رواية خيط الدم الفصل التاسع بقلم زينب طالب
لتغِرك ضحكتَي الضَحكة للنسّيان
آنَه أوُل بشَر مِن ينجَرح يضحكَ
.........
قبل لاتبدون بالبارت بنات تابعوا الحساب
علقوا بين الفقرات وصوتوا حتى القصة
تصعد اذا يهمكم نكمل 😘
.......
تقدمت منةة متعصبة حچيت بدون سلام
شتسووي هناا شعندكم يمهم منين تعرفهم
احچي يلة احچي
صارم:: اششش صوتچ لبگتيني لبگ شعليچ قابل اهلج همة؟
_صاارم لاتضوجني احچي
صارم:: شنو شنو عيدي اول مرة اعرف اسمي
هيچ حلوو
_لاتغير الموضوع احچي شعندك بيت ابو عماد
مو حجيتلك شسووة وياي ؟
صارم:: لخاطرچ دست عتبة بابهم
_ليش؟
صارم:: اريد ابرد گلبچ واشيل همچ
_بس اني محد شال همي ليش انتَ فكرت
بيةة
صارم:: لانچ انعجنتِ بروحي عجن
_اهووو بدت المسلتة لاتغير الموضوع واحچي
صارم::تدرين انتِ مو مال رومانسية ابدد
يلة روحي اريد اوليي بس صدگ تعالي وين طالعة
وشلابسةة چنچ اللعبة طالعة
_وانتَ شعليك هاا, شنوو صدگ موحلوة؟
صارم:: وحق علي تخبلين
_عبالي يلة اني هسةة مستعجلة بس عبالك تقشمرني
الا اعرف شسووي عدهمم يلة وخرر
صارم:: اوصلچ؟
_لااا اندل طريقي وخرر عني
صارم:: تعالي البرعة خليني اوصلچ
_مارديت عليه مشيت وهو وراي هسة احد
يشوفة وهو ولامهتم اليوم صاير حباب مدري شعجب،
وصلت لبيت هدوء دخلت
چانت عيونهاا على الباب منتضرتني من شافتني
فرحت تقدمت عليها واني اباوعلها طالعة چنهاا
اميرة تجنن نازكة وحلوة وگفت يمهاا على طول
العقد هية لازمة ايدي وترجف ولاچنهاا هدوء العرمة الكتلت روحهاا على الرجال
عقدت وصارت على ذمتة عيونهاا چانت تلمع
وجها يضحك كأنها ملكت الدنيا كلهاا فرحت
لفرحتهاا وتناسيت همي لخاطر عيونهاا
چانت مودبة وثگيلة بس شافتة راح الادب
واستخفت عيونهاا عليه تريد تاكلة هو يباوع
الها و احسةة كاشفهاا وماخذهاا على گد
عقلهاا چانت نضراتة جامدة مابيها تعابير
فضحتني وخزتني من باسهاا وغمضت تسرسحت
لبنية وراح الخجل والله لاشكلج ولااسمچ لايك
عليچ بس شسووي اعدل بيهاا وماكو مايفيد
گضيتهاا تگرص وياهاا من طلع عبالك روحها طلعت
اختفت الابتسامة والحواجب نطبگن والوجه صار احمر
گعدت يمهاا شبيچ ولچ ابتسمي وكومي رگصي
مو هذا شيخ گلبچ لكتلي روحچ عليه يلة
گومي
هدوؤ:: شفتِ شفق عليچ الله هم اكو زلمة بحلاتة
مو چنةة العيد بس چنة ضايج موو؟
_لاحبيبتي ماكو ماكو الله خلقة وكسر القالب
ليش تخليني اغرد هدوء ترة شكلة عادي
بس همةة گالوهاا القرد بعين خطيبتة غزال
وطبعاً يضوج غير يحس نفسة تورط
هدوء:: نچبي تغارين لأن ابيض منچ الزرگة
_يااا امداني كون ولچ سماري يشترونة بفلووس
بس غير انتو مامقدريني
هدوء::اممم صدگت هسةة عوفينة من هذا الحچي ابقي يمي خلينة نضف والله تعبانة لاتعوفين هاي الهوسة براسي ترة امي لو مو عروسة متعذر
تكربني يعني تكربني
_اي ابقى شعندي لاحسيب ولارقيب بس بيبي
وراحت وعافتني وامي تدرين بيهاا ماتهتم رجعت لو تأخرت،
هدوء:: لاتنقهرين والله ترجع بس صبري عليها
هسة مقهروة ومتعصبة خليهاا تبرد شوية
ورجعي لحي عليهاا وامچ الله يهديها عليچ
_هم هيچ شعندي غير الملحةة ،وامي اني غسلت ايدي منهاا الله وكيلچ، يلة خلينة نگوم نصف
قبل لاتجينةة
بعدنة نحچي دخل ابوهاا راحت حضنتة وهو
يبوس بيها ويبارك الها عيوني عليهم والله
بدون حسد بس فكرت من ازوج منو يباركلي
منو يسلمني لزوجي منو يوگف بعرسي
لاابوية ولاام بيها خير ولابيبي ولااخت
معقولة يصير عرسي مثل جوري لو اتعس؟
