رواية الشيعي وبنت الانبار الفصل التاسع بقلم بنين البصراوي
طلگت دستور العشگ درب العشگ جذابي
مناا وهيج انا اختلف لحد يجي يدگ بابي
ماضيعت وجه العرف باب الكلب سديته
مو قصدي ما احبك بعد بس گلبي هجمو بيته
❥✿•┈┈┈• •°💔°• •┈┈┈•✿❥
عمر انت منو وانطيك بنتي ما انطيها
محمد بويه البنيه الك
عمر انت منو وتقرر
محمد عمرررر حجايتي مااثنيها البنت اله كافي
عمر سكت لأن شيخ العشيره محد يوگف بوجهه
ادهام يباوع لعباس ويغمز
✿❥
خطة ادهام
ادهام الشرطه مادام حولو القضيه عشائرياً هنا راح تصير اللعبه الك
عباس شلون؟
ادهام انت تتنازل عن عمر وكلللشي بس تطلب منه بنته تضرب عصفورين بحجر واحد
عباس بعد اخوك وگلبه بس خاف مايوافق
ادهام هذا الحل الوحيد اله ماعنده غيره
✿❥
طلعو الشباب من الديوان وراحو للربعه
اول مادخلو
ادهام محمود راشد طگوها هلهوله
عباس الي ضحكته شگت حلگه
خلف يهتز من الضحك
محمود لزم طبله ويدگ عليها
وادهام يعلم خلف الدبجه وراشد يهوس بعوجيته وعباس گاعد يباوع ل اخوانه الي مجابتهم امه
ندگ باب الربعه وطلع ادهام يشوف منو وانصدم ب الشيخ محمد بره
محمد عباس موجود
ادهام اي شيخ تفضل صاح من الباب شباب الشيخ محمد
گعدو بسرعه ومن دخل وكفو كلهم
محمد السلام عليكم
الشباب وعليكم السلام
ادهام تفضل شيخ المكان مكانك
/طلع محمود يسوي گهوه
محمد زاد فضلك بويه انا عندي كلمه لعباس وطلب گايلها وطالع
عباس طلباتك اوامر
محمد عائشه تحطها بين عيونك ودير بالك عليها وما اريدك تجبرها على شي
عباس عائشه عيوني المركبه لا تخاف عليها انشالله اضل حاميها وخايف عليها طول حياتي انشاالله
محمد احسنت بويه انشالله اسبوع الجاي نعقدلكم وتروح وياك للبصره واذا حاب تضل هنا تراك ابنه والعين اوسع من المكان
عباس الله يحفضك شيخ ويطول بعمرك والله من دخلت للانبار ماسمعت احد حجه حجايه مو حلوه ناس طيبه وخيره مثلك
محمد الله يحفضك وليدي
دخل محمود وضيف الشيخ
محمد انا اترخص
ادهام شيخ مو حلوه تدوس بيتنه وما نضيفك
محمد زاد فضلك ابني الله يحفضلكم شبابكم وانشالله تنسعدون بحياتكم في امان الله
الشباب الله وياك في حفض الله
،
،
،
،
مر اسبوع وعباس جهز كلشي وطلع عقد هو وعائشه الي الفرحه مو شايلتها بس بنفس الوقت زعلانه على ابوها
جهزو اغراضهم حتى يرجعون للبصره وخلف راح قبلهم بيومين جهز مناك
طلعو الشباب ب السياره وعباس وياهم
وعائشه وتوفيق وامها بسياره
والشباب جابو الطريق ردح وهلاهل
مر وقت طويل وهما ب الطريق عباس وراشد ومحمود نايمين ادهام يسوق وبلش ينعس طبك السياره وگعدو الشباب
ادهام نعست بعد مابيه شوي وگفت سيارة توفيق وراهم
توفيق شصاير
محمود ادهام نعس /انا اسوق بدالك
ادهام يلا باوع على عباس وتوفيق
ادهام حجي انت هم جنك تعبان خلي عباس يسوق
عباس هم صدك انا نمت هواي
توفيق لا بويه خاف اتعبك
عباس لا تعب ولا شي تعبك راحه رجعت ام عائشه وره وصعد توفيق ب الصدر وعباس يسوق اجت عيونه على عائشه الي منضرها يخبل وهيا نايمه
ضل يسوق وشاف توفيق الي نام
،
،
،
كوثر اول مادريت عباس خطب زعلت بس بعدين فرحتله انا صدگ احبه بس هو هسه مثل خلف حضرنا غرفته واجه عمي الجبير جاسم ) ابو كرار
جاسم خويه ستار انا غلطت وربك عاقبني ب ابني
ستار شبيييك
جاسم ورث طه _ابو عباس- لا راح للدين ولاشي انا اخذته عدلت وضعي بيه وهو اخوك جان مسويلي توكيل عام انا حولت كلشي الي
