رواية اصفاد الود الفصل التاسع بقلم زهرة الرمان
جواد :دهر وصاب قند وغالب والحمل ثجيل
وزاد غضبي ع الكتلو سعدون وحركو داره
رماح كال ننضف دار سعدون ونعدله
لا ما يتعدل ابد انه كوه نصبت فاتحته ماردت فاتحه واحنه عدنه مجاتيل بس السووهه ولد عمه
انه موش جويد الاكلت من زادك ياسعدون اذا ما حطيت كتالك حدر الكاع يلا تنام عيني
رماح :جواد احنه نرد لاهلنه وكلشي صار بيدك بعد تريدنه نضل بكيفك
جواد :لا كفيتو ووفيتو ردو لأهلكم
رماح : شوكت ما تريدني انه حاضر
جواد:كلمن وعده اشغاله وانه شغلي صار ادور دم سعدون
موش بسهاله الدنيه تمشي بس لازم أشد حزامي
دشيت ع قند
مسدت ع راسها نايمه بس وجها مورم من اللطم ليغاد نايم غالب وانه عدي الليل صار عدو للنوم افتر
فكره تاخذني وفكره تردني
طلعت للمكعاد كاطع حاط قوطيه التتن ويلف
جا ليش ما نايم گاطع
گاطع :انه والنوم شنهي وانت متلهوج اشوفك
جواد :موش كتلك رد لأهلك مريتك ناطرتك
گاطع :خاب شمالك تريدني اهدك وانه ماعرف طلابت سعدون منهم انه وياك هنا لما نلكه الكتاله ويبرد دمهم
جواد شور عليه گاطع تاه الشور عدي
ولد عم سعدون بناحيه والكتال لهسه مانعرف منهو وجلاب ماله ذجر(ذكر يعنى مكان)
كاطع :اذا اضل هيج مدوهن وتطك بالطوف ماتلكه حل بس انه عدي رأي ن راقب ولد عم سعدون انه عدي شك بيهم همه الفاعلين لان مارضينه نحط الجادر وهمه الا حطو جادر واخذو عزه مكتول ماصارت بكل العشاير وهمه نفسهم انت كلت سعدون ما يواطنونه وسووله مصايب لان ما اطاهم بناته. اليغار يكتل والحقد يكتل والكره يكتل والطمع
جواد
وجلاب لزمته بيدي ليش ماتكول هوه وربعه السيبنديه
گاطع :جلاب هم يمكن هوه بس جلاب من ضرب جيله ماتجرع بالأكثر لان خواف موش صاحب عكل ويخطط الحريجه مالت ناس مدبره
جواد : شورك وهدايه الله باجر اغبش لديارهم وتتقصص من بعيد لبعيد
گاطع :لا انت مكشوف وشك يعرفونك انه ضايع خلني انه اروح وانت هنا مرتك تحتاجك هسه وغالب ولازمن تضل حتى تشوف جلاب اذا يبين لان اليسوي دزنه يفتر يمها (دزنه يعني جريمه)..
