل محمد يالله يالله
_عاتكه:: سيد ليش من تعصب هواي تذكر الله!
_عبد الرؤف:: قال الله تعالى يا بن ادم اذكرني حين تغضب اذكرك حين اغضب فلا امحقك فيمن امحق
كامت عمتي من مكانها ودخلت للمصلا وهم اتذكر السيد كال الي يعصب ومايريد الشيطان يسيطر علي يغير مكانه طلعو الساده من الصاله للخارج ضلينه اني والبنات والعلويه باوعت شاهيناز للعلويه
_شاهيناز:: زين علويه هيه قدس سالفتها شدخلها ب الزواج
_العلويه زهراء:: ليششش هوا اني اعرف بشنو يفكرر عبد الرؤف
_شاهيناز::بس هيه قدس حلوه والله
سكتتت العلويه صافنه.... كمت من مكاني اشوف عمتي دخلت للمصلا شفتها فاتحه القرأن وخالته على المسند ومغمضه عيونها وتقره ومن تنسى ايه تفتح عيونها تشوفها ب القران وترجع تكمل مغمضه..... طلعت من المصلا وصعدت لغرفتي نزعت الربطه واخذت المشط ووكفت كدام المرايه اتذكر السيد كل مايوكف كدام المرايه يعدل نفسه يكول
_عبد الرؤف::(الحمدلله الذي خلقني بشرا وسويا وزانني ولم يشني وفضلني على الكثير من خلقه ومن علي بالاسلام ورضيه لي دينا)
تذكرت من وصايا النبي للامام علي
_:: ياعلي اذا نظرت في المراة فقل:(اللهم كما حسنت خلقي فحسن خلقي ورزقي)
اخذت المشط امشط شعري واقره سوره القدر تذكرت من قريت كتاب النجاة عن الامام الصادق قال
_::(اللهم حسن شعري وبشري وطيبهما وأصرف عني الوباء) غيرها (اللهم سرح عني الهموم والغموم ووحشه الصدر ووسوسه الشيطان) (اللهم زيني بزينه الهدى)
ضفرت شعري كصيبه ولفيته ورا ضهري جريت المسبحه وتمدتت على الجربايه اسبح بذكر (سبحان الله) ف من اكثر قول سبحان الله خلق الله من ذالك طيرا له لسان وجناحان يستغفر الله له حتى تقوم الساعه ومثل ذالك (الحمدلله "ولا اله الا الله والله اكبر)
ضليت كاعده بمكاني واسبح ماعرف شكد مر الوقت ونفتح باب الغرفن دخلت شاهيناز للغرفه
_شاهيناز:: وين اختفيتي
_عاتكه:: اختنكت من الاجواء
_شاهيناز:: اي والله انوب اني دخت من مساع لسه افكر
_عاتكه:: بشنو
_شاهيناز:: بلون الفستان مال العرس افكر البس لون فاتح
_عاتكه:: تشاقين؟
_شاهيناز:: لاعليمن؟
كامت تفتر ب الغرفه وتتخيل الاجواء من يمها واني صافنه بعدني مارابطه فيشه سمعت صوت فقار وجادح بسرعه جريت الربطه ونزلت اني وشاهيناز الدرج شفت الكل كاعد ب الصاله حتى عمتي وامي دخل السيد وغضنفر وجادح وفقار واكفين يمه
هز غضنفر راسه يضحك وكف السيد بنص الصاله صارت انضاره متركزه على فقار وجادح الي ضلو واحد صافن بوجهه الثاني مايكدرون يحجون وينطون رأيهم
_جهاد:: ها سيد
_السيد عبد الرؤف:: غضنفر راح يعقد على قدس
جان غضنفر مبتسم بوجهه جادح وفقار من حجه السيد غابت ابتسامه غضنفر ودار على السيد مصدوم ابتسمو جادح وفقار يخفون ضحكتهم كدام السيد كح جادح يغمز لغنضفر الي ضل واكف على صدمته
_السيد عبد الرؤف:: غضنفر حضر نفسك
_غضنفر:: لحظه شنو!!
_السيد عبد الرؤف:: باجر نروح للديوانيه جهاد والعلويه زهراء حضرن نفسجن
حجاها وكعد على القنفه تحت انظار غضنفر الي وضعه كله تغير لصدمه وعدم الرضا بقرار السيد
تغير وجهه من الضحك والفرح للعصبيه والصدمه ضغط على اسنانه بقوه بحيث فكه برز جر حسره يحاول يهدء
دار على السيد
_غضنفر:: سيد انا مامستعد لهاي الخطوه انت تدري انا رافض هذه الموضوع
_عبد الرؤف:: ليش مامستعد؟
_غضنفر:: بدون سبب
كعد السيد على القنفه مدنك راسه فرك عيونه وباوع لغضنفر ورجع دنك
_عبد الرؤف:: براحتك
_غضنفر:: ها؟
_عبد الرؤف:: براحتك هاي هيه موجود فقار وايليا ومفرقد غضيمر ساجد وسجاد جادح هم
_غضنفر:: احممم يعني هاي هيه؟
_عبد الرؤف:: اي هاي هيه ماجبرك
دنك السيد يفرك براسه هدء غضنفر على هدوء السيد الكل جان ساكت ومحد حجه بس الجو جان يوتر ويا هدوء السيد رفع السيد راسه عيونه حمر باوع لحميده وابتسم
_عبد الرؤف:: بنيتي من ايدج كلاص جاي
_حميده:: اي سيد تدلل
كامت حميده للمطبخ كعد غضنفر كدام السيد لزم راس السيد يفرك بي
_غضنفر:: شبيك سيد
سكتت السيد يأشر علي راسه التمو الساده على السيد
_فقار:: سيد لاتعب نفسك انا ماعندي مشكله يمتى تريد نروح ناخذ العلويات لاهل البنيه
ضل السيد ساكت والكل ساكت ويا.... طلعت حميده من المطبخ شايله كوب الجاي اخذه السيد منها متشكر كام من مكانه ودخل للمصلا
_العلويه زهراء:: خلوه وحده يرتاح
حجتها وكامت داخله لغرفتها من شافوها دخلت طفرو كلهم للمصلا ورا السيد بقت عمتي كاعده بمكانها
ساكته تهز برجليها كامت امي من مكانها لعمتي باوعتلها عمتي بدون اهتمام جرت امي راس عمتي وباسته
_رقيه::عذريني علويه والله مو قصدي بس من ضوجتي
_جهاد:: ماصار شي
بقت امي تعتذر من عمتي وعمتي تهز براسها
الجو جان هدوء عمتي صافنه واني والبنات ساكتات نفتح باب المصلا كلنا درنا على جهه المصلا
طلع غضنفر حاضن السيد عبد الرؤف والساده خلفهم
ابتسم غضنفر وباس السيد من راسه
_غضنفر:: علويه حضرن ارواحتجن
_جهاد:: المن
_غضنفر:: For my marriage
_جهاد:: Oh what happened weren't you prepared?
