رواية الخباز والاميره الفصل السابع بقلم جمانه السعيدي
اميره دخلت اباوع إياد على السرير وراسه مشدود وأيده
قربت علي إياد اياد
ام إياد انتي شلون عرفتي وليش اجيتي هاي المصايب اجتنا من عرفناج
إياد فتحت عيوني رغم اني ماخذ مهدء حتى لا احس بلوجع بس باوعت عليه راسا دموعه نزلن
إياد لا تبجين اني ماميت
اميره اسم الله عليك الموت الاعدائك
شلون صار وياك هيج
إياد خل ارتاح وبعدين نحجي ليش اجبتي بهليل
ارجعي للبيت بسرعه
اميره ماارجع اريد ابقى يمك
إياد اتحركت اااخ لا تعبيني روحي وباجر تعاي
اميره بدون وعي ورغم كل اهله موجودين دنكت على وبسته
...اروح بس لاتعب نفسك
جمانه السعيدي
طلعت واني متأكده خالد ورا هاي المصيبه مستحيل واحد غيره
اني عرفت من البدايه خالد مراح يسكت
الي يفكر يخطف ممكن كلشي يسوي
رجعت للبيت وامي استلمتني غلط وحجي ولله ماليه خلك ارد عليه ابد
صعدت الغرفتي كعدت على الجربايه ولزمت راسي
معقوله راح اضيع اياد
زين امه هاي المسكينه شنو ذنبه
هذا ابنه الوحيد اكيد جاي تحقد عليه
حقه تحقد وتكرهني
شويه ودنكت باب الغرفه
اميره ادخل
خالد هلو اموره
اميره انت شتريد مني ليش لاحكني
خالد اخاف عليج ومااريد اي احد يقرب عليج لو ياذيج
اميره بس اطلع من حياتي واني اشوف الخير كله
خالد هااا شلون صار إياد مو اسمه اياد
جمانه السعيدي
اميره عرفت انت ورا هاي المصيبه الي يفكر يخطف بنيه عايشه ويااا ومامنه بي كلشي يسوي
بس الانسان مهما كان قوي رب العالمين اقوى منه
خاف على نفسك من دعوة امه
لان وحيده واذا دعت عليك رب العالمين راح ياذيك
خالد إذا تخافين علي ابتعدي عنه ابتعدي عنه وهو مايصيرله اي شي
اميره اعتبر هذا تهديد مثلا
خالد اعتبري مثل ماتعتبري مايهمني
وواحد مثل إياد انفخ علي يطير افتهمتي
اني هسه جاي اللعب وياكم حتى تتحذرون
بس اذا ماسمعتو كلامي تشوفون شي ثاني
راح يكون الضرب تحت الحزام
اذا تخافين على إياد واله معزه بكلبج عوفي خل امه هاي المسكينه تتهنا بابنه
اميره حقيره وتبقى طول عمرك حقير وماتخوفني ابد
فهمت لو لا وكل قوي اكو الي اقوى منه
جمانه السعيدي
طلع واني كعدت وكمت ابجي معقوله إياد يفقد حياته
لو يفقد صحته بسببي
ليش خالد مايقبل يعوفني بحالي اني شسويت
ابد مانمت منا افكر باياد ومنا افكر بكلام خالد
خالد مجرم ومستحيل يعوفنا بحالنا
الساعه بلسته الصبح واني بعدني كاعده دخلت سبحت وبدلت وطلعت
للمستشفى
بلبدايه رحت سئلت الدكتور الخفر عن صحة اياد
طمني بس كال محتاج راحه تامه
لان الضلع اذا انكسر لازم يرجع الوضع الطبيعي وحده
بدون تدخل جراحي
اذا اهتم بصحته واخذ العلاج بصوره صحيحه
راح يرجع الوضعه السابق
ماشاء الله جسمه رياضي وعنده كتله عضليه راح يرجع
مثل ماكان واحسن
رحت الغرفته لكيته نايم وامه نايمه يمه
الضاهر ماخذ مسكن قوي لان ماحس بيه ابد
كعدت يمه شويه اخذت ايده وبسته
هاي الايد نفسه الي نقذتني هاي الايد الي صعدت عليه للحايط
وهي الي حضنتني ونزلتني من الجه الثانيه
شكد كلبه جبير إياد وطيب
باوعت الامه نايمه ومبينه تعبانه من كد الخوف على ابنه
معقوله اني راح اضيع هاي العائله
اني يمته اخلص من خالد من يوم دخل حياتنه
واني حزينه فقدت بابا وبعدين امي تغيرت عليه
واخر شي هذا المسكين شنو ذنبه يتأذى من وراي
بسته بخده وطلعت يمكن لازم انسحب من حياته
حتى يعيش بسلام
طلعت برا وماكدرت الزم دموعي صعبه عليه لمن لكيت الإنسان الي يفهمني ويقدرني
اتخلى عنه واعوفه
اسفه إياد يمكن راح تكول عافتني لان فقير
بس ولله الفلوس ماتهمني ابد
يهمني احافظ عليك
جمانه السعيدي
رجعت للبيت بعدهم نايمين صعدت الغرفتي تمددت
دموعي مايقبلن يوكفن
اريد ابتعد حتى احمي اياد
وبنفس الوقت اريد اكون يمه واساعد
إياد كعدت فتحت عيوني الكل موجود بس اميره ماكووو
شعجب الهسه مااجت
مو من عوايده هي بليل سمعت واجت تركض
ليش مااجت لسه
ايحوز امه منعته من الجيه
