رواية الشيعي وبنت الانبار الفصل الثامن بقلم بنين البصراوي
تعال ولمني وسولف لي لين اغفى
وقول لي بايع الكون كله ل عيونك
وان قلت لك لا تخليني تكفى ..!!
غني لي بهمس أنا ما أعيش من دونك🎵
آلُگآتٌبْہ ۆآلُرۆآئيَہ بْنْيَنْ آلُبْصٍرآۆيَ
❥✿•┈┈┈• •°~°• •┈┈┈•✿❥
ادهام يولي راشد وين
محمود انكسرت رجله وگاعد ب البيت
ادهام طفر بسرعه ومخلينه يم هاي العگرب
محمود امس رحنه نشوفه كالت نايم
ادهام جذابه بت عمي واعرفها بس لو ادري المن تزوجها عود انا حذرته منها
عباس امشونه نشوفه
ادهام انت ضل يم ابن عمك
عباس مامرجيه منك راشد اخوي
ادهام گومو طلعو متجهين لبيت راشد
اندگ باب البيت
صابرين هفففففف منووو
ادهام انا ادهام
صابرين وگع گلبها ولزمتها الرجفه هـ هلا خويه
ادهام فتحي الباب وفوتي جوه وياي الولد
صابرين حاضر دخلت تركض وسدت الباب دخلو للربعه وطلع ادهام دگ باب الصاله ودخل
ادهام راشدد راشدد
راشد هلا الحمد لله ع السلامه
ادهام انت الحمد لله على سلامتك رجلك شلونها
راشد الحمد لله زينه
ادهام تعال الشباب ينتضروك ب الربعه
راشد يالله جاي
گعدو الشباب يسولفون ويضحكون وتعرفو على خلف
عباس انا اترخص وراي شكم شغله اسويها
راشد اي روح وتعال خلف ضل هنا
عباس ههههه ماشي
طلع خلص شغله وراح يرتاح ب الربعه
ماسمع غير ....
،
،
،
عائشه اليوم اجو زلم ونسوان هواي واكو بيهن منقبات مافهمت ب البدايه بعدين عرفت ذول جايين يخطبوني گعدت ابجي ب الغرفه ليش هيج حضي آخ
مسحت دموعي ونزلت النسوان مكروهات كلش وكل وحده شايله خشمها اكثر من الثانيه
عائشه غوشت عيوني من الدموع بس انا اريد عباس گمت شفت العبي الي وره باب المطبخ اخذتلي وحده ورحت لبيت خالي رغم ماهو بعيد شوي
دگيت الباب وطلع خالي توفيق شمرت نفسي بحضنه وضليت ابجي
توفيق ها شبيج بويه
عائشه ابوي يريد يزوجني
توفيق حدري سد الباب وكعد يمها ب الحديقه
توفيق ليش ماتريدين تزوجين
عائشه ما اريد اتزوج هسه
توفيق تردين عباس
عائشه سكتت خوفاً
توفيق انا ادري عباس يريدج واجه وحاجاني عليج ورحت لـ ابوج بس مارضه
،
،
،
،
عمر دخل للبيت دور عائشه مالگاها
گبل حط عباس براسه طلع والنار تطاير من عيونه راح للربعه گبل
عمر عباااااااس
عباس خير حجي
عمر ماگدرت تتزوجها تخطفها بيوم زواجها مو ما انطيك بنتي عائشه عائشه طلعي ما ائذيج
عباس انفجر غضب بعد الصبر الطويل انت واحد حقير ونذل طلبتها منك ورفضت وماكو اي مانع انو ماتزوجني عندي خير من الله وهسه عمامي تنازلو وجنت رايد ارجع للبصره واجيبهم نخطبها رسمي بس البت شردت من خبالاتك ماحس غير حراره بصدره
عمر سمع كم هائل من الاهانات والشتم ماتحمل طلع سلاحه ورماه بصدره وطلع كبل
،
،
،
عائشه ابوووي خاف يئذي عباس عباله هو خاطفني
توفيق اي والله گووومي
طلعو للربعه ولگو عباس غركان بدمه
عائشه عباااااااااااااااااس
توفيق بيه نبض شاله وركض بيه للمستشفى
عائشه طلعت تبجي
محمود ادهام شبيج خويه
عائشه ابوي ذبح عباس
خلف شنووووو
عائشه تبجي بحركه راحت لبيت خالها وضلت يم امها وبس تبجي گامت صلت وقرت قرآن وتندعي مايصير شي
،
،
،
مر اسبوع وعباس بغيبوبه محد يدري يمته يگعد
وخلف سكن المستشفى وبس يبجي توفيق كاعد يمه وعثمان بس يندعيله والشباب ما فارقوه ولا لحضه
اما عمر ف ذبوه ب السجن الى ان يصحى عباس ويعرفون الي صار
اجو عمام عباس من البصره وانتضروه يگعد حتى يعرفون الي يصير بعدين
عائشه اكلها قليل وروحها يم عباس عايشه بس جسد
،،،
غرفه بيضه واضويه بعيوني گعدت واحس بشي على صدري راسي يئذيني حييل
دخل الدكتور لغرفه عباس الي صحى من غيبوبته وتحمدله بـ السلامه
وجان كلش زين بس نوبات صداع تروح وترجع
دخل ادهام اول الشباب بعد مارتب خطه براسه
ادهام الحمد لله على سلامتك
عباس الله يسلمك
ادهام اسمع هسه يجون الشرطه يحققون وياك تگول ضربني بدون اي سبب راح ينحسم الموضوع لصالحك بكلشي
عباس هو فعلا ضربني بدون اي سبب
ادهام خوش لعد بس
قاطعه دخول خلف وراشد ومحمود وتوفيق وادهام
يتحمدوله ب السلامه
شوي واجت الشرطه حققو وي عباس وگال كلشي صار وياه
توفيق البنيه ماجانت يم عباس اجت عدي انا خالها توفيق ال.......
الضابط اذن تحول الموضوع عشائري
ادهام ارتاح من جانبه
طلع عباس من المستشفى وراح لبيت عثمان وانصدم بوجود عمامه الي سلمو عليه وحددو موعد للگعده بعد اسبوع
ادهام عباس اسمعني شنو راح اگلك ب الضبط
عباس گول
مر اسبوع بدون اي مشاكل او شي وعباس اتفق وي عمامه على كلشي راح يصير ب الگعده
كعدو بديوان الشيخ مال عشيرة عمر وعمر جان موجود وتوفيق شاهد هو والشباب والناس الي شافت الي صار والشاب الي التقه بيه عباس
بده السلام بين الزلم وحجى شيخ عشيرة عمر
محمد بويه شني صار
عباس انا رحت وي الشباب نشوف راشد جانت رجله مكسوره بعدين طلعت التقيت بولد عنده ارض للبيع ردت اشتريها منه هذا هو قاسم
محمد هل كلام صحيح
قاسم كلشي گالو صحيح
محمد كمل بويه
عباس رجعت للربعه واجاني حجي عمر ضل يصيح عليه كتله الكلام الي بگلبي كله وانا رحت طلبت البنت منه مرتين بس هو رفض بكل مره ويتهمني بيها انا الشي اذا مو بشرع الله ما اريده هذا هو كدامك واسئله
بده صوت عمر يعلى بينما عباس هادئ جدا ونضرات ادهام الي تشجعه ع الكلام
محمد بويه شني تطلبه احنا حاضرين
عباس انا لا رايد فلوس ولا رايد شي اتنازل عنه ب القانون بس بشرط يزوجني بنته
