رواية سراج السادة الفصل التاسع بقلم عسق ادريس
- في عتمةٍ تتخللها شظايا الأمل، تتشابك الأرواح بين الحقيقة والخيال، وتُنسَج الحكايات بخيوطٍ من وجع، حب، وغموض. هناك حيث تتصارع الرغبات مع الواجب، وتُختبر النفوس في محراب القدر، يولد "سراج السادة"؛ ذلك الضوء الذي لا يكتفي بإنارة الدرب، بل يكشف ما خفي عن العيون والقلوب.
شخصيات تخفي أكثر مما تُظهر، وأسرار تمضي معنا كظلال لا تزول...
فهل يكون السراج خلاصًا أم لعنة؟
‼️بنهايه البارت كلام مهم ‼️
............
وكفت عمتي مستغربه تسمع للعلويه
_العلويه زهراء:: مرت عمها نضال قبل شوي خابرتني وكالت
_جهاد:: وابن عمها هسه صار خير ورادها؟
_العلويه زهراء:: والله يايمه مادري هاي ماصالها نص ساعه من خابرتني
_جهاد:: وين تلفونييي؟؟؟؟؟
طلعت عمتي من المصلا واني والبنات ضلينه كاعدات ب المصلا ساكتات دخلت عمتي فاتحه اسبيكر تتصل بدون رد
_جهاد:: هاي ثاني مره اتصل على قس يطلع مغلق خاف بيهن شي؟
_العلويه زهراء:: كولي يالله يمه يجوز ماشفن الاتصال
_جهاد:: علويه ماريد واحد يدري ب الرفض
_العلويه زهراء:: شلون ماحجي للسيد
_جهاد:: اني احجيله بس الباقين ماريد يدرون رنا والولد لحد يكلهم
_العلويه زهراء:: ليش؟
_جهاد:: لحد يكلهم وبس
طلعت عمتي من المصلا وكفت امي يم الباب
_العلويه رقيه:: رضينه ب البين والبين ماراضي فينا
_جهاد:: شكلتي؟
_رقيه::ها جاي اكلج تردين لبن
_جهاد:: لبن ليش؟
_رقيه:: لا بس هيج تردين؟
_جهاد:: لاا ب العافيه
طلعت امي من المصلا وعمتي عيونها مخنزرات هزت عمتي راسها وطلعت من المصلا داخله لغرفه
_العلويه زهراء:: يهل جهاد خاله بكلوب الوادم كلها خوفه
كامت العلويه من يمنه وطلعت من المصلا شمرت شاهيناز روحها بحضن مهجان تثاوب
_شاهيناز:: تعبانهه
_حميده:: اني هم ميته تعب اريد انام
_حوراء:: اني رايحه لبيتنا انام
_مهجان:: انتضرني اروح وياجننن
_حميده:: عاتكه تجين ويانا
_عاتكه:: لااا عندي درس للمحسنات
_حميده:: تمام شاهيناز تجين
_شاهيناز:: لااا اريد اروح لبيتنا فد شوي
_حميده:: يلا براحتجن مع السلامه
_عاتكه:: الله وياج
طلعن البنات من المصلا وشاهيناز صعدت لغرفتي تنام
طلعت من المصلا صارت ام الحسن كدامي
_ام الحسن:؛ ها عاتكه تاخذينه درس
_عاتكه:: اي نزلن هنا ب المصلا دام فارغ
صعدت ام الحسن للمحسنات واني دخلت للمطبخ اشرب ماي طلعت من المطبخ شفتهن ملتمات ب المصلا وهدى وحور بنات عمي وياهن
_عاتكه:: ها جاهزات
_ام الحسنين:: اييي
كعدت وهنا كدامي
_عاتكه:: شفاعه فاطمه الزهراء اجت وقت زواجها من الامام علي (ع) فاطمه الزهراء من عرفت انو مهرها درهم يعني فلوس قالت يارسول الله اسألك ان تدعو الله تعالى ان يجعل مهري الشفاعه في عصاه امتك يعني فاطمه الزهراء رفضت مهرها ومارادت مهرها فلوس انما تكون شفيعه لامه رسول الله فنزل جبرائيل (ع) ومعه بطاقه من حرير مكتوب فيها
(جعل الله مهر فاطمه الزهراء شفاعه المذنبين من امه ابيها)
فلما احتضرت فاطمه الزهراء يعني وقت جانت تحتضر للموت اوصت بأن توضع تلك البطاقه على صدرها تحت الكفن فوضعت وقالت اذا حشرت يوم القيامة رفعت تلك البطاقه بيدي وشفعت في عصاة امه ابي
مكانه فاطمه الزهراء كبيره عند الله ولهذه الله استجاب دعاء الرسول ونفذ طلبه لفاطمه ونزل صك من الاسماء اجابه لطلبها
شفتهن كلهن مركزات وياي رجعت كملت
_عاتكه:: النبي محمد (ص) قال اذا كان يوم القيامة نادى مناد من بطنان العرش يا اهل القيامه اغمضو ابصاركم لنجوز فاطمه بنت محمد مع قميص مخضوب بدم الحسين فتحتوي على ساق العرش فتقول انت الجبار العدل اقض بيننا وبين من قتل ولدي فيقضي الله ورب الكعبه ثم تقول اللهم اشفعني فيمن بكى على مصيبته فيشفعها الله فيهم
_ام المحسنين:: عاتكه ياكتب شايله المصدر
_عاتكه:: هواي عندج
الرزندي نظام السمطين
والمتقي كنز العمال الجزء ال 13 صفحه 93
والهيثمي
وابن الصباغ المالكي في الفصول المهمه
وابن ابي الحديد شرح المنهج
وابن حجز العسقلاني في لسان الميزان جزء 3
والسويطي في الخصائص
والجامع الصغير
والتعقيبات
والكناني في تنزيه الشريعه المرفوعه
والنبهاني في الفتح الكبير
وجواهر البحار
والشفاعي في المناقب
والملا علي القاري في جمع الوسائل
والقندوزي في ينابيع الموده
والشبراوي الاتحاف بحب الاشراف
والشبلنجي في نور الابصار
جنت انطيهن المصادر وهنا يسجلن حتى يرجعن يقرن وراي وكل هل كتب جانت موجوده ب المصلا برفوف الكتب
_عاتكه:: عدجن بعد روايه تمر فاطمه الزهراء ومعها سبعون الف جاريه من حور العين ك البرق الامع
كل هذه المواضيع والرويات جنت دارستهن قبل على ايد السيد واني ارجع ادرسهن للعلويات الصغار
_عاتكه:: النبي محمد (ص) قال اذا كان يوم القيامه تنصب الانبياء والرسل منابر من نور فيكون منبري اعلى منابرهم يوم القيامه ثم يقول الله اخطب ف اخطب بخطبه لم يسمع احد من الانبياء والرسل بمثلها ثم ينصب للاوصياء منابر من نور وينصب لوصيي علي ابن ابي طالب في اوسطهم مبر فيكون منبره اعلى منابرهم ثم يقول الله ياعلي اخطب فيخطب بخطبه لم يسمعها احد ثم ينصب الاولاد الانبياء والمرسلين منابر من نور فيكون لابني وسبطني وريحانتي ايام حياتي منبر من نور ثم يقال لهما اخطبا فيخطبان بخطبتين لم يسمع احد بمثلها!!
ثم ينادي المنادي جبرائيل (ع) اين فاطمه بنت محمد؟ فتقوم (ع) فيقول الله تبارك وتعالى يا اهل الجمع لمن الكرم فيكم؟ فيقول محمد وعلي والحسن والحسين (عليهم السلام) لله الواحد القهار فيقول الله تعالى يا اهل الجمع اني قد جعلت الكرم لمحمد وعلي وفاطمه والحسن والحسين.
يااهل الجمع طأطئو الرؤوس وغضو الابصار فان هذه فاطمه تسير الى الجنه فياتيها جبرئيل بناقه من نوق الجنه مدبحه الجنين خطامها من الؤلؤ الرطب عليها رحل من المرجان فتناخ بين يديها فتركبها فيبعث الله مأئه الف ملك يسيرو عن يمينها ويبعث مأئه الف ملك يسيرو عن يسارها ويبعث لها مائه الف ملك يحملونها على اجنحتهم حتى يصيروها على باب الجنه فاذا صارت عند باب الجنه تلتفت فيقول الله يا بنت حبيبي ما التفاتك وقد امرت بك الى جنتي؟
فتقول يارب احببت ان يعرف قدري في هذه اليوم!
