رواية الخباز والاميره الفصل الثامن بقلم جمانه السعيدي
اميره كلام ام إياد حيل اثر بيه حقه ام وتخاف على ابنه يمكن هلمره رب العالمين لطف بي
ايجوز مرت الثانيه يروح بيه هذا المسكين بسببي
بس كلبي مايطاوعني اعوفه ابد
محد جاي يفهمني الحب اقوى من كل الحواجز
إياد رجال حقيقي
يمكن لو واحد غيره جان عافني باديهم
ليش يدخل نفسه بمشاكل بسببي
رجعت الضهر للبيت ولا كتني امي
وين جنتي من الصبح لسه
اميره عندي شغل
جمانه السعيدي
ام اميره عندج شغل لو هذا المحروس بلمستشفى
يارب يموت ونخلص منه
اميره لا تدعين علي الله يخليج مسكين
من جهه خالد داز جماعه علي يضربونه
ومن جهه انتي تدعين علي
ام اميره هم رجعت على خالد ياربي انتي شني من بشر مايغزر بيج الطيب ابد
اميره اي طيب ماما ترا خالد عايش بخيرنا ولا مقدملنا اي شي بلعكس احنا أصحاب الفضل علي
ام اميره على الاقل اسمه رجال فوكنا لو ماهو جان فرهدتنا الجلاب
اميره لا ولله هو الي جاي يفرهد بكيفه وانتي الي فتحتيله الباب
ام اميره اس ولا كلمه اليوم جايين عليج خطابه بيت ام مازن وافقي وانتي ساكته فهمتي
اميره ماازوج فهمتي لو لا ماازوج لو تنطبك السما على الارض
ام اميره هو بكيفج تزوجين غصبا ماعليج لازم تكونين بمسؤولية رجال اريد اخلص من مسوليتج
اميره ماازوج ومراح تكدرين اجبريني
عفته وصعدت الغرفتي
جمانه السعيدي
ام اميره اتصلت بخالد
ام اميره هلو حبيبي
...هلو عيوني الله شكد ارتاح من اسمع هذا الصوت
...الله يحفظك اليه يمته ترجع
...ليش اكو شي
...اليوم جايين خطابه على اميره
.خالد..منو ذوله الخطابه
...بيت ابو مازن الولد مهندس وحالتهم الماديه زينه
.خالد..اني عندي شروط يله ازوج بنتي
...شنووو شروطك
.خالد ..اولا بيت باسمه ويجيب اله ذهب راقي والمهر ١٠٠
خمسين حاضر وخمسين غايب
...انت تكول هيج
...وبعد اكو شي حتى نضمن هو مادخل على طمع
فلوسه الي بلمصرف كلهن تحولهن باسمج لو اسمي
حتى نضمن مادخل على طمع
هاي بنتي ماله مثيل حلوه وراقيه ومثقفه وبت اصول
ام اميره اني راح اوصللهم خبر قبل لا يجووون
حتى يكون عدهم علم بلموضوع
خالد إذا وافقو على كل هاي الشروط خل يتفضلون
اهلا وسهلا بيهم
ام اميره يمته ترجع
خالد اليوم ماارجع عندي شغل مهم باجر العصر اجي
ام اميره انتضرك على نار
جمانه السعيدي
اميره بدلت ملابسي وكاعد افكر بكلام امي
جايبتلي عريس لو إياد لو ابقى بدون زواج طول عمري
اني بعد إياد مايحلى رجال بعيني ابد
بقه إياد اربع ايام بلمستشفى يله طلع والدكتور وصى
بلراحه التامه
كل يوم اروح اشوفه وارجع رغم احس امه مقابله ابد
بس هو اذا اتأخر علي يتصل
ويضل يلح يريد يشوفني
مااعرف شلون راح اعوفه وشلون اعيش حياتي من دونه
طلع من المستشفى وجماعته بلفرن تكفلو بكل المصاريف
اخذت فلوس ردت اسد الحساب ولكيت جماعته سادينه
قررت اخف الجيات والروحات علي
بس شنو كاعده على نار
اريد اشوفه من امس طلع ومارحت اشوفه
شويه ودك التليفون
إياد هلو اميره وينج ليش مااجيتي
اميره جاي اضايقكم
