رواية زوجه ثانيه الفصل الثامن بقلم جمانه السعيدي
بقيت سنه كامله تلح ام حسين على فاطمه
وفاطمه ترفض لان تعرف النسوان بكلشي يتشاركن اله الزوج
ماممكن يتشاركن بي
ابو حسين راح وخطبه من عمه وعمه ماكان عندا مانع ابد
واجه حجا وياها ويا علي بهذا الموضوع
ورجع علي يقنع بيها
علي وافقي فاطمه الخاطري ذوله الناس شارينج وصار سنه منتضرين موافقتج
والتعرفه احسن من الي ماتعرفه
صارلهم جيرانه اربع سنوات ماشفنه منهم شي موزين
ومادام عدهم صبر ومابطلوووو يعني صدك يحبونج
وهلمره اني اوكفلج ومحد راح يكدر يدوسلج على طرف
فاطمه الكل كاعد يقنع بيه اي اني اعرف رحيم خوش انسان بس امل خطيه
خاف بعدين تكلب عليه
اخر شي من كد الالحاح عليه وافقت
من مبدء الي تعرفه احسن من الي ماتعرفه
جمانه السعيدي
قبل عرسي وقبل كلشي رحت اشوف خالتي ام طارق واسلم عليها
من شافتني فرحت بيه تكووول اليوم جني شايفه طارق
فاطمه خاله اني اجاني انسان محترم وراح ازوج وجيت اشوفج خاف انشغل بعد وبعد ما اكدر اجي
خالتي شايفه كل الخير انتي بت اصول عشتي ويانه خمس سنوات وابد ماشفنه منج شي موزين
اني احبج مثل بتي
ادري انتي ما ارتاحيتي يمنا وطارق الله يرحمه هواي ضلمج بس انتي اصيله
تحملتينا وماطلعتي أسرارنا برا ولا فرجتي الناس علينا
بس اريد منج شي واحد تسامحين طارق حتى يرتاح بكبره
واريد منج شي بعد
تدعيله الله يغفرله انتي انسانه كلبج ابيض وشريفه
واكيد رب العالمين يسمع دعائج
فاطمه الله يغفر للجميع انشاء الله
سلمت عليها وطلعت بس ولله ضجت عليها
تكسر الخاطر
جمانه السعيدي
اجا ابو حسين وتفق ويه علي على الحاضر والغايب
ونطاني فلوس حتى اشتري ملابس وذهب
وجابلي غرفه جديده وموديلها كلش حلووووو
ام حسين اجتني كالت حتلو تردين عرس عادي ماعدنا مانع
اني رفضت حسيته مو حلووه بحقي
ردته بينا وبينهم تصير وشي بسيط
بيوم المهر لبست ثوب سمائي ساده حلووو كلش عليه
ولبست ويا حجاب وخليت تاج فضي فوك الحجاب
ام حسين فرحانه عبالك عرس اخوها مو زوجها
وكلساع تكووول موكتلج اخذج
ماحضر بس علي وعمي ورحيم وأبو وعمه
والنسوان مريم وزوجت عمي وبت عمي زينب وعمتي وبتها وأم حسين واخت رحيم
على فكره عمتي ما صار عدها غير زينب بعد ماحملت ابد
بس زينب ماشاء الله عليها تخبل وشاطره بلمدرسه كلش وابوها يموت عليها
عقدنا ولكل طلع وأم حسين اخذتني من ايدي وكعدنا يم رحيم
رحيم مبروك الف مبروك
فاطمه الله يبارك بيك من هسه اكلك اني وأم حسين عليك
رحيم ضحكت يا ستار
فاطمه ام حسين اختي وعزيزه عليه واني وافقت علمودها
ام حسين انتي اختي وحبيبتي
رحيم بعد شيخلصني راح يصيرن اثنيينهن عليه
جمانه السعيدي
بيومها طبخن مريم وعمتي عشى وبقى عدنا بيت ابو حسين كلهم للعشى همه وجهالهم
اتفقت وياهم ينطوني الغرفه القريبه على امي
وأبو حسين كال راح افتح باب بينا حتى يمته ماتردين تعبرين على امج
ما انكر جنت كلش فرحانه قلبي فرحان حسيته الإنسان الصح ويمكن اجه بلوقت الغلط
حددنا موعد الزواج واتقفنا اروح للصالون وارجع ويجي ابو حسين ياخذني البيتهم
