رواية أيتام أبوين الفصل السابع بقلم دنيا
في الأيام السعيدة أنسى الكتابة ٬ ويبدو لي أنه فعلاً "القلوب المطمئنة لا تكتب"
............................................
كمت ورحت يمه معترضة على كلامه
.. وانت تقارن نفسك بولد خاليي الدرزن؟؟ عباس خوية احنه ماعدنا غيرك انت السند الي ساندنا كلنا مااتحمل اني اذا انت رحت تحملت فراك اهلي لأن انت وياي وشلون اتحمل فراكك وانت ماكو لا تقهر گلبي هيج خليني استوعب فقدان اهلي
.. حور.. والله اذا رحت لو فكرت تروح ابطل من المدرسة وتحلم ارجع الها
.. حسين.. واني اترك الجامعة وانعل ابوها واشتغل عامل وبكيفك الله وكيلك نديح اذا رحت اني مكتفي بيك وبهذني لا تفجعنا لا تخلينا نتوسل
عباس.. حسين بناتي فهموني اذا اني وغيري ميروح يروح العراق من عدنا تسمعون الي يصير بنسوانه وبنانتة وهاي الزلم الي تشرفهم كلهم يت. ذبحون واحنه كاعدين هنا
.. زينب. حجيت بأنفعال وصوت عالي محد متعودة مني... عبااااس واحننننه شبييييك ليش ماكاعد تفهممم احنه ماعدنا غيرك تريد تيتمنا مره ثانية تريدنا نتيتم شبييييك
.. عباس.. يلا انهو النقاش
.. زينب.. لا ماانهي ننهي السالفة اييي بس النقاش ماينتهي واذا رحت لا تفكر ترجع وتحاجيني وما اسامحك لووو اموووت فهمتتتت..
.. عباس.. أموت شهيد هنيالي والله اني اريد اروح وادافع عن وطني وعن ارضي بس حتى انال الشهادة شبيج زينب لازم تفرحيلي ليش منو باقي بالدنيا كلنا نموت بس الاختلاف راح انال الشهادة وهاي عظيمة عنَد الله وراح ارتاح بأخرتي وحتى الشهيد يشفع الكل اهله ماتكيفون
. احمد.. ومنو يكول يموت شبيكم مفاولين اله مو هذول اخوتي يروحون يرجعون كلشي مابيهم واني لوما لازم الكهوة جان هم التحقت وياهم بس ينزل اياد اخلي يلزمها والتحق ويا عباس ترا كلنا هيج. يعني نريد نضمن الجنة وحور العين اني وعبيس انتو شبيكم عارضيلنا الا نكولهاا هيييج
.. زينب.. يعني انت ورا هاي السالفه هااا
.. احمد اهوووو لكتلها سالفة تكرهه احمد عليها يابه انه محاجيك كايلك التحق
.. عباس.. لا والله مااكال اني من وحدي قررت اصلا مايدري بيه بس حبيت وكفتك اردها الك
.. احمد.. بالخدمة ضلعييي لا تلتحق تانيني انه وياك
.. حسين.. جا اني هم وياكم شعندييي وحدي اضال مكابل هاي الوجوه التبجي
.. عباس.. دنجب لك يلتحق كال
.. حور.. واني اتبرع اطبخلكم واخبز واروح وياكم
.. احمد.. هههههههههههه هسع انتي تعرفين تطكين بيضة ولج حويرة كعدي راحة
.. حور.. والله يا زينب هذا ثائر أفكارة سوداوية وهو الي خلاهم يفكرون هيج لان استاذ عباس النهار كله مرافكة
..
