رواية أزمة ثقه الفصل السابع بقلم جمانه السعيدي
عشتار....نمت هلكد ما تعبانه تقريبا الساعه ٣ او ٣ وربع
سمعت صوت طفل يبجي
بلبدابه توقعت حلم
بس الصوت بقه بااذني طفل يبجي ويناشغ
اني من يوم عرفت مايصير عندي اطفال واني عقلي كله يم الاطفال
اي طفل اشوفه بلصدفه ابقى اباوع علي
اذا اشوف بي مجال احضنه وابوسه واذا لا ابقى اباوع علي من بعيد
عندي نقص من هاي الناحيه تفكيري كله صاير يم الاطفال
بقه الطفل يبجي كعدت وقررت انزل اشوف هذا الطفل
ليش يبجي
طبعا هم بيوتهم بدون سياج خارجي
لان البستان نفسه بي سياج كلش عالي
بيوتهم داخل البستان مابيه سياج ابد
نزلت اسمع الصوت برا البيت
فتحت باب المطبخ اشوف شنو هذا الصوت
شفت ام اركان زوجت خال ابو احمد شايله طفل وتحاول تسكته
تروح وترجع بي بس هو ما يقبل يسكت
بس فتحت الباب شافتني
ام اركان.....هااا عيوني كعدتي اسفه راح اروح للجه الثانيه
نسيت انتم نايمين هذا خبلني ما يقبل ينام
قربت عليها
عشتار...لا عادي مديت ايدي اشيله راسا اجاني
كلبي طفر من مكانه
شلته وكمت اسولف علي
....هااا حبيبي ليش تبجي
ام اركان...يااا سكت عندج
عشتار....فدوه حبيبي
ام اركان.....فدوه الكلبج
عشتار... هذا الحلو شسمه
ام اركان.....اسمه يوسف
عشتار ..عاشت الاسامي يخبل فدوه
ام اركان....هذا قصته قصه لو تسمعينه
الطفل حضني وخل راسه على كتفي وسكت
ابد مااكدر اوصف هذا الشعور حقيقتا هذا الحضن الي جنت منتضرته طول عمري
هذا الحضن يعادل كل الحب والحنان الي بهاي الدنيا
سكت ما يبجي بس يناشغ جمانه السعيدي
ام اركان....هذا ابن ابني الجبير اركان ابو مهندس مدني
عندا بعد اخ صف اول ابتدائي
امه ماتت قبل شهرين ونص بعرس اخو الزغير
مانعرف شنو الاسباب بليل نامت بيوم العرس كلشي مابيه
بس كالت تعبانه اكيد تعبانه من العرس
احنا اعراسنا ضخمه وتجينا كومه ناس
الصبح سمعنا يبجي بقه يبجي هواي اركان جان عدنا
وهي وجهالها نايمه بيتهم
اجينا نشوفها لكيناها ميته
الله يستر مصباح العرس صار عدنا عزا
نقلناه للمستشفى ميته بليل هي اصلا كلبها ضعيف
وجانت تاخذ مانع حمل صار فتره وتعبت بلعرس
ماتت ومحد حس بيها
عافت هذا الطفل عمره سنه وست اشهر
هسه عمره سنه وثمن او تسع اشهر
عمت عيني عليها جانت خوش انسانه حنيين وطيبه
الف رحمه على روحها
عشتار...الله يرحمها
ام اركان....من يوم ماتت امه لليوم كل يوم يكعد بليل ويبقى يبجي
اخو ادم ينام يم ابو وهذا ينام عندي لان زغير
واني كل ليله على هاي الحاله
حتى اخذته دكتور اطفال يكول صحته زينه مابي شي
مااعرف صايره وياا خوفه مااعرف شنو مشكلته
حتى حرز للبجي سويتله بس مجاي يصير زين
عشتار...الله يساعدكم باوعت الطفل نايم
ام اركان....فدوه الأيديج نام اعذريني لان كعدتج هيج وقت
عشتار....لا عادي اخذته مني وودي أكلها عوفي عندي اني انومه بس استحيت منها
اخذتا وراحت واني رجعت للبيت صعدت بلغرفه
واشم بملابسي ريحته بقت بيهن جمانه السعيدي
تمددت بس ماكدرت ارجع انام مره ثانيه
طبعا اني هاي قصة عرسهم ووفاة زوجة اركان مرت عليه
بس مادققت عليها
بيوم عرس ابنهم ابو احمد اجا يباركلهم
وثاني يوم اتصلو علي علمود وفاة زوجة اركان رجع اجا هو ونجوى واني والجهال بقينا بلبيت
بس اني ماخليت ابالي لان اني ابد ما متعرفه عليهم
ولا شايفتهم
صحيح اتاثرت بلقصه بوقتها بس نسيته مابقت ابالي
حتى خال ابو احمد من يجي البغداد يروح الابو احمد للشغل ومناك يرجع الديالى
ابد ما شايفه اي احد منهم قبل
البارحه من وصلنا ماشفت احد منهم
بس ابو اركان والعريس وام اركان وجنايبن ثنيبن عدهم
من غير العروس
حتى بناتهم مزوجات ما شفتهن
الصبح كعدت على صوت حجي وسوالف
لبست ثوب طويل وخليت شأل على راسي ونزلت
لكيتهم يتريكون نجوى والولد
اتريكت وياهم
اجت ام اركان
ام اركان.... صباح الخير
الكل صباح الخير
ام اركان....الغدا اليوم عدنا
نجوى....لا عيوني احنا نطبخ كافي من امس لليوم حايرين بينا