حست علية هدوء سحبتني مني ايدي
وتحچي
هدوء :: يلة حبابة لاتغلسين خلينة نضف
گمت وياهاا نضفنة
البيت وخلصنا كلشي وسلمت عليهاا
وطلعت الساعة راح تصير نص الليل طلعت اركض
دخلت چان البيت هدوء نايمين عساهم لاگعدوا
بدلت بسرعة ورحت مثل كل يوم حضنت مخدتهاا
وعلى فراشهاا نمت
بس ماارتاحيت بنومي ابوي زعلان مني كل
مرة اشوفة بيهاا يجيني يعاتبني گعدت من النووم
ابچي بصوت واصيح شسوي گلي شسوي ليش تعتب علية يابة ليش تزعل والله
كلشي يصير مو بيدي موبيدي يابة
فحطت وگلبي صار يوجعني
دخلت امي عليةةة مبينة فازة من صوتي
صاحت زهگانةة
سهام:: شبيچ متگليلي شبيچ والله كرهتيني
بنفسي دكافي عاد تجيبن الفگر لوطار شبيچ
تلعين بنص الليل
_حجيت بشهگة ولچ يمةة مااگدر مااگدر اعيش
من دونهاا روحي وياي باچر نجيبهاا حبابة يوم
بداعة ابوية عليج ولچ زعلان مني اكيد علمودهاا
سهام:: استغغفر الله شلون تخليني اسب الرجال
وهو بگبرة ترة كبرتيها شنو گاعدة بالشارع
غير دار ومحترم تاكل وتشرب وتنام بلاش وين
لاگيتها من تشتاقين الهاا ولي شوفيهاا وسدي
هالموضع حتى لاتخليني اسوي الاضرب منة
_مو صووچ صوجي اني الأحچي وياچ عبالي
مثل الامهاات وگلبج يحن عليةة بس گلبچ
اسود حتى العتب ميفيد ويااچ يلة طلعي
عوفيني بهمي
سهام:: لا مايحن لان ماعندي گلب اصلا يلة
نطمري لاتضلين تعوين چنج زعطوطة
الله ياخذهاا وافتك منها بعيدة ومامرتاحة
_غثتني بكلامهاا وطلعت غفيت ودمعتي على
خدي وفكري كلة يمهاا
الصبح داومت واشتغل وعقلي ياخذ
ويجب احس نفسي عاجزة وحاملة
حمل فوگ طاقتي شوكت ارتاح شوكت
سمعت عزوز يصيح شلت راسي متسالة
شنو يريد أشرلي بعصبية على الباشا
رحت بسرعة مرتبكةة
السلام عليكم شلونك استاذ
الباشا::وعليكم السلام نيالة الشاغل
عقلچ صار هواي نصيح عليچ وبالچ
مو يمنةة ست شفق
_اسفة والله ماانتبهت تفضل محتاح
شي مني؟
الباشا:: اي تعالي وياي جوة عندي كلام وياچ
_طبگت حواجبي وين اجي وياك استاذ
احچي هناا عندي شغل
الباشا:: شبيچ تعصبتي گتلچ تعالي ترة المطعم
متروس مااسوي شي لاتخافين لحگيني بسرعة
_عافني وراح لغرفة الاستراحة ضليت باهتة
شنو قصدة مااسوليج شي شبيه هذا ؟
حچة عزوز
عزوز:: مترحين آنسةة ترة الباشا خوش رجال
امني امني
_اگلك عزوز اني بأمي مااثق تريدني أثق بيه
تعال وياي عفية
عزوز:: ترة هاي الغرفة گدامنة لاتكبريهاا
شيريد منچ قابل يلة روحي جاي يصيح
عليچ لاتخلي يتعصب ترة يگلب علينة
كلنةة
_استغفرت ربي ورحت لايبطلني نوب واديح
وين الگة شغل بعد دخلت عفت الباب مفتوح
چانت عيون الولد حمزة وعباس علية ماراضين
بس شنو بيدي بس ارفض يبطلني
تفضل استاذ شنو ردت تگول اسمعك؟
الباشا:: سدي الباب وتعالي گعدي هناا
الموضع ماينحچي هيچ وانتِ واگفة
_لاشكراً مرتاحة هيچ تفضل احچي
الباشا:: مااحب اعيد الكلام يلة عطلتيني
ترةةة سدي الباب گلت
_رحت أسد الباب صار حمزة گدامي مثل
ليراقت باوع علية بعصبية يسأل رفعت
كتفي بعدم معرفة أشرلي اني هناا غمضت
عيوني اتشكر منةة
رحت گعدت مقابيلةة
تفضل شنو ردت مني؟
الباشا:: شفق انتِ لسة طفلة مو حمل هيچ
شغل من الصبح لليل وهاي المسؤولية كلهاا
براسچ اني اعرف عنچ هواي والصراحة
حيل نقهرت عليچ وحبيت اساعدج لانچ انتِ.تستاهلين والبنات لمثلچ قليلات
_ شكراَ استاذ بس اني تعودت على شغلي
وحياتي
الباشا :: لالا انتِ متعرفين مصلحتچ اني اريد
امدلچ يد المساعدة لا ترديهاا
_وشلون تساعدني؟!
