رواية نصف عذراء الفصل الثامن بقلم جمانه السعيدي
تغطيت وكمت ابجي حسيت نفسي حمل ثكيل عليهم وخاصتا فهد
بقيت بلغرفه حيل مقهوره من كلامه وماطلعت طول النهار من الغرفه لاتغديت ولاتعشيت بيومها ولزمتني صخونه
فهد...ماكان قصدي اجرحها بس اخاف عليها وخاصتا مهند ابد مامتوقعه هيج
صرت عصبي وصيحت عليها للغدا ماطلعت اتغدت دزيت سجى عليه كالت نايمه
للعصر ماطلعت من البيت حتى للمحل ويه ابوي مارحت
وهم ماطلعت من الغرفه
دزيت امي عليها كالت نايمه
للعشى وهي ماكو قررت اروح اشوفها شبيها
رحت يمها بس اني وياها بلغرفه لان البنات يحضرن عشى
وعمتي وامي يصلن
فهد...نرجس نرجس حاجيني
ما ردت عليه ابد
رفعت الغطى عن راسها صايره حمره لزمت وجها كاب نار
لزمت ايدها حاره
فهد طلعت صحت امي
فهد...يمه تعاي وينج ليش هيج البنيه كابه نار وانتي ماشفتيها مصخنه كلش
ام فهد...يايمه اجيتها لكيتها نايمه واني العصر طلعت مامتوقعتها مريضه
فهد...روحي جيبي ماي بارد وسويلها كمادات واني راح اجيب كبسول التهابات وابره مال صخونه واجي
وفعلا بدت ام فهد تسويلها كمادات شويه ورجع فهد
سحب الابره وانطاها الامه تضربها بلعضله
وكعدها وخله سجى تسندها من اجتافها وبلعت كبسول التهابات
فهد...عمه سويلها شوربه خفيفه خل تاكل لان بلا غدا
ابو فهد...شبيها نرجس الصبح شحلاتها سوتلنا ريوك ومابيها شي ليش هيج صار وياها
ام فهد...اي ولله راحت وياي الندى ورجعنا مابيها شي
جمانه السعيدي
عمتي كملت الشوربه وجابتها
نرجس...اسمعهم يحجون يمي بس من الصخونه ماليه خلك احجي ابد
حاولت عمتي توكلني وماقبلت اكل بكلبي حركه شكبرها من فهد
فهد... شو انطيني اني اوكلها خليت شوربه بلخاشوكه وقربته من حلكه دارت وجها عني
باعي اكلي احسن اللج
نرجس...ما اريد منك اي شي
فهد...تاكلين وغصبن ماعليج فهمتي
نرجس..ما اريد
فهد...اكلي لو اكلبها عليج وهي حاره
نرجس...انطيني اني اكل وحدي ما اريد منك شي
اخذته واكلت شويه وكتلهم بعد ما اريد
فهد بلبلته حسيت بندم موطبيعي لان حجيت عليها
والا تعس طردتها من البيت
اذا نرجس تعوف البيت غير اتخبل
بقيت كل اشويه اجي واشوف حرارتها
بس لا احجي وياها ولاهي تحاجيني
الحد ما اتاكدت صارت احسن
بليلته ماصعدت الغرفتي نمت بلاستقبال حتى اكون قريب منها خاف يصير بيها شي
نرجس...قررت هاي اليله تكون اخر ليله اليه ابيتهم فهد عند حق اني مسوليه اضافيه عليهم كافي تحملوني هواي
الصبح البس عباتي واطلع
كعدت الصبح قبل الاذن بشويه لبست عباتي ومشيت على كيف كنت كلش خايفه لان الدنيا بعدها ضلام
واخاف من الجلاب
بس اذا كعدو من النوم مراح يعوفوني اطلع من البيت
صحيح ما اعرف وين اروح
بس اكيد رب العالمين مراح ينساني
كلشي ما اخذت بس دشداشتي وشالي وعباتي واكو نعال جابته اليه خاله ام فهد لبسته وفتحت الباب على كيف وطلعت وطبكت الباب
جمانه السعيدي
فهد ...اني كعدت على صوت طبكت الباب بس من شفت الساعه كلت يجوز متوهم منو يطلع هيج وكت
تكلبت ماكدرت انام قررت اروح اشوف نرجس خاف مرتفعه
حرارتها
بس مالكيتها بفراشها خاف بلتواليت رحت باب التواليت مفتوح وماكو احد
بهاي الاثناء سمعت صوت جلاب ينبحن حيل
نرجس...طلعت امشي اقدم رجل وااخر رجل كلش خايفه مو شلون مجان
وصلت الراس الشارع وجان يجني اربع جلاب كل واحد شكبرا
اني رجليه بعد مايشلني من الخوف واكول هاي تاليتي الجلاب ياكلني
بقيت واكفه بمكاني بس شني دمي جمد من الخوف
فهد...فتحت الباب واباوع براس الشارع وحده واكفه والجلاب ملتمات عليها
ابد مامتوقعها نرجس
فتحت سركي الباب حتى لاينطبك عليه وتمشيت عليها
تقربت جان اتفاجى هاي نرجس
كمت امشي على السريع والجلاب بعدهن ينبحن عليها
شلت حجاره من بعيد وشمرتها عليهن