.. زينب.. عباس خوية والله تعبتني يعني مخليني بقلق اخاف افقدك ليش هيج العراق عنده ولدة هم يحموو احنه ماعدنا غيرك اما العراق كلها عنده خليك يا خوية
.. عباس.. لا تتعبين نفسج وياي ترا اني قررت وزين ماالتحقت وما كلتلكم جنت خايف من هالمواقف بس مااكدر لازم اخليكم بالصورة البيت بأسمك حسين الفلوس كملتهن العمي كلشي موجود بكنتوري كلشي يصير عمي يسوي كلشي في سبيل تبقون تحت رحمتة واذا كدرت تشتغل وتبيع البيت هذا وتطلع منا ببيت احسن هم زين لأن عمك مو ادمي لحد الان مواقفه تفشل ويانه زينب وحور اول اهتماماتك دير بالك تخمل عنهن ترا حور بس تغمض عيونك تلكاها مسوية مصيبة والدراسة الدراسة اهم شييي الدراسة وزينب لا تخلوهاا وحدهاا تكعد تبجييي واخاف عليها تعميي هذاك اليوم عيونها يوجعنا متكدر منهن ترا ثولة هاي البت يرادلها مراقبة مثل الطفلة بس نكللها شبيج تبجي
.. حيدر راح احاول اوصلة راح احاول بكل ماعندي حتى يفسخ العقد حتى اختي تكدر تعيش حياتها واذا ماكدرت انتو كملوها لأن تركها بدون حتى ماا يباوع ورا وهيج انسان عديم المسؤولية ماانريدة بحياتنا مو؛زلمة واحد ينتكل عليي.
وثائر صديقي راح اوصي عليكم واخلي دائما يتطمن بعد عندي هواي
. احمد نسيتني
.. انت مو موليي وياي وتريد حور عين شوصيك تعزمني بالجنة
.. اي عادي ابن عمتي مو تتدلل اعزمك
.. زينب.. كمت للبيت وسديت اذاني مااريد اسمع اكثر احس بأنفجارات بداخل راسي احس صوت يدك براسي مااكدر استوعب اخوي وابوي يوصيني مااريدة يروح تمددت بالغرفة واريد اشرد اريد كل السمعتة يطلع حلم وعباس ماعندة هيج فكرة براسه ماكدرت انام احس بين النايمة والكاعدة ماكدرت ارتاح حسيت على حور حظنتني
.. حور.. لا تعرضيله زينب ما راح يصيرله شي راح نكون بين عيونه دائمآ ويحاول يخلص نفسة نخلي بس اول مره يلتحق والمرة الثانية نلزم الباب اله
.. زينب.. امي وابوي هم ماتو واحنه بين عيونهم هم ماتو وهم يفكرون بينا وبعيدين عنه تريديني اعيش نفس الشعور مره ثانية واتقبل اخوي يروح للموت
.. انتي اكثر وحدة تشوف اخبار وتشوف البنات شديصير بيهن وشكد سبايا الله يعلم بحالهم هسع يمكن احنه نايمين ومرتاحين وهن ميمر عيونهن نوم يدعن ويستنجدن بربي العالمين حتى يخلصهن من عذابهن ومن ايد هذول النكسين ف خلة رحمة ورؤف بقلوب شبابنا حتى يخلصوهم
.. ماعدنا غيرة
.. ماعدهن احد اذا احنه بمكانة ومعززين هن مذلولات وبعد اذا انتي حرجتي واني حرجت راح يوصل السرة النا
.. حظنتها وبجيت مااريد اتقبل الواقع ولا بأي شكل اعرف وياهم حق ولازم يتحركون بس مو عباس لأن مااكدر
.. نمت وگلبي تعب من البجي. ثاني يوم
.. كاعدين كلنا نتريك وهالمرة اول مره كلنا ساكتين نتريك بس محد ماد ايدة كلمن صافن بجهة
.. عباس.. وين كاعدين بفاتحة احجوو ضحكو
.. حور.. محد حجة من عدنا وضلينا ملتزمين الصمت
عباس.. هاي شنو عقاب شلو شنوو بالضبط مو عيب عليكم اخوكم الجبير يحجي ومطنشينا