الباشا:: شوفي بدون مقدمات لأن مااحبهاا
انتِ دخلتي هناا
_يحچي ويأشر على عقلة رجع كمل
الباشا:: وماگدرت اطلعچ منة حاولت هواي
بس فشلت وملگيت نفسي الا اجي واحچيهاا
ولاتردين بسرعة فكري شگد متردين ورديلي
خبر تلگيني بأنتضارچ
_شنو هية شتحچي؟
الباشا:: تتزوجيني شفق
_نهضت معترضةة، وحاولت الزم اعصابي
مااريد اخرب كلشي، حچيت بهدوء لاا
استاذ اني ماافكر بالزواج عندي مسووليات
هواي طلبك مرفوض اني رايحةة اكمل
شغلي
اعترض طريقي يحچي بتوسل چنة زعطوط
الباشا:: سمعيني خليني اكملل نتزوج بالسر
شفق محد يدري اهلچ تگولين الهم اني بالشغل
وانتِ اصلا محد يسأل عليچ هذا الأعرفة وهنا
تگلليهم بطلت نتزوج واصرف عليچ وارجع بيبتيچ
وادور اختچ شنوو تردين اسوي بس وافقي والله
اغرگچ فلوس بدال هالتعب هذا شگلتي توافقين هسة لو تردين كم يوم تفكرين ؟
_ماتحملت كلامةة دمي ضل يفور بتصرف ارعن مني بدون ماافكر بالعواقب رفعت ايدي وضربتةة على
وجهة بقوة لزم خدة مصدووم من ردة فعلي
حچيت بعصبيةة
_انت واحدد وقح حيل احترمتك عبالي
شخص محترم طلعت حثالة صحيح المضاهر
خداعة واني نخدعت بمضهرك الخارجي يا زبالةة
لزم ايدي لواهاا وحچةبعصبيةة
الباشا:: راح ادفعچ ثمن تجاوزج هذا غالي الا
اخليچ تمشين تتلفتين حوالچ بسيطة شفق بسيطة
_دفعني وطلع من الغرفة بعصبية گعدت مصدومة شسوويت اني عزة بعيني شلون هيج تجاوزت عليه هسة شيسوي بيةةة امداني امداني بس والله حرگ
گلبي
دخلوا الولد يركضون
حمزة:: شفق شبيچ شنوو راد منچ ليش طلع
معصب مناا احچي شفق احچي
عباس:: خوماا أذاچ يمعودة دحچي شبيچ
حمزة :: شلون تفوتين وياه وتسدين الباب
انتِ اكو عقل براسچ شرااد منچ نطقيي
_رفعت عيني ونزلت دمعتي شحطي وشگول
يساومني على شرفي حتى لو حلال بس بالختلة
ماگدرت احچي شي بقيت ساكتة وهمة منتضرين
مني الجواب احس لساني نعقد والحچي ضاع
مني
دخل عزوز بهالاثناء وملامح الحزن على
وجهة حچة بتردد
عزوز:: شفق الباشا فصلچ مناا ليش شسويتِ
گلي اطردهاا بسرعة مااريد اشوف وجهاا
_ابتسمت بقهر على حالي وهمة يردون مني احچي
عزت علية نفسي واني اشوف نضرات الشفقة
بيعونهم وخفت لايتأذون بسببي
مسحت وجهي اهدي اعصابي وحچيت
اني رايحة فرصة سعيدة تعرفت عليكم
كنتوا نعم الأخوان الية محد أذاني بيووم
بس مامكتوب علية الراحة شسوي الحمد
لله على كل حال
يلة مع السلامة طلعت وهم صافنين لحگني
حمزة يصح وراي درت عليها
حمزة:: شفق شبيچ شسوالچ هذا الكلب شغلتج
مو خالية شطلب منچ گليلي موتگولين اني.اخوج
لاتضمين عليةة احچي
_ماسوة شي حمزة من البداية اني مامرغوب
بية بس وافق رغم عنة يمكن لان انقهر
عليةة وهسة رفضني مابيهاا شي يجوز شاف
شغلي هناا غلط براحتة
يباوع علية مامقتنع بكلامي حقك هو اني
مامقتنعةة بيه حچة بحيرة
حمزة:: وين ترحين هسةة وين تشتغلين
شفق انتِ بينة وصغيرة والدنيا تخووف