جان اسمع نرجس تحجي وتبجي
نرجس....فهد الحكلي راح ياكلني الجلاب
فهد...مشيت اسرع عليها شافني الجلاب وشردن
فهد...ليش طالعه وين رايحه
نرجس...اهي اهي اشوفلي مكان ثاني اعيش بي
فهد...ليش وبيتنا
نرجس...انت ماتريدني اهي اهي
فهد...انتي مخبله شلون ما اريدج
جمانه السعيدي
نرجس...فرحت بكلبي حيل من كلامه بس ضايجه منه
عفته ومشيت
فهد...وين رايحه
نرجس...موكتلك اشوفلي مكان ثاني اعيش بي اكيد رب العالمين مراح ينساني
فهد...واذا رجعن عليج الجلاب
نرجس...اضربهن بحجاره
فهد...هيج صرتي قويه موقبل اشويه تبجين
نرجس..اني قويه ومامحتاجه احد
فهد...زين اني راح ارجع واشوف القويه شلونها اذا اجنها الجلاب
فهد درت وجهي ورجعت اريد اشوفها شراح تسوي
امشي شويه والتفت عليها
طبعا ماناوي اعوفها ابد
نرجس...شفته رجع واني كمت امشي على كيف واتلفت علي
واكول بكلبي لافهد حباب لاتعوفني اخاف
مشيت شويه واكو جلب تكرمون بلزباله نبح عليه واني درت وجهي وطكيته ركضه ورا فهد
واصيح...فهد الحكلي اجاني الجلب
الجلب من شافني اركض ركض وراي
فهد..نرجس تركض وراي واني ميت ضحك عليها
فهد...لا اني ماليه شغل انتي مو قويه روحي للجلب
الجلب بس وصلت يم فهد عافني ورجع
نرجس....بس اني ما اريد اروح وياك
امشي ويااا راجعين للبيت واكله ما اريد ارجع وياك
فهد....مد ايده ولزم ايدي وباسها
انتي من كل عقلج اعوفج اني تعودت عليج وصرتي شي مهم بحياتي
جمانه السعيدي
نرجس...بس كال هذا الكلام حسيت نفسي شكد احبه
لا احبه اول ماشفته بس ماكو فرصه اعبرله عن حبي اله
عصبيته وخوفي منه حاجز بينا
وصلنا للبيت ودخلنا بس دخلنا اذن اذان الصبح
نزعت عباتي وتوضيت ودخلت اصلي
كعد عمي وخالتي للصلا بس شافني عمي كال
هاا بويه شلون صرتي قلقنا عليج البارحه
نرجس....صرت احسن الحمد لله
صليت ودعيت ربي من كل كلبي
ربي لاتحرمني من هاي النعمه....ربي لاتحرمني من هذا الامان
ربي احفضلي هاي العائله وخليهم يكونون اهلي للابد
نمت نومه عميقه وكاني مانايمه ابد
كعدت على صوتهم يتريكون ويسولفون
طلعت صبحت عليهم وغسلت وكعدت
ام فهد...الحمد لله على السلامه خوفتينا البارحه
هاي شنو طالعه لطمت حمه بشفتج
نرجس شكرا خاله اني جاي ازعجكم
مديت ايدي على شفتي
صدك طالعتلي لطمت حمه
ابو فهد يابويه انتي من معزت بناتي تعودنا عليج
شلون لو رجعتي الاهلج
راح نستاحش عليج
فهد اني اليوم اجيبلج عصاره زينه من اجي من المستشفى
هاي لان صخنتي البارحه طلعت
نرجس صفنت واكول معقوله هاي النعمه الي اني بيها
ديمها عليه ياربي
بيومها بقيت منتضره فهد بفارغ الصبر
وكلماته ما تروح من بالي ابد
بس دك الباب رحت اركض فتحته
شافني وابتسم
...هلووو شلون صرتي
...احسن الحمد لله
طلع العصاره وكال ادهني بيها مرتين بليوم
بعدين غمزلي وكال تردين اني ادهن شفتج
....ضحكت ودنكت اول مره يحجي وياي هيج
تغدا وصعد الغرفته يرتاح متعود ينام ساعه ويروح للمحل ويه عمي
اندكت الباب رحت فتحته لكيت نسوان ثنيين يسئلن على خاله ام فهد
دخلتهن جوا ورحت صحت خالتي
رحت حضرت الجاي ودخلت عليهن
سمعت خالتي تكول ميخالف اني اكول الابو فهد ويصير خير انشاء الله
طلعن النسوان وصلتهن خالتي للباب ورجعت
شويه ونزل فهد
ام فهد لو تعرف منو جان عدنا
فهد منو
...ام صديقك سالم الي يشتغل بلمستشفى وخالته جايات
يخطبن نرجس
فهد شلون يعني خاف متوهمه
...لا هنا كالن ام عيون الخضر شايفها بعملية سجى
...وليش ما كالي أليوم هو وياي
...ما ادري
...وانتي شرديتي عليهن
...كتلهن يجي ابو فهد واشوفه شيكووول
...يمه سدي الموضوع رجاءءء واني راح احجي ويااا
سالم يازواج يابطيخ
طلع وهو ينفخ نار وكلش عصبي
شكرا لزيارتكم عالم روايات سكيرهوم