_غضنفر:: under threat
_عبد الرؤف::؟ Who threatened you
ضحك غضنفر وباس السيد من راسه
_جادح:: انكليزين يابه
_ايليا:: طبعا حبيبي عائله مثقفه
_جادح:: لاجهاد شلون هل طلاقه ب الكلام
_جهاد:: شمره من السيد
ماستغربنه محادثهم الانكليزيه لان الكل يعرف السيد وعمتي لغتهم الانكليزيه جيده
طلعت العلويه زهراء من الغرفه مستغربه صوت الضحك شافتهم كلهم ملتيمن والسيد بنصهم مبتسم ضلت صافنه بوجه الكل
_غضنفر:: مو الج الصفنه علويه
_العلويه زهراء:: شو تضحكون؟
_ايليا:: لعد نبجي
_العلويه زهراء:: ليش قبل شوي الوجهه المكلوبه وجوهتمن
ضحكو الساده يشاقون العلويه وكف ايليا بنص الصاله
_ايليا:: احم احممم سادتنا وعلوياتنا الكرام؟ حضرو نفسكم لان غضنفر افندي قرر يدخل القفص مدري يطلع من القفص
كلها درات تشوف وجه غضنفر الي جان مبتسم مجامله ب الكاعدين
_عبد الرؤف:: غضنفر ابني كدام الكل انا ماجبرك ولا اكلك مجبور هذه القرار يرجع الك والموافقه بيدك انت
_غضنفر:: اي وانا موافق هاي هيه كلشي ولازعلك سيدنا
_عبد الرؤف:: مازعل منك ابني هذه الموضوع مايهم بي رضى احد غيرك
_غضنفر:: وانا راضي سيد باجر نتوكل
_عبد الرؤف:: خابر والدتك هم وانطيها علم
_غضنفر:: ان شاءالله
مر هذه اليوم واني مافاهمه منه شي رجعن حميده وحوراء واخذن هجان وياهن للبيت ضليت بس اني وشاهيناز كعدنا ثاني يوم قبل صلاه الضهر توضينه وصعدنا لغرفتي نقره قرأن قبل الاذان
سديت القران من سمعت صوت الاذان سكتت ادعي ويا روحي خليت التربه وبديت اصلي خلصت الضهر والعصر وكعدت اسبح بمكاني وشاهيناز كذالك
سمعت صوت العلويه تهلي وترحب طلعنه اني وشاهيناز وكفنا على الدرج شفت مره بيضه مربربه عيونها ملونه مثل عيون جادح ب الصاله تبوس ب العلويه وخلفها ابنيه شابه تجي بعمري تشبه السيد معتز طلعت عمتي من المصلا ابتسمت المره من شافت عمتي تقدمت لعمتي فاتحه حضنها تضحك حضنتها عمتي ترحب بيها
_جهاد:: هلا ب ام جادح
_رنا:: هلا ب العلويه هلا ب ام عون
بقت عمتي واكفه بمكانها متصنمه من ذكرت اسم عون عمتي تغيرت احاولها كلها ضلت بس ترمش بعيونها
العلويه من شافت حاله عمتي جرت ام جادح من ايدها تضحك
_العلويه زهراء:: تعاي يمه ارتاحي
_رنا:: تعبنه من الطريق
_العلويه زهراء:: الله يساعدج يمه ارتاحي عاتكهه يمه جيبي ماي لخالتج شنو هاي كفايه يمه صايره مره
ابتسمت البنيه الي اسمها كفايه مستحيه عمتي ابتسمت تسلم وتبوس بيها نزلت اني وشاهيناز من الدرج صارت الانضار علينه ابتسمت ام جادح من شافتنا
_رنا:: هذن الحلوات بناتمن
_جهاد:: عاتكه بت مهدي وشاهيناز بس هادي
_رنا:: ياا فدوه اتذكر اخر مره شفتهن اصغار
_علويه زهراء:: ليش احنا شفناج بعد
_رنا:: بعد علويه والله تدرين ب الاوضاع
سلمت اني وشاهيناز عليهن ضلت شاهيناز صافنه بوجه ام جادح واني انسحبت للمطبخ احضر الضيافه اخذت جكه ماي وكلاص وطلعت للصاله اصب الهن ماي اباوع الشاهيناز تتفحص بعيون ام جادح رجعت للمطبخ لحكتني شاهيناز
_شاهيناز:: هسه عرفت عيونه عليمنن
_عاتكه:: منو
_شاهيناز:: شبيج جادح ابو خزره
_عاتكه:: امه حلوه
_شاهيناز:: اي والله حلوه اخته تشبه السيد معززز ماتضيع ابد
_عاتكه:؛ اييي انتبهت
_شاهيناز:: انطيني اني اودي الضيافه
_عاتكه:: يلا ي النادره
اخذت شاهيناز الضيافه مني وطلعت تتمرطح بمشيتها شافتها ام جادح وضلت تهلي وتمدح بيها
_رنا::يمه فدوه لنادره يبعد روحي تعبناج
_شاهيناز:: لا حبيبتي خاله تعبج راحه
حجتها وكعدت مستحيه عود لحظه لحظه ليش هوا منو سوه الضيافه غير اني؟ شو هاي اخذها الواهس ومستحيه باوعت لشاهيناز صفح الي دنكت راسها تلعب ب ايدها باوعتلي ترمش بعيونها مبتسمه
بدن يسولفن انتبهت عمتي ساكته ونضراتها تغيرت للخزره بحيث حواجبها واحد صعد واحد نازل عاوج روحهه
_العلويه زهراء:: ام جادح انت راضيه
_رنا:: والله علويه ليش اجذب عليج واكلج اي اني ماراضيه بس بعد ماكدرت اكول لا استحيت من الساده وهم دام غضنفر راضي شريد بعد اني صالي سنتين اقنع بي يتزوج ولا يرضى وعود هوا طفر لنجف يم السيد عبد الرؤف حتى مانحجي ويا بسالفه الزواج تالي السيد عرف يحصره
رجعن يسولفن وعمتي على كعدتها دارت ام جادح على عمتي
_رنا:: علويه انت شتكولين
_جهاد:: شكول
_رنا:: على البنيه دام هيه من طرفج
_جهاد:: هيه اذا تجين للخلاق لان بعد الخلاق اهم شي
_رنا:: اي لا طبعا
_جهاد:: اخلاقها عاليه ومؤدبه وشلون بنيه حلوه حتى سجاجين تلعب
_رنا:: شنو؟
_جهاد:: يعني بالمطبخ ماتعبج
_رنا:: هاا اي لعد زين هيج
_جهاد:: اي وعدها خوات هم خو قس ابددد شيلي ايدج
_رنا:: ليش؟
_جهاد:: تستحي خيه قس الهوا لو مر من يمها تستحي منه خو لو واحد حجه وياها حتلو هيه على حق تسكت عن حقها من كد الحياء والايمان موكله امرها لله
_رنا:: يعني اضمن ماتعبني
_جهاد:: اتعبج شنو خيه اكلج نسمه على الكلب
شفت العلويه زهراء عاوجه حلكها وشاهيناز فاتحه حلكها على كلام عمتي حصرتني الضحكه شلون عمتي تصبغ ب البنات وبالاخص قس
_رنا:: اليوم نروح مو!
_جهاد:: عود اليوم السيد كال
_رنا:: اي لعد نروح ولو اني تعبانه من الدرب
_العلويه زهراء:: يلا بس يجون الساده نشوف
انتبهت البنيه طول الحديث ساكته وتلعب ب ايديها
_جهاد:: اي كفاوي شلونج
_كفايه:: الحمدلله عمه انت شلونج مهجان شلونها ماشفتها
_جهاد:: ببيت منتظر فد شوي تجي هيه والبنات
ضلت كفايه ساكته رجعن العلويات يسولفن شلت صينيه الضيافه للمطبخ شفت طاسه ماي متروسه تصب من الطرمبه اجيت اذبها ب السنك بس غيرت واخذت الطاسه وطلعت للحديقه اسكي بيها الحديقه احسن
لزمت شتله الياس الي جان عطرها يفوح
سمعت صوت فتحه الباب وكفت انكت بملابسي اشوف الداخل
شفت الساده دخلو مامنتبهين علي اجيت اصيح ال ايليا بس سكتت من شفت الي دخل وياهم!!
دخل دلهب مدنك لابس بنطرون وبدي اسود ب اسود وشفقه سوده ضام صلعته
دخلو ب اتجاه المصلا كلهم طفرت على جهه الشباك الي تفتح على المصلا
شفت السيد كاعد وحده يقره قرأن
من دخلو الساده تصدق وسد القران وكف خله القرأن على الرف تقدم دلهب يسلم على السيد شكد مالسيد طويل دلهب اطول منه واضخم بحيث السيد اختفى بضهر دلهب
سلمو الساده وتوزعو على المصلا
_عبد الرؤف:: ها بشرو
_غضنفر:: شنبشر سيد كول صدمو
_عبد الرؤف:: ليش؟
_جادح:: هذه دلهب يحجيلك يلا دلهب احجي
_دلهب:: شحجي
_ايليا:: عرفنه عليك من وين اسمك عمرك شنو تشتغل
_دلهب:: شنو حبيبي تريد تطلع الجنيسه
_جادح:: ركز على شنو تشتغل
_دلهب:: لا هاي ماتضيع دلهب دفان النجف
_غضنفر:: يعني الاخ دفان ماعنده تفاهم حجايه وحده تلكه روحك ب الفتحه الخامسه
_مفرقد:: زين شنو ايجابيات الدفن عندك
_دلهب:: واسطه للموتى مثلا ميت من الفتحه الخامسه يزعل من ميت من الفتحه الثانيه نراضيهم
جان السيد صافن عليهم وهما جادين بموضوع الموتى
_ايليا:: زين هوا الميت من الفتحه الخامسه شودا للميت للفتحه الثانيه؟
_دلهب:: تسيارات ميت يسير على ميت مرات اقارب مرات حرشه
_غضيمر:: حرشه؟
_دلهب:: اي يدورون فصول
ضحكو الولد والسيد ساكت صافن عليهم باوعو للسيد وكلهم خنسو ساكتين تحمحم دلهب
_دلهب:: احم اي سيد انا سويت مثل ماكلت
_عبد الرؤف:: زين ولشنو وصلت
_دلهب:: سيد الحفره الي طاحت بيها البنيه جانت محفوره لميت بس هوه مو ميت عادي
_عبد الرؤف:: شلون؟
_دلهب:: الكبر جان لساحر هذه الساحر من جان عايش بايع نفسه للجن جانو يخدمو وهوا يخدمهم
_جادح:: ومايشتغل ب الفلوس
_عبد الرؤف:: لعد؟
_جادح:: سيد يشتغل ب الانفس وسحره مو اي سحر يشتغل كله ب الموت والتفريق والامراض وانواع مختلفه وابسط سحر عنده واخف سحر جان لطفل عمره سنه وشهرين
_ايليا:: هاي شنو؟؟
_دلهب:: الطفل ب ايام المرض راسه صار اكبر من جسمه للان المرض ضاربه ب الراس
جنت صافنه على كلامهم معقوله!! ممكن النفس تضعف لهل درجه بحيث تأذي طفل صغير مافاهم شي من الحياه
_غضنفر:: سيد الجن هما الكتلو
_عبد الرؤف:: شلون وهوا يتشغل الهم؟
جنت مركزه عليهم بكل حواسي بحيث مامنتهى ولامركزه عمتي وشاهيناز واكفات يمي يسمعن وياي صرخت مفزوعه من شفتهن دارن علي مصدومات يأشرللي اسكت هدء صوت الساده وكلهم سكتو ماشوف غير عمتي شالت دشداشتها وركضت وشاهيناز وراها ركضت وراهن اطفر دخلنه للمطبخ مهبوطات وكفت عمتي تراقب باب المطبخ خاف واحد طلع دارت علي خازرتني
_جهاد:: ماعرفتي تصرخين الى من وصلنه للاكشن؟
_شاهيناز:: من الهبطه نسيت عندي رجلين ضليت ازحف
_عاتكه:: اخترعتت من شفتجن
هزت عمتي ايدها ماراضيه ورجعت تباوع من باب المطبخ توني اني وشاهيناز نوكف يمها ومانحس غير كمزت عمتي وركضت من مكانها ركضنا وراها اني وشاهيناز لصاله
دارن علينه العلويه وام جادح ابتسمت عمتي وتقدمت
_جهاد:: منورتنا والله
_رنا:: يبعد روحي نورج
كعدت عمتي كعدنا اني وشاهيناز يمها حاصرتنا الضحكه سمعنه باب المطبخ انفتح ورجع انسد باوعتلنا عمتي صفح ورجعت دارت على ام جادح
مر الوقت بين السوالف اندك باب المطبخ كامت عمتي ودخلت للمطبخ ماطولت ورجعت لصاله
_جهاد:: علويه وام جادح السيد راد يحجي وياجن
_رنا:: اي وينه
_جهاد:: ب المصلا
كامت العلويه وام جادح دخلن للمصلا وعمتي وياهن
بقينه اني وشاهيناز وكفايه كاعدات ب الصاله وحده صافنه بوجه الثانيه درات شاهيناز على كفايه
_شاهيناز:: شلونج
_كفايه:: الحمدلله وانت
_شاهيناز:: الحمدلله
_كفايه:: اي
_شاهيناز:: اي
_كفايه:: اي انت احجي بعد اني استحي
_شاهيناز:: اي حتى اني استحي
ضحكت كفايه مستحيه
_كفايه:: اني كفايه بت السيد معتز واخواني غضنفر وجادح وغل
_شاهيناز:: واني شاهيناز بت سيد هادي وهاي عاتكه بت عمي سيد مهدي عمرها وعمري 23
_كفايه:: اييي اعرفجن بس ماشايفتجن
_عاتكه:: منين تعرفينه
_كفايه:: السيد عبد الرؤف دوم يذكرجن وبعد حميده وحوراء ومهجان
_شاهيناز:: مهجان منين تعرفيها؟
_كفايه:: عندي رقمها اخذته من العلويه من جانن ب ايران دوم نحجي
_شاهيناز:: هااا
جانن يحجن ويصفنن مستحيات هسه بلا كفايه تستحي لان اول مره بس شاهيناز شعجب هل حياء الي نزل.. طلعن عمتي من من المصلا اشرت عمتي لكفايه
_جهاد:: كفوفه ترحين مو؟
_كفايه:: اي عمه
_جهاد:: تمام فد ساعه ونص ارتاحي وجهزي نفسج
_كفايه:: ان شاءالله
كامت شاهيناز من مكانها مبتسمه بوجه عمتي
_شاهيناز:: اللهههه عليج عمه
_جهاد:: لااااا
_شاهيناز:: فدوه عمه فدوه
_جهاد:: ابددد لاتحاولين
_شاهيناز:: ليش عمه مختنكه اريد اتنفس
_جهاد:: الاوكسجين متروس ترس ماتتنفسين
_شاهيناز:: لا اوكسجين الشارع انظف
_جهاد:: شاهيناز لاااا يعني لا
حجتها ودخلت للغرفه دخلت شاهيناز ورا عمتي للغرفه واني وكفايه صافنات مامرت نص ساعه وطلعت شاهيناز تهز راسها فرحانه
_عاتكه:: هاااا!!