لاتذبين نفسچ وين ماكان الله يخليچ
_لاتخاف علية اعرف اتصرف روح لشغلك
لاتتأذة بسببس
حمزة:: صبري خليني اكتبلچ رقمي شنو
تحتاجين بلغيني تلگيني يمچ
_ماعندي تليفون
حمزة:: اشتري لاتصيرين گرميدةة
_حچاهاا بضحك وراح يكتب الرقم جاب
الورقة اخذتهاا منة وهو يباوع علية ضايج
حچيت مبتسمة
_لاتضووج متعودة يومة انطرد متعودة
يلة اروح اني مشكور على كلشي حمزة
سلمت عليه ورحت للبيت امشي واحس
هموم الدنيا على چتافي منين اجتني هاي
السالفة اني عايرزة يعني مو كافي الدنيا
يومية تكفخ بيةة تعبت والله تعبت
الدنيا بعدهاا الصبح ركبت تكسي ورحت
للدار صاروا يعرفوني يدخلوني بسرعة
من كثر جياتي الهم
دخلت لگيتهاا گاعدة تتريگ هية ومرة بصفهاا
من شافتني فتحت اديهاا وصاحت
جمارة:: هلا يمة هلا بيچ اليوم من وقت
جاية تعالي اكلي اكيد بدون ريوگ
_ تقربت منها وشمرت نفسي بحظنهاا ابچي بصووت
نرعبت خطيةة تحاول تفهم مني شصايرر
جمارة:: يمةة شفق بيبي شبيچ حبيبتي
شصاير وويااچ حاچيني كاافي بچي فهميني
رفعي راسج وحاچيني
_رفعت راس مسحت دموعي خفت يصير
بيهاا شي شنوو اگللهاا تساوومت على شرفي
مقابل الفلوووس شنوو اگول بقيت اباوع
بوجهه بحيرةة
جمارو:: شبيچ يمةة شصاير ويااچ؟
_بطلوني من الشغل بيبي
جمارة:: وعلى هاي تبچين شلچ بالشغل بعدد
لااني ولااختچ بس نفسج وامچ غصباً عليهاا
هية تتكفل بيچ عليمن متعبة نفسچ بعدد
_شلوون بيبي شلون امي اذا مااطيها فلووس
تتخبل علية بعدين اني ابقة تحت رحمتهم اريد
الم كم فلس اريد اوكل محامي بقضية بابا
اريد ارجع اختي وااجرر بيت واخذچ مناا
هواي اشياء ابالي واذا ماعندي فلووس كلشي
مااگدر اسووي
جمارة:: اني مااطلع مناا گتلچ لاتلحين علية
_اي ليششش اذا غير بيت شنو المانعع فهميني
جمارو:: مااريد احملچ فوگ طاقتچ خليني
هناا مرتاحةة من تتزوجين رجال بيه خير
اخذيني وياچ غير شي مااقبل
_ومنين الگاه الرجال بيه خيرر هاا منين
جمارة:: الة يوم ويجي يلة روحي غسلي
وجهج وتعالي اكلي وياي
_مااريد بيبي مااريد اني اروح اريد
ادورلي على شغلة مااگدر ابقى هيچ
يلة باي
بوستهاا وطلعت مريت من المطعم
نقهرت الله لايطيك هسة خليت عينك
علية قليلات البنات شگد سافل
درت وجهي ورجعت للبيت قبلهاا
فتت من شارع بيت صارم دخلت
بيه اريد اعرف شعندة البارحة
بيت ابوو عماد
الباب مسدود والبيت ماطالع منةة صوت
دگيت الباب محد طلع درت وجهي اروح
انفتح الباب ونسحبت حيل دخلني وسدد
الباب
هيووو شبيك شنو هالحركات افتح
الباب من البداية وفضهاا لو الاكشن
صارم:: الااكشن
_ترة دمك ثگيل تدري
صارم:: ادري
_خير شتريد؟
صارم:: انتِ شتردين
_هاا صح اني الأجيت بعدين احجي عدل
هيچ جواب مااحبةة
صارم:: صاار
_شعندك البارحة بيت ابوو عمااد؟
عبالك افوتهاا الك
صارم:: شعليچ
_اهووو ترة بديت اتنرفز شعندك يمهم
گلي؟
صارم:: ترة هم جيرانة ورحت اشووفة
_صاارم احچي، بس لااذيت الرجال!
