رواية الشيعي وبنت الانبار الفصل السابع بقلم بنين البصراوي
سر مخفي بحسنها حاجباها
وخط الطول يمكن حاجباها
خاف عليها ابوها حجباها
گمر وتحجبت وشلون بيه
ـ╗══ೋ • ♡ • ೋ══╔ـ
آلُگآتٌبْہ ۆآلُرۆآئيَہ بْنْيَنْ آلُبْصٍرآۆيَ
خلف گعد من النوم بعد ما جهز نفسه واغراضه ومنتضر ادهام
اندك الباب ودع امه وابوه وطلع
ستار ها بويه صباح الخير
ادهام صباح النور حجي
ستار فوتو تريگو وبعدين توكلو
ادهام سفره دايمه بس ورانه طريق ناكل على طريقنا انشالله
ستار اذا هيج درب السلامه
خلف يا الله
ادهام توكلنا على الله
خلف عادي نمر على صاحبي عندي شغله اخذها منه
ادهام اي يولي عادي بس وين
خلف التنومه
ادهام يالله
مشى وصلو للتنومه
ادهام وينه
خلف اطبگ هنا وتعال انزل
ادهام نزل وراه
خلف ترا هذا الولد يسوي گيمر عرب فوگه عسل جبتك اريد اضوگك گيمر البصره ههههه
ادهام ههههه اي والله جوعان
تريگو وشربو جاي وفترو شوي صارت الساعه بـ ٧ طلعو مودعين البصره متجهين للانبار
،
،
،
عباس گعد بعد ماضربت الشمس بعينه من وره الشباج گام توضه وصله وشاف راشد الي حرارته مرتفعه
عباس راشد راشد
راشد ها
عباس گوم
فز محمود على صوت عباس
محمود شكو
عباس تعال ناخده نسبحه حرارته مرتفه
محمود والكسر
عباس مانخلي يلوحه ماي
محمود يالله دخلو للحمام وسبحوه لان جان حار كلش بدت حرارته تنزل
عباس اگلك جيبله خافض حراره شو مصخن كلش
محمود اي يالله
راشد آآآآآآخ
عباس گاعد يمه ومنتضر محمود
مرت نص ساعه ودخل محمود
محمود هذا الدوه بس لازم ياكل انا جبت ريوگ وياي
عباس اي عفيه
كعدو وجاب محمود جاي واكلوه غصبن عنه وشربوه الدوه ونام بسرعه
عباس گعد هو ومحمود ياكل
عباس عفيه مره ماتسئل عله رجلها يوم كامل
محمود هو اصلا مايريدها بس يريدله سبب مايشوه سمعتها حتى يطلگها
عباس والله محد يفكر بيها مثله
محمود راشد من زمان هيج فطن ومايحب يفضح احد هو يريد يستر عليها علمود اهلها هم
،
،
،
،
الساعه بـ ١ الضهر
خلف جان نايم نزل ادهام يگعد بيه
ادهام خلف خلف يولي اصحى
خلف ها ها نازل
نزلو ادهام وخلف بـ الطريق على مطعم وصلو وبعدين تغدو
خلف يباوع على ادهام الي نعس كلش
ادهام شرب اكثر من 5 استكاين جاي بس ما فاد
خلف انا اسوق انت تعبان
ادهام خاف تصير زحمه
خلف لا رحمه خويه انت تعبان
ادهام خوش والله تعابان كلش امس مانايم كلش نتوكل
خلف يالله
طلعو كملو طريقهم
وادهام راح بسابع نومه
،
،
،
گعد راشد من بعد الم فضيع حس نفسه مرتاح
محمود ها يولي الحمد لله على سلامتك
راشد الله يسلمك
عباس سلامتك حبيبي عدك العافيه
راشد الله يسلمك
صابرين :، زوجة راشد المواصفات غثيثه بشكل وحقيره حيل (هههه تعريف حلو مو
راشد انا رايح لبيتي رحم الله والديكم شباب ماقصرتو
محمود احنه اخوان مابينه هل حجي
عباس يلا محمود نوصل راشد
محمود يلا
عباس صعدو راشد ب السياره متجهين لبيته
راشد هذا بيتي
عباس اساعدك
محمود تضل يمنه
راشد حضن عباس ومحمود انتم اخواني ومادامكم بضهري ما اطيح
عباس دير بالك على نفسك
محمود مو تگوم للحمام بحدك انتبه عدل
راشد ههه انشالله
دخل للبيت وتلگته صابرين
صابرين انت من امس بايت بره البيت وين جنت
راشد بعد تعالي اخذيلج راشدي اسكتي لا اطلع غضب الله بيج
صابرين شبيها رجلك
راشد انكسرت
صابرين تستاهل
راشد كتم غضبه ودخل للغرفه وگعد
صابرين اريد اروح ل اهلي
راشد ماكو روحه
صابرين اهوووو شون عيشه
طفر عليها لزمها من شعرها
راشد صارلج اسبوع يم اهلج ونهار كله گاعده هامله بيتج ورجلج ولسانج طويل ساكت علمود ابوج لاتخليني اجيب شريجه واكسر راسج لو اطلگج
صابرين لا لا اله الطلاگ
راشد روحي حضري غده وصيري ادميه ترا صبري بلش يخلص وياج
راحت سوت الغده وهيا ساكته ونضفت وجرة جره عدله
الساعه بـ١٠ بـ الليل
ادهام كعد بعد ماشبع نوم كلش
خلف صباح الخير هههه
ادهام هذا كله نوم
خلف شسويلك
ادهام ماتعبت
خلف متعود هناك اكو مطعم ننزل
ادهام اي والله جوعان
خلف يلا
،
،
،
بيت عثمان
عباس محمود مانروح لعباس
محمود علواه
عباس يلا
طلعو يتمشون لأن بيته قريب ع بيت عثمان
دگو الباب
صابرين منوو
محمود يا الله خويه انا محمود راشد موجود
صابرين ايي
محمود گليله احنا بره
صابرين نايم تعبان
عباس سلمينه عليه اذا گعد
صابرين يوصل
دخلت للبيت
راشد منو بره
صابرين جيرانه كتلها زوجي تعبان وراحت
راشد سويلي جاي
صابرين حاضر
،
،
،
،
اليوم الثاني
الساعه ٧ الصبح
طلعو محمود وعباس للربعه ينضفوها
ادهام دخل للانبار وخلف بسابع نومه
ادهام وگف گدام الربعه )يولي خلف گوم وصلنه
خلف ها ها اي گعدت
نزلو يتمشون وكف خلف وره باب الربعه
ادهام شلونكم شباب
محمود عباس اهلا نورت
عباس نورت
ادهان فوت
دخل خلف
عباس طفر عليه حضنه ومو مصدگ
خلف خانته عيونه ونزلت دموعه وضل يبجي آخ ياخويه انكسرت بغيبتك
عباس باس راسه وگعده يمه
عباس شلونك شلون عمي عمتي البصره شلونها
خلف يسلمون عليك والبصره منتضرتك
عباس ياخويه الي يسمعك يگول ماتدري ب الي يصير
خلف عمامك تنازلو ويردون يعتذرون منك
عباس احلف
خلف وروح عمي
عباس الحمد لله يارب
هل ياترى راح تم الفرحه على خير
ام للقدر رئي آخر
