رواية كريات الدم السوداء الجزء الثاني الفصل السابع بقلم زحل شريف
_____سلاسل______
_دنكت من .نضرات بشاير الي عبالك تندمت
ويمكن ماجانت متوقعه اوافق.
ام بشاير::احسن لك .
بشاير::بس خل في بالك هو غايته
اليهال وترى انا الي اكنعته .
_العدوي ماتمنيت الانه بي
حيرة ضياع . طريق مجهول مااعرف شنو وين
راح اكون واكفه بالساحه مال الحسينيه وعيني
للسما افكر بردة فعل بشاير . رغم هيه الطلبتني لزوجها بس من صارت صدك انقلب حالها نقالي بيدي باوعت للساعه الوقت متاخر خاف ادك ونايم غمضت عيوني مثل اليزون من يريد يبوك ضغطت اتصال واحس احتريت من الخجل رد بصوت مال واحد بسابع نومه.
ثابت::اهلا سلاسل الوو.
_ضليت امتمت حس بيه فشلانه.
انه اسفه ماعبالي نايم بس ردت اكلك.
ثابت::بالعكس همزين اتصلتي
لان عندي شغل بغير محافظه ولو ماداكه
جان خذتني النومه كولي اسمعج .
_حجيتله مختصر . سكت شويه
سمعت حركه عرفت كام من مكانه والضاهر
ماراد زوجته تسمع . شكد فشلت رد وهو يستغفر.
ثابت::مااكدر اكولج اي وخاف اكول لا
وهيج اضيع عليج فرصه احتمال رب العالمين
رايدلج بيها خير . بس قرار متسرع وضرفج وموقفج
احتمال يخلي المقابل يستغلج شتكولين لو اامن مكان
تكعدون بي انتي واختج لحد ماتنحل مشاكلكم .
_عكدت حاجبي . ورديت بقلق
ليش هيه مو راحت لخوالها. دزتلي رساله.
ثابت::لا لحد الان جاي احاول
خالها الجبير بي مجال بس متردد.
_هسه هيه وين؟
ثابت::لاتخافين يم اهلي اطمني
وشرفي مايمسها سوء .
_بس فهمني يعني اكو امل يتقبلونها.
ثابت::اكيد بس يراد وقت.
_نزلن دموعي . شسوي حايرة
عليك بداعت امك شنو الحل انصحني.
ثابت::الكلام مو مال نقال راح اجيج
ونكعد ونتفاهم .
_سديته منه والتفتت اباوع
لابو بشاير الي طلع يتوضه. دنكت خجلانه
ناس كعدوني بنصهم اخذ رجل بتهم
داهم صفنتي بسؤاله
ابو بشاير::فيج شي .
_لا بس جنت اخابر لثابت . هز راسه تمام
ونزل ردن الدشداشه عدل هندامه وهو ينضرلي
بابتسامه محاول يزيح الحرج . كعد مسافه
عني واشرلي اكعد .
ابو بشاير::وش الي محيرج .ان كان عله موافقتك
امر طبيعي ومع مرور الايام الكل يتقبل الوضع.
_لا مو جنت محسبه اختي.
رجعت لخوالها . بس من بلغني ثابت
بعدها فمااكدر اعوفها . خلص ارجع ونحاول
نخلي محامي ناخذ حصتها .
ابو بشاير::خلي ابالك اعلان الوارثه
مو بهاذي السهوله . وحسب كلام ثابت
هم رافضين يعطوها يعني يراد وكت.
_اي ننتضر جا مابيدنا حل.
ابو بشاير::تكدرين تردين لبيتكم .
_لا خصوصا هسه . انه اريد ابين
لاهل الشارع انسجنت حالي حالهم .
ابو بشاير::تمام خلك هني وجيبي اختك
معك لحين ماتنحل مشاكلك وهو ثابت واهله
يتكفلون الامر اقل شي يقدمو الك .
_مااعرف هو راح يجي ونفتهم منه.
ابو بشاير::الله يسهل . اترخص منك .
_اباوع لساعه واحس الوقت متعاند وياي
للضهر وبشاير تتجنبني ولا باوعت بوجهي
فيصل بين عليه الانزعاج لان كل شويه تتعارك
ويا دخلت عيني لام بشاير.
ام بشاير::لاتاخذين بخاطرك منها
عادي كم يوم وتتعود انا مثلها من تزوج عليه ابو بشاير.
_خاله انه ماغايتي رجلها بس ردت اطلع من العراق
صدكيني اول وتالي بس يستقر وضعي ارجع .
ام بشاير::اسمعي يبنتي
هو مارايد زوجه يكضي معاها وكت
وانا فهمتك يبي يهال يعني لاتفكرين يصير
عندك طفل ويتركك تاخذي وتردين .
_صفنت بكلامها .
وهيج خلص النهار لحد مااجه ثابت
تركونا لوحدنا اباوعله محتار ازيد من حيرتي .
ثابت:: هو اقتراح ليش ماترجعين والباشا
يتكفل بيج ويحميج . انتي قبل مو ردتي
بس يطلعج من الشارع.
_عندك خلك تسمع ؟ هز راسه اي
وانه استرسلت بالكلام . جنا انه وجويسم
بالمدرسه يوميه نطلع من نفس الشارع نخلص الطريق
ضحك نتحارش بصوله ام الباكله ومرة نغافل طشه
ونطشر المحار الخالته عله وصله وتاخذي بي للنسوان
خيرة .وبيوم نمشي وملتهين نسولف وكفنا بالركن شفنا الناس ملتمه . ركض جويسم يباوع رجع وجهه
ينطي الوان .سالته شكو .
جويسم::هاي المحتركه الوجها يخوف
هزيت راسي اي بمعنى عرفتها بس احجي
رد عليه وهو يتلفت بخوف .
جويسم::داعمتها سيارة ونوب صايرة
تخوف اكثر من قبل .
_ادري هسه تكول شنو الربط.
ثابت::كملي ؟
_من وصلنه للبيت وكلنه الامي
وقتها سولفت النا عنها . هاي نجمه جانت اجمل بنت
عند ف.....الي تبيع .......معروفه عله مستوى
وبيوم دخلت الحكومه اخذتها انحكمت
سنين طويله وطلعت بعدها بفترة تكول امي
وبيوم شته والكهرباء مكطوعه وصوت النمل ينسمع
من كد الهدوء الي بشارع تكول نومتكم وبقيت انتضر ابوكم غفيت واسمع صريخ هز المنطقه امي تخاف تطلع تكول لحد ماطلع النهار فكيت الباب واكيد ام دعدوش نقلت الحدث صورة وصوت وقتها عارفين
نجمه محتركه شلون وين وليش محد يعرف .
ثابت::اكيد ف.... عرفت هيه الي خبرت عليها.
_بس شلون حرك عبالك جايب مسطرة
ومخطط عجيب بحيث نص من جسمها وجها
مالايحته النار والنص الثاني لو جمعو اطباء التجميل كلها مايكدرون يرممون حركها.
ثابت::الها رب ياخذ حقها.
_وغيرها هواي . لو ردت احجيلك
منا لشهر ماتخلص جرائم الصعده جنا
نعبر عله الخرابه نخلي ادينا عله خشومنه
لان ريحتها تخنك .
ثابت::انتي شنو ابالج هسه.
_اريد ابعد بس قدر كاسرة ظهري.
ثابت::وحق كل حرف بالقران
اختج شعرة من شاربي وحته انتي
امشي وياي اخليج بعيوني واليوصلج .