_شاهيناز:: عمتي كالت تعاي وياي الطريق وحشه بدونج
سمعنا صوت عمتي تصيح من الغرفه ب شاهيناز
_جهاد:: شاهيناز!!!!!
_شاهيناز:: اشاقه ياروحي
طفرت من مكاني ودخلت للغرفه عمتي من شافتني اشرتلي ب ايدها
_جهاد:: خير!!!
_عاتكه:: عمه فدوه
_جهاد:: طلعيييي براااااااااا
..... اخذت النقاب ولبسته فوك الربطه لبست فوكها العبايه باوعت لنفسي ب المرايه ارتب ب النقاب اجاني صوت شاهيناز
_عاتكه:: جايهه
طلعت من الغرفه نازله الدرج شفت السيد واكف ب الصاله مبتسم يحجي ويا كفايه وشاهيناز وعمتي كاعده على القنفه ضايجه شافني السيد انزل
_عبد الرؤف:: يلا هاي وردتنا الثالثه نزلت
_جهاد:: اي واني صباره اهنا
_عبد الرؤف:: لا علويه انت الشجره الي تطلع الورد
دارت عمتي ضايجه ضحك السيد وتقدم كعد يمها مبتسم سحبها من راسها لحضنه باسها من راسها
_عبد الرؤف:: احلى ورده انتِ ووردتي الوحيده
ابتسمت عمتي وبادلت السيد الحضن طلعن العلويه وام جادح من الغرفه مبدلات
_عبد الرؤف:: ها نطلع
_علويه زهراء:: اي هاي هيه كملنه
طلعنا متوجهين للخارج شفت سياره جادح واكفه يم الباب وجادح واكف كدام السياره بيده جكاره من شاف السيد طلع انخبص وين يشمر الجكاره
حطها بيده وضغط عليها تقدم السيد مستغرب ب اتجاه جادح
_عبد الرؤف:: شبيك
_جادح:: لالا سيد مابيه شي
_عبد الرؤف:: تمام يلا علويات صعدن
صعدنا ب السياره العلويات الكبار كدام واني وشاهيناز وكفايه ورا
_جهاد:: ليش غضنفر مايجي؟
_جادح:: لا ماكدر صاحبه احتاجه وراح
سكتت عمتي مشه جادح والكل جان ساكت شفت عمتي صافنه على الطريق وعيونها متروسات حزن
خليت راسي على الجامه راجعه للماضي
"الماضي"
ركضنا اني والبنات مجتمعات عند السيد نضحك
_شاهيناز:: سيدد شوف هذه كراثث حيلل احبه
_عبد الرؤف:: ابا عبد الله (ع) قال لكل شي سيد والكراث سيد البقول
_حميده:: سيد وهذههه خسس
_عبد الرؤف:: النبي محمد ع قال كل الخس يورث النعاس ويهضم الطعام
_مهجان:: سيدد هذه فجل
_حوراء:: وهذه ريحانننن
جنا فرحانات لان حديقتنه بدت تزهر ويطلع الزرع ركضت لداخل البيت اجيت طاسه اسقي النبات الي مايوصله ماي دخلت للمطبخ اخذت جكه وطلعت اركض للحديقه الخارجيه بطئت خطواتي من شفت جهاد
للبيت تصرخ
_جهاد::سيددد
طلعت العلويه من الغرفه مستغربه
_العلويه زهراء:: شبيج جهاد شصاير؟؟
_جهاد:: ابوي وينن!!!!!!
_عبد الرؤف:: ها بنيتي شبيج؟
دخل السيد للصاله والبنات ورا مستغربين حاله عمتي تقدمت عمتي للسيد ترجف وعيونها مدمعات
_عبد الرؤف:: شبيج علويه منو وياج!
_جهاد:: سيد همام يريد يتزوج عليه!!
حجتها تمسح بوجهه نصدم السيد مستغرب
_العلويه زهراء:: وليش يتزوج عليمن؟؟؟
_عبد الرؤف:: علويه اهددي بابا جهاد شصار فهمينه من البدايه
_جهاد:: شفهمكم سيدد همام يريد يتزوججج
حجتها وكعدت على القنفه تمسح دموعها الي غدرنها
_العلويه زهراء:: ليشش تبجين جهادد بس لاتبجين لان راح يتزوج؟؟؟؟
_جهاد:: لاااا ابجي لان راح يتزوج صديقتييي يريد يتزوج مزن!!!!؟
اهنا الكل دخل بصدمه حتى السيد ضل مصدوم مزن؟ مزن؟؟!!! صديقه عمتي من الطفولة! الي تربن ودرسن سوى! مزن الي ابوها صديق السيد الروح ب الروح؟ مزن اكثر وحده عمتي تثق بيها وتحسبها اخت مو صديقه معقوله تزوج همام زوج عمتي!!!!
_علويه زهراء:: مزننن بت شيخ مجتبى؟؟؟؟؟
_جهاد:؛ اي اي هههه صالي فتره اشكيلها برود همام وتصرفاته الغريبه وهيه تدافع اله بحجه يتعب وحقهه وعذري طلعو الحبايب محضرين المهد قبل الولد
_عبد الرؤف:: منو كلج؟
_جهاد:: لاتخاف سيد محد كلي ولا اجو وصلو حجي لالا ماتعبوني اصلا اجاني همام بلسانه كالللل انا ومزن راح نتزوج
_عبد الرؤف:: تاكدتي منها؟
_جهاد:: تأكدتت وكالت ايييي مانكرت ولا تعبتني هممم
بقه السيد والعلويه ساكتين وعمتي صافنه تهز برجليها بقوه
_عبد الرؤف::كومي بابا جهاد كومي ارتاحي
_جهاد:: سيد اريد اطلك
غمض السيد عيونه وهز راسه ب اي
_عبد الرؤف:: تطلكين
_جهاد:: سيد اني حامل
انصدم السيد صافن بعمتي الي ابتسمت بحزن مدنكه
_جهاد:: سيد غدروني والله توقعتها من همام بس مزن لااا مزن اختيي سيدد اختي مو صديقه شلون هيج تسوي!!
حجتها ونهارت تبجي اخذها السيد بحضنه يصبرها
_عبد الرؤف:: الي تردي انا حاضر اله وحيدتي انت وماريد اشوفج غير راضيه تردين ترجعين لبيتج او تطلكين القرار بيدج
_جهاد:: مارجعع اطلكك ووجههه ماريد اشوفه بعد سيد وجهه ماريد اشوففههه ابددد
هز السيد راسه ب اي اخذت امي والعلويه عمتي للغرفه ترتاح دخل السيد للمصلا لبس عباته وطلع من البيت ضلينه اني والبنات ساكتات مابدر من عدنه رد فعل غير الانتظار اي ضلينه كاعدات ب الصاله منتضرات الي راح يصير
مر ساعتين من الوقت دخلو الساده كلهم اخواني وولد عمي ابوي وعمامي والسيد وراهم طلعن العلويات من الغرفه وعمتي وياهن
_العلويه زهراء:: ها سيد؟
_عبد الرؤف:: باجر يجي يطلك
_جهاد:: ههههه باعي يمه حتى ماحاول ولا اهتم
_فقار:: يكول مثل ما انتم محللين على ارواحتكم تعدد الزوجات انا هم مامسوي حرام وماشي بشرع الله
_ايليا:؛ و اذا عمتكم تريد ترجع ترجع معززه مكرمه ماينقص عنها شي من الي جان عدها
اكتفت عمتي ب السكوت ودخلت للغرفه بهذه اليوم السيد ضل كاعد ب المصلا ويا الساده
ثاني يوم جنت ارتب ب المصلا سمعت صوت مزن ب البيت معقوله؟ طلعت من المصلا وشفتها واكفه ب الصاله كدام عمتي
_مزن:: يعني من تكولين اني حامل شمتوقعه راح يعوفني؟
_جهاد:: وانت متوقعه اني كلت اني حامل حتى يعوفج؟ بنتي اصحي لا انت ولا هوه ابالي
_مزن:: لعدد حركتج هاي شنووووو جهاد!!!!
