رواية ضلام الفصل الثامن بقلم جمانه السعيدي
ام حمودي اليوم الي ترجع خدامه جوه رجليه تاخذ حقك وازيد
محمد اوكي اتفقنا
ام حمودي سديت التليفون اي جنه ارجعي مثل ماجنتي
خدامه وحسره عليج الثوب
تكعدين بكتله وتكومين بكتله
اني تحجين عليه وتغلطين
ولج اني وين وانتي وين
النوب الله انطاها على مايه
الرجال يموت عليه والعيال زينيبن شنو من حظ عده
هسه هسه ترجعين واخليج تشوفين الي عمرج ماشفتي
بعينج
جنه كعدت وكمت ابجي ليش هيج علاء يكول عليه
ومنو اله مصلحه يخرب حياتي
اني ماحاجيه كدام اي احد على علاج علاء لو على حالته
محد يعرف بس اهلي واهله
ومستحيل واحد منهم هيج يسوي شنو مصلحتهم يخربون حياتنه
بقيت كاعده انتضره بلكت يرجع شويه هادء ويسمعني
محمد بقيت انتضر علاء يرجع حتى اكمل الخطه
لازم اكمله حتى احصل الفلوس الي اتفقنا عليه
لازم انفذ بدقه وحذر
بعد ساعه شفته رجع من بعيد
خرب ابليسه عبالك يندل ببتهم
صدك هو اعمى شلون يندل البيت هذا مو اعمى غضب
قرب على بيتهم واني فتحت الباب بالمفتاح ودخلت على كيف
جنه سمعت الباب انفتح بلمفتاح بس علاء مادخل
شويه وماسمعته دخل
طلعت اشوف شكوووو
وصلت علاء دخل واكوواحد بيتنا دفعه وطلع
مدري شحجه وياااا
بس سمعت اسمي
علاء رحت شويه تمشيت اريد العصبيه تطلع مني ماكووو
هلمره هذا الغلط ماينغفر ابد
لازم ننفصل وكل واحد يبعد عن الثاني
بس وصلت للبيت وفتحت الباب دخلت جان واحد اكو جوه
دفعني وصاح جنه لاتخافين محد يفرقنا ابد
جمانه السعيدي
جنه رحت يم علاء وكتله هذا منو
علاء بعصبيه هذا منو ماتعرفين تغشمين نفسج
شكد شفت بحياتي بس وحده حقيره مثلج ماشفت
كمت اضرب بلعكاز بلهوى
علاء حقير شكو باقيه بيتي الهسه اني موكتلج بعد مااربدج بيتي
والنوب جايبه صاحبه للبيت وجايه
الله لابوفقج الله لايرضا عليج اطلعي اطلعي من بيتي
واضرب بلهوى اربد اوصل يمه واضربه
حتى يرتاح كلبي
جنه شنو جايبته للبيت ولله مااعرفه ولا شايفته هسه تفاجئت بي مثلك
علاء اطلعي اطلعي اطلعي مااريد اسمع صوتج ابد
اطلعي برا
جنه طبعا على صوت صياحه اجو بيت عمي
عمي شكوو شصاير
جنه اهي اهي ولله مااعرف شبي علاء
علاء لا تجيبين اسمي اطلعي برا اكلج
عمي أشر الخالتي تاخذني بيتهم وهو بقه ويااا علاء بلبيت
رحت ويه خالتي البيتهم
كعدت ابجي هو اني ادري بحضي قابل اني وجه فرح
بس لو اعرف منو هذا
وليش هيج يسوي
خالتي شبي علاء ليش عصبي
جنه ولله مااعرف مااعرف شبي
جمانه السعيدي
محمد الو ام حمودي حضري فراش شويه وتجيكم جنه
زعلانه
ام حمودي اذا اجت هسه وهي مكتوله ازودلك المبلغ
عمي شبيك وليدي ليش عصبي
علاء حقيره تواعد صاحبه بيتي
عمي شنو هذا الحجي
علاء صاحبه يتصل عليه ويكول اني احبه من زمان عوفه
اربد ازوجه
ومسولفتله كل أسرار بيتنا