... محد حجة ويا لحدما خلصنا وكمنا من الريوك اني طلعت بره اكنس الكدام بيتنا اليوم عطلة كلها بالبيت بس مو مثل كل عطلة رشيت الترابة وزينب تشر ملابس وحسين يصلح بدراجتة وعباس مسويلة خبطة مال سمنت ويدور حفر يلحمهن
وكفت يمنا سيارة عمي ممدوح ونزل منها هو بس تفاجئنا بصابرين وياا ابتسمت وركضت النا تحظنا صارلنا قرن ما شايفيها بس على الموبايل
.. عمي سلم علينا ولا كأن طاردنا من بيته عباله ننسى بس عباس وصانا مانحجي لأن هو امرة مو بيدة اصلا وعلمود صبورة اكيد
.. دخلو للبيت وصابرين كل شوي وكالت يموت الببت يخبل البيت
.. حور.. شخبصتينااا ترا بيتكم احلى
.. لا هذا بي حنية
.. الحنية عباس مووو
.. ضحكت وضلت تفر براسها حتى متباوعلنا
.. زينب.. شلونها امج اخواتج شلونهم شعجب سويتوها
.. صابرين.. والله بابا كال اشوف ولد اخوي واني كلت اجي ويا بس شنو صارلنا شهر
.. حور.. كلما تجون تتعارك امونه
.. زينب..حوررر
..صابرين لا اصلا بابا صارله ثلاث اشهور ميحجي وياها
.. شعجب ممدوح متحمل ميحجي ويا حبيبة الروح
.. زينب.. حووور
..حور..بقينا اني وصابرين نتعارك بالشقة وزينب تسوي غدة من وقت ووكاعدين يمها دخل حسين
.. هلوو يابه عبالي بس ممدوح جاي طلعت اهييي ويا
. صابرين.. ولااا تنسى
.. اهيييي
.. لا حسين متسويها حلووه هييي تجرها احسن من امهاا تكلك اهيااااااا
.. اي نسيت تضيفلها ااااا
.. صابرين.. وهسع انتو مسويني ميز تنمر لو شنو دتطلعون حركة امي بيه
.. زينب.. صدك لو كالو كدرت ابوي على امي دعوفو البنية يلا لا تخلوني اضوج واطردكم
.. حسين لا ياب جاي بس اغسل
.. حور.. راح للمغسلة يغسل وصابرين ورا جانت هو يغسل وهيه تسولف بس منسمع شي اني وزينب عيونه بيهم نريد نعرف شعجب حسين هادئ وما سواله حركة تزعجها سد لبوري ووكف يستمع الها وعاكد حاجبة مبين السالفة جايدة شعندها بت ايمان
.. مشى للدرج اخذ ملابسة وهسه ورا وصل الباب الحمام وهي تكول بالعة مسجل ماتوقف حلكها يمكن ثانية وحدة بس تجر نفس دخل للحمام ولزم باب الحمام
.. تعالن اخذنهااااا
..
.. كيفت ركضت وزينب تسوي روحها مو مهتمة بس تريد تموت حتى تعرف شحجو هم اجت وراي
.. ها شكو
.. صابرين.. صارلي ساعة احجيي فهمتنيي
.. اي بس اريد اسبح تجين؟؟
.. صابرين.. ها لا ههه لا اني اروح بس عفية كوله والله استحي
..اشوف افكر
.. زينب.. ها صابرين شكوو؟؟ شنو المهم صارلج ساعة كاملة تسولفين انتي وحسون شعجب انتو متتواجهون
حور.. احجي بت ايمان
.. صابرين.. ااااا مااعرف جان اكو بالمدرسة خط وكلتلة نشترك اني وحور هاي السالفة
.. زينب..لزمت الجفجير واشرت الحور تلزمها.. لججج تحجين لا هسع اكسرة براسج احجييي
.. صابرين.. يمااااا مجرمااات تركنييي
.. حور.. بس احنه هنا محد يسمعج كوليي شعندج لا اطلعها
.. صابرين.. شنو
.. الروحج احجيييي
.. بس هديني والله احجييي
.. تركتها حور وهيه طكتها ركضة وكفت على الدرج..
