رواية خطيئة الماضي الفصل الثامن بقلم جمانه السعيدي
رونق راح ابو سامر يومين لا اتصل ولا اجا
اتصل علي ومايجاوب
فات اسبوع لا اجاني ولادز مصرف ولا اتصل بيه
المسواك خلص
صحيح اني عندي فلوس
فلوس مهري ماصرفت منهن ابد والمصرف الي جان يخلي اليه من يطلع كله مجمعته
جنت خايفه من الزمن
وخصوصا اهلي كالو بعد لا ترجعين ابد
وانسي عندج اهل
كل هاي الفتره اجمع ومااصرف اله شي قليل كلش
جمانه السعيدي
فات اسبوعين واني اتصل بي ومايجاوب
اسوكت شي قليل على كدي
والصراحه ام سرى ابد مااجازيه كل يوم تطبخ ودزلي اكل
ولله مااعرف شلون راح اردله الجميل
يمكن رب العالمين عوضني بيه
بس الى متى راح ابقه هيج مااعرف مصيري شنوووو
لا اني للسما ولا للكاع
كل يوم اتصل بي ومايرد عليه
بعدين اتصلت وجاوبني
رونق هلو ابو سأمر شلونك ضليت بقلق عليك ليش ماتجي ولا اجاوب على التليفون
ابو سامر شوفي اني عفتج هذا الوقت كله حتى تفكرين زبن وتختارين لو اني لو الطفل الي بطنج
اعرف انتي هسه محتاره بالاجار والمسواك
والمصرف
اني متعمد عفتج اريدج تحسين بلخير الي معيشج بي
وتفكرين زين
لو اني لو الطفل الي بطنج
رونق حرام عليك اني هسه بلسابع وبيه بنيه بعد مايصير تنزل هسه هي روح كامله
شلون تريد انزله
هاي بنتك خاف من ربك راح يعاقبك عليه
ابو سامر فكري زين لو اني والحياة الي عايشته
لو هذي الطفله
اللج اسبوع حتى تتخلصين منه
وارجعلج وماخليج محتاجه شي ابد
ادفعلج الاجار واسوكلج ونرجع مثل قبل واحسن
رونق اكيد لا مستحيل اتخلص منه هاي بنتي منتضرته يوم يوم شلون اقتله
ابو سامر خلاص اعتبري كلشي بينا خلص ورقة طلاكج راح توصلج
سد التليفون واني الدنيا افترت بيه
ياربي شلون منيين اعيش شلون ادبر نفسي
الاجار شلون وراي ولاده ومحتاجه مصاريف
جمانه السعيدي
اتصلت بأم سرى كتله تعاي الحكيلي
شويه واجت ولكتني ابجي
ام سرى هااا خيررر شو تبجين شصاير
رونق ابو سامر يكول لو اني بحياتج لو هاي الطفله
ام سرى شلون يعني
رونق يريدني انزله حتى يرجع يدفع الاجار ويصرف عليه
ام سرى هذا شبي تخبل لو عاقل
شلون بلشهر السابع تنزلينه
رونق هسه شلون ادبر نفسي حتى شغل مااكدر اشتغل بطني جبيره جان طلعت دورت شغل
ووراي ولاده شراح اسوي
ام سرى لا تخافين ربج موجود الله لا يعوزج المنية البشر
شنو هو مان عليج غير زوجته ولج علي حقوق
رونق ماادري شلون راح ادبر نفسي بس اني مااكدر
هاي بنتي ومنتضرته يوم يوم
شلون اتخلص منه هاي روح حاله حال الانسان الجبير
ام سرى ماعليج إيجار لا ادفعين وحنا شناكل تاكلين ويانه حالج من حالنا
منا لمن تولدين بلسلامه وساعته يحله حلال
رونق وانتم شنو ذنبكم تتحملوني
اني عندي مبلغ راح ابدي بي مشروع
جمانه السعيدي
ام سرى فلوسج ضميهن هسه مو وكت المشروع
وراج ولاده وامتحانات
والمشروع راح يشغلك عن دراستج
اني اريدج تاخذين الشهاده
شهادتج هي سلاحج
شوفي البشر مالهم امان بسرعه يتخلون