وأم حسين تروح الاهله كم يوم ونبقى وحدنا بلبيت
اشتريت فستان كريمي صدره والردن تور
اني شعري الحد نص ضهري
صبغته اشقر زيتوني وحفيت حتى اضافري سوتهن يخبلن
رغم اني ما اصبغهن علمود الصلا
اول سرحت شعري وبعدين لبست حجاب كريمي ستن
وخلتلي ورد فوك الحجاب من الامام طلع يجنن
خابرني كال جاهزه كتله اي
طبعا زفتنا صارت الساعه عشره بليل
اني ردتها بليل يعجبني هدوء اليل
خابرني كال اني بلباب طلع علي سلم علي ودخله
اسمع علي يكوله فاطمه امانه عندك لاتزعله
لان زعله من زعلي
رحيم اشرله على عيونه وكال اضمها بعيوني
دخل لابس قاط نيلي وقميص ابيض ورباط نيلي بي خطين بيض وحالق والعطر يسطر
طالع فد شي هو طويل وجسمه حلووووو
شخصيه وهيبه
رفعت عيني عليه هو ابتسم
كلت بكلبي الله ياخذج امل هذا الهيبه تفرطين بي
تقدم عليه ومد ايده واني مديت ايدي ولزمته
مشينا وطلعنا من البيت ودخلنا بيتهم
البيت عطرا يخبل والغرفه خال بيها فرشه بيضه ضخمه
وخال ورد على الفرشه
التفت عليه وكال اهلا بيج بكلبي قبل بيتي
ولزم ايدي وباسها
جمانه السعيدي
كعدنا على الجربايه
رحيم يجوز ما أخذنا وقت كافي نتعرف بس ولله اني معجب بيج
ومن كالت امل خطبته طار عقلي
وكلت مستحيل تقبل بيه لان هي حلوووه وبعدها زغيره
بعدين صليت ودعيت ربي توافقين
انتي بنضري كامله ومكمله والكمال لله تعالى
فاطمه اني ماكنت ارفض لان عيب بيك لاسامح الله
بس امل صديقتي واختي وماردت اخسرها ابد
رحيم انشاء الله اكون عد حسن ضنج وتحبيني مثل ما انتي دخلتي كلبي وحبيتج
فاطمه انشاء الله خير
جمانه السعيدي
رحيم هسه اريد اصلي صلاة شكر لله تعالى على هاي النعمه
كام توضا وصلا وكال تعاي صلي وراي اني توضيت قبل لا البس الفستان حتى رب العالمين يرضى عنا ويوفقنا
صلينا وكال انتي جوعانه
فاطمه لا موجوعانه
رحيم اني ما اكل اله انتي تاكلين وياي وعلى شرط اوكلج بايدي
فاطمه راسا اذكرت ليلة عرسي الاول وشلون طارق ياكل وحده ومآ حجه وياي ولاكلمه وحده
كلام رحيم ينزل مثل الموسيقى على روحي
خفت اي ولله خفت
خفت لا احبه واتعلق بي واكره امل بسببه
اذا يبقى يومين يحجي وياي هيج
موبس احبه يمكن انجن بحبه
ترا اني معوزه حنان ومن زمان ماسامعه كلام حلوووو
فاطمه دقيقه بس ابدل واني احضرلك الاكل
رحيم لا انتي تكعدين اميره واني احضر الاكل واني
اوكللج بايدي
فاطمه كلت بكلبي يمه وينج تعاي شوفي بتج راح تنجن
من صدك هسه عرفت الحب وعذرت امي لان انجنت على ابوي
كمت ابدل
رحيم اساعدج
فاطمه لا ماكو داعي اني ابدل وحدي
رحيم بس خل افتحلج السحابه واني مغمض اذا تستحين مني
اني بديت انزل الدنابيس من الورده على حجابي
وهو فتح السحابه وباسني بكتفي
وكال اخذي راحتج
بعدا ماطالع من الغرفه دك تليفونه اجته رساله
من شاف الرساله تغيرت احواله
وكال اوكفي لاتبدلين رجع سحب السحابه واني نزعت بس الورده
فاطمه شكووو يا ستار
رحيم ماكو شي لاتخافين جيبي تليفونج
فاطمه انطيته التليفون قفله وقفل جهازه ورجع لبس سترته
كال جيبي شي تلبسينه وجيبي تراكي وياج