صارم ؛: شگالولچ علية امشي وأذي بخلق
الله
_لعد شعندك رحت؟
صارم:: رحت اعرف الحقيقة واريح گلبچ
_ياحقيقة
صارم:: مقتل والدچ
_حچيت بفضوول وشعرفت؟.
صارم:: سدي الموضوع هذا ولتتفتحيه
لأن راح تتأذين سمعي كلامي شفق
_حتى انت غيرووك شبيك صاارم
صارم:: لمصلحتچ احجي شفق تفتحين
على نفسچ باب ماراح تنسد الا بالخسائر
الشغلة موسهلةة ترة الشغلة مايتحملها
عقلچ ابتعدي عنهاا حبيبتي
_يعني عرفتت منوو القتل ابووية
صارم:: لا ماعرفت وگتلچ سدي الموضوع
_لااا عررفت عررفت جذااب تريد تسكتني
مثلهممم گلي بشنوو رشووك گليي ليشش
غيررت كلامك ولكك ابووية هذاا ابوية مقتوول
شلوون تگلي سددي الموضوع انت تعرف شدتحچي
لولااا
تقرب لزم ايدي يحچي بعصبية
صارم:: اني محد يرشيني محد يضحك علية
لاتحچين كلام اكبر من راسچ گتلچ سدي
المووضوع هذاا تتأذين ولچ تتأذين
_نترت ايدي منةة لاتلمسني ديرر بالك
بعدين انت شدخلك ها شدخلك ليش
تتدخل بحياتي بس الحق عليةة اني
انطيتك اكبرر من حجمك انت وااحد مجرم
حقير خاطف جبااان گادرر بس عليةة
فقدت وضليت اغلط عليه باوع عليه
مصدوم من جسارتي عليه مسح وجهه
يهدي نفسةة أشرر على الباب وحچة
يحاول يلزم اعصابةة
صارم :: طلعي برة بسرعة مااريد اشووفچ
بعد طلعييي طلعيي
_ميتة عليك اني علساس رايحةو وبعد متشووف
وجهيي جباان
_مارد علية طلعت وطبگت الباب حيل
الجبان خاف من ابو عماد وغير كلامة
قبل كم يووم يگلبي صدگي گلبچ بس
اني غبيةة حچيتلة حرگ گلبي بالزايد
امشي وادردم عليه دخلت للبيت وقت
الظهر لگيت امي تنضف شافتني ذبت.
المكناسة من ايدهاا وصاحت
سهام :: رجعت حضي المصخم شكوو
جايةة من وقت هم عندچ مصيبة بعدد
_فتحت الثلاجة شربت مي ورديت
عليهاا ماكوو بعدد شغل انطردت ارتاحي
وحني ايدچ سهوومة
سهام :: ياا ياا ولچ احجي عدل لااجيج
شو صايرة فد نوب شنوو ماكو شغل بطلتي؟!
_لاموگتلچ نطردت شبيچ ماتسمعين لو كبرتِ
سهام :: شبيچ يومية مطرودة من مكان
اگعدي واستچني لو المشاكل تجري بدمچ
_طالعةة عليچ غيرر احب المشاكل
سهام :: انچبي انچبي هسةة شلون منين
ناكل نشررب گومي دوري غير شغلة
لاتبرد لحمتچ وتگعدين
_والله لااطلع ولاادور كاافي تعبت تقاعد
ابوية يكفي وزايد لچنتِ تهدديني بيهاا
راحت وشمرتيها بدار العجزة والثانية زوجيتها
لزلمة اكبر من ابووهاا بقيت بطرگ روحي غصباً
عنچ تشيلين مصرفي هم عوزي اكد عليچ وعلى
رجلج
سهام :: ياطلابة التقاعد لمتخلص ولچ وين
يكفي تشتغلين وغصب عنچ
_شنو شعدنة گاعدين اجاار قابل لو ماكلين
لحم ودجاج هية مرگة العدس غدة وبتيتة
وطماطة عشةة مسويتنةة مفطح قابل
سهام :: يعني شنوو تبقين مگابلتني وگاعد
وتخلصيهاا نگرة وية وليدد تردين تموتيني
ناقصة عمرر
_والله البيت بيت ابوويةة واگعد بكيفي
وذا ماعاجبج اخذي رجلج وطلعي
وخاف عبالچ قشمرتي بيبي وخليتها
تسوي تنازل اگدر اطعن بيه واگلهم
ضحكوا عليها هية ورجلهاا وابليچ
تكفي شرري احسلچ
وليد :: منو گاال بيت ابووچ
_درت وجهي عليه داخل من برة ويحجي
بزود، رديت عليه هاا لعد بيتك الحافي
الله يرحم ايام قبل تجي تداين من ابوي
حتى تشتري جگايرر شنو لازم نسيتت
وليد :: لامانسيت بس گدرت اگلب الادوار
اخذت بيتة ومرتة وطردت امةو وبعت بنتة
والثانية بالطريق خووش اطوني بيچ سعرر
