رواية رماد انثي الفصل التاسع بقلم جمانه السعيدي
مرام...رجعت للبيت ضايجه ومعصبه
مجاي اكدر اخذ القرار الصحيح
مااكدر ارتبط بعادل ضروفه صعبه ومراح يقدملي شي
بلعكس راح ازيد عليه المسوليه اكثر
ومصطفى...أمبين مراح يخليني اكمل بلوضيفه
من هسه يحجي بلطبخ والتضيف والاطفال
واحتمال يجيب جهاله
وتوكع بلمسوليه الجبيره عليه يعني اذا ورا الزواج كال عوفي الوضيفه وانتبهي البيتج شراح اسوي اهلي منيين يصرفون..قصص وروايات عراقية كرار صلاح
دخلت للبيت لاكتني هيام طالعه من الحمام
مرام...هلو هيام.
هيام...هلووو
مرام...عندي موضوع اريد اخذ رائيج بي انتي وامي
هيام...خير شكووو احجي بسرعه ا ريد اطلع
مرام...يعني مره وحده حسسيني انتي اختي وتخافين عليه
عبالك عايشه بغير كوكب
لو نايمه لو طالعه
اكعدي وياي وسئليني شوفي شنو ضروفي اذا عندي مشاكل
هيام...احجي اني اسمعج
مرام..تعاي يمه هنا
امي..خير ليش عصبيه شكووو
مرام...اني متقدميلي ثنيين
واحد خريج محاسبه ويشتغل بعلوه مخضر راتبه ٥٠٠
وامه مجلوطه بلبيت
بس يحبني ويريد خاطري حيل
واني جربته لو عندا مايقصر وياي ابد
والثاني موضف بلتربيه مزوج ومنفصل وعمرا ٣٨ عندا بيت وسياره وراتبه مليون ١٥٠
بس شرطه جهاله اذا ازوجت امهم يعيشون ويانه
ولمحلي اذا صار عدنا اطفال مايريدني اداوم ابد
امي...بكيفج يمه انتي جبيره وتعرفين مصلحتج
هيام...لا هذا ولا هذا شنو هلفكر وتقبلين بي
لا تكولين الحب اهم من الفلوس
جذب ولله جذب الفلوس أهم شي بلدنيا
اذا ماعندج فلوس ماتاكلين
ماتشربين اذا تمرضتي ماتتعالجين
حتى ملابس بيه خير ماتلبسين
المجتمع الي عندا فلوس تحترمه وتقدره
يعني اذا تعبتي ونهد حيلج يحبج وترتاحين
اذا جوعانه بلحب تشبعين
عمي بطلن هاي السوالف الفلوس أهم شي بلدنيا
لو ذاك اكبر منج ١٥ سنه ومنفصل ويجيب جهاله ترببهم
ويمنع من الدوام
شنو هلتحكم على شنو تقبلين
بعدج بنيه وشابه اصبري وحاولي تخلقين فرصه احسن
قابل الحياة بس زواج
طوري نفسج ولا تخلين هدفج الزواج بلحياة
اشتغلي على نفسج
ولمن تلكين الشخص المناسب الي يقدرج ويعيشج
بخير ودلال يله تقبلين
مرام...يعني ارفض
هيام...اي ارفضبهم ثنيبنهم واصبري..قصص وروايات عراقية كرار صلاح
مرام...رحت كبل غسلت وتمددت بقيت اتكلب مااجاني نوم
منضر عادل وهو عصبي ويسحبني من ايدي مايروح من بالي ابد
اعرف يحبني بس مابيدي شي
يعني شيصير هسه لو عادل بمكان مصطفى
وحالته الماديه زينه
مرام...بقيت قافله تليفوني يومين بس فتحته اتصلت بااحلام ورجعت قفلته
ثالث يوم رحت للدوام واجتني نسرين
نسرين...صباح الخير
مرام...صباح الخير
نسرين...صار يومين احاول اتواصل وياج وتليفونج مغلق
مرام...اي جنت مريضه وقفلت تليفوني
نسرين...صدك مخطوبه
مرام...لا
نسرين...لعد هذا منو الي طلع على مصطفى ويهدده
مرام...هذا اقاربنا خطبني واني رفضت
نسرين...زين شصار من موضوعنا
مرام...اسفه مااكدر مصطفى خوش انسان ويستاهل وحده احسن مني
نسرين...ليش تكولين هيج
مرام...ماكو قسمه من رخصتج
عفته وطلعت
هيام...بليل اتصل عليه صميم
هيام...هلووو حبي
صميم..هاي عليه
هيام..ماتعرف انت شسويت نقذتني
صميم...مو تدللين راح ادزلج صور واختاري الفستان الي يعجبج للخطوبه
هيام...تحجي صدك
صميم...انتي ماعندج ثقه بيه هاج اتفرجي
هيام..دزلي صور فساتين وواحد احلى من الثاني يخبلن
ماشايفه هيج جمال
اختاريت واحد لونه بنفسجي على فضي فصال السمجه
واكتافه مفتوحه
صميم....وشوفي اي موديل ذهب يعجبج