فيقول الله ارجعي فانظري من كان في قلبه حب لك او لاحد من ذريتك خذي بيده فادخليه الجنه
انها في ذالك اليوم لتلتقط شيعتها ومحبيها كما يلتقط الطير الحب الجيد من الرديء فاذا صار شيعتها معها عند الجنه يلقي الله في قلوبهم ان يلتفتو فاذا التفتو يقول الله تعالى يا احبائي ما التفاتكم وقد شفعت فيكم فاطمه؟ فيقولن يارب احببنا ان يعرف قدرنا في مثل هذه اليوم؟ فيقول الله ياحبائي ارجعو وانظرو من احبكم لحب فاطمه انظرو من اطعمكم لحب فاطمه انظرو من كساكم لحب فاطمه انظرو من رد عنكم غيبه في حب فاطمه فخذو بيده وداخلو الجنه
جانن البنات مبتسمات واني احجي واني هم جنت فرحانه واني احجي واعرف منزلتنا عند الله شكد جبيره بحيث اتشرفنا لهاي المكانه
_عاتكه:: دخل رسول الله (ص) ذات يوم على فاطمه وهي حزينه فقال لها ما حزنك يابنيه؟
قالت يا ابي ذكرت المحشر ووقوف الناس عراة يوم القيامه
فقال رسول الله (ص) يابنيه انه ليوم عظيم ولكن قد اخبرني جبرائيل عن الله عز وجل انه قال اول من ينشق القمر عنه يوم القيامه انا ثم بعلك علي بن ابي طالب ثم يبعث الله اليك جبرائيل في سبعين الف ملك فيضرب على قبرك سبع قباب من نور ثم يأتيك اسرافيل بثلاث حلل من نور فيقف عند رأسك فيناديك يافاطمه بنت محمد قومي الى محشرك فتقومين امنه روعتك مستورة عورتك فيناولك اسرفيل الحلل فتلبسيها ويأتيك روفائيل بنجيبه من نور زمامها من لؤلؤ رطب من ذهب فتركبيها ويقود روفائيل بزمها وبين يديك سبعون الف ملك بأيديهم الويه التسبيح فاذا جد بك السير استقبلتك سبعون الف حوراء يستبشرون بالنظر اليك بيد كل واحده منهن مجمرة من نور يسطع منها ريح العود من غير نار وعليهن اكاليل الجواهر مرصعه بالزبرجد الاخضر
سكتت ارتاح ورجعت كملت
_عاتكه:: الامام الصادق يقول سمعت جابر بن عبدالله الانصاري يقول سمعت رسول الله(ص) قال اذا كان يوم القيامه تقبل ابنتي فاطمه على ناقه من نوق الجنه وعن يمينها سبعون الف ملك وعن شمالها سبعون الف ملك وجبرائيل اخذ بخطم الناقه ينادي (غضو ابصاركم حتى تجوز بنت محمد) فلا يبقى يؤمئذ نبي ولا رسول ولاصديق ولاشهيد الا غضو ابصارهم حتى تجوز فاطمه فاذا النداء من قبل الله جل جلاله ياحبيبتي وابنه حبيبي سليني تعطي واشفعي تشفعي فوعزتي وجلالي لاجازني ظلم ظالم فتقول اللهي وسيدي ذريتي وشيعتي وشيعه ذريتي ومحبيبي ومحبي ذريتي
فاذا النداء من قبل الله جل جلاله اين ذريه فاطمه وشيعتها ومحبوها ومحبو ذريتها؟
فيقبلون وقد احاط بهم ملائكه الرحمه فتقدهم فاطمه (ع) حتى تدخلهم الجنه
كملت درس الشفاعه للعلويات بمواضيع اضافيه وطويله بعد مرور اكثر من ساعه سمحت الهن ياخذن راحتهن وكمت طالعه من المصلا للمطبخ صارت كدامي شاهيناز كاعده على الكرسي كدام الطاوله تشرب ماي
_شاهيناز:: اخذتي المحسنات درس
_عاتكه:: اي توني خلصت
هزت راسها ورجعت صافنه تشرب ماي اخذت صحن جبير غسلته وفتحت الثلاجه طلعت فواكه موز وتفاح وبرتقال غسلتهن فتحت باب الحديقه الخلفيه اشرت الشاهيناز تجي وراي ودخلت للحديقه
فرشت مفرش جبير على الارض خليت صحن الفواكه وكعدت اجت شاهيناز وراي بيدها كلاص وجكه ماي كعدت يمي
صفنت شوي ودارت علي تأشر
_شاهيناز: تلكيني اني يمج
ابوس ايدج واكملج
بقت تردد بهل سطر وتباوعلي مبتسمه تأشر عليه دنكت اكل تفاح ومبتسمه وياها وومشاعرها الاجت فجاءة اخذت برتقاله ودارت تباوع للحديقه وهيه تحجي
_شاهيناز:: تدرين عاتكه؟ كل مااسمع واحد يحجي على الاخ لو قصيده عن الاخ والاخت اتذكرج
دنكت مبتسمه بخجل وحب على كلامها رفعت راسي اريد اعبر الها عن مشاعري وشنو اعتبرها بس سبقتني من كالت
_شاهيناز:: والله يعني اتخيل بيوم يكضنج نسوان يزوركنج تزورك دك ب النعال يكتلجن واجي اني افزعلج وهيج الاخ وكذا
غابت ابتسامتي واني اسمع كلامها مصدومه انطتني صدمه خلتني ماعرف ارد بعد وهيه تاكل برتقال وصافنه على الحديقه وتحجي بجد! واني فاتحه حلكي مصدومه على تخيلاتها
_شاهيناز:: بس والله صدك امنيتي هيج
_عاتكه:: شتتمنين هيوو شبيج
_شاهيناز:: يعني اتمنه صدك تنكتلين حتى تشوفين فزعه بت عمج
_عاتكه:: عمي لا خلف الله عليج لاتتمنين براسي لااريد اشوف فزعتج ولاغيرها
_شاهيناز:: شبيج فوك مافزعلج؟
_عاتكه:: اني ماريد اشوف فزعتج شنو صخل فدوه تجربين فزعتج بيه
_شاهيناز:: والله مو صوجج
_عاتكه:: امشي ولييي والله يالله شلون تحجيها
ودرت عنها اباوعلها صفح وهيه كل شوي ادور علي تنطيني جزء من الكتله الراح انكتلها وشلون هيه راح تفزعلي اخذت صحن الفواكه وتمشيت ادخل للبيت ادردم انوب بعد ناقصه بس هاي انكتل حتى تفزعلي خليت صحن الفواكه على الطاوله وغسلت ايدي دخلت عمتي بيدها
التلفون اخذت كلاص وراحت لترمز الماي تشرب دخلت شاهيناز للمطبخ تاكل ب الموزه وتباوعلي
_شاهيناز:: تلكيني اني يمج
ابوس ايدج واكملج
اوفي وياج الوعود ×2
مامات اليكفلج
وماعاش اليزعلج
باوعتلها عمتي ورجعت تباوع ب تلفونها
_عاتكه:: عمي ماريدج يمي
_شاهيناز:: عتوكك شبيج حساسه
_عاتكه:: معليج بيه
بقيت واكفه يم عمتي وشاهيناز طلعت من المطبخ تلحن القصيده واني صافنه اتخيل صدك بيوم انكتل وهيه تفزعلي ندك باب المطبخ صاحت عمتي من مكانها
_جهاد::تفضل
_جادح::ندخل؟
_غضنفر::ادري مو تكلك تفضل بعد شكو ندخل..السلام عليكم
دخل غضنفر ووجادح ورا جرو كراسي الطاوله وكعدو باوعتلهم عمتي
_جهاد::عليكم السلام شتردون
_غضنفر:: اطردين شنو
_جهاد:: جاي اسأل
_غضنفر:: رحنا للحوزه عود جان السيد شافنا وطردنا
_جهاد:: طردكم ليش؟
_غضنفر:: يكول جادح خرع الوادم طب يخزر ب اليدرسون
رفع جادح راسه من التلفون يباوع لغضنفر صفح رجع دنك مره ثانيه على التلفون صفنت على ملامح جادح فعلا ملامحه تخوف ولابيها رحمه حواجبه دوم مخنزره غير جسمه وضخامته عبالك ملاكم اليشوفه مايصدك سيد
‼️ نسوان التلي مايحتاج يكعدن يتخيلن شكل جادح لان اني نشرته ب قناتي التلغرام وكلها اتفقت على وصف عاتكه وملامحه. 😂‼️
دخلت شاهيناز للمطبخ الموزه بعدها بيدها صارت عينها على جادح الي رفع راسه صافن على شاهيناز بقو واحد صافن على الثاني باوعتلهم عمتي مصغره عينها خازره الاثنين صاحت عمتي من مكانها تباوع لجادح
_جهاد:: عينكككك
دار جادح على عمتي تحمحم وطفى التلفون يباوع الغضنفر مبتسم دارت عمتي على شاهيناز رافعه تك حاجب دنكت شاهيناز ووكفت يمي تتهرب من نضرات عمتي
_غضنفر:: صدك جهاد ردو خبر اهل البنيه؟
_جهاد:: خبريش؟
_غضنفر:: موافقه لو رفض!!
