رواية زوجه ثانيه الفصل السابع بقلم جمانه السعيدي
فاطمه نامي هسه وباجر نبدي خطه اني وياج
الصبح كعدنا تريكنا وكتله هسه ترجعين البيتج وتصالحين زوجج
ثاني شي لازم تشترين ملابس جديده مو ملابس تقليديه
ملابس حلوووه ومدلعه
ام حسين ما اعرف اشتري
فاطمه اني وياج نروح نشتري
ام حسين اوكي موافقه
فاطمه وراح احجزلج بالصالون تغيرين كصة شعرج وتصبغين
ام حسين وبعدين
فاطمه اتغيرين اسلوب حياتج ويه ابو حسين فرغي نفسج كليا اله
زوجج خوش انسان لاتضيعينه من ايدج فهمتي
جمانه السعيدي
ليليه اسبحي وتعطري يله تجين يمه
ام حسين يااااا شني كلما انام اسبح
فاطمه طبعا لان انتي تنضفين وطبخين ريحة الطبخ بيج
ام حسين ولله اني انام بملابسي نفسهن
فاطمه كومي كومي من يمي لا اهفج بطاوت البيض
وبعدها تكول عصبي
لو اني منه من زمان اعوفج وازوج
وفعلا راحت ام حسين
ريكت امي وغيرت ملابسها ونطيتها العلاج
امي حركتها مو مثل قبل
قبل تفتر النهار كله بلبيت
هسه اكثر الوقت نايمه العلاج جاي يأثر عليه
رحت ورا ام حسين البيته
كتلها خل نغير شويه
غيرنا ديكور غرفة النوم وغيرنا البردا والفرشه
نضفنا البيت
العصر رحنا للصالون غيرت شعرها وميشت
وحفت وجها وسوت تنضيف بشره
جمانه السعيدي
اني عفته بلصالون ورحت جبتله ملابس ومكياج وعطور
رجعنا كتلها انتي روحي بدلي واني اطبخ عشى وادزلكم
فعلا طبخت عشى وصحت عليها من الحايط
لكيتها مبدله وطالعه حلوووو
انطيتها العشى
ابو حسين اسمه رحيم
رحيم وصلت للبيت دخلت السياره
دخلت جوووه واشوف امل( ام حسين )
مبدله والشعر شني فركت عيوني هاي منو هاي امل
امل الله يساعدك
رحيم يالله شكوووو
امل غيرت علمودك
رحيم ولله هاي مو فكرتج
امل اي فكرت فاطمه
رحيم فتحت قميصي وكلت الله يفتحه بوجههج فاطمه
مثل مافتحتي عقل امل
امل ههههه ولله اني حلوه بدون هاي الخربطه
رحيم شوفي تبقين هيج دوووم مو يومين وترجع امل العادته القديمه
جمانه السعيدي
فاطمه خلصت اجازت ابوحسين وراح للدوام
ومن رجع لكه امل نفس قبل
رجع يتعارك وياها
ثاني يوم اجتني ضايجه
فاطمه شكووووو
امل اوي يريدني اربع وعشرين ساعه مبدله ومحمره
فاطمه وشنو الي يمنعج
امل اوي ماليه خلك هنياله
فاطمه ولله زين صابر عليج
امل يكلي لاتطبخين اني اجيب جاهز بس اهتمي شويه بنفسج اوي ما احب هاي السوالف
فاطمه اني منه من الصبح ازوج زين وصابر عليج
امل اني ما اغير نفسي يريد يقبلني مثل ما اني يريد يزوج
فاطمه انتي مخبله شلون تنطين زوجج الوحده غيرج
زوجج كامل ومكمل اخلاق وجمال ويصرف ويتحمل
وانتي تردين تنطينه الوحده غيرج
اذا ازوج غيرج راح يتغير عليج وتتبهذلين انتي وجهالج
امل لا رحيم يحب جهاله ومستحيل يتغير عليهم
فاطمه مايتغير عليهم بس يتغير عليج
امل الله كريم
جمانه السعيدي
فاطمه هو ماطالب منج شي صعب النسوان تسوي عملية تجميل ووتحمل الوجع حتى تعجب زوجه وانتي بس بدلي ورتبي روحج واكعدي سولفي وتتشاقين ويااا
امل ولله ماليه خلك
فاطمه اذا ازوج واجيتي تبجين اني اموتج تموت لان طاح الساني واني اعلم بيج وما يفيد وياج
امل اني لكيت الحل الهاي السالفه
فاطمه اي وشنو الحل يافهيمه