_جهاد:: حتى من نفس الحظه الي سمع بيها الخبر ينسى عنده شي يمي
_مزن:: جهاد بطلي تتصنعين القوه الضعف واضح بعيونج
ضحكت عمتي ب استهزاء
_جهاد: اني العلويه جهاد بت سيد عبد الرؤف مو اني الاتصنع القوه لا!!! القوه هيه التتصنع الي حمدي ربج اني تربات السيد عبدالرؤف والحد هسه اتذكر الزاد والملح الي بينه وبعيني العشره لان ساسي مايخونها ولاينساها وهسه يلا ماشوفج كدامي زين مني راضيه توكفين بنص بيتي يلا برااا يلااااا
.......
"الحاضر"
كطعت صفنتي شاهيناز تهز كتفي
_عاتكه::هاا؟
_شاهيناز::وصلنه
وكفت السياره كدام بيت محاوطه بستان كبير نزل الكل من السياره نفتح باب البيت طلعو زلم يرحبون بينه اشرولنا ندخل للبيت
دخلنه والعلويات الكبار كدامنا واحنا وراهن شفنا القافيات واكفات منتضراتنا من شافتنا قس ابتسمت عيونها مدمعات تتقدم ب اتجاهنا ترحب بينه
اخذتها عمتي بحضنها تهمس بينها وبين قس
_جهاد:: اششش مانريد بجي هسه
_قس:: علويه
_جهاد:: بعدين قس بعدين
_قس:: تمام تفضلو علويات تفضلن جوا
حضنه قس والقافيات ودخلنه للداخل صارت كدامنا مره جبيره ابتسمت بوجهنا ترحب بينه
_ننضال:: هلا هلا ب العلويات تفضلن تفضلن
اخذتنا ب الاحضان تهلي بينه دخلنه للصاله كاعدات جابنن البنات الضيافة فرحانات جرت عمتي قس من ايدها
_جهاد:: قدس وين؟
_قس:: فوك
_جهاد:: صعدي رتبيها ونزليها وياج
_قس:: ليش
_جهاد:: دروحي قس لاتسألين
_قس:: يلا لعد كايمه
صعدت قس تصيح قدس والعلويه وام جادح ضلن يسولفن ويا مرت عم قس
نص ساعه ونزلت قدس ويا قس
صفنت على قدس شصاير بيها؟ كوه تنزل الدرج وجهه اصفر وشفايفها بيض عيونها متأكل سواد السهر تحتهن
نزلت يمنه وابتسمت كمنا اني وعمتي والبنات نسلم عليها
ضلت عمتي مصدومه من حاله قدس وشلون ذابله!!!!
"قس"
الفتره الي مرت علي اني وخواتي من اصعب الفترات
تخيل تكون سند خواتك بدون ام بدون اب وبدون اخ كفو متأكده راح يحتضنجن بعز ضيمجن
_قاسم:: متونسات بنات القنادر متونسات كاعدات ببيوت الواد مو
_باسم:: لو ما عيب من السادة والله اطيح حضجن بنص البيت
_قاسم:: انوب البيت كله زلم نعلعله رسجن الخايس عليمن اطلعن بنات ال..... امجن منو
_قس:: اكل خرا لك امك هم ليش ال.... منو
_قاسم:: باع السان بس خل اوصل اذا ماكصه الج
_قس:: دكمل طريقك كمله لاتمسلت
_قاسم:: بت ال...... ابن ال..... انت اطبك على صفحه خل اكطع القن/دره على راسها
_باسم: عوفها يمعود السيد حلفنه وامنهن يمنه
_قاسم:: وهوا السيددد منو يعني ويأمن عليهن خرا بيك انت و السيد
_قس:: انجب..... انت يسوى راسك هذه
زلمه بكد جدي وعينه مايخليها بعيني مو مثلك الملطلط ابو النسوان
كعدت اصرخ بنص السياره وهذه داير علي يريد ينشوني واني اشمر علي برجلي
_قبس:: كافي سمممم شجاكمم
_قاسم:: سكتي القن/دره اليمج
_قس:: قند/ره بحلككك ابو فو/حه
رجع دار علي ماد ايده يريد ينوشني لزمت ايده وعضيتها بقوه ضل يجر بيده يصرخ والبنات وباسم يركعون براسي يردوني اعوف ايده
_قاسم:: بويهههههههههه
_باسم:: هرشششش شاجكك الوادم تباوع عليك
_قاسم:: كطعتتت اللحمههه كطعتتتت الحمهه
_قبس:: قسسسس عوفي راح ننكلب
_قس:: اعععووفع
_باسم:: شني
عفت ايده ورفعت راسي لازمتها بيدي
_قس:: ماعوفهه
حجيتها ورجعت عضيته ورجع يصرخ والبنات رجعن يجر بيه مرت سيارت عمامي من يمنه يدكون هورن دار عليهم من الجامه مبتسم رافع ايده طلعونا وهوا رجع يصرخ عفته وتفلت اوخر ملوحه ايده من حلكي
_قس:: الاملح سباحه مايسبح
لزم ايده مسحونه روحه من العضه راد يغلط ويدور عليا بس خاف ارجع اعضه ودار يدردم ويا روحه
_باسم:: اعوذ ب الله مو بشر جلب
_قس:: شكلت؟
_باسم:: انتِ ياهو يمج
رجع يكمل طريقه والكل ساكت كل شوي اتفل ب الكنيسه لعبت روحي من ايده كملنا الطريق رادين لديرتنا
درت على قدس شفتها نايمه على كتف قبس وقادسيه وقسار ورا ثنينهن صافنات على الطريق رجعت مكمله صفنتي على الجامه.... مر الوقت ودخلنا لمنطقتنه السنيه درت على البنات
_قس:: وصلنا
رفعت قدس راسها تباوع للمنطقه مبتسمه ابتسمت على ابتسامتها توقعت راح ترجع نفسيتها تتعدل برجعتنا الديوانية بس ماتوقعت ولاحسبت احساب ممكن هاي الرجعه تكلب حياتنا كلاب؟
وكفت السيارات كدام البيت نزلنا اني والبنات لازمات قدس بيدنه تقدم عمي محمد عاكد حواجبه مخنزر اشر النا على البيت
_محمد:: دخلن جوا
لزمت قدس ودخلنا للبيت طلعو الجهال يركضون من البيت للطارمه عبالكم يستقبلونه وعود مشتاقين وهاي سوالف المسلسلات؟ لالا طلعو يركضون مصاليخ وامهاتهم وراهم يردن يلزموهم حتى يسبحوهم
بس احنا جهالنا يتحسسون من الماي والنظافه
تحرك جسمهم.
اشوفهم واحد يركض لابس بجامه بدون فانينه
والثاني لابس حفاظه بدون بجامه وفانينه
والثالث بدونهن كلهن
عبرو من يمنا يصرخون مالحكت تلزمهم وطلعو للشارع
وكفت بنص الطارمه تغلط علينه باوعت علينه ماعاجبها
_مروه:: مابيجن خير تلزمنهم
_قس::وعليكم السلام الله يسلمج احنا الاشوق اي اي ندري بيج مشتاقتلنا قدس؟ لاقدس مابيها شي شوفيها شلاحتها حبيبتي انت شر مايجيج
حجيتها مبتسمه باوعتلي صفح وهزت ايدها تدخل للبيت دخلنا للبيت وووو ايي بدت النغمه الرنانه..
_نضال:: هلا يابه هلاااا ب امهات الخواره
_قبس:: عمه شبيج توهن دخلن
_نضال::نجبي لجج نجبي ثلاث ايام بنات ماندري وين دايحات شوف شوف عينهن كويهههه ولايمهن داخلات رافعت الصدوره حقجن ماكو رداد يردجن
تمشيت ادخل قدس للغرفه وهاي وراي مرعوصه
_نضال:: اي اي طفرننننن امهات الشوارع الدايحات.....
فتحت باب غرفه ابتهال بت عمي شفناها كاعده على الجربايه التلفون بيدها مبتسمه من دخلنه انصدمت كامت من مكانها ب اتجاهنا
_ابتهال:: الحمدالله على السلامه
_قدس:: الله يسلمج
بوستنه تأشر النا على الجربايه
_ابتهال:: كعدنها اهنا خل ترتاح
كعدت قدس على الجربايه نزعت الشال وشمرت روحي تعبانه
_ابتهال:: هاي شصاير بيجن
_قس:: شبينه شحلاتنه
_ابتهال:: اي لا شحلاتجن دتعالن سولفن
بعدنه حتى ماحاجين وابتسمت من دخلت للغرفه تصرخ
_نضال:: كومننننننننن البيت ضال خايسسسس
_قس:: جا شكد وصخين ثلاث ايام تنتضرونه نجي انظف خيستكم
نزعت النعال البرجلها ودخلت للغرفه كلهن صار كدامهه واني وراهن اتصدى الضربات النعاليه غمضت تك عين وقنصت علي ب الكصه ب الضبط بنص كصتي
انسحنت روحي من قوه النعال ضليت مجطوله ب الكاع والبنات لازمات نضال لان نزعت التك الثاني ورجعت اتقنص
_ابتهال:: يمه عليج الله بداعتي عليج عوفيها
_نضال:: وخري بت......