_قاطعته. اعرف ومتاكده بس صدكني
ماترهم انه هسه يله بديت استوعب الصار
غلطنا من خبرنا عليهم . وبنفس الوقت غلطت
بعلاقتي بالباشا.
ثابت::ترى هو لحد الان يدورج.
_شكد يريد يتحمل . يجي يوم واهله يضغطون عليه ويعوفني انه اريد ناس ماتعرف عني شي مااتعير .
ثابت::بهاي حقج . وايد كلامج من حقجن
تعيشن براحه اقصد مهما وفرلكم من احتياجات
بس تبقون محبوسين .
_هذا الي ردت اكوله .
ثابت::سمعي . انه رجال مزوج وبنت عمي
زغيرة وحلوة وماناقصها شي . وان ردت ازوج
هم اكدر اختار الي يريدها خاطري .بس عقدي عله اختج لابد منه .
_فاهمتك . واعرف .
ثابت::راح ابقه احاول ويه خوالها
وان طابتلها العشرة وياي اخليها عله راسي.
_نتحالف ان ماقبلت ترجعها الي.
ثابت::زواجج من فيصل . فرصه
ان تراهمتو ورب العالمين كاتبلج نصيب
بالتوفيق واختج اذا بقت عندي تجيها وتزورج .
_خلص بس اريدك اطلع حقها من بيت فاروق.
ثابت::انه ماضغطت عليها خاف تكول استطمع
ترى الها هواي . بس هيه كالت ماريد غير مبلغ
يكفيني سكن .
_نزلن دموعي . باوعلي بااسف.
ثابت::دموعج يم ربج الها حوبه
بس اترجاج لاتدعين عله الباشا.
_ابتسمت . رغم همي .
ثابت::لاتلومين اهله ورفضهم
ابو تعب عليه هواي . رغم جان رافضه
دخوله الكليه العسكريه بس الباشا اصر
تدرين من جان زغير بالمدرسه ويصير عيد الطالب
او عيد المعلم الباشا يشرط عله الحجي يشتريله
بدله مال ضباط واله يخلوله بيها نجمات .
_غمضت ممتنه منه .
صاح علينا ابو بشاير دخلنه جوى
كعدو يتفقون عله موضوعي .
ثابت::انه ماجنت موافقها بس ماريد اكون سبب بقطع قسمه اتمنى . مايصير شيء وتتندم وراح اكون صريح
وياريت ماتزعلون . سلاسل بااعتبارها اختي
واكيد من حقي اشرط عليكم حته اضمن حقها.
ابو بشاير::بارك الله فيك .
ثابت::ان صار طفل فهو ابنها
ويتسجل بااسمها .القصد الاختلاف وارد وياما
بنات تزوجو وخلفو وتصير مشاكل ويطلكون.
_قاطعه ابو بشاير.لا ان شاء الله زواجة الدهر
وفيصل رجل محترم ويخاف ربه وماممكن يضلمها .
ثابت::المهم انتو تسافرون وانه اكمل اوراقها
وجوازها واتصل بيكم تجون نتمم عقدها وتسلتم
مهرها .
_عيني لبشاير الي ماعجبها الكلام
ترخص ثابت وسافرو بيت ابو بشاير
وانه عبالك الدنيا تنطيني دروس قسيت حته ويه روحي . فترة وكمل جوازي اجه فيصل وابو بشاير
وتفاجئت بالمهر الطلبه ثابت ضلو يتفاوضون ويا.
ابو بشاير::حنه مانكصر وياها.
_قلل من قيمته بس هم المبلغ ماقاصر .
عقدت محكمه وعيوني تصب لا ام ولا قريب .
جهزت نفسي وقبل مانسافر اجه عليه ثابت.اترخص منهم ياخذني نزورطلعنا واول مرة بحياتي تدخل الامام رجفه صابت كل جسمي خوف رهبه ماكدرت ادعي ومالهج الساني غير
ربي بداعت الحسين عندك اغفرلي ذنوبي .
طلعت وعبالك شارده تلكاني .
ثابت::الناس ماتنحزر
اريدج تكونين نبهه جوازج ماتنطي الهم
عقدج يبقه يمي .
_اهم شي قدر عليك هذا الامام
لاتخلي بشر يأذيها ترى الشافته مو هين
ثابت::تردين تشوفيها .
_لا اريدها تقسه كون تاخذ حقها
من محمود .قاطعني يحجي بهدوء
ثابت::انه ماريد ضروفكم
تملي كلوبكم حقد
_الضروف شعليها
خويه الناس الي ضلمتنا .الناس الي تغلط
وتسب الشيطان هو يبوك يكول ابليس وزني .
ثابت::مالومج انتي تاذيتي هواي
وجودج بهذاك المستنقع اكيد شفتي العجب.
الصعده وناسها ضاهرين بجرايمهم
بس الي ما تعرفه قدر شافت من محمود
اقذر انواع التعذيب .ذمه بركبتك توكف وياها لحد ماتاخذ حقها وذمه ثانيه توصله كلامي كله تكول سونه
بعد الف سنه يجي يوم واندمه عله كل لحظه عذبها بيها و يوهمها انو يعتدي عليها لحد ماوصلها لحاله تدرر عله نفسها . حجيتها وغصيت اباوع عيونه صارن دم عكد حاجبه التفت اكو مطعم كبالنه مشه متوجه عليه واشرلي اتبعه.
ثابت::احجي كلشي.
_:شحجي المرت بي مايرضي
اسلام .
ثابت::ماراح ابين معرفتي بالامر
لحد ما هيه تحجيلي .
_يمكن تاخذ عني غير نضرة
بس يبقه ابوي وترى ماجان هيج صح
هذا شغله من زمان بس مايوم غصبنا ولا اذانه
لحد مادخلت علينه سلوم .
ثابت::الله يوفقج . عله نيتج.
_حاول كل فترة ادزله مصرف.
ثابت::بعيني.
_رجعنا لكيت فيصل واكف باب الحسينيه
ابد ماحسيت بمشاعر ولا عبالك مخطوبين
وصاهم ثابت عليه.
ثابت::تخلص اقامتها تجددوها وتصورونها
ودزوها الي واذا تاخرتو مضطر ابلغ السفارة
نقالها ماتنمنع منه عدها اخت تتواصل وياها
والها حق تجي كل فترة .
ابو بشاير::اكيد اكيد.
ثابت::يكولون الاوله شرط اخرة نور
وانه مارايد اخسر معرفتك .
_راح ثابت بعد وصايه وتحذيرات
تجهزنا للسفر . ومجرد ماهبطت الطيارة بمطارهم
حسيت بالغربه . و من طريقه السايق الي شال بيها بيها الجنط وفتحت الباب حته نصعد عرفت
الحاله الماديه الي عايشينها . وصلنه كبال مكان لاهو قصر ولا بيت مزرعه ماعرفت استقبلونا مجموعه مال نساء وام بشاير .امشي واتلفت .
ام بشاير ::يا هلا ياهلا.
_سلمو عليها ودخلو . ضليت محتارة
انزع من رجلي شو همه مانزعو جرتني ام بشاير
واشرت للعاملات دخلن غراضي .
ام بشاير::حمد الله على السلامه.
_عيني تدور بالمكان فخامه مو طبيعيه
ضليت كاعده وهيه تحاول تجاملني
بالي يم بشاير . التفتت سالتها.
ام بشاير::الحين تي .
_ومن بعد السوالف عرفت هذا بيت ابو بشاير
شويه ودخلت بشاير . اباوع شنو الكشخه عبالك
رايحه حفله عرس مكياج طوخ . نزلت شالها لكتافها كمت بوستها .
