رواية الخباز والاميره الفصل التاسع بقلم جمانه السعيدي
اميره قللت لقائاتي بااياد كلش بس مكالمات
لان اخاف علي وهم فترة امتحانات
ماا اريد اشغله
اخاف اضيع علي هاي السنه
بس هاي الفتره عبالك الف سنه ولا كأنما شهرين
احسهن دهر اريدهن يخلصن ماكووو
اخر يوم بلامتحانات اتفقنا اروح للكليه نلتقي ونطلع نحتفل
اني ويااا لان خلص الامتحانات
وهم اتعافى وصحتة رجعتله مثل قبل والحمد لله
حتى رجع ياخذ تمارين بلجم
جمانه السعيدي
اتفقنا يدور شغل احسن وبعدها يتقدملي
هلمره اني مصممه اوكف وياااا
مستحيل اتخلى عنه ابد
هاي الفتره كثرت لقائاتنا اني ويااا
كنا نفتر بلسياره وندور على شغل
اني هم اريد افتح مشروع هم اشغل فلوسي وهم اقضي على وقت الفراغ
واريد ابني ذاتي
واخلص من تسلط خالد
هاي الفتره بطل خالد يهدد واني اطمنت
كلت ايجوز شاف ماكو فايده من التهديد
واخذت راحتي اني واياد
لكيت مكان يخبل افتح بي مشروع مجموعة استيراد
ملابس وجنط واحذيه ماركه عالميه
من احسن البراندات المشهوره بلعالم
واستيراد مكياج من احسن المناشئ العالميه
هنا خالد شم خبر بهذا المشروع وحس الفلوس راح اطير من ايده
وهنا دبر خطته الملعونه
جمانه السعيدي
إياد نايم بليل واجاني تليفون الساعه ٣ ونص الفجر
اللحك الفرن احترك صار انفجار
جماعتك جايين يشغلونه الصبح حتى يبدون يعجنون ويخبزون ومفجور عليهم
إياد كمت مااشوف دربي جماعتي كلهم احبهم
كلهم وكفو وياي وساعدوني
لازم اركض الحك عليهم
اذا الفرن انفجر مستحيل يطلعون منه
شغلت الدراجه وطلعت حتى امي ماتدري بيه
مالحكت اكعده واحجيله شنو صار وياي
طلعت طاير وصلت شفت كم واحد ملثمين واكفين باب الفرن بس الفرن مسدود وماكو نار
طفيت الدراجه ونزلت كتلهم شكووو ياجماعه
واحد ملثم التفت عليه ورش شي على وجهي وبعد ماعرفت شصار
كعدت لكيت الدنيا نهاروالشرطه تكعد بيه
والناس ملتمه عليه
مافتهمت شكوووو
بعدني دايخ ومااكدر احجي ابد
واكف بمكان ماشايفه قبل
صعدوني بسيارة الشرطه اني ودراجتي
جمانه السعيدي
وصلت هناك خلوني بلحجز
شويه وعيت سئلت الشرطي شكووو
اني ليش هنا
الشرطي اسئل نفسك
إياد اني مجاي اذكر اي شي لا دقيقه اذكرت الفرن احترك قصص وروايات عراقية كرار صلاح واني طلعت اساعد جماعتي
الشرطي هاي السوالف شبعنا منه تسوون المصيبه
وتالي واحدكم ينكر
إياد شنو انكر مجاي اذكر اي شي
الشرطي اي هسه بالتحقيق تذكر كلشي
شويه واجا شرطي ثاني وطلعني واخذني الغرفة التحقيق
دخلت والضابط كال تعال هنا اوكف كدامي
الضابط انت اياد
إياد اي اني اياد
الضابط اسماء جماعتك الي مشاركين بعملية السرقه
وعددهم ووين البضاعه الي سرقتوه
إياد اي بضاعه واي جماعه
الضابط اعترف بهدوء احسلك ليش اخليك تعترف غصبا ماعليك
إياد اعترف بشنووو
جمانه السعيدي
الضابط عملية السرقه وعدد جماعتك والبضاعة الي انسرقة وين وديتوها
إياد ولله مجاي افتهم اي شي من الي تكوله
اني نايم بيت اهلي واجاني تليفون الفرن احترك
طلعت بسرعه اشوف جماعتي
وصلت هناك
لكيت جماعه واكفين قربت اسئلهم وواحد التفت ورش بخاخ على وجهي وبعد ماعرفت شنو صار
الضابط هاي السالفه احجيه الواحد غيري
هاي سوالفكم ماره عليه واعرفه زين
إياد اقسم بلله هو هذا الي صار