امل اني اخطبج الرحيم وتصيرين شريجتي
فاطمه لا بله وين لكيتي هذا الحل العبقري
امل شبيج احجي صدك
فاطمه كومي كومي روحي البيتج انت تخبلتي رسمي
امل لا ولله احجي صدك ما دام هو خال فكرت الزواج براسه راح يزوج ليش يجيبلي وحده تجهولني اني وجهالي
انت اختي واعرفج وتعرفيني
ومستحيل تغيرينه عليه
فاطمه امل احنا خوات ومستعده افديج بروحي بس بعد لا تعيدين هذا الموضوع لان ازعل وياج صدك
امل لاولله فكري بهذا الموضوع زين ماكو وحده غيرج
تنقذني من هاي المشكله
فاطمه روحي البيتج وبعد لاتجين هنا فهمتي عيب تحجين بهذا الموضوع
جمانه السعيدي
فاطمه صدك ضجت من كلامه يمكن هي ما مقدره كلامه
هاي مجنونه جاي تضحي بزوجه
بقيت يومين ما احجي وياها حتى من تصيح من الحايط
تروح زهره زوجت علي تحاجيها
ثالث يوم اجه حسوني كال خاله ماما مريضه وتريدج
ماكدرت ما اروح خصوصا اهله شويه بعيدين
همه نفس المنطقه بس بعيدين عليه
وبيتهم بي بس امها واخوها مامزوج بعدا عسكري واخت وحده
وصلت دخلت وين امك
حسون تعاي هنا
دخلت لكيت ابو حسين يمها
فاطمه نزلت بوشيتي وسلمت
ابو حسين عليكم السلام
فاطمه شبيج خير
ابو حسين ما اعرف لازمه صفحتها وتصرخ وتكول كلبي يوجعني
فاطمه هاي القالون العصبي هايج عدها خل ناخذها للمستشفى ينطونها ابره وتصير زينه
ابو حسين صار ساعه اللح عليها ماتقبل تكووول اريد فاطمه
فاطمه يلله كومي لاتعاندين لازم نروح للمستشفى
بس كامت اتقيئت
رجعت كعدتها على الجربايه وجبت كلنس ومسحتلها
وطلعت دشداشه وغيرت ملابسها
ابو حسين طلع شغل السياره واني كدتها وطلعتها برا
وكلت للجهال روحو يم زهره علما نرجع
جمانه السعيدي
كعدت بلسياره ورا وكعدتها بحضني وصلنا ودخلناها للطوارء
ضربوها ابره مهدء وشكللولها مغذي
بقيت كاعده يمها ولازم ايدها واقراها ايات
ابو حسين عافنا وطلع برا
نص ساعه خلص المغذي وصارت احسن
طلعت برا شافني ابو حسين واجاني هااااا
ابو حسين هاااا صارت احسن
فاطمه انشاء الله احسن بس جيب الدكتور يشوفه نطلعها لو بعد
ابو حسين اي هسه
اجا الدكتور وكال صارت احسن تكدرون طلعونه
رجعنا للبيت وكعدته برا وأبو حسين بقه بلشارع ما دخل جي اني موجوده بلبيت
نضفت غرفتها وغيرت فراشها
وهويت الغرفه وعطرتها
ورجعتها للغرفه وكتلها اني راح اسويلج عشى
راح اشويلج دجاج واجيبلج روبه لان الاكل الي بي دهن موزين عليج
طلعت رجعت للبيت
سويت عشى وصحت حسون من الحايط ونطيته اله
وسئلته عليها كال صارت احسن
حسون..... يمه هذا عشى دزته فاطمه
ابوحسين هاي البنيه بت اصول وفعلا مربايه صح
ام حسين فاطمه ربت نفسها بنفسها لان ابوها استشهد وهي زغيره
وامها تمرضت
ابو حسين حتى اخوها انسان محترم واخلاقه عاليه
ام حسين هي ربت اخوها واختها وصارت الهم ام واب
ابو حسين الله يستر عليها
ام حسين غير كووون تقبل
ابو حسين تقبل بشنووووو
ام حسين خطبته اللك
ابو حسين جاي تحجين صدك
ام حسين اي ولله اعرفها واعرف اخلاقها وهي انسب وحده تدخل بيتنا
ابو حسين وللج انتي صدك حبيبتي خطبتيلي فاطمه
ام حسين اي ولله وراح أضل وراها منا لمن توافق
جمانه السعيدي
حبلت زهره وجابتلنا ولد يخبل سمينا جعفر