ستار ماتخاااف ربك
جاسم شيطان لعب براسي وهاي ربك شور بيه واخذ اعز شي على گلبي كرار
ستار الله يسامحك
وصلو عباس والشباب للبصره ونزلو استقبلو عباس ب الهلاهل وذبحو طلي جوه رجله
طلع ستار وحضن عباس وضل يهوسله سلم على توفيق وووو
عباس دره ب الي سواه عمه جاسم وسامحه بس جاسم رجع البيت الجبير والبستان وقطعة الارض و المحلات
وعباس انطه البيت الصغير ل عمه و محل هم
مر يومين على وجودهم ب البصره عباس راح ل سيد وعقد عنده وحددو موعد العرس بعد اسبوع
عباس راح للبيت الجبير واخذ الشباب وياه نضفو البيت وعلمهم ادهام الجوبي يشتغلون ويرگصون البيت جان كلش حلوو وهما معتنين بيه بس محتاج تنضيف وطلعوه يخبل جاب عباس اثاث كامل من الكويت واثث البيت ب احدث شي جان كلشي بيه حلو
ادهام عشتو شباب
طلع خلف راح جاب كرزات وعصاير ورجع كملو الحديقه لان جبيره كلش تغطي البيت ب الكامل
عباس باجر اخذكم للشط
ادهام اي والله يرادلنه سفره
محمود اي نريد نشوف البصره شلون صايره
راشد انا بعد يومين افتح الجبس
عباس حلو اهم شي تگوم بـ السلامه
راشد شباب اريد وحده من البصره
ادهام بدت الغيره هسه كلها تريد تعرس
راشد ههه لا والله انا حاط براسي مره ثانيه
خلف اگلك عباس نخطبله من بيت عمك جاسم
عباس اي والله جبتها هو عنده بنات الزغيره مو
خلف هوووب هاي الي
عباس والنعم
ادهام شباب انا رايح عندي شغله اگضيها وارجع
الشباب الله وياك
طلع وهوا مقرر يحجي وي ستار حتى يخطب الي سلبت گلبه بس مايعرف اسمها
دخل لديوان مال ستار وگعد يمه
ادهام السلام عليكم
ستار وعليكم السلام هلا ومية هلا تفضل
ادهام زاد فضلك كل الهلا بيك
ادهام شلونك حجي شخبارك
ستار الحمد لله بخير
ادهام حجي انا جايك بموضوع ومااريدك تردني خايب
ستار ماعاش الي يردك وليدي
ادهام حجي انا رايد اتزوج وتعرف الزواج لازم تسئل على اهل المره گبل كلشي وبصراحه انتم والسبع انعام منكم ماراح الگه احسن منكم لو الف العراق كله بس انا جايك حتى اجس نبض توافق والنعم واحسن نسب ماتوافق الزواج قسمه ونصيب نضل اهل وحيايب
ستار بس يابويه انت عارف ب العادات مو لازم الاهل يجون يخطبون
ادهام هذا الشي مافاتني انا جايك اجس نبض توافق ماتوافق حتى اجيب اهلي من الانبار انشالله ونطلبها منكم رسمي
ستار والله ياوليدي ما اضن اكو احسن من اخلاقك انت واحد ابن اصول ومعروف ب الانبار وابوك انا اعرفه من زمان جنه ندرس ب بغداد سوه ومن زمان هو الناس كلها تحلف براسه وانا ب النسبه الي موافق انت خوش ولد
ادهام الله يحفضك حجي ويطول بعمرك
ستار ههه هاي مال حجي بطلها گول عمي
ادهام انشالله عمي يلا انا اترخص في امان الله
ستار الله وياك
ادهام طلع وهو حس انو راح يطير من الفرحه
،
،
،
اليوم الثاني
طلعو الشباب للشط من الصبح
راشد انا راح اگعد هنا
محمود يولي ادعولي الله يرزقني بوحده حلللوه
ادهام انشالله
محمود يولي انت ضامن روحك شني
ادهام مادخلك نتبه لنفسك
محمود عاشگ
خلف منوو
ادهام يابه جذاب هذا اصلا خطبت وحده بت ناس اجاويد
كملو سفرتهم وجانت اروع ما يكون
،
،
،
مر الاسبوع مرور الكرام بدون اي مشاكل وجان كلش حلو
سوو حنه وصارت تخبل جابو فرقه غنائيه وضلو يغنون گام ادهام ولزم ايد عباس وسحب خلف وراشد ومحمود ودگو جوبي
ادهام براس الجوبي بيده السبحه صارت الحنه تخبل
شكرا لزيارتكم عالم روايات سكيرهوم