.. مجرمااات تريدن تكتلني حسييين
.. طلع حسين راسة من الحمام وصاح
.. نعالات اكعدن لا اهجم البيت على روسجن ثولتني خليني افتهم شي من السبحة
.. اني وزينب رجعنا للمطبخ وزينب ماحجت بعد فاهيه بس اني انساها صحتلها وخليتها تكتهن كلهن بطريقتي الحورية
.. صابرين.. اشك امي تطلعني او تطردني لأن عرفتني احب عباس
.. حور.. زين شلون
.. داقنعه انو يتقدم الي علمود تفك ياخة مني والله يا حوريه تعبت من امي حيل تعبتني انتي شاهدة على الي تسوي وهسه شدت بعد أكثر تمنيت بس أكدر التقيي ويا وهسع طلعلي بالسالفه الحشد تعرفين شكاعد يصير بيه
.. حور حظنتها وهيه تبجي حيل مهضومةمن امها ومن عباس واني هم نقهرت ليش ميفكر بجدية وياها ويتقدملها شنو براسه
.. زينب.. وجاية هنا حتى تكوليلة؟؟
.. صابرين.. اييي لعد شسوي هاي اخر حل توصلتله
.. زينب.. دنجبي باجر عكبة اي خلاف راح تتعيرين بهاي السالفه
.. صابرين.. وهم فكرت بيها ولو عباس ميسويها بس الواحد كلشي يحجي بالعصبية واخاف مااتحمل وين اروح وامي متريدني لذالك حجيت لحسين كلتله هيج وهيج السالفة اريده يخليها براس اخو قبل ما يلتحق على الاقل
.. زينب.. تمام اني وحسين وحور بليل نحجي ويا ضلي يمنا انتي
.. امي متقبل تخزيني خصوصا بعدما عرفت بعلاقتنا اني وعباس
.. زينب ضلينا اني وحور نصبرها نهديها بس كلنا نعرف ايمان وشكد قاسية وكلامها يجرح وحتى تسويها وتطردها مثل ما طردتنا لأن اصلا ماعندها حس الأمومة
.. حور.. وانتيي من شوكتت انتي وعبااااس هااا شو منعرف بيكم اكتشفنا بالصدفة
.. صابرين....لأن اني اخبل وحلوة اموتت اخوج ما قاوم جمالي وحبني واني هم كلت خطية خلي احبة
.. حور.. وين حسين يجرج بزيج يخليج مصدومة من روحج شهر يموت كل مشاعرج
.... زينب.. خفيي علينا جنج عود بخور
.. صابرين.. اصلا عبوسي يكلي عود فرنسي حبيبتي ميهمني كلامجن
.. زينب.. عاد حمت اكوم اطلع لا يوكع السكف
.. بس اتزوجة اخذجن ونروح شهر عسل الايران اخذجن للشلالات
.. حور.. شوف ياربي الناس تروح التركيا تروح الفرنسا لا عوفينا الدنيا مشتعلة بالعراق وناس تاكل بناس وينج وين السفر
.. صابرين.. اوي عيني شعلياا هو عبوسي كالي كلنا ياخذنا
...ضلينا نتداهر وياها وكل شوي نضحك على حجاية تكولها الفاهيه َتكول عباس كال بيناتنة وهيه حجتها كلها والله طلع عباس رئيس وزراء وكاعد على بنك بكدما مخطط هو وياها
.. حسين.. صابرين مصيبة ابوج يصيحلج خلصينا
.. صابرين..؛ اجيت اجيت بس اجيب جبتي
.. زينب.. والله خطية لو ما فطيرة هالبنية جان زعلت منكم ماخليتو حجاية ما كلتوها