بشاير::وينو فيصل.
ام بشاير::عند ابوك .
_كامت تتمايل بخطواتها وانه شلون المحنطه
بس عيوني تتحرك . نبهتني ام بشاير
ام بشاير::جهز الاكل يله يبنتي كومي.
_كامت وهيه توجه كلامها للعامله.
ام بشاير::نادي ماما بشاير وعمك.
_نزلت بشاير وهيه حاظنه فيصل
عبالك عرسان .احس الكمه ماتنبلع
طول ماهمه كاعدين هيه تسولف وتضحك
متجاهله وجودي . نقذني كلام ابو بشاير
ابو بشاير::ميري وصلي سلاسل لدارها.
ميري ::حاضر بابا.
_ترخصت وتبعتها وكل ضني تاخذني لغير بيت
ثاري يسمون الغرفه دار. بس حقهم لان مو غرفه
بكد بيتنا اباوع يعني ذول هم يضوجون مثلنا
الي عايشه بهذا النعيم شتختلف عنه .
ميري::يبي شي ماما .
_التفتت عليها هزيت راسي لا وبس طلعت ركضت قفلت الباب شمرت شالي احس اختنكت كعدت صافنه
اي ياسونه معقوله الحظ نصفني . وزواجي من الخليجي هم وراثه حالها حال صوتي من عمتي سلطانه
حيرة تغيب العقل من الراس ومن كثر التفكير غفيت وعبالك صار سنين مانايمه اي عطشانه امان فزيت اتلفت عبالي حلم لحد ماسمعت صوتها. كمت فتحت الباب دخلت محاوله تبين عدم ازعاجها مني.
بشاير::ان شاالله عجبتك الدار.
_هزيت راسي أي. ردت وهي تكعد
عله القنفه الموجوده بالغرفه .
بشاير::اجلسي خلنه نتكلم .اول شي انتي راح
تبكين عند هلي وهو يجيك كل كم يوم .
_عيني عليها مركزه بكل حركه.
بشاير::اسمعي يسونه.انا وفيصل تزوجنا عن حب
وهو مايشوف حرمه غيري . ولولا الحاحي،عليه
ماكان وافك عليج .فعطي وكت عشان اقنعه .
_ماقاطعتها وخليتها تحجي كل الي عدها
تحجي وتتفحص ملامحي والغيرة واضحه بعيونها
طلعت وهيه تمثل دور الزوجه المتفهمه .
بشاير::خذي راحتك
حنه رايحين بيتنا بكرا نجي .
_طبكت الباب. وكفت كبال المرايه
احجي ويه روحي . اي جا شعبالج صدكتي انعجب بيج
مثل سلطانه ثول ام اعطوب دنجبي . مسحت دموعي بجف بيدي حيل وانه احلف بعد ماخليهن ينزلن لثاني يوم نزلت ماكو صوت توجهت للمطبخ لكيت ميري صبحت عليها ردت ببتسامه .
ميري::شنو يحب يفطر ماما.
_اريد جاي . حجيتها والتفتت اباوع للمطبخ
الي يفتح النفس دخلت ام بشاير تتجه
عله عوجيتها تريكنا انه وياها كامت واشرتلي اتبعها .
ام بشاير::ام فيصل وخواته يزورونا اليوم
ابيج ترتبين حالج .انه شريتلج كم دراعه
البسي منهم والحين اتصل عله بشاير تطرش النا
الكوافيرة . خلي بالك لاتزلين بالكلام حنه فهمناهم
عرفناك من المعزب خوينا بالعراك يصير زوج اختج وخطبناج . ان سالوج كولي هلي ميتين وربيت عند اختي وزجها .
_مانطتني مجال احجي
كمت مثل الاله شتكلي انفذ.استلمني جلف اباوع لروحي طلعت خلقه ثانيه نزلت التفتن عليه متفاجئات . حاولت اتضاهر بالقوى كعدت كبال بشاير الي ماشالت عينها عني وصلو اهل فيصل امه وخواته ثنين هواي يتسالن وانه احاول ارد باختصار لحد ماراحو احس بروحي اختنكت . ايام وفيصل ماراواني وجه . بالي يم قدر وهمه مغلسين عله النقال جرئت نفسي وكلت الها خاله بلكي تكولين لابو بشاير يخابر
ثابت اريد اطمن عله اختي.
ام بشاير::اي الحين اطرش ميري تنادي.
_اجه والضاهر مستفسر من ميري
كبل طلع النقال اتصل واطانيا.
ابو بشاير::روحي دارك تكلمي براحتك.
_بسرعه صعدت . رد ومااعرف ليش
حسيته واحد من اهلي . مدري لان اختي يمه.
ثابت::الووو ها يابه شلونج شخبارج..
_خنكتني العبرة. تمنيت قدر ترد
حته احجيلها . رد صاح عباله ماسمعه
ثابت::بيج شي .
_لا شلونها قدر شصار كملتو الدعوى
ثابت::عرضو عليها مبلغ وهيه وافقت
ان شاء الله هل فترة نكمل اجراء التنازل.
_يعني بعد كل الحجيته الك خليتها تتنازل.
ثابت::ماريد احسسها بس رتبت الموضوع
طمنيني عنج . احس مامرتاحه سلاسل
احجيلي كل شي لاتضمين حته اعرف اتصرف .
_حجيتله انو سكني يم ابو بشاير
وعن اهل فيصل وزيارتهم الي .
ثابت::بدون خجل انتي هسه عرضي
هو بات عندج لو لا.
_بلعت ريكي ورديت بااحراج
لا بشاير كالت انطي وقت .
ثابت::جوازج ماتغفلين عنه
وهسه راح ابلغهم يخلولج نقال خاص بيج
اريدج يوميه تخابريني اريد كل حركه
وكلمه وتصرف منهم . بالتفصيل .
_تمام . اكلك قدر هم حجت عليه.
ثابت::تبقين اختها وتحبج .
_نهيت مكالمتي بعد وصايه
واهم شي جوازي كل شوي يعيد عليه الكلام.
نزلت النقال لابو بشاير . بعد كم يوم جابولي واحد
ويوم يجر يوم تعده الشهر وفيصل يجي هو وبشاير
يخلصوها مشاور وضحك ويتعشون ويرحون وام بشاير
تتعذر انو جاي يقنع بشاير .
ام بشاير::لا تلوميها زوجها خذته عن حب.
_وهيج يخلص الوقت . صح مابذر منهم اي تصرف
مؤذي ولا حرموني من اكل لو لبس . وانه هم ماهمني فيصل . بس كلام النساء الي يجن يزورنهم والسؤال يحسسني مالي قيمه . صرت اتجنب الاحراج واذا عدهم خطار ماانزل . توني اريد اتمدد وصاحت ميري.
ميري::ماما الشيخه يبيك.
_نزلت لكيتها كاعده ومبين مغثوثه.
بدون ماتباوع عليه حجت .
ام بشاير::يبنتي زهبي حالك اليوم فيصل
ينام عندك .
_حسيت الكلمه ثكيله حيل
لا جهزت ولا كلفت نفسي مجرد ماسبحت وعيني للباب
دخل مدنك وعبالك مجبور سلم بثكل كعد وهو يحاول يكسر الحاجز بينا .
فيصل::كيف احوالك . اعذريني مكصر بحكك
بس ياريت تكدرين وضعي . ابيك اتحملين غيرة
بشاير لحين ماتعود وتكبل الامر .