وفتح المجر اخذ جنسبته وجنسيتي وبعد اوراق
فاطمه رحيم شكووو فهمني
رحيم بعدين افهمج خله التليفونات على الميز وسحبني من ايدي لبست عبايتي ومشيت ويااااا
طفه اضوية البيت وطلعنا
صعدنا بلسياره ومشينا واني مثل الأطرش بلزفه
كلشي ما مفتهمه
كعدت ساكته وهو ساكت
مشينا تقريبا ساعتين ونص وهو ما حجه اي حجايه
بعدين وصلنا سيطره جبيره
جمانه السعيدي
فاطمه احنا وين
رحيم احنا بكربلا
فاطمه الله عليك اني ابد مازايره كربلا
رحيم هاي كربلا وراح تشبعين زياره
فاطمه بس ليش عفنا الموبايلات
رحيم حتى محد يزعجنا ابد
اخذ السياره للكراج وبعدين نزل شايل الجنطه بايد وكايدني بايده الثانيه
اول شي حجزنا فندق وخلينا الجنطه
وبعدين نزلنا رحنا للزياره
يمه احس كلبي انفتح
المنضر يخبل قبة الامام تضوي
والدنيا عبالك نهار
زرنا وكملنا وبعدين رحنا للمطعم لان صدك جعنا
طلبنا اكل ومنتضرين ينزل الاوردر
فاطمه ممكن اسئل سوال
ممكن اعرف شنو صار واحنا ليش اجينا هنا
رحيم حبيبتي هاي احلى ليله بعمرنا ومآ اريدج تضوجين ابد
فاطمه بس راح أضل بقلق لازم اعرف شنو صار بلضبط
رحيم مصممه
فاطمه اكيد
رحيم خاف الخبر يعكر مزاجج الحلوووو
فاطمه الله عليك امي بيه شي
رحيم بعيد الشر هاي شبيج
فاطمه يله احجي عليك الله
رحيم راح احجي وأمري لله تعالى
فاطمه كول
رحيم ابن خالتي رايح متعارك ويه نسابته والعركه حيل مطوره بينهم وكاتلينه ضاربينه طلقه وكاتلينه
ولامه مخبوصه خبص
هو من زمان عندا مشاكل وياهم ويوميه عركه
فاطمه وليش مارحت شفتهم
رحيم اني منتضر هاي الليله بفارغ الصبر واحسب يوم يوم
وبعدين اعوفج واروح الهم
بله اذا رحت راح يرجع يعيش قابل
وجودي لايقدم ولاياخر بعدين اني ميت مره كتله طلكها واخلص من يوم ازوجها بس مشاكل
وقفلت التليفون حتى لحد يزعجنا
نبقى اربع ايام ونرجع وكنما ماندري
فاطمه شلون ماندري لعد والرساله الي اجتك
هاي الرساله من اخوي هو الي كال اخذ عروستك وشوفلك مكان بعيد
لاتضيع عليك الفرصه هاي اليله ما تتعوض ابد
فاطمه ضحكت ياربي شكد فرحان بيه وشرد كل هاي المسافه حتى يكون وياي
كملنا عشى صار وكت صلاة الصبح رحنا صلينا بلامام الحسين ع ورجعنا للفندق
جمانه السعيدي
اني دخلت للحمام سبحت بس شعري ماغسلته لان سرح يخبل والعطر بي فد شي
ولبست سيت ماروني واني جسمي ابيض طلع يخبل عليه
فتحت باب الحمام وكتله رحيم الله عليك طفي الضوه استحي اطلع
رحيم راح اطفي بس اني اشوفج بكلبي مو بعيوني
طفا الضوه واني طلعت بس وصلت يمه شعل الضوا
هاي شني هاي رفع ادي يدعي ويكووول ياربي ديمه عليه
هاي ا لنعمه بشرفي بس ارجع اذبح طلي الوجه الله واوزعه على الفقراء على هاي النعمه
فاطمه انت غشاش قشمرتني ليش شغلت الضوه
رحيم موعبالج ضوه الكلوب هذا كلبي ضوه من شافج
فاطمه على كيفك اني متحمل كلامك الحلووووو
رحيم اني كلامي حلووووو لو انتي عسل
كانت ليله ماتنوصف ولابلاحلام ولا بلافلام حسيت نفسي ويه رجال حقيقي
ولو اني قبل ماجنت عايشه ويه رجال
فرحانه وخايفه
خاف يطلع حلمممممم