حضري نفسچ يحلوةة
_الحذاء برجلي نزعتهاا وشمرتهاا عليه
بس مااجت بيه انچب حقيرر ولك تروح
فدوة لترابةة كلب الا ادفعك الثمن غالي
وداعتةة هو الراح واخذذ فرحتي وياه
اذا ماخليتك تبووس ايدي ياا وليدد مااطلع
اني شفق بت علي
هام عليه يضربني لزمتةة امي
وليد :: سهاام هديني عليهاا خليني افرگ
حلگهاا العايقةة هااي ولچ تغللط علية هديني
سهام:: دعووفهاا خليت عقلك وياهاا شگتلك
اني وليددد
_اغلط عليك واخلي النعال بحلگك اذا عدت
هذا الحچي بعدد الااحرگك وانتَ ناايم
رد عليةة بعياط عبالو يخوفني بصوتةة
وليد :: ها سمعتيها سمعتيها تريد تكتلني
اذا صار عليةة شي ترة هية المسؤولة
سهام :: يبووو عله يومي دمشي وياي
تعال شلحيت وانتِ حسابي ويااچ بعدين
امششي كملي الغدةة يلةة
_اخذتة ودخلت للغرفة، غميتهم وگمت
رحت للمطبخ فتحت الجدر اممم مغيرة
اليووم مسوية شجر بعدها تفور والتمن
منگع اخذت خيارة وطماطة قطعتهن وحطيتهن
بخبزة وملح واكلتهن
رحت بدلت وصليت ونمت عبالهاا احضر
الغدة الهم ان شاء الله عمرهم مااكلووا
يومين مرت البيت ماطلعت من عندة
حتى شغل مادورت وامي تنگ فوگ
راسي ورجلهاا يذب حچي واني مطيتهم
اذان الطرشة اكل وانام
اليوم العصر سبحت وبدلت وطلعت
فلوسي حسبتهن مو هواي اقل400
ذني اذا اطيهن للمحامي يشمرهن بوجهي
همة كلة يحچوون بالملايين لعد شلوون
منين اجيب؟ خليتهن بحضني صافنة
فكرة تاخذني وفكرة تجيبني
سهام:: هااي منيلچ الفلووس؟
_فزيت علة صوتهاا واگفة بباب الغرفة
وتحقق وياي، بسرعة لميتهن وخليتهم
وراي مو مالاتي مال هدوء ضمتهن يمي
سهام :: اي مو غشيمة گدامچ تجمعين
بهالفلووس واني حسرة علية شگد گطعية انتِ
_طالعة عليچ، گتلچ مو مالاتي شنو اجذب
عليچ
سهام :: اي تجذبين يلة جيبهن محتاجة
غراض اريد اروح للسوگ جيبيهن
_تقدمت مادة ايدهاا تريد اطيهن الهة،
اهووو شبيچ يمعودة غير گتلچ مالات البنية
وخري عني هنة حتى ميسوون
وخرتهاا وطلعت وهية تصيح وراي
اذا عفتهن هناا اكيد تاخذهن رحت
لهدوء
اخذتني بغرفتهاا امهاا مو هنا ولاابوها وحدها
بالبيت چانت ضايجةة سالتها
شبيچ وجهج يبچي
هدوء:: اوووف عوفيني شفق مااريد احجي
والله چني ورطت روحي
_هاا ليش مو هذا شيخ گلبچ ولچ
هدوء :: ولچ كلامة وياي كلة بسامير
ويجيب وينصح بيةة عبالك ماافتهم
نوب دزلي الفيديو نلصمت ماعرفت
شجاوبة
_حچيت مستغربةة يافيديو
ردت بأرتباك
هدوء :: هاا هيج فيديو عوفيهاا
انتِ شبيچ ضايجةة
_ولو مااقتنعت بس يلة الزمچ الزمچ
ولچ مجمعة كم فلس وامي شافتهن
تعالي اطيهن اليةة يمعودة مو مالاتي
متصدگ
هدوء :: لعد مالمن
_شبيچ هدوء كلمن تنخطب تثول هيچ
مالاتي بس جذبت عليهاا
هدوء :: منيلچ؟
_حصلتهن بالاقمار لغسل لفهاوة كوون
هدوء :: ها من الشغل موو
_گلووووش واخيرا اشتغل عقلچ،
هااچ لزمي ضميهن يمچ عبالي هواي
اوكل محامي يفتح القضية من جديد
بس ذني يادوب تكسيات اروح وارجع
للمحكمة
هدوء :: شگد ذني
_400
هدوء :: المن ضامتهن يحضي اشتري
بيهن ونسي روحچ شايلة الدنيا
على راسچ عاد اخذيلچ تليفوون
_المثلي ماتتونس المثلي بيبتها
بدار العجزة وابوها مقتول واختهاا
ماتعرف وينها ماتتونس وفوگ كل
هذا بطلوني من الشغل
هدوء :: يااا عزززة بطلووچ ليش
ولچ شسويتِ؟!