.. عباس.. شمسويلها ولكممم
.. حسين.. اني يمك من الصبح لهسع وهاي حويرة شارتها على الحبل بالتقليد وحتى تكللها عود بخور
.. عباس.. بالله عليكم عوفوو كل هالتقليد وبعيدا عن التنمر وكلشي بس مو حور هيكل عضمي من زمن الفراعنة وطالع كبل بالطول
.. حور.. هيكل عضمي ولا عود بخور
.. حسين.. بالله ثنيناتهن نفس الخلقة
.. صابرين.. حجة
.. حسين.. خاف ما عاجبج بت ايمان
.. عباس.. صابرين ابوج منتظرج يلا عيني يلا يابه كدامي هذا حسين لا توكعين بالسانة
ومااكدرلج ولا ادافع عنج اخاف منه
.. صابرين.. يلا اسلم عليكم مو ما تمرون بياا ترا ماعندي غيركم اني
.. حور.. طلعت صابرين واحنه وراهم ودعناهم، ودخلنا الجوة حسين ماانتطر ولو شوي وفتح موضوعها
.. على جية بت ايمان شمفكر بموضوعها
.. عباس.. عدل كعدتة.. احمم اي ناوي اخطبها بس هسع الوضع ما يسمح واني اريد التحق اخاف يصيرلي شي ليش اخليها معلكة لحدما ارجع وان شاء الله تفض على خير السالفة وما تتطور اخطبها وابني مشتمل صغير القطعة مالتنا خير من الله ينبني بعد مشتمل صغير
.. حسين.. لا ماكو هيج حجي تدري قبل فترة سمعت صديقة امها خاطبتها البتهااا مو كلتلج حور
.. حوراء.. اي صحيح سمعت مخطوبة وامها كتلتها لأن رفضت كبال صديقتها ترا اصلا صابرين دتعاني من ورا امها وضغوطاتها وهيه وعمي يريدون يسافرون ومحتارين بيهن يومية ومدمغتهن لأن عود هيه الي معطلتهم
.. عباس.. شوكت هالحجي شو ما كالت صابرين
.. حسين.. وتجي تكلك تعال اخطبني غير انت تحس من يمك البنية حديثة واهلها مو كفو بالله خطبها غيرك بوقت التحاقك وماكدرت الامها شسوي هااا
.. عباس.. هاا لا مستحيل شلون اني احبها مستحيل اخليها تروح الغيري
.. حسين.. ها اها باجر حظر روحك اروح اخطبلك
.. عباس.. خاب دطير هيه هجيي السالفة
.. ماعليك نخابر ثوير مااعرف شسمه ثور وهو يجيب جماعتة اكابر شويه بلكت تعرك كصة عمك ومايحجي مابيها مجال وانت التحاقك مابقاله شي
.. زينب.. صدك بعد حديثنا هذا الصبح حسين حجة ويا ثائر لأن اخونا مطفيي من هاي الناحية ومابودة يتحرك يكول خاف اكسر قسمتها ويصير شي يحرك گلبي بالزايد اتفقو العصر يروحون واحنه وياهم عود حتى نحجي وياهن ولا بودي اروح بس هاي خطبة الغالي شلون مااكون حاظرة
.. وره الضهر نخبصنا كلهم اجونه ويحظرون وعباس وحسين وثائر واحمد واصدقائهم بعد مااعرف اسمائهم كلهم بالمضيف يلكفون الهوى لأن المضيف هلكدة وحور تبجي وتدردم لأن ماعندها ملابس وهيه حتى الكنتور صايح الغوث منها.
