رواية المتمرد والصغيرة الفصل الثامن بقلم رسل
_____
يا فشلتي گبال روحي
چني ذاك الربعة ساطين
إعلة بيتة
_____
هيفاء :و اشترة هذا البيت من ابوية و انطا 900 مليون يعني هسة كلها كاعدة بخير ابراهيم بس حسن مرتة اهلها حالتهم زينة ومن مات ابوها اخوانها انطوها ورث گعدو ببيت وحدهم بس بنفس السلف
هيفاء :و اشترة هذا البيت من ابوية و انطا 900 مليون يعني هسة كلها كاعدة بخير ابراهيم بس حسن مرتة اهلها حالتهم زينة ومن مات ابوها اخوانها انطوها ورث گعدو ببيت وحدهم بس بنفس السلف
بس هسة عمامي بهاي السنة كالولة لو ترجع مرتك لو تتزوج و كالو خاف تصير مرة اب لجهالة ومتعاملهم زين و يدري بناتة ميكعدن راحة
ف قرر يرجعها بس كال طرشولهة اي زلة منها
تحسب حسابها تتطلگ وتنسة عدها ولد لو بنات
وزحمة ع الحرمة من تتطلگ مرتين
وكل يوم يگلولة يگلهم باجر نوب صارت سالفة حسوني الله يرحمة ونوب صارت سالفة الفصلية اخوية ابو سراب گال بس تشمروها براسي اني اطلع من العراق كلة و ما اسئل لا عل راح و لا ع اليجي و علي گال اني اخذهة بس مرتة كبل راحت لاهلهة
ودزولة طارش يطلگ تالي ابوية كال لابراهيم اخذها انتة سنة وردها لاهلهة ماخذين نظرة ع الفصليات مو حلوات ومحد ياخذهن واهلهن يشمروهن بس هسة اضنهم تندمو
-ابتسمت من بعد امي بس هيفاء سمعتني كلام حلو مرات الانسان من عندا شي غالي و مو كلها عندها مثلة ويشوف محد مهتملة يحس هالشي ما الة قيمة لان محد يهتملة
ف دائماً الكسرات تجي من الاهل اذا يعاملون بناتهم مثل الخدم حتلو هي تملك جمال الدنيا تحسة فاهي بعينها
و اكو اهلهن دائماً هم الي يخلوهن عدهن ثقة بنفسهن حتلو هنا مو ذاك الجمال يحسن ماكو غيرهن بالدنيا ف اول سبب خراب البنات اهلهن
اديان : اباوع للساعة بالسبعة يعني صارلنة ساعتين نسولف طلعت من غرفة هيفاء البيت فارغ دخلت سبحت اول ما طلعت من الحمام صار بوجهي ابو فهد هيج البيت كلة يسمي لذلك اني صارت عيني بعينة باوعلي بطرف عين وصعد الدرج اني احس حيلي راح صارت بثمانية اجتي فرقة بدر ما اشوف بس سواد العبي ترس الصالة
ناس تصيح مي و ناس تصيح جاي سويت ورحت قدمت الزلم كلهم اخذو بس النسوان نص اي و نص لا
ابوهم كالو زين باجر يطلع يعني اكيد باجر عزايم
وصدگ الله ما جذبني ثاني يوم صار غدة الة اول ما الة تالي و اجوي كرايبهم وكل ما وحدة تسئل دكول هاي منو البنية تجاوبهم سهام هاي الفصلية
اجتي مرة گالت صدقة لله هاي مني
سهام : حجية هاي الفصلية
- يا دهر هذا الجمال صار حظ ابرهيم والله مچنص الملعون
سهام : شجاچ حجية هاي الصفرة المسمومة حلوة
هو كلها تتمنا تروحلة فدوة
هيفاء: ليش شبيها مسمومة لو كلمن يشوف الناس بعين طبعة
سهام : هم حچت المطلگة
هيفاء : ليش انتي قبل اسبوع شچنتي
لو ما الناس الخيرة هم مطلگة بعدچ
سهام :المهم رديت مرت الشيخ
هيفاء : بس مو وحدچ خلي بالچ كلما تتباهين اكو شريكة وياچ صارت والسالفة البيها شراكة يصير لونها باهت
سهام : ما عا....
