رواية رماد انثي الفصل السابع بقلم جمانه السعيدي
بس حبيت أوضح شي للمتابعين مافهمتوه
هيام تدخل بكروب خاص بفتاة مارس ومن خلاله تفتح بث وياا الاشخاص الي تحددهم فتاة مارس الي همه شخصيات عدهم فلوس يعني ريهام ماتكدر تتصل عليهم اله عن طريق هذا الكروب اذا حاولت تدخل عليهم من غير هذا الكروب مايطلعون وبهاي الطريقه فتاة مارس اصيد الضحايا وتسجللهم وتبقى مسيطره عليهم
هيام....انصدمت من شفت الفديوهات الي مسجلتهم عليه
فتاة مارس...هااا شو سكتي انبلع السانج
بابا انتي بعدج زغيره وماتعرفين أصول اللعبه
اني ادمرج انتي ولي يطلعلج
هيام...لا ياحقيره ورطتيني وضحكتي عليه
فتاة مارس...اس ولا كلمه اني ماورطتج انتي بنيه منحرفه
وتموتين على الفلوس
واني بس اشرتلج اجيتي ركض مثل جلب وشاف عظم
وبعد لا تعيدين هذا التصرف
بسرعه حولي الفلوس وماناقصات ولا فلس فهمتي لو لا.. قصص وروايات عراقية كرار صلاح
هيام...سديت التليفون اني شجاي اسوي بنفسي
بلبدايه كانت مجرد لعبه واتسلى واحصل فلوس
بس هسه اني بورطه
هاي مصيبه شلون راح اكدر اخلص منه ماادري
هيام...حسبت حصته ودزيته وكمت ماادخل فديوات هواي
اريد حل يطلعني من هاي المصيبه
مرام....هلفتره هيام كطعت الفلوس لو تنطيني شي قليل
مرام...ليش هيج هاي الفلوس قليله
هيام...الشركه جاي تخسر وقللو عمولتي ويمكن ابطل
مرام...عرفتج تبطلين انتي مزاجيه وماتتحملين مسوليه
هيام...لا ادوخيني هسه الكه شغل
عادل ثاني يوم رحت للمستشفى وتصلت على مرام
عادل.... هلو صباح الخير
مرام...صباح الخير
عادل...اطلعي اريد اشوفج
مرام...عدنا تفتيش مااكدر اطلع
عادل...واني مااتحرك منا اله اشوفج اشتاقيتلج
مرام...مااكدر
عادل...راح ادخل واصيح وين مرام حاله طارئه وواحد يريد يموت ويشوفه
مرام...مااكدر روح
عادل...جاي انتي بس انتضري شوفي شلون راح اكلب المستشفى بلعياط
مرام...جايه بس لا تدخل فدوه
طلعت شفته واكف باب المستشفى بس شافني نزل من الدراجه وهو يضحك
عادل...ماتجين اله بلتهديد
مرام...هلووو
عادل....هلووو ليش ماتجين اشوفج اشتاقيتلج
مرام...عدنا تفتيش
عادل....ولو البارحه كلمتين وسديتي الخط شكووو
مرام...ولله ضروف
عادل...وليش اني مااعرف هاي الضروف
مرام...اني اتصل واحجيلك
عادل...تمام اذا ماتتصلين اجيكم للبيت امي تسلم عليج
مرام...الله يسلمك ويسلمه
هيام...بقيت افكر طول النهار شلون راح اخلص من هاي البلوه لو اعرف مكانه اله اقتله واخلص منه
شلون ضحكت عليه
مضطره اسايسه منا لمن الكه حل
تاخذ مني نص تعبي على الجاهز
عادل...بليل دزيت رساله
عادل...وينج مرام
مرام...هلو عادل
عادل...شكو احجي قلقتيني عليج
مرام...هيام تريد تعوف الشغل تكول الشركه مجاي تحقق ارباح وماينطوها فلوس مثل قبل
تعرف صار اربع اشهر تنطيني فلوس وكدرت اسدد الدين
واشتري ملابس
انام بليل واني مرتاحه وماافكر اباجر
رجعت اشيل المسوليه والحمل من جديد
عادل...لا اضوجين رب العالمين هسه يحله مثل ماانحلت قبل
مرام...اني اعرف هيام مزاجيه وومااطول بلعمل ابد
عادل...يله غيري الموضوع وحاولي تنسين
مرام...لا اني مكتوب عليه التعب طول العمر
عادل...احبج حتى وانتي ضايجه ومعصبه احبج
احب كلشي بيج
المسوليه الي متحملته القوه الي تبينين بيه كدام الناس
رغم انتي شكد ضعيفه وحساسه من الداخل
مرام...يمعود يمته ارتاح ماادري
عادل...تعاي نزوج ونشيل الحمل سويه
مرام....حالتك اتعس من حالتي وين نزوج يمعود
عادل...زين لا اضوجين ننخطب علمود اكدر اشوفج كل يوم ونكعد نحجي سوا
مرام...لا مااكدر ضروفي صعبه ومااكدر اعوف اهلي ابد
منو الهم اذا عفتهم
اني اريد واحد يتحملني اني وضروفي
وانت ضروفك صعبه لاتزعل مني الحب مايكفي نعيش بأمان
عادل...اني راح ادور شغل ثاني واشتغل بس امي شويه تتحسن
مرام...انشاء الله
مرام بعدها بكم يوم اجت وحده تخطبني بنيه ويانا بلدوام
