رواية عوده مستحيله الفصل التاسع بقلم جمانه السعيدي
نسرين...ثاني يوم كعدت بلعشره الصبح لان اليل كله مانمت
لكيت ام امل طالعه
بس امل نايمه يمي
كمت اريد اشوف رجلي
اكدر ادوس عليه توجعني شويه
لفيت رجلي بعلاكه جبيره ودخلت سبحت ولبست دشداشة ام امل لان هي ماقبلت تاخذه مني
غسلت دشداشتي وشريته على الحبل
امشي اعرج شويه شويه
رحت مشطت شعري وخليت شويه معطر من امل
ورحت للمطبخ الجبير
جمانه السعيدي
دخلت لكيتهن كلهن مخبوصات كل وحده لازمه شغله
ام امل ...ليش كمتي حبيبتي خل رجلج تصير زينه
نسرين...صباح الخير
ام امل...صباح الخير والعافيه
نسرين ...خل اساعدكم
ام امل خل اجيبلج ريوك تريكي بلاول
راحت جابت الريوك وجابتلي حليب كالت اشربي زين الرجلج بس خليت الحليب بحلكي
ام امل...اليوم ام عامر حجلت للشيخ عنج وكال خل تجي
اسمع مشكلته اني راسا شركت بلحليب لان بعدني مافكرت شراح اكووول
ام امل...اسم الله حبيبتي الحليب حار على كيفج
نسرين...كمت اكح وهي ضربتني على ضهري
ام امل...اني كلت للشيخ وكعت وهي تنضف بيت شاهين ونفطر كاحل رجله
الشيخ تخبل يكول مو عيب جايتكم ضيفه وتخليه تشتغل
ولله اذا سمعت بعد واحد مكلفه بشغل
مايلوم اله نفسه
نسرين...الله يحفظه ويطول عمره انشاء الله
كملت ريوك
نسربن ...خل اساعدكم
ام امل...اكعدي واسكتي الشيخ مايقبل
نسرين...اشتغل واني كاعده انطيني التمن الكطه
لو الخضره انضفه
ام امل...شنو رائيج تسويلنا كيكه بس كون جبيره
يعني تكفي للعائله كله
نسرين...احتاج قالب جبير
ام امل...هسه انطيج طشت مو قالب
جابتلي جدر فافون جبير يعني عريض بس مو كلش عميق
نسرين ..هسه اسوي احلى كيكه
ام امل ...هاي المواد كدامج ولا تبخلين بشي حتى تطلع طيبه
جمانه السعيدي
سويت كيكه عملاقة وطلعت كلش طيبه
للعصر ام عامر كالت اريد ام يوسف تنضف البيت
ام يوسف وحده من النسوان الي تشتغل عدهم
كتله اني اروح اساعدها
ام امل..اكعدي خل رجلج تصير زينه
نسرين ...ماأحب اكعد ابد
اشتغل على الخفيف كلش
دخلنا للبيت الجبير هاي ثاني مره ادخل الهذا البيت
ام يوسف بلشت كنس ومسح
واني المع بلاخشاب والأثاث
واني اشتغل شفت ام عامر قفلت الكنتور وخلت المفتاح
بتعلاكة الملابس وخلت فوكه دشداشه
اني ماكنت اقصد اراقبه ابد
بس البيت كله مرايات وين ماتكونيين تنعكس الصوره
حتى غرفة النوم هم كله مرايات
اجت عيني عليه وهي تعلك المفتاح
سئلتني ام عامر شبيه رجلج
كتله انضف وطلعت عليه حيه خفت وردت انهزم ووكعت
والتوت رجلي
كامت تضحك تكول بعدج مامتعوده على المكان
احنا متعودين نشوف اشكال كل يوم يجن من البستان
جمانه السعيدي
كملنا ترتيب وطلعنا من البيت
بليل طلعت كعدت على الحشيش برا
واني افكر لو الصبح الشيخ مصمم يشوفني
واني بعدني مااعرف شكول وشحجي
شنو العذر الي راح احجي
فتحت الفوطه خليته على متني ولميت شعري وقرصته
سمعت صوت من وراي
...ززززينب ششششلونننج
التفت شاهين وراي راسا عدلت الفوطه على شعري
وحاولت اكوم
شاهين...اااكعععدي اااارييييد اااطممممن ععععلييج
شششللللون صصصصرررتي
نسرين...الحمد لله صرت احسن
قرب ووكف بصفي
ردت اكوم استحي منه هو واكف واني كاعده
وكفت ونكتت دشداشتي
شاهين...ااااي وقت تحتاجججججين ااااييي شييي
ااااني موووجود ااانتي تاااذيتتتي بسسسبببي
نسرين...لا شلون بسببك اني تأذيت بسبب الحيه
هو راسا ابتسم
الابتسامه ياناس مو طبيعيه
