رواية زواج حياة الفصل الثامن بقلم جمانه السعيدي
حياة...هاي الجانت عايزه امي تموت وابقى وحيده بهاي الدنيا
شكد حاولت اعالجه وشكد صرفت فلوس وضحيت براحتي بس كون تبقى امي وياي
حتلو بس نفس يصعد وينزل ميخالف
اسمه موجوده بلدنيا
بوجودها جنت احس نفسي عندي سند رغم هي مريضه
ولا تطلع ولا تدخل
جثه ومدده هم ميخالف٠ اني قابله بهذا الوضع
شلون بيه ومنو اليه
بسرعه خلصت الفاتحه واحس نفسي ماشبعت بجي
كلشي بحياتي يخليني ابجي
ماجنت ابجي على امي وبس
ابجي على روحي ابجي على ابني ابجي على امي
ابجي على مستقبلي وعلى حياتي الي ضاعت
مااعرف شنو مصيري
وشراح اسوي
خلصت الفاتحه وقفلت بابي عليه
جمانه السعيدي
ماليه واهس الاي شي كون الي يخلف بنيه لو يبقى وياها طول العمر ويراعيه لو تموت ويااا
اني المن باقيه وحيده بهاي الدنيا
حتى خالتي كم يوم وبعد كامت ماتجيني
ليش اعتب عليه عدها ببت وعدها اطفال قابل تكابلني وتكعد
توسلت بيه اروح وياها البيتهم اعيش عدهم بس مااكدر زوجه رجال غريب وعلى كد حاله
ومااريد ازود الحمل علي
خليني بيتي لمن رب العالمين يفرجه عليه
جبت حب منوم وكمت اخذ حتى اخلص نهاري نوم
ومااحس بلوقت وحتى الاكل نسيته
من اضوج اروح الابني اسولف علي وابجي واجي
وامي كل فتره اروح ازوره واشكيله الوحده الي اني عايشه بيه
وارجع للبيت مره ثانيه واني شايله هموم الدنيا على راسي
بعد شهرين ونص من وفاة امي
جمانه السعيدي
بيوم نايمه وندكت الباب
بلاول ترددت افتحه بس استمر الدك وبقوه
رحت افتح الباب
تفاجئت ام ايمان واكفه بلباب هاي شذكره بيه ليش جايه
اباوع ضعفانه وشكله متغير حيل
ام ايمان....شلونج حياة
حياة...اهلا وسهلا اتفضلي اليوم شذكرج بيه
ام ايمان خل ادخل اكو موضوع كلش مهم اريد احجي وياج بي
حياة...ادخلي ولو اني زعلانه عليج بعد الولاده ماسئلتي عليه واختفيتي مثل فص ملح وذاب
ام ايمان...اني جايه احجي وياج بهذا الموضوع
حياة...اكعدي اي موضوع
ام ايمان موضوع ابنج
حياة...بعدج تذكرين ولله زين
ام ايمان...صار سبع اشهر من يوم ولادتج لليوم واني ضميري يأنبني وحياتي متخربطه وكلما اوكع بمصيبه
اكول هاي حوبت حياة
جمانه السعيدي
حياة.. .ليش على هاي القسمه الكشره الحجي بعد ولادتي
شمرني بلشارع ولا سئل عني
وكنما ماصدك يخلص مني
ام ايمان...اسمعي مني ماعندي وقت هواي طيارتي بعد ساعتين واريد احجيلج سر ضامته بكلبي
لان يجوز ارجع من هاي السفره ويجوز لا
اني طلع عندي سرطان بلغدد اللمفاويه وراح اسافر للهند
اتعالج ولله العالم ارجع لو لا
واريد احجيلج سر يخصج واريدج تسامحيني
حياة...احجي خوفتني
ام ايمان...بلبدايه اقسملج قسم عظيم اني من اجيت اخطبج ماكنت اعرف اي شي
ومن تزوجتي فرحتلج لان انتي بنيه حبابه ومستوره
حياة...وبعدين كملي
ام ايمان.. ومن حملتي ماصدكت نفسي من الفرحه
هم علمودج يصير عندج طفل وتفرحين وهم علمود الحجي
ومن جنت اجيكم اجيك وضعج بلحمل جنت فرحانه بلكم فلس الي ينطينباهن الحجي
الحد يوم الولاده الحجي دز عليه وكال اريد دكتورة توليد
وشكد ماتطلب اني حاضر
بلبدايه اني استغربت وكتله حجي هاي اول ولاده