ام اركان....ابو اركان مايقبل يكول ممنوع يطبخون
انتي اطبخي ودزيلهم
نجوى...اجي اساعدج وبس اليوم انتي اطبخين من باجر اني اطبخ
ام اركان...تعاي
عشتار....خاله من رخصتج وين يوسف
ام اركان...يلعب وياا الجهال
عشتار....اكدر اروح اشوفه
ام اركان ... اي تعاي
عشتار...رحت اني ونجوى وياها ادور ببن الجهال علي
منا لمن لكيته
اي شي مو ابالي ولا اي فكره عندي غير اريد اخلص اكثر وقت ممكن وياا يوسف
اريد اشبع منه اللعب ويااااا
قربت علي وشلته بقه يباوع بوجهي
عشتار...هلو شلونك
بقه يباوع عليه اجا طفل ثاني قرب عليه
ادم....هذا اخوي
عشتار....هااا انت اخو يوسف
ادم...اي
عشتار...انت شنو اسمك
ادم...اني اسمي ادم
عشتار...عاشت الاسامي
طبعا البيت فارغ مابي اي رجال حتى ابو احمد زوج نجوى وولده ماكووو رايحين للزرع ويااا ابو اركان وولده
البيت مابي بس النسوان والجهال
تقريبا ست جهال عدهم
كمت اللعب وباا الجهال وخاصه يوسف اخذ عقلي وكلبي
زغيرون ويتيم شكله كلش حلو
اخذته شربته مي وشلته ولعبت ويااا
كام يضحك فرحان مايدري اني فرحانه اكثر منه
حبيته وتعلقت بي ودي اخذه وياي وين مااروح
حضرو الغده الزلم كلهم اجمعو بلمضيف مالتهم
المضيف جبير وصاير بمقدمة البستان
واحنا النسوان والجهال كعدنا بيت ابو اركان
اني خليت يوسف بحضني ووكلته
ام اركان بس تباوع عليه لان تشوفني مهتمه بي
ماتدري اني كلبي شكد فرحان بي
كملنا اكل واخذته اغسله جمانه السعيدي
بعدين خليته بحضني وكعدنا برا وكمت اللعب ويااا
كام يغفي مددته بحضني نام
اخذته ورحت الغرفتي خليته على فراشي ونمت بصفه
صوت النفس مالته عبالك موسيقى بااذني
بقيت اباوع علي وهو نايم راسا اجا ادم اخو يدور علي
ادم....بيبي ادور على يوسف
عشتار....نايم روح البيبي كلها نايم
ادم...يصير اني اجي انام هنا وياااا
عشتار....اي يصير بس روح البيبي اول وارجع افرشلك هنا بصفي ونام فدوه يغار من اخو
نزل يركض ادم شويه ورجع
ادم...بيبي تكول عوفه نايم خل نخلص من هوسته
عشتار...تجي انت هم تنام
ادم...اني ماانعس بس اريد اتمدد هنا
عشتار....تعال يله هذا الفراش ونام
تمدد وتغطى
عشتار....انت بلمدرسه
ادم.. اي اني صف اول بس هسه المدرسه محد يداوم بيها
عشتار...اني معلمه بمدرسه
ادم...تجين المدرستنا احنا عدنا معلمات
عشتار....اني راح ادرسك هنا بلبيت
ادم.... اني محد يدرسني بيبي تشتغل بلبيت وابوي بلدوام ومحد يدرسني بس اني بسرعه احفظ
عشتار...من باجر جيب الكتب واني ادرسك هنا بهاي الغرفه
ادم...اروح هسه اجيب الكتب
عشتار....لا باجر احسن انت تحب المدرسه
ادم...اي اني احب المدرسه
عشتار...عفيه الولد الشاطر هو الي يحب المدرسه
بقينا اني وياا نسولف منا لمن نام
احلى شعور مر عليه بحياتي ادم منا ويوسف منا واني نايمه بلنص
للعصر اجا ابن عمهم زغير ازغر من ادم
....عمو اركان يريد ادم ويوسف يكول اليوم ما شفتهم
عشتار....روح كوله نايمين من يكعدون
بعدني احجي وياا كعد ادم
عشتار...ابوك يريدك
ادم...اي راسا كعد يوسف كام يبجي
عشتار.. هااا ليش تبجي شلته ونزلته جوا اخذته ورحت البيت ابو اركان
ادم يمشي وياي واني شايله يوسف وامشي ورا
كنت لابسه ثوب طويل ولا فه الشال على راسي
بس دخلت البيت ابو اركان
لا كأني اركان بلباب اني مااعرفه
بس شاف الجهال قرب
اركان.. هااا بابا
عشتار.. من سمعته كال بابا عرفته ابوهم
شاب ثلاثيني طويل حنطاوي صاحب لحية طويله وشوارب لا بس دشداسه بيضه
عشتار....مساء الخير
اركان...مساء الخير هاا ضوجوج
مد ايده وشال يوسف
عشتار...بلعكس ونسوني ممكن يبقون يمي
من كلت هاي الكلمتين
باوع بوجهي مستغرب مني بأس يوسف
اركان....خاف يتعبونج
عشتار....لا اني ماعندي شي اكدر اهتم بيهم
اركان....اكيد خليهم يمج واذا صوجوج رجعبهم البيبيتهم
عشتار....يعني اكدر أخذهم وياي الذاك البيت
ابتسم بوجهي واشر براسه اي
شكرا لزيارتكم عالم روايات سكيرهوم
