رواية متلازمة الحب الفصل الثامن بقلم جمانه السعيدي
هناء.... كوه كعدتها اكلت لكمتين ورجعت نامت
بقيت بقلق عليها خاف صاير وياها شي ما متعوده الكاها نايمه اصلا هي كلش حيويه
جنت من ارجع من الدوام توكف وياي بلمطبخ
تنطيني المواعين وتساعدني تشيل وياي الخبز
شجاها اليوم
تغديت وحدي وغسلت المواعين ونمت وياها بغرفتها
لان قلقه على وضعها
كعدت وياا اذان المغرب بعدها نايمه
وخالد لسه مارجع للبيت
صليت ورتبت غرفتي لان الصبح من اطلع يبقى خالد نايم بغرفتي من ارجع ارتبها
رتبت الغرفه وغيرت الفرشه وعطرتها
قبل ماكو تليفون محمول مثل هسه اذا احتاجيت واحد تتصل علي وتعرف مكانه
منا قلقه بسبب نوم بيداء ومنا خالد مو من عوايده يطلع ومايرجع
حضرت العشه وبقيت انتضره ماكوو
كعدت بيداء اطمن عليها البنيه مدري شبيها عبالك مخدره
اجيت ابدل حفاضته لكيت دم قليل
كومته وأخذتها للحمام سبحتها
هناء...شبيج اليوم ليش نايمه
بيداء....اسي ااودع( راسي يوجعني )
اني اانام
هناء...ليش تنامين كل اليوم نايمه
بيداء....نعسسس
هناء...لا تنامين يله تعشي وتعاي وياي انضف اريدج تتحركين شو اني خايفه عليج
تعشينا وبدينا نضف البيت بس بيداء تسحل بنفسها سحل
كلش قلقت عليها قررت اذا باجر ما تتحسن اخذها
اسويها تحاليل
هناء....هم اكلتي شي اليوم
بيداء...لا بث عثير عمو هاالد
هناء...عمو خالد جابلج عصير
بيداء....اي فد ديب
هناء....طيب بلعافيه وبعد شكلتي
بيداء...ماكو ثي بث عثير ( ماكو شي بس عصير)
هناء...وبعدين
بيداء...بعد مااعلف بث عثير
هناء....تمام
جمانه السعيدي
هناء بقيت كاعده للساعه وحده ونص وخالد مارجع للبيت
عندي دوام الصبح لازم انام حتى اكدر اكعد من وكت
بقيت احوس بلفراش للساعه ثنتين وهو مارجع
نمت بعد مااكدر انتظره اكثر
ثاني يوم كعدت مالكيته بلفراش يااا بات برا
ليش مارجع للبيت خاف صار علي شي لو حادث مثل ذيج المره
رحت كعدت بيداء تتريك وحتى اغير الها الحفاظ
كعدتها اخذتها للحمام
ماكو دم بلحفاظ ياا شعجب ليش ماكو دم
خليت حفاظ جديد
تشكي عدها ألم داخلي وماينزل عليها دم مثل كل مره
ليش هبج يمكن عدها التهابات ليش تشكي
لازم بيوم الجمعه اخذها اسويلها تحليل
اذا بقت تشكي هيج
كل ضني عدها التهابات داخليه
جبتلها شريط كبسول التهابات وانطيتها وريكتها
قفلت الباب وطلعت
هي عدها نسخه من المفتاح وخالد عنده نسخه
اكثر شي كان شاغلني بيومها غياب خالد المفاجئ عن البيت
كنت خايفه لا يكون صار علي شي
لان هو لايروح بيت خاله ولا عنده اهل
يعني وين راح
تفكيري بخالد شغلني عن التفكير بيداء
لان كنت احسب هذا مجرد التهابات لو تخربط بلهرمونات
سجلت حضور بلمستشفى وأخذت زمنيه وطلعت اريد اطمن على خالد
رحت ادور علي بمكان مايتواجد وياا اصدقائه
مالكيته رحت يم الكهوه اسئل عنه ماكووو
سئلت كالو روحي اكو مسطر بي عمال بلكت تلكي هناك
كلما ادور وماالكا اكول اكيد صار علي شي
لكيت واحد من جماعته بلمسطر
بس شافني اجا عليه