_قبس:: عمه هسه انظف بس اهدي
_قسار:: خايبينن هاييي ماتتتتت
_نضال:: حلللل وابو زايد
طلعنها البنات من الغرفه تدفع وهيه تتحلف فتحت عيوني دايخه
_قبس:: مو نعال حشه السامع
_قادسيه:: ابتهال امج تشتغل بصف القناصين العراقين شنو
_ابتهال:: دسكتي ماتذكرين من شمرت النعال علي واني انزل الدرج
_قسار:: خو قس اتونست على نومه الكاع
_قس:: خايباتتتت كصتي عنجرت
لزمت مكان الكصه متوجعه صارت عنجوره اهنا كمت من مكاني ادهرب واني امشي
_قادسيه:: من قوه الضربه راح تنظف بيوت الديوانيه كله
طلعت من الغرفه اتفحص الجو باوعت يمنى يسرى ماكو احد طفرت ركض على الدرج للغرفتنا فوك فتحت باب الغرفه وطبيت وكفت كدام المرايه مركزه ويا الضربه فعلا هاي ضربه قناص مامعقوله ب العين المجرده ابد
رحت للنضده اخذت بطانيه وفراش اخذت المخده شمرتها على الفراش وشمرت روحي نايمه يلا اني هم ردتها حجه بحجه متصوبه مابيها تشتغل
غمضت ماخذتني عيوني للنوم
فتحت عيوني على الخفيف من سمعت صوت فتحه الباب شفت قدس تدخل للغرفه رجعت غمضت عيوني مكمله النومه حسيت بقدس تحضني من الخلف وايديها صارت على بطني لزمت ايدها وحضنتها اجاني ملمس خشن ب ايد قدس بس ماركزت هواي وغفيت... ماكعدت غير من سمعت صوت قدس فتحت عيوني ورجعت سديتهن نعسانه رجعت تهز بيه
_قدس:: قس قس
_قس:: همممم
_قدس:: عطشانه قدس اريد ماي
_قس:: شربي
_قدس:: دايخه قدس مابيه انزل فدوه كومي جيبيلي ماي
رفعت راسي من المخده عاكده حواجبي ومخنزره الغرفه ظلمه ماشوف وجهه بس اسمع صوتها لصمت حلكي وسكتت لازمم قس لازم تهدين نفسج حبيبتي لزمي اعصابج شوي ايي عفيه هدي نفسج لان لو شوي ترتفع الطناكير انسى قدس مريضه هزيت راسي ب اي وكمت من الفراش فتحت باب الغرفه وتمشيت للدرج
افرك بعيوني واتثاوب النومه بعيني نزلت الدرج الم بشعري احاول اسيطر على نفسي لا اكلب دقله على الدرج
وزعت انضاري على الصاله هدوءء وظلمه كلها نايمه شفت الساعه ب 2 وربع
نزلت اخر بايه من الدرج وتوجهت داخله للمطبخ اخذت جكه ماي ووكفت يم البراد اترسها ماي
كل شوي احط ايدي على حلكي اتثاوب
حسيت بدخول شخص للمطبخ من كد ماتعبانه ونعسانه
ماكلفت على نفسي ادور اشوف منو شفت الجكه نترست ماي وخرتها من البراد اخذت اكلاص ودرت اطلع من المطبخ ضليت واكفه مصفصفه ب المطبخ مصدومه
_قس:: قدس ليش نزلتي مو كلتي دايخه؟
باوعتلي قدس مستغربه عيونها منفوخات من النوم
_قدس:: وين نزلت ماصعدت فوك اصلا جنت نايمه بغرفه ابتهال
ضليت فاتحه حلكي مصدومه الجكه بيدي خليتها على المجمده افرك بعيوني
_قدس:: شبيج؟
_قس:: تشاقين وياي مو؟ مو توج كعدتيني اجيبلج ماي
_قدس:: قس شبيج ماصعدت فوك نمت جوا حتى البنات كلهن نامن هنا بس انت صعدتي فوك
جسمي كله رجف مرعوبه اذا هيه ماصعدت فوك وكلهن نامن جوا لعد منو الي جان نايم يمي فوك!!!!!
ضلت قدس صافنه عليه خايفه باوعتلها خايفه خاف هاي الجني انوب وقدس فوك لو هاي قدس وفوك الجني تقدمت شوي شوي للباب المطبخ وطكيتها ركضه للغرفه ابتهال قدس من شافتني ركضت صرخت خايفه وركضت وراي فتحت باب الغرفه شفت البنات كلهن نايمات شمرت روحي بنصهن منبطحه دخلت قدس عيونها مدمعات خايفه
_قدس:: قس عليج الله خل انام يمج
_قس:: بس تجين يمي ادكج بهذه النعال اليم الباب امشيي
حصرت روحها يم قسار حاضنتها صافنه للباب
_قس:: ليش تباوعين للباب
_قدس:: خاف يدخلون علينه
_قس:: ياهم صحبانج
_قدس:: لااا قدس سكتي فدوه
حجتها وغطت راسها خايفه اجذب لو اكول ماخفت لا هواي خفت وكل ماتذكر الي صار ب الغرفه وشلون حضنوني يكزبر جسمي ونوب عطشان يريد ماي
مر وقت طويل يلا كدرت انام واغمض عيوني
... كعدت الصبح على صوت بجي ولطم رفعت راسي لكيتها كلها ماكو
طفرت من مكاني خايفه خاف خواتي بيهن شي فتحت باب الغرفه صارو كدامي كاعدين ب الصاله مرت عمي مريم ادك على وجهه تبجي
_قس:: ياهووو ماتت
_نضال:: الله يكافينه شرج البومه
_مريم:: والله العظيم بليل خليتلهن ماي ونمت مابيهنن شي
ضليت صافنه بوجهه مافاهمه هسه منو الميت غير اعرف جريت قبس من ايدها
_قبس:: اخخ ايديي
_قس:: شنووو ياهو ميت شصاير ليش تبجي
_قبس:: الدجاج مال مريم كله ميت
_قس:: يااا شموتهن
_قبس:: مادري كعدنا الصبح عود راحت اتجيب بيض من الدجاج لكته كله ميت بمكانه بدون سبب كلهن حتى الدياجه
_قس:: ياااا خاف متسممات
_قبس:: مادري بس الديج الهندي الجبير
_قس:: شبي
_قبس:: مذبوح وراسه متفلش تفلش بحيث فص عيونه طالع
ضليت مصدومه ومستغربه منو كاتلهن وليش؟
مريم خلصت عمرها تشتري دجاج وتكعدهن على البيض حتى يكفن الكتاكيت بحيث مسويتلهن غرفه خاصه الهن وابد مانشتري بيض لان هواي يبيضن
انتبهت على قدس كاعده على الدرج ومبتسمه بخفه استغربت نضراته وفرحتها مر الوقت والكل اطشر ومريم ضليت حزينه على اعزاز كلبها وضلت معتفكه على نفسها من البشر طلعت اجيب الملابس من الحبل خارج البيت على مسافه تمشيت للحبل وتذكرت العلويات يالله شكد اشتاقيت الهن واكثر وحده العلويه جهاد
بس اصلح التلفون اتصل عليها هسه عبالها نسيناها
وصلت للحبل جان مثل الحوش اكثر من حبل اهنا نغسل الملابس ونشرها جريت ملابسي من الحبل ورجعت للبيت اسحول بروحي دخلت على جهه المطبخ سمعت صوت صريخ خواتي ونضال دخلت اركض اني والملابس لصاله توفعت نضال مسويتلها حركه ويه وحده من البنات الي ب الحقيقه لاا!!!
جانت قدس واكفه بنص الصاله تصرخ وتضرب على راسها والكل منسحب منها
_قدس:: لاتشعلوووووو اموتكمممممم اذا شعلتووو
_قس:: شصايرر!!!!
_قدس:: قس باعي باعي يردون ياذوني راسيييي راح ينفجر راسيييي
حجتها وبجت تضرب على راسها الكل جان مبتعد عنها حتى خواتي جريتها احضن بيها متأذيه على اختي وعلى الجاي يصير بيها بجت بحضني تهمس بخفه
_قدس:: قس هاي مو اني مو اني ليش هيج يصير بيه
_قس:: مابيج شي انت قدوسه
_قدس:: لاقس لاا بيههه بيهههه
دفعتني منها تصرخ بقوه صعدت للغرفه تحت انضار وصدمه الجميع
_قس:: شسويتوووو الهاااااا شبيهااا
_نضال:: من هرش كون شسوينالها شعلت قناه الانوار وطلع قرأن وهيه نرعصت شلون خالين قران
بدت الايام تمشي وقدس يوم عن يوم تتغير غير الاحداث والمواقف الي بدت تظهر بكل احد هذه المواقف جنت واكفه اتوضى ب الطارمه والمرايه كدامي دنكت امسح على كف رجلي وكفت البس النعال صارت عيني على المرايه الكدامي ضليت مصدومه من الخوف واني اشوف شخص واكف وراي لابس دشداشه بيضه وشعره طويل يهز براسه التفتت مفزوعه وانصدمت من شفت قدس واكفه وراي ابتسمت بوجهي
_قدس:: شبيج
_قس:: ها ها لامابيه شي مابيه
طفرت اركض للداخل مصدومه من الموقف ماكدر استوعب الي صار بيوم اجتني قادسيه تبجي وترجف من الخوف
_قس:: شبيج!!!!
_قادسيه:: قس نزلت اسبح واني واكفه على الدرج عبرو من يمي جهال
_قس:: جهال شنو؟
_قادسيه:: ماعرف قسسس جهال ماعرف اقزام مادريي عريانين مالابسين ملابس ركضو للمطبخ من دخلت مالكيت احد والباب مسدوددد
واحد من المواقف بليل دخلت للحمام من طلعت اريد اصعد الدرج صارت عيني على نهايه الدرج فوك شخص يزحف على رجلي ويباوعلي من صعدت الدرج ركضت ب الممرر واختفى
ماعرف شنو الي صار ولا ليش هيج جاي يصير بس الي اعرفه الرعب دب بقلوب كل الي ب البيت!!!!