جمانه السعيدي
اياد ماما اريد تليفوني
امي شسوي بي احنا كلنا يمك
إياد اريده انطينيا
امي هاك مااعرف يشتغل لو لا البارحه الشاشه انكسرت بلعركه
اياد اخذته فتحته اشتغل رغم الشاشه مكسوره
طلعت رقم اميره واتصلت
اميره دخت من البجي ومانايمه من البارحه تمددت
راسا دك التليفون
باوعت رقم اياد
كلبي طار من مكانه ياحبيبي انت تتصل بيه
ماكدرت ماارد علي احبه اموت علي
اميره الوووو
إياد وينج شو ماكووو
اميره مسحت دموعي هياتني موجوده
إياد ليش مااجيتي ادور وجهج بلوجوه وماكو
اميره حبيبي انت احسن
إياد شنو شنو عيدي ماسمعت
اميره حبيبي وحبيب كلبي وروحي اسفه كلشي صار بسببي
إياد خل تدعمني تريله محمله حصو بس اسمع هاي الكلمه مره ثانيه
اميره اضحك ودموعي تنزل ياربي اني شكد احبك اياد
إياد مو بكدي اني احبج اكثر واكثر
اميره شلون صرت
إياد بس اشوفج اصير احسن
اميره هسه جايتك طياره
إياد انتضرج بسرعه لا تتاخرين
اميره سديت التليفون ومسحت دموعي وركض بدلت
ونزلت
جمانه السعيدي
لكيت امي وخالد يتريكون راسا كلبي انقبض
اذكرت تهديد خالد
امي وين انشاء الله مبدله وطالعه من الصبح
اميره عندي شغله ضروريه شويه وارجع
خالد بابا لا تنسين كلامي ديري بالج على نفسج زين
ماحجيت اي شي جاي يذكرني بالتهديد طلعت رحت اشتريت علية كاكو
وعلبة جكليت وورد ورحت للمستشفى
دخلت ولكيت امه وخواته موجودات
اميره صباح الخيررررر
إياد صباح الخيرات اشرتله تعاي صدكوني بس شفته نسيت الوجع كله
اميره قربت وكعدت بصفه
خواته وحده تباوع للثانيه وامه تخزرني
امه تعالن ماما نطلع للحديقه شويه
طلعو وبقينا بس اني وياااا
دنكت علي وبسته براسه
اياد اااخ
اميره وجعتك اسفه
إياد لا كلبي وجعني من البوسه
اميره سلامة كلبك عرفت اني السبب ورا هاي الحادث
إياد لا تشغلين بالج قدر ومكتوب
اميره اسفه من يوم شفتني لليوم وانت المصايب نازله عليك مثل اامطر
إياد من يوم شفتج واني حياتي احلى واجمل
رفع ايده المربوطة وحتى حياتي بيه اكشن اكثر من قبل
اميره خايفه افقدك
إياد الله الله الله على الكلمه وجماله تفقديني
هو اني اكدر اعيش اذا انتي ماكوووو
اميره الله يحفظك اليه
إياد ويحفظج يااحلى شي صار بحياتي هم شايفه واحد مكسر ويحجي غزل
اميره اي شايفه إياد حبيبي
إياد اريد اكوم احضنج على هذا الكلام ااحلوووو
بس مااكدر
جمانه السعيدي
اميره اني احضنك واخليك بكلبي
إياد بله شلون
اميره دنكت علي وحضنته
إياد اكيد اليوم الدكتور يسجلي خروج هذا الحضن صعد هرمون السعادة الف
اميره غمضت عيوني وتمنيت هاي اللحظه ادوووم للابد ابتعدت عنه ووجهي حزين
إياد ليش ضجتي مو جنا حلوين
اميره خايفه عليك
إياد قل لن يصيبنا إلا ماكتب الله لنا
صدكي مراح يصير شي غير الي كاتبه رب العالمين
اميره خالد هددني اما ابتعد عنك او يدمر حياتك
إياد خالد شنووو منو خالد وتخافين منه
اني وياج راح نبقى للابد سوا ومستحيل اعوفج ابد
انتي الحب الحقيقي بحياتي
اميره انشاء الله راح نبقى سوا طول العمر
بقيت كاعده تقرببا نص ساعه واجا الدكتور يشوفه
دخل ويااا زوج اخته الجبيره
طلعت برا على مايكمل وارجع
جمانه السعيدي
اجت ام إياد يمي اريد احجي وياج موضوع مهم
بس لاتزعلين عليه
اميره ماازعل عليج ابد كولي
ام إياد إياد ابني الوحيد ورحمة رب العالمين خلته
حنيين عليه وكلبه على كلبي
إياد مو مثل باقي الولد صبور وطيب وحنيين
وكل الموصفات الحلوه بي
من هو زغير بار بيه وحنيين على خواته
كل يوم احمد ربي الف مره علي
واتمنى يطول عمره ويوفقه
اذا اني خسرت إياد بيوم من الايام صدكي يشيلون جنازتي قبل جنازته
مااتحمل اعيش يوم واحد بدونه
اطلب منج من كلب ام محرومه وماعدها غير هذا الولد
تبتعدين عنه
اعرف هو يحبج اني امه واحس بي
وانت خوش بنيه بس ايجوز الضروف ماخلتكم تلتقون بوضع احسن من هذا
بس ابوس ايدج عوفي
اميره سحبت ايدي وكتله استغفر الله
انشاء الله مايصير اله كل خير
