رواية إبن دار الايتام الفصل الثامن بقلم جمانه السعيدي
قصي ابد ما مرتاح الشغلة التأخر بلحمل
الصراحه ما اخفي عليكم شاك ان لمى اله ايد بهذا الموضوع
لان مو طبيعي الي جاي يصير ويانه
ورا فتره اجتني لمى
لمى حبيبي اريد اطلب منك طلب
قصي كولي
لمى اريد سياره
قصي اخذي سيارتي اني طول النهار بلمطعم واغلب شغلي اخلصه بلتليفون
لمى لا اريد سياره خاصه بيه
قصي ميخالف اني اشتريلج سياره
لمى تسجله باسمي
قصي استغربت من كلامه ليش احنا اكو فرق بينا
لمى اني اريد سياره باسمي
قصي استغربت من الحاحه على هذا الموضوع
رديت عليه اجيبلج سياره بس باسمي وهي اللج
لمى شنو انت تريد اضحك صديقاتي عليه
شنو اجيبلج سياره وباسمك
اني اريد سياره حديثه وباسمي
قصي شنو اسمج واسمي شو هاي جديده عليه
لمى وانت شدعوه هلكد بخيل يعني شنو اذا اشتريت سياره وخليته باسمي
قصي سكتت وما رديت عليه
بيومها ما اجت للمطعم ومن رجعت للبيت زعلانه وما تقبل تحجي وياي
اني الصراحه مو بخلان عليه بلسياره بس الحاحه انو السياره تكون باسمه
مع انه لو ساكته وما اماكده موضوع تكون السياره باسمه
اني عادي كنت اشتريته وخليته باسمه
بس هي خلتني اشك بيه اكثر
وبروده من ناحية موضوع الاطفال قالقني
ثاني يوم طلعت وعفته نايمه
اتصلت عليه مرتين خاف محتاجه شي اجيبه وياي
وما ترد ابد
من رجعت للبيت ما لكيته ماخذه ملابسه وطالعه
اتصلت ماترد عليه
بعدين دزتلي رساله
اني بيت اهلي
من تشتريلي السياره الي اريدها وتسجله باسمي
عود ارجع
حسيته جاي تستغل حبي اله وتضغط عليه
كعدت افكر مصدوم من ردت فعله
بعدين طلعت رحت لمحمد
محد راح يفهمني غيره
دكيت الباب وفتحتلي هاله
هاله اهلا اهلا استاذ قصي زارتنا البركه تفضل
قصي اهلا هاله شلونج الدوام شلونه
هاله الحمد لله زين
قصي اتعودتي على أجواء بغداد
هاله اي بغداد حلوووه
بس حبيت اشكرك لان اهتميت بموضوع مصرف دراستي
قصي لا ما سويت شي بس لازم ترفعين راسنا وتنجحين
هنا دخل محمد هااا ضلع دوختك ام اللسان
قصي لا بلعكس هاله هادئه
محمد روحي جيبي ماي وسوينا جاي
هاله اي هسه دقايق
قصي اكو موضوع اريد احجي وياك بي بلنسبه اليه مهم جداااا
محمد كووول
قصي ما اريد احد يسمعنا تعال نطلع اني وياك ونحجي برا اني اتصلت عليك وما رديت
وضطريت اجي للبيت
محمد تليفوني على الشحن يله ابدل وارجعلك
جمانه السعيدي
هاله شكد حبيت شخصية قصي ثكيل ورزن ومرتب
هنياله الي ماخذته رجال بمعنى الكلمه
رحت قدمته الجاي علما يبدل محمد
قصي شكرا تعبتج
هاله لا ماكو اي تعب فضلك مغطينا
قصي لا تكولين هيج محمد اخوي واني ويااا واحد
اجا محمد وطلعنا اني وياااا
قصي اني اريد اخذ رائيك بموضوع كلش مهم انت الوحيد الي تفهمني ورائيك بلنسبه اليه مهم
اولا لمى هامله موضوع الحمل رغم تشوفني كلش مهتم
والح عليه بس هي ولا على باله
ورحنا وفحصنا بأكثر من مركز وكلشي ما بينه اثنيينه
وثاني شي تريد سياره حديثه وكون باسمه
اني بلبدايه عادي كلتله اشتريلج بس الحاحه ان تكون السياره باسمه
رغم هي لو ما كايله
اني جان اشتريت سياره وخليته باسمه
وهسه راحت زعلانه بيت اهله
وتكول ما ارجع اله سياره وباسمي
محمد ولله اني ابد ما مطمئن اله تعرف تجي يوميه اجيك على الوارد مال المطعم
وتخلي نفسه بكل جبيره وزغيره
واني ساكت اكول ميخالف حلالهم ولازم تحرص علي
قصي ولله ما ادري بكلبي وين راح يوديني
ما اعرف هي شتريد بلضبط
بعني اني ما مقصر عليه ابد
كلشي تطلبه تلكا كدامه
من غير تاخذ مني مصرف شهري مبلغ محترم
خاص اله هي وبس
يعني تصرفه على نفسه ماله شغل بكلشي يخص البيت
وتدخله المفاجئ بشغلي
وتدقيقه وراي
