رواية اوجاع يتيمة الفصل الثامن بقلم جمانه السعيدي
بيت عمي يحضرون للعرس ومخبوصين
واني فاتحه منصوبه بروحي
عوزها ملايه اتشد اللطم
وتنعى على روحي المذبوحه
قبل العرس بيومين
اجا حسام جايب الذهب والبدله
عمتي فتحت الباب ودخلته
اني كاعده بلغرفه
دخل سلم عليه واني اباوعله بعتب
كال العمتي ممكن تعوفينا وحدنا
طلعت عمتي وبقينا بس اني ويا بلغرفه
جمانه السعيدي
كعد اكبالي ايناس اني اسف ولله حاولت اخلصج
بس مابيدي شي
كلهم ضدي واني وحدي
صدكي حتى زواجي صار غصب عليه
اني مامقتنع بنجلاء
بس امي الله يسلمها
هتلر وشن حرب محد يكدر يوكف بوجها
اني جاي اعتذر منج واريدج اتسامحيني
. ايناس ...انت شبيدك عمتي واعرفها لو رادت شي محد يوكف بوجها ابد
بس هذا الزواج ضلم لان اني مجبوره علي
حاولت انتحر واخلص
من هاي الدنيه الي ماشفت منها بس الاذيه من يوم ماتت امي لليوم
بس شكول على ابوي الله يسامحه
لا لاتكولين هيج شنو تنتحرين
انت انسانه قويه
كدرتي تتحملين كلشي والاشياء الي شفتيها مو هينه ولا اي وحده تتحملها
واكيد رب العالمين مراح ينساج ويعوضج خير
ما اريد اسمع منج هذا الكلام مره ثانيه
واذا اليه خاطر عندج وتعزيني اتشيلين هاي الفكره من بالج
انطاني الذهب وراح وأخذ كلبي ويا
شيصير لو كايل تعاي نشرد اني وياج ونعيش بعيد
استغفر الله هو مزوج واني مزوجه
حتى حلم ما اكدر احلم بهاي الشغله بعد
ام حسام خابرت عمتي نجاة تكللها تريد تسوي حنه نجي ناخذها والحنه ابيت ابو حسين
كتلهم لا ما اريد حنه
هسه على اساس ماخذه القاضي
هو عامر الدايح
جمانه السعيدي
قبل العرس بيوم اجتمعن بنات عمتي ونضفن جسمي من الشعر
وبيوم العرس اجت عمتي ام حسام وميثاق وجايبات بدلة العرس ورحنا للصالون
ام الصالون تمكيج واني ابجي
كلساع وكالت عيوني ليش تبجين
خربتي المكياج يمعوده
ولله انتي احله من سلفتج
هنياله الياخذج شطلعتي
كتله اي حقج ماشايفه الهيبه الراح ياخذني
كملنا ورجعت البيت عمتي ونجلاء زفته من بيت ابوها
واني خلصت باكيت كلنس ما اكدر اسكت واني حاسه بضلم
صاحو اجت الزفه
ودخل الهيبه مزين والقاط ويتمضحك
حقه صارله شكد يركض وراي وهسه راح يخلوني بقفص ويهجم عليه
راد يكودني ما قبلت شلت البدله باديه اثنيينهن حتى لايلزمني وهو مشه كدامي
وصلنا الهلاهل والجكليت والدي جي مشتعل
حسيته حفله على روحي الي راح تندفن بعد ساعه
صعدنا الغرفنا
نجلاء وياها امها وخواته
واني عمتي وبناتها
جابو عشه ماقبلت اتعشى
بشرفكم الي منتضر الموت يكدر ياكل
كالو راح يزفون العرسان وعمتي توصي بيه صيري سباعيه
عفيه بنيتي
طلعت واني كل دقيقه تمر عليه قبل لايدخل عمر كلبي كام يدك على السريع من الخوف
حسيت بطني وراسي يوجعني
جمانه السعيدي
دخل مبتسم وسد الباب
...هاااا عروسه اخيرا اخيرا اني كدرت اكسر خشمج
واخذج غصبا عليج
هسه انتي ملكي واكدر اسوي اي شي يعجبني بدون ماتحجين اي كلمه
باعي شكول تكولين حاضر وتدلل ماكو ميت نعال اضربج
سحب البركع بقوه وشمره
حسيته شال قبق راسي بايده لان البركع مثبت بماشات وهو سحبه بقوه
كلت اي شبيك عله كيفك
...اي تدللين على كيفي كعد على الجربايه وكال تعاي انزعي حذائي
اني نزلت حواجبي
...شبيج مو عاجبج تعاي انزعي حذائي لا اجي اقطعها على راسج
دنكت انزعه
ضربني راشدي
....شبيك ليش تضربني الله لايوفقك
. عامر ..اني الله لايوفقني بت الكلب لعبتيني تلعب
ساعه اضربيني بلكلاص
ساعه تخابرين حسام
وااخرها قافله الباب عليج بلمهر وتكللي وخر لا اكتل نفسي
انتي اشايفه نفسج
ضربني ودفعني على الجربايه واخذ الي يريده حتى قبل لا انزع البدله
حسيت وحش جاي ينهش بجسمي واني ادفع بي وما اكدرله
خلص وابتعد عني
واني طفرت السطل الزباله وكمت اتقيئ
اتقيى لان لعبت نفسي منه ومن اسلوبه
ومن وكفت نزل دم هواي عليه
جبت حفاضه والبست وكعدت بلكاع ابجي هو بدل دشداشه وطلع
دخلت عمتي لكتني شعري كفشه وبعدني بلبدله ..
...هااا ولج شبيج شسوالج
...جلب ولله جلب وماتصيرله جاره
تندمت ليش ماكتلت نفسي قبل لايتقربلي هذا النذل
..خو ما اذاج
جاي يوكع عليه دم هواي وبطني توجعني
...بسلا جرحج
الله ياخذه الحيوان هو هيج من طاح حضه
اخذتني عمتي للحمام وسبحت وبدله وطلعت
كالت اني بايته اليله هنا اذا بقه النزيف الباجر اخذج للطبيب
وغطتني وطلعت
تقريبا ساعتين ورجع اني سويت روحي نايمه
. عامر ..نايمه الخاتونه ولله اله اراويج انجوم الضهر اصبريلي يا ايناس اني اعلمج
ثاني يوم عدي وجع قوي
كعدت وهو بعدا نايم بدلت ونزلت
لكيت بس عمتي نجاة كاعده
وعمتي ام حسام والبقيه كلهم نايمين
اشرت العمتي نجاة اجتني
صباح الخير
صباح الخير عمه فدوه عدي وجع وبعد الدم يوكع عليه
هسه اسويلج ريوك ومن تفتح المستشفى اكو خوش دكتوره نسائيه اوديج الهى تفحصج