_جهاد:: هااااا لابعدهم يفكرون
_غضنفر:: شسالفه ماطلع تفكير
_جهاد:: اي البنيه ثكيله ترديها تردلك خبر نفس اليوم تكلك موافقه بنيه ثكيله جاي تمخمخ السالفه براسها
هز غضنفر راسه يهز ب ايده على كلام عمتي دارت على جادح
_جهاد:: اي جادح شلونك ابنك شلونه
_جادح:: بخير
_جهاد:: شدراك بخير وانت شامره ببغداد وكاضيها ب النجف وكربلاء ناسي عندك ابن؟
_غضنفر:: اي عفيه رزلي
_جادح:: شنو شاكليج ابني كلج ابوي معذبني
_جهاد:: جاي احجي صدك خليكم شوي جادين
_غضنفر:: جادين لو ذايبين
دارت عمتي على غضنفر مستغربه عاكده حواجبها وغضنفر يتصفن على المطبخ
_جهاد:: غضنفر شبيك؟
_غضنفر:: ماكدرت والله ماكدرت اخليها بكلبي
_جادح:: جهاد لاتخزرين ب اخوي ترا حساس
_غضنفر:: اي والله فدوه اروحلك
حجاها وباس جادح من راسه دار غضنفر على عمتي وجادح مسح البوسه هزت عمتي ايدها ماعاجبها الوضع
_جهاد:: اخوكم الثالث وين
_غضنفر:: سوده عليه صايره بي خوفه خاف يجي والسيد يلزمه
_جهاد:: شسالفتكم ابوي يريد مصلحتكم وبعدين ابوي ماجبرك كلك القرار بيدك انت كلت اي
_غضنفر:: هواااا غيرررر طب للمصلا احجي ويا ساعه كامله داير وجهه على الحايط خاف عينه تصير بعيني ويكول بابا انا ماجبرك بكيفك يعني لو ترفض وازعل عليك ليوم الدين لو توافق
دارت عمتي عيونها تباوع للمطبخ والساده يباوعولها صفح
_جهاد:: لا تباوعون هيج معلي اني
_جادح:: اكص ايدي ورجلي وياها اذا مو انت الخالتها براسه
سكتت عمتي ماحجت استغربت معقوله صدك عمتي تدري بس عمتي انصدمت نفس صدمتنا؟ صفن غضنفر ساكت ملامحه مو اقل من ملامح جادح ثنينهم ملامحهم حاده وضخمين حتى من يضحكون ويشاقون مايبين عليهم كامت عمتي اخذت قوري فارغ ترسته ماي وخلته على الطباخ تدور على الجداحه دارت على جادح تاشرله
_جهاد:: جادح انطيني جداحتك
_جادح:: يعني شنو جداحه
_جهاد:: الجداحه التشرب بيها جكاير
_جادح:: منو يشرب جكاير انا!!
حجاها يأشر على نفسه مصدوم دار على شاهيناز خازرها هيه بسرعه دارت وجهه
_جهاد:: جيبها جيبها فقير نتبلى عليك
_جادح:: نادر ماشربها
حجاها وطلع الجداحه من جيبه شمرها لعمتي
_جهاد:: نادر مووو
_جادح:: اي من اضوج لو اصفن لو ردت انام ورا الاكل ورا الجاي وانا اسوق هيج اواقات اشربها
_جهاد:: لعد وين النادراً.؟
_جادح:: اي نادر كدام السيد عبد الرؤف وابوي
_غضنفر:: قصده نادرا من مايشربها كدام الساده بس ب الحالات الاخرى يشربها
شعلت عمتي الطباخ وشمرتها علي
_جهاد:: لاتكثر بيها اليعجبك باجر يضرك
هز راسه ب اي ساكت
_غضنفر:: صدك جهاد البارحه محسن صورلي اسطبل الخيول وصور السراج وياهم
_جهاد:: يمهه ابني
حجتها عمتي زعلانه بسرعه دمعت عينها
_غضنفر:: شوف شوف الدمعه تركص بعينها
_جهاد:: تذكرته غضنفر السراج سنين ماشايفته
_جادح:: ماضل شي
سكتت عمتي زعلانه كامو الساده يطلعون ودعتهم عمتي وضلت كاعده على الطاوله مدنكه كامت شاهيناز من مكانها تريد تطلع صاحت بيها عمتي تأشر حتى تجيها
_جهاد:: تعاييي
_شاهيناز:: ها عمه تصحيني؟
سكتت عمتي تأشر بيدها باوعتلي شاهيناز ورجعت باوعت لعمتي تمشت لعمتي تفرك بيديها وكفت كدام عمتي ساكته باوعتلها عمتي وجرتها من اذنها من فوك الربطه
_شاهيناز:: اخ اخ عمه
_جهاد:: وثوللل شهل نضرات ولج؟
_شاهيناز:؛ عمه والله عيونه تعجبني
_جهاد:: شنو!!!!!
_شاهيناز:: اقصددد لون عيونه عمه والله لون عيونه
_جهاد:: وشنوو لون عيونه ماشايفه عيون ملونه؟
_شاهيناز:: لاعمه مو يجذبني هذه الون
_جهاد:: باعي شاهيناز اذا لمحتج مره ثانيه تصفنين بوجه جادح هيج عيونج افكسها مفهوم!!!!
_شاهيناز:: مفهوممم هاي هيه
عافتها عمتي ضايجه ضليت ساكته خاف احجي ويلوحني طشار...
"شاهيناز"
طلعت راجعه لبيتنا حتى نسيت عندي اهل وبيت فتحت باب الشارع اطلع ماشوف غير جادح وكف كدامي اشرلي ب ايده مستغرب
_جادح:: وين؟
_شاهيناز:: شنو وين رايحه لبيتنا
_جادح:: دخلي دخلي زلم واكفين هنا
_شاهيناز:: شسويلهم هوا هذه بيتنا مابي شبر منا لهنا
_جادح:: دخلي خل يرحون وطلعي علويه
_شاهيناز:: لا خل اروح امي تنتضرني
باوعلي رافع حواجبه الشمس ضاربه على وجهه ولون عيونه بارز حتى لحيته بيها شقار اشر ب ايده
_جادح:: تعاي
_شاهيناز:: شنو وين
_جادح:: امشي اوديج لبيتكم
_شاهيناز:: ايي
طلعت من البيت هوا كدامي واني ورا بيتنا وبيت السيد مو بعيد بيتنا وبيت عمي منتظر جيران لبيت السيد عبد الرؤف حايط على حايط بيتنا يمنى بيت عمي يسرى وصلنه للبيت اشرلي ادخل دفعت الباب ودخلت درت علي شفته صافن يباوعلي دنكت بسرعه وسديت الباب اطفر شجاج شاهيناز ولج ثكلي كافي لحيتي هواي بس مو بيدي والله بدون قصد اصفن بي عيوني ماكدر ابعدهن وفضولي للون عيونه دوم يجذبني اباوع واصفن علي دخلت للبيت وصعدت لغرفتي كبل.