_هزيت راسي باايجاب . كام طفه الضوى
رغم برودة الغرفه احس عركت ولا جني سونه
الي ركصت ليالي بين زلم ونضراتهم الجانت تفصلني ولا زاوجي من اثنين . تقدم كعد عله طرف الجربايه اباوعله عبالك عنده واجب ويريد يخلصه
خله نقاله عله الميز نزع اشماغه بعده ماملتفت
عليه دك نقاله بسرعه جره ورد .
فيصل:: استفغر الله وتالي معاك
يحرمه اذكري الله . عليش تبكين مو انتي الي
اصريتي مو هذا رايك خلصنا .
_صوتها جان واضح تبجي وتحجي
وهو يقنع بيها .شوصف احساسي ساعتها مااعرف.
فيصل::خلص تمام تمام طيب ساعه وانا عندك.
_سده والتفت عليه عدلت نفسي انتجيت
عله تاج الجربايه حس بيه منتضرة تبرير..
فيصل::كتلك انها محترة لكن بمرور الزمن
تتكبل الامر .
_قاطع حديثه النقال. رفضه ورد يحجي
وهيه حركته حرك ادك وادز مسجات .
قبل مايصعد الجربايه طفرت شغلت الضوى
باوعلي مستغرب.
فيصل::وش بلاك .
_توجهت لميز المرايا اخذت الكتر لميت شعري
وهو نضراته تتبع حكرتي . وقتها عرفت كلام ثابت
من كال عقدي عله اختج يخليني اكدر اوكف بضهرج كعدت كبال فيصل وحجيت . كلتو لزوج اختي
اكون حالي حال بشاير . صح لو لا
فيصل::وش الي غاثك ماانتي حرمتي
مثلها مثلك.
_المفروض اسكن وياك .مادامني حرمتك
واذا هيه تغار . بعد انته توفرلي مكان ثاني.
فيصل::لا اهي فترة كتلك بس
تهدء من غيرتها اكيد اخدك عندي للدار.
_تمام لذاك الوقت اكون حرمتك
هاي وحده .
فيصل::وش الثانيه بعد.
_افتح النقال وخل اسمع شنو اتفاقك وياها.
فيصل::لا مو من حكك هذي خوصوصيات
حرمه ورجال .
_هو يحجي . ونقاله يون . اشرتله افتح
نفخ بملل ورد عليها . تقربت اسمع .
بشاير::وينك ليش ماترد لايكون عجبك
معشرها رد ليش ساكت .
_عينه عليه . وهيه تصرخ . ابتسمت بسهزاء
ضل يحجي وياها. تالي سده بوجها .
فيصل::ماعليك منها . لاتزعلين.
_خلص افتح البصمات الدزتها
اذا تريد ترضيني.
فيصل ::شفيك يبا.
_مابيه شي . بس حقي اعرف
صراحه اشك بيكم .واذا ماعندك شي
سمعني .بلع ريكه فتح النقال واجه صوتها يهلهل.
بشاير::والله يفيصل اموت حالي لو نمت عندها
الك ٣٠ دكيكه وتجي . وان عرفت با ... لو !!! ترى بكرا اسالها عن كلشي صار بينكم .
_غافلته وبحركه مديت ايدي
اخذت النقال فتحت البصمه الثانيه.
بشاير::ترى ميري عند الباب .
_بعده النقال بيدي ودك فتحت
خط واشرتله رد . مسح وجهه بعصبيه
فيصل::وش في . عيب الي تساوي
يبشاير خلص الحين طالع يبا حته الحرمه
خافت وماعرف اتصرف .
_شمرته عليه وكمت
فتحت الباب اشرتله. والي كلام ويه ابوها.
فيصل::ماعليك منها . كتلك من غيرتها
_من تقنعها وتاخذني لبيتك ساعتها
اكون زوجه .
فيصل::طيب اسمعي بس.
_تقدم عليه سد الباب وهو يحجي بصوت ناصي.
فيصل::لاتكولين ماصار شي بينا
خلها تفكر تمت امورنا وخلص.
_ماشي .حجيتها ودرت وجهي لبس اشماغه وطلع
مزعوج وهيج خلصتها وياي بشاير وامها تتعذر .
ام بشاير::حكج علي يبنيتي . والله ابوها
هاوشها وطلعت زعلانه.
_الكلام مايطيب جرح
عفتها وصعدت لغرفتي.حايرة. ثابت ماعافني
يخابر كل يوم اخجل احجيله
ثابت::متاكده امورج تمام.
_رديت مغيرة الموضوع . شلونها قدر.
ثابت::هو انه ردت اسألج محتار
مااعرف شلون اخليها تأمن بيه وتتخذني سند
لان لحد الان مفكرة بس تاخذ حقها تتطلك.
_اذن مامرتاحه. عندك لاتزعل عليه.
ثابت::لا ابد بس يمكن اذا ارجعها يم اهلي
تطمن ويجوز يصير بينا ود .
_حاول . لان اذا بقت هيج انه
ارجع مستحيل اعوفها.
ثابت؛؛اذن انتي مامستقرة.
_لا مو هيج . بس خو ماعوفها.
ثابت::اعتبريني اختج
وسولفي وياي بالرسائل وهيج ماتنحرجين.
_مانطاني مجال احجي سده . ضليت حايرة
ايام وليالي وكلهن من عمري بس حسيت كبرت
وعيت فهمت .فيصل يجي وكل مرة اصده.
فيصل::والحل .
_تنفذ اتفاقك وكلامك ويا زوج اختي.
كتلك تحسب حسابي اعيش وياك.
فيصل::وانا كتلك عطيني وكت.
_وهيج كل مرة يطلع وهو ينافخ
وبشاير تحسب الدقايق . علينا
نزلت لكيتها كاعده وقبل ماسلم كامت
وهيه تجرني متوجه بيه للحمام دفعتها كافي عاد .
بشاير::خذي عسى هل مرة يصيب .
_شمرت عليه التحليل ودفعتني للحمام
وكل مرة هيج اطلع وانه متاكد من النتيجه.
بشاير::خلص حضري حالك اخذك عند الدكتورة
نشيك حالتك يجوز ماتخلفين.
_شكد ضغطت عله نفسي
كل هاي الفترة متحملتها واخجل من اهلها
بس طلعتني من طوري . رفعت راسي باوعتلها
وحجيت بملل اضن الي رجال هو مسؤل عني .
بشاير::هو كلفني .
_تمام خل يجي واسمع منه. حجيتها
وعبرت يابه وهيه كلبت الدنيا.بصوتها.
بشاير::لا يكون مصدكه نفسك
اسمعي انا الي اكول وانا الي امر وماعليك اله
_التفتت عليها. وماجانت متوقعه ردي
لايكون حاسبتني جاريه . شوفي عيوني
انتي الي خطبتيني لا عاشكه رجلج ولا ذبيت
روحي بحظنه بس مال تتحكمين بيه ومعتبرتني
عبد مشتريته .
بشاير::ماجبرناك وتدرين زواجه
لاجل العيال.
_زوجه حالي حالج . واذا يريد هو ياخذني
للدكتورة غير هل كلام ماعندي. مني كلمه ومنها
حجايه وعله صوتنا اجت امها . عفتهن وصعدت
صاحو عليه .
ام بشاير::انزل يسونه اكلمك.