ولاكن اقوى موقف مر علي بيوم سمعت صريخ خواتي جاي من الغرفه ركض الكل متوجهه لغرفتنا دفع جاسم الباب انصدمت واني اشوف قسار مرميه على الارض مغمى عليها وبطنها تصب دم
وقدس ب الزاويه لازمه السجينه بيدها وتشكك ب ايدها
ركضو اخواني وعمامي الهن واني بقيت واكفه بمكاني مصدومه شالوهن ثنينهن للمستشفى
بيومها ماكدرت اصبر اكثر اخذت تلفوني وركضت ل باسم اخوي
_قس:: باسم عليك بروح ابوي صلحه
_باسم:: قس انطيني مجال اني اصلحه بس احصل جم فلس
_قس:: اني انطيككك الفلوس بس صلحه
_باسم:: انت ليش هيج كاتله روحج على التلفون؟
_قس:: اريد اخابر العلويه
_باسم:: ياعلويه؟
_قس:: بت السيد عبد الرؤف بلكت تكدر تشوف حل لقدس قبل لاتموتتتت نفسهاااا
وفعلا بنفس اليوم صلح التلفون وجابه اخذتني ايدي على رقم العلويه
_قس:: السلام عليكم
_جهاد::عليكم السلام قس!! وينجن ليش هيج مختفيه؟
_قس:: علويه اختييي راح تروح من ايدي
_جهاد:: ليشش شبيهاا شكو؟؟؟؟
بجيت بصوت اشهك
_جهاد:: ولج مامااا اهدي خل افهمم
_قس:: انتحرتت علويه قدس انتحرت
حجيتها وبجيت امسح بدموعي ويرجعن يطيحن اجاني صوت السيد من سمعت صوته ماتحملتت ابدد انهاريت ب الزايد ابجي واحجي كل الي صار
وصلني صوت السيد
_عبد الرؤف:: هاي هيه بابا قس هل كم يوم واحنا يمكم... ان شاءالله انتبهي لنفسج ولخواتج وخلي ايمانج قوي ب الله
ودعت السيد مرتاحه ومتأكده ماراح يعوفني وحدي دام انطاني وعد
_قس:: بس ماتوقعت تجون تخطبون قدس؟
"عاتكه"
جنا اني وعمتي وشاهيناز نسمع قدس
_جهاد:: قس ماعرف شي اني ابوي الي اخذ هذه القرار
_قس:: علويه قدس مستحيل توافق؟
_جهاد:: هسه انت لاتسديها كلش اخذو وقتكم وردولنا الموافقه
_قس: زين غضنفر موافق؟
_جهاد:: اي موافق
_قس:: اي اي لو اي؟
_جهاد:: تردين الصدك صدك لو الصدك؟
_قس:: الصدك صدك
_جهاد:: هوا متردد شوي يعني بس هوا موافق
_قس:: اخخخخ علويه والله مادري شنو الي جاي يصير اختي جان مابيها شي فجاءة بيوم وليله تتغير؟
_جهاد:: قسوسه هذه كله اختبار من الله صيري قويه لان اشوفج انت اقوى اخواتج والاعتماد عليج
_قس:: بدون ماتحجين علويه خواتي عيوني الاربعه
_جهاد:: عفيه بنيتي انتِ
باست العلويه قس من خدها وهاي من شافت العلويه باستها حضنت العلويه تبجي
_قس:: احبج علويه
_جهاد:: اني هم احبج
_قس:: علويه حيل حنينه انت
_جهاد:: بت سيد رؤف لاتشكين بحنيه كلبي
بقت قس حاضنه عمتي صاحتنا العلويه طلعنه من الغرفه شفنا العلويه وام جادح واكفات
_العلويه زهراء:: يلا يمه امشنا
_نضال:: بعد وكت علويه ماشبعنه منكم
_العلويه زهراء:: يابعد روحي والله يمه ورانا طريق طويل وليل هم يلا
ودعت عمتي القافيات وبوستهن وحده وحده طلعنه من البيت ركبنا سياره جادح ومشه بينه
_عبد الرؤف:: شنو الاوضاع
_العلويه زهراء:: بعد كالو نشوف اخوان البنيه والبنيه ونردلكم الموافقه
_عبد الرؤف:: خير ان شاءالله ام جادح شنو رئيج
_رنا:: والله سيد البنيه حلوه بس حيل متعوبه
_عبد الرؤف:: ان شاءالله خير
كملنه طريقنه راجعين للنجف والكل ساكت اشتغلت قصيده ب المسجل بدت عمتي تردد ويا القصيده بهدوء
"نوحي على الاولاد ي الزهره الحنينه ×2
في كربلاء واحد وواحد ب المدينه
" مات الحسن ونهدم سور الهاشميه
هادي المدارس اصبحت بعده خليه
"وانتِ ي زهره ب الصفايح مختفيه
ليتج ب زهره جنتي يمه وتنضرينه
كملت عمتي القصيده ماجنت حاسه على نفسي واني الطم على فخدي درت على شاهيناز وكفايه شفتهن يلطمن نفسي حتى العلويات والسيد مانتبهنا على نفسنا
اخذنا صوت عمتي وفصلنه عن الواقع
وصلنه للنجف لبيتنه نزلنا نتتضر ام جادح واخته ينزلن بس مانزلن
_جهاد:: ماتنزلون؟
_رنا:: لا والله علويه مشكوره رايحين
_علويه زهراء:: شنهي يمه نزلو نزلو
_رنا:: لا والله علويه مانكدر ورانا درب واختي اتصلت علي هم جايه لنجف
_جهاد:: ممابيها شي هسه جادح يروح يجيبها ويجي انت وياها يلا نزلي ام جادح
حاولو وياها هواي وهيه مصره على الروحه انتبهت على جادح فاتح جامته وصافن على شاهيناز الي هيه هم صافنه علي بنص الشارع وكدام السيد عبد الرؤف وعمتي والعلويه بحيث حتى مايرمشون بكد مامركزين ببعض خفت السيد لو عمتي تشوفها رحت ب اتجاهه جريتها من ايديها ب اتجاه البيت
_عاتكه:: امشي شاهيناز
_شاهيناز:: ها شنو
_عاتكه:: امشي وثول ماتستحين على نفسج بنص الشارع وكدام السيد كاضيتها صفنات
_شاهيناز:: لا ماصفنت
_عاتكه:: اي لااا ابد
دفعتها لداخل البيت ودخلت صاعده لغرفتي ابدل بدلت ملابسي وشمرت روحي جفت على الفراش نايمه... ماكعدت غير على صلاه اليل صليتها ورجعت نمت لثاني يوم اجتمعنه ب المصلا اني والسيد والعلويات
دخلت عمتي للمصلا بيدها التلفون ضايجه
_عبد الرؤف:: ها علويه شبيج
_جهاد:: لاسيد مابيه شي شاهيناز الشاحن وين؟
_شاهيناز:؛ ب الميز بغرفه عاتكه
طلعت عمتي من المصلا دار علينه السيد
_سيد عبد الرؤف:: نكمل. شنو جان سؤالج شاهيناز
_شاهيناز:: اي سيد شنو افضل اوقات للدعاء؟ يعني الي يكدر العبد يدعي بيها لله وتكون ساعه استجابه
_عبد الرؤف:: الله سبحانه وتعالى بكل وقت يجيب العبد وكل لحظه يدعي بيها العبد هيه ساعه استجابه بس هم اكو اوقات مفضله لدعاء
_شاهيناز:: اي سيد شنو اوقات الدعاء المفضله؟
_عبد الرؤف:: الامام الحسين (ع) يقول اطلبو الدعاء في اربع ساعات عند هبوب الرياح وزوال الافياء ونزول القطر واول قطره من دن القتيل (الشهيد)
ويستجاب الدعاء في اربع الوتر وبعد الفجر وبعد الظهر وبعد المغرب والامام علي يقول اغتنمو الدعاء عند قراءة القران وعند الاذان وعند نزول الغيث وعند التقاء الصفين للشهاده
_حميده:: ب اختصار الله بكل الاوقات يجيب الدعاء
_عبد الرؤف:: ب الضبط
عاتكه:: سيد اتذكر مره كلت ان الله عز وجل يحب من عباده المؤمن كل عبد دعاه في السحر الى طلوع الشمس فأنها ساعه تفتح فيها ابواب السماء وتقسم فيها الارزاق وتقضي فيها الحوائج العظام
هز راسه السيد ب اي
_شاهيناز:: زين سيد شنو مقدمات الدعاء؟ يعني نجي وندعي
_عبد الرؤف:: الامام علي يقول اذا دعوت الله عز وجل فمجده سألو كيف التمجيد؟ قال ان تقول (يا من هو اقرب الي من حبل الوريد يافعالا لما يريد يا من يحول بين المرء وقلبه يا من هو بالمنظر الاعلى يا من ليس كمثله شيء)
جان السيد يحجي واني اردد ويا
_حوراء:: سيد منو الي يستجاب دعاءه؟
_عبد الرؤف:: خمس دعوات لايحجبن عن الله دعوه الامام المقسط ودعوه المظلوم يقول الله وعزتي وجلالي لانتصفن لك ولو بعد حين يعني استوفى حقه كاملا من فلان ودعوه الولد الصالح لوالديه ودعوه الوالد الصالح لولده ودعوه المؤمن لاخيه بظهر غيب
_شاهيناز:: زين سيد هم اكو دعاء مضمون؟
_عبد الرؤف:: كل الادعيه مضمونه بس هذه الدعاء منقول من الامام ابا جعفر (ع) قال ادع بهذه الدعاء وانا ضامن لك حاجتك الدعاء (اللهم انت ولي نعمتي وانت القادر على طلبتي وتعلم حاجتي فأسألك بحق محمد وال محمد لما قضيتها لي)
والنبي محمد يقول ان الله ليستحي من العبد ان يرفع اليه يديه فيردهما خائبين
