رواية رماد انثي الفصل الثامن بقلم جمانه السعيدي
هيام...سدينا البث راسا اتصل عليه
...هلوو صميم محتاجه مساعده ضروري
صميم...احجي
هيام....فتاة مارس قشمرتني ودخلتني الهذا الكروب
وستغلت حاجتي للفلوس
اني بلبدايه كنت افتح بث عادي احجي عن موضوع
لو اروج الشغله معينه
وهي كالت تعاي اعلمج شلون تحصلين فلوس
ومن بديت امشي ورا كلامه كامت تسجلي فديوهات
وجاي تاكل نص تعبي
ردت انفصل عنه وهددتني بلفديوهات
اني مااريد استمر وياها ابد استغلاليه
صميم...بس هاي بسيطه
هيام...تحجي صدك لو تشاقه
صميم...طبعا احجي صدك
هيام...يعني شراح تسوي شلون تمسح هاي الفديوهات
وشلون تخلصني من هاي المجرمه
صميم...مالج علاقه اعتبري كلشي انتهى بس عندي شرط زغير
هيام...كول اسمعك
صميم...بعد البث بس اني وياج واني راح ارضيج
ترا اني احبج واغار عليج
هيام...تحجي صدك انت راح تحل هاي المشكله
مجاي اصدك قصص وروايات عراقية كرار صلاح
صميم....ليش ماركزتي على كلمت احبج
هيام...طبعا جاي اجاملني
صميم...لا اني احبج فعلا
هيام...معقوله واحد مثلك وبمستواك وشاف مني اشياء
وتجاوزات وتحبني مااصدك
صميم...ولي يكلج حضري نفسج بداية الشهر الجاي
اجي للعراق واخطبج
هيام....ههههه طبعا مااصدك يعني جاملني تغزل بيه
بس مو الهلدرجه
صميم...بس انتضري وراح اجي اتقدملج واجيبج تعيشين هنا بدبي وياي
هيام....انت تحجي صدك لو شارب شي
صميم...اكيد سكران بحبج ودايخ من يوم شفت عيونج
الحلوات
هيام....لا تخربط خليك واقعي راح تخلصني من هاي المصيبه
صميم...مو كلنا اي تردين اجيبلج فستان من دبي
واجيبلج سيت ذهب يخبل
هيام...يعني تحجي صدك
صميم...طبعا صدك ترا الوقت مو مال شقا ابد
هيام...ليش تزوجني تكدر تاخذ وحده مستوره
صميم...بس اني احبج واموت على دينج
هيام..هم مااقتنعت ليش اني وانت تعرف كلشي عني
صميم..ماتعرفين المثل الي يكول الي تعرفه احسن من الي ماتعرفه
هيام...تمام خليك وياا الجذاب الحد باب الدار
ثاني يوم العصر كعدت على صوت رسايل اجت على تليفوني
فتحتهن
فتاة مارس....اعتبري كلشي بينا انتهى واني مالي علاقه بيج ابد والفديوهات كله مسحته
فتحت عيوني قريت الرساله اربع مرات وتاكدت منه
اتصلت عليه لكيته حاضره رقمي
نزلت من الجربايه ورحت غسلت وجهي ورجعت قريت الرساله واتصلت برقمه ماكو حاضرتني
دزيت رساله الصميم
هيام..هلووووو.....شكرا يااحلى صميم بعمري مراح انسالك هاي الخدمه طول عمري
صدك رجال كول وفعل شكرا انت سبايدر مان
مرام...صار يومين قافله تليفوني وماارد على مكالمات عادل
ووصيت ناس تسئل على اخو نسرين
وعرفت سبب الطلاق زوجته مهمله بيته ومهمه وياا وصاحبت مشاكل
والنهار كله بيت اهله لو اهله يمها اما مصطفى
الناس كله تحمد بااخلاقه
احلام...خلاص كلشي تمام اكعدي احجي ويااا حتى تقتنعين
مرام..انتي تشوفين هيج
احلام...ليش متردده احجي ويااا اذا اقتنعتي هاي هي
مرام...راح ادز على نسرين
اجتني نسرين ثاني يوم وكالت هاا فكرتي اخوي مستعجل
مرام...بعدني مامقرره
بس ممكن يجي هنا للمستشفى تحجين انتي ويااا
يعني تتعرفون على بعض
نسرين....هسه اتصل بي هو هم يريد يشوفج ويتعرف عليج
ماكو اقل الساعه اتصلت نسرين وكالت مصطفى كاعد بلحديقه الاماميه منتضرج
راح اطلع اوكف بصفه حتى تعرفينه
مرام...ابد مااهتميت بمضهري مااعرف ليش ضايجه
بس كلام احلام اثر عليه
طلعت وشفت نسرين واكفه وتحجي ويااا
طويل جسمه ضخم شكله حلو مرتب وانيق حيل
شعره حلو اسود ومرجعه ورا لابس ساعه
العطر مالي المكان الي واكف بي
لابس قاط نيلي وقميص ابيض
بس قربت ابتسم بوجهي
مرام...صباح الخير
مصطفى...يا صباح الخيرات
نسرين اعوفكم وحدكم اني عندي شغل
مصطفى....تفضلي اكعدي
كعدت على المصطبه وهو كعد اكبالي
مصطفى....اذا تحبين اعزمج برا لان المكان ابد مو مال هيج حديث
مرام...لا اني مااكدر اطلع
مصطفى.... براحتج احسج مامرتاحه لو ضايجه
مرام...لا عادي
( طبعا اني ماده البوز شبر عبالك رايحه فاتحه)
مصطفى....اكيد نسرين حجتلج عني
اني مستعد الكل طلباتج بس عندي شرط واحد بسيط
اني كلش متعلق باطفالي