"قس"
مر يومين على جيه العلويه والوضوع هادء حتى قدس وقت السمعت موضوع الخطبه زعلت ماراضيه لان ماجانت مفكره بهذه الموضوع وفعلا خبر خطبتها صدمه للجميع بيوم جنت اني وقدس والبنات كاعدات ب الغرفه
ندفع باب الغرفه بقوه دخل رفعت راسي اشوف ابتهال بت عمي فحطانه تاشرر النا نكوم
_ابتهال:: كومن كومننن بسرعه لحكن
_قس:: طلعت بت وزير الوزراء وبدلوني ب المستشفى واكتشف الموضوع واجه يرجعني لحضنه؟؟؟
صفنن كلهن يباوعلي مستغربات شمرت قبس الدشداشه علي
_قبس:: مو كتلج بطلي تخيلات
_قس:: منين ماصفن الها ماشوف روحي اشبهكم
_ابتهال:: ولجننن مو وقتها كومن شوفن شصاير جوااا
كمنا اني والبنات طالعات من الغرفه نزلنا الدرج اشوف عمامي واولادهم كلها مجتمعه ب الصاله من شافونا نزلنا كام عمي الوسطاني جميل يأشر علينه
_جميل:: هلا بيجن عمي تعالن يبعد روحي
نزلنا مستغربات من الحنيه الاجت فجاءة ونزلت علي انوب يبعد روحي جديده هاي اخذنا اني والبنات بحضنه يبوس براسنا اباوع مرته عبير تخزر بينه ماعاجبها وابنه رعد مبتسم
_جميل:: تعالن يبعد عمجن كعدن
اخذ قدس من ايدها وقادسيه واني والباقيات يجرجر بينه كعدنه على القنفه يباوع لقدس مبتسم
_جميل:: عمي مابيها شي البنيه شحلاتها
_قدس:: شكرا عمو
_جميل:: العفو يبعد عمج
باسها من رأسها ضامها لحضنه عرفت هاي الحنيه نزلتها مو خاليه خاصه من كمل كلامه
_جميل:: والله ياعمي من اشوفجن اشوف اخوي علي بيجن
_قس:: لا جا احنا مانشبه ابوي
كرصتني قبس من خاصرتي واني سكتت
_جميل:: اقصد ريحته بيجن وانا يا بعد عمجن سمعت جاينن خطابه لقدوسه
_نضال:: اي والله شلون ناس ينحطون على الكلب اجو من النجف علمودها
_عبير:؛ وتستاهل يجون من النجف لهين علمودها
_قس:: جا شبيها ماتستاهل
_جميل:: اسكتو اكمل كلامي
سكتت الكل كمل عمي كلامه
_جميل:: يابويه انا ماريدجن ترحن للغربه لهذه انا اليوم كدام الكل جاي اوكف قدوسه ل ابني رعد
سكتت الكل مستغرب ليش من يمتى قدس ورعد يتوالمون حتى يوكفها ل ابنه درت على رعد شفته صافن على قدس مبتسم بفخر تحسه مسوي انجاز وامه ماعجبها تخزر بينه سكتو الباقين يباوعون لقدس سكتت مدنكه ماكدرت اسكت واخلي الحجايه بحلكي.
_قس:: ليش عمو توكف قسمتها!
_جميل:: شنو ليش اوكف قسمتها ابن عمها اولا بيها
_قس:: ليش اولها بيها؟ هاي صالها سنين محد حجه من اجو الناس صارت عزيزه؟
_جميل:: شنو تحاسبيني؟؟؟
_قس:: ماحاسب اني بس اكول هذه ظلم وانت تعرف ب قدس ماتريد رعد وماراغبته ليش من اجت قسمتها تريد توكفها؟
_عبير:: اكلج انت اخذتينه بلسانج عليمن؟ بس حقجن ثلاث ايام كاعدات يم الساده اكيد تاكلينه اكل عليهم تلكيهم عرفو يداروجن
_قس:: ترحيلهم فدوه لتراب اليمشون علي
توني اكمل ردي وماحس غير اجتني طكه على وجهي
طحت ب الكاع خاله ايدي على خشمي متوجعه درت على الجهه النطكيت منها شفت رعد ابن عمي
فوك راسي خازرني تقدم باسم اخوي ودفعه
_باسم::ايدك لك
_رعد::سكت اختك لا اترس حلكها نعل
_قس::بحلك امك ياجلب
هجم علي يضربني وخواني يدفعون بي جرتني قدس وقبس خالاتني وراهن وهما يتحلفون
_جميل::جنج يردالج جره اذن يا قس
_قس::اختي ماياخذهااااا هذه الفاهي!!!!
_ رعد:: بت الخرا ياهو فاهي
_باسم:: ابن النعال اشكك حلكك لو غلطت على ابوي
_جميل:: ولد القندره ماتستحون؟؟!!
وكفت على حيلي البنات كلهن وكفن كدامي
_قس:: الاغم تريدها مو!!؟
_رعد:: اييي اريدها وماتصير لغيري
_قس:: الك والله بيك خير ضل وياها
حجيتها وتوجهت صاعده لغرفتي امسح بدموعي يلا انت مو تريدها هاي هيه مسحت دموعي وشمرت روحي على الفراش نفتح باب الغرفه شفت قدس دخلت تريد تبجي
_قدس:: قس ماريده
_قس:: شسويلج شبيدي اني الي كلمه مثلا لو حجيت؟؟؟؟
_قدس:: قدس ماحبه شلون
_قس:: اكلج اكلي خرا تحبيه ماتحبي عندج لسان نزلي جوا مدي لاتجين يمي
لفيت راسي ب الفراش ساكته ماكدر احجي فعلا اعرف لو احجي بس انكتل لهذه ضليت ساكته نمت بمكاني
مغلسه على الوضع بعد مو بيدي الموضوع اني اصلا ماعندي اسلاح غير الساني لو مديته كصو الي
كعدت بليل فاتحه تك عين شفت البنات كلهن نايمات
كمت من مكاني وطلعت من الغرفه
نزلت الدرج اباوع الصاله فارغه دخلت للمطبخ فتحت باب الثلاجه صافنه عليها رجعت سديتها متعاجزه اسويلي اكل درت اطلع من المطبخ ورجعت درت فتحت باب الثلاجه صافنه اخذت بتيته جبيره غسلتها جوا السنك خليتها على الميز طلعت جدر فارغه غسلته وترسته ماي خليته على الطباخ اكشر ب البتيته
كصصتها قطع صغيره وشمرتها ب الجدر كعدت منتضرته البتيته تفور
طفيت الجدر من فارت البتيته صفيت الماي واخذت البتيته خليتها بصحن خليت فوكها ملح وعصرت ليمون خليتها على الميز ورحت للبراد اترس ماي نفتح باب المطبخ كمزت من مكاني مستغربه من شفته رعد دخل مبتسم من شافني ابتسم بتحدي رافعلي حواجبه
_رعد:: وينها قدوستي
_قس:: قدوستك شنو؟
_رعد:: بلا حجي زايد وين راحت قدس؟
_قس:: ليش هيه قدس وين؟
_رعد:: دخلت تشرب ماي قبل شوي
_قس:: شبيك انت بابا صالي ساعه كاعده هنا محد دخل وبعدين قدس نايمه فوك شتحجي انت
_رعد:: شنو نايمه فوك بلا جذب قبل شوي جانت كاعده يمي برا وين راحت؟؟؟
عفت كلاص الماي اباوعله مستغربه
_قس:: جيبلي خبزه احلفلك قدس فوك نايمه ومانزلت
عكد حواجبه مختفيه ابتسامته يباوعلي بخوف تقرب مني يهمس
_رعد:: حلفي قدس مانزلت!
_قس:: مو جاي اكلك جيبلي خبزه احلف؟ عمي والله وداعت هاي النعمه قدس مانزلت اني كعدت لكيتها نايمه فوك واني كاعده هنا محد صعد ونزل بعد شكو؟
_رعد:: والله العظيم وداعت امي جانت كاعده يمي برا
_قس:: اي عفيهه بده يشتغلك
_رعد:: منو!!!