نسرين...صباح الخير شلونج مرام
مرام...اهلا وسهلا اعذريني اعرفج بس بلشكل بس مااعرف اسمج
نسرين...اني نسرين بلتحليلات مصرف الدم
مرام...اهلا وسهلا
نسرين...هله بيج طبعا اني جاينج لموضوع مهم
مرام..تفضلي
نسرين ....اني عندي اخوي الجبير مطلك وعندا اطفال ثنيين عايشين وياا امهم
ويريد يزوج يريد بنيه حبابه وبسيطه طبعا هو موضف
بلتربيه وراتبه مليون و١٥٠
وعندا بيت ملك وسياره أموره الماديه كلش زينه
واحنا سئلنا عليج سمعتج الطيبه جابتنا قصص وروايات عراقية كرار صلاح
مرام...شكد عمرا
نسرين...٣٨ سنه
مرام...ممكن اخذ معلومات كامله عنه واني ارجعلج الخبر
نسرين...انطيني ورقه وقلم واني اكتبلج اسمه الثلاثي
وين يشتغل ووين ساكن
واذا تردين تشوفينه وتتعرفين علي ماعندي مانع
مرام...اخذ وقت افكر وارجعلج خبر
مرام نسرين طلعت واني كمت افكر
خوش فرصه عندا بيت وسياره وراتبه محترم
راسا كلبي كمز من مكانه
وعادل يحبج ويريدج تعوفينه علمود الفلوس
احلام...هلووو مرام وين صافنه
مرام...هنا وين
احلام ...شتريد منج نسرين كاعدات على صفحه وتبسبسن
مرام...جايه تخطبني
احلام...اي يالله
مرام...مطلك وعندا اطفال ثنيين
احلام...أطفاله عندا شيشتغل ووين ساكن
مرام...هاج هاي كل المعلومات عنه
احلام...اي زين عندا بيت وسياره وراتبه محترم والأطفال عدا امهم بعد شتريدين اكثر
مرام...واعوف عادل
احلام....بابا افهمي عادل مايفيدج فكر وانتي فكر
راح ادمرين حياتج
مرام...بس احبه من اول كلمه يفهمني بس يباوع عليه يعرفني ضايجه لو مرتاحه
احلام...ومنو كالج هذا الي تقدملج مراح تحبي وترتاحيله
مرام...مااعرف اسباب الطلاك
مااعرف عصبي شكاك بخيل يدور نسوان مريض نفسي
بارد اناني خبيث
احلام...اكيد لازم عندا ولو صفه وحده من هاي الصفات الي ذكرتيهن لان هو بشر مو ملاك
وكلنا عدنا أخطاء حتى اني وانتي
مرام...خل افكر على كيف مااريد استعجل ابد
هيام...رجعت اشتغل وياا فتاة مارس لان مرام تعودت
اشيل وياها المسوليه واني هم اريد اعيش حالي حال الناس
بيوم عرفتني فتاة مارس على واحد عمرا ٣٨ سنه
عراقي مقيم بدبي اسمه صميم
بلبدايه بدينا حجي وتعارف
صميم....هلو اني صميم عمري ٣٨ وانتي
هيام....هيام عمري ٢١ سنه
صميم..عاشت الاسامي
هيام...من وين
صميم..من دبي
هيام..بس لهجتك عراقيه
صميم..اني عراقي مقيم بدبي
هيام...شنو شغلك
صميم..عندي شركة استيراد وتصدير
هيام..احسلك من العراق
صميم...شبي العراق حلووو
هيام..بس حياتكم هناك احلى على الاقل الكهرباء مستمره
والماي حلو والأجواء تخبل
صميم...بس ماكو وجوه حلوه مثل هذا الوجه
هيام...شكرا حدد انت شتريد
صميم..اريد كلشي شوفيني فعالياتج كله لان محروم
هيام..شبيك محروم ماكو نسوان هناك
صميم..اكو بس مو بهلجمال ولحسن
هيام...شكرا شكد تدفع
صميم...حسب الاشياء الي تقدميه اني كريم وانتي حلوه
هيام...تمام ماعندي مشكله
صميم...كلشي منج حلووو
هيام...قدمتله كلشي عندي وكان كريم جدا وياي
اكثر من اسبوع وهو ليله يتصل بيه ويأخذ الي يريده
واني اخذ اكثر من الي استحقه
بس ماحارك كلبي غير هاي الحيه الي تقاسمني رزقي
هيام...بعيد عن الشغل اني حبيت طريقتك مبين انسان راقي ومثقف
صميم...واني حببتج انتي مميزه
هيام...عندي طلب
صميم...عيوني كولي
هيام...اريد انطيك رقمي وتتصل بيه خاص اشرحلك مشكلتي
يمكن عندك حل
صميم...مو تدللين ياغزال البراري من عيني هاي وهاي
هيام...سجل الرقم عندك وبس نخلص بث
اتصل عليه
صميم....تمام
مرام...بيوم الي خطبتني نسرين ماتواصلت ويا عادل
وقفلت تليفوني اريد افكر زين
اريد اخذ قرار صحيح ومااتندم ابد
صحيح اني احب عادل
بس عادل ضروفه صعبه والفكر والعوز يمحي الحب
واني مااريد اكره عادل بسبب الضروف بيوم من الايام
لازم يكون قراري صحيح
واريد اسئل اكثر عن هذا الولد
واخذ فرصتي الحقيقيه