_لأن مانطيت مجاال
هدوء :: شنوو يعني
_ نزلت دمعتي مهضومة يريد يزوجني بالسر
هدوء
هدوء :: اياا كلب صاحب المطعم مووو
_هزيت راسي أي هوو
هدوء:: الله يلعنة والله من اول ما شفتة
ماارتاحيت الةة الحقير شنوو صغير هوو
لو انتِ بعمرة
_هسة الهامچ العمر انتِ ولچ حچة وياي
بطريقة حسسني اني رخيصة لو جايني
باسلوب ويگلي اطلبچ من اهلچ حالي
حال كل البنات چان رفضت بطريقة
تخجلة
بس لاا يگلي دخلتي عقلي ولچ يريد
بالسر حتى اهلي ميدروون شنوو فرقي
عن البنات الموزينات هاا شنو شاف مني
والله حتى عيني ماارفعها اروح بدربي
واجي حتى كلامي قليل صحيح اني
مامحجبة بس محافظة على نفسي
مستحيل اسووي شي ينزل راس
ابوية بگبرة ليش هيچ فكر ليةة؟
هدوء :: ياا شفق تبچين مسحي دموعچ
وامشي وياي خليني اروح اشهرة واخزي
بمطعمةة هذا الشايب الادبسسز
_رادت تگوم سحبتهاا گعدي يمعودة
لاتكبريهاا نووب يروح يشوه سمعتي
بعدين انتِ صرتِ مسؤولة من رجال.
مو بكيفج تطلعين ورجلج صعب مبين
هدوء :: لعد سكتي لاتبچين من اشوف
دموعچ مااعرف اتصرف بعدد وعقلي
يعتزل
_هاي سكتت وخري خليني اتمدد
ع رجلج
هدوء :: تعالي يبعد عمري يروحلچ
سهام ورجلها فدوة
_تمددت بحضنها وهية تلعب بشعري
تذكيرن هدوء شنو چانت امنيتي من
اكبرر
هدوء :: ندخل جامعة اني ويااچ
نفس القسم ونفس القاعة ونتزوج
اخوان بنفس البيت
_چان كل عقلي بلة منين اجيب اخوان
سوية ياخذونةة حضرتچ اخذتي الشيخ
وأمنتي مستقبلچ واني ضليت تايهاا
حتى ماعندة اخوو وتمشيني براسة
هدوء :: ههههه لعد اني چانت اكبر امنياتي
كون مااموت واني بعدني مالابسة س...ان
چان بنفسي اجررب هذا الشعور
_ههههههه الله يطيح حضچ وحض احلامچ
وهسة تحققت امنتيچ
هدوء ::يبوو من زماان وهسة ماانام اذا
مااذبةة يخنگني واغم نفسي على احلامي
_ههههه اني ليش من اضووج اجي يمچ
تنسيني همي، بس انتِ صايرة كلش
لاتحچين ولاتسولفين شنو ولچ تخافين
احسدج
هدوء :: عليمن تحسديني يحضي
بس اني مااريد اشغل بالچ وياي البيچ
كافيچ
_شگد اكره الرسميات هااي صمي
حلگچ احسن
هدوء :: صميتةة
_ يلة اروح اني
هدوء ::ابقي يمي تعشي وروحي هسة
شعندچ مگابلة سهومة ورجلهاا
_احبهم مااگدر افارگهم، يلة بااي
هدوء :: الله ويااچ
_بوستهاا وطلعت وصلت للبيت
لگيت سيارة سودة مضللة بابنة
سرعت مشيتي الباب مفتوح وصوت
جااي من الصالةة دخلت
لگيت رجاال چبير بالعمر بس مداري
نفسةة ولابس قاط چاان يحچي وجهه
احمر وامي يمةة بدون لاحجاب ولاشي
ووليد گاعد من دخلت سكتوو
_خيررر شصايرر منو هذا؟
سهام:: رجل اختچ
_واحد وضربني براسي هذاا رجل
جوري زلمة اكبر من ابوية سمين
وجه املط لاشارب ولاشي الشعر مصبوغ
اسووود ثگيل دم مبين
صحت متعجبةة, هذااا زوج جوريي
عزززة بعينج يمةةة
تقدم علية عصبيي ويصيح
رافد :: اي اي اني شنوو مو بعينچ لو
ماعاجبچ
_لاوالله مو بعيني ولاعاجبني شتريد
تسوووي
رافد :: بعدين احسابچ هسةة گليلي
اختچ ووين وين اخذتيهاا احچيي
_شنوو اختي وين غير عندك شيحچي هذا يووم
سهام :: شمدريني اختچ وين مولية يگلي
گعدت الصبح مالگيتهاا بالبيت واجانة متخبل
_شنوو وين مولية شتعررف هيةة وشتندل
لزمتة من رباطة هو طويل رافعة راسي واعت
بيه واصيح
وين وديت اختي احچي شسوويت بيهاا
حقيرر هسةة تروح تجيبهاا لاتخليني
اقتلك هسةةة وينهاا
دفعني حيل وگعت وهو يصيح عليةة
رافد :: اختچ چنهاا فارة مااگدر عليها
مدللهلها دلال ويومية تريد تشررد هيةة
طبهاا مررض بس ابني ابني بطنهاا
وةلله اذا صار عليه شي الا احرگهاا
_شنوو ابنك اختي حاامل وين وديتهاا
وهي بهيچ ووضع ولك ماتگدر تسووي
شي من وحدهاا شسوويت بيهاا
رافد :: كافي صمي حلگچ گتلچ گعدت.