.. لبست جبتي وعدلت حجابي واني اباوعلها بمراية الميز كفشتها وسبرنكاتها واكفات وتدور تنسيقة وراها لبست حذاء عالية هاي خطبة وهيج مخبوصين لعد بالعرس شلون اتصلت على صابرين وهذيج الثانية هم متوترة
.. اميي تتهدد اخاف تفشل عباس يمه سودة عليه
.. معليج الزلم الجايبهم يسدون عينها وعين الشمس بلكت تستحي بدلتيي شلبستي جهزي روحج كلشي يصير ترا حسين خبص الامة ويكللهم هي بت عمنا هي خطبة وهو عقد سيد
.. صابرين.. يااربي شنو هاي الخبالات مو الهاي الدرجة خلي يحجي بيه بس والله حسين كارثة
.. دخلي يسمعج يكتلج ويكتل ايمان غير علمودج
.. صابرين.. يلا امي كامت تصيح اروح اني
.. سديته منها واني اضحك هذول اخواني مخابيل والله الهوسات عالكة وحسين بنصهم جنة عجوز عرب يگفل وهذول ورا يرددون
... وبت امونه جبناها ولعبيس حنيناها
وعلى عناد امونه جبناها سحل لعيونا
.. حسين..وعبوسي حلوة زفتة وبيها اصدقائة وخوتة وكلللللللوووش شايف خير ومستاهلها
.. عباس.. كافي شبيك ووالله من وراك هسع تشحتنا(تطردنا) امونه ونرجع واهوس على راسك
ثائر.. عمك هسع يطفرلنا ويخلي طشارنا ماله والي وينعل ابو الخطبة
..
.. لا لا تخاف هسع يجي كلتله من الصبح يكيف
.. طلعنا اني وياهم بحسبة ثائر يعرفنا وصديقهم كلش صعدنا ويا گلبوها گلاب عبالك زفة
.. حور.. هسه شنو هاي الخبالات شنو متحلفين للعرس هذوله يشتمو العرس شم
.. زينب.. هههه خليهم يسون هوسة وواهس لعبيس حتى ما يلحك يفكر
.. ثائر.. شلونج خوية زينب
.. حسين... زينه الحمدلله وفرحانة سوق
.. باوع الحسين يضحك
.. ثائر.. انت شعندك يمي انزل وصيحلي عباس
.. خاب دروح اني لوما اخواتي اروح بالدراجة بس اخواتي
...
.. الطريق كله يتناكرون هذول الاثنين ما يتوالمون ابد نزلنا وحسين خبصنا ادخلن وادخلن حتى نثولت وردت اوكع احمد واكف بالباب ركض الي
.. مابية شي بس نخبصت
. احمد.. هييي لك تسكت لا احش رجليك عوف البنوات على راحتهن بالله اذا خبصتهن يطيرن لو يختفن من كدامهم بعدين متشوفهم ملتهين
.. مدلي ايدة اصعد الرصيف باوعتله بضحكة وصعدت وحدي وين صاعدة على جبل والزم ايدك
.. احمد.. متصيرلج جارة
.. ولا انت.. حجيتها. ودخلت لجوة جانت ايمان مادة راسها تباوع للهوسة وعيونها يريدن يطلعن
.. ايمان.. اهلا اهلا هلا ببنياتي تعالن مشتاقتلجن يابعدي
.. تبوس بينه وحور مفضوحة عاقجة وجها دغيتها ودخلنا تلكنا البنوتات الصغار يطفرن كعدنا وايمان محظرة نفسها كأنها عروس
.. حور.. عمة جا شني نشوفج انتي نشوف صبيرة شو ما شاء الله فردنوب حتى حمرتج حمرة
.. ايمان.. ها هههه لا لا هسع اصيحلها مصبوبة بالمطبخ هالبت ولججج صبيرة تعالي يصيحلج بنات عمج
.. دخلت ووكعدت يمنا تسأل اذا راح يعقدون لو لا اسمعهن هيه وحور درت وجهي العمتي وكلتلها واني واثقة من نفسي ومن اخوي
...
.. عمة مثل ما تعرفين احنه جايين نخطب صابرين الأخوي عباس طبعا قبل لا نجي ضمن موافقتج وحجيت وياج صحيح وهسع ارجع واكلج صابرين نحطها بعيونه وعباس ما يقصر ويفديها بروحة
.. ايمان. َاي حبيبتي ماكو داعي رسميات هيه جبيرة وتعرف مصلحتها اني بكيفها وابوها هم كال بكيفها
.. تمام لعد بقت بس بين الزلم وكلش مستعجلين حتى السيد حسين راح يجيبة هو وصديقة ويجون لأن هي مشية وهيه عقد
.
