رواية خطيئة الماضي الفصل التاسع بقلم جمانه السعيدي
رونق اخذني الوجع وكمت اعيط بصوت عالي راح اموت
ياناس راح اموت
دخلت صالة الولاده
ومن كد الوجع كرهت كل الناس الي مرو بحياتي
واول وحده امي
واحمد وابوي وابوسامر
الله لا يوفقهم دمرو حياتي
كمت ابوس بايد السستر من الوجع
كمت اصيح يارب يارب ماليه غيرك ساعدني
وطلعني من هاي الشده
ياسبحان الله السستر عافت كل الي بصالة الولاده واجتني
وبدت تولدني
كامت تصيح يله ساعدي نفسج يله راح اجيبين
عفيه عفيه
شويه ووكعت البنيه
حسيت كلبي راح يوكف من الخوف والوجع
السستر منو وياج يجي ياخذ الطفله
رونق محد وياي وحدي
...ليش وحدج
رونق اهلي كلهم ماتووو ماعندي احد انطينباها اني اشيله على كلبي
...وين ملابسه
...هاي الجنطه الرصاصيه
كصت السر ولبسته ملابس ولفته وانطتنياها
حضنته وكمت ابجي شعور ماينوصف ابد
ياماما همزين اجيتي
ولج حاربت الدنيا علمودج
جمانه السعيدي
بقيت ساعه ورا الولاده دفعت اكراميه للسستر لان ساعدتني هواي
وضربتني ابره حتى تخف التقلصات
حسيت نفسي احسن
اجت العامله بدلت ملابسي اخذت بنتي وطلعت
رجعت للبيت بلسته الصبح
اول مادخلت للبيت حمدت ربي وشكرته
الحمد لله عدت على خيررر
واجت بنتي سالمه الف الحمد لله والشكر
بلسبعه اتصلت ام سرى تطمن عليه
رونق ليش عفتيني وصلت للموت البارحه جبت
ام سرى تحجين صدك
رونق هاج اسمعي صوته
ام سرى يااا سوده عليه ولله لو ادري بيج اجيبين فلا
اعوفج
رونق اسكتي رحت وحدي للمستشفى والكل ليش وحدج
وين اهلج
ام سرى هسه راح ارجع لازم تعبتي من الولاده ومحد يساعدج هسه راح اجيج
رونق لا بعد جبت
ام سرى ميصير ولله اني اجيج ابقه يم الطفله وانتي ترتاحين
فعلا للضهر وصلت وجايبه الفواكه والحلويات
ومناك متصله بابو سرى
جيب معلاك وياك رونق جابت
بس وصلت باركتلي بعدين اخذت الطفله سبحته ونومته
ورجعت دخلتني سبحتني
ياربي انت شكد لطيف دزيتلي هاي الانسانه الطيبه
الدنيا بعد بيه خير مادام اكو نفسيات طيبه مثل ام سرى
ام سرى شراح تسميه
رونق ولله انتي الي تسميه
ام سرى يااا اني اسميه
رونق اي
ام سرى خلاص راح اسميه رحمه لان هي رحمه من رب العالمين
رونق رحمه تمام اسم حلو
ام سرى باجر اروح اطلعله بيان
رونق احنا ماعاقدين محكمه شلون
ام سرى ماعندج جنسيه شهاده اي شي باسم ابوها حتى نسجله
رونق اكو جنسيه بس استنساخ وعندي عقد الشيخ
ام سرى اي جيبي بس الجنسيه واني اكو بنيه هناك عرف اخليه تسجله
مالج شغله
وفعلا اخذته ثاني يوم وطلعتله بيان
ليليه تبات يمي وماقبلت تعوفني ابد
رغم هي بطنه الخشمه وتعبانه
اتكول انتي ماتعرفين لان اول ولاده لازم ابقه يمج حتى اعلمج شسوين
بعد كم يوم تعافيت ولله الحمد
جمانه السعيدي
طبعا بلنهار تجي تسبح رحمه وتنومه ومرات تاخذه البيتهم
حتى اكدر اقرا
وصلت ام سرى للولاده ورحت اني وياها
لان اهله بغير محافضه وراحت عمته ام زوجه ويانه