الصبح مالگيتهاا زوجتي هم ماشافتهاا
گلت اكيد اجت لهناا
_هاا زوجتك شوف وين ودتهاا يمكن
كتلتهاا وجاي هنا تغطي جريمتك
رافد :: انتِ شبيچ غبيةةة اني احبهاا
وابني بطنها شلون اكتلهاا والله مامسووي
شي الهاا يانااس ليش متصدگين
سهام :: كاافي شفق صمي حلگچ ديگلچ مامسويلها
شي يبستي حلك الرجال، عيني رافد وداعتك لو
جاية علينةة شتدري بية قابل اضمهاا عليك
هذا وليد گدامك اسألةة
وليد :: شسالفة حجي نگلك ماكو بس ولايهمك
اطلعها الك من جوة الگااع بس كلشي بحسابةة
رافد :: ادفع شتريد ادفع بس رجعهاا الية
_اباوع عليهاا يتزادون ويبعوون بيهاا
ماعبالك بشرر امي امي راح تخبلني
عطت بيهاا لچ يوووم شتحچين هااي
بنتج بنتچ مارف گلبچ عليهاا ماخفتِ وين
تكوون هسةة
سهام :: ساعة السودة لخلفتچن بيهاا
والله تعبتني گلت خلصت من وحدة
نوب نكست راسي مدري وين ولت
رافد :: اسمع وليد اني رايح وراح ادوور
عليهاا وأنت هم اعتمد عليك يلة رايح
اني
_طلع وهمة وراه واني گاعدة اباوع
عليهمم ومامستوعبة الوحوش البشرية
لگدامي رجعو دخلوا رافعت راسي
هسة راح تبقين گاعدة متسوين شي؟
سهام :: شسووي يعني شسووي
شنو طفلة وتايهاا اول وتالي لوتجي
لهنا لو ترجع لرجلهاا لا تبقين تعوين
_ولچ يمةة هاي جوري
سهام :: جوري صلفة سولف الرجال
سوالفها وكم مرة رايدة تشرد وشالعة
گلبةة متعافية اختچ زوجتهاا زلمة تحلم
بيه كل بنت
_ليش تشررد لعد اشايفة هناك وتريد
تشررد ولچ يمةة اختي شمسوين بيهاا
سهام:: شمسووين يعني بس هية عرمة
منين ماخذتهاا قابل الأخت والبيبية
_گمت لحيلي انتِ الكلام وياچ ضايعع
ومامنة فايدة اني رايحة ادوور اختي
بنفسي بس صدگي وروح ذاك العزيز
النايم بالتراب اذا صاير بيهاا شي
الا احرگچ انتٓ ورجلج ورجلهاا
قبل لاترد عفتهاا وطلعت امشي ودموعي
تنزل وين اروح وين ادورهاا ولچ جوري
عزيزة ابووية ومدللتة وينچ حبيبتي
الشارع فاارغ دنيا غروب الشمس جاي
تغيب وصوت الأذان ارتفع مريت
بالشارع المشؤم صرت اسمي لأن مايوم.
فتت منة وماصار بية شي
وصحيح بس دخلت امشي ع رصيف
طبگت يمي سيارةة نفتحت الابواب
نزلو ملثمين منهاا بعدني مامستوعبةة
تقدموو عليةة بسرعة قيدوني حاولت
اصرخ سدوو حلگي ادفر بيهم ماگدرت
الهمم قوتي لاشي يم ضخامتهم سحبوني
للسيارة وعيوني على الباب اريد يطلع
وينقذني بس ماكوو لحدما ابتعدت السيارة
وخلوه شي على خشمي فقدت الوعي
ومادريت بنفسي بعدد...
شكرا لزيارتكم عالم روايات سكيرهوم