احسن اجيب بلمستشفى
بس هو رفض وماقبل توصلين للمستشفى
حياة...اني هم كتله وماقبل لوجايبه بلمستشفى جان حافظة على ابني
ام ايمان...اسمعيني خل اكمل ماعندي وقت اني اعرف دكتور شاطره اتصلت عليه واجت وياي
هنا تمام كلشي من كمتي تطلكين الحجي اخذ تليفونج
خاف تتصلين على امج
واتفق وياي اول ماينزل الطفل انطيج ابره منوم قويه كون بلحظات تنامين وراح يزودلي المبلغ الي اتفقنا علي
بعد مانزل الطفل اني ضربة الابره بلكانونه الي ابيدج بدون ماتحسين لان انتي جنتي مركزه ويه الطفل والم الولاده
وماحسيتي بيه
فعلا دقايق ونمتي اني غسلت للطفل وبدلتله
والدكتوره اخذت حسابه وراحت
والحجي اخذ الطفل وطلع لمن سئلته علي
كال اسكتي ولا تحجين ابد واذا سئلتج حياة عنه كولي مات بعد الولاده راسا والحجي أخذا يدفنه
واتفق ويااا ام سعد تحجي نفس الكلام
جمانه السعيدي
اني كلش خفت وحسيت نفسي تورطت ورطه جبيره
طلعت من البيت قبل لا تكعدين
ومن ذيج الساعه واني مامرتاحه ابد
حياة.. انت تحجين صدك لو هذا فلم ابني عايش ماميت
ام ايمان.. اقسم بلله ابنج عايش اني سئلت ناس معارف للحجي
طلع منفصل عن زوجته بس فترة زواجكم وبعدين مرجعه
وأعتقد هاي خطه منهم ثنيبنهم علمود ياخذون الطفل
حياة....يايمه...يايمه الحكي عليه تعاي شوفي بتج شصار بيه امي ماتت من القهر عليه
واني ابني عايش ورحيم يضحك عليه
يعني مدبرين هاي الخطه كله حتى ياخذ ابني مني
الله واكبر علي مجرم ماكو بكلبه رحمه يشوفني
اموت كل لحظه كدامه وابجي ووصلت للموت وساكت
امشي هسه تمشين كدامي نقدم علي بلاغ
ام ايمان ...مااكدر بس اروح وياج راح يمنعوني من السفر
بسبب هاي القضيه باعتبار اني شاهد عليه
واني حالتي حيل حرجه وماتتحمل تاجيل ابد
ابوس ايدج سامحيني
حياة. شلون اسامحج وانتي شريكه بهاي المصيبه
من شفتي الموت بعيونج يله حسيتي بندم واني كل يوم يمر عليه اموت الف مره
تدرين رحيم بنا كبر وهمي واني ازوره كل فتره
يصحك عليه ضام ابني ويكول ميت
جمانه السعيدي
اذا تردين اسامحج امشي وياي واشهدي بالمركز حتى اكدر اخذ ابني ابوس ايدج تعاي وياي
ام ايمان...اعذريني مااكدر اذا رجعت من رحلة الموت هاي سالمه اشهد وياج
حياة...واني مااكدر انتضرج اريد ابني ولله اله اكلب الدنيا على رأس رحيم النذل اني يضحك عليه ويكول ابنج مات
لا ويخليني اروح ابجي يم الكبر
حياة...زين اريد منج خدمه اخيره تعرفين بيته وين
ام ايمان...صدكيني مااعرف بيته وين لو اعرف مااضم عليج ابد
طلعت ام ايمان واني بقيت بحيره منيين ابدي
هسه الدنيا ليل واني مااندل بيتهم وين
لازم ابني يرجع لحضني
ياربي ذوله شنو من بشر ليش ماكو رحمه بكلوبهم
يعني يشوفوني ابجي واريد تموت على ابني
وامي ماتت من حسرته عليه
وعادي عدهم البشر يتعذبون مايهمهم
هسه لو كايل من الاول جان عشنا سويه اني وزوجته
والطفل يبقى بينا
لو مبقيني على ذمته واجيب ابدال الطفل ثنيبن وتلاثه
ليش ماكو رحمه بكلوبهم
يعني لا يرحمون ولا يعوفون رحمة الله تنزل عليه
الله لا يسامحهم بسبب كل يوم مر عليه وعذبوني بي
شكرا لزيارتكم عالم روايات سكيرهوم
