رواية زوجه ثانيه الفصل التاسع بقلم جمانه السعيدي
بقينا اربع ايام بكربلا بس احلى ايام حياتي بعمري ماكنت سعيده هلكد
فرينا كربلا فر مدينة الألعاب والمولات والمناطق السياحيه
وبليل نكعد بلامام الحسين ونضل نسولف منا لمن نتعب ونرجع للفندق
اشتريت هدايه للجهال
وقررت اشتري شي مميز الامل اني عندي فلوس
من علي توضف شال مسؤولية البيت كله وراتب ابوي بقه بس الامي علاج وملابس والباقي اني اضمه
فا عندي مبلغ زين
فاطمه رحيم اريد اشتري هديه الامل
رحيم اني اشتريله
فاطمه لا اني اريد اشتريله محبس ذهب
رحيم ايباه هاي كله لان عرفتج عليه
فاطمه ونت شويه اصلا انت احلى شي صار بحياتي
بس مو تصير مغرور
جمانه السعيدي
المهم رحت واشتريتله محبس تقريبا بورقتين
وقررنا ثاني يوم نرجع البيتنا
كعدنا الصبح زرنا وصعدنا بسيارتنا ونطلقنا
بلاول رحنا البيت عيالي سلمنا عليهم
صممو نتغدا عدهم بس رحيم كال مره ثانيه
وصلنا للبيت تقريبا الساعه ١١ نزلنا فتحنا الباب ودخلنا
جان انشوف امل طلعت على صوت سوالفنا وضحكنا وفتحت الباب
وكفت باب المطبخ ونزلت حواجبها
امل وين جنتو
فاطمه هلووو حبيبتي شلونج حضنته وبسته
امل هلو هلو من ورا خشمها
دخل رحيم يمشي وراي وشايل علاليك الهدايه
اني نزعت عباتي ودخلت
امل رحيم وين جنت وليش عايف التليفونات هنا
رحيم ياستار كولي الحمد لله على السلامه بلاول
فاطمه اني صرت ورا امل واشرتله احضنها وااشرلى كول مشتاقلج
هو باوع عليه ما عاجبه استقبالها
رجعت اشرلته احضنها
جمانه السعيدي
رحيم استقبال امل ماعجبني وفاطمه اتاشرلي احضنها
قربت وحضنتها واني مامقتنع مشتاقلج ام حسوني
حسيته شويه هدءة
امل ابن خالتك صادق انكتل كتلو اهل زوجته ونخابر عليك وعلى فاطمه ومآ كوووو تالي اجيت لكيت التليفونات بلغرفه
رحيم اي هسه عرفت شفت ابوي وحجالي شنو صار
رحيم تعرفين احنا ماسوينا عرس وقررنا نروح الكربلا
كم يوم
امل بدون ماتكولي
رحيم وليش اكولج عندج مانع
امل لا بس قلقت عليكم ومآ اعرف انتم وين
فاطمه طلعت المحبس وقدمته الها وكتلها هاي هدية الزياره محبس ذهب
امل شكرا زين حلوووو
فاطمه اجو الجهال يركضون ونطيتهم الهدايه مالتهم
دخلت غرفتي ابدل
ورحيم اجا وراي
رحيم هاي شبيه شلون استقبلتنا
فاطمه ميخالف قلقت علينا يله بدل خل نطلع يمها
فاطمه بدلت وطلعت هااا ام حسون اساعدج بلغده
امل اصلا اني ماطابخه مقرره اكلي طماطه وادز حسين يجيب صمون
فاطمه عادي اني هسه اطبخ
طلعت دجاج وخليته بمي اريده يموع من الثلج حتى اطبخه
ونكعت تمن
وبديت اطبخ امل جانت لابسه اسود على هذا الولد الي انكتل
رحيم طلع من الغرفه وكال
فطوم حبيبي استعجلي بلغده اريد اروح على الجماعه اشوف
شنو صار
امل جانت واكف تغسل على السنك ماعجبها كلام رحيم
سدت المي وكالت استغفر الله
فاطمه اشرلته لاتكول حبيبتي
كملنا غدا هي عافت كلشي ودخلت الغرفته ورحيم راح يبدل يريد يطلع واني حضرت الجاي
انطيته الجاي
رحيم شكرا حبيبي
فاطمه لاتكول حبيبي كدامه ابدا بس بيني وبينك
جمانه السعيدي
نضفت المطبخ ورحت شفت امي وبيت علي كلش مشتاقه للجهال
جايبتلهم كم شغله انطيتهم
اطمنت على امي ورجعت البيتنا
نمت للمغرب يله كعدت
رحيم بعده ماجاي
توضيت وصليت وبديت اجهز العشى
اجا رحيم بس سمعت صوته بلباب رجليه اخذني اله مثل الطفل الزغير ومنتضر ابوو
فاطمه هلووو حبيبي
رحيم ابتسم حضني وباسني خله حلكه باذني وكال مشتاق
فاطمه حجيت بصوت ناصي اني الاشوق