_عفتها تحجي ودخلت .مدري شبيه . صارت سولتي المرايه وكفت اسولف وياها ها هسه شنسوي خو عرفتي ماراح يحسبونج زوجته جريت الكرسي
وكعدت اباوع لروحي مو انه ولاتشبهني كلبي بي قسوى، وكرهت الناس وحقدت عليهم . احس عقلي
صار يخطط بخبث مديت ايدي بخبال اقيس راسي وكل ضني اكدر اعرف حجم عقلي نبهني من تفكيري الغبي صوت الباب عرفتها ميري صحت تعاي دخلت ومبين عليها الحيرة .
ميري::بابا فيصل يبك .
_نزلت لكيته كاعد وام بشاير يمه.
فيصل::تعالي يسلاسل حكك علي
عمتي حكتلي الصار .
_والحل . ردت ام بشاير.
ام بشاير::لا تواخذيها يبنيتي
كلبها مولع عله اليهال . وتبي تفرح زوجها
فيصل::ومافيها شي ان خذتك للدكتورة
_انته تاخذني.
فيصل::ايي.
_كمت بسرعه لبست ونزلت طلعنا
اباوع ناس عايشه بغير عالم نبهني من صفنتي
فيصل::انزلي نكعد هني نتكلم براحتنا.
_نزلت حديقه وكلها عوائل
كعدنا بعيد عن الناس.
فيصل::سنين وهي تلح اتزوج لكن وانا ارفض
لان كنت اعرف ماراح تتكبل الامر .
_ليش ورطتني.
فيصل::لانك كنتي .
_ابتسمت بحزن .
فيصل::مو بكصدي لكن هي فكرت
لان مالك اهل ممكن تكدر تقنعك بمبلغ وتاخذ الجنين.
_اسمع اذا مفكر يوم يصير عندي طفل واتخله عنه غلطان لو اعرف اموته بيدي ماعوفه الها من هسه نتفق
اصير زوجه بشرط مالها حكم عليه ولا عله طفلي.
فيصل::الصج انا ابيك . لكن ماودي اضلمك
لو تحاولين تتكربين منها وتكنعيها .
_تدري انته المفروض ماتزوج مثلي.
فيصل::وهذا كان تفكيري ردت بنت
من نفس بلادي عشان ماتستضعفها بشاير.
_هو هذا الصح.
فيصل::لكن انا رايدك وشاريك اوعدك
ان ماتكبلت الامر ابعدك عنها.
_تمام. بس اذا خلفت بوعدك ثق
مايلزمني شي . وبعد مااسكت عنها.
فيصل::لاه اتركيها علي انا راح امنعها ماتكرب صوبك
_رجعنا بعد مامرني بالصيدليه واخذ علاج
كذب وكال اذا سألوج كولي الفحوصات سليمه
وصدك تكلتني امها من الباب.
ام بشاير::ها وش كالت دكتورتك.
_شرحتلها مختصر . وصعدت
افتر بالغرفه ضايعه . باوعت للنقال بتردد
تالي كلت مالي غيرة .دزيت الوو وانتضرته يرد
ماكو تاخر الوقت رمشت مرتين ضليت الوم
بروحي يمكن زوجته يمه شكد عيب كمزت من
دك النقال رديت بلعثمه .السلام عليكم.
ثابت::هلا بسلاسل شخبارج.
_احتاريت شلون اسولفله . حس بيه
مستحيه . كال.
ثابت:: كتبي يابه وانه بخدمتج.
_ومن حيرتي . كتبت كل شي
اباوع يضهر يمه مقروء من كد ماخجلت
احس الغرفه اشتعلت نار . انتبهت جاري الكتابه
لحد ماوصلني كلامه اعصابي تلفت .
ثابت::تنفذين كل حرف .تكولين لفيصل
ان كان رايدج يجيبج للعراق تخلفين هنا
حته يتسجل طفلج بهويه بلدج .
_اقرء واهز راسي اي وكل عقلي يشوفي
بجيت بهضم وقهر. رد دز.
ثابت::حاولي مايصير بينكم شي
لحد ماتجون هنا فاهمه . ترى اذا حملتي
مايخلوج ترجعين لحد ماتولدين وقوانين بلدهم
تختلف وراح تضطرين للبقاء وتحمل كل شيء
لاجل طفلج . فاهمتني .
_رغم كلامه خوفني بس حسيت عندي
شخص مهتم لامري . سالته عن قدر.
ثابت::زينه . رجعتها يم اهلي لان
رفضت تتنازل ومحمود وعمام فاروق تخبلو .
_احس ماي بارد ونزل عله كلبي
رديت افضل شي تسوي خليها
تحرك كلبهم ذمه بركبتك .
ثابت::انتي بس ديري بالج عله نفسج.
_نهيت مكالمتي . وكمت اتاكدت من جوازي
لليل واجه فيصل . وكل ضنه اقتنع بكلامه.
فيصل::يسونه لاتزعلين مني
ابيك وربي يشهد .
_وانه هم اريدك . بس ياعيني
حقي اخاف . واذا تريد نبقى سوى
تعال نتفق .
فيصل::عله امرك.
_رجعني للعراق اقلها بين ناسي
وانته تجيني كل فترة لحد ما يصير عدنا
طفل وكون يتعده عمرة سنه يله ترجعني هنا
هيج نخلي بشاير كدام الامر الواقع شتكول.
فيصل::لاه مستحيل.
_ليش؟
فيصل::لو ولدتي بالعراك تكون هويته بلدك.
_باوعتله احس . ماعندي طاقه اتحمل
ضل يحجي ولا جني اسمعه طلع . لفيت راسي
ونمت فززني صوت النقال استغربت ثابت شعجب مخابر هيج وقت رديت بخوف.سلم
ثابت::لازم يكون عندج علم
ابوج كلش تعبان .
_هو يحجي وانه ادموعي تصب
شرحلي حالته . ورد سالني.
ثابت::شنو اخبار فيصل.
_رفض.
ثابت::اقامتج هذا الشهر تخلص
وهم عندج عذر ابوج .
_مالي غير حل لازم ارجع.
ثابت؛؛بيتي وعيني ثنينهن الج
شوفي انه والولد بثينا خبر انو انتي انحكمتي سنه حالج حال مديحه وتعرفين سنة السجن ب٩ اشهر وهيج انتهت عقوبتج بعد محد اله حجه شتكولين .
_الله يوفقك ويستر عليك.
ثابت::واجبي يابه اختي انتي.
_اذا هيج خابر ابو بشاير
ثابت::تمام .بس لاتبينين شي.
_كم يوم وانه مثل السمجه
وهمزين عذري ابوي .
ام بشاير::الله يشافي .
_حسيت بروحي انانيه ومستغلتهم
هيه وابو بشاير ابد مااذوني . وحته من رفض فيصل
سفري همه قنعو لميت ملابسي وحسب وصايه ثابت
مااخذ كلشي حته لايشكون صحت عله ميري نزلت جنطتي وكف ابو بشاير سلم عليه.
ابو بشاير؛:خذي مفتاح الحسينيه خاف تحتاجي
وهذا مصرف مني . واي شي يصير كلميني.
_تشكرت منه وطلعت وصلني فيصل للمطار
وختمو جوازي واذنولي بالسفر ودعته وجانت نضراته
مال واحد شاك بعدم رجوعي . بقاعه الانتضار وعيني للساعه واتلفت خاف يرجع عليه لحد مانادو نتوجه للطائرة يله تنفست . استقبلني ثابت.
ثابت::نورتي بلدج .
_مالي بلد لان مالي اهل ولادار.
ثابت::اخوج انه .
_بوجهنا للبصرة. شكد حاولت انو ينزلني
لبيتنا رفض .