.. عيني لعد احنه منريدها بسرعة هيه جبيرة ونريد حفلة شي اريد اسويها شو انتو مادري شلونكم
.. زينب.. لاعيني اكيد نسوي حفلة وتتدلل علينا صابرين بس هسع اخوي يومين ويلتحق ماعدنا وقت ننتظر تجهيزات حفلة بين ما يرجع ما نطول الزواج نسوي حنة وما نقصر وياها واذا تحبين سوولها انتو بكيفكم
.. حور.. اي صحيح تريدين حفلة سوي قابل تاخذين رأينا
ايمان.. لا واضح بتي راح ترتاح
.. حور.. والله بعد بكيفها تريد اخوي تتحمل خواتة
.. زينب.. احنه نحبها الصابرين ماكو داعي ترتاح لو لا اكيد راح ترتاح واحاول شكدما أكدر لأن بعد راحة اخوي من راحة مرتة واحنه صبورة نخليها بعيونه
.. صابرين.. خلص اني مااريد حفلة شكلتلج يمه هو بس عقد مو زين الولد اجة وهو يحظر الالتحاقة لا تهتمين زينب
.. حور.. اي عيني واحنه ناوين نعزللهم بس يرجع عباس نقرر لو مشتمل لو يسوي غرفة الهم بالسطح
.. زينب بعد وقت هسع يعقدون والله كريم
.. ندستني زينب رسمت ابتسامة على وجهي واني اتمنى اكطعها الهاي المرة وجها يضخ سم
.. ججك.. يعني شنو تروحون وتاخذون صبورة
.. زينب.. لا حبيبتي مناخذها هسع بعدين ناخذها
.. ايمان.. هه اي تعالي ماما
.. سحبتها وكعدتها يمها كامن حور وصابرين للمطبخ حسين صاحلهن وجهزو كلشي وهمزين راح يعقدون هسع جان اسرع قرار نتخذة بحياتنة وكلش سعيدين بي اخذنا كرسي وركض الباب المضيف وجهزنا صابرين وحسين ويانه متنا ضحك علي يمكن اكثر واحد تعب بالعقد هوه جاب السجة هيه والبردة وعلكها وفتح الباب والسيد بدة بالصلاة على محمد وآل محمد ونوب صار يحجي شوي عن الزواج وشلون يكمل نص الدين وهو مودة ورحمة بين الطرفين كال كلام عجبني كلش
.. بابا اسمعوني كلكم ماكو اني وانت ماكو حاجتك وحاجتي ماكو بيتك وجهالي وجهالك ونفسي ونفسك
اكو بس احنه اكو روحين اتحدن وصارن روح وحدة راح يصير مشاكل بزواجكم وراح تصير تعقيدات بس الطرف الأكثر تنازلاً راح يكون أكثر حبً دائما تعلمو التنازل بيناتكم ما يقلل من عندكم بالعكس راح يكبركم بعيون بعض كلما كنتو اكثر تفهم بيناتكم راح الجيل الجديد يوعى على حياة وبيئة مسالمة وحلوة
.. بدة بعد هالكلام يعقد واني يمها وحسين لازم البردة ومتخوصر و اكف يباوع الصابرين ويضحك
.. العودة راح تتزوج
.. صابرين.بهمس..حسيين مو وقتك حباب
.. احاول اخفف من توترج ترا ما راح يجفت عليج هو عقد لا تخافين واهدي لا تكولين شيء لحدما يسألج
.. زينب.. كملو عقد واني وحور هلهلنا وعمتي خبصتنا خبص بالهلال دخلنا لجوة واحنه فرحانين اكثر شي بصابرين دخل عباس وعمي وجانو يحجون بموضوع المهر والذهب والبيت وعمي يرد بأن مو مهم ومو غربة احنه
.. عمي كلشي موجود واني فلوس زواجي موجودات باجر قبل ماالتحق الصبح اجيبهن لأن بليل يمكن اطلع
.. ممدوح.. حبيبي عباس خلي كلشي هسه منا لمن ترجع