حتى على علاجي مسولفه
ومنطيته نسخه من المفتاح حتى يدخل ويطلع بكيفه
هسه رجعت من برا
دفعني وطلع يركض
عمي اهدء انت متاكد من هذا الكلام
علاء اكله دفعني وطلع يركض جان وياها بيتي
مو بس هسه
يكول اني كلما تطلع اجي البيتك بيتي صاير ملتقى اله هي وياااا بت الحرام مااريده
اني بعد مااريده هسه اطلكه
عمي اهدء كل مشكله واله حل العصبيه موزينه عليك
يصعد الضغط بعيونك
علاء ليش هيج ولله اعامله احسن معامله ومدلله دلال ماصاير شنو ناقصه وتسوي هيج
لان اعمى لو ماخذه واحد يشوف مايعامل هاي المعامله لو تموت
خليه خليه ترجع خدامه بيت اهله
هي هذا مستواها بس اتصير ام بيت وتامر وتنهي
هذا مو ثوبه
بشرفي اله ارجعه منيين مااجت
جمانه السعيدي
ام حمودي بقيت كاعده ومنتضرته حتى اتشمت بيه
اريد اشوفه ذليله حتى ارتاح نفسيا
جنه بقيت منتضره عمي يرجع حتى افتهم منه شكووو
اكثر من ساعه يله اجه
كمت لا كيته فدوه عمي فهمني شبي علاء ليش هيج
صاير اني شسويت
عمي اريد تصارحيني وتحجين الحقيقه
انتي اكو واحد بحياتج قبل علاء
جنه لا ماكو اي احد
عمي اذكري ايجوز واحد عفتي ويريد ينتقم منج
جنه كعدت وكمت ادك على راسي وويني وين الحب
جنت باب البيت ماافتحه
اكعد واكوم بالغلط والحجي والضرب
الكل جان يعيرني ويغلط عليه
بس لان وجهي بي وحمه
حتى الزواج اتأخر عليه بسبب اهلي وشكلي
بعمري مااعرف احد ولا متعرفه على احد
ولا حاجيه وي احد
اصلا مااطلع لان الناس كله تباوع عليه بشمئزاز
وكأني مرتكبه جريمه
ولا عبالك هاي خلقه الله
جمانه السعيدي
علاء كان أول انسان يعاملني معامله حلوه ويحسسني اني انسانه طبيعيه وماناقصني شي ابد
عمي بس اكو واحد متصل بي وكايله هو حبيبج السابق
ويريد علاء يطلكج حتى يرتبط بيج
وحاجي هواي تفاصيل عن حياتكم بادق التفاصيل
حتى علاج علاء
ورقم تليفونج وتفاصيل بيتكم والمساواك
حتى من علاء يجينا بليل وتبقين وحدج
هذا الشي خبل علاء لان كلشي حجاه حقيقه
جنه منو هذا ومنيين جاب هاي المعلومات وليش يريد يخرب حياتنا
جنه التفتت شفت قرآن على الكومدي
جبته وخليت ايدي علي
اقسم بالله العضيم لا أعرف أحد ولا احب احد غير علاء
وبعمري ماحاجيه وي اي احد بلتليفون
ومحد يعرف أسرار بيتنا بس انتم واهلي
واهلي اني علاقتي ببهم مكطوعه
تونا اصالحنا وعزمونا واني ماجنت موافقه اروح ابد
بس علاء صمم
مستحيل اهلي يطلع منهم هيج شي
لان همه الي شجعوني على هذا الزواج
اني جنت رافضه
وهمه صممو هذا الزواج يكمل مستحيل يخربون حياتي
عمي زين هذا منيبن الي طلع من بيتكم هسه
وعلاء سامعه يكول جنه لاتخافين محد يفرقنا اني وياج
جنه ولله مااعرف ورب السموات والأرض مااعرف
الله لابوفقه الي يربد يخرب بيتي
اني شمسويتله ليش يريد يخرب حياتي
عمي ولله مااعرف