_قس:؛ بعدين تعرفه منو
ركضت طالعه من المطبخ وصلت لدرج وتذكرت البتيته رجعت للمطبخ شفته صافن من دخلت كمز من مكانها اخذت البتيته ورجعت طلعت من المطبخ يعني اني مضحيه بنومتي وكايمه اطبخ تالي اعوفها لااا طبعا
صعدت للغرفه شعلت الضوه شفت قدس نايمه وحاضنه قبس كعدت بنصهن اكل
فتحت قادسيه عيونها مزعوجه
_قادسيه:: قسسس طفي الضوه
_قس:: خمدييييي
رجعت اكمل اكل خلصت الاكل شمرت الصحن على الميز اخذت من كلاص الماي غسلت وتمددت مكمله نومتي
كعدت يوم ثاني الغرفه فارغه
طلعت من الغرفه نازله الدرج اشوفهاا كلها وجوهتم مخطوفه ورعد وامه يتراجفون بمكانهم
نزلت مستغربه من شافني رعد كمز واكف يمي
_رعد:: هاي قسسس شاهده
_قس:: جذب
_جميل:؛ شنو جذب
_قس:: مادري بس شكو شي يحجي جذب ماشاهده علي
_رعد:: قسس بداعه عمي عليج البارحه بليل شصار
_قس:: شصار
_رعد:: موووو كتلج قدس جانت يمي وهيه نايمه فوك
_قس:: هاي يمتى؟
_رعد:: قدس جاي احلفج بعمي
_قس:: عمك الي البارحه تغلط علي؟؟
_باسم:: قسسسس كفي
_قس:: اي خوش اكف واي البارحه قدس نايمه فوك وهذه يكلي جانت يمي برا عباله كلنا نفس تربايه خواته نطلع بنصوص اليل
_عبير:: ادبسزززز
_رعد:: يمه مو كتلج والله البارحه جانت يمي قدس كاعده وهيه نايمه فوك
_محمد:: ولك عمو خاف سكران؟
_جميل:: شبيك محمد
_محمد:: شبيه هسه شكلت خاف سكران ويتوهم
_عبير:: هوااا سكران ويتوهم اني هم سكرانه اكلكم شفتت قدس واكفه ب الحمام تغسل اهدومم
درت على قدس الي جانت صافنه عليهم مستغربه
_قس:: هيه قس ملابسها تتعاجز تغسلهن انوب تروح لبيتكم تغسل هدومكم
_قدس:: عمو البارحه اني نايمه وماطلعت
_محمد:: ادري عمو ادري
كعدت على القنفه صافنه
_قس:: هم جني هذه يغسل هدوم
_قبس:: سكتي قسس
_قس:: شكلت يعني شكو بيها لو صخرنا يغسل هدومنا اي والله فكره حلوه
كعدت مرت عمي عبير تباوع لقدس خايفه دخلت نضال ويانت على الجو
_نضال:: اني ماردت احجي بس راح احجي
_محمد:: هااا نضالل
_نضال:: لا محمد ليش اسكت خل احجي
_رعد:: احجي عمه
_نضال:: هاي قبل يومين شفت مره لابسه عبايه تفتر بغرفتنا ومره شفتها واكفه يم الجربايه تباوع لمحمد
_محمد:: مو كلنا تتخيلين
_نضال:: لا ليش اتخيل انت مو هم شفت جهال مصاليخ يلعبون بليل ب الصاله؟؟
_رعد:: شفتت بويه تكلييي تتخيللل
كعد عمي يمسح على وجهه
_مريم:: حتى اني شفت زلمه واكف جوا شباك غرفتي يباوع للشباك يضحك ومن حجيت هم كالو تتخيلين
_ابتهال:: اني هم شفت مره نايمه يمي وكلت الامي تكلي من التلفون
طفرنا اني والبنات كل وحده حجت موقفها بحيث عبير وابنها صارو صفر من الخوف كمز رعد من مكانه
_رعد:: ماريدها اني يابه قدس ماريدها
_قس:: تلعب علينه شنوو تاخذها وانت الممنون
_عبير:: وليش ياخذهااا تردون تمشوهااا علينههه هيه وسوادينها
_قس:: محد كلكم صيرو خيرين ووكفوها وخليتونه نرد خبر للناس ورفضنه
_رعد:: ماريدها والله لو تصير روحي بيها ماريدها
حجاها وطلع من البيت بكبره لحكته امه وعمي ضل ساكت مدنك ابتسمت بفرح جنت اعرف هذه الشي راح يصير تذكرت العلويه قبل لاتروح من شاورتني
_جهاد:: قس كلشي راح يصير وياكم هذه لاشيء مجرد تمهيد للجاي
_قس:: الجاي شنو
_جهاد:: الجاي هواي وكلشي راح يصير وياكم هذه لاشيء مجرد ينطيكم علم بوجوده
درت على قدس شفتها مدنكه عيونها مدمعات خليت ايدي ب ايدها رفعت راسها تباوعلي تريد تبجي هزيت الها راسي اطمنها
قررت اليوم انطي خبر للعلويه اعرف وصلهم رفضنا بس لازم اشاركها ب الي صار مثل ماكلتلي....
"عاتكه"
دخلت عمتي مبتسمه للمصلا باوعت لغضنفر ورجعت باوعت لسيد
_جهاد:: سيد مرت عم قدس اتصلت علي
_عبد الرؤف:: اي وردهم شنو!
_جهاد:: موافقين
دنك غضنفر راسه والسيد عبد الرؤف ابتسم يباركله وهوا يهز براسه ب اي استغربت العلويه زهراء موافقتهم وهما رادين خبر الرفض قبل يومين
_جهاد:: سيد افضل نسوي الخطبه هذه الاسبوع
_العلويه زهراء:: وين نلحك
_جهاد:؛ نلحك لان عمها يتشغل ب الجيش والاسبوع الجاي يلتحق وهما يردو كاعد ب الخطبه واذا التحق لازم ننتظر على ماينزل
_عبد الرؤف:: بابا جهوده خليهم يدزون رقم والولد احجي ويا
هزت عمتي راسها وطلعت من المصلا اترخص غضنفر وطلع من المصلا طلعو الساده ورا والعلويه والسيد هم طلعو ضلينه كاعدات اني والبنات وحده صافنه بوجه الثانيه
_مهجان:: خل نكمل
رجعنا نكمل درسنا بمواضيع عشوائيه واحد اهم هذه المواضيع
_حميده::(يوم يقوم الروح والملائكه صفا لايتكلمون الا من أذن له الرحمن وقال صواباً)
محمد ابن علي (ع) قال كل يدخل الجنه الا من ابى
فسألو يا ابن رسول الله احد يأبى يدخل الجنه؟
قال نعم قالو من؟
قال من لم يقل لا اله الله محمد رسول الله
مهجان:: عن امير المؤمنين علي ابن ابي طالب (ع) قال رسول الله (ص) ياعلي كذب من زعم انه يحبني ويبغضك ياعلي اذا كان يوم القيامه نادى مناد من بطنان العرش اين محبو علي وشيعته؟ اين محبو علي ومن يحبه؟ اين المتحابون في الله؟ اين المتباذلون في الله؟ اين المؤثرون في انفسهم؟ اين الذين جفت السنتهم من العطش؟ اين الذين يصلون في اليل والناس نيام؟ اين الذين يبكون خشيه الله؟ لاخوف عليكم اليوم ولاانتم تحزنون انتم رفقاء محمد قرو عينا ادخلو الجنه انتم وازواجكم تحبرون
بدينا نبحث بمواضيع ونقراه ب اكثر من مصدر وكتاب نفتح باب المصلا دخلت عمتي مبتسمه ترفع بحواجبها
_شاهيناز:: ها عمه
_جهاد:: حضرن ارواحتجن
_مهجان:: ليش
_جهاد:: بعد يومين خطوبه غضنفر
وفعلا نفس اليوم السيد انطه علم للكل وبدى الكل يتحضر ثاني يوم كاعده امشط فاطمه واقرالها
_عاتكه:: محمد نبينا بنور هدينه من مكه حبيبي نوره سطع على المدينه من صلاه صلاتو تحله بصفاتو
يابخت البظلو ماشي يشفعلو بمماتو
اني اقره وهيه تقره وراي وتهز براسها واني كل شوي اثبته حتى امشطها عدل اندفع باب الغرفه رفعت راسي اشوف ملاك ماده رأسها تضحك
_ملاك:: هلاووو
ضحكت فرحانه عفت شعر فاطمه وكمت لملاك اسلم عليها وابوسها
_ملاك::شلونج
_عاتكه::زينه وانتِ يمتى اجيتو
_ملاك:: تونا جينه
_عاتكه:: اوكفي الف شعر ام ابيها