جواد :تقسمنا اني هنا اراقب گاطع بنفس اليوم راح لديار عمام سعدون يتقصص
بقيت الهي لغالب الي صار يفتر ع البيت محروك ويعرف اهله ماتو يكعد يم الدار ويمه قند يضلون ينعون ويبجون
قند يديار اهلي شسويتي يديار اهلي شسويتي
جواد :ايام وليالي لو اصبر بقند وغالب لو افتر ع جلاب
اجو امي وابوي رادوني اخذ عويلي وارد وياهم مارضيت
بويه هنا دم سعدون وبيته ومرته
ابو جواد :ولك بويه لاليلنه ليل ولا نهارنه نهار الغدرو مره يسوونه مره ثانيه بويه لا انوب الجايه بيك رد
جواد :جا كولتك تايها بويه ولكمن اله وتريد ارد واختل مثل الجريذي
لا بويه مرتي واخوها بأمان الله وأماني لو اعرف مانام الا اضل
اجه گاطع ومامش خبر ولا اشاره على اهليت سعدون وكتله روح لهلك
وايسوا وراحو وبيوم أربعين سعدون ومرته
اجن خوات قند ورجولتهن الجبيره مرت رماح
والثانيه رجلها هم خوش ازلمه بس اجو اهله وياه التمينه وسوينه عشا لروح سعدون ومرته وغبشنه بسياره خشب (كانت أحدث سياره انذالك)
وصلنه لكبور اهل قند وباخس حال بناته
ماي ما خلن بحلوكهن موتن رواحهن
وبطريق الرده رجل بت سعدون صارتله هوسه هو وأخوه ردنه نعرف شبيهم مامش خنسوا ابوهم سكتهم
وصلنه ردناهم يضلون بت سعدون الوسطانيه وجها مخطوف وجنها خايفه خويه بيج شي
ما حجت ضلت خانسه ودوا عليها يردون يردون مارضت اول مره انوب ابنها ضل بيد رجلها كاللها تردين لو اخذ الفرخ واروح ضليت اعاينللهم ليش يكلهه هيج
ضل رماح ينشد وهو هم رايح يدور على جلاب وناشد ناس ع عمامهم نسولف بس رجل ياسه الوسطانيه خانس من الفرخ بجه نشده رماح
رماح :خويه شنهي شو بالرده صرتو لحم انت واخوك وهسه مرتك تكللها تردين لو اخذ الفرخ شنهي مختاضه ياسه (ياسه بنت سعدون الوسطانيه)
حمادي(زوج ياسه) لا لا مابينه شي بس ابوي تعصب على اخوي ع سويلفه هناك بالكوفه
وياسه اريدن أخذها لان تعرف هي مريضه واذا ضل هنا تجابل بيت أهلها تموت خطيه
جواد. راحت وي رجلها ياسه
ورماح ضل ليله هو ومرته يمنه وينشد وكال على تقسيم الحلال بين البنات هاي دنيه وهذا حلالهن
كتله بكيفك ع ما وصاك سعدون امش
بدت حياه جديده وي قند واول شي سويته كريت بيت غير بيتي لان مجابل بيت ا هلها وتروح هي وغالب وتضل تنوح
وتمرد كلبي كوه اخذتها
قند شتريد جواد انسه تذكار اهلي شتزيد تاخذني بعيد منهم
جواد والله ياقند خايف عليج
قند :من شنهي تخاف صار الينخاف منه بعد أكثر شنهو جواد انه روحي ماتت وي هلي
جواد :احاول اصبرها ومرور الوقت صرت اراعيها مثل مراعاتي لغالب مثل طفله واخاف عليها
وكل ما احط راسي ع الكاع افكر شلون دمك سعدون ارشد روحي ع كتالك
وع أيدي لازم تنام قند تعلوم تعلمت من موتته أهلها انومها ع أيدي وامشي اصابعي ع شعرها حتى تغفئ وقبلها لازم هم انوم غالب اضل اسولفله سوالف شي صدك وشي من راسي حتى الهي وقند تكعد لغاد تتسمع النه واشوفها تستلذ بالسوالف يوميه هيج ومن ينامون اهيم بكاع الله ادور خرم ابره اعرف دليل
مشت ايام وايام ثجيله حيل وما تريد تمشي جنها من الحزن والكدر
يجوني اهلي وقند ماترضه تروح لولايه اهلي و كلما اروح لشغله ارد الكاها يم بيت ا هلها تون وتنوح