هيام...ولله الموضوع دخل بلجد انت متاكد
صميم...يله اختاري
هيام...يمه ماشايفه هيج جمال بكل عمري وواحد احلى من الثاني
اختاربت واحد بس بعدني مامصدكه
صميم...بلعافيه حبيبتي اريد تحددين موعد وياا الاهل
على رأس الشهر
ترا مااريد اتاخر ابد
خلال أسبوع مكملين كل الاجراءات ونتزوج حتى ارجع لدبي..قصص وروايات عراقية كرار صلاح
هيام...اي راح افتح الموضوع وياا امي واختي
بس نتفق انت تكول انت مدير شركه مكياج وهيام جانت تروجلي وشفته وعجبتني واجيت اخطبه
واني اتكفل بالباقي تمام
صميم..تمام التمام خل اشوفج الشقه الي راح تعيشين
بيه
فتح كامرا الشقه جبيره وحلوه والأثاث كله مودرن حديث
وغرفة النوم من هاي الطراز الملكي
حسيت كلبي راح يطير من الفرح
هيام....يمكن اني احلم
صميم... شهر العسل بدبي لان مرتبط بشغل ومااكدر اسافر
هيام...اني نفسي اسافر الدبي من زمان
احلام...هاا شصار من موضوع مصطفى
مرام...رفضت
احلام...ليش
مرام...مامستعده ابد اخطي هيج خطوه
بلكت تجيني قسمه احسن
مرام...رجعت للبيت وهيام اجت
هيام...عندي الكم مفاجئه راس الشهر راح تكون خطوبتي
مرام...انتي انخطبتي
هيام...مدير الشركه الي اشتغل بيه طلب ايدي
مرام...تحجين صدك
هيام...طبعا لعد مثلج وواحد حافي وواحد منفصل
امي...وين شافج
هيام...قدمت اوراقي للشركه اشتغل بيه وشاف صورتي
وفاتحني بلموضوع واني موافقه
مرام...موافقه بدون ماتسئلينا
هيام...هم عوزي ترفضين العلمج صميم مدير شركه بدبي
وراح نزوج واسافر الدبي ويااا
هاج شوفي فستان الخطوبه
وهذا سيت الذهب اشترالي
ولو شايفه الشقه تهوس
اني موافقه وكلشي راح يخلص بأسبوع واحد
هو مهر هو خطوبه نعقد بلمحمكه والعرس بدبي
مرام...اشفتي منه شنو اخلاقه ابن من شلون عرفتي ضروفه ايجوز رئيس عصابه
هيام..حقج مامصدكه اختج تاخذ مدير شركه بدبي
مرام...يعني نسئل منو عنه حتى نعرف كلامه صدك جذب
هيام...انتي لا تسئلين ولا تعبين نفسج
حتلو رئيس عصابه اني موافقه بي
أهم شي راح يعيشني ملكه ويصرف عليه ومااحتاج شي
مرام...مايصير لازم نسئل عنه
هيام...حتلو ماتوافقون اني ازوجه واسافر
عمري يسمحلي اخذ اي قرار وحدي
اني انطيتكم خبر خاف تردون تحضرون نفسكم
مرام....حجت هذا الكلام ودارت وجه وراحت واني وامي وحده تباوع بوجه الثانيه
هيام خرجت عن السيطره ومااكدرله..قصص وروايات عراقية كرار صلاح
مرام...صار اربع ايام ماسمعت اي شي عن عادل
وكوه صابره مااريد ارجع احجي ويااا
هو يكول انتي خليتني احبج وهسه تردين تعوفيني
بلكت وياا الوقت اتعود على فراكه
كاعده بغرفة الممرضات واجتني بنيه ممرضه ويانا
كالت الدكتور يريدج
رحت الغرفة الدكتور مالكيته سئلت كالو يريدج بلطوارء
رحت للطوارء
لكيت عادل وامه ممدده على السرير
الدكتور...تعاي شكلي مغذي مجاي يلكون الوريد
عادل واكف وكانما مايعرفني
قربت ومسحت وجه
مرام...شلونج خاله بس تباوع بعيونه ماتكدر تحجي
اخذت الكانونه وشكلته اله وخليت ابره بلمغذي وطلعت
الدكتور....شويه وارجعي اتاكدي من الكانونه
بعد عدها ابره
مرام...حاضر دكتور
شويه ورجعت لكيت عادل واكف ويباوع من الشباك
اتاكدت المغذي جاي يمشي وبعده مامخلص
عدلت فوطته ومسحت وجه
اجيت اطلع
عادل وهو داير وجه على الشباك
عادل....يمته الزواج
مرام...اي زواج
عادل...التفتت زواجج انتي ومصطفى حبيت اباركلكم
مرام...ماكو اي زواج
عادل...ليش طلع فكر لان انتي ادورين فلوس
مرام...عوفني بحالي مالك شغل بيه
عفته وطلعت
صدك قهرني كلامه