ثابت::يابه ترى صار كم شهر متروك
تلكي متروس حشرات .
_اخذني للشركه . ثاني يوم اجه
ثابت::افلوس مهرج . تجيب بيت زراعي.
_لحد ماتكله اروح لبيتنا
شوكت يطلع ابوي.
ثابت::خل انشوف احد ينضفلج البيت
والصراحه ماضن راح يقتنعون جنت بالسجن
لان ماشاء الله شكلج مال وحده جانت بسفرة استجمام ههههه .
_لاتشيل هم لعبتي انته بس وصلني
لسوك الباله وانه اطلعلك صوله ام الذبان.
ثابت::انحكمت ٥ سنوات.
_وسليمه؟
ثابت::كلش تعبانه حسب كلام اياد
_الها مواقف ماتنكر . اتمنى اكدر ازورها.
ثابت::استقري وكله سهل.
_وبديت مشواري اخذت كم قطعه
من الباله وهو يضحك. لميت غراضي
ثابت::اوصلج .
_لا ابد لا توصل . بس خلصلي اوراق ابوي
ثابت::الله يوفقج.
_طلعت وعيوني لكل شبر اخطي
لحد ماوصلت الصعده. انقبض كلبي
وعبالك اشوف كل حدث صار بيه هنا
كم واحد من الجوارين طلعو يباوعون .دفعت الباب ودخلت مااستغربت البيت منضف اكيد ثابت دز ناس
دك نقالي رديت عليه.
ثابت:ها .
_محد بالشارع كم واحد وذول
اصلان مالهم دخل من زمان.
ثابت::باجر يطلع ابوج . شلون تجين تاخذينه.
_اي بس اطيني خبر . شمرت النقال وكمت
جنا نحلم نطلع منا ونعيش مثل كل عائله
تالي صفيت وحدي وابوي ايامه معدوده يله هذا نصيبي . اليل كله فيصل يراسل صفنت معقوله.
فيصل::اشتكت الك سونه تندمت
انا اسف حكك علي اوعدك من اليوم بشاير
مالها كلمه عليك . والي تبي يصير
_تمام اذا هيج خليني هنا مثل ماكتلك
لحد مايصير عندي طفل .تعبت عفته
وكمت قفلت البيبان ونمت ثاني يوم خابرني ثابت
طلعت وعيني على الشارع والكراج مريت من بيت مديحه وين راح يصفه بيج الزمن . من اطلعين
مشيت بهمه اباوع سيارة تكسي دكلي هورن تقربت
واشوف ابوي ممطول بالكرسي والورا نزل السايق
شاله وياي وصلني للباب وراح .
راضي::اخخخ بويه راح اموت.
_اباوعله منتهي عضم وجلد
وكوى يحجي رتبت مكانه ونيمته احتاريت شوكله
خابرت ثابت . كال شوربه .سويتها مااكل شويه
خلصت ليل كاعده كباله . ليش هيج بويه.
راضي::اختج وين.
_زين من سالت عنها. راحت لخوالها .
راضي::وانتي ليش ماجيتيني للسجن.
_جنت مسجونه. وقبل كم يوم طلعت.
راضي::اذا اموت لاتبقين هنا .
_وين اروح .
راضي:دوري عمج طالب. وروحي عنده.
_عرفت ايامه خلصت . بجيت بصوت عالي
يوميه افز اكول هسه الكاه ميت . فيصل اكل كلبي.
فيصل::راح اجيك.
_اترجاك ترى ماعايزه ابوي كافي عليه
كوى قنعته . ينتضر لحد مااطمن عله ابوي.
خابرت ثابت . كتله بعد مااتحمل جيبها .
ثابت::صار بس مااكدر اخليها يمج لازم
ترجع تعرفين بمحمود يتصيد .
_تمام انه اجي اشوفها وارجع.
كمت بدلت ونضراتي لابوي . الي كوى يتنفس.
امشي ورجليه ماتعيني عين لبيتنا وكلبي يكلي روحي شوفيها . تلكاني ثابت صعدت ويا .
ثابت::لازم ترحين لسليمه حته تتاكد
من كلامنا صدك .
_ واذا سالتني عن قدر .
ثابت::كليلها اخر مرة شفتها بالتوقيف
وبعدها سمعت بيت فاروق مطلعينها.
_هسه وين لبيتكم لو وين.
ثابت::لا جبتها للشركه احسن حته الباشا
مايعرف بوجودج .
_نزلت وهو فتح الباب احس الدنيا
افترت بيه اتعثر بسبب دموعي الي حجبت الرؤيا عني
درات وجها بزعل . فشلتني جنت اضن تتلكاني تحظني.
ثابت::حقها ماتعرف الي جرى عليج.
_بس جانت تدري وعاشت الي عشته
قدر::بس ماتخليت عنج وبقيت انتضرج
ليش هيج عفتيني مافكرتي مالي احد
تدرين بيه ولج نغله نغله تايه وبس انتي الي .
_جريتها لحظني وهيه مفرفحه تبجي وادفع بيه
بس اسمعيني عفتج مجبورة بس اعرف ثابت
مايعوفج اطاني كلمه.
قدر::شنو ثابت شنو هو اهلي
لو انتي ولج كرهت روحي محبوسه بين اربع
حيطان منبوذه مثل البي مرض معدي وكلها تصيح
عليه وتدرين عذرتج بس من رجعتي عله مود راضي
عرفت ماجنتي حاسبتني اختج.
_دفعتني وكامت . ردت الزمها
دخلت لوحده من الغرف وقفلت الباب .
حاول يحجي وياها ماجنها تسمع تالي صاحت.
قدر::روحي وانسي بيوم شفتيني
_توسلت حجيت حلفت ماردت
كمت لان بالي يم ابوي طلعت وهو لحكني.
ثابت::من حركت كلبها.
_دير بالك عليها. حجيتها ومشيت راد يوصلني
رفضت لحد مادخلت بيتنا عيوني تصب.
راضي::وين رحتي ليش خليتني لوحدي
خفت تجي الجده وتكتلني . سمعتها ادك بالباب.
_فوك الضيف انوب الخوف
احس كلبي خلص . الجو حار وسبلت الصاله عاطل
وهو يصيح بردان ايام وانه احاول ويه ثابت يقنع قدر
ثابت::ثقي فترة ويبرد كلبها
المهم مديحه باجر تطلع. انتي كوني حذرة.
_الله كريم. بس خل اشوف وضع ابوي
حته اعرف شسوي.
ثابت::فيصل خابرني هو وابو بشاير
وكتلهم ابوها وضعه تعبان . بس لازم تحددين موقفج.
_هو شرط واحد يعوفني هنا.
ثابت::روحي نامي والنا كلام ثاني.
_حسبه تجيبني وحسبه توديني اكعد بغرفتنا وابجي لحد ماامل واغنيه بس تعالو صارت سلوتي حاظنه ملابس جويسم وانحب بصوت عالي. صاح عليه ابوي
راضي::الباب يندك.
_طلعت وانه اصيح منو .
مديحه::انه انه.
_فتحت الباب دخلت حظنتها رغم كلشي
هيه مالها ذنب وجانت مجبورة ماعاتبتها.
مديحه::امي مدري وين الكاها
سالت الضابط كال بدار العجزه.
_اي روحيله يدليج .
مديحه::اخاف ادخل المركز ويسجني مرة ثانيه
اكلج ماتعرفين اخبار محابس.
_لا هو انه صارلي كم يوم من طلعت.