تقسم حلال البنات وغالب وشرطت قند بيت ابوها تريده ألها وهو اصلا لكينه سعدون مخلي الها وبيتي مسمى باسم غالب وانه وصي عليه
والمغازه تضل مناصفه للبنات ثلاثتهن وانه ادير الشغل بوصايتي بس ماتنباع ولا تتقسم
واكو عده اراضي مقسمهن بين بناته
قند:اريدن بيت ابوي يتعدل مثل ما جان كلشي يرد مثله اريد اكعد بيه
جواد
ليش ماتخلينه ناجره
قند بصوت عالي بيت ابوي محد يكعد بيه غيري جواد شيطلع من محصول تعدل بيت ابوي
جواد :صرت ما اجادلها لان روحها رايحه
وبالفعل عدلناه وترتب مثل ماجان
لكن بمرور الايام لاحضت أشياء غريبه بقند
قند :حجي حالوب لا اداينه دينه ثجيل ويفكر المغازه
جواد
شعرفج
قند :من ابوي الله يوسع منازله ويضيج ع كتاله الكون
جواد
يوميه تفاجأني بأشياء بالتجاره وكلشي تحجي يطلع صحيح
وصت اليوم كالت اريد تودي ع اخواتي قبل دوره السنه ركضت ركض السنه
بهاي الايام تعلق غالب بقند كأن هي امه وتعلق بيه اخذه وياي للمغازه أعلمه بس هو يحب الروحه للملا يقرا قران
وديت موزان يوصل برقيات لاخواتها يلتمن
واجن قبل يومين من دوره السنه
وقند حضرت كلشي يطبخن هي وأخواتها واجن
قند :اجيتن يلنسمئ بنات الحسب والنسب ومالنه لا خاله ولا عمه كلهم عدوان لينه
جواد :عفت البيت كله واكول حقها
طبخن ثواب اهلهن وعزمت ناس ع عشه ونص كالت فرك لحم ني للوادم
جواد:من الصبح وره دروه السنه اجو ولد عم سعدون وبعدهم. بنات سعدون وازواجهن بالبيت
بدون سلام ولا كلام دخلو وباين بعيونهم الشر
وبقوا يحجون وي رماح شلون المغازه بيها جواد والبيت اخذه جواد. وحلال سعدون صفه ببطن جواد
انه خانس اشوف تاليتهم
لما صار حجيهم خشن ورماح يكللهم بأوراق موش كوتره
وكف واحد منهم شوي أكبر مني خله الكبار يحجون وهد عليه سحلني من ثوبي نكتت ايده حيل
انت دايس بيتي وأهلك كبار ما حشمتهم ماتعرف شنهي الينجاوز بالعشاير خل يعلمونك اخيرلك
صار صياح وكعدو يلا بلا هذر زايد امشو منا رماح فهمكم وهذا العدنه يلا
طلعو وهذا الزمني ينافخ ويخزر
أشهد رماح على هذا باجر اذا انداس طرف هذا جبيلي وانتم شوفوه ابنكم اذا صار شي عليه وعلى عويلي اتهمكم
استمرت الايام وكبرت شغلي وبعدني كلما تصير فرصه ادور ع كتال سعدون
اما قند فصار كلشي بالتجاره هي تساعدني وتساندني وغالب تعلم اخذه وياي واعلمه
وحياتي رغم جرح بكلوبنه وغصه لان تستمر الحياة وزاد تعلقي بقند ذكاءها وفطنتها والبيت اذا احد يجي تعزب بأهلي وأخواتها شنشل ايد وايد
وكل شهر اسوي حصص بنات سعدون واوديهن الهن
ها شنشل سويت صره شكريه بت سعدون الجبيره
وياسه الثانيه صرتها للكوفه تروح
شنشل
هم موزان اخلي يروح ياخذ فلوسهن
جواد. لا لا هنه عدي بالبيت اليوم انه اخذهن انت فرزتهن زين
شنشل اي حصه غالب انظمت وحصه البنات كلوحده صره ذني
جواد أخذت الفلوس ورحت للبيت لان عدنه بنات سعدون
سلمت وكعدت هاج قند هاي شهريه المغازه الج ولياسه وشكريه
قند
انعم الله عليك اخذتهن هاج شكريه هذا محصول هلشهر
وهاي الج ياسه خيه
اشوف ياسه شايفها يكولن انعم الله وعيونها بيهن حجي
ياسه اريد انام باجر غبشه يجيني حمادي
شكريه تعالي قند شنهي جواد يطيح حصتج شتسوين بيهن
قند