.. ايمان.. لا عيني ماكو شي يضل البنية تريد تحظر روحها هم يلا
.. حسين.. شبيج راح تغصين جيبيلها ماي ترا مو انتي العروس
.. ايمان..انت متستحي.. اسكت عنك احسن ليي حبيبي عباس باجر جيب الفلوس
.. رجعنا للبيت بعد هاليوم الحلو اول مره تصير عدنا فرحة دخلت للبيت مبتسمة واخواني كلهم وراي يسولفون بالخطبة وثائر رفع روسهم وفعلا ثائر جان كفوو صداقة واخو وحتى من صعدنه ويا ولا رفع عينة بس يتشاقة ويا حسين ويحجي ويا حور يداهر حسين
.. حسين.. مااحبة بس خوش وكفة والله
.. حور.. ما باقي على حبك
.. حسين.. وشبيج محترك ذيلج
.. حور.. تعب ويانه وفرح عباس وهذا المهم لا تحجي عليي مو صحيح عباس
. عباس.. اي والله فرشيلي فراشي اريد انام باجر وراي تعب
.. ثاني يوم كمل عباس كل شغلة هنا وحتى اخذ حسين الشغلة حتى يستلمة والبيت كمل كل نقوصات وشكل كهرباء تعب حيل حبيبي
.
.. للعصر حظرت جنطتة وجبت علاكة واني احط الكليجة والبسكت سويتهن اله اخاف يجوع هناك وهاي جبيرة تكفيي هواي
.. على طول اليوم عيوني تدمع ماكدرت اتقبل بس اني واشوف الناس شلون تموت بيد الانكاس والسبايا احس ديناعد الزمن فما حجيت وكفت بالباب واني ابجي وحاظنتة وحور يمي هم خانكي خنك بس ماانكدر نعوفة والله احس ام واريد اودي ابني للموت بأيدي
.. زينب.. عليك الحسين تردلي عباس خوية خيمة بيتنا انتة لا تطول علينا ولا تخليني بقلق بعد اختك
.. حور.. لا تموت عباس حباب لا تموت
..عباس.. شلون بالله اجاني الموت اكله حويرة هيج تكلي
.. ضربتة على صدرة ضربة خفيفة واني ابجي
.. هيييج عباااس ليش تحرك گلبي فوك ما محروك
.. ارجع والله زينب ارجع ديرو بالكم على انفسكم ولا تفكرين ولا تنشغلين هواي اتعب التعبج خيتي
.. حسين برة واعرفة ميريد يحسسنا بأن يبجي
وكفت دراجة احمد بالباب وصاح
.. يالله عباااس شنييي عبالي الكاك على الشارع صارلي ساعة مصلوم هناك
.. مديت راسي من الباب
.. كله من وراك
.. جا شني اموت وحدي اخذلي ونيس
.. حسين.. نجب انت موت بس دير بالك على عبيس ونبي اذا ما رجعنا بخير لو مشخوط اكتلك
.. احمد. الك الله حميد محد يبجي عليك بس رويمة نكعتني تنكع بالماي عود ترش وراي مال المرض
.. صعد عباس ورا واني اباوع الأحمد اشرتلة على عباس بمعنى دير بالك علي
طمني بعيونة وابتسم واشر على روحة عباس ضربة على راسة حتى يسوق
.. رشيت الماي وراهم ودموعي ماوكفن اباوع للدراجة الي بدت تختفي وگلبي ينبض بقوة عيني ترف حظنة حسين
.. يرجع اخوجن سبع كيفن بي مو تبجن..
.. حور.. بسلا يموت مثل امي وابوي يمكن من ماتو جنت صغيرة وما واعية بس هسع اذا راح اموتن ورا
.
.. زينب.. اششش ليش تفاولين عليي تركي سالفة الموت احمد ويا ميخلي شي يصيرلة
شكرا لزيارتكم عالم روايات سكيرهوم