مديحه::زين ماتخابرين الباشا
بلكي يساعدني بس اجيب امي
_ضحكت . تحجين صدك ولج ياباشا.
بت الكلب ترديني ارد للسجن .
مديحه::انه حته كروة ماعندي.
_دكومي سبحي بين ماسويلج لكمه
ونوب روحي للمركز همه يدلونج وين حطوها
طلعتلها ملابس تباوعلي بشك همزين ماانتبهت لشعري مصبوغ كملت كمت جبتلها فلوس. هاج ومن تجين عود مري بيه طمنيني .
مديحه::خوش خوش.
_طلعت قفلت الباب وراها
وركضت لنقالي خابرت ثابت.سولفتله.
ثابت::هيه بعد ماتخوف بس الحذر واجب
بلكي هل يومين احصلج بيت اجار .
_انه كلت اخذه وروح للحسينيه.
ثابت::كتلج انه اخوج لاتزغريني.
_هو يحجي وتلفوني يهتز باوعت للشاشه
بشاير نهيت مكالمتي ويا ورديت عليها .سلمت
وسالتني عن ابوي . حجيتلها حالته.
بشاير::زين وان طول بمرضه .
_ابقى ويا خو ماعوفه يموت بالدار وحده.
بشاير::بس .
_قاطعتها بشاير انه فهمت فيصل
وابوج . يعني ماكو داعي للكلام .
بشاير::ترى كالي انك تبين بكين بالعراك.
_وهلشي احسن الي والج .
بشاير::اسمعي يسونه من اول تعرفين
زواجك في لاجل شو بعد لاتحاولين تحطين راسك.
_صحت . براسج واعله خاف عبالج
بسبب ضرفي الي استغليتيي اخليج ادوسين عليه واسكت لا عيوني غلطانه ترى فيصل مو اول رجال بحياتي وعندي استعداد انزعه مثل اي ثوب راح موديله.
بشاير::طكاكه ماعليج شرها.
_اها ف احترمي نفسج لا اطكج طك.
سديته وانه افور . كمت سويت اكل
ورا كم ساعه اجت مديحه دموعه تصب.ها بشري
مديحه::ولج امي ماعرفتني
فاقده مدري شبيها.
_اي دكملي الضيم عليه. كابلتها وشبعنا مناحه.
مديحه::كالو جيبي جناسيكم
وتعاي باجر سوي طلب. صدك نسيت اسالج
قدر وين شو ماشفتها
_من السجن بعد ماشفتها . بيت فاروق
ماخذينها
مديحه::جا ماسالتي عنها.
_سالت كالو وديناها لخوالها
ومانعين تواصلها بيه.
مديحه:: اكيد خو ماياخذونج بالاحظان
وابوج هو سبب بضيم بتهم.
_المهم احجيلي شنو اوضاع
سلوم وربعها انتي وياهن نفس المكان.
مديحه::خرب لاتذكريني غير
شبعني كتل . بس يابه شسوو بيهن بالتحقيق
جابوهن مدمايات كوى اعترفن خو ام دعدوش
انتهت هيه وام طيبه.
_لطمت عله صدري مسويه روحي متفاجئه
فلك جا ام طيبه شجابها بنصهن .
مديحه::جانتي وين شنو مادريتي.
_لا ماخلوني يمهن.
مديحه::اي بيوم الجابوج انه
شفتج هنه جانن تاهماتج انتي العلستيهن.
_بيومها جنت ويه الفرقه.
مديحه::اي سلوم كالت الهن وشكو بقدر
كالو محد غيرها اكيد بس سلوم كالت ماعدها نقال.
ومن دخلت البضاعه هيه نايمه بس لازم اكو من علسنا
_همزين حجت الصدك.
مديحه::دسمعي . انه قبل ماتدخل الحكومه
خابرني محابس كال فلتي بدون مااخذ شي
من البيت جريت امي وركضت بعدنا ماعابرين الركن وسيارة الشرطه دخلت ضليت محتارة ايست كلت ماكو مفر
_وتالي ؟
مديحه::الشارع انخبص كلها تركض
وانه حايرة بالعربانه مال امي ماحسيت
اله واحد جرني صرخت ولانه كبل صاح بيه لمن سمعت حسه ولانه محابس جرنه يركض بينه بين الدرابين لحد ما طلعنه الشارع .
_صفنت . وهيه تسولف .
مديحه::ضمنا بمخزن مال خشب
كال رايح ادور سونه واجي ومارد
ايام واحنه بنص النشارة امي تعبت كلش
لثمت روحي وطلعت ثاري مراقبين الصعده
وبس شافوني سحلوني دليتهم امي .
_المهم من ذبوج وياهن شنو صار
مديحه::اول ايام خلصنها بجي
لحد مانحكمن يله هودن .دخل اضحكج
احنه الخوف كاتلنه وسليمه تون من رجليها،الي كسروهن بالتحقيق .
_ليش جا همه لزموهم وكلشي
واضح عليمن كتلوهن.
مديحه::غير طلعت بلاوي بزواغير الصعده
ثاري يدرن ويندلن شكو عصابه تالي اعترفن.
_وبعدين.
مديحه::اي .كل هذا وام طيبه بالها يمج
وتصيح هيه علستنا . محد غير ام اعطوب
وتحلف عود انتي مخابرتها من نقال صوله.
_احس كلبي انعصر. اشرتلها كملي.
مديحه::تالي من انلزمت صوله
وخلصو منها تحقيق جابوها يمنا سالتها سلوم
كالت لا شايفه سونه ولا مخابرة ام طيبه .
_اي صدك جا حملي شاهد.
مديحه::هيه كالت هيج وام طيبه
طفرت عليها تكلها ادري الباشا اخذها وكالج نكري
ويصيرن لحم وتكوم عليهن سلوم وتسحلهن سحل .
_هزيت ايدي . وهيه خلصتها ضحك
الصبح رادت تروح . هم اطيتها فلوس.
مديحه::صدك منيلج فلوس
_هزين العذر رهم كتلها لكيتهن بغرفة سلوم
طلعت وانه ركضت ضميت فلوسي اباوع لابوي
اليوم كلش تعبانه خابرت لثابت كال نومي مستشفى
شيوصله للشارع .
ثابت::حاولي تنخين احد حته لو اهل المحلات
لان مااكدر اجيج خاف يشفني الباشا ترى
لاحكني جنه تبعه مال حوامل.
_باالف ياالله كدرت اوصله اخذت تكسي
وبوجهي للمستشفى بس جيكه الدكتور كال
الدكتور::حالته متاخرة بس تبقه الاعمار بيد الله.
_طلع الدكتور التفت اكو ممرض،بالصاله اشرتله
اجه كتله بعد اختك بس اعبر لابو الاجهزة الطبيه
اجيبلي عربانه عينك عليه.
الممرض::بس لاتتاخرين عفيه عندي شغل.
_طلعت اركض اشتريت عربانه
ورجعت شاله وياي وصلني للباب
فتحت جنطتي انطيته ١٠ الالف .وكفلي تكسي
وصعدنا رديت ادفع بي وعيوني تصب شكد احتاجيت
عمامي الي دورهم ثابت وماطاح بيهم . لكيت مديحه باب بيتهم . هااا بشري.
مديحه::جبتها .
_جا شعدج لازمه الباب.
مديحه::غير من ادخل تكلب الدنيا تصرخ
تكول رديني لاهلي ليش بكتيني.