جوعان
رحيم اي ولله جوعان مصرايني انصبغن من الجاي وراسي يوجعني من كد الحجي
فاطمه بس اتصلي يجهز العشى
طلعت امل من الغرفه شافته حاضني ويسولف
خزرتنا وكالت الله يساعدك
رحيم هله ام حسين
كملت العشى تعشينا هو رجع طلع واني نضفت المطبخ
وغسلت ملابسنا ورحت شفت امي
لكيت مريم جايه كعدنا شويه سولفنا
رجعت سبحت وبدلت تمكيجت
رتبت غرفتي
الساعه ١١ونص رجع
امل كاعده على التلفزيون بغرفتها هي والجهال ماسمعت الباب
اجه كبل عليه الله الله شهل زين شهل زين
فاطمه هله حبيبي
رحيم هسه اسبح واجيج
فاطمه من اليله يبدي الجدول الليله الامل
رحيم نزلت حواجبي وبرطمت ما ما ما اروح يم امل
اني بعدني عريس اريد يمج
فاطمه فدوووه مثل الطفل لزمت خدوده وكرصتهن
لأ لازم تروح يمها خطيه صار كم يوم ماتنام يمه
رحيم ياربي بعدني عريس زين انتي ليش لابسه ومتمكيجه وهذا الثوب يخبل
الثوب قصير لزمه وسحبني علي
فاطمه باجر يمي هاي قسمه عدله
رحيم استغفر الله هسه اني المن رجعت لو باقي بكربلا احسن
فاطمه كوووه دفعته عليها
جمانه السعيدي
راح يمها بس الصراحه اني ضجت تعودت علي وعلى حنيته
وعلى سوالفه الحلوووه
ماكدرت انام ابد شغلت التلفزيون وطلعت فلم وكمت اباوع علي
صارت الساعه ثنتين واني بعدني كاعده واحوس
طلعت الملابس من الكنتور وكمت اصفط بيهن
ما احس آله باب الغرفه انفتح واجاني رحيم
فاطمه بعدك كاعد
رحيم هو اني اكدر انام اذا مو انتي بحضني
تمدد على الجربايه واخذني بحضنه
فاطمه اني هم عيني ماتاخذ نوم تعودت عليك
رحيم غير انتي روح يمه روح يمه من الساعه وحده نامت واني عيني ماتاخذ نوم
فاطمه هسه اذا تكعد وماتلكاك اتسوي ليلتنا سوده
احسها متغيره عليه مو امل القديمه
رحيم ضوجتج بشي
فاطمه لاولله اني احبه واحترمه واي ردت فعل منها اني اقدرها وراح اطول بالي عليه
بقينا كاعدين الصلاة الصبح صلينا وهو رجع يمه واني نمت
ثاني يوم جاب طلي وذبحه وقسم اللحم وزعه
وهي كامت تبسمر بيه
امل عليمن ذابح طلي هي ارمله لو بت بيت شسويت
وهو طكن عيونه بس اني اشرتله اسكت
الليله الي يكون بيه يمي مانام للصبح نتشاقه ونلعب ونضحك
ناكل فواكه نشوف فلم
نطلع لعبات ونلعب
وبيوم الي يمها ١٢ تطفه ضوات الغرفه وينامون
اخر يوم باجازته كان يوم امل
خلاها نامت واجاني بقينا نسولف ونضحك حست علينا
واجت للغرفه سوت عمل بلحجي والصياح
يريد يسكتها ماكوووووو
جمانه السعيدي
اخر شي كامت تصيح عليه ام السحوره خبلت الرجال
خلته مايشوف غيرها
رحيم ماقبل وكام يحجي عليها
اني صدك ضجت حيل
ثاني يوم حضرت جنطته وودعته وهي واكفه وراح
نص ساعه واجتني منه رساله
.....الحلووو بعدا زعلان
....لا مازعلانه
....احبج
....اني احبك
...انتي احلى شي صار بحياتي
...انت حبيبي
...شويه وارجع احجي وياج
....انتبه للطريق
كمت انضف كل يوم اخلص شغلي وبعدين اروح الامي
بس جان شي واحد مضوجني الي حسبته صار
امل تغيرت عليه حييييل
الصبح اول ما اكعد اتصل علي كامرا
ونبقى نسولف
وكلما اشوف مقطع حلوووو احجزه اله وادزه
وادزله شعر ونكت
كل ساعه يخابرني تكول عشاق مراهقين
خابرني كال باجر انزل
رتبت غرفتي عبالك غرفة عرسان ورحت حفيت
وحضرت ثوب يخبل لبسته وفتحت شعري
بس سمعت صوت سيارته
ركض فتحت الباب حضنتها وكتله مشتاقه بعد لاتعوفني ابد
رحيم مو بكد شوقي اللج كبل اكره البيت وهسه ودي ما اروح للدوام
صورتج كبالي طول الوقت خبلتيني ياحلووووه