ابو فهد : هشششششش
و لا نفس التفك حلگها وحگ هو علي
اخليها بالجدر واشبع المعازيم بيها و انعل والديها
اديان : عزا انصدمت عبالي هادئ شو ذني سبهن ما حچن بلة اني فصلية مغلوب على امري راح للثلاجة شرب مي وطلع بس البنات الخطار الچانن بالمطبخ طگنها بضحكة وحدة دگول للثانية من سبچ ليش ما حاچيتي
-خية انا اخاف چا انتي ليش ما رديتي
- شني انا هم اخاف
ويطگنها ضحكة
ورا شوية دخل شاب هيچ عمرة فوك العشرين سلم وهن ردن السلام اني ما حچيت لان ماعرفة
حيدر : على كيفچ يابة السلام لله
-اني ما عبالي يحجي وياي لان مستحيل شنو هالميانة ضليت ساكتة
حيدر: ترى جاي احجي وياج مو وي الحايط
اديان : اني
سهام :عوفهة خوية هاي ثولة
حيدر : هي مني هاي ما تگلولي
سهام : الفصلية
حيدر : لا بشرفج ام فهد يعني هسة هاي مرة ابو فهد هضيمة وعلي
فدعة : خايب انا هم كتلهن قبل شوية هذا الحسن والجمال مو مال وااحد بناتة بكدها
حيدر : اي والعباس يمة
اديان : شفت الولد يباوعلي و مصدوم كملو الغدة و المواعين براس منو توكع ؟ اكيد براسي بديت اغسل بيهن من الثنتين الله شاهد بالخمسة يلة كملت و مرات الواحد من كثر التعب ينهضم
بحيث كملت المواعين الي يكلي شبيج اغرك الدنيا بالبچي رحت اخذت ملابس و دخلت للحمام سبحت و كملت دخلت للمخزن حطيت راسي على الزوالي بسرعة غفيت الساعة ب12 فزيت على ضربة
بخاصرتي شاغت روحي من الوجع
ام محمد : كومي لج ساق**
لازم ترديني اني اغسل اماعين العشة
-بس ترى ماكو داعي هيج تضربيني متگولين توگف كليتها
-يوگف كلبج ان شاء الله و ما اشوف طولج بالبيت
-ترى عيب عليج انتي مرة جبيرة
-ولج هاي عليمن بت الفگر
لزمتني من شعري وضلت تفر بية ضليت اصيح واحد يجي يخلصني ماكو لحد ما شفت ام محمد اندفعت ع الزوالي رفعت راسي هذا ابو فهد
ابو فهد : وحق من انزل القرآن يا بيداء اذا تمدين ايدج على وحدة محسوبة علية طلاگج ع ايدي يصير
-ضليت مصدومة اني مو هذا يكولون حباب بس فرحت بنفس الوقت وشون عندة جرأة هيج يحجي كومني من الكاع و اخذني لغرفة هيفاء دگ الباب عليها كعدت مخروعة
هيفاء : ها خوية خو ما كو شي
ابو فهد : لا بعد اخوج بس هاي العجوز حاطة كورها وي هاي الطفلة خليها بعد تنام يمج ذولة ذيابة
اديان : فرشتلي فراش و غطتني احس راسي راح يموتني من الوجع من وراها شلعت شعري عجوز البين
زين اذا نجي للواقع و نگول حقها زين اني شعلية هو ابنهم اجة تحرش بية يعني الثمن كلة اني دفعتة نوب اجي اتحمل الضرب و الغلط و الاهانة لان والله حقهم زين اني ما الي حق
نمت كعدت الصبح المواعين ع حطتهن غسلت ورحت للمطبخ بديت انظف بيهن نوب نزلت مرتة تسوي حركات عود تضوجني هي متدري بروحها جنها صخلة بس هو العقل زينة
كعدو كلهم بالمطبخ وهن بدن يسوون ريوك اني اني رحت نظفت الاستقبال و الصالة خلصو رحت نظفت المواعين هن بدن يسوون غدة واجتي سهام جابت 3 سلات ملابس
- يلا شرفي فصليتنة
- بس اني ماعرف اغسل ملابس
- اوييي ملابس والله شو غصباً ما عليج تغسليهن وتشريهن هم
- والله ما اعرف زين علميني واني اغسلهن
اشو هاي لزمتني من شعري وضلت تجر بي
- لج باعي هاي سوالف الحديثات ميمشن عندي علمود ترحين للشيخ دموعج تجري حتى يگلبج
ابو فهد : يا الللللللللله بدينة برحمة الله شبيج بابا جاهلة حاطة راسج براس وحدة بكد بناتج بس العتب مو عليج احجي وياج لو احجي وي مرت ابوي الحاطة كورها و كور هاي الطفلة بس قسم بالله اذا تضلن على هاي مشاكلجن ما اخسر شي بس طلقتين وافوخ راسي من هاي الحثالة
سهام : صار شيخ تامر امر بس والله اني ملتهية بالغدة و ما حاجيتها كتلة غسلي الهدوم شو هاي تولتني والله لو تموتين ما اغسلهن وهذني حيطان و رگعي راسج بيهن
انتي لو بيج خير جان ما رجعتيلة المطلكة الغوارة تقبلهاا شيخ اني هيج ينحجي علية
اديان : اني ضليت مصدومة نوب كامت تبجي حتى اني كمت اشك بروحي خاف صدك هيج كايلتلهة
ابو فهد : صدگ هذا الحچي لو لااااا
شدد ع كلمة لا
- لا عمو والله جذب
شفتة انصدم بس من شنو ما ادري
ابو فهد : اسمعن زين هي حجاية وحدة اني سوالف النسوان ما ادخل بيها بس منا و غاد ايدي و الضرب لان البيت و البي صرتو مثل الحيوانات محد يمشي الا بالضرب
- شو هذا يغلط وماخذ راحتة يعني شنو حتى ابو حيوان ؟
شكرا لزيارتكم عالم روايات سكيرهوم
