رواية عوده مستحيله الفصل الثامن بقلم جمانه السعيدي
ام امل... راح احجيلج سر محد يعرفه
نسرين...كولي
ام امل...ام شاهين ماتت بسبب ام عامر
نسرين...مو تكولين مريضه
ام امل...اي تمرضت بسبب ام عامر
ام عامر حاولت بكل الطرق تتخلص من ام شاهين سوت مشاكل شكد حتى اتهمته بشرفه
رادته تطلع من هذا البيت حتلو بفضيحه
بس الشيخ مجنون بيه وماصدك اي شي عنه
وفعلا هي شريفه وماعدها اي سوالف موزينه
بلعكس حنينه وطيبه تتخلى على الجرح يطيب
اتفقت ويه السايق يحاول وياها لو كل شويه يطلع حجه حتى يدخل من يم بيتهم
بس الشيخ كشفه وطرد السايق
لان يعرف اخلاق ام شاهين
ايست ام عامر كل الحيل ماتفيد
من شافت الشيخ متعلق بيه
كامت تشتغلله بلسحر تمرضت حيل ام شاهين
الشيخ ماخله مكان مااخذه كلما يطلع السحر ترجع تسوي غيره
جمانه السعيدي
بلاخير كامت تشتغلله بلسحر الاسود
وكعت ام شاهين مريضه كامت مانكدر تكوم من الفراش
ابد سلت كلش وجسمه صار عودان
صار اكثر من سبع سنوات وهي نايمه بلفراش
عجز الطب يعالجه
وكل الناس الي تفتهم بلسحر ماكدرو يخلصونها منه
وأخير شي ماتت
خليه ترتاح عاشت معلعله بسبب ام عامر
غيرت النسوان تكتل
نسرين...الله واكبر يعني الغيره توصل للقتل شلون تنام وضميره مرتاح وهي تمشي بهيج اعمال شيطانيه
ام امل ..اني خايفه على شاهين منه
نسرين...معقوله تاذي شاهين
ام امل اي اتاذي اني اكثر وحده اعرف ام عامر الخير الي عدهم يغطي عين الشمس مستحيل تقبل شاهين يشارك ولدها بهذا الخير
رغم الشيخ مامقصر وياها ولا ويه ولدها
انتي عبالج بس هذا البستان عدهم اربع بساتين كبار
وعدهم حقل دواجن وعدهم حلال يغطي عين الشمس
وعدهم عماره اماجربه بلولايه
وعدهم معرض سيارات يديره عامر
جمانه السعيدي
نسربن ...شعجب ولدها الهسه مامزوجين
ام امل...شلون مامزوجين عامر مزوج بت واحد مسوال جبير ماقبلت تكعد هنا بلبستان
الشيخ اشتراله بيت بلولايه وسلم المعرض العامر يديره
واحمد خاطب بت عمه علوان وعنده شركة عقارات
والبنات مزوجات ثنيبنهن
وحده مزوجه مسئول بمطار بغداد
والثانيه مزوجه ابن عمه ضابط
نسربن...اذا عدهم هذا الخير كله ليش عينه ضيكه على شاهين
ام امل..ماتحبه تكره مثل ماجانت تكره امه
ديري بالج يطلع هذا الكلام لان بس تسمع ام عامر
تلبسني قضيه وتشمرني بلشارع
كلشي اتوقعي منه
جمانه السعيدي
نسرين...خاله انتي من زمان تشتغلين هنا
ام امل... صار عشرين سنه اشتغل عدهم
قبل عمج ابو امل الله يرحمه جان لازم البستان والشيخ كلش يثق بي
هو ابن عمي وأهلي موكفيني اله من راد يزوج
الشيخ كاله ابنيلك ببت بلبستان واكعد عدنا هنا
هذا البيت بنا الشيخ النا
ازوجنا وعشنا هنا اني اخدم بيتهم وأبو امل بلبستان
وار خمس سنوات من زواجنا
صارت امل وبعد ماصار عدنا اطفال ابد
جمانه السعيدي
من صار عمر امل عشر سنوات ابوها مات
ماقبل الشيخ ارجع الاهلي
كال اكعدي هنا ويجيج راتب واكلج وشربج علينا وحتى ملابسج انتي وبنتج علينا
همه الصراحه مكفينا اني وبتي من كل شي
وجاي اجمع بلراتب اربد ادخل امل كليه زينه انشاء الله
اليوم خليتيني احجيلج كلشي بكلبي
واني مااعرف قصتج شنو
جمانه السعيدي