خلصنه الدرس طلع السيد من المصلا واحنا كعدنا نراجع بوصيه النبي محمد للامام علي جانت وصيه طويله 10 صفحات متروسات اشارككمم القليل من هذه الوصايا
_ياعلي:: خلق الله الجنه من لبنتين لبنه من ذهب ولبنه من فضه وجعل حيطانها الياقوت وسقفها الزبرجد وحصاءها اللؤلؤ وترابها الزعفران والمسك الاذفر ثم قال لها تكلمي فقالت لا اله الا الله الحي القيوم قد سعد من يدخلني فقال الله جل جلاله (وعزتي وجلالي لايدخلها مدمن خمر ولانام ولا ديث ولا مخنث ولانباش ولاعشار ولاقاطع رحم قدري)
_ياعلي:: ثلاث من مكارم الخلاق في الدنيا والاخرة ان تعفو عمن ظلمك وتصل مظ قطعك وتحلم عمن جهل عليك
_ياعلي:: كره الله عز وجل لامتي العبث في الصلاة والمن في الصدقه والضحك بين القبور وكره الكلام بين الاذان والاقامه
_ياعلي:: من خاف الله عز وجل اخاف منه كل شيء ومن لن يخف الله اخافه الله من كل شيء
_ياعلي:: سبعه من كن فيه قد استكمل حقيقه الايمان وابوب الجنه مفتحه له من اسبغ وضوءه واحسن صلاته وادى الزكاه ماله وكف غضبه وسجن لسانه واستغفر لذنبه وادى النصيحه لاهل بيته
_ياعلي:: انهاك عن ثلاث خصال الحسد والحرص والكبر
_ياعلي:: اربع خصال من الشقاء جمود العين وقسوه القلب وبعد الامل وحب البقاء
_ياعلي:: ثلاثه يزدن في الحفظ ويذهبن البلغم اللبان السواك وقراءة القران
_ياعلي:: لايقبل الله دعاء قلب ساه
_ياعلي:: الصدقه ترد القضاء
_ياعلي:: من احزن والديه فقد عقهما
_ياعلي:: من اغتيب عنده اخوه المسلم واستطاع نصره فلم ينصره خذله الله في الدنيا والاخرة
درت على الشباك الي يطل على الحديقه شفت السيد واكف ب الحديقه
_شاهيناز:: عاتكه انطيني الكتاب من يمج
كطعت صفنتي ورجعت اكمل
"مهره"
الانسان شكد ماجانت حياته متروسه ذنوب واخطاء
وشكد ماجان مخربط بطريقه ويمشي اعوج ممكن بيوم وليله يتغير بسبب هدايه الله
الله سبحانه وتعالى يختار العبد الي يقربه اله حتى وان كان هذه العبد ناسي الحرام وممكن ناسي الله وفوكه وراح يجي يوم ويتحاسب
باوعت لنفسي ب جامه السياره الشال بدون شعر والعباءة بدون ملابس ظاهره كملت طريقي امشي
ابتسمت راضيه عن نفسي كملت طريقي اردد ب القصيده الاقرب الى قلبي بهذه الفتره
_مهره::_عمتي لااستطيع النوم اني خاءفُ
ذاك من ذاك الذي عند الخباءُ واقفو
_هو من سب ابي والنحر منهُ نازفُ
كيف اغفو ان جفني من دموعي ذارفُ
_ياحبيب قلبي نم اذن بقربي
زينبٕ تراني انا لا انامُ
_عمتي مدي يديكِ ان ضهري موجعو
كلما حاولت نوم من منامي افزعً
انه شمرً اتاني في منامي يتعبُ
انهُ خلفي امامي ماترني اصنعُ
_يبنتي الحبيبه انني قريبه
دخلت تفتيش النساء مافتشتني حيل مسحت على جسمي.. طلعت من التفيش بعد مااخذت المفتشه مني مراد
تمشيت لجهه الامانات شفتها واكفه على صفحه مدنكه
تنتضرني شافتني جايه ب اتجاهه تقدمت ب اتجاهي
ضايجه
_زهراء:: ادري وين رحتي
_مهره:: غير كلتي تعاي ونص؟
_زهراء::يعني ماتعرفين شوي تضربين على الوقت وتجين من وكت اكثر
_مهره:: لا حبيبتي اني مره امشي على الاوقات
_زهراء:: امشي امشي يمعوده تأخرنا
_مهره::، وين
_زهراء:: مو كلتي اريد استغل كعدتي بشي يفيديني
_مهره:: ايييي
_زهراء:: اي شوفي حجيت ويا عمتي كالت اكو حوزه قريبه من الامام مال سادة معروفين
_مهره:: اييي ياعلي
_زهراء:: بس اكو مشكله
_مهره:: ها خير؟
وكفنا بنص الطريق
_زهراء:: الحوزه متروسه ترس مايكدرون يستقبلون
_مهره:: لاااا
_زهراء:: بسسسس عمتيييي
_مهره:: ايييييي!!
_زهراء:: حاجيه وياهم ومنا ومناك وجيب حجي ودي حجي رضو
_مهره:: ايييييي شبيجج لعد تجرجرين ب الحجايه
_زهراء:: احمسج
_مهره:: وين هيه الحوزه؟
_زهراء:: امشي وراي
_مهره:: تندليها
_زهراء:: ولج مال سادة..... اهنا ياهو مايعرفها بس نسأل عليها يدلونا
مشيت اني وياها واني احجي ويا روحي يلا مهره بلشي حياه جديده بلشي خطوه خطوه بلكت الحوزه خطوه بدايه الي شفت مجموعه بنات يمشن كدامنا بيدهن كتب وقرأن تقدما زهراء ب اتجاهن تحجي وياهن
_زهراء:: بلا زحمه بنات حوزه ال.... وين؟
_:: حوزه ال..؟؟ احنا رايحين الها تعاي ويانا
جرتني زهراء من ايدي ومشت ويا البنات بسرعه ربطت فيشه وياهن وسوالف الى اني ضليت ساكته وامشي مابعدنا اهواي عن الامام واشوف مجموعه بنات بعد يتمشن كدامنا كلهن متوجهات لنفس المكان
وكفنه كدام الحوزه.
بعد مال البنات نزعن احذيتهن
متوجهات لداخل دخلنه اني وزهراء اوزع انضاري على
المكان وزهراء تجرني كعدنا ب النص بين البنات
المكان عباره عن نساء بمختلف الاعمار الصغيره والشابه والمره والعجوز
جانن كلهن يتحاورن بمواضيع والكتب كدامهن
سمعت وحده من الجالسات تحجي ويه صديقتها
_:: اني شفت الايه واني اقره كلت اسئل العلويه عليها
_:: اليوم فلسفه الاحكام
_:: اي ادري عمه الساده راح تشرحه
استغربت من اسم عمه الساده؟ منو هاي انتبهت الكل يحضر ب الاسئله حتى يسألها ويريد منها جواب او استفسار ماطول فضولي لان زهراء ختمت الموضوع من دارت على البنات مستغربه
_زهراء:: منو عمه الساده؟
_:: العلويه بت السيد عبد الرؤف
صار عندي فضول اعرف معنى لقبها درت على البنات وسألت مستغربه
_مهره:: ليش يسموها عمه الساده؟
_:: لان علويه جبيره واهلها كلها ساده ولد اخوانها كلهم معممين كبار وهيه عمتهم نسلهم كله ساده وكلها تهابهم وتحترمهم وعدهم حوبه جبيره والهم كلمه مؤثره من ترحين الكربلاء سألي او حتى ب النجف بس تسألين على سادة ال.... كلها تكلج انه ادليج
من سمعت كلامهن على عمه الساده صار عندي فضول اشوفها اقل النص ساعه ودخلت ابنيه شابه تريد تكعد
_:: اجن العلويات
كلها سكتت عيونهم على الباب واني وزهراء اكثر ثنين لزكنه عيونه على البنات شفت خيال عبي كدام الباب ركزت اكثر من دخلت مره طويله وضخمه لابسه نقاب عيونها تجداح وجامدات وخلفهه اربع بنات شابات كلهن نفس الكصه لابسات عبي ونقاب يمشن وره المره
بس شفتهه عرفتها هاي عمه الساده من دخولها
سلمن والكل رد السلام توجهن ثلاثه من البنات لبدايه الصف بقت وحده منهن واكفه يم العلويه شبهتت عليها وحسيت نفسي شايفتها بمكان بس ماكدرت اتذكر وين شفتها تقدمت وحده من النساء الي كاعدات تهمس ويا العلويه والعلويه تهز راسها ب اي رفعت راسها توزع انضارها على الكاعدين
_جهاد:: شلونجن؟
الكل رد عليها ب انواع الردود وهيه تهز براسها توها تحجي وصار صوت بكاء طفله دارت العلويه على جهه الصوت وكلنا درنه وياها على مصدر الصوت جان الصوت من طفله صغيره ب الكماط مفرفحه روحها ب البجي وامها مستحيه تحاول تسكتها اشرت العلويه للبنيه الواكفه يمها على الطفله تقدمت البنيه للام الطفله تاخذها منها انطت الام الطفله للبنيه اخذتها وراحت العلويه شالتها العلويه مبتسمه باوعت الامها تهز ب الطفله
_جهاد:: ششنو اسمها؟
_:: زينب
_جهاد:: تعرفون شنو معنى اسم زينب؟
البعض صاح لا واكو كالو اي باوعت العلويه للكل وابتسمت تبوس ب الطفله وتسكت بيها
_جهاد:: اسم زينب اسم بنت امير المؤمنين وفاطمه الزهراء وحفيده رسول الله (ص) النبي محمد سمى حفيدته زينباً والكلمه مركبه من ( زين الاب)