درت على ام ابيها شفتها تطفر على الجربايه تهز بشعرها وتضحك ضحكت ملاك وراحت الها تبوسها اخذتها من شعرها امشطها واحجي ويا ملاك
_عاتكه:: مشتاقتلج والله
_ملاك:: اوييي اني هم مشتاقتلج ومشتاقه لشاهيناز
_عاتكه:: شهل حب النزل فجاءة عليج انت وشاهيناز
_ملاك:: مادري والله من يوم الكتله حبيتها
ضحكت متذكره الكتله الخذتها من شاهيناز ب المرقد
_عاتكه:: صدك شفتيها جوا هيه
_ملاك:: اي اول مادخلنه لكينه عمه جهاد لازمتها رزايل
_عاتكه:: ياا ليش
_ملاك:: مادري والله ترزلها وملاك تتوسل بيها تقبل بس مادري عليمن
خلصت شعر فاطمه واخذتها ننزل اني وياها وملاك نسلم على الباقين نزلنه الدرج اشوف شاهيناز كاعده يم عمتي يم رجليها وعمتي دايره وجهه
_شاهيناز:: عمههه فدوه
_جهاد:: شاهيناز والله ادفرج
_شاهيناز:: حبابههههههه
_جهاد:: ابددددد
_العلويه زهراء:: ولج يمه مالكيتي غير هذه الون
_شاهيناز:: واللهي لم ولن ارضى بغير هذه الون
_جهاد:: واني لممم ولن ارضى تلبسي
_عبد الرؤف:: بابا جهاد هوا لون لبسن ثنينجن ونسقن بي
_جهاد؛؛ لاااا سيدد لاا اني مارضى
_شاهيناز:: عمه ماروح لعد اذا مانسق وياج
_جهاد:: اي احسن لاترحين
دارت شاهيناز وجهه زعلانه اشوف الكل مبتسم ويضحك على كعدتها ويا عمتي حتى جادح خال ابنه بحضنه ويباوعلها مبتسم نزلت الدرج توجهت الانضار علينه
_عاتكه:: السلام عليكم
_عبد المقتدر:: وعليكم السلام هلا بعتوكتنا هلا بعلويتنا
توجهت للسيد مقتدر مبتسمه كام من مكانه وحضني يبوس براسي
_عبد المقتدر:: مشتاقين علويه
_عاتكه:: اني اكثر سيد
_السيد معز؛؛ واحنا ناسينه
ضحكت وتوجهت للسيد معز وكذالك وكف حاضني سلمت على كل الموجودين وكعدت بصف مهجان درت عليها أشر على شاهيناز
_عاتكه:: شبيها شاهيناز
_مهجان:: اشترت فستان نفس فستان عمتي ونفس الون وعمتي ماترضى تكلها ماتلبسي
ضحكت متذكره شاهيناز وقت اشترت الفستان مارضت عمتي تشوفه بنفس الساعه لان تدري ماراح ترضى
بدى الكل يحضر للباجر
كعدنا الصبح اني والبنات نتحضر لان طلعتنا راح تصير من وكت حسب المسافه بينا وبين محافظه الديوانيه
نزلت الدرج شفت شاهيناز كاعده بنص الصاله زعلانه
_عاتكه:: ماتكومين يلاا!!
مرت عمتي من يمنا وصاحت تاشر على شاهيناز
_جهاد:: عوفيها عوفيها
_شاهيناز:: عمه والله ازعل
_جهاد:: زعلي
دخلت عمتي للمصلا وشاهيناز ضلت تطفر بمكانها زعلانه التم الكل ب غرفتي يجهز نفسه لبست فستان محجبات صحراوي تدرج الجوزي مخصر من جهه الخصر وبوف من جوا خليت مكياج خفيف حمره ومسكره وضلال على الخفيف بدون كحل وزياده
والكل سوت نفس الشي خوفن يسيح المكياج ب الطريق وكفت ملاك على المرايه تعدل ب شعرها جان فستانها وردي ونفس تفصال فستاني من جهه الخصر مخصر ومن جهه المعصم كرستال وكل فساتين البنات نفس الكصه كل فساتينه مال محجبات ومستورات والكل رتبت شعرها اني وملاك ومهجان فتحنه شعرنا ومبروم على الخفيف نهايه الشعر والباقيات شايلات شعرهن تسريحه دخلت شاهيناز مبتسمه بفرح
_شاهيناز:: اجت اميرتجن
حجتها ودارت حول نفسها فستانها اخضر ملكي من جهه الصدر نزله كرستال بلون الفستان ومن جهه الكتف بوف بي كسرات ومعصم الايد مكسر ضاب على الايد ومن جوا الفستان منفوخ وشعرها لكتفهت مبروم دخلت عمتي ورا شاهيناز جانت نفس طله شاهيناز لان شاهيناز ب الواقع اشترت نفس فستان عمتي
_جهاد:: خلصتن؟
_عاتكه:: ااي عمه
_جهاد:: يلا السيد يصيحجن جوا
نزلت عمتي واحنا نزلنه وراها جان السيد واكف بنص الصاله ويا السيد معتز وعبد المقتدر لابسين دشداشه بيضه و العمامه السوده والعبايه الخفيفه السوده لحيتهم بيضه محدده دار علينه السيد مبتسم
_عبد الرؤف:: ريحانه من رياحين الجنه
فتحو حضنهم ركضنا اني والبنات داخلين جوا عبيهم بوسونا الساده الثلاثه من روسنا
_عبد المقتدر:: قال رسول الله (ص) قبلو اولادكم فان لكم بكل قبله درجه في الجنه مابين كل درجتين خمسمائه عام
ابتسمنه اني والبنات والساده يتغزلون بينه سمعنه صوت الساده يردون يدخلون ركضنا كلنا نلبس عبينه ونجهز ارواحتنا نزلنه كلنا للصاله الساده كلهم واكفين ب الصاله والنسوان كلها ملتمه ب المصلا
_جادح:: سيد الزلم كلها منتضره نطلع
_عبد الرؤف:: يلا نتوكل على الله جهزتو سيارات العلويات والنساء
_فقار:: جاهزه سيد
_عبد الرؤف:: يلا بويه توكلنا
طلعنا كلنا للخارج بس سياره غضنفر واكفه وسياره فقار وايليا وسادتنا موجوده طلعو الساده بسيارتهم واحنا التمينه بسياره فقار وايليا متوزعين والنساء البقيه ب السيارت البقيه طلعت شاهيناز مانتبهه على عباتها الزنجيل مفتوح من جوا وفستانها كله طالع شافها جادح زمخ بيها
_جادح:: عباتجججج
_شاهيناز:: اي شبيك تصيح وين ادري؟
_جادح:: ضمي ملابسجج ويلا للسياره
_شاهيناز:: لاتأمر ابووو ميرزاااا
_جادح:: عليمن تعلين صوتج؟
_جهاد:: شبيك جادح ليش تصيح بيها؟؟
_جادح:: عباتها جهاد
_جهاد:: قابل متقصده شبيك؟
_جادح:: انت عود خربيهن
حجاها وصعد لسيارته اشرت عمتي لشاهيناز تصعد صعدت شاهيناز ضايجه وعمتي كدام يم فقار طلعت السيارت كلها جنت متوقعه بس هذن السيارت بس نصدمت من وصلنا للشارع اشوف سره سيارات سود مصفوفات سوا من وصلت سياره غضنفر طلعت كدامهن والسيارت وراها يمشن واحنا اخر شي
_جهاد:: سيارت منو السود المضلله؟
_فقار:: دلهب وجزام اصدقاء الولد
هزت عمتي راسها ساكته طالعين للديوانيه
"قس"
نزلت الدرج شايله البدله بيدي
_قس:: قبس ام جواد تريدج تعدلين مكياجها
وكفت ب الصاله اوزع انضاري على النضاري المكان انترس نسوان يركصن على اغاني ساجده عبيد وكفت قادسيه يمي
_قادسيه:: اكلج الاغاني شلون
_قس:؛ شلون
_قادسيه:: نطفيهن خاف العلويات مايقبلن
_قس::اي من يجن طفن الديجي
_ابتهال:: جا عليمن نركص انوب مايقبلون نشعل اغاني
_نور:: صدك بنات تخرب الاجواء لو طفينه الديجي
_بنين:: نشغله شعلينه بيهم
جاي ارد عليها ودخل ابن باسم الصغير يطفر
_كرار:: اجوو اجوو
ركضنا اني والبنات لغرفتنا فوك فتحنه باب الغرفه شفت قدس فاتحه البرده تباوع من الشباك ركضنا يمها اني والبنات وكفت يمها اباوع مبتسمه