نسرين...لازم احجيلج كلشي بس مو اليوم خليه غير يوم
انشاء الله
ام امل ...براحتج يمته ماتردين اني اسمعج واساعدج
بس اني كلبي ماخايف منج مبينه بت حلال
نسرين...الله يحفضج خاله
طفينا الضوه واني تغطيت بس ماكدرت انام رجلي توجعني
الضاهر مفعول المهدء خلص
كلما احركه توجعني اكثر
كمت ادور شي يهدء الالم بس مالكيت
قررت اروح اشوف اذا الكه بلمطبخ الجبير شي يهدء الوجع
طلعت مااكدر تدوس عليه
امشي اعرج
وصلت دخلت كمت ادور بلمجرات كلشي مالكيت
طلعت اريد ارجع البيت ام امل
شفت ام عامر جاي تخابر وتمشي بلبستان
يعني ورا البيت
اخذني الفضول اسمعه شتكول
قربت ووكفت ورا الشجره ماصرت كلش قريبه عليه
بس اسمعه لان الصوت بليل واضح
جمانه السعيدي
ام عامر ...عاشت ايدك هلمره وعدت ووفيت
اريد شي أقوى بعد
...افوى من هذا يكلفج هواي
...مالك شغل بلفلوس انت اشتغل شغل زين تاخذ حقك وزياده
رجعت كالت اسبوع هواي
يله ميخالف انتضرك اسبوع مايهم
اني تيبست بمكاني على شنو جاي تتفق بسلا تريد تموت شاهين المسكين
خلصت المكالمه ودخلت جوا وماشافتني ابد
هم كلامه خوفني وهم رجلي توجعني وين اروح بهليل ياربي رجلي حيل كامت توجعني
اروح اكعد ام امل تنطيني مسكن منا للصبح ولله كريم
رجعت اباوع عليه خطيه نايمه وفاتحه حلكه من التعب
ولله خطيه شلون اكعدها هسه
بقيت احوس مااعرف شسوي خل اغسله بمي حار والفه
بلكت تهدء
غسلته ولفيته بلخاولي بعدها توجعني
ليش هيج توجعني خاف انكسرت
لا مانكسرت ايجوز انفصخت
جمانه السعيدي
شويه وام امل كلبت بلفراش وشافتني
ام امل...زينب ليش كاعده
نسرين...خاله توجعني رجلي مااكدر انام منه
رحت اجيب مهدء مالكيت غسلته بمي حار وهم توجعني
ام امل...كومي خل نروح للمستشفى اكيد نفصخت
نسرين.. تعرفين الساعه بيش هسه
ام امل ...بيش ماتكون امشي المفروض اول ماوكعتي ناخذج للمستشفى
انطتني عباية امل لان عباتي اني شمرته على الكنتور
اجت على كدي ولفيت الفوطه مثل الشال
لبست عبايته وطلعنا
ام امل...هسه نلكه جابر برا وياخذنا للمستشفى
نسرين...اخ مااكدر ادوس عليه جابر منو
ام امل.. السايق
قربنا على الباب الجبير ام امل فتحته
الحارس شافنا واجه علينا
...خير ام امل شكو
ام امل....وين جابر نريده ياخذنا للمستشفى
...جابر زوجته مريضه وراح للبيت
جان اجا شاهين من برا بسيارته
بس شافني وكف السياره برا ونزل
شاهين...خيييير ششاششكو ليليليش طالعييين
ام امل...زينب رجله توجعه وماتكدر تنام
شاهين...اصصصعصعدوو اااننني اااخخااذككككم
جمانه السعيدي
رجعت عليه ام امل وصعدنا ورحنا للمستشفى
بس وصلت كصولي باص وحولوني اشعه
طلع فطر بلكاحل قررو يصبون رجلي
صبو رجلي بس على كد الكاحل
ونطوني مهدء حتى اكدر انام
طبعا شاهين قليل الكلام كلش لان من يحجي الناس تبفه تباوع علي
صعدنا ورجعنا للبيت صمم شاهين يدخل السياره للبستان
ويوصلنا الباب بيت خاله ام امل
نزلت وكلته شكرا تعبتك وياي
شاهين ...لالاشششكرر على ووواجب تتتتدلللين
دخلنا واخذت الحبايه المهدء وتمددت
شكد انسان ياربي
حرامات هذا يموت مثل امه ولله خطيه
انعل ابو الفلوس والاملاك الي اضيع انسان وتخلي يفقد
صحته وعافيته