باست الطفله من حلكهه تضحك وياها هدءت الطفله ساكته تضحك باوعت العلويه للام مصغره عيونها الام بسرعه دنكت راسها مستحيه
_:: علويه والله ابوها طالع ومحد ب البيت ماكدرت اخليها يم اخوانها الاصغار خفت مايكدرون الها وجبتها وياي
_جهاد:: اني ماكول لاتجيبين اطفالكم ب العكس زين منج عايفه جهالج وشغلج وبيتج وجايه بس هذه لمصلحه الجميع علمود الصوت والتركيز يصير الي بس واني اشرح ولايضل بالج كله يم بنوتج
_:: لا علويه ان شاءالله اخليها يم عمتي بعد
_جهاد:: تمام لعد بمناسبه اليوم زنوبه منورتنا ومانكدر نطول على ام زينب خاف زينب ماتتحمل وقتنه ف محاظره الفلسفه اليوم ملغيه على غير يوم
كلها ضاجت ومحد رضى على الغاء المحاظره وحاولن يقنعن العلويه بس هيه جانت مصره حسيت العلويه رادتها حجه حتى ماتكمل المحاظره
_:: زين علويه حتى فقره الاسئله مانسأل؟
_جهاد:: لا فقره الاسئله تضل
بدت فقره الاسئله الي اني جنت مصفصفه بيها بس اسمع الاسئله واجوبه العلويه
_:: علويه شنو صلاه الغياث؟
_جهاد:: الامام الحسين (ع) قال اذا كانت لاحدكم استغاثه الى الله تعالى فليصل ركعتين ثم يسجد ويقول (يامحمد يارسول الله ياعلي يا سيد المؤمنين والمؤمنات بكما استغيث الى الله تعالى يامحمد ياعلي استغيث بكما با غوثاه بالله وبمحمد وعلي وفاطمه وتعددين الائمه.. واتوسل الى الله تعالى) فانك تغيثمن ساعتك
_:: علويه وصلاه العفو؟
_جهاد:: اذا اجتج فتره حسيتي نفسج مقصره عن الله تعالى صلي ركعتين بالحمد والقدر مره بكل ركعه وبعد القراءة تكولين (ربي عفوك عفوك) 15 مره وتركعين وتكوليها عشر مرات (ربي عفوك عفوك)
_:: علويه وصلاه الاستغفار؟
_جهاد:: صلاه الاستغفار ركعتين الحمد والقدر مره بكل ركعه ومن تخلصين قراءة تقولين (استغفر الله) 15 مره وتركعين وتكولين عشر مرات (استغفرالله) مثل صلاه العفو
_:: علويه مره حجيتي عن الذكر بعد صلاه الفجر ممكن تعيدي جنت ماموجوده
_جهاد:: قال رسول الله (ص) ما من مسلم جلس في مصلاه الذي صلى فيه الفجر يذكر الله حتى تطلع الشمس كان له من الامر كحاج بيت الله وغفر له ماسلف من ذنوبه النبي محمد يقول قال الله تعالى (يا ابن ادم اذكرني بعد الغداة ساعه وبعد العصر ساعه اكفك ماهمك)
_:: علويه سجده الشكر شنو
_جهاد:: النبي موسى (ع) اذا صلى لم يتفتل حتى يلصق خده الايمن ب الارض وخده الايسر ب الارض ف الله اوحى الى موسى (ع) وقال له اتدري لم اصطفتيك بكلامي دون خلقي؟ قال موسى (ع) لايارب قال تعالى ياموسى اني قلبت عبادي ظهرا لبطن فلم اجد فيهم احد اذل لي نفسا منك ياموسى انك اذا صليت وصعت خديك على التراب
ضليت صافنه ويا كلامها ليش اول مره اسمع هاي الروايه اني؟
_جهاد:: والامام الصادق (ع) قال ان العبد اذا سجد فقال (يارب يارب يارب) حتى ينقطع نفسه قال له الرب (لبيك. ماحاجتك؟) وسجده الشكر واجبه على كل مسلم ترضي بيها ربك وتعجب الملائكه منك وان العبد اذا صلاه وسجد سجده الشكر فتح الرب تبارك وتعالى الحجاب بين العبد والملائكه فيقول الله (ياملائكتي انظرو الى عبدي ادى فرضي واتم عهدي ثم سجد لي شاكرا على مانعمت به عليه عليه) فيقول الله ياملائكتي ماذا له؟ فتقول الملائكه ياربنا رحمتك ويقول الله ثم ماذا له؟ فتقول الملائكه ربنا له جنتك فيقول الله اشكر له كمت شكر لي واقبل عليه بفضلي واريه وجهي
_:: علويه واذا طحت بورطه؟
_:: النبي محمد (ص) قال للامام علي (ع) اذا وقعت في ورطه فقل (بسم الله الرحمن الرحيم لاحول ولاقوة الا بالله العلي العظيم اللهم اياك نعبد واياك نستعين) فان الله تعالى يدفع البلاء
_:: علويه ولو مستحيه اسئل بس اني دوم اكو ريح ببطني ودوم اتلوى من الوجع
_جهاد:: فد يوم واحد من اصحاب الامام الحسين قال جعلت فدك اني اجد وجعا في بطني فقال الامام وحد الله وقل(يالله ياربي يارحمن يارب الارباب يا سيد السادات اشفني وعافني من كل داء وسقم فأني عبدك وابن عبدك اتقلب في قبضتك)
جنت صافنه على الاجوبه وشلون اول مره اسمعهن زين اني وين جنت عن هذه كله وين جنت عن هذن المعلومات كلهن وشلون العلويه هيج تجاوب بسرعه ماتكدر تفكر وتذكر الجواب لا بس تسمع السؤال تجاوب هما الساده والعلويات كلهم هيج معقوله كل ساده وعلويات العراق هيج عدهم معلومات وحياتهم سهله ب دام لكلشي عدهم جواب حتى للامراض
مر الوقت بسرعه ماحسيت غير العلويه تودع النساء وتغادر المكان
ردت الحكها مادري ليش صح ماعندي سؤال هسه بس ماعرف احس اريد احجي وياها واشمر حجي بدون مافكر وهيه ترتب الكلام شكلها ووحضورها
يوضح للمقابل ويفهمه شكد هيه حكيمه ومو عاديه بحيث بوقت قليل جدا خلتني اتمنى اكعد واكدر احجس وياها وتكعد تفهمني الي بيه والي اسوي
غادرت المكان اني وزهراء صافنه هل ممكن اكدر التقي وياها؟ زين شلون احجي وياها والنساء هيج يتجمرهن عليها ماينطن مجال واحد يسأل يحجي مثلا عندي سؤال خاص اريد اسئله بيني وبينها هسه هوا الصدك اني ماعندي سؤال بس صار بنفسي اكعد وياها
نحرفت عن الطريق رافعه راسي احجي ويا زهراء ماحس غير داخله بضهر شخص كدامي حتى ماشفت وجهه كبل دخلت لازكه وجهي بضهره ماسمع بس السلامات على الدخله
ابتعد الي انضربت بي بسرعه دنكت لازمه خشمي متاذيه
رفعت راسي اشوف الكل يباوع علي شفت البنات صافنات علي وعلى الكدامي درت وانصدم ب الي واكف كدامي
_مفرقد:: الله خويه خو ماتأذيتي
بقيت صافنه بوجهه هذه نفسه السيد ابو العبايه؟؟ زين شبي هيج بارد ولاجنه يعرفني ولاجنه ملتقين قبل اسلوبه بارد وحتى ماطول النضر بعيني بسرعه دار
سامعه بغض النضر بس توني اشوفه ب الواقع
سحبتني زهراء من ايدي واني صافنه
_زهراء:: مابيها شي خويه اسفين مامنتبهه على الدرب
هز راسه ب اي مدنك يلم ب الكتب الي طاحت ب الارض سحبتني زهراء من يمه ادردم
_زهراء:: ثول شجاج خلص الشحن شنو
_مهره:: اعرفه هذه زهراء
_زهراء:: منين تعرفي؟
درت علي شفته شال الكتب ومشه مدنك راجع واحنا جايين
_زهراء:: ركبتج راحت ركبتجج
_مهره:: انصدمت لان رجعت شفته
_زهراء:: غير افتهم منين تعرفي؟
ببديت اسرد الها اول مره شفته وهسه يلا ربطت ويا البنيه الشفتها ويا العلويه اتذكر شفتهن من اجيت اودي الفلوس
_مهره:: شفتي حتى ماباوع بوجهي؟
_زهراء:: يعني شتردي مثلا يبحلك بعيونج لو يفتحلج حضنه ويكلج اشتاقتيلج انوب سيد
_مهره:: اي بس اني شايفته قبل
_زهراء:: عمي وين شايفته لاخلفه على الزلمه صار خير واشترالج عبايه
بقيت مطنكره ماعرف ليش ماتوقعت ممكن ارجع التقي ويا غيرها اني نسيت موضوعه والتهيت وبهاي الصدفه رجعت تذكرته كملت طريقي راجعه بنفس الدرب الجيت منه.....
"شاهيناز"
دخلنه اني وعمتي والبنات للبيت صارت كدامنا العلويه كاعده ب المصلا مستغربه وصافنه
_شاهيناز:: ها علويه شلونج
_علويه زهراء:: هلا يمه شاهيناز عمتج وين
_شاهيناز:: هسه تدخل
دخلت عمتي و البنات للمصلا سلمن وكعدن ينزعن ب النقاب
_علويه زهراء:: جهاد
_جهاد:: ها علويه
_علويه زهراء:: اهل قبس اتصلو قبل شوي
وكفت عمتي تسمع للعلويه ال كملت ب.
_علويه زهراء:: يكولون ماكو قسمه البنيه ابن عمها يريدها...!!
..............
شكرا لزيارتكم عالم روايات سكيرهوم