_مدري اضحك مدري ابجي
كلبي ماكلني عله قدر ومنا فيصل سلك جدي
كعدت الطم وابجي من حركت كلبي دخلت لغرفه سليمه اريد بس الهي روحي اكلب بالغراض ومدري شلون رفعت الجوته المفروشه لكيت افلوس عله
مفروشات فرشت بحيث محد يحس بيهن ضليت اتلفت بخوف. خرب عقلج سلوم .لميتهن بسرعه انوب لايحتهن رطوبه من الكاع وريحتهن عفنه. طلعت
محتارة وين اصمهن اندك الباب . عرفتها مديحه ضميتهن بالمطبخ وفتحت الها .
مديحه::ادري ماعايزج ضيم بس
اريد ٢٥ اجيب حفاضات لامي وباجر اطلع للجداوى.
_اشرتلها اكعدي ورحت جبتلها من فلوس سلوم.
مديحه::خايبه وين ضامتهن ريحتهن تسطر.
_مضمام سلوم .طلعت وهيه تسب بيها
تمددت بالصاله وعيني لابوي مدري شلون غفيت
وافز مرعوبه التفتت لكيته يشخر ادنيت يمه سكت
باوعت بخوف اريد الزمه واديه ماطاوعني كوى جرئت روحي تقربت ماكو نفس وهذا اخر شي يثبت انه بشر
حالي حال الناس اخر خيط وامل بالدنيا انكطع،
نحيب وبجي لا فاتحه ولا احد ترحم عليه غير ثابت
الي تكفل بكلشي تغسيله ودفنه .
ثابت::بعد المن باقيه هنا.
_اي بس ارتاح باجر ارجع للحسينيه
واشوف قرار فيصل شنو.
ثابت::خلي ابالج حته اذا خلفتي فيصل
مايعيش بالعراق .
_المن ضاله بالعراق اختي ونكرتني.
ثابت::عندج مهر يسد حاجتج.
_اطيني مجال افكر.
سده النقال وضلت مديحه تروح وترد عليه.
مديحه::منو تكفل دفن ابوج ليش ماخليتينا
نمشي ويا للنجف .
_واحد بالمستشفى تبرع بكلشي.
مديحه::تعاي يمنا خو ماتبقين وحدج.
_لا مالي ضله هنا . اروح اكعد بكربلاء احسن.
مديحه::وشلون تعيشين.
_هم اجدي . المهم هاج هذن افلوس
البقن من سلوم اشتري نقال حته اطمن عليج
ولو تجيبين امج وتجن هنا ليش ادفعين اجار.
مديحه::انعم الله. ويرحم اهلج.
_لميت غرضنا كلهن بغرفه وهيه جابت بس
ملابسهن ودعتها وطلعت بدون ماخابر ثابت
وصلت للحسينيه . ذبيت روحي احس بامان مو طبيعي نمت مادريت بالدنيا فزيت اباوع ليل جريت نقالي اووو شكد مخابرين رديت عليه.
فيصل::وينك انتي.
_بالحسينيه.بس سؤال من جنت يمك
حته ماتكلف روحك برساله جا هسه شنو تغير.
فيصل::بوجودك عند ابو بشاير
كانت هيه ماتهدني دكيكه حته لما اطلع
من الدار تبكه متصله فيني عشان تتاكد مااكلمك
الحين يوم درت عنك مشغوله بوالدك هدت شوي.
_بلعت غصتي . ورديت وانه يافيصل
جنت رايده رجال اتحامه بي مو عايفني اضم روحي
بضهر غيرة لاجل لايزعل مرته لهنا وخلصنا .
فيصل::مو كصدي . ترى هيه ماتحكمني .
_ماخليته يكمل سديته بوجه
وكمت اي ياسونه وهذا ثالث زواج انحسب عليج
العيب بيه لو بيهم لو الحظ لو الدنيا لو شنوو وبدون
مافكر خابرت ثابت بلغته بقراري.
ثابت::الي يريحج انسوي .
_بلش مالي رجعه .
ثابت::بس تجين يمي . خو ماعوفج لوحدج.
_اذا صدك حاسبني اختك اجرلي بيت
اريد انام اريد امن اريد احس انه بشر .
ثابت::تم .بس خلي نخلص من فيصل
وسالفه بيت فاروق. وسهله .
_شلونها.
ثابت::كلش تعبانه ماضم عليج
وضعها ماعاحبني . مدري تمثل مدري صدك عقلها
تعب وتحتاج دكتور رافضه اي كلمه مني بس مدري شعجب تسمع للباشا .
_غمضت بقهر . وتالي شوكت ارتاح
رديت عليه استعجلي بالبيت اخذها يمي.
ثابت::تمام بس مااطلكها.
_اقنعها ان رضت الله يسعدكم.
ضحك ومن لهفته عرفت رايدها وتمنيت تصيرله
لان صدك رجال وعنده غيرة وكفلي وكفه ماتنسي
كم يوم وارقام بيت ابو بشاير تهلهل عليه مارديت
بس دك عليه رقم شويه وصلت رساله خرب عقلج
مديحه::ها ام اعطوب هذا رقمي.
_وين انتي ؟
مديحه::امي تخربطت وجبتها للمستشفى
ولج اذا ماتت وين انطي وجهي .
_بعدني ماراده وصرخت عرفت ماتت امها
سديته وكمت شسوي ماهان عليه اعوفها
لبست وطلعت طول الطريق انه اخابر
لحد ماوصلت لكيتها مكابله التابوت وتلطم وحدها
اتصلت بثابت وماعدي غيرة .
ثابت::راح ادزلج ولد جماعتي لان الباشا
لازملي الركن وبس اطلع يتبعني.
_تمام .
مديحه::ولج يمه جا انه وين اولي .
_كبلج كلتها وهاي انه ضاله افتر بالفلك.
مديحه::اكلج خل اخذها للبيت ادفنها يمي
اي عاد تبقه وياي احسن .
_مردت كلبي مرد . اجو الولد وكوى شالوها
مديحه::اروح وياكم .
_المن رايحه امشي للبيت نطلم براحتنا
جريتها وهمه راحو .
مديحه::جا شلون اندل كبرها.
_لا تخافين همه يدلونه.
مديحه::المن خلفنه وراحن عمر وانه اتمنه
اعرف ابوي ولج كتلها امشي نرد لاهلج مارضت .
_احس راسي يريد ينفجر خلصت ليلها
بجي صفنت حته موتانا مو مثل الناس لافاتحه
ولا لطم انوب فوك ضيمي مديحه . وثابت
خبصني يابه شلون اخليها ماعدها احد .
ثابت::خطر وجودج هيه لحد الان مشكوك باامرها
انطيها مبلغ وطلعي عود اذا اتاكدت مامنها شي
انه اجيبها الج .
_ثاني يوم كتلها اروح بعد .
مديحه؛:روحي بس خلينه عله تواصل.
_طلعت امسح بدموعي . وصلت الركن
بعد ماتحملت انفجرت ابجي بصوت عالي.
ماهمني الناس الي تمر ولا انتبهت منو واكف
شهكت وانه اسمع،صوته اي هو.
الباشا::بعدج تبجين عليه.
اريد اشوف تعليقات تفرحني
للي يكولن الروايه طويله
اي لان بعد بيها احداث
سالوني اكو شي ماكدرتي تسردينه
اي اكو وجاي احاول لان مهم ولازم
تعرفون
وهم سالوني وين باقي الاشباه
انزلهم اكيد محابس النصافات
صوله وبعد هواي .
واهم شي النصافات !!!!!!خلو تحتها الف خط
وعلامه استفهام .