وهذني كلهن عندي ولا شي لو يصير عندي منه اطفال
اني عمري ٢٨ يعني مو زغير
اريد اطفال وهي تعرف هذا الشي رغم هذا
ما جاي تحاول مجرد محاوله
جمانه السعيدي
محمد حاول ترجعه لا تخرب بيتك وتعامل وياها بحذر
يجوز هي هاي طبيعته واحنا ضالمينه
راح اكلك شتسوي وبعد انت وشطارتك
قصي رجعت للبيت مرتاح نفسيا الكلام ويه محمد
يريحني احسه فعلا يريد مصلحتي
الوحيد الي امشي بكلامه واني مغمض وعمري ما حسيته يفكر يستغلني ابد
دائما يقدم مصلحتي على مصلحته
اسبوع ورحت رجعته واشتريت السياره الي هي تريده
واخذت الاوراق بايدي
اول ما قبلت ترجع اله شافت الاوراق
بس شافت أوراق السياره راسا رجعت وياي
بس كان عندي شرط ترجع تحاول بموضوع الحمل
وهي اكدتلي راح تحاول حتى يصير عدنا اطفال
رجعنا البيتنا ورجعت الحياة طبيعيه بينا
ورجعت لمى للمطعم مره ثانيه
كل العمال ضاجووو من شافوها رجعت لان تتآمر عليهم هواي ودقق بكل شي
وعصبيه حيل
ورا فتره رحنا سوينا تحاليل كامله وهم اكدولنا ماكو مانع للحمل
قصي دكتور شنو موانع الحمل
دكتور ما اعرف كلشي تمام
لمى حبيبي انت ليش مستعجل رزق يمته ما يجي الله كريم
الدكتور سجللنا شويه مقويات وفيتامينات
رجعنا وهم ماكو اي تقدم بموضوع الحمل
وبيوم اجتني وكالت عاصم اتخرج من الكليه العسكريه
عاصم اخوها
قصي الف الف مبروك
لمى خل انروح نبارك الهم واريد هديه زين ومميزه
قصي صار تدللين
بعدفتره كالت اهلي يردون يزوجون عاصم
قصي اي بيه الخير
لمى بس البنيه شارطه تكعد وحدها
قصي اي عادي ياجر بيت ويكعدون واذا قريب بيت
اهلج بعد احسن
لمى لا ليش يأجر اني كتلهم عدنا شقه تكدرون تاخذونها
ويزوج بيه عاصم
قصي اي شقه قصدج
لمى هاي شبيك الشقه الي كنت ساكن بيه
قصي اي بس هاي الشقه ساكن بيه محمد وزوجته واخته
لمى مكافي محمد ماكلنه من هل فج الهل فج
صارله شكد كاعد بلاش
شنو ماعنده احساس
تعرف شكد إيجار الشقق بغداد
وانت عايفه ساكن براحته لا هو عندا احساس
ويطلع ويعوف الشقه
ولا كاعد يدفع ايجار
قصي لهنا وكافي محمد خط احمر
لمى شنو محمد خط احمر على الاقل خل يدفعون اجار
قصي انت جاي تحجين صدك
لمى اذا انت مستغني عن الاجار اني اريده
افتح بي حساب بلمصرف
قصي انت شنو ناقصج شو مصرفج بكد مصرف بت الوزير
لمى ولو يعني هذا حلالنا ليش نعوفه للغريب
قصي كافي سدي الموضوع محمد لا يدفع اجار ولا يطلع من الشقه
اخوج خلي يأجر اذا هو مستعجل على الزواج
ومحمد عوفي بحاله
قصي عفته وطلعت هاي شنو من انسانه استغلاليه
وطماعه
جمانه السعيدي
لمى عافني قصي وطلع واني كتله بسيطه
الي اخليك انت تطرده بنفسك
لا موبس تطرده وتكره كره العمى
استاذ محمد مكيف كاعد بلوشي
كلشي يملكه قصي يعني اليه
بديت افكر شلون راح اتخلص من محمد بس اريد خطه تخلصني منه للابد
يعني لازم يطلع بفضيحه بحيث قصي يكره
وما يفكر يرجعه ابد
ثاني يوم قررت ابلش بلخطه
اذا كدرت ابعد محمد عن حياتا اني وقصي يعني راح
اكدر اسيطر على قصي سيطره كامله
لمى رحت للمطعم ثاني يوم ونزلت كالعاده بلمطعم افتر
استغليت فرصه قصي طالع من المطعم
رحت على محمد وكتله
عيوني محمد خطي احترك وماجايبه وياي اي مستمسكات
خاصه
ممكن تشتريلي خط جديد بس بهويتك
لان كلش محتاجته
وقصي ما موجود واني محتاجه الخط هسه
اريد اخابر اهلي
امي مريضه اريد اطمن عليه
محمد صار هسه ثواني واجيبلج خط جديد
طلع محمد واني كعدت بمكانه وكتله اي ابلع الطعم
راح اخفيك من حياتنا نهائيا
شويه ورجع جايب الخط اخذته منه وتشكرت منه
اني مشتريه تليفون جديد خليت الخط بي وسويت صفحه وهميه باسم محمد
ودزيت صداقه الصفحتي منه
وخليت بيه صور محمد
شكرا لزيارتكم عالم روايات سكيرهوم