إياد وشلون راح تتحسن حالتي الدكتور يكول لازم اميره تكعد كبالك ليل نهار وانت تصير احسن
اميره هااا هيج كال الدكتور
إياد صدكيني وانتي مامحلفتني
اميره لا صادق بس ماتحس وضعنا هيج غلط
إياد اوكفي خل اعدل الكعده اخ اخ اخ
ياربي كوه اعدل نفسي
نرجع الموضوعنا شنو الغلط تريدين اجي اخطبج هسه
ماعندي مانع
اميره لا بس كلشي حولنا يكول علاقتنا غلط
إياد ليش غلط
اميره امك مامقتنعه وخالد يهدد احنا مانكدر على هاي الضروف
إياد احجي الحقيقه تردين تنسحبين
اميره ياريت اكدر انسحب جان انسحبت من زمان
إياد لا تخافين ابد اني وياج حتلو اموت مااعوفج
اميره لااجيب طاري الموت فدوووه
إياد اهووو اني اتصلت حتى ترفعين هرمون السعاده
وانتي جاي اضوجيني
اميره اسفه حبيبي
إياد امي مالج شغل بيه ابد تتعود ويه الوقت
انتي اليه وبس
تتوقعين كلشي صار بينه صدفه اكيد انتي قدري
واله شمعنا هذا اليوم
وليش صعدت على السطح وشلون شفتج
ومنيبن اجتني هاي القوه اعبر بيوت ثنيين حتى اطلعج
من هاي الشده
كلشي يكول انتي اليه
جمانه السعيدي
اميره ياريتني ملتقيتك من زمان ياريت لو اني فقيره
حتى نرتبط بدون مشاكل
ليش الكل ضدنا احنا شمسوين
إياد اني تعلمت شي مهم كلشي صح بهاي الدنيا الناس تحاربه
صدكي لو هاي العلاقه مشبوه محد اعترض عليه
اميره ولله احبك واموت عليك واذا الضروف جبرتنا نبتعد اذكر هذا الشي غصبا عليه
إياد ليش تكولين هيج محد راح يجبرنا نفترق ابد
اذا مايقبلون بزواجنا اخذج واشرد ومستحيل نبتعد واحد عن الثاني ابد
جمانه السعيدي
بقينا فتره على الاتصال يوميه نخلص النهار كله بس نسولف
اني ماريد اروح بيتهم خاف امه اضوج
واكيد خالد مراقبنا خاف يرجع ياذي إياد مره ثانيه
بعد شهر تقريبا يله تحسن وضع اياد
اكثر شي حسن وضعه الصحي بسرعه حليب الجاموس
ام إياد جانت تشتري كل يوم
حتى إياد يرجع مثل ماجان
رجع يداوم بلكليه لان قربت امتحانات اخير السنه
وهو مقرر ينجح ويخلص من الكليه
كلبي طك علي اريد اشوفه اشتاقيتله
رغم هو يلح عليه تعاي اشوفج بس اني كنت اتحجج
مااريد إياد يتاذه بسببي
من سمعت راجع للكليه رحت اشوفه
ياربي كل الولد مو بعيني مااشوف غيره ابد
محاضرتين مادخل بقينا كاعدين ونسولف
بعدين خلص باقي المحاضرات واني انتضره
وطلعنا اتغدينا سووو
بمناسبة شفائه ورجعته للدوام
طبعا مازن الولد الي تقدملي من سمع شروط خالد انسحب من هاي الخطبه همزين اجت منهم مو مني
بعد لقائي ب اياد بيومين اجاني خالد للغرفه
دك الباب
اميره تفضل
خالد هلو اموره
اميره وكفت بعصبيه شتريد
خالد بله بشرفج اني تقدمتلج وماقبلتي وهسه مستقتله على هذا الحافي اكو وحده مال وجمال ومركز
وفلوس تحب واحد خباز
لا وفوكاها هي تركض ورا تروح البيتهم
وتروحله للكليه
اميره وانت شكوووو لا تكون ولي أمري واني ماادري
خالد لا تتوقعين راح اخليكم تتهون فهمتي
اميره وانت شكوووو قابل هو بكيفك
خالد الضاهر الدرس ذاك مانفع وياكم
تردون شي ينهي هاي العلاقه للابد
بسيطه وماكو ابسط منه اذا خسرتي إياد لاتكولين خالد ماكال
شكرا لزيارتكم عالم روايات سكيرهوم