جان بيتنا نزله من الشارع لبيتنا كبل ب البستان جانت سياره العريس تمشي كدام السيارات مزينه وسيارتين سود مضللات كبار ورا سيارته والسيارته البقيه يمشن وراهن
دخلت سياره العريس والسيارتين السود للبستان وبقيه السيارت وكفن على الشارع ابتسمت بفرح من نزل السيد عبد الرؤف وثنين ساده كبار ويا وغضنفر من السياره تلكوهم اهلنا
السيد عبد الرؤف بمقدمه السطر مبتسم يسلم وثنين ساده كبار ويا نزلو الساده البقيه من السيارت
نزلو مجموعه زلم لابسين قوط سود واحد منهم اصلع وثنين لا تقدم واحد منهم ملامحه تجذب النضر مشيته وضحكته برزانه وثكل اول مره اشوفه ماكدرت افصل ملامحه عدل لازم اكابله واكعد اوصف الكم صح
ضليت صافنه ومبهوره الشارع انترس ساده معممين الي لابس عمامه سوده والي لابسه عمامه بيضه والي لابس بنطرون والي لابسين دشداشه وغضنفر بدشداشته البيضه وغترته واكف ورا الساده يسلم
دخلو الساده الكبار للبيت والبقيه ب الشارع على الكراسي
_بنين:: عزااا باع هذاك شكد حلو
جانت تأشر على جادح الي واكف وبصفه طفل لابسين دشداشه جوزيه ملامحه جامده ومغيمه درت على قدس الي جانت متوتره تباوعلهم جانت لابسه قفطان ابيض مخصر من جهه الخصر ولردن نازل كلوش ابيض طويل من كرستال وشعرها مفتوح برم لخصرها
جانت جميله وملامحها هادءة حتى مكياجها هادء ترابي لون الحمره احمر غامق
سمعت صياح نضال من جوا طلعت من الغرفه اني والبنات وقسار ضلت يم قدس الي بدت تتوتر وتعرك
نزلنا الدرج اشوف نضال مخبوصه شافتنا وصرخت بينه
_نضال:: وينجنننن ماتشوفن الوادم اجتت
_ابتهال:: اي شفناهم من فوك
_نضال:: امشنن للمطبخخخ حضرنن الضيافه للزلم
_قس:: العلويات يمتى يجن؟
_نضال:: جايات ب الطريق يلاا
دخلنه للمطبخ نجهز العصير والماي للزلم دخل باسم وقاسم مخبوصين
_باسم:: ماخلصتننن يلاا
_قادسيه:: لحظههه
اخذو صواني الماي والعصاير واحنا ماوكفنا كرف دخلت نضال تاشرلي
_نضال:: قسس بسرعه صعدي نزلي قدس
عفت البنات وصعدت لقدس دخلت لغرفه شفتها شايله كارتونه تهفي لنفسها
_قس:: شبيج
_قدس:: مادري مادري متوتره
_قس:: لا قدوسه ماكو شي يوتر باعي شلون عركتي لامكيايجج يسيححح
هفيت عليها اهديها وهيه ترجف نفتح باب الغرفه دخلت قبس
_قبس:: ولجننن يلاااا نضال خبصتنا
هزيت راسي ب اي وكمت اوكف قدس واعينها لزمتها قبس من جهه واني من جهه وقسار ورانا تهفي لقدس طلعنه من الغرفه نزلنه الدرج من شافن النسوان قدس هلهلهن على الخفيف يباركلها كعدناها على الكرسي وهيه تفرك بيدها متوتره
_ابتهال:: اجن العلويات
ركضن النسوان والبنات يطفن السماعه والاغاني كلها وكفت منتضره دخله العلويات طلعت نضال ومريم يتلكن العلويات توني البس شالي حتى اطلع وراهن وماشوف غير العلويه جهاد والعلويات وراها
دخلت العلويه وهلهلت اول مره وحدها والمره الثانيه هلهلت والعلويات كلهن وياها نسوانا كلهن سكتن صافنات على العلويات نزعت العلويه جهاد عباتها والنقاب هيه والعلويات
الكل صفن على العلويه جهاد جانت شخصيتها بارزه بحيث العلويات كلهن محاوطاتها
تقدمت العلويه جهاد على قدس باستها وكومتها مشتها لنص الصاله رفعت ايديها للكل يسكت وفعلا الكل سكت
_جهاد:: صلوات صلوات على الامام المنتظر
سلامات سلامات يرجع بعد طول السفر
حجتها والعلويات يرددن وراها ويصفكن والي يهلهل ويدك على ايده
_جهاد:: علامات نحسبله كل لحظه بشهر
اللهي يا اللهي متى الغايب يجينه×٢
اغوص ببحر الهموم وانا شواكي سفينه
اللهي عجل امره يارب اعطف علينه
بدينه نحسب ايام ولايرجع ولينه
والايام والايام عشناها من مر الامر
صفى الحال صفى الحال حال الطيور بلا شجر
تجمعن العلويات الكبار يصفكن والعلويه جهاد تقره
_جهاد:: همت والدنيا لحظات لجن طالت عليه
حياتي دمعت غروب جنت بنك المسيه
اشوفك ب السمه بعيد مثل نجم الثريه
واشوفك مره ب الكاع وانادي عود اليه
صلوات صلوات صلوات صلوات
سكتت العلويه والبنات عاتكه وشاهيناز وملاك يفترن على شكل دائره على قدس ويشمرن عليها ورد ناعم
_صلوات على الامام المنتظر
التمن على قدس يهلهلن ويصفكن بقوه بحيث سوون اجواء قويه وحماسيه حتى نسوانا التمن وياهن يصفكن الكل فرحان صوت العلويه جهاد جميل ويجذب الكل وهيه تصفك وتفتر ويا البنات وقدس مبتسمه بفرح جرتنا العلويه جهاد اني وخواتي وياهن نصفك
_جهاد::والحلام والحلام تتحقق بلمحه البصر
فرح بستان الورود عرف جيتك قريبه
حبيبي بدنيته يريد فقط شوفه حبيبه
حلم اخضر رسمانه على اجناح المصيبه
نسيم الشوك مر بيه خبر عاجل تجيبه
يمعبود من فركته ذاب الحجر
العلويه تحجي والبنات يشمرن ورد على قدس
الكل جان فرحان العلويات بمجرد دخلن غيرن مود الجميع وبدون اغاني وهوسه ختمتها العلويه جهاد بهوستها
_جهاد:: حديقتنه ازهرت صبح ورد بيها ي ام جادح افرحي جنتج بيه
كلها هوست فرحانه تقدمن العلويات ل قدس يبوسن بيها ويتباركن جرتني العلويه جهاد تحضني اني وخواتي
والبنات وياها حيلل فرحت ب دخله العلويات واجواءهن بدون اغاني وبدون طربكه
_شاهيناز:: شلونهن القافيات
_قس:: هلا شاهيناز
بوستها هيه والبنات
_عاتكه:: هاي شطالعات يابه
_قادسيه:: حلوات مو
_عاتكه::مكسرات علينه
_شاهيناز:: انجبي مكسرات عليج انت اني محد يكسر علي
_حميده:: حجايه التنكال
_شاهيناز:: لاعيني ماكو هيج هذه الاستايل كلفني رزاله من عمتي وامي والعلويه وابو خزره
_قسار:: ياهو ابو خزره
_شاهيناز:: جادح ابو خزره مدحني يلاااا
_قس:: عمي والله طالعه تخبلين انوب منسقه ويا العلويه جهاد وانتن تشابهن
_شاهيناز:: اي لعد عليمن ترزلت غير عمتي درت بيه مشتريه نفس فستانها
_قبس:: امانه صدك انتِ وعمتج طالعات تجننن
_شاهيناز؛؛ حبيبتي انتِ الي تخبلين
تجمعنا ويا العلويات ملتمات على قدس يباركلها دخلت ام غضنفر مبتسمه تاشر النا نكوم قدس
_رنا:: يلا يمه السيد يريد البنيه حتى يعقدون
كومنا قدس اني والعلويه جهاد وكفناها لخارج من جهه الديوان الباب الثاني كعدناها على الكرسي سمعت صوت السيد عبد الرؤف
_عبد الرؤف:: بابا قدوسه تسمعيني؟