...هااا اختي تفضلي
هناء...ادور على خالد ماكووو من البارحه مارجع للبيت
...البارحه بات يمنا بلغرفه
هناء...وهسه وين هو
...بعده نايم بلغرفه
هناء...تدري شكد قلقت علي عبالي صار وياا شي
ممكن تجي وياي لان زحمه ادخل للفندق وحدي
...اي تدللين
اجا الولد يمشي كدامي دخل للفندق واني بقيت انتضره برا
...خالد خالد زوجتك ادور عليك
خالد...ياا زوجتي
خالد..هناء هاي شبيك خايفه عليك تكول خاف سوا حادث
اجت للمسطر ادور عليك بين العمال
جمانه السعيدي
هناء...بقيت واكفه تقريبا نص ساعه وهو مانزل
بعدين نزل من فوك عيونه حمر وشعره مخربطه عيونه منفخه من النوم
هناء....هااا خالد قلقانه عليك ليش مارجعت للبيت البارحه
رفع ايده حك وجها حك لحيته
خالد...ليش اجيتي
هناء...يااا ليش اجيت البارحه بقيت انتضر للثنتين
من رجعت للبيت ومالكيتك قلقت عليك
ليش مارجعت للبيت اكو شي صاير شي زعلان مني واني ماادري
خالد...لا مو زعلان بس حبيت ابقى وياا جماعتي
اتونس ومن شفت الوكت فات كلت ليش ارجع واقلقه
وهي عدها دوام الصبح
هناء...على اساس اني هسه ما قلقت عليك
بشرفي الف فكره ومصيبه اجت ابالي كلت خاف صار وياك حادث واني ماادري
خالد...لا مابيه شي جني حصان
هناء...البارحه أصعب يوم مر عليه امشي خل احجيلك
خالد...امشي يله شصاير
هناء...بيداء
خالد...شبيها بيداء
هناء....رجعت لكيتها نايمه وحلوياتها بمكانهن
مامتعوده ارجع الكاها نايمه بلكوه كعدتها تمشي خدرانه
النوب اجتها هاي الشغله
انت شايفها من تجيها شسوي بيه
بس البنيه هلمره مو طبيعيه
خلصت النهار كله بس نايمه اكعدها وترجع تنام
خالد...انتي كل المواضيع تكبرينها وتنطيها اكبر من حجمها
اني بقيت يم جماعتي برا البيت تكولين صار وياك حادث
هاي المسكينه نايمه كمتي تتخيلين قصص
بابا خلي المواضيع عاديه يعني واذا نامت شكو بيها
النوم هم تقلقين علي
هناء....مو هاي اول مره اشوفها هيج نايمه
خالد...نايمه مو مريضه نايمه مو مكسوره يابويه
كلشي تسوينه معضله
بابا بطلي
هناء...فدوه بعد لا تبات برا البيت مره ثانيه متت خوف عليك
خالد...هاي اخر مره بعد ما تنعاد
هناء...هسه وين راح تروح
خالد...ارجع للببت اسبح وابدل اتريك واطلع بلكت الكا شغل اشتغل تكسرت من كعدت البيت
هناء...اي حبيبي فدوه الكلبك دير بالك على بيداء
خالد.. انشاء الله
هناء...اني راح ارجع للمستشفى لان طالبه زمنيه
خالد...الله وياج
جمانه السعيدي
هناء من رجعت لكيت خالد نايم اصلا ما طالع من البيت
وبيداء كاعده على التلفزيون
حضرت الغده وكعدت خالد اتغدينا اني وبيداء نمنا
وخالد طلع من البيت
نزعت الحفاضه من بيداء لان كلشي ماينزل عليها
بس بقيت انطيها كبسول التهابات
ثالث يوم صارت احسن وبطلت تشكي من الالم الداخلي
كلت هاي هي التهابات وراحت الحاله
كلما اكعد خالد الصبح حتى يروح للشغل يكول عوفيني نايم تعبان مابيه حيل
بطلت اشغل نفسي خليه كاعد بلبيت على الاقل يدير باله على بيداء احسن ما تبقى وحدها بلبيت
اخاف عليها