لا تخافين شكريه انه فلوسي يزيد عليهن جواد ما ينكصهن بس هاي اختج مدري شبلاها
شكريه هي خوافه من يوم يومها
قند لا موش سالفه خوف ليش كلما تنجاب سيره عيالها تخفك مثل السعفه
شكريه :خافن حمادي موش خوش وياها
قند امشينه نروحلها نتقصص على سالفتها سوت روحها نايمه بعدها عصر
ياسه فزي شنهي لحكتي تنامين
ياسه شتزيدن قند اريد انام
شكريه شنهي مطيتنه كفاج (القفا يعني الضهر)
ياسه: شتردن
شكريه فهمينه رجلج موش خوش وياج شنهي عيالج كولينه
ياسه مامش شي
قند احنه مالنه احد الا وحده للثانيه احجي شماجالج تضعفين ووشج اصفر شنهي
ياسه وانتن شسون هلتكولن مالنه احد عمامنه مابيهم حميه وهمه خوال همه عمام وغم الدهر اخذ ابوي منه
قند :احنه صدك مالنه احد بس كولي احد يدوسلج طرف الا اوثره (معناها اثرمه)
ياسه انتي استري على رجلج وبيتج يلا انوب توذرين
شكريه انت موش خاليه احجي هسه وتشوفينه جربي
قند :ولا عبالبج تره هذا بيت ابوجن وغالب صدك صغير مصيره يكبر وجاي أعلمه واكبر بيه لثار ابوي وامي
ياسه لالالا شتكولين ثار شنو ثار لا
. شكريه شبيج تعالي وحضنتها
قند وضعها ابد مو طبيعي وخاص من كلت ثار ابوي وامي
بقينا انه وشكريه ليلتها مكابلينها
كريب الفجر وسمعتها اتحلم وتصرخ لا لا تاخذون صكر مني
صكر ابنها عدها اول طفل
منو ياخده منج فززتها وشكريه شربتها مي شبيج ياسه
ياسه :عليجن بروح امي وابوي لاتجيبن سيره غالب ياخذ ثار اهلي لا يكتلون غالب ويموت مثل ما مات غالي اخوي ونضل بلا والي
قند منو يكتللللل احجي ولج شبيج ياسه
شكريه احنه خواتج ورماح وجواد صارو اخوان الج عدهم نخوه وغيره ويحمونه لاتخافين احجي شصاير منهو يخنك ابنج حاضنته وترجف
جواد افتر بليل سمعت هوسه يم غرفه قند بقيت افتر بالمكعاد كلت اخوات بينهن بس بعدين الصوت عله خفت على قند كلت متنام الا ع أيدي نومت غالب خليته يمهن لان قند ماتقبل الا ينام يمها
وبقيت اتصنط خفت عليها وخاصه اصواتهن هي وأخواتها يتشابه
سمعت الما محسب اله
ياسه. اريد اكللجن شي صار كاتم ع صدري صارله سنه وست أشهر
قند شكو
ياسه. اخو حمادي رجلي اول ما صارت الحريجه من رديت مالكيته بالبيت وحت مرته ماكو نشدت عليهم كالت ام حمادي شال بس ليش ماادري ومحد حجه وره الأربعين مالت اهلي رديت اجه
مره وأبوه طرده ماعرفت ليش
ذاك اليوم انه وحمادي ردنه نجي ليجاي وشفناه بالدرب حمادي ما سلم عليه انه كتله اخوك ذاك مارضه وكال معتبر مات ليش مايكول بس هو اخوه اجه صوبنه وكال لحمادي ضل الك الحال والحلال ماعرفت ليش
ظليت انشد بحمادي ما اطاني جلمه بودره سنه اهلي سمعت اخوه يحجي وي امه جاي غفل عن ابوه وحمادي
يكول لامه انه مالي لازم نشدوني ع بيت سعدون دليتهم شمدريني يردون يبوكونه ويكتلونه عده ذهب وبايكينه بس محد دره
هنا لطمت وصرخت هو طفر وأم حمادي سكتتني وكالت اذا تحجين تعمين ع بيتج ورجلج وابنج وبقت تحلف موش ابنها الباك ولا الحرك
اجه حمادي بقيت الطم الا يجيب اخوه والحركو دار ابوي هددني عمي مزعل بس احجي ناخد ابنج ونموته حمادي طلعني ببيت وحدي منهم بس انه خفت ع ابتي
. قند بقت اصرخ وتلطم خفت ع ابني ع ابني
شكرا لزيارتكم عالم روايات سكيرهوم