نسرين...اعرف تضحك عليه بس ولله اول مره بعمري اشوف حيه شايفته بس بلتلفزيون
من شفته كدامي انصدمت
حتى من وكعت على رجلي ردت اكوم واشرد
كلت بس يضربه تنهزم وتطلع وتجيني
كمت ازحف من الخوووف
شاهين....ههههه ههههه هههه لللليششش ههههيج تخاااافين
نسرين...انتم متعودين وعايشين هنا من زغار
اني ماشايفه هيج اشياء ابد كلش اخاف
شاهين...اااانتي ااااسمج ززززيييينب
اشرت براسي اي
شاهين...حححححلووووو اسسسسمممج
نسرين...شكرا انت هم اسمك حلو
البقيه بحياتك ولو متاخره
شاهين...حياتتتتتج البببباقييه
جمانه السعيدي
نسرين...انت تدرس
شاهين....سسسسنه ااااخخخيره معهدد ننننفط
نسرين...هسه عطله يعني من يبدي الدوام هاي السنه الاخيره
شاهين...اااااي وووانتي
نسرين ...اني السنه رسبت سادس وهاي السنه الثانيه اعيد
شاهين...لييييششش صعععبه
نسرين...لا ولله مو صعبه ثوله حشاك مااحب المدرسه
لو شاده حيلي جان هسه ناحجه سنه ثانيه كليه
لو معهد بس يكول ابو المثل الي مايعرف تدابيره حنطته تاكل شعيره
اني ضيعت الحنطه والشعير
شاهين...بعددددج زغغغغيييره
نسرين...الله كريم
شاهين...اااني اااجيت ااطمن علللليج ااااذا تتتحتاجججين ششششي ااااني ممموووجود
نسرين شكرا تسلم
راح شاهين واني عيني بقت ورا
شكد شخصيه وهيبه حرامات كلامه هيج
صدك لله في خلقه شووون
جمانه السعيدي
بليل اجت ام امل جابلتنا عشى وكعدنا نتعشى اني وياها وامل
وحجيتله المكالمه الي سمعته البارحه
راسا ضربت صدرها وكالت يايمه نوت تموت الولد
نسرين..قصدج شاهين
ام امل ...اي ولله شاهين راح اضيعه مثل ماضيعت امه
انتي ماتعرفينه شكد قويه محد يكدر عليه ابد
سلطه وفلوس والشيخ يصدك بيه
نسرين...والحل شنو هذا الشاب شنو ذنبه يضيع بسبب غيرته من امه امه ماتت بعد شتريد
ام امل...كلشي مانكدر انسوي ابد بس نتفرج بعيونه وبس
اي واحد يحاول يخرب خطته
راح ادمره دمار
نسرين...شلون نسكت خطيه شاهين
ام امل...مابيدنا شي ابد
حكم القوي على الضعيف
بليلته ماكدرت انام بس افكر شلون شاب مثل الورد
توا فقد امه وبعدا حزين عليه
يفقد عمره علمود زوجت ابو تغار من امه الميته
ولله مااعرف هاي الناس شلون تفكر
قابل راح تأخذ هاي الفلوس والاملاك وياها للكبر
امه ماتت خلاص عوفي بحاله
قابل بيش راح يأثر عليج هذا المسكين
اني لازم اساعده كد مااكدر مستحيل اعوفه تاذي
جمانه السعيدي
ثاني يوم كعدت رجلي احسن بس الصبه موتتني
رجلي تحكني من ورا الصبه
والدكتور كال اسبوع يله افتح رجلي
بهذا اليوم ماشفت شاهين ام امل تكول راح الامه للنجف
خطيه يكسر باب الكلب
رحت البيته نضفته وغسلت ملابسه ورجعت
ثالث يوم ماشفته تعبان ونايم
بليل اجا ودك باب بيت ام امل
فتحت الباب شفته
عدلت الفوطه
نسرين...هلو شاهين
شاهين....شششششلللوون صصصرتي
نسرين...الحمد لله
شاهين...ههههاي هههددديه شششفتتتج بننفسسس الملاببببس وجبتللج هههههديييه مممن ااالزياااره اااقبلللليه مممنننني
نسرين...اخذت العلاكه وكتله شكرا
شاهين...ااااني اتتترخص اااخذيي رررااااحتتتج
راح واني فتحت العلاكه دشداشه مخصره كلش حلوه
وياها شال يخبل
فرحت لان ذكرني ياربي شنو من كلب شايل هذا الانسان
دخلت سبحت وكشخت بيهن يخبلن عليه
اجت ام امل ...الله الله شنو هذا الجمال
نسرين...شاهين ذكرني وجابلي ويااا من الزياره
يمكن يحس بالذنب لان نضفت بيته ورجلي اتاذت
ام امل...هو شاهين ماكو منه كلبه مثل كلب امه
حنيين وطيب
شكرا لزيارتكم عالم روايات سكيرهوم