هنا طلعت امل وشافته حاضني ويبوس بيه وهي تخبلت
امل اي بعد اطلعو بلشارع خل أمة محمد كلها تشوفكم
انتي هييييي ماتكدرين تصبرين لمن يدخل للبيت
رحيم مو هي الي ماتصبر اني الي بعد ما اكدر اصبر
مشتاقله اقصد مشتاقلكم
جمانه السعيدي
تقدمت امل وسلمت على سلام بارد عبالك الصبح طالع
ولاكنما صار اسبوع غايب عن البيت
بدل وحضرتله الغدا اباوع علي وفرحانه مامصدكه هو كدامي شكد مشتاقتله ياربي
لليل اني ويا بلغرفه ضحك وشقا بصوت عالي
عرك بلمخاد واحد يركض ورا الثاني
جان امل تكسر الباب علينا
شبيكم تخبلتوووو لميتو الناس علينا
رحيم لا هاي حيل زودته هاي مو مال احترام
طلع الها عصبي واني لازمته كوووه
رحيم انتي شتريدين بيتنا واحنا احرار بي الناس شنو الهم يمنا روحي نامي مالج شغل عود اذا اجو الجيران مزعجين من عدنا اني اطلعلهم
دخل للغرفه ضايج
وامل راحت للمطبخ كسرت المواعين تكسير
حتى الجدوره شيل وركع بلكاع من كد العصبيه
طيرت واهسنا طفينا الضوه ونمنا
ثاني يوم رحيم طلع للسوك يجيب مسواك
واني نضفت البيت وطبخت غده
خليت نار قليله جوه الجدر ورحت الامي
اكو باب بينا عبرت من عندا
طبعا هي من دخلت للبيت شالت ايدها من كلشي لاتنضف ولاتطبخ
خابرني رحيم كال اني بلباب اجيت
رجعت لكيت البيت هوسه الكاع كلها وصخ مدري شنو شامره عليها
والمواعين تارسه المطبخ
وجايبه جاي وتارسه الكاع
من شفت هيج انصدمت اني منضفه ورايحه
دخل رحيم لكاني واكفه مصدومه
والكاع ماكو مكان توكف كلها مواعين وسوده من الجاي
رحيم هاي شكووو شصاير
امل اي الهانم من الصبح بدلت وراحت الامه وعايفه البيت وصخ تريدني انضفه اله عبالك خدامة الخلفوها
اني شني جبتج تساعديني لو تعبيني
فاطمه اني من الصدمه ماكدرت احجي اي شي
رحيم يله دخلن المسواك وتعاونن على التنضيف
فاطمه هنا عرفت باب الصداقه بيني وبين امل انسد
وباب العداوه انفتح
فاطمه اني نضفت كلشي يله رحت
امل يمته نضفتي انتي شايله ايدج من كلشي وعايفه البيت عليه
فاطمه صدك انقهرت رجعت نضفت من جديد
امل اتأكدت رحيم دخل جوه ومايسمعنا وكالت بعد وبعد اله اجهولج تسحرين للرجال تردين تاخذينه مني
جبتج عون طلعتي فرعون
فاطمه ليش هيج تسوين اني بيش ضوجتج خادمتج وخادمه جهالج
اني ما اجيت هنا وحدي انتي جبتيني
امل اي غير ذبيتي سحرج عليه وخليتني اخطبج
فاطمه وينه سحري لكيتي سحر بلبيت
امل تطبخين وتودين وخليتني اني وجهالي ورجلي نحبج
خوب اني انعميت عمي الاكل الي دزينه كله سحر
فاطمه امل خافي الله اني انسانه اخاف ربي لا اعرف السحر ولا اشتغل بي وانتي تعرفيني زين
امل قبل ما اعرفج بس هسه عرفتج زين
ومآ ارتاح اله تطلعين من بيتي
نضفنا تلبيت وتغدينا بس اني ضايجه اي ضايجه على صاحبتي الي تغيرت عليه
جمانه السعيدي
بليل كوه دفعت رحيم لان ليلته
بقيت كاعده ماكدرت انام طلعت افرج اسناني وحسيت رحيم حضني من ورا
حجه بصوت ناصي احبج
فاطمه يمعود روح يمها خاف تهجم علينا
رحيم نامت وراحت بسابع نومه
فاطمه ميخالف خلصنا من الحجي
رحيم شنو رائيج تجين تنامين يمي اني اصير بصف امل وانتي بحضني اضمج حيل ومآ اخليها تشوفج
فاطمه لا انت ناوي تخليها تذبحنا اثنيينه
رحيم ياربي ما اريد انام يمه اريد يمج
كام وعضني حيل جوه اذني صارت زركه
وراح نام
ثاني يوم جاي انضف وهيه شافت الاثر جوه اذني وتخبلت
يخليني انام ويروح يمج
ماتخافين من الله خبلتيي الرجال
حتى ليلتي لحكتيني عليها الله ياخذج يافاطمه ويخلصنا منج