وجابت بنيه تخبل بس ماشاء الله ولادته سهله
مو مثلي يمكن لان هي جايبه قبل
واني هاي اول ولاده
بنتي اكبر من بته بشهر واحد
وصلت للامتحانات من اروح امتحن اعوفه يمه
ومن ارجع اخذه
رغم هي ماتقبل تكول عوفيه حاله من حال بنتي
خلصت امتحانات وبقة بس النتيجه
حاولت ادور شغل بس شلون بنتي بعده زغيره
ومااكدر اعوفه ابد
بقيت منتضره على نار الحد ماطلعت النتيجه ونجحت ولله الحمد
طلعت القبولات ونقبلت معهد صحه قسم تحليلات
بديت اجهز نفسي ملابس وشغلات
احاول اقتصد قدر الامكان
لان بنتي تريد حليب وحفاضات واني محتاجه خط
وشغلات تخص الدوام
لازم اقتصد حتى الفلوس تكفي
همزين ضامه كم فلس جان ماكدرت اكمل تعليمي ابد
ولا اكدر اصرف على بنتي
من اروح للدوام اخليه يم ام سرى
ومن ارجع اروح اجيب بنتي واجيب الغده وياي
ام سرى ماتقبل اطبخ
تكول انتي قابل شتاكلين حالج من حالنا
يوميه الغده على ام سرى
كملت اول سنه ونجحت بقت سنه وحده
بنتي كبرت وماتقبل تجي وياي تريد تبقى بيت ام سرى
على واهس الجهال وللعب
من اجيبه تكوم تبجي
وبس يسمعونه تبجي يجون ياخذونه
حتى ابو سرى متعلق بيه
ماتقبل تاكل عدهم اله تكعد بحضنه يله تاكل
ولان تسمعهم يكولون بابا
هي ام تصيحله بابا مثلهم
بس يدخل للبيت تروح وتحضنه
وتغار علي منهم
ماتقبل واحد منهم يقرب علي وهو مكيف بيه
بقتلي سنه لازم أشد حيلي واتخرج
هاي السنه مصيريه بلنسبه اليه
جمانه السعيدي
بدا الدوام السنه ماشتريت ملابس بقيت على ملابس العام
وبتي كامت تاكل
وبس بليل تشرب حليب قبل لا تنام
حلوه تخبل مدنفشه وشعره حلو
بعمر سنه تمشي وتحجي وتعرف كل السوالف
شديت حيلي اقرا ليل نهار
الحد ماكملت هاي السنه ونجحت
بس شفت النتيجه على النت رحت الام سرى
كتله الفضل بهذا النجاح الج
انتي الي شجعتيني وانتي الي ساندتيني ولله لو انطيج عيوني مااجازيج
بس راح ابقه ممنونه اللج طول عمري
كامت تبجي وحضنتني
السنه الي تخرجت بيه كانت تعيينات الصحه ماشيه
بسبب وباء كارونا
يعني خلال فتره قصيره طلع تعيني
كنت مسجله كل فلس صرفته عليه ام سرى
وفلوس الاجار والامبيرات
قررت بس استلم راتبي ابدي اسددله
هي كانت ماجره المشتمل حتى يساعدهم على ضروف الحياة الصعبه
ومن شافت ضروفي ساعدتني وماقبلت تاخذ مني اي شي
جمانه السعيدي
كنت متحمسه كلش للدوام
صحيح الوضع شويه خطر بسبب الوباء
بس الأعمار بيد رب العالمين
لازم اداوم واعتمد على نفسي
بنتي كامت تعرفني بس اكعد الصبح وابدل
تكول يله ماما بيباي اني الوح ام خاله
عود انتي روحي بيباي واني اروح يم خاله ام سرى
تعرف شلون تفتح بابهم وتدخل
بديت اداوم كان شعور حلووو ماينوصف
واخيرا صرت مستقله وعندي عمل
رتبونا واحنا الجدد خلونا على تحليلات الوبائيه
وخلو علينا مسول بلقسم
اسمه استاذ عدي عمرا تقرببا ٣٥ سنه
كلش عصبي ومايقبل اي احد يتاخر
اي واحد يتأخر راسا يسجل اسمه
ماعنده تساهل بلعمل ابد العمل عمل
