رواية ضلام الفصل السابع بقلم جمانه السعيدي
من رجع علاء حجيتله
جنه اليوم اجتني ام حمودي وعزمتني على العشى
علاء اي مو كتلج اهلج مهما يكون مستحيل يتخلون عنج
جنه بس انت ماتعرف ام حمودي اني اعرفه زين
عشرت عشرين سنه
ليش هسه تغيرت
علاء لان انتي طيبه وماتتعوضين ومستحيل تلكه وحده بطيبتج ابد
ايجوز اتنددمت
جنه ايجوز يعني نروح للعشى
علاء اي نروح وناخذلهم ويانه هديه
جنه شنو المناسبه
علاء المناسبه اهلج واني مارايح اللهم من وقت الخطبه
وعيب نروح ايد ورا وايد كدام
بعدين اليوم استلمنا الراتب خير من الله
جمانه السعيدي
اجينا نطلع من ببتنا وعلاء كال اقفلي الباب
وانطيني اامفتاح
قفلت الباب وانطيته المفتاح
علاء هذا مفتاح واحد وين الثاني
جنه ولله ماادري
علاء خاف وكع بلكاع
جنه كلشي ماكو بلكاع اني الصبح من نضفت شفتهن ثنيبن
علاء يله امشينا ومن نرجع اندور علي
المغرب رحنا اللهم اخذنا حلويات وفواكه وكرزات
وصلنا ودخلنا اني سلمت على ابوي
بس ابوي كان سلامه ثكيل
بعد العشى نضفت المطبخ وذكرت كل الايام الي مضت
وشلون جنت ابجي لان مااريد علاء
همزين صار من قسمتي وغير احوالي
الحمد لله والشكر
كعدنا اني وام حمودي واختي بلغرفه
وعلاء وابوي واخواني بلصاله
ام حمودي اي احجيلي عن عيالج زينين وياج
جنه كلش زينين ومايدخلون بحياتنه ابد
اني يوميه اعبر على خالتي الساعه عشره ونص لو الساعه
١١ اساعده بلتنضيف
هي ماتطلب مني بس اني اساعده لان هي زينه وياي
اكنس امسح اغسل الفراشات
لو اغسل الملابس بلغساله
وحماتي تجي كل يوم جمعه زياره بيت اهله
زوجه يجيبه الصبح ويرجع بليل ياخذه
اني دائما اعزمه تتغده يمنا هي وجهاله من تجي
اما عمي دره مال الله كل مايسوك يجيبلنا علاكه ويااا
خطيه يطلع الصبح للمحل ويرجع بليل
علاء ليليه يعبر عليهم ويكعد يسولف ويااا
بس اني ابقه ببتنا
انضف واغسل ملابسنا مرات الف كبه لو اغسل فراشاتنه
وهاي هي هيج ينتهي يومبا
جمانه السعيدي
ام حمودي يعني خالتج ماتجيكم
جنه لا ليش تجينا مرتين لو اتلاثه بليوم بس حبابه كلش
وماتدخل باي شي
تكول اهم شي عندي علاء مرتاح
ام حمودي زين وضعج تمام
جنه الحمد لله والشكر احمد ربي ليل نهار على هاي النعمه
رجعنا البيتنا وكل يوم ام حمودي تتصل بحجة تسئل
عني وهي أتريد تعرف اخبارنا
علاء بعد اسبوع من رواحتنا الاهل جنه اجاني اتصال
علاء الووووو
.. .. السلام عليكم
علاء عليكم السلام منو وياي
...اني واحد ماتعرفه ابد بس جايك اريد منك خدمه
علاء اي ليش لا تفضل
.. اني عندي علاقه قديمه بزوجتك احبه وتحبني من زمان
وتقدمتله واهله ماموافقو لان فقير
وفضلوك عليه لان عندك راتب
رغم هي جانت رافضتك بس اهله جبروه عليك
علاء انت شجاي تحجي
...احجي الحقيقه اني وجنه واحد يحب الثاني
اريدك تعوفه حتى نزوج
علاء ليش ماتحترم نفسك وتعوف هاي الخرابيط احسلك
زوجتي انسانه محترمه وماعدها هاي السوالف ابد
.... اني ماكلت مو محترمه اني كلت احبه وتحبني واني وياها على تواصل وهذا رقم تليفونه هسه ادزله الك
ولون تليفونه ابيض
هي باقيه وياك بس ماتحبك
تكول الله بلاني بواحد اعمى
جمانه السعيدي
علاء لا انت اجاوزت حدودك واذا ماتحترم نفسك
أبلغ عليك زوجتي شريفه وماعدها هيج سوالف
...زين اني هسه راح اثبتلك اني وياها على تواصل
انت بعد الزواج طلع عندك ضعف وجاي تراجع
وهي طلعت مابيه شي