واذا امهم ازوجت اني اجيبهم يعيشون وياي بلبيت
مرام...حقك اطفالك مالهم ذنب لازم يعيشون حياة مريحه
مصطفى...همزين افتهمتيني
طبعا اكثر مشاكلي اني وكوثر زوجتي السابقه
لان كانت مافهمتني ابد ودائما تعاند وانانيه بشكل
ماكدرت اتحمل اكثر وانفصلنا اني وياها
طبعا هاي مشكله من الاف المشاكل تصير بينا يوميه
والحياة مستحيل تستمر
اذا ماكو استقرار
مرام.. اكيد
مصطفى...ممكن تحجيلي شويه عن نفسج
مرام...احنا ثنيين بنات وامي ابوي متوفي
اني الجبيره وهيام الزغيره حالتنه الماديه متوسطه
اني اصرف على البيت ومتحمله كل المسوليه
مصطفى...يعني في حال صار عدنا اطفال شلون راح اداومين
مرام..حالي حال البنات
مصطفى...يعني ماتركين الدوام
مرام...بعمري مراح اترك الدوام لان اصرف على اهلي
واذا صارت القسمه وازوجنا
راتبي كله الاهلي وانت تشوف طلباتي بلكامل
مصطفى... بس البيت يريد ترتيب وطبخ ونضافه
اني احب طبخ البيت كلش
وانتي ترجعين الساعه ٣ للبيت يمته تلحكين تخلصين هذا الشغل كله
مرام...يعني انت مراح تساعدني ابد
مصطفى...اساعدج بس شغل البيت من مسولية المره
وهي احسن وحده تعرف ترتب وتطبخ وتنضم حياة الاسره
مرام...بس انت جاي تخطب وانت تعرف اني موضفه
ودوامي كل ايام السنه
صيف شتا خريف ربيع كل ايام السنه عندي دوام
مصطفى...خلاص مراح نختلف اني وياج
شوفي انتي شنو يعجبج واني حاصر
مرام...اريد وقت افكر اكثر
راسا سمعت صوت عادل من وراي تفكرين بشنو
منو هذا الي عايفه الدوام وكاعده ويااا... قصص وروايات عراقية كرار صلاح
مرام...اني افهمك فرصه سعيده استاذ مصطفى
مصطفى...منو هذا الي حشر نفسه بلنص
عادل...اني خطيبه
مصطفى...خطيبه صدك يحجي جاوبي مرام
عادل..قابل اتشاقه وياك انت متو
مصطفى..قربت ولزمت مرام من ايدها احجي هذا منو
عادل...دفعته عوفه لا اكسر ايدك
مرام..كافي عادل رجاء كافي انت ليش اجيت
عادل...لان حضرتج صار يومين ماتردين على تليفوناتي
مصطفى...منوهذا الي عندا ميانه هيج وياج ويتصل بكيفه
مرام...اهووو ترا تعبتوني عفتهم يتعاركون ودخلت
للمستشفى
مصطفى ....انت منو وشلون تعرفه اني من حقي اعرف
عادل...بصفتك منو تعرف
مصطفى....اني متقدمله طلبت ايدها للزواج
عادل....مرام تخصني واي واحد يقرب عليه اقتله فهمت لو لا
عادل..عفت مصطفى واكف ورحت ورا مرام
مصطفى...اتصلت بنسرين
نسرين...هاا نكول مبروك
مصطفى...طلعت مخطوبه وواحد اسمه عادل اجا ويكول خطيبتي
نسرين...وهي شنو موقفه
مصطفى..عافتنا ودخلت جوووا
نسرين...ارجع للدوام واني اتاكد واخابرك
عادل...رحت ركض اريد الحك مرام
مرام..... جاي امشي بلممر اسمعه يركض ويصيح مرام
اوكفي مرام احجي وياج
مالتفتت علي ابد
وصل ولزمني من زندي
عادل...اوكفي موجاي احجي وياج ماتسمعني
مرام.. شتريد
عادل...اريد اعرف انتي ليش متغيره عليه اني بيش ضوجتج
احجي اريد افتهم
مرام...عوفني مااريد احجي
عادل...منوهذا
احلام...طلعت وسمعتهم يتعاركون بلمرر والرايح والجاي يتفرج عليهم
احلام...يااخي حل عنه ليش تركض وراها انت مو كد المسوليه ليش تحيره
عوفه تزوج وتشوف حياته
عادل...تزوج يعني اني فهمت صحيح هذا جاي يخطبخ
اي وشقدملج ست مرام
بيت لو سياره لو ثنينهن احجي سحبته من ايدها بقوه
مرام...عوفني وجعتني
عادل...انتي تعرفين الوجع شنووو
جاي اضحكين عليه صار ست اشهر ومخليتني اركض وراج
وهسه بكل بساطه رايحه تنخطبين
ليش مرام احجي ليش
حتى مبين جبير مو بعمرج
مرام...عوفني بعدين نحجي اني هسه تعبانه
عادل...يمته بعدين من اجي والكاج بدلة العرس
انتي من يمته اضمين عليه منوغيرج هيج
احلام...اطلع من حياته رجاء
عادل..انتي ليش تدخلين اطلعي من هاي الشغله وهي تمشي انتي الي جاي تحرضيه عليه
الله لا يوفقج ولا يهنيج بكد ماحركتي كلبي
مرام...دخلت للغرفه وطبكت الباب وعادل راح
واحلام اجتني
احلام...اهدي معليج بعادل
مرام...شفتي شلون تخبل من سمع بيه اريد ازوج غيره
احلام..انت بس اثبتي على رائيج
وهو ينسحب من حياتج
مرام..اني راح اطلع بعد مااكدر اتحمل وباجر مااداوم اخذيلي اجازه
شكرا لزيارتكم عالم روايات سكيرهوم