بس ماكانت محسبه تحبل راسا وابنها بعدا زغير
بس اني فرحت اريد علاوي يصيرون عندا هواي جهال
لان هو وحيد وماعندا اخوان ابد
وعلى عين جعفر انقل علي قريب علينا
يعني ساعه ويوصل للمقر مالته
كام يوميه يطلع من الصبح للدوام ويرجع بلاربعه العصر
يوميه احمد ربي الف مره على نعمت الستر ونعمت اللمه الحلوووه
امل مابطلت يوميه تعيد عليه الخطبه واني أرفض لان هي صديقتي ومستحيل اخذ زوجها منها
بس رفضي ما خلاها تياس من هاي السالفه
واني يوميه اتعارك وياها
حتى اطردها وترجع
الى ان اتفاجئت يوم علي اجاني ويكوول رايدج بشغله
دخلنا الاستقبال وقفل الباب اني خفت ما اعرف اول مره علي يكون عندا موضوع وياي
علي باعي فاطمه صار ٣ سنوات من مات رجللج الله يرحمه وانتي بعدج زغيره
فاطمه اني مضايقتكم بشي
علي لا حبيبتي انت اذا ماتشيلج الكاع اخليج فوك راسي
فاطمه سالم راسك يابعد اختك
علي اجو عليج ناس خطابه
فاطمه اني جربت حضي مره وهاي المره خلتني اكره الزواج كله
علي مو علمود تجربه فاشله اضيعين حياتج
هلمره خوش انسان واني متأكد منه الف بلميه
لاتستهينين باخوج اخوج صار ضابط
هلمره الي يضوجج افرغ المسدس براسه
فاطمه بس
علي هلمره بضمانتي خطبج ابو حسين جيرانه ويكول ام حسين قابله ومفاتحه فاطمه بلموضوع
فاطمه على بختك خويه اخذ زوج صاحبتي
علي هي موافقه وتريدج يعني محد غاصبه
بعدين الولد خوش انسان واني سئلت علي وعلى اخلاقه
انسان صايم مصلي خايف ربه
الناس كلها تحمد بي
وأهم شي قريبه على امي
فاطمه ولله صعبه شلون ازوج زوج صديقتي
علي اني طلبت منه مهله شهر فكري زين وقرري
واني مراح اجبرج على شي
اني وياج باي قرار تاخذينه
انتي اختي حبيبتي واني ما متعاجز منج ابد
واكيف لوتبقين وياي طول العمر
بس اني افكر بمصلحتج
جمانه السعيدي
فاطمه رحت صحت ام حسين من الحايط
ام حسين هاااا فطومه
فاطمه قربي عليه خل اشلع كفشتج وللج انتي مخبله
لا بللاه انتي مو صاحيه
شلون تودين ابو حسين يخطبني
ام حسين هلمره اذا ما وافقتي انروح اني ويااا العمج والعمتج ونخطبج
فاطمه انتي صار العقلج شي
ام حسين لاولله اني عقلت ولكيت الانسانه المناسبه البيتي
فاطمه باعي هذا حجي ويصير بعدين غير حجي
هاي الخطوه راح تخرب العلاقه بيناتنه
والمحبه تصير عداوووه
فا اني انصحج خلينا خوات احسن
عندج اخت تحبج احسن ماعندج شريجه انتي وياها النهار كله تتعاركن
ام حسين باعي رحيم مصمم على الزواج اذا مو انتي غيرج ولله اذا جاب وحده غريبه راح ادمر حياتنه
اذا انتي صدك اختي وتحبيني وافقي وانقذي اختج
ونعيش خوات بهذا البيت
فاطمه ولج انتي ثوله ابدال ما ازوجين رجللج غيري حياتج ترا هو ماطالب منج شي صعب كل طلباته سهله
سويله الي يريده ولاتتعاجزين
ولله اني ماشايفه وحده تخطب الزوجه
لا ومصممه على رائيها
ام حسين اني اريد اسوي الصح واريد انقذ بيتي
ومراح ابطل من رائي هذا
راح أضل وراج وراج لمن توافقين
فاطمه خوش بعد لا انتي صديقتي ولا اعرفج
وباجر راح اعلي الحايط هذا بعد اكثر
وراح اكتب على بابنا الدار للبيع
آريد اشيل من يمكم شلون الله بلاني بجاره مخبله
ام حسين اذا تشيلين اشيل وراج فهمتي
فاطمه روحي مخبله