بس اريد افتهم اني بشو متهم
الضابط محل مجوهرات انسرق والكاميرات تعطلت
وجماعتك الي سرقو المحل مختلفين وياك
على البضاعه ضاربينك ومنهزمين
ابو المحل اجا بلاغ محله انسرق
اجا ولكاك واكع باب المحل ودراجتك بصفك
واكو واحد شهد عليك
كال شافك النهار كله تحوم على المحل وتصور بي
وبليل رجعت انت وجماعتك حتى تسرقونه
بس الحمد لله وكعت بشر اعمالك
اعترف عليهم خل يشيلون الجريمه وياك احسن
ماتشيله وحدك
جمانه السعيدي
إياد اقسم بلله لاعندي جماعه ولا اعرف منو سرق المحل
اصلا مااعرف اني شجابني بهذا المكان
اني رحت للفرن وبعد مااذكر اي شي
الضابط اكتب اقواله ورجعت للحجز وباجر يتحول
للتحقيق من جديد
ياابني بعدك زغير ليش هيج تسوي بنفسك
اعترف على جماعتك احسن
ليش تشيل هاي المصيبه وحدك
ايجوز تنحكم من عشر إلى ١٥ سنه ليش اضيع نفسك
جمانه السعيدي
الصبح ام إياد مالكت إياد وبقت تحاول تتصل باصدقائه
ولا واحد يعرف عنه أي شي
تخبلت تمشي وتصيح ابني ضاع مني
اتصلت بناته وازواجهم
ولكل طلع يدور علي
الحد مازوج اخته الجبيره لكا مسجون ومتهم بلسرقه
عينوله محامي يدافع عنه
المشكله حتى تليفونه ماكووو
يريد يثبت ان المكالمه اجته وطلع بس التليفون ماكووو
وصل خبر الاميره
راحت للشرطه وماقبلو تلتقي بي ولا تشوفه
محد يشوفه غير المحامي وبس
منا لمن يكمل التحقيق
المحامي اكدلهم القضيه لابسه اياد ومستحيل يطلع منه
لان اكو شاهد ضده
اميره من سمعت أقوال إياد من المحامي اتاكدت هاي لعبه من خالد
خالد هدد مراح يعوفنه بحالنه ابد
جمانه السعيدي
رجعت للبيت ولكيته كاعد بلمكتب
حرامات هذا يكعد بمكان بابا بس شسوي للوكت الاغبر
اميره ممكن اعرف انت شتربد بلضبط هلمره قررت اسجل كلامه حتى امي تعرفه على حقيقته
خالد .... انتي غبيه ميت مره كتلج شريد
اميره اي اني غبيه عيد انت شتريد حتى إياد يطلع من هاي المصيبه
وكف وراح طبك الباب ورجع عليه
خالد انتي تعرفين شريد منج كتلج الف مره عوفي عوفي لا اضيعين مستقبله
بس انتي تعاندين شسويلج
اميره راح انفذ كلشي تامر بي بس يطلع إياد من هاي المصيبه
خالد تحولين كل الحساب بلمصرف باسمي
وتتنازلين عن الأملاك الامج وتطلعين من هذا البيت بس بلثوب الي لابسته
وماترجعين هنا ابد
ساعته يطلع إياد من السجن
اميره ليش اعوفلك كل املاكي اخذ الفلوس وعوفلي
البقيه اريد افتح مشروع واعيش منه
خالد لا كلشي مقابل إياد يطلع
اميره افكر وارجعلك خبر
طلعت الغرفة امي وسمعته كل الحجي الي دار بينه
كنت متوقعه راح توكف وياي وتساندني
كان ردها عجيب غربب
امي اي احسن تصرف من خالد
يريد يحافظ على فلوسنا الي تردين اضيعيهن انتي واياد
إياد اكبر نصاب ويستاهل كلشي صار ويااا
ماخذج يقنعج بمشروع فاشل حتى تسحبين الفلوس وضيعيهن على هذا المشروع
نضرت خالد ماخابة من كال علي نصاب
بعدين هو حرامي واخذ جزائه خلي بلسجن
ليش تردين اطلعينه
هذا استحقاقه السجن ياريت مايطلع ابد
اميره ابد مامستغربه ردج هذا خالد كدر يلعب بعقلج
بس اني مستحيل اعوف إياد بهاي الشده
إياد وكع بهاي المصيبه بسببي واني راح اطلعه منه
لو ادفع كلشي املكه لازم إياد يطلع من السجن
وانتي وخالد اتهنو بلفلوس
ومااكول غيرحسبي الله ونعم الوكيل عليكم