جمانه السعيدي
جنه عمي فدوه اطلبك طلب ولاتردني
صار خمس اشهر مزوجه ماشفت منكم اله كل الخير
اريد اطلبك طلب ابقه بيتكم خدامه
وماارجع الاهلي
واذا انتم هم طردوتني اكعد بابكم واسكت
انتم اهلي اني ماعندي اهل غيركم
الله يرضاعليك لا ترجعني الاهلي
دنكت على ايده وبسته
عمي استغفر الله لاتكولين هيج انتي بنيتنا
واني مراح اعوفج اله اعرف الحقيقه شنووو
اذا الج حق اني اطلعه من عين السابع
اكعدي واسكتي هذا بيتج
جنه رحت توضيت وكعدت اصلي واستغفر ربي
كمت اردد اللهي مسني الضر وانت ارحم الراحمين
علاء من كد العصبيه مااكدر انام ولله انصدمت بيه صدمت عمري
معقوله هي هلكد فنانه شلون قنعتني بلحب وهي تحب واحد غيري
همزين كشفته قبل لا يصير عندي اطفال منه
ام حمودي كاعده ومقابله الباب صارت الساعه ١٢ وهي ماكووو
معقوله تصالحوا
بسلا تصالحووو وكلشي دبرته فشل
معقوله زوجه الهلدرجه يحبه وماصدك كلام محمد
ليش الهسه مااجت ووين راحت
ابو حمودي شبيج اليله تحوسين ليش ماتنامين
ام حمودي اي هسه راح انام
جمانه السعيدي
جنه اليله كله ادعي وابجي معقوله اني مالي حوبه يم رب العالمين
اريده يبين حوبتي بلي ضلمني
ليش اني عشت حياتي كله مضلومه
اريد حقي يارب العالمين
واذا مكتوب النا ننفصل اني وعلاء
مااريد ننفصل بفضيحه اني مالي ايد بيه ابد
صليت صلاة الصبح وخليت راسي على السجاده ونمت
واني كلي امل رب العالمين راح ياخذلي حقي من الناس الي ضلمتني
خالتي داخله للغرفه ومغطيتني وخاله مخده جوه راسي
خالتي ولله تكسر الكلب غافيه على السجاده
عمي ولله ماادري بيه مبينه فقيره وماعده هيج سوالف
بس من تسمعين كلام علاء
تتعجبين كل تفاصيل حياتهم هذا الولد يعرفه
علاء من حقه يضوج ويعصب
ام حمودي كعدت الصبح وجنه ماكو مارجعت ابد
انتضرت للعشره وقررت اتصل بيه
وكنما اطمن عليه واعرف شصار بينه وبين زوجه
جنه بلعشره دك التليفون
كوه فتحت عيوني اباوع ام حمودي
جنه صباح الخير
ام حمودي صباح الخيرات شبي صوتج انت باجيه
جنه لا مابيه شي ابد بس بلاعيمي شويه مطبكات
ام حمودي متأكده مابيج شي
جنه لا مابيه شي
ام حمودي اي شكو ماكوو
جنه كلشي ماكوووو
ام حمودي اني حاسه اكو شي شكلج ضايجه الأمور تمام بينج وبين علاء
جنه اي كلشي تمام
ام حمودي اي احجيلي شصاير
جنه ركزت بكلامه تلح تريد تعرف شكووو وكنما تدري اكو البارحه عركه بينا
جنه كلشي ماصاير
ام حمودي هاي شبيج احجي اليوم ساكته ماسولفتيلي
شسويتي شطبختي منو اجاكم منو راح
جنه ركزت اكثر ليش تلح وكنما تعرف شكووو
او جاي تبوك الساني معقوله ام حمودي اله ايد بهاي المصببه
اي ولله هي يوميه تتصل وتأخذ تقرير عن حياتي كله
بسلا صدك معقوله وصل الحقد بيه الهاي الدرجه
تريد تهجم بيتي
شكرا لزيارتكم عالم روايات سكيرهوم