انتي كل الناس الي اتعاملتي وياهم اتخلو عنج
هسه اجا الوكت الي تحصنين نفسج بي وتحصلين شهاده
اني راح اوكف وياج واساعدج
هنه شهرين وتوصلين للولاده بس اجيبين وتكومين بلسلامه ساعته يصير غير حل
هسه اكعدي اقري ومالج شغل باي شي
رونق ياربي انتي رحمه من رب العالمين نزلت عليه
معقوله اهلي يتخلون عني وانتي تسانديني
روحي ربي يسعدك وبهنيج
بس اني لازم ادفع الاجار مايصير
ام سرى تدفعين من تتعيينين لو تحصلين شغل
هسه لا تفكرين باي شي غير القرايه
لازم اتصيرين قويه وتكونين نفسج
ابد لا تلتفتي للماضي انتي بنت اليوم
اتوكلي على رب العالمين من يتوكل على الله ابد مايخيب ضنه
رونق والنعم بلله تعالى
جمانه السعيدي
رجع ابو سامر اتصل بيه بعد كم يوم
ابو سامر هااا شقررتي
رونق قررت مااتخلى عن بنتي ابد اذا تريدني اني وياها
اهلا وسهلا
واذا ماتريدنا النا رب اليرعانه وما ينسانه
ابو سامر هذا اخر قرار اللج فكري زين ترا وحدج ماتكدرين تعيشين
رونق ومنو كالك اني وحدي اني وياي رب العالمين الي ماينساتي ابد
ابو سأمر خلاص باجر توصلج ورقة طلاكج
فعلا ثاني يوم اندكت الباب ووصلتني ورقتي
اكذب اذا اكول ماضجت
صرت مطلقه مرتين واني عمري عشرين
زواجتين فاشلات بسبب اهلي
والله يعلم بلضروف الجايه شنوووو
سديت بابي وقررت اكون انسانه قويه واعتمد على نفسي
كلام ام سرى معقول
ماتفيدني غير شهادتي لازم انجح
لازم اكون نفسي
شديت حيلي واقرا ليل نهار اقرا بشكل قتالي
اقرا ومصمم انجح
بعد ماكو اي مجال للتراجع لازم اثبت للكل اني قويه
ومامحتاجه اي احد
طبعا اول لطف من رب العالمين اليه بعد ماتخلو عني اهلي
دزلي ام سرى
يعني انسانه بمعنى كلمة الانسانيه
ماتتخيلون شايلتني شيل
حتى فلوس الامبيرات ماتقبل ادفعهن تدفعهن هي
ابو سرى من يتسوك ادزلي حصه من المسواك
حتى جهاز بنتي تفاجئت هي الي اشترته اليه
قبل ولا دتي اجت هي وسرى ونضفن البيت
بعدين كالت راح اروح اشوف اهلي وارجع قبل لا تجيبين
اذا جبتي بعد مااكدر اروح الهم
وهي هم بلثامن وبطنه شكبرها خطيه
اهله بغير محافظه
جمانه السعيدي
بس راحت اليوم الصبح بليل اني لزمني الطلوك
كمت اصرخ من الوجع
محد يمي محد يساعدني بقيت افتر بلبيت
من يجيني الوجع الزم الحايط واكوم ابجي
اكثر شي ابجي جي وحدي
صحيح اي احد مراح يشيل الوجع عني
بس محتاجه احد يساندني يقويني
اخذني الوجع كلش
اخذت ملابس الطفله وطلعت للشارع كلما يجيني الوجع
اوكف اخلي الجنطه بلكاع والزم اركبي واكوم ابجي
منا لمن وصلت الراس الشارع
اريد سياره توكف ماكوووو
ياربي رحمتك وحدي والدنيا لليل والوجع اخذني
كوه وكفت تكسي
كتله بسرعه للمستشفى
كمت اعيط بلسياره واصيح للسايق فدووه بسرعه
راح اموت وينج ام سرى ليش عفتيني وينج
وصلت للمستشفى كوه امشي
امشي واصيح فدوه الحكولي راح اموت فدوه مروتكم
اجتني الممرضه شبيك ولاده
رونق اي ولاده فدوه بسرعه
الممرضه ليش وحدج وين اهلج
رونق ماعندي اهل ماعندي اهل اهي اهي اهي