انت يوميه بليل تروح الاهلك وهي تتحجج بلتنضيف ونكعد نحجي اني وياها بلتليفون
انت اليوم بلذات دزيت ويه اخوك يجيبلكم مسواك
وقبل اسبوع طلعت حتى تستلم الراتب انت واخوك
اني كنت احجي وياها بلتليفون واجت زوجت ابوها
علاء اذا ماتحترم نفسك اجي اشك حلكك حقير نذل
...زين اسمع هاي مني المفتاح مال الباب انطتني نسخه حتى ادخل واطلع براحتي
حتلو انت موجود لان انت ماتشوفني ابد
روح شوف المفتاح راح تلكي ماكو باقيه بس نسخه وحده
عوفه لان اني احبه ومراح اخليك تتهنى بيه ابد
اني احبه من زمان
ومستحيل اعوفه الك ابد
علاء سديت التليفون معقوله جنه جاي تضحك عليه
ونكول احبك وهي جاي تخوني
اذا كلامه جذب ليش نسخة المفتاح ماكوووو
شمدري بيوم الراتب اجت ام حمودي
شمدري احنا اليوم دزينا على مسواك بيد عزام
علاء جنه جنه بعصبيه تعاي بسرعه
جنه شكو ليش عصبي
علاء اكعدي اريد احجي وياج
جنه بس خل اشغل الغساله واجي
علاء كلت اكعدي انتي جانت عندج علاقه بواحد قبلي
جنه تحجي صدك لو تتشاقه
علاء ششوفين وضعي مال شقه احجي بسرعه
جنه طبعا لا ماكو هيج حجي
علاء وين نسخة المفتاح وديتيه
جنه مااعرف ووين
علاء انطيتيه اله حتى يدخل ويطلع بكيفه
جنه منو الي يدخل ويطلع بكيفه
علاء حبيبج السابق نسيت اسئله على اسمه
جنه منو حبيبي اني ماعندي حبيب
جمانه السعيدي
علاء لعد شمدري اني عندي ضعف وجاي اتعالج
جاي تشكين كدام الناس
وتكولين عنده ضعف وانتي متحملتني كوه
من البدابه كتلج اذا ماترديني كولي وننفصل
ليش تخليني بهيج موقف صعب
جنه اني ماحاجيه الاي احد وماعندي واحد بحياتي غيرك
انت حبيبي ومااحب واحد غيرك ابد
علاء اكبر جذابه انتي تضحكين عليه وتستغلين مشاعري
جنه اريد افتهم شكووو حتى اجاوبك
علاء حبيبج السابق اتصل ويهددني يريدني اعوفج
حسب مايكول هذا اتفاق بينه وبينج
جنه ولله العضيم ماعندي اي حبيب ومااعرف منو اتصل بيك
علاء شلون اصدك وهو عنده نسخت المفتاح الي كلتي علي
ضاع وانتي منطيته اله
المصيبه شلون تكولين زوجي عنده ضعف
المفروض هذا سر بينا اني وياج
بعد منو يدري احجي
شوفي اني مااكدر اتحمل هذا الوضع جمعي ملابسج وروحي بيت اهلج
وراح توصلج ورقتج بأسرع وقت ممكن
ماجنت اعرف اني مانعج من حبيبج
جنه شنو اهلج اني منيلي اهل انت اهلي اقسم بلله كل الي كلت علي ماصار ابد
علاء ردت اكوم وصارت الطبله كدامي اول مره مااعرف مكان الأشياء من العصبيه
ضربته جلاق وكسرته هي وكل الي عليه
علاء كتلج اطلعي اطلعي من ببتي مالج مكان بي ابد
فهمتي
جنه قربت علي وكتله اهدء
علاء بس قربت عليه دفعته روحي روحيله
اني اسف كنت واكف بطريقكم
اني انسان بلا فائده لا اشوف ولايصير عندي اطفال
حقج حقج تكرهيني
جمانه السعيدي
جنه كمت ابجي ولله مااعرف هاي المعلومات منيبن جابه
وليش علاء هلكد عصبي
رحت للغرفه الثانيه وكعدت ابجي
علاء رحت وراها كلت اطلعي من بيتي فهمتي
بعد مالج مكان بي ابد
اخذت العكاز وطلعت من البيت
. اسمعي ارجع مالكاج بلبيت فهمتي لولا
جنه ياربي وين اروح الدنيا مغرب وين اروح
مااريد ارجع تحت رحمة زوجت ابوي
لو بس اعرف منو الي اتصل بعلاء وليش يريد يخرب بيتي
اني شسويت
اني ماعندي اعداء لا أكره احد ولا احد يكرهني
محمد الو ام حمودي الخطه نجحت علاء طلع من البيت عصبي وصوتهم كان واصل الاخر الشارع
ام حمودي عفيه كمل الخطه وتعال اخذ مكافأتك