_قدس:: اي سيد
_عبد الرؤف:: شلونج بنيتي
_قدس:: الحمدلله سيد
_عبد الرؤف:: يلا بنيتي راح ابدي وانت وراي
غمضت عيوني واني اسمع السيد عبد الرؤف يعقد لقدس على غضنفر دمعت عيوني ماعرف هل هاي دموع فرح او خوف على مستقبل اختي المجهول فتحت عيوني من سمعت قدس
_قدس:: نعم انت وكيلي
بدت الهلاهل بصوت خفيف من البعض والبعض ساكت خلصو العقد ورجعو قدس لمكانها يباركون الها حضنتها ابجي
_قس:: مبروك
_قدس:: لاتبجين قس والله ابجي وياج
_قس:: اكلج انت شنو سالفتج كل ماواحد بجه بجيتي ويا
_قدس:: مادري والله عيوني بسرعه يدمعن
حضنتها ابوس بيها اني والبنات صاحو العريس راح يدخل بعدنا عنها اني والبنات وحتى العلويات تكترن على صفحه
دخل غضنفر منزل رأسه والهلاهل تتلكاه هوست امه وهوه مبتسم باس راس امه ودخل متوجه لقدس الي جانت مدنكه تفرك ب ايدها متوتره وكف كدامها قبل لايكعد باسها من راسها وكعد رفعت قدس راسها تباوع النا تريد تبجي بقينه اني والبنات واكفات بمكانه نهديها بنضراتنا
فتحت العلويه زهراء علاكه سوده جبيره طلعت منها قماش ابيض جبير ومبخرتين ثنين كبار
وطاسه بشكل دائرة بيها ورد احمر
فتحن العلويات حميده وحوراء وشاهيناز وملاك واديان ووديان ومهجان وعاتكه القماش جان قماش ستن ابيض جبير قماشته مشخل وعلى اطراف القماش تور طويل منقش ب لؤلؤء واكرستال بعدن النسوان كلهن وفرغن الصاله الجزء الي ب النص توزعن كلهن شايلات القماش
رفعنه صارت قدس وغضنفر جوا القماش تقدمت العلويه بيدها الطاسه البيها ورد وزعتها على النسوان حطت بيد كل وحده مجموعه من الورد
اخذت العلويه جهاد المبخرتين انطت وحده ل ام العريس ووحده لقبس وكفن يم العرسان يبخرن على الخفيف
طلعت العلويه جهاد من جوا القماش لسماعه اجانا صوت باسم الكربلائي _زواج النور_
بدت الكلمات بلسان باسم والعلويات يهزن راسهن على الخفيف بده غضنفر يلبس قدس النيشان
والسماعه مكمله بدن العلويات ويا الكلمات يحجن سوا
_صحت يطيور غنيلي على غصن العشك ميلي
زواج النور اريد الكون يعيش افراح غنيلي
وقت يجي دور باسم العلويات يسكتن ومن يخلص باسم يحجن بشكل جماعي والنسوان يشمرن ورد على العرسان
_عساه سعيد ومبارك تضل دوم بفرح دارك
لبس غضنفر النيشان وكفو يكصصو الكيك والعلويات مستمرات يغنن
_عليهم طافو الولدان نسيم الروح والريحان
اخذ غضنفر خاشوكه من الكيك ووكلها لقدس وهيه سوت نفس الشي وصلو للعصير توترت قدس ايدها ترجف لزم غضنفر ايد قدس ويا الكلاص يشرب روحه ويشربها ابتسمت على حركته اردد ويا العلويات
_جمال المجتبى يجنن بي الف يوسف
مسح غضنفر حلكه اخذ وجهه قدس يمسح بحلكها اشوف اختي كوا واكفه شوي وطيح من التوتر وحقها اني وياها متوتره ماعرف ليش رفعن العلويات ايديهن يحركنها بهدوء عجبتني حركتهن ورفعت ايدي وياهن
_واذا البحرين يلتقيان نتيجه لؤلؤ ومرجان
ختمنها العلويات ب اخر جزء من
_تمثل نور هل كوكب حسن وحسين وي زينب
كعدو على الكرسي لفن العلويات القماش وكلها هلهلت ختمتها العلويه جهاد
جهاد:: وزفيناه بصايه حيدر
هوسن النسوان الكبار وغضنفر مبتسم مدنك دار على قدس وتقرب منها يهمس ب اذنها
هزت راسها ب اي تفرك ب ايدها لزم ايدها وفتحهن اخذ ايدها ب ايده ساكت وهيه شوي وينغمي عليها مدري خجل مدري توتر رجع تقرب منها يهمس ماشوف غير قدس ابتسمت واني حواسي كلهن وياهم باوعت البنات كلهن صافنات عليهم حتى العلويه جهاد ويانا مبتسمه همست شاهيناز
_شاهيناز:: شكللهااا ليش ابتسمت
_ملاك:: صار عندي فضول هاي ثالث مره يشاورها وهيه تضحك
_قس:: فلك شدراج ثالث مره صالي ساعه صافنه عليهم
_ملاك:: حبيبتي اني عيوني مبحلكه عليهم شتحجين انت
_مهجان:: بس صدك شكلها والله صار عندي فضول
_عاتكه:: باعن باعننن رجعت ضحكتتت
باوعت ب اتجاههمم صدك قدس مبتسمه مدنكه وغضنفر مبتسم يباوعلها
_حميده:: هاي شنو شنو هاي
_حوراء:: ماصالهم نص ساعه من عقدو واشتغلت الضحكات
_شاهيناز:: خايبه قدس شكلج تعاي
_عاتكه:: سكتي شاهيناز عيب
_شاهيناز:: عيبيش شبيجج غير نعرف حتى من يجي دورنا نعرف السالفه تسوى نضحك عليها
_قس:: مو هسه بعدين نكلها شكلج
_قادسيه:: خاف تستحي وماتحجي
_قس:: لاشحدها وعلي اموتها كتل اذا ماكلتلي
_شاهيناز:: يابعد روحي قسوسه انطيج رقمي تكليلي شكلها
_قس:: اي حبيبتي بس ماكو بلوشي
_شاهيناز:: خيررر شتردين بس لاتردين فلوس
_قس:: اي حبيبتي الي تريد تعرف تكيت فلوسها على كل ضحكه خمسه
_شاهيناز:: خمسه؟ وهيه ضحكت اربع مرات واحنا ثمانيه
_اديان:: فلوس فلوس
_دعاء:: حبيبتي سوي تخفيضات شسالفه مو صرنا حبايب
_قس:: حبيبتي ماكو هيج حجي تنطين فلوسج انطيج الحجايه ماتنطين مانطي
_شاهيناز:: مابيها شي كل وحده من عدنا تنطي خمسه وبعدين نحجين لبعض
_قس:: لاعيني ماكو هيج احلفجن ب العباس كون محد تحجي لثانيه وانتن علويات خو ماتكسرن ب الحلفان
_شاهيناز:: ياحقيره
جاي نحجي ومانحس غير صيحه العلويه جهاد خلتنه نتلفت
_جهاد:: انتن ماتستحن كاعدات تسون مفاوضات؟؟
_شاهيناز:: عمه هاي قس
_قس:: جذابه علويه هاي عاتكه
_عاتكه:: اني شعليييي
_جهاد:: امشن امشن ماريدجن متجمعات بمكان واحد
طفرنه كلنا نضحك والعلويه تخزر بينه مبتسمه وكف غضنفر يطلع كلها تكترت تخلي يعبر
طلع للخارج اخذنا راحتنا ورجعنا التمينه اني والبنات
نسولف شعلنا يوسف الصبحاوي_الصوج من امه الماولاه_
جنا ملتمات نضحك ونصفك وشاهيناز واكفه بنصنه تهز على الخفيف صحنا كلنا
_الصوج من امه الماولاه
التمينه كلنا وقدس ويانا ونهز والعلويه جهاد تصفكلنا وتهلهل جريناها بنصنا تكابلن هيه وشاهيناز يطكن اصبع ويهزن رفعنا ايدينا كلنا من صاحو
_هلا هلا هلا هلا
دارت شاهيناز تنزل وعاتكه تصفك كدامها الكل جان فرحان حتى العلويات الكبار يصفكن ويضحكن
بنص فرحنه واندماجنا
سمعنه صوت رمي وكفت العلويه جهاد مستغربه وكف الرمي لثواني ورجع اقوى من القبله صرخن كل النساء الواكفات من صار الرمي قريب وقوي بدون توقف كمزت ام غضنفر من مكانها تركض للخارج وتصرخ ب اسم غضنفر....!!!!!!!!
...........