كمت اكعد اتريك واريك بيداء واطلع اعوف خالد نايم
سجلت موعد الدوره الجديد على التقويم حتى لا انسى بعد هاي الحادثه تقريبا بااسبوع
رجعت للبيت لكيت بيداء تبجي وخالد مو بلبيت
بس وصلت طفرت عليه وحضنتني
هناء...يااا شصاير ليش تبجين خالد وين
بيداء...عمو هالد ااو اوو انا ااو وتاشر على بطنها
هناء...شبي عمو خالد
بيداء...انا انا اووو انا
هناء...سوالج اوووو ميخالف يلعب وياج
كل توقعي يلعب وياها وكرصها لو عضها بس ماادري شنو المصيبه
هناء...يلعب وياج
بيداء...بعصبيه لا لا انا انا ورفعت ثوبها طلعت رجليها
هناء....رفع ثوبج
بيداء...اااي ااي اواو
استغربت البنيه عيونها مورمه من البجي
وتاشر على جسمها شنو يعني خالد رفع ثوبها ليش
لا مو معقوله لا مايسيوها خالد
من اشارته على جسمها مبين قصدها خالد اعتدى عليها
معقوله خالد نذل الهلدرجه يستغل هاي المسكينه هيج
اثاري القصه شنوووو
خالد عاجبته بيداء وصار فتره يفكر شلون يقرب عليها
اول مره خللاها مخدر بلعصير
خله كميه جبيره مايريدها تحس بي وتفضحه
من كمل عملته انهزم خاف اشك بي
من لكاني مثل الثوله اركض ورا واريده بس يرجع للبيت
وخايفه على زعله
اطمن ما انكشف قرر يعيد هاي الشغله مره ثانيه لان عجبته اللعبه
بس يخلي كمية مخدر اقل
حتى لا تبقى نايمه واشك بلموضوع واخذها للدكتور
لان بلمره الأولى اني كتله خايفه عليها وراح اخذها للدكتور
ليش هيج نايمه
وتشكي من ألم داخلي
بما انها طول النهار كباله وبس هو وياها بلبيت
عجبته الشغله حيل
قرر يعيد الاعتداء عليها بس يخلي كمية منوم اقل من ذيج المره
حتى لا تنام مثل ذيج المره واشك بموضوعها
من خله كمية مخدر اقل
بيداء كانت واعيه بس جسمها ثقيل من المخدر
يعني حست بي وعرفت هو شجاي يسوي
طبعا هي ما تعرف العلاقه بين الرجال والمره بس حست هو جاي يسوي شي غلط
لان اني معلمتها ممنوع احد يقرب عليها
من خلص عملته عافها ومشى طلع من البيت
وهو متوقع هي خدرانه وماحست بشي
هناء...كمت اللطم على راسي صدك جذب
يااا حاميها حراميها صدك عود خالد اعتدى على بيداء
هذا شنو من نفس عنده
شلون اني مامنته عليها وعايفتهم سوا
وهو يستغل جسمها
كتلها تعاي وياي بدلت ملابسها بدون مااغسللها
اخذتها للدكتوره
فحصتها كالت هاي البنيه عدها جرح وعدها التهاب داخلي
شكد صارلها مزوجه
طبعا هي ماقبلت الدكتوره تقرب عليها بس اني الي رفعت ثوبها وبقيت احجي وياها لمن هدئت
بس فحصتها الدكتوره صرخت بصوت عالي
من سمعت الدكتوره تكول شكد صارلها مزوجه
كعدت بلكاع ولزمت راسي
الدكتوره...شكو احجي يمكن اكدر اساعدج
هناء...لا ماكو شي اختي عروس جديده وجنت خايفه عليها ممكن تسجلين علاج
دكتوره...اي هسه اكتبلها العلاج المناسب
هناء...جبتها الطريق كله ابجي اني شسويت بنفسي
اني شسويت بااختي
جنا عايشين ولله ساترنا اني هسه شحصلت
لا رجال بي خير ولا خلفه
والنوب هاي المسكينه اعتدى عليها
وللك ليش ماتخاف من الله
شكرا لزيارتكم عالم روايات سكيرهوم
